دعواتكم لزميلنا المفكر د.الباقر العفيف بالشفاء العاجل
|
|
 ناس الزقازيق ... أجدع ناس (6)
|
أهلي ... اخوتي ... احبتي.... يا اجدع ناس
ليس بأحسنكم ولا أخيركم لتولي هذه المهمة ...
ولكني من ضمن الذين يحاولون دعم هذا البوست
بوقتهم و مشاركاتهم...
ليكون منارة في إرساء دعائم التواصل بين زملاء الدراسة بالزقازيق خاصة ...
و جمهورية مصر العربية عامة ...
أخذت على عاتقي المسؤولية بمواصلة فتح الجزء السادس من هذا التلاحم
والتواصل الذي أول من ارسي دعائمه ولدنا العزيز عصام دهب ...
له منا كل الشكر والتقدير ...
ولم يبخل أيضا الريس ميسرة سيد أحمد بالوقت والجهد ...
وبدعائه اليومي ليجعل هذا التلاحم ... مستمرا ... في دورة الثانية ...
وهذا كله لم يكن ممكنا ... لو لا مساهماتكم ومشاركاتكم الثرة ...
وبها يتواصل هذا الصرح الاجتماعي ...تعميقا لعلاقاتنا ...
وامتدادا لتعايشنا الذي بدأناه هناك .... بالزقازيق
حتي صارت لنا – و بكل فخر - نافذة ثابتة بسودانيزاولاين
وبالتالي الشكر كل الشكر لاسرة سودانيز اولاين ...
متمثلة في شخص المهندس بكري أبوبكر ...
الذي لم (ولن) يبخل بدعمنا ليتواصل هذا التلاحم الذي نفتخر به ...
بسم الله الذي بدونه يكون كل شيء ابتر ...
نبدأ مشوارنا مع الجزء السادس ...
تمينا واتلمينا ...
بحبنا أدهشنا الحوا لينا
اتعاهدنا بقلوبنا و ايدينا
لازم نواصل الي بدينا
زمام المحبة مأصل فينا
من يوم الدراسة مبارينا
وليوم الساعة ما بجافينا
وفي حوشنا الوسيع بنواصل تلاقينا
بحصن يسن ياربي نجينا
من كل حاقد امرد معادينا
و به احفظ كل محبينا
[email protected]
|
|
 
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
مع تثاقل خطوات سنة 2012 وهى تغادرنا بكل ما فيها من اتراح وافراح ، غرائب وتناقضات وصلت بالبعض الى ادعاء نهاية الدنيا أواخر ايامها ،
ولكن كل من ادعوا ذلك نســوا او تناسوا ( غفر الله لهم ) ان للكون رب وللساعة صاحب يعرف وحده ايان مرساها ..
ومع هبوب نسائم 2013 وهى تهفو نحو دنيانا يافعة رشيقة القد والقوام تحمل فى مقلتيها دعواتنا وامنياتنا بأن يجعلها الله سنة خير
وسلام وحب ووئام للبشرية عامة ..
مع هذى وتلك تلتقى جموع الزقازيقاب .. أحـــلى وأجدع وأروع ناس ترفع الأكف بالدعاء الصالح وتتشابك ايادى أفرادها رجالا ونساء
تعتلى هاماتهم رايات المودة والمحبة التى ربطت اجيالهم المتداخلة والمتعاقبة لأكثر من ثلاثون عاما .
نلتقى كما اعتدنا كثيرا التلاقى فى مناسبات كثيرة كنا نحتال فيها على الزمان فى صنعها .. كى نجسد اللقاء الروحى اسفيريا ..
ولعمرى فأن له مذاقا لا يقل ابدا عن التلاقى الحقيقى .
نلتقى اليوم أحبتى لنواصل مسيرتنا فى هذا الموقع الحبيب سودانيزاونلاين وهو الذى اصطلحنا على تسميته بالحوش الكبير .. ب
اعتباره البيت والحضن الجميل الذى تنادينا جميعا للالتقاء فيه ..
| |
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
نلتقى اليوم لنودع رئيسنا الجميل ميسرة سيد احمد الذى انهى دورته الناجحة فى قيادة هذا البوست
بعد ان أسهم بأسلوبه المميز فى الحفاظ على ترابط وتماسك نسيجنا الجميل .. نودعه ونقول له ..
الله لا جاب يوم شكرك ابا منذر
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
سلام و أحترام ..
لكم يا ياسر ..
و لكل الأحبة الزقازيقاب ..
و أنت أهل لهذه المهمة ..
و بإذنه تعالى خير خلف ..
لخير سلف ريسنا الرائع ميسرة ..
الذي وفى و كفى ..
و بإذن الله ستمضي مسيرتنا ..
و يستمر تواصلنا ..
و يبقى ..
ويدوم الود ..
فشكراً ..
شكراً و حمداً ..
لله تعالى ..
الذي جعل هذا ممكنا..
ثم
شكراً لأحبتنا الزقازيقاب ..
و لأصدقائنا ..
و كل من يتواصلوا معنا ..
ربنا يعينك و يوفقك في هذه المهمة النبيلة ..
أخي ياسر ..
و هممكم يا أخواتنا و يا أخوانا ..
و يلا شدوا أوتار القلوب ..
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
عام جديد وربان جديد وسودان جديد
أجدع ناس:-
عندما تحصل على أصدقاء يخافون عليك
يسألون عنك بلحظه غيابك ..
يحزنون لحزنك .. يفرحون لفرحك
يشتاقون لرؤيه بسمتك
حتماً أنت زقازيقي ،،،
فأننا سعداء ومحظوظين عند الله
فقد وهبناهذا البوست الذي يعيد للقلوب صفائها
وها نحن نودع عام ونستقبل عامل جديد ولا ندري ما إذا كان لعمرنا بقية
وتحتفل السودان بعيد إستقلالها وهو جريح اللهم ضمد جراحه وشد من أزره
التحية والتجله للريس قائد البوست ياسر نجيلة والملقب
بشاعر البوست الكبير ،،،،
إلى الأمام ودعوة للطيور المهاجرة
معلق انا على مشانق الصباح
وجبهتي –بالموت-محنية
لانني لم احنها حية
يحملها الذين يولدون في مخادع الرقيق
والبحر كالصحراء لا يروي العطش
لأن من يقول "لا" لا يرتوي الا من الدموع
فلترفعوا عيونكم للثائر المشنوق
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
صبحكم الله بالخير
ولدنا الحبيب ياسر نجيلة...
