|
دعواتكم لزميلنا المفكر د.الباقر العفيف بالشفاء العاجل
|
|
 Re: ناس الزقازيق ... أجدع ناس (4) .. (Re: ميسرة سيد أحمد)
|
الوجيه عصام دهب يلقي خطاب الدورة السابقة
بسم الله ..
أخواتي .. أخواني من الزقازيقاب و أصدقائهم ..
كل عام و أنتم جميعاً بكل خير و في أتم صحة و عافية ..
و بسم الله نبداً لنمد جسوراً جديدة لتواصلنا عبر سودانيز أون لاين ..
و نحمد الله كثيراً أن هيأ لنا هذه المساحة التي وثقت من عرى صلاتنا الطيبة ..
و أختصرت بيننا السنوات و المسافات ..
فالشكر من بعد الله لسودانيز أون لاين و لربانها الأخ الفاضل / بكري أبوبكر ..
و الشكر لكل من تواصل معنا مشاركاً بالكلمة و داعماً بالفكرة و الرأي و مؤآزراً
و داعماً بجهده و ماله و وقته .. حتى أضحت رابطتنا العملاقة حقيقة تحدث إنجازاتها عن نفسها ..
الشكر لأخوتنا و أصدقائنا و لجميع الذين تواصلوا معنا طيلة الفترة الماضية و نتعشم في إستمرار تواصلهم معنا ..
و تعالوا بإسم الله تعالى و بعونه نجدد و نجذر أسمى علائق الأخوة النبيلة ..
و لنستصحب معنا دوماًبوستنا الأثير ..
ناس الزقازيق .. أجدع ناس .
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
لنك الحفظ : اضغط بزر الماوس الايمن واختار Save Target As ثم اختار Save
http://www.sudanvoice.net/v2/nnnnnnnnnnnnnnnnnnn9.mp3
الف مبروك للاخ عصام دهب المولود الجديد ( بعد تلاتة بنات )
وعقبال لناس هناي وهناي واولهم د/ حسن ( ابو الوصفات القوية )
يتربى فى عزك يا دهب ، السماية لناس جده الاسبوع القادم ( خروفييين )
مبروك يا ريس رئاسة الدورة الجديدة ولمحسنة السكرتارية
وتمنياتنا للاخت نوال البلول بالشفاء التام وهى تستعد لمغادرتنا
لارض الوطن يوم السبت القادم
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
نتوقف الآن لتكريم الرجل الذى ظل يقود رحلة الزقازيقاب المبدعة طوال الفترة الفائتة وكان له الفضل الكبير فى تجميع هذه الباقة
المتفردة من الورود والازهار ونجح فى جمع شتات افراد القبيلة بعد أكثر من عشرين عاما من التشتت فى بقاع الارض .. وقام بانشاء هذه
الواحة الوارفة التى استظل بها الجميع واجتمع شملهم فى ظلالها ..
نكرمه اليوم وهو يترجل فى وفاء الرجال عن قيادة الدفة ويسلمها بكل ود لرفيقه وصديقه الريس ميسرة ويبادر فى ســمو نبيل فى تثنية وتأييد
مقترح اخاه وزميله المنصور بتدوير وتداول دفة قيادة مسيرة الأحباب ..
دهب ... ايها الجميل .. شــكرا جميلا لك ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محسنة ميسرة)
|
نهلـــه نجم الدين حســـن التوم ... المرأة الفولاذية التى أضــحت صــحن الباشــرى الذى قدم للزقازيقاب أشـــهى وأطيب الاصناف
وكانت قدح الضــيفان الذى ظل موقدا ليكفى كل ما يجمع الزقازيقاب وجمعيتهم الوليــده ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محسنة ميسرة)
|
زهـــير الزناتى ... دينمو ومكوك القبيلة وفارســـها الذى ظل ممتطيا فرســه وحاملا سيفه قائدا لجيوشها يخوض الوغى
ويقود فرسانها نحو مرافىء النجاح .. ظل ابو الزوز رأس الرمح فى كل نجاحات الجمعية وعوامل تكوين هذا التلاقى
اثناء وجوده بالوطن او فى مهجره الاخير ..
ابو الزوز يســـتحق قلادة الفارس الأعظم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محسنة ميسرة)
|
التحية والاحترام والتقدير لكل القائمين علي امر هذا الاحتفال ... الريس ميسرة ... محمد عيد ... والزميلة مني يونس والتي يحلو لنا ان نسميها مني ميسرة ... وللابنة محسنة ميسرة اصغر اعضاء سودانيز اون لاين سناً ... وللنضيف الفنان عبد الدائم ...
ولا بد من افساح مساحة واسعة من الشكر للاخ عصام دهب ... صاحب الفكرة ومفترع الخيط الذي اسهم في جمع كل الناس ... وكان له القدح المعلي في ان يصير كيان ناس الزقازيق ... جمعية يشار لها بالبنان ... لها اعمالها الخيرية واستثماراتها المالية ... فقد صبر وصابر فاثمر هذا الجهد هذه النتيجة التي نراها هنا اليوم ... التحية لعصام دهب الذي يصادف يوم تكريمه ميلاد ابنه وسط ثلاث من الزهرات الجميلات ... فآلاف التبريكات والتهاني له ولزوجته الاخت مروة وللزهرات النضرات ... ولا بد ان نشير ان عصام قد ترجل لوحده وبكامل ارادته لاتاحة الفرصة ان يبتدر الخيط شخص في كل مرة من رموز الزقازيق ... حتي لا تذهب التفسيرات في منحي آخر او تفسيرها لخلافات سياسية ... لان الاصل في العلاقة والود قائم وكل الاختلافات السياسية هي شان آخر نتعارك فيه في ميدان المخصص له ... ولعصام كل الحب والاحترام ونفس المكانة التي كان يحتلها حينما كان في الصفوف الاخري .... وهو لا زال رمزاً من رموز الحركة الطلابية في الزقازيق ورمزاً من رموزها في كل الاشكال التي ابتدعتها وتبتدعها في المستقبل ... وحينما نجده في ميادين الخلاف نختلف معه باحترام ... وان كنا لا نرفع عنه لعصبية او زمالة دراسة فكل في اتجاه ... وقد لا يفهم الكثيرين من هم خارج الزقازيق هذه المعادلة ...ولكنها الحقيقة ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
احداث مميزة فى المئوية السابقة
كان التناول والتداول الجميل لعدد من الشخصيات والرموز الزقزيقية المميزة
18/ احتفائية كبرى بالزعيم الرقم عادل الجعلى كانت تدشينا لبوست مميز قامت بانشائه ببراعة السيده الاولى / الاخت والزميلة منى يونس .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
المهراجا محمد الفاضل مكى او الحاج متولى .. أوقد نارا" استعرت لفترة حول تعددية الزوجات
وقدم عددا من التحديات والعروض تمت مواجهتها بحرب مستعرة من بنات الشيوخ وبعض اولاد الشيوخ
واسهمت فى ظهور حركة جديده أطلق عليها الكوتش محمد صديق ( جماعة هرشــه دوت كوم ) .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
قد تسمع بان زيد او عبيد من الناس شخص محترم... الا انك ستعرف معني ان شخصاً ما محترم حينما تقابل الريس ميسرة سيد احمد ... ابن كوستي الجميلة ... ورئيس انجح دورة لاتحاد الزقازيق ... وهي دورة التجمع الاولي بعد انتفاضة ابريل المجيدة ... لا نحتفي بميسرة السياسي والقائد الطلابي والزعيم التاريخي لمؤتمر المستقلين بالزقازيق فحسب وانما نحتفل بميسرة الانسان والصديق وزميل الدراسة والشخص الودود وضو القبيلة ... واخو الاخوان ... فهو شخص من طينة مختلفة عن البشر العاديين حباه الله بحباً للجميع يوزعه كما يشاء فلا ينضب ... ركازة لنا ولاهله ولا نريد ان نتحدث عن هذا الجانب حتي لا نبدد اجر الرجل ... ميسرة شخص جدير بالاحترام له منا كل التقدير .. اتفق الناس باجماع سكوتي علي ان يقود الدفة في الفترة القادمة تكريماً لمجمل اعماله علي جميع الاصعدة .. اضافة الي انه ركيزة اساسية من ركائز هذا البوست ... التحية له ولرفيقة دربه الزميلة مني سيد احمد والتي كما قلت لا يحلو لنا الا وان نناديها بمني ميسرة ... وهما عنوان لنجاح زيجة من الوسط الزقازيق ... تقف خلفها كثير من القصص والعلائق الجميلة والاسر الزقازيقة التي تكونت ونجحت ... دلالة علي المناخ الجميل والبيئة النظيفة التي عاش فيها الجميع هناك بمختلف مشاربهم وميولهم وثقافتهم وقبائلهم ... وسنحكي عن عشرات الاسر الزقازيقية التي كان عنوانها الكبير وخطها العريض مني وميسرة ... واطفالهم الحلوين صاحبة اللمسات الفنية والاصابع المبدعة محسنة ميسرة ... اكبر ابناء الريس وشقيقها منذر ... وصديقتي مشكاة التي اشتاق ان اتحدث اليها ... واوعدها اليوم بحديث ضافي فقد تعودت ان تختبر معلوماتي ولغتي الانجليزي والتي طالما هزمتني ابنة السبعة سنوات ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الصــوره الحائزة على لقب اجمل صورة فى المئوية السابقة وفيها عناق الريس ميسرة مع الزعيم الجعلى فى لقاء فوق السحاب
بعد غياب سنين عديدة .. وأبدعت ريشة اخونا الفنان / عبد القادر بابكر ( قدوره ) فى اخراجها بهذا التصميم الرائع .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
مسابقة للجميع للتعرف على الشخوص الحقيقية فى الصور ، وقد رصد كل من الريس ميسرة والزعيم دهب والريس معتصم جوائز للفائزين
طبعا جائزة عصام دهب .. كبشين أملحين اقرنين
1/ أحدهم انتحل شخصية الرئيس اوباما
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
تحية و سلام يا أجدع و يا أروع و يا أطيب و يا أعز ناس ..
و حقيقي فرحتي اليوم لا توصف فهي كرنفالات من الأفراح ..
إذ أقترنت فرحة إبتدار هذا البوست عندي بسلامة المدام و مقدم مولودنا الرابع ..
و تزداد فرحتي حتماً و أنا أعايش هذا المهرجان البهيج بمحبتنا الأخوية و تلاقينا الرائع و تواصلنا الدائم و إجتماعنا على الخير بإذن الله تعالى ..
و إن كان من شكر فهو مبتدأ و منتهى لله تعالى الذي سهل لنا كل هذا ..
و الذي جعل بيننا الأخوة الحقة و المودة و الحب ..
و الشكر لكم جميعاً يا أعز ناس ..
فلولاكم لما كان كل هذا السحر الجميل ..
و لولاكم لما أصبح الحلم حقيقة ..
فيا أهلي و ناسي و عزوتي ..
و يا إخوتي و أحبتي زقازيقاب الله و الوطن و الخير و الجمال ..
أحبكم بلا أستثناء ..
و ليبقى بإذنه تعالى تواصلنا مستمراً أجيال و أجيال على مر الأزمان ..
ـ
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ابداع يامحمد عيد ... صور فنانه
كل سنه وجميع الزقازيقاب بخير
وربنا يحفظ اولادكم الحلوين يارب
.
.
لكن ياودجبرين بالغ معاك محمد عيد
ماحتيتو عديل ...
كل ما افتح البوست الاقيك شغال هجيج
---------------
ميسرة كيفك ياجميل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مدثر أبا يزيد)
|
ميسر ومحمد عيد
لست زقازيقيا ولكن ساقتني الصدفة هنا لارى هذا الابداع والالق
فعلا شغل جميل بك المقاييس
------------------
محمد عيد ...انا د. جمال الباقر ... عيادة ساوس مول 2006
ان شاء الله تكون اتذكرتنا بس
تحياتي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مدثر أبا يزيد)
|
| Quote: يا ود عيد دة رقيص ولا دق حناء |
جبريلا الحبيب ...
والله غايتو بس مرقتك النصيبة اللات بكرى الاسمها الباندويدث دى
غايتو نصايبك كلها السويتها بى غادى مسجلة ومجهزة ..
علا بس الجماعة قالوا الباندويدث كووورك ..!!
حبيبنا وجارنا ولد بحرى الحبيبة .. وليد
مشكور يا غالى .. ودايم بتلقاك معانا فى مناسباتنا ..
الله يديك العافية ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Safia Mohamed)
|
مليون مرحب بأخونا وصديقنا د. جمال الباقر
وطبعا اذكرك تماما
وتزاملنا سويا فى الساوث مول اثناء تسلمك لعيادته خلال سنة الافتتاح
الود لك .. والبيت بيتك وعلى الرحب والسعة ..
*********
مدثر ابا يزيد ...
يا خوى بركة الصوت المكرفونات مرقك لينا ..
مشتاقين ياخى وطولت الغيبة مننا ...
*******
صفية مساعد ...
يعنى شنو ؟؟
القحة ولا صــمّة الخشم ؟
ادخلى لا جوه ...
الحريم قاعدين يختوا حنة ود جبرين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
مبروك المولود يا دهب
وربنا يجعله من الصالحين القانتين بإذن واحد أحد
شكراً محسنة على الإبداع و الجمال بتاعكQuote: وضاح جعفر العسل .. ومحمد سنى ووابتسامة لي ناس ازقازيق
الف تحية وسلام
سمحونه ـ احلام وهبي |
تشكرات كتيرة لإحلام وهبي و عليك الله ما تغيبي من البوست
و نيابة عن القبيلة التحيات الزاكيات لوضاح و الأستاذ الفاضل لمحمد السني
Quote: ابداع يامحمد عيد ... صور فنانه
كل سنه وجميع الزقازيقاب بخير
وربنا يحفظ اولادكم الحلوين يارب |
عليك الله يا وليد نحن محتفلين تجينا بي جلابية؟؟؟؟
لك الحب دوماً و أين ما كنت
Quote: لست زقازيقيا ولكن ساقتني الصدفة هنا لارى هذا الابداع والالق
فعلا شغل جميل بك المقاييس |
لك الشكر و التقدير على الكمات الطيبة
و أعمل حساب الصدف مرات تسوقك و توديك سقط لقط؟؟؟؟
وحكاية الزول دا متذكرك أشك في ذلك.... لأن الباندويدث بتاعو زي بتاع بكري ما بستحمل كتير
Quote: هلا هلا
اجده ناس تحياتي
صفية |
صفيه لك التحية مثلها
الحنة بتاعت و د جبرين ما تقربيها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
ألف مبروك أخي عصام دهب
على المولود الجديد ويتربى في عزكم
ويكون من أبناء الوطن الصالحين ،،،،
وليد عبداللطيف يا راجل يا طيب توقعت حضوركم
ولم تخذلني دائماً شايل سيفك وتعرض معنا في كل حفلاتنا
الزائر الجميل د. الباقر أهلاً بيك والدار دارك وكتر من زياراتك
التحية للزقازيقية إحلام وهبي والجميل وضاح وزوجها الفنان الكبير محمد السني
صفعية مساعد حضورك أفرحنا نتمنى دوام التواصل،،،،،
تم تأجيل تواصل الإحتفالات بتوجيهات من مركز القيادة والتحكم بقيادة لواء أركان
حرب عبدالدائم النضيف ، يبدو أرهقنا الصفحة الحالية.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Safia Mohamed)
|
دايما احمل الفرح كل ما الاقي زول من الزقازيق
ناهيكم عن مساحة نتلاقى فيها تخفف وتمسح كل الكراكيب الماليانا00
انجاز جميل يا عيد الجميل 000زرعت فرح
وشكر للرعيل الاول دهب 00 البرنس 00 وحيدر حنين اللي اشتقنا لكتابته الجميلة 00
ومرحب بصفية وطلتها الحلوة 00
وتحية جد كبيرة لقائدالاسطول ميسرة 00 وتحية جد لمنى صاحبة القلب اللي جمعنا دايما 000
واقدم تحية كبيرة جدا لابننا محمد الفاتح ثابت وهو وهو يعيد سيرة الحب الزقازيقي ويسطر من جديد
امتدادنا الزقازيقي بانتسابه لجامعة الزقازيق كلية الطب ليكون اول من يبدا تاريخ ابناء الزقازيقاب
تحية لمحمد الفاتح ثابت ولوالده ووالدته الزميلة الزقازيقية عفاف علي سعيد 00الي غرسوا في محمد حب الزقازيق فاصر ان يبدا المشوار من شارع القومية 000
احبكم جميعا ودايما فرحانة اني زقازيقية هوى وهوية000 فمنها حقيقي بدا التكوين0000
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عفاف علي ميرغني)
|
الشكر الى أبراهام لنكولن هذا البوست عصام دهب..
الذي حررنا من التباعد و التجافي ليجمعنا في هذه الحديقة الغناء...
لم يكن الأمر مجرد فتح بوست في سودانيز أون لاين يحمل اسم الزقازيق...
بل قام عصام بأكثر من ذلك حيث حرضنا على التواصل و المتابعة...
كان ينشر كل ما يرد على بريده الاليكتروني يوم كانت العضويه محدودة..
بل و يرد على كل الايميلات التي ترده من كافة الزقازيقاب...
حببنا في البوست بنشره ما نرسله اليه حتى أصبحنا أعضاءا...
عصام دهب...كل الأدلة تثبت انك ضالع ضلوعا لا شك فيه في أن جمعتنا بمحبة...
بل انك الرأس المدبر و المخطط لكل هذا الجمال و الابداع...
ندينك و نحكم عليك حبا بالشكر و التقدير...
للريس ميسره كل التقدير و الحب على هذا الابداع و لأسرته الجميلة بقيادته الرشيدة...
و لرفيقة دربه و كفاحه الأستاذة منى...لها كل المودة و التقدير...
و لمحسنة كل التقدير و عظيم الاعجاب بهذا الابداع...
نسأل الله أن يحفظك و يجعلك دائما من المتفوقات...
حبيبنا محمد عيد...يعجز اللسان عن التعبير بهذا الكم و الكيف من الجمال...
نشكر لك منحنا كل هذا الوقت من وقتك الثمين...
و نشكر لك امتاعنا بهذه الأعمال الرائعة...
و أشكر لك تسجيلي بميلان...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: دايما احمل الفرح كل ما الاقي زول من الزقازيق
ناهيكم عن مساحة نتلاقى فيها تخفف وتمسح كل الكراكيب الماليانا |
صاحبة التمائم ...
اطلالتك اليوم بعد الغياب ... اعطت للفرح طعما آخرا ..
تحياتى لبعلك العزيز والجيفارات
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
لو قالو ليك اوصف جمالهم تفتكر تقدر تقول كل الحقيقه
الشكر لكم وانتم تنثرون الفن والجمال والمحبه بيننا
التحيه لمبدعينا على كل هذا الالق والتفرد --التحيه لكل
من ساهم في الاحتفاليه المتفرده بقياده عيد والابنه توتا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
إيه يا عم عبد الرازئ
ماحن خوات أهو
و محدش أحسن من حد آه
بس الزازيئ
حاقة تانية خالص.
واخد بال حضرتك ..
دا حنا بنؤول الزازيئ
و ما بنئصدش الزازيئ لوحدها
دا إنتو كلكم قدعان
أه و النبي ..
ميت مساء ..
و سلملي على شارع قيهان
وشارع الأسواء
و كبري طلخا
داحنا بنحبكو و الله العظيم ..
و أتفضل يا عم
إن شاء الله محدش حوش ..
تخريمة :
يا سيدي ..
الزقازيق هي الرمز ..
وجميع من درس في مصر
يعلم أن مجتمع الزقازيق كان مثالاً
لمجتمع الطلاب السودانيين بمصر ..
و بالمناسبة ناس الزقازيق ديل معروف عنهم
إنهم عزموا القطر .. !!
القطر ذااتنو !!
يعني عادي ممكن
تدخل
و دي ما دايرة ليها عزومة
مرحب بك عبد الرزاق
و ناس
القاهرة ، أسكندرية ، طنطا ، المنوفية ، أسيوط ، بني سويف ، كفر الشيخ ، قناة السويس ، مشتهر ، بنها ، الإسماعيلية ، المنيا ـ ..
مرحب بكم جميعاً ..
و ليستمر التواصل
و يبقى الحب ..
هذه من ردود فعل حبيبنا عصام دهب عند بدايات فتحه لبوست الزقازيقاب
جزاك الله عنا كل خير وجعل الله ثمرات هذا التواصل في ميزان حسناتك
والف الف مبروك على المولود جعله الله من أبناء المسلمين البارين بوالديهم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا الله ابداع....... تميز وتفرد حدالدهشة.
كل التهانئ لمن ساهم فى خلق وابداع هذاالجمال والروعة فى ظل تلك المحبة النقية الراقية التى جمعت قلوبكم فاينعت ثمارا
تتزين بها حياتنا.تلك الشجرة التى تظلنا اضحت متكئأ جميل ندنو اليه حبا لكم ولكل ما يتعلق بكم فبتم حاضرأ وماضى وآت
نغمض اجفاننا على زكرى تلك الخوالى... نحلم...ونفيق فرحا بكم..شكرا لكم منحنا هذا الالق ......
شكرا راعى الباحة التى وسعت الكل . شكرا ميسرة.محمدعيد.مني محسنة الرائعة .عبد الدائم جعلتم يومنا عيد وما اجمله عيد ف
فالي الامام والتحية للجميع الذين يعطرون سماواتنا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Safia Mohamed)
|
تحية عطرة لجميع المتداخلين
وأخص بالشكر كل الذين أسهموا في الإفتتاح الجديد
شكراً محمد عيد شكراً محسنة شكراً للريس الذي وقف مساندة
ومساعداً حين ضرب كل الشغل القديم وبدأنا جميعا يوم الأربعاء
بإعادة العمل وكان العمل المتواصل نحن الثلاثة حتى قريب الصباح
نهنئ عصام دهب بالمولود الجديد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سلام لأجدع ناس
ومبروك النسخة الجديدة من حوشنا العامر بوجود كل الجدعان
وإبداع وشغل كبييييييييييييير ومقدر من
ميسرة سيدأحمد
محمد عيد
منى يونس
النضيف
وإبنتنا المبدعة محسنة
_______________________
والتهاني لأخونا عصام دهب بمقدم مولوده الجديد
وحمد لله على سلامة المدام
_______________________
| Quote: 30 سامي عبد الرحمن |
أبو الزوز أوع يكون دا أنا؟؟؟؟؟؟؟؟؟؟؟؟؟؟
والله شكلك كدا الغربة بدت تشتغل معاك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
أصبحنا وأصبح الملك لله وحده،،،
الهم آتنا في الدنيا حسنه
وفي الآخرة حسنة وأقنا عذاب النار
يوم أمس طول الليل هطلت أمطار متواصلة
على عروس البحر الأحمر ، عطلت حركت الطيران
وتأجلت رحلات وتم تحويل مسار كثير من الطائرات
وتعطلت اليوم المدارس ،،،،
اللهم أجعلها سقيا خير وبركة،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
سلامات يا ناس
وصباحات التفاؤل
فى حضرة من اهوى
عصفت بى الاشواق
حدّقت بلا وجه ورقصت بلا ساق
وزحمت براياتى وطبولى الآفاق
عشقى يفنى عشقى
وفنائى استغراق
مملوكك ...لكنى ...سلطان العشاق
سلام وتقدير للمبعين والمتابعين والمستمتعين....والجايين برواقة
تقديرى :محمد عيد ...محسنة وميسرة
وتحياتى لسامى (عبدالرحمن)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صباحو ...
صباحات مترعة بالنسيم العليل ودعاش المطر ...
والله بس زى مطر الابيض ...
| Quote: قول يا لطيف ..... يا سامي دي يادوبك 4 شهور ... |
ابو الزوز .. بالجد الموضوع داير ليهو بحث واحسن ليك تسرع قبل ما يستفحل ..
قبل 3 يوم كانت فى جلطـــة تانية .. فوتها ليك بس عشان الرشيد ما يقول بترصدك ..!!
رجالة وقبضايات تونس عملوها ... ما بغرانيييييييييين ؟؟؟!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا محمد عيد والله ما متذكرها ... شفت الكارثة ... الذاكرة كلها اصبحت ثقوب ... بس الواحد تاني حا يكون عنده مداخلة والتانية اعتذار ... مداخلة والبعديها اعتذار ... وهكذا حتي يقضي الله امراً كان مفعولا ... يا زول انت قائل مفارقة الاحباب دي حاجة هينة ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ابتهاج عبد الله)
|
Quote: مين منى سيد احمد دى ..؟؟
داير تجيب للريس الهوا وتلحقه بن على ؟؟1 |
يا زول بعد ده الناس مفروض تعذرني وتفوت الحاجات دي .... خلاص الماسورة حلجت ... والريس ميسرة يبري ويستبري من بن علي
*************
اها يا جماعة بعد ده حقو تعذروني وقدر ما اجي اصلحها اطبظها .....
ودعتكم الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جمال السنوسي)
|
نبدا بالنهاية احسن
يا زول الجابك هنا شنو ؟؟؟
الأيام دى لا فى هلال , ولا فى مريخ , ولا فى قصص قصيرة
الذكرك لينا منو ياجمال السنوسى ؟؟؟
هسى انت اديت ناس زهير ديل فاتحتهم , ولا داخل فينا توش ساكت
ذكرتنى مرة فى اجازتى ما عارف القبل الأخيرة ولا القبلها ما عارف
ما قابلت حسن دهب , والأجازة قربت تخلص
لما فينى قاعد جنب دكان ناس عبد الله نينى
قمت ليك فيهو بالأحضان , ازيكيا ابو الدهب , مشتاقين
الراجل سلم على بمساخة شكلو زعلان
ماليك خمستاشر يوم , ما بتعزينى مالك
المات ليكم منو , والله ما عارف يا ابو الدهب
فى اللحظة دى اتدخل عبد الله
معقولة ما عزيت ابو الدهب , عمك دهب ما اتوفى ياخ
يا سلاااام ياخ , احسن الله عزاكم ,يمين بالله مافى زول قال لى
هنا تدخل ابو الدهب بلسانه اللاذع
نبرى ذاتا ماتت , (نبرى هى والدة ابو الدهب , وللمعلومية فان نبرى تعنى ايضك دهب فى رطانة ولهجة الحلفاويين )
البركة فيكم والله يا ابو الدهب , انت زول ما ساهل , لكن والله ما اتذكرت , وانت عارف الشغوليات والدنيا والجرى
الله يباريك فيك يا سيدى -رد ابو الدهب بما يشبه الرضا والأقتناع
لكن والله لازم اسجل ليكم زيارة فى البيت عشان اعزى الأخوات , واعزى كمان بالمرة ناس علوب وماماو
-ماماو زاتو مات
(طبعا فى اللحظة ديك , انا ما عرفت ادخل وين , لوالبوست ده كان جنبى , كنت دخلت فيهو عااادى )
اها هسى انت ما تأكلنا حنك , جايينا وسط الحفلة وعامل فيها بتبشر والودرقاااص يعنى
اها اقول ليك حاجة , خال ميسرة زاتو مات !!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
طبعا الأشارة للأحتفال , وللمجهود المبذول فيهو ,
من محسنة ميسرة ومنى (سيد احمد ) ومحمدعيد وميسرة
ومن ثم تذكر فضل عصام دهب فى (خلق ) هذا البوست التلاحمى الفريد
ومجهودات ريس الداخل , وكومندان جوة , وكومندان برة (الكان جوة )
ولمجهودات وحرص كل المتداخلين
هى من باب لزوم ما يلزم , فمجرد الأشارة والتذكر , لا تعطيهم حقهم
ولكن وعدكم باستمرار هذا التفاعل والتواصل الحميم , هى ثمرة الأحتفال والأحتفاء التى (تنضج ويقوى عودها باستمرار )
وهى زاد المسيرة ووقودها , احرقوا الجازولين يا ل(وابور جاز)
ودوروا بينا (البلد دا )
صفية مساعد دى , يا ربى قدر ده حريصة على باندوث بكرى ولا شنو ؟؟؟
انتى كمان تعالى ادينا فاتحتنا , مشتاقين ياخ ,عليك ما بتتذكرى حفلة كابلى الزماااان ,
اسرة زراعة الزقازيق (محمد عيد ومجدى ومنصور ) بالتضامن مع اسرة امدرمان (صفية مساعد ومعاوية يحى )
عبد الكريم الكابلى , قاعة الصداقة , بعتى التذاكر ولا لسا يا دكتورة صفية ؟؟؟!!
| |
|
|
|
|
|
|
| |
ميسرة سيد أحمد
محمد عيد
عبد الدائم سيد أحمد
محسنة ميسرة
زهير الزناتي
احلام وهبي
منصور عبد الرازق
طارق جبريل
عصام دهب
وليد عبد اللطيف
مدثر أبا يزيد
جمال الباقر
Safia Mohamed
محمد آدم النور
عفاف علي ميرغني
الرشيد بابكر
عمر المهدى
جلال عثمان
أحمد إسماعيل
Dr.Elsadig Abdalla
ابتهاج عبد الله
Hatim Gubara
مني يونس
سامي عبد الوهاب إدريس
محمد صديق
جمال السنوسي
فيس بوك
تويتر
انستقرام
يوتيوب
بنتيريست