دعواتكم لزميلنا المفكر د.الباقر العفيف بالشفاء العاجل
|
|
 عيد ميلاد سامر صلاح الامين ... صور وصور
|
اكمل سامر وحيد صلاح الامين عامه السابع في الايام السابقة ... وهي مناسبة هامة ومفصلية في حياة والده لذا ارتاينا ان نحتفل بها ... وان كنا بعيداً عن بعضنا ... صلاح في اليمن وسامر في السودان ونحن بالسعودية .... سامر كل سنة وانت طيب .... وعقبال مائة عام ....
|
|
  
|
|
|
|
|
|
|
|
Re: عيد ميلاد سامر صلاح الامين ... صور وصور (Re: زهير الزناتي)
|
هلا يا زناتي
والتحية لسموري معبود الرياح في عيد ميلاده
وسامر يا سسسسلام عليه اشتاقه حتي الثمالة زول صحبي شديد يااااخ...
عقب واجازتي الاخيرة وعندما رجعت الدوحة
قالو لي سامر لبس صديري وجلابية ومركوبة واليوم كلو متغمس شخصيتي وبقول ليهم
انا عمو
انا عمو
بجيك تاني وبجيب معاي (ايوتة وصورتها) حتي تشارك سامر اعياد ميلاده المجيدة
| |
|
|
|
|
|
|
|
|
|
Re: عيد ميلاد سامر صلاح الامين ... صور وصور (Re: زهير الزناتي)
|
ولسامر صلاح الأمين , التهانى كلها
اذ بلغ (سبعا )
ونفتح له , لأبيه وامه , خالاته وعماتو , ولا يمنع ان نشمل اعمامه وخالاته
ابواب التمنيات الحلوة ,على مصراعيها
ليختار بينها ما يشاء
ان اراد ابرتين من العبير وخيط ماء , فله ما اراد
وان هفت له نفسه ان يكوش عليها جميعا
فلم لا
عيد ميلاد سعيد سامر صلاح الأمين
| |
|
|
|
|
|
|
|
|
|
Re: عيد ميلاد سامر صلاح الامين ... صور وصور (Re: عبد الدائم سيد أحمد)
|
وتحيات طيبات لزهير وبهجة
ويا بهجة بوصيك انو التياب والدهب لا تمنح كما انها لا تستجدى من الزوج وانما تحتاج لتكتيك
قد يشمل البرشتة وأحيانا الدخول في صندوق وهذه نصيحة من مغتربة سابقة
ولا رأيك شنو يا دودي في كلامي دا باعتبارك مرجع في شئون المغتربين.
الكوتش وخالدة تحياتي.
تحية لأبو سامر وأتمنى له ولك عام سعيد بالمناسبة شنو حكاية الايميلات البترسلها لي دي وافتحها القاها فاضية
في الأول قلت يمكن الشكلة في البرنامج لأنو أنا شغالة بapple
قمت فتحتها في ويندوز برضو لقيتها فاضية.
التحية لمنصور وجلال والرشيد وكل الناس الموا من هنا.
| |
|
|
|
|
|
|
|
|
|
Re: عيد ميلاد سامر صلاح الامين ... صور وصور (Re: سناء الصباغ)
|
صباح الخير يا سناء
بالنسبة لحريم السعودية هنا
اول حاجة لازم تنوم كتييير عشان تبقى سمينة وبيضاء تراررى
بعد داك تمشى على الدهب واخيرا التياب لما تكون مسافرة
عشان تقشر بيهم فى السودان
لكن الحمد لله لنا سنة كده جرام الدهب طار السماء
شايفهم مساكين خشــم وراجين الفرج ....
هطرشة
اوعى تقولى لي انت لسه بدهبك القديم داك وما غيرتيهو
وا شماته نجاة حوفى فيك ....
حرفتى البوست عن مسارو ياخى
مبروك يا سامر
| |
|
|
|
|
|
|
|
|
|
Re: عيد ميلاد سامر صلاح الامين ... صور وصور (Re: سناء الصباغ)
|
Quote: قد يشمل البرشتة وأحيانا الدخول في صندوق وهذه نصيحة من مغتربة سابقة
|
يا دكتورة والله لقيتك قديمة ... قلت ابتهاج يمكن قوي حديثة ما بتعرف معني برشته اشرحها ليها ... لقيت الكلام فايت قعر اضانها ... عشان كده لازم ابقي زي خضر علي بشير ... وده اشهر رجل شرطة كافح التهريب والبضائع البرشوت في الحدود الشرقية ...وهو جد عفاف علي ميرغني ... كان رجلاً معروفاً يهابه المبرشتين ... لانه بيشم ريحتهم ... ولم يفلت منه مبرشت واحد ... وطبعاً زمان في كسلا كان التهريب بين الحدود السودانية والارترية علي ودنه ... ويسمي البرشوت ... ويشمل كل ما هو مستورد مثل الصابون والسجائر وغيره .... اها موضوع التياب والدهب ... انتهينا من الاول عقبال التاني ....
بعدين ابو سامر ده مرات ايميلي ده بيكون قاعد ساكت زي ايميل مبارك جادين ... بتجيي منه رسائل فاضية وواحد فيها رابط لي جهة واحدة لا تتغير ... عشان كده الناس ديل لازم يغيروا كلمة المرور من وقت لآخر ... تحياتي لصديقي عمر وآخرين ...
| |
|
|
|
|
|
|
|
|
|
Re: عيد ميلاد سامر صلاح الامين ... صور وصور (Re: زهير الزناتي)
|
اها يا دكتورة ... عبد الدائم جاكي بالمفيد والخلاصة ... زمان ايام حي الامراء ... قاعد اتونس مع خالتي مريم (والدة ابتهاج) وفي لحظة بتاعت صفا ... قالت لي يا زهير يا ولدي اصلاً ما شايفاك جايب سيرة الاغتراب دي في خشمك ... الناس دي كلها همها الاول والاخير السفر ... وده طبعاً لانها بتكون شايفه الحال ما ياهو ولا هوت ميل ... ولانه بطبيعتها ما بتحب تدخل في حياة الناس وخصوصياتهم ... قالت تجيبها لي بفوق ... طبعاً انا عملت ما فاهم ... قمت قلت ليها بهظار ... يعني اغترب عشان ابتهاج تعمل قروشي كلها دهب وتياب ... اها يبدو ان الهظار اصبح حقيقة ... وما كنت اخافه صرت في مواجهته ... يا ربي لو كان سمعت كلامها من الزمان وهجيت مع الناس الهجو كانت بتكون الامور كيف ... غايتو الواحد يقول كل الامور مسطرة وما شاء الله فعل (الواحد مركب مكنة مغترب في السعودية) ...
| |
|
|
|
|
|
|
| |
زهير الزناتي
عمر هواري
الرشيد بابكر
جلال عثمان
عبدالكريم الامين احمد
سامي عبد الوهاب إدريس
محمد صديق
منصور عبد الرازق
ابتهاج عبد الله
salah elamin
عبد الدائم سيد أحمد
سناء الصباغ
فيس بوك
تويتر
انستقرام
يوتيوب
بنتيريست