اختيار صادف أهله و أثلج صدري...
فأنت طالما كنت ترفد هذا البوست و تلونه بجميل الكلام و أحلى الصور...
و ما البانورما التي كنت تتحفنا بها ببعيدة عن الأذهان....
حباك الله بجاذبية و قبول و قدره على التعامل مع الجميع...
سعيد جدا بتوليك المهمة من بعد الريس ميسرة...
الذي تفانى رغم مشغولياته في دعم مسيرة التواصل...
و حرص على أن يكون البوست دائما في الصفحة الأولى...
نشكر الريس ميسرة و من قبله الشكر لعصام دهب رائد البوست و ربانه الأسبق...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
تم التنبيه فى الحفل على ان آخر يوم لاستعمال العملة القديمة بعد ثلاثة ايام حيث يتم تجهيز
العملة الجديده بصورة الرئيس نجيلة ( ماشية معاهو حلاوه شكلو حيبنى لينا مجمع الفلل بسرعة )
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
أأأأأه ياســر نجيله ... حكاية جميلة أدعى بأن تحكى للجميع ...
ولكن لعل المحتفى به أقدر منى ان يفصح للجميع بأسلوبه وسلوكه
وتعامله عما تحتويه شخصيته المتميزة من جماليات أثق تماما انكم ستتسابقون
فى الحديث عنها وانشاد ابيات الثناء عليها .
وداعا ايها الرئيس ميســره ومرحبا بعودتك الى صفوف الجند
ومرحبا ايها الرئيس نجيله ودعواتنا لك بالتوفيق ودورة ناجحة باذن الله .
| |
|
|
|
|
|
|
|
|
 Re: ناس الزقازيق ... أجدع ناس (6) (Re: حيدر حسن ميرغني)
|
لكم الحب و الوفاء و الود .... ربنا يحفظكم جميعا" و تدوم بيننا أواصر المحبة و القوة ... و الي الأمام دوما" إنموذجا" للبنيان الواحد القوي الذي يتشابك .... بالأخوة الصلبة .... وهنيئا" لنا بياسر ..... لتنجيل دواخلنا .... و زيادتها بهوا" و إخضرارا" ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
كل سنة وانتوا أطيب واحلى وأجدع
يا أجمل ناس.
شكرا ريسنا السابق ميسرة
وريسنا الأسبق دهب
وألف مرحب بالريس الجديد شاعرنا وحبيبنا نجيلة
تنمنى أن تكون أيام البوست وأعضائه كلها خضراء
كخضرة نجيلتنا ياسر.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: Hatim Gubara)
|
عام جديد وربان جديد وسودان جديد
أجدع ناس:-
عندما تحصل على أصدقاء يخافون عليك
يسألون عنك بلحظه غيابك ..
يحزنون لحزنك .. يفرحون لفرحك
يشتاقون لرؤيه بسمتك
حتماً أنت زقازيقي ،،،
فأننا سعداء ومحظوظين عند الله
فقد وهبناهذا البوست الذي يعيد للقلوب صفائها
وها نحن نودع عام ونستقبل عامل جديد ولا ندري ما إذا كان لعمرنا بقية
وتحتفل السودان بعيد إستقلالها وهو جريح اللهم ضمد جراحه وشد من أزره
التحية والتجله للريس قائد البوست ياسر نجيلة والملقب
بشاعر البوست الكبير ،،،،
إلى الأمام ودعوة للطيور المهاجرة
معلق انا على مشانق الصباح
وجبهتي –بالموت-محنية
لانني لم احنها حية
يحملها الذين يولدون في مخادع الرقيق
والبحر كالصحراء لا يروي العطش
لأن من يقول "لا" لا يرتوي الا من الدموع
فلترفعوا عيونكم للثائر المشنوق
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
و بفكرك ووعيك ياريس ... على سبيل الانشودة المايوية
كل عام وانتم بخير احبتي وجعل الله هذا السفر كتابا موصولا وحبلا ممتدا ووعاء ممتلئا
بفكركم ومحبتكم وان يديم الله عليكم الالفة والمحبة في رحاب امتع واروع ...
ومثل ما انتم تستشرفون حقبة جديدة نتمناها مفيدة نافعة ....
نسأله سبحانه وتعالى ان يهيي لوطننا الحبيب امرا يكون به خلاصه وانعتاقه
--------
و ديشااااااااااااااك
حنين وسناء وقيس وانا زاتي ....
مرة واحدة ما بنقدر والله براحة علينا بالله
-------
تحية خاصة نسوقها للريس ميسرة ... شكرا ياريس على المجهود والوقت
ويا ريس نجيلة ولاية موفقة ان شاء الله
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: جلال عثمان)
|
تواجدكم دايما جميل ...
حضروكم يثلج الصدر ... ويندي له الجبين ...
يا من تشكلون الماضي الجميل ...
وبلسم الحاضر ... والمستقبل الآمن النضير ....
وجودكم واحة ... وتلاقيكم راحة ...
وعبق تلاقيكم اين ما اجتمعتم ... له بصمة وبعد خاص ...
ياليت لو يتم ينصيب كل يوم ريس ...
حتي يتشط البوست من عقالة ...
ويركض صفحتين بل خمس صفحات كما الآن وكما كان بالاول ...
جايكم ... اكتر من الاول ...
وسعيد ونشيط ... لتفاعلكم ...
شكرا لكم ... كلكم ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
أجدع ناس يا أحلى ناس..
تحياتى لاعضاء المنبر فى حوش الزقازيق ولكل الزقازيقاب أينما وجدوا..
ومرحبتين حبابك أخونا ياسر نجيلة فى قيادة الركب وربنا يوفقك ومزيد من الاعضاء فى هذا الربع الجديد للمزيد من التواصل..
وأنت أهل لهذه الثقة من الرفاق، تمنياتنا لك بالتوفيق وسنعمل كل ما بوسعنا لنكون عوناً لك باذن الله لاجل صفحة مشرقة ومعطاءة..
تحياتى موصولة للريس ميسرة ذلك الانسان الذى أشرقت سماء الزقازيق بحضوره فى ذلك العام الذى لاينسى (83 _84م)..
ما زلت أذكر ميسرة البرلوم ونحن نستخرج أوراق مغادرتنا للزقازيق الحبيبة، ولن أنسى ما كان يردده عنه كبار المستقلين حينها:
سأكون خير خلف لخير سلف، وصدق ما عاهد عليه بل أكثر فكان الحوار الغلب شيخه..
وجدته هنا منذ قدومى للمنبر ريساً يقود الركب بالحب والالترام ، بالدعاء والاحترام، فدعاؤه كانت بركاته تعمنا بترديد ما يكتبه الريس..
لكم جميعاً حبى وتقديرى وكل عام وأنتم بألف خير وربنا يحقق الامانى
ولولا أننى لا أود إفساد هذه الليلة على من يحبون الاحتفال بها لواصلة لكم ما بدأته مع الريس ميسرة من توثيق عن حفلات الزقازيق، ولكن سنواصل ذلك الخيط مع زكريات الزقازيق الجميلة..
وهذه دعوة يا ميسرة بنقل بعض الاقتباسات من الصفحة رقم (10) من الربع السابق لنكمل ما بدأناه من توثيق لذكريات الزمن الجميل وأدعو الجميع الى المشاركة بقيادة الاخ ياسر ..
وللجميع خالص الود والاحترام
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: إحسان عبد العزيز)
|
يا سلالالالالام على هذا اليوم الجميل
حقيقة يا ريس .. الخريف اللين من بشايرو بيّـن
وكما قال الحبيب جلال فان ظهور كثير من الطيور المهاجرة والمبتعده لمدة طويلة من البوست ..
افرحنا كثيرا وأثلج صدورنا ... وهو بمثابة استفتاء حقيقى على محبة الجميع لهذا الملتقى والتلاقى
ونتعاهد جميعا على ان نعيد للبوست سيرته الاولية ...
ايام كنا نتنافس ونتسابق فى قلب الصفحات ...
ونسأل الله ان يرد غياب اخوتنا فى الداخل الممنوعين من التواصل بأمر الجلادين اعداء الاخاء والموده
وأحيى فى هذا الاتجاه اخوتنا الصناديد .. الكوتش محمد صديق والمناضلة احسان عبد العزيز
الذين نجحا فى كسر قيود الظلم
وتحية خاصة لاختنا الرمز والعلامة ... احسان
وحقا نحن نفخر بأنك منا .. الله يحفظك ويقويك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: Dr.Elsadig Abdalla)
|
ما اجمل ان تجد نفسك وسط أناس تحسهم
و يحسونك تألفهم و يحبونك فردنا للجميل أن
تعشقهم و تتمنى ان تقضى باقي العمر بينهم لتسعد
بهم انتم اجمل هدية من الرب اهلي الزقازيقاب .
نسال الله ان يديم افراحكم و يسعدكم اينما كانت
قبلتكم .
فالشكر لمن تحملوا عنا المشاق بدءاً بصاحب
الفكرة الذي جعل تلاقينا ممكنا فلك التحية اخي الدهب .
و كم قسينا عليك رئيسناميسرة فأنت كبيرنا في كل شي
فاعفو عنا و لا نستطيع ان نفيك حقك نسال الله ان يجزيك
عن اهل الزقازيق بقدر صدقك و تفانيك و صبرك .
و التحية للولد الجميل ابو احمد نأمل ان تكون لحظات
قيادتك لصفحتنا كلها سعادة و تحقيق لاحلام عراض وان تعود
لسيرتها الاولي نلتقي الاحباب عبرها دوما و نقول لك سوف نشد من
أزرك و نكون لك ساعدا أيمن نسال الله لك التوفيق دوما فأنت
شيال الحوبه .
التحية للرجل الراقي حقيقة انت واهب الحب والجمال والسعادة
لهذه الجمع الكريم فأنت العيد يا عيد بكم سعدنا و طربنا
لابداعاتك و سحرك العجيب سلمتك يداك و ابقاك ربي ابدا مبدعا
ناشرا للجمال اينما كنت اكرر لك شكري و تقديري لمجهوداتك .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: موسي عيسي)
|
صباح الخير ،،، يا وجوه الخير
مضى عام وعاد عام جديد،،،
فبأي عيد عدت يا عيد
تغمرني سعادة عامر وإحساس جميل بعودة ناس كثيرين
إلى هذا الجمع الرائع وأجزل الشكر لسنيرنا المناضلة الجسورة
إحسان عبدالعزيز والتي تعلمنا منها الكثير والكثير واشد من أزر
أخي الفنان الكبير محمد عيد والذي إستجاب فور سماعة بتنصيب الرئيس الجديد
ونعتذر نحن (عائلتي) بأننا في هذا التنصيب الجديد لم يكن لنا دور ما حدث في ا لسنوات
السابقة والإحتفالات الكثيرة حيث لم نكن جاهزين حسب ما طلبنا من الأستاذ بكري بنقل
البوست لربع آخر ولكنه لم يستجب ،،،،
لكم مني كل الود وأحبكم جميعاً ،،،
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
سلام وتحية لاحباني ناس الزقازيق الطيبين
بعد طول غياب عدت اليكم وكلي امل في التواصل
مبروك عليكم العام الجديد وللسودان العزة والكرامة
وارحب بالريس الجديد ياسر نجيلة ونتمنى له النجاح
واشكر الريس ميسرة (زوجي) على المجهود الجبار السابق ونقول ليهو واصل
والشكر موصول لمحمد عيد ياها المحريه فيك ومعليش انحنا السنة دي
لم نجهزة لهذا الاحتفال لضيق الوقت ، وايضاً انشغال بنتي محسنة
بالإمتحانات وهي عضوه في هذا البوست ومشاركة قوية في جميع الإحتفالات السابقة
كل عام والجميع بخير ونشكر مهيرات الزقازيق وعلى راسهم السنير احسان عبدالعزيز
وسناء الصباغ على دوام التواصل .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: مني يونس)
|
صمتاً أخوتي لأحكي قصتي
يوما ما حضرت إلى مدينة جديدة صغيرة خلتها بعيده ، فكنت خائفة ثم التقيت
بأشخاص ظننت بأنهم سوف يصبحوا أصدقائي ، ولكن حين عاشرتهم عن قرب
صاروا أقرب لي من روحي ومن ثم صاروا أهلي وعشيرتي ثم أنجبت أطفال فصاروا
زقازيقين بالميلاد .
ومضت بنا أيام أجمل من أن تصوغها كلماتي
لقد رحلت يا ديسمبر ولكن رجائي في يناير أن يخبرهم إني فخورة بمعرفتهم
وصحبتهم الجميلة. كل عام والجميع بألف خير وخير
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: مني يونس)
|
سلام يا أجدع ناس و كل عام و أنتم أعز ناس ..
و حفظكم الله تعالى و من تجبون بحفظه ..
و أجزل عليكم من فيوض خيره ..
و أمنياتي لكم بأعوام سعيدة و أعمار في الطاعات مديدة ..
و تلبية لدعوة أختنا منى فقد ذهبت إلى منبرنا ( ناس الزقازيق ) ..
و لا حظت أن البوست الأول الذي بدأنا به هذا التواصل غير موجود ..
لا في منبرنا و لا أرشيف منابر الأعوام السابقة ..
آمل منكم الإهتمام بهذا الأمر ..
و حبذا لو أستعدينا لمثل هذه الحالات ..
بالإختفاظ بنسخة إحتياطية من كل بوست عند الأرشفة ..
و آمل منكم الكتابة جميعا مخاطبة الأخ / بكري أبو بكر في هذا الشأن ..
و معا لمزيد من التواصل الجميل النبيل ..
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
| Quote: عصام دهب قووول بسم الله |
النضيف .. إزيك ياخي و كل سنة و أنت و العيال و أمهم و مامتك و كل من تحب بألف خير و صحة و عافية و سنة سعيدة و حلوة و سنوات قادمات أسعد و أحلى عليكم ..
ثم .. بسم الله ..
| Quote: البوست موجود و ختيتو انـتـا برااك فى مقدمة الجزء الثالث |
تعرف يا نصيف أنا مشيت أفتش ليهو في نمرة ( 2 ) دة ..
ناس الزقازيق ... أجدع ناس ..
و قمت لقيت لي رابط للبوست الأول ختيتو أنا ذاتي ..
أها لما ضغطت عليهو .. قام زهج و صرصر وشو و قال لي ..
Quote: Could not find topic
Topic: 1198222600 |
و مع إنو أداني خيارات ، لكني ما أشتغلت بيها ، لأني قلت إذا أب صلعة قال مافي تاني يعني حأسأل منو ..
طوالي جيتكم طاير و لسان حالي يلهج ..
ألحقني يا حليب السعودية ..
| Quote: عشان كده قلنا الواحد لما يعدى الخمسين يسلم السلطة سلميا" |
نسأل الله يبلغنا لها ـ و كل الما بلغوهاـ و جميعنا تامين و لآمين و في أتم صحة و عافية ..
و يا حبيبي العمر يبدأ من هنا ..
خليك مع الزمن يا عمك ..
Quote:
اوع تكون فتحت نار فى اب صلعة .... |
صدق .. قربت .. لكن الله شافو بس ..
يلا خلينا في المهم .. شايفك بقيت تفهم كتيير في التقنية و بتعمل حركات بتاعت ناس حرفا و كدة في البوستات .. يلا شد همتك و أنقل لينا أول بوست في السلسلة ناس الزقازيق ... أجدع ناس .. إلى منبر ( ناس الزقازيق ) ..[/green]
ـ
ياخي مشتاقين ..
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عصام دهب)
|
قاعدين , تجننوا
ما فيشين , تحننوا
لذيذين فى الحالتين
من نافلة القول ان نجزى الشكر والعرفان , لعصام دهب , وميسرة
وكل رواد هذا البوست الأوائل
البوست ده , ياهو حصالتنا , البتلحقنا فى ايام فلسنا العاطفى المتواتر والمستمر
ياسر نجيلة والله العظيم اختيار اكثر من موفق
فعلا يا عصام دهب , تداول سلمى حبى للسلطة , مدهش وجميل
ولأن الهدف , سلطة محبة , وسلطة وئام , وسلطة تواصل , وسلطة انسجام
(هسى يجينا الرشيد وجلا , ويقولوا السلطة المافيها طماطم دى , يسووا بيها شنو )
فان انتقال السلطة الحبى ده , يتم بالتعازم , وعليك الله , والنبى فيك
ويجينا الزول الجديد , يضرب لينا من امثلة التفانى والحب , مثلما فعل ود دهب عصام , وود سيد احمد ابراهيم , الريس ميسرة
السهيلى مجذوب , وحيدر حنين , وسيدة الزقازيق الأولى منى يونس , وجلال عثمان , وسناء الصباغ , وحاتم جبارة
رجعتوا للبوست لون الجمال , ورفدتوهو بقطرات الندى ,
ياسر نجيلة , تصدق الأشراف على بوست زى ده , لايق عليك جنس لياقة
ياخى ده انتا مفصل عليهو تفصيل
وكمان لو خليت محمد عيد العزابى ده , يتفرغ لينا شوية ؟؟؟
سنة تلتاشر , خضراء وجميلة , ما دام ريسنا نجيلة
وقت القطرات , عدى وفات
جاكم مطر الرشاش الرشا
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
كلامك بقى زى بتاعين برنامج افراح افراح ...
| Quote: و كل الما بلغوهاـ و جميعنا تامين و لآمين |
وابلغ تحياتى للعريس و العروسة و خالتى فتحية بالسعودية .... 
وعقبالك يا امجـــد ....
بالمناسبة دى يا اخوانا ما اشتقو لجمال السنوسى ....
،،،،
وانتا قايل الرشيد و منصور اعتذرو لشنو
ما خوفا" من الزى ده ....
والريس ميسرة زاتو فى ايامتو الاخيرة كلامو بقى ( مدغمس )
يقول لواحد من بيطرة انى اشهد انك كنت عضو نشط و متميز فى اسرة تجارة
غايتو براحة براحة دخلناهو الضل ... وهو الان بحالة جيدة ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote: والريس ميسرة زاتو فى ايامتو الاخيرة كلامو بقى ( مدغمس )
يقول لواحد من بيطرة انى اشهد انك كنت عضو نشط و متميز فى اسرة تجارة |
يا النضيف أنا دغمست البشير دي ما بعرف ليها ولا حاجة
إلا اسال الناس القدام قلنا ليك هشام محمد (تجارة) زوج أميمه (تجارة)
والشخص المتداخل في الفيس بوك هو هشام محمد (بيطرة) وأنا بتعامل معاهو
على اساس هشام ود تجارة ـ،،،،
ما لكم عاملين زي تلفزيون الحكومة السودانية،،،،
تبدأ الحياة الجديدة (الثانية) بعد الستين !!!! أسال الرشيد بابكر
أنحنا بنخطط لو ربنا مد في العمر عايزين نعمل نقله جديدة بعد الستين
بس أبعدونا عن المدعو جلا ،،،
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صبحكم الله بالخير
كتب أخونا محمد الحاج في الفيس بوك أنه يجب أن تطيع الله عندما يكون الملايين منغمسين في المعصية...
و كان يقصد ليلة رأس السنة...
و الذين بلغوا الخمسين مثلي حساسون لمثل هذه النصائح...
فقررت أن أقضي ليلتي في بطانية Club...
و أن أتفرج من خلال جهاز التلفزيون على احتفالات دبي بالسنة الجديدة...
رغم انني لو قمت بتقمص شخصية نملوز و جكيت لوصلت دبي قبل الاحتفالات....
لكن نصيحة ود الحاج دي عضيت عليها بالنواجذ.....
بديت سنة 2013 بحذر شديد...فسنة 2012 كانت سنة ابتلاءات و الحمد لله...
أول يوم في 2013 كان اجازه عندنا هنا....
قضيته كله بين المسجد و السرير و طاولة الطعام....
لم أختبر أي حاجه في ذلك اليوم....
مجرد جس نبض...تمريرات قصيرة و محاولة الاحتفاظ بالكورة....
حتى انقضى اليوم على خير لنبدأ اليوم الثاني و بحذر أيضا....
أفتح الايميل بتاعي ألقى رسالة من رئيس مجلس ادارة شركتنا يقول فيهو انه متفائل....
بشارات طيبة على صعيد العمل و لكني ما زلت متمسك بحذري...
سودانيزأونلاين و حضور جميل لشخصيات غابت طويلا....برضو بشائر خير....
منى يونس تعاود نشاطها في بوستها الجميل الأنيق....بشارة خير كتير....
عصام دهب يكتب بالأخضر الزاهي و يلون الصفحات بكلماته الأنيقة...مافيش أحسن من كده...
عودة الجميل السهيلي ...
يبدو انكم تدفعوني دفعا الى التخلي عن حذري....
و تخلوني أخت الرحمن في قلبي و أتعامل مع 2013 بصورة طبيعية....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صباح الخير ،،، يا وجوه الخير
دعاء العام الجديد :
ربنا لا تواخذنا إن نسينا أو أخطأنا
ربنا ولا تحمل علينا إصراً كما حملته على الذين من قبلنا
ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
=============================================
وين أخونا عمر نملة
ووين أخونا محمد آدم النور (جلا)
ياخي الدخول هنا حلال وليست حرام
ولو ماعارف تدخل أسال العنبة الرامية في بوستنا
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
أجدع ناس...
السلام عليكم ورحمة الله وبركاته
وكل عام وأنتم بألف خير
ودورة رئاسية جديدة سعيدة عليكم جميعا في حضرة الجميل ياسر نجيلة
وتحية وشوق لكم جميعا
ونأمل أن نكون من المتابعين والمشاركين في هذه الدورة إن شاء الله
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: سامي عبد الوهاب إدريس)
|
نو الريس الجديد دفعتنا وحبيبنا
الريس ياسر نجيله
وهذا لاينقص من مقام الريسين ميسرة ومعتصم جعفر
فواحد للداخل والاول للخارج
وكما قال سعيد عشاء البايتات في رواية بندر شاه للطيب صالح
عن محجوب وجماعته منافحا ومؤيدا للطريفي :
(يا جماعة الخير محجوب وناس الطاهر وسعيد ناس اصحابي واهلي محجوب حبابه عشرة راجل ما يتفضل عليكم جملة الايمان راجل يوزن الف راجل شكال صريمة ومخلص يتيمة )
وهكذا هما الريسين ميسرة ومعتصم
لكن...
الريس ياسر نجيله دفعتنا
عشان كده لازم نشد من ازره ونقيف معاه ونقول ليهو
كما قال الالمان لرومل الي الامام يا رومل
فالي الامام يا نجيلة
ولايتم هذا الحديث الا يذكر شئ مهم جدا
وهو ان الانتقال السلمي
للسلطة تم من غير انقلاب
ولا جمعات مليونية
ولكن بسلاسة ويسر
ودي حاجة تتضاف لسجل لناس الزقازيق
مرحب نجيلة
ولا نقول وداعا
للريسين
ميسرة ومعتصم
ويا ناس الزقازيق ...اجدع ناس
كل عام وانتم بخير
تامين وانشاءالله كمان
دايما سالمين
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
الحمدلله والصلاة والسلام على رسول الله سيدنا محمد
وعلى اله وصحبه وسلم تسليما كثيرا
اما بعد
ردا على ما جاء في مداخلة الكوتش محمد صديق
نقول له الصلبطة مش كدة وبس
ولكن ......
مزيد من الصلبطة
الريس الجديد ياسر نجيلة مننا ودفعتنا
وبالامارة كان ساكن مع محمود الحوري
وعبدالخالق (تجارة)وعبدالوهاب(تربية)
في سنة البرليم
ويمكن سؤال الاستاذ عبدالدائم سيد احمد (ديدو)
لانو هو واحد من المراجع المعتمدة في هذا البوست
بشهادة الزناتي
الااذا الحكاية زهايمر من الكوتش
انحنا بنعذره
والصلبطة تستمر بان اذكر
بان الريس الذي لم يرد ذكره في مداخلتي اعلاه هو
عصام دهب لانو هو مش ريس
وبس لكن اب روحي لهذا البوست (الزقازيق ..اجدع ناس )
فهو صاحب المدرسة وناظرها ويستطيع فصل اي معارض
باشارة من طرف اصبعو الصغير
والصلبطة انو ولدنا وبلدايتنا
وهم في الربع الاول وانحنا في الربع الثاني
(ولمن فاتهم الاستماع -اقتباس موفق-الربع هنا اسم حي بالابيض وليس ارشفة بكري ابوبكر )
لذا وجب الاشادة يه كلما تم قتح سنة جديدة
وهو ولدنا عصام دهب حياه الغمام
وكسير ثلج (ياريس عصامبوست اليهودي التائه موفق وجايهو )
صلبطة اخيرة
بكري ابوبكر ذاتو (او ظاتو مننا كما ذكر تاج راسي منصور ابن عبد الرازق عليه السلام)
صاحبي الحيطة بالحيطة
اللهم بلغنا رئاسة منصور
وصديقه الرشيد وابعد عننا صلبطة
الكوتش وصديقه محمد ادمالمنفي بالفاشر ابوزكريا الملقب بجلا (او باك السجن كما جاء في صحيح رفعت سعيدحديث مرفوع عن مبارك جادين)
اللهم صلي على سيدنا محمد وعلى اله وصحبه وسلم
وارضى عن سيدنا ابوبكر وعمر وعثمان وعلي
وبقية العشرة الكرام
وزوجات نبيك المصطفى صلى الله عليه وسلم
والتابعين وتابع التابعين
ومن تبعهم باحسان الي يوم الدين
اللهم وفق الريس نجيلة
وابعد عنه المتصلبطين
قوموا الي بوستكم يرحمكم الله
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
نصلبط مما تصبح صبحكم الله بالخير
وكل عام وانتم جميعا بخير
مع عيالكم
واسركم الصغيرة والكبيرة
ونتمنى لكم بوست جميل
مع ولدنا وحبيبنا ودفعتنا
الريس ياسر نجيلة
صليطة الصباح اليوم هي ان هذا البوست
ياتيكم مكتوب من كمبالا
والنت عال العال
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: مبارك جادين)
|
سلامات يا حلوين
Quote: الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
|
الترجمة يا حبيب.
**************************
شايفك فاتح لى .....أجيب ليك ( أَدُمْ ؟؟)
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
يا جبريلا ما داير ليك عزومة
قوم طوالى بنمرة 3 ولا 4 ما مشكلة
،،،،،
Quote: مزيد من الصلبطة
الريس الجديد ياسر نجيلة مننا ودفعتنا
وبالامارة كان ساكن مع محمود الحوري
وعبدالخالق (تجارة)وعبدالوهاب(تربية)
في سنة البرليم
ويمكن سؤال الاستاذ عبدالدائم سيد احمد (ديدو)
لانو هو واحد من المراجع المعتمدة في هذا البوست
بشهادة الزناتي
الااذا الحكاية زهايمر من الكوتش
انحنا بنعذره |
بركة كل سنة وانت طيب يا حلـــو
كلامك مظبوط ميه الميه و سيبك من بتاعين القطرات ديل
الكوتش مسجل رسمى فى تربية و منتسب فى بيطرة ....
عمارة الزهراء الدور الرابع شقة 10 تقع خلف دار الزهراء
و قبل شارع المنصورة - الزقازيق
** سنة اولى سكنو فيها المجموعة الذكرتها ....
** سنة تانية انتقل كل من عبدالخالق و عبدالوهاب الى السكن فى الداخليات
المصرية ... الحورى اتخيل لي سكن مع ناس علوم ...
فضل ياسر نجيلة لوحدة فى نفس الشقة ونفس الغرفة .... بالصدفة اتقابلنا
فى شارع الشهيد انا ونجيلة و عبدالرازق بعد ما شفنا الشقة واتفقنا نواصل فيها
وانضم لينا احمد السنى ايضا"
** سنة تالتة واصلنا فيها بنفس المجموعة و استجدك ظروف اخر العام بانضمام
كل من الفاتح نورى تجارة -- عبده عابدين جلد معهد تجارى .
** سنة رابعة العدد بقى اكبر من عدد الغرف اطرينا نزحف نحو اطراف
المساكن مع ابو طرطور .... لقينا شقتين جمب بعض الكبيرة سكنو فيها نجلية - عبدالرازق
احمد السنى - الفاتح نورى - عبده عابدين جلد مؤقتا" .
الشقة الصغيرة سكنا فيها انا و حسن برى ...
كفاية ولا ابريكم لسه ..
،،،،
تخريج تجارة 88 م نادى الشرقية
من اليمين وقوفا" ياسر نجيلة -- محمود الحورى -- حسن برى -- احمد السنى -- عبدالرازق -- عمر عبدالله طب
شبه جلوس من اليمين : نورالدين طب -- اسامة خضر علوم -- آنـــا زاتى ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
ينصر دينك يا استاذ ديدو
الناس القيافة ما ينفع معاهم
الاالحديث الارشيفي المشفوع بالصور
وخليهو مع القطرات لمن يلحق البرنس
يا جبريلا الكوتش دا سمع ولا جابوليهو
بيكون جابو ليهو
الي حين ظهور الريس
اين محمد ادم بتاع الفاشر
واين الزعيم الكبير اوي الزناتي
الذي لا يهزم
واين رشيد القوم
واين موسى عيسى (برضك دفعتنا وكدة )
واين شيخي وتاج راسي منصور عبد الرازق
واين عمر النملة
اضافة مهمة
سكن الحوري معانا في سنة تانية في شفة المحلج
ثم انتقل في ثالثة ورابعة الي السكن مع احمد صالح احمد صالح (زراعة)
وين احمد اسماعيل والود جلال
المكرفون فاتح يا ريس ياسر
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
صبحكم الله بالخير
منور الصفحة يا بركة...
صفحات بكري البقت ممحوقة دي...
يا دوب بضعة مداخلات و تنقلب...
مئوية ياسر نجيلة شكلها كده حتجي بسرعة....
جهزوا ليكم ريس جديد من حسه...
و لا كمان أعملوها ألفية...
شكلها المئوية دي حتجي قبل الشهر ما ينتهي...
و أنا من حسه برشح ديدو للدورة القادمة...
و بعده محمد صديق...بتكون قطراته اتجمعت الوقت داك...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote:
واين شيخي وتاج راسي منصور عبد الرازق |
لمن قعدتا اتلفت
ايوا ياخى انا موجود
شيخك وتاج راسك ان شاء الله يتجازى
الما بلبى الندا ده
تدعوننا بقطرة
والله نرشكم رش
انحنا البرتكانة الأولى , بنرميها تحت السرير
والتانية تحت الكرسى
لا بنطفى النور ولا حاجة
نلم التحت السرير , ونضاير التحت الكرسى
ونعملهم عصير
التالثة , دى ما ياها , بعض الرحيق انا , والبرتقالة انت
* تسلم راسك الأنا تاجا , من هذا التاج , الى تلكم الراس
اليكم هذه (الخلجة)
قالوا لى انساه وامسح من خيالك ذكرياتو
انسى كل الماضى ابعد عن طريقو وعن حياتو
فات وخلاك للزمن ضاعت امالك سدى
ليه تحن من تانى ليه ليه تفكر فى صلاتو
السنين العشتا فيها معاك هنايا
اقوى من قول العوازل واسمى من كلمة وشاية
لو خلاص قلبك نسى الأيام معايا
برضى راضى للغرام كم من ضحايا
بس تأكد يا حبيبى انو حبك فى دمايا
بالأمل صبرتا قلبى وعشت فى دنيا (الأمانى )
اهدهد الشوق بين ضلوعى واترجم الالآم اغانى
واروى للناس سر عذابى واحكى ليهم ما شقانى
لانفع دمعى السكبتو ولا شفع عندك حنانى
الغريب عن وطنو مهما طال غيابو
مصيره يرجع تانى لى اهله وصحابو
ينسى الامه وشجونه ينسى حرمانو وعذابو
الا قلبى ياحبيبى الفى هواك طال اغترابو
يا كوتش , انها قطرة فى انتظار الغيث
فقطر , قبل ان ترش
وجادك الغيث اذا الغيث همى , يا زمان الوصل بالأندلس
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
| Quote: وين احمد اسماعيل والود جلال |
تسأل منك العافية يا بركة ياخ والحمد لله نحن بخير لكن والله الغربة هردت فشفاشنا
غايتو انا زاتي اليومين ديل قايم علي ... يعني يا جبريلا مابراك وموش بس الكتفة براها الوقعت
ومرق الديناب نخرو السوس ... والقوز اتلايم حيطتنا ... والغربة رقدنا كاويييق
وزير الضيفان دا ياجبريلا ما لقالوا بت حلالا تسولا فيه (قيروانة )
.... (الشهادة العربية - والناطقين بغيرها يمتنعون)
تحيات طيبات ليكم كلكم وامنيات صادقات بأن نلتقيكم
ياكوتش النقاطة ما عندك لكن بالله حافظ عليها وادعمها لتصير سيلا
جبريلا رحم الله شيخنا الطيب الصالح وراجين الحصحاص الوعدتنا بيهو
وان ما لقيتلك حصحاص فلقنا بي (قحوفة) برضو راضين
منص ما معقول ياخ ... شنو البخل الركبك مرة واحدة دة ... مداخلة واحدة في الصفحة ما راضين والله
انت ما شايف عبدالدائم دا فاتح كيف والعجب كان جبت ليه سيرة "الزهراء" او اي كان اسمها بيوت الطالبات
رش يا رش الامنيات الطيبات بسنة سعيدة طيبة لكن عارف الصفحات الممحوقة دي ان شاء الله سنتنا دي تكون زيها
واعني سرعة مرورها وانقلابها ... انا غايتو الرقم 13 دا ما قاعد اريدو عامل زي يوم السبت كدا
سمسم ... مشتاغووووون بقدر سماتك الطيبة انت قاعد تغطس وين يا ولد
-------
اين نملوز ... لي فيه مآرب اخري غير ما يطبخ في الفرن
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
يا كوتش خليك مع القطرة
وخلي لينا كتير التلج
بس ما تنسى كل مرة
اتذكرنا بواحدة من
اغنياتك السرية
زي الاماني العذبة
ومعاها عود سنين في شقة لكوز
ولو انت نسيت انا ما نسيت
يا منصور
امان ما خليتنا
رقدنا خل كما قال جبريلا
وامطر القطارة بوابل من شهب
بس عشان يامنوا ويقتنعوا
ويزدادوا معلومات
الرشيد والله الخلانا نقيف
من هنا البوست تكتبوا قبل ما تنشروه
تلقى اعتذار من بورد بكري
وهكذا توقفت حتى من سلسلة ناس علوم
لكن يا ديدو حاواصل انشاءالله
وطلباتك اوامر
يا امير
يا جلال اطرد (قايم علي )واتحفنا
وصحي معاك احمد اسماعيل
وتلفن للزناتي
قول ليهو مبارك
بقول ليك لازم تحضر بوست الريس
نجيله
وربنا يحضرك رئاسة
منصور
والرشيد
ونملوز
ولا يزال المكرفون
مفتوح يا ريس ياسر نجيلة
(مزيد من التلج)
يا الريسين ميسرة ومعتصم
واحشني
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: مبارك جادين)
|
سلام ياكرام مع ان الحفلة فاتتنا وجينا متؤخرين
تهانينا الحارة وأمنياتنا الجميلة والتوفيق
لك يا أبا فارس ---
ولكم جميعا الإخوة الزقازيقاب
وإن شاء الله خير خلف لخير سلف
الريس المؤسس / عصام دهب الدهب ، والريس الرائع ميسرة
اللذان حعلا هذا التواصل ممكنا ومستمرا ومزيدا من التواصل وإبداعات محمد عيد
يا ود جادين تسأل عنك العافية ويسأل عنك الخير
زي ما قال الأخ جلال في الغربة ، انا برضي نفس الكذلك
ربنا يصلح حال السودان شماله وجنوبه وينوبنا خير البلدين ، ونرجع من الغربة أعزاء وكرماء
مدام الجدعان إختاروك ، وصوتوا ليك يا ياسر ، فسيير ونحن معاك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
سلامات لكم جميعا
يا عبدالدايم ..الزول الواقف يسار اسامه خضر ده نصرالدين موش نورالدين ..إنت شكلك دخلت الأربعينات خلاس...!!! غايتو فعلا الأربعينات دي بتعمل زهايمر مبكر ..ماعارفين لمن نصل حايكون الوضع كيف ...كاكاكاك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: Dr.Elsadig Abdalla)
|
سلام لاجدع ناس
| Quote: اتمنى أن يسعفني سيف النصر بتفاصيل أكتر |
انا ما كنت حاضر يا الصادق لكن بحسب التقرير الوصلني انو مبارك كان من الذين اظهروا شجاعة فائقة. و الزول الانت قاصدو
ده قريب جبارة ابوريدة و هو فعلا كان في تجارة بس ما بتذكر الأسم.
اما بتاع الشباك فبصراحة يا ما متذكرو او اسمو ما ورد في التقرير ههههههه.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: سيف النصر محي الدين)
|
جمعة مباركة انشاءالله
تقبل الله اعمالكم
الاخ احمد اسماعيل
شكرا للاستجابة السريعة
نؤيد ما جاء على لسانك عن الريس
الجديد ياسر نجيلة
ونشيد معاك مرة اخرى بالرئيس المؤسس عصام دهب
وبالريس لكل الدورات مكرر
ميسرة سيداحمد
(نكسر تلج مما تصبح)
د.الصادق والله ضحكتنا
اضحك الله ايامك
وكويس الحكاية جابت د.سيف
مشتاقين كتير والله يا سيف
تحياتي ليكم
يا ؤيس المكرفون معاك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: Dr.Elsadig Abdalla)
|
من الطرائف الجميلة يا دكتور الصادق
اخونا كمال زولوجي الله يطراهو بالخير
تاني يوم بعد سكنا في سنة البرلمة
نزلنا ماشين الكلية لقينا ليك غمام شديد «شبورة»
اها بعد مترين كدة زولوجي دة قام جاء راجع قلنا ليه يا زول مالك
قام قال لينا: ياخي مع الغمامة دي الكلية بتكون قافلة
مبارك جادين ازيك ياخي
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
سعيد جدا بمجادعات دكتور الصادق والحبيب بركة وود جبرين والمختفى سيف النصر
ولعلها بشارات العهد الجديد الجميل .. وتصويتات الثناء للريس الجديد ...
* د. سيف .. وين ياخى من مرقة امريكا امكن ما شفناك تانى
ارجو ان نحظى دائما بمداخلاتك
* ود جادين ... يبدو ان رياح كمبالا لاقت هوى لديك وهذا من حظنا
ارجو ان نحظى بمزيد من تداعياتك الجميلة ...
خاصة اذا ساقتك قدماك وحظيت باتكاءه قبل الغروب على ضفاف فكتوريا فى اطراف عنتيبى الجميلة
وكمان لو اكملتها بالجلسة الليلية الجميلة فى حديقة نيوأفريكانا .. حيث الذكريات الجميلة فى هذا الفندق ذو الطعم والمذاق السودانى
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
مساء الخير عليكم
يا جبريل والله الشوق مطر
ونحن لايام كان القلب فيها خاليا
لاهم في بكرة ولا حق الملاح
واغنيات وذكريات مغ جبارة وجورج والباسم
الضاحك بشير خفة
ايام لها ايقاع
الحبيب عيد
تحايا من كمبالا الجميلة
واجازتي تلفظ انفاسها الاخيرة
زرت نيابة عنكم البحيرة واستمتعت باكلة سمك مع الاصدقاء
| |
|
|
|
|
|
|
|
|
 Re: ناس الزقازيق ... أجدع ناس (6) (Re: Dr.Elsadig Abdalla)
|
تحياتنا يا حلوين ....
معقولة يا الصادق بعد اللمة دي و الناس برضو كبت الزوقة .. ( بس ما تقول لي معاكم جكس كان ) ...
التحايا ..
لجورج
ود جبرين
سيف النصر
ود عيد
جادين
منص
أحمد
الرشيد
وجلال ... عملتها واضحة
وزي ماقلت يالرشيد الظاهر الريس الجديد ركب للبوست ماكينة كامري
كل عام و أنتم أجمل
و الميكرفون معاك يا مبارك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: Dr.Elsadig Abdalla)
|
بكرة يا قلبى الحنين تلقى السعاده
تبقي هانى وابتساماتك معاده
والسرور يملأ حياتي ويبقى ذاتها
وعينى تشبع نوم بعد ما طال سهادا
وانسي غلبى ..
والرياحين تملأ دربى
وامسح الدمع البسيل يملأ الوساده
كم سهرت الليل
وكم سالت دموعى
والالم فى قلبى اصبح شئ طبيعى
والشباب افنيتو ابحث عن وجيعى
عشت راهب .. بين تراتيلى وخشوعى
بكرة تتحقق امانى
والفؤاد يرتاح ويتجدد زمانى
والسعاده ...
تكون جزاء صبرى وصنيعى
الامانى العذبه تتراقص حيالى
والامل بسام يداعب فى خيالي
حلمى بكرة ... وذكرى ايامى الخوالى
مهداها في صباح جميل جمالك لكل الزقازيقاب
الحلوين وللفي كمبالا تحديدا تغشاك الرحمة
والسعادة اينما حللت .
و يا دكتور صادق والله منور والله و تشكر علي المعاتله
للبوست حتى حين و الاشواق مطر للجميع بس يا جماعة
والله لنا توم مفقود منذ فترة واخر الاخبار انه تمت
مشاهدتة يتابط شوارع فاشر السلطان و منها لا حس ولا خبر
نتمنى ان يكون المانع خير وعلي الاخوة في المناطق الغربية
من البلاد موافاتنا باي اخبار و يتحتدم علي الاخوة الزملاء
في وزارة الداخلية القيام باللازم اخص بذلك الكوتش و عمار
و لكم حبي و تقديري
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: موسي عيسي)
|
صبحكم الله بالخير
مع شبورة يوم الخميس و الجمعة افتكرت البوست حيكون قافل...
أجي اليوم و ألقى دكتور الصادق كابي الذكريات الجميلة...
و دكتور سيف النصر متحفظ و عامل ناسي و عزى الأمر لتقصير في التقرير....
سعيد أنا بعودة الذكريات الى صفحات البوست من جديد...
واصل يا الصادق حكاياتك الممتعة و صورك الجميلة...
مواظبة بركة...
و تسخينات جبريلا....
و قطرات الكوتش...
و عودة جلجل المظفرة...
و اطلالات قيسون...
و العزابي محمد عيد...
و آهات موسى عيسى...
كلها من سمات العهد الجديد...
ان شاء الله دايما تامين و لامين و سالمين....
| |
|
|
|
|
|
|
| |
ياسر نجيلة
محمد عيد
عصام دهب
طارق جبريل
ميسرة سيد أحمد
عبد الدائم سيد أحمد
الرشيد بابكر
حيدر حسن ميرغني
قيس جمال الدين
Dr.Elsadig Abdalla
محمد صديق
سناء الصباغ
Hatim Gubara
جلال عثمان
إحسان عبد العزيز
زهير الزناتي
عمر المهدى
موسي عيسي
مني يونس
Elsuhaili Magzoub
منصور عبد الرازق
سامي عبد الوهاب إدريس
أحمد إسماعيل
سيف النصر محي الدين
فيس بوك
تويتر
انستقرام
يوتيوب
بنتيريست