|
|
 لا الاسماء الاجنبى تمحى من عينى ملامحك
|
احييكم ....اهلى الطيبون..الرائعون فى يومى هذا
سالت عنكم الاغنيات..المواويل..والشبابيل..والنخلات البسقات فى مروى...واطفال ابيى ونساء الميرى ..والنقاره واغانى الجرارى بمبادر
ورقصات الدراويش..ونساء البجا الحسناوات..وايقاعات الوازا.. وتراب بلدى وكل الوجوه الجميله
كنت ازور وطنى كلما سنحت لى الفرصه ...اسال اين انتم احبائى.. انى افتقدكم..كيف القاكم مرة اخرى ؟ فقد طال الزمن
واين القاكم فانا احنو اليكم... واشتاقكم.. فاظل اسال ..واسال ثم الملم اطراف حسرتى وحيرتى وارجع الى بلد المجهر
كنت دائما احدث بناتى الثلاث عنكم واحكى ..اقول لهم..
كان وطننا يسمى الزقازيق ...كان وطننا حصانا ابيضا مزدهى..كان شامخا عاليا على تلك النجمات فى السماء يحتضننا..يروينا
يشبع جوعنا..لم نكن نظما لتراب بلدنا فهذا وطننا فهو منا ونحن منه...انفاسنا المتلاحقه كانت تزيد من رونقه..افراحنا كانت اعيادا
فى كل يوم من ايامنا تلك ...الخير كان وفيرا والناس طيبون...طيبون.!!!
ثم اخذت اتاوه...داعبتنى فاطمة بنتى الكبرى ,ثم قالت لى ..لابد انك تمزحين يا امى تتحدثين عن مدينة فاضله..تتحدثين عن وطن
لا اثر له فى الوجود
ماذا اقول لكم يابناتى والحديث ذو شجون ..فهل ساخدعكم
انها حقيقة ...ارجوكم دعونى ..فقد كانت ملامحه تنبى عن ميلاد شى لاادرى ما هو!!!
كان حينما يبتسم وطنى تبتسم كل الدينا العابسه وتضحك كل الارض الخضراء خضرة هذا الوادى وهذا الهدف النبيل الذى
يجمع بين كل هولاء البشر...
اين انتم احبائى ..فانا ابيعكم ايامى الضائعه وعمرى القادم وحبى وشوقى وليالى المتبقيه...واحلف بالله باننى لم ولن اضيعيكم
مرة اخرى...
احييكم...ماذا اقول عنكم ..ولكم..فهل تطاوعنى حروفى ام هذا القلب ستنفتح شراينه لاستقبالكم استقبالا رائعا
روعة استقبال النبى بالمدينه..
احيكم...
انا سعيده بالرغم من بعدى..سعيده برغم من غربتى...السعادة التى احسها تكفينى لاعيش دهرا او اكثر..فقط اعطونى وثيقة
ضمان تضمن عدم ارتحالكم بعيدا مرة اخرى..فاما انا فاننى ساكتب حتى اخر قطرة من دمى..واخر يوم فى حياتى.....
|
|
 
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: مني عباس)
|
بنتنا الرائعة والراقية في كل شي منى عباس لك الشوق كثيرا
و لك الود و التحايا وانتظرنا مرورك و طال الانتظار و لكن
بهذه الطلة البهية و الكلمات الجميلة التي لا تنبع إلا من
من امثال منى عباس ، الحقيقة يا منى قال الفلاسفة إن قنينة
العطر و إن فرغت يظل عبقها باقيا مدى الدهر لذا فأن اهل
الزقازيق سوف يظل حبهم هو ملجأءنا كلما جنى علينا الزمان
فتجدنا نحنو دائما لتلك الايام و لاولئك النفر الذين دوما
سنذكرهم و نتمنى عبقهم كما اسلفت لفاطمة و اخياتها أكرر
فرحي بقدومك انت يا منى ايها المنى القادم لبوستنا الحبيب
فمرحبا بك و اتفضلي لداخل الحوش .
| |
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: مني عباس)
|
صباحك خير يا منى
مشتاقون حتى الثمالة...
تعرفين أن الطبيعة تأتي كل فترة بموضة جديدة...و الشمس العمودية كانت موضة هذه الفترة...و لكن اطلالتك هذه تعد في نظري الظاهرة الأهم...لأننا سنشهد فيها جميل الكلام و صادق المشاعر و التعبير...رغم بعدك عن الكلام و التعبير بالعربية الا أنك و ما أن تبدأي الدوران في المدار حتى تنطلق كل اشاراتك في البث الجميل و تخرج من أعماق أعماقك الدرر و النفيس من الكلام...
أعرف مدى انشغالك في بلد ان لم تعمل فيه كل الوقت فانك لن تكون قادرا على دفع كل الفواتير...و لكن يجب عليك ان تعملي لوقت اضافي حتى تدفعي فاتورة أن تكوني بيننا و لو لبعض الوقت...
نحن في انتظارك كل يوم...
| |
|
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: الرشيد بابكر)
|
لأخت منى
المداخلتين القدامي ديل بتاعين ناس بكاااااين
يعني زيك كدا
Quote: فانا ابيعكم ايامى الضائعه وعمرى القادم وحبى وشوقى وليالى المتبقيه...واحلف بالله باننى لم ولن اضيعيكم
مرة اخرى... |
من غير حليفة
الحاجات القلتيها ديل خاتا ليها سعر
و لا بتقبلي بي سعرنا
دولار مافي
يورو ممنوع التداول به
غايتو كان بالجنية السوداني ممكن الواحد يدفع 100 جنيه بالجديد
ينفع؟؟؟؟
| |
|
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: كمال الشادي)
|
أختنا الغالية جدآ منى عباس
ألف ألف مرحب بهذا الحضور الجميل والتحايا والاشواق لكي وأفراد أسرتك أينما كنتي
كلماتك الانيقة زادت الحوش ألقآ, حروفك الصادقة إستقرت بالفؤاد...
نعم الزقازيق هي وطن بنيناهو في قلوبنا وعرشناهو بالحب والمودة
وحفظناهو في اعماقنا من كل أشكال التشرزم والانفصال ...
فليدم لنا هذا الوطن ....
| |
|
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: عثمان الخير)
|
Quote: أختنا الغالية جدآ منى عباس
ألف ألف مرحب بهذا الحضور الجميل والتحايا والاشواق لكي وأفراد أسرتك أينما كنتي
كلماتك الانيقة زادت الحوش ألقآ, حروفك الصادقة إستقرت بالفؤاد...
نعم الزقازيق هي وطن بنيناهو في قلوبنا وعرشناهو بالحب والمودة
وحفظناهو في اعماقنا من كل أشكال التشرزم والانفصال ...
فليدم لنا هذا الوطن .... |
دا حالتو منصور و محمد عيد لسع ما جو بي جاي
لا زلت منتظر في المزاد
100 جنيه ينفع؟؟؟؟؟
| |
|
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: محمد آدم النور)
|
خلينا من الأسامي الأجنبية
في ناس أجانب من أصلو
1/ موسى عيسى جاي من النيجر
2/ جلال عثمان جاي من الحبشة
3/ أحمد إسماعيل جاي من تشاد
4/ زهير الزناتي جاي من إرتريا
5/ محمد آدم النور جاي من نيجريا
6/ طارق جبريل زول مغربي عدييييييل
7/ محمد عيد أصلو إيراني
8/ منصور عبد الرازق دا زول قوقازي
9/ جمال فارح مافي شك صومالي (وريا يعني)
10/ .........
11/ ........
وهكذا
أما حكاية تمحى من عينيك ملامحك
بس إنشاءالله ما تكوني شايفا طشاش
| |
|
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: محمد آدم النور)
|
نعمل شنو معاك هسى يا منى عباس
دخلتينا فى معادلة صعبة
دايرين كرسى قدام , قبل ما يجوا الناس الطوال طوال ديك
وكمان الناس اللافين عمم
وفى نفس الوقت الساعة بقت تلاتة عدييييل
عندى مشوارين مهمين قبل ما المحلات تقفل للصلاة عندنا فى الرياض
وداير احصل كورة هولندا والدنمارك البدت ليها تلت ساعة
اسوى شنو انا
احسن حاجة , ختى لى الطوبة دى , فى الكرسى داك
كدى بس القى لى زول قعد فى الكرسى بتاعى
قال قوقازى قال ؟؟؟
جضمى لى بنياتك وبوسيهم , قولى ليهم دى من خالكم منصور
| |
|
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: منصور عبد الرازق)
|
رغما عن تلميحات الحاج السرى ... ومداخلاته الاعتراضية فى الترحيب ببزوغ فجر الجمال فى هذا البوست .. بمقدم هذه الريحانة الشذية التى اوقن انها – اذا ما اتاح لها الزمن اليومى فرصة فى غربة الثلج والصقيع كما قال الرشيد – اوقن بأنها ستوقد لنا فى احواشنا مشاعل عديدة لتراتيل الكلم الجميل وستفتح نوافذ محملة بعبق الوطن الساكن فى النفوس ... وستضىء دواخلنا بأضواء الحاضر الجميل الذى يحلم بايام قادمات متكئـات على سواعد ذاك الماضى المملوء حنانا وألقا" .. ونتوق جميعا للعيش فيه ولو لساعة واحدة ... Quote: كان وطننا حصانا ابيضا مزدهى..كان شامخا عاليا على تلك النجمات فى السماء يحتضننا..يروينا
يشبع جوعنا..لم نكن نظما لتراب بلدنا فهذا وطننا فهو منا ونحن منه...انفاسنا المتلاحقه كانت تزيد من رونقه..افراحنا كانت اعيادا
فى كل يوم من ايامنا تلك ...الخير كان وفيرا والناس طيبون...طيبون.!!! |
منى ... اقبلى ايتها الخنســـاء ... وانفحى ديارنا بألقك ... فان نوائب الدهر ... خطت بأظفارها الداميات على كل الوجوه ... وما عاد لأى منها من ملاذ ســوى العودة بالوراء الى ذاك الحنين الذى أسهم فى تشكيل وجدانياتنا تماما كما حكيتى لبناتك ... Quote: السعادة التى احسها تكفينى لاعيش دهرا او اكثر..فقط اعطونى وثيقة
ضمان تضمن عدم ارتحالكم بعيدا مرة اخرى..فاما انا فاننى ساكتب حتى اخر قطرة من دمى..واخر يوم فى حياتى..... |
هذه هى لحظة الميلاد الحقيقي ... اتمنى ان لا تجور عليك النوائب فى اضاعة هذه السعادة .. التى ان استطعت ان تحتويها بين جوانحك فانك سوف تنجحين فيما فشل فيه معظمنا فى الخضوع لسطوة تلك النوائب .. مما جعل معظمنا يتوه فى خطاه نحو هذا البــر الآمــن .. الذى ينادينا كل يوم ليمسح جراحنا ويداوى أسقامنا ولكننا رغما عن ذلك نمارس معه صــمتا" مقيتا ليس له سوى ان يزيدنا الما" ... | Quote: اين انتم احبائى ..فانا ابيعكم ايامى الضائعه وعمرى القادم وحبى وشوقى وليالى المتبقيه...واحلف بالله باننى لم ولن اضيعيكم مرة اخرى... |
ونحن نســعد بعزمك الا تضيعى لقاءنا ... ونقول لك .. نحن معك ونحلم بأن نقود جميعا مواكب ارتحالنا نحو مدينتنا الفاضلة ، ولو انها تبدو اسفيريا فى رهاب طريقنا .. الا اننا حتما سنصل الى مرافئها فى يوم ما .. وحتى وصولنا .. بكل تأكيد نوقن بأننا جميعا سندفع فى اتجاهها ... دون ان نبذل فى ذلك السبيل أى ثمن بخس .. ولو كان مائة من الجنيهات ...!
| |
|
|
|
|
|
|
|
|
|
Re: لا الاسماء الاجنبى تمحى من عينى ملامحك (Re: حنان مجمر)
|
حنان مجمر زاااااتها
لا حولالالالالالالالالالا
بما إنني صاحب البوست
شكراً على المرررور
ولا عدمناك
| Quote: وماحنعمل فيها ابن كثير لفتره طويله بعد شويه على قول محمد ادم النور حندخل معاك في المزايدات |
دا الكلام الفيهو فايدة
أنا رفعت السعر
110 حنيه بالجديد
في زول يزوِّد؟؟؟؟؟
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: محمد آدم النور)
|
محمد ادم النور
سلامات والله ليكم وحشه ياناس الحوش ولا دا الديوان
اولا البوست دا بتاع صاحبتي منى عباس متين استلمتو كدا وثانيا صاحبتي تقدر بملايين الدولارات ونسبة للظروف الماديه القاهره دائما برفع المزاد ل 200 جنيه سوداني وعليك الله جهز كم قصيده كدا للبوست كلمات اسبارتوكس الاخيره دايره اقوم اهبو شويه
ووووووينك ياكوثر داؤود في انتظارك ياحبيبي رايح ارعاك بحناني كفايه لفيت بتسحري البلد براحه شويه
اسفين يامنى لاستلام البوست
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: حنان مجمر)
|
سلامات يا ناس
وصباحات التفاؤل
Quote: انا سعيده بالرغم من بعدى..سعيده برغم من غربتى...السعادة التى احسها تكفينى لاعيش دهرا او اكثر..فقط اعطونى وثيقة
ضمان تضمن عدم ارتحالكم بعيدا مرة اخرى..فاما انا فاننى ساكتب حتى اخر قطرة من دمى..واخر يوم فى حياتى |
ونحن قطعاً أكثر سعادة بهذه الإطلالة الأنيقة ..
ومنذ هذه اللحظة فأننا ( هاهنا مُتَحَكِّرُونْ) وأنا عن نفسى متَحَكِّر (فوق كَكَرْ)..
وكيف لا أتحكر ومنى تُعيدنا إلى زمنٍ جميل..
( لمَّنْ كانت الضحكة بتكفِّى البيت
وتطلع منو بالنفاج على الجيران
وللسابع..
تصل مبلولة زى زهرات من الوديان)
بجيك بى روقة...
خارج النص: حنان ...إزَّيِّكء
جلا:حجزت ليك سرير فى المَصَّحَة (غرفة vip)
| |
|
|
|
|
|
|
|
|
 Re: لا الاسامي الاجنبي تمحى من عينى ملامحك (Re: محمد صديق)
|
يا صديقتي وجدت باب هذا البوست فاتحا
فدخلت دون ان اتنحنح او اقول يا ساتر
اكتبي ما عجزنا ان نقولها بعد هذه السنوات الطويلة
والجسر الذي مرت تحته كثير من الاشياء المفرحة والمحزنة والمضحكة
انا اضم صوتي لمنصور واقول انني لن احجز لانني معاك في هذا الزورق الجميل الذي رجع بنا الي
الزقازيق مرة اخرى
انا متمتع حثى الثمالة وهديك هذه الكلمات من درويش حتى لاتذهبي بعيدا
وما نلاقك تاني
والاسامي الاجنيبة تمح الملامح
مودتى
جواز السفر
محمود درويش
لم يعرفوني في الظلال التي
تمتصُّ لوني في جواز السفرْ
وكان جرحي عندهم معرضاً
لسائح يعشق جمع الصور
لم يعرفوني، آه... لا تتركي
كفي بلا شمسٍ،
لأن الشجر
يعرفني...
تعرفني كل أغاني المطر
لا تتركيني شاحباً كالقمر!
كلُّ العصافير التي لاحقتْ
كفى على باب المطار البعيد
كل حقول القمح،
كل السجونِ،
كل القبور البيض
كل الحدودِ،
كل المناديل التي لوَحتْ،
كل العيونِ
كانت معي، لكنهم
قد أسقطوها من جواز السفر!
عارٍ من الاسم، من الانتماء ْ؟
في تربة ربَّيتها باليدينْ؟
أيوب صاح اليوم ملء السماء:
لا تجعلوني عبرة مرتين!
يا سادتي! يا سادتي الأنبياء
لا تسألوا الأشجار عن اسمها
لا تسألوا الوديان عن أُمها
من جبهتي ينشق سيف الضياء
ومن يدي ينبع ماء النهر
كل قلوب الناس... جنسيتي
فلتسقطوا عني جواز السفر!
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مبارك جادين)
|
موسى عيسى... اريد ان ارسل لك تحيه ...بحجم تحيتك الرقيقه..ولكن اخاف ..اخاف ان ياتى حرفى كليل الوجه
مهيض الكف..على عينيه سطور العجز يسال عن افياء الرحمة والاحسان..فانت فوق الوصف.. وفوق القدرة.. والامكان
فاغفر اذا عجزت حروفى فى الترحيب بك فى ديارنا..الترحيب الذى يليق بطلتك البهيه
موسى عيسى..اخوى الاخوات...اخوى فاطمه بدرى..اخوى سامية اسماعيل.. اخوى خديجه..اخوى منى عباس..
ماذا فعل بك الزمان؟؟؟؟
ماذا فعل بوجه الطفل الساكن فى عينيك؟؟؟
ولكن حتما ان الذهب لا يصدى
اخوى موسى اعتبرنى من اليوم معكم فى جمعية البكائين فانا اعشق الدموع!!!!
فاننى فخورة بالانتماء الى جمعية اعضائها الرشيد بابكر,موسى عيسى,منصور ,والمبدع محمدعيد, يا لهم من فطاحلة...
سلام الى اسرتك الكريمة.
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
الى صديقى (المتفرد) كما يحلو لى ان اناديه.
الى الشملول الما ملعون
الى الرشيد بابكر الهادى...الحنون..الكريم..الرحيم..
الى الرشيد الذى يعفو عن الخطايا ولا يخطى
الى الذى يغفر الذلل ولا يذل
الى مثلى الاعلى....اشكرك على الترحيب المتفرد...(باين السخانه عامله فيك عمائل بطاله..)
وين نجاة تحيه لها وللاولاد
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
Quote: الى مثلى الاعلى....اشكرك على الترحيب المتفرد...(باين السخانه عامله فيك عمائل بطاله..)
وين نجاة تحيه لها وللاولاد |
مني العزيزة...
كعادتك تردين التحية بأحسن منها و تسبقينا بمسافات في الكرم و العطاء...
منى...أنا و الصيف لسنا بأصدقاء...
ففيه أتعرق و تتورم أطرافي و يحتد طبعي...
و تحتجب مشاعري أيضا خلف ستار من الضيق و النرفزة...
و يصيبها ما يشبه الكمون الصيفي...
رغم أن الكمون مرتبط بالشتاء...
و رغم أن الصيف عندكم موعد للجمال و الانطلاق و المرح...
الا أنه عندنا يقتل أي مظهر للجمال...
فتبدو الأشجار شاحبة و الزهور ذابلة...
و هو موسم تهجر فيه الطيور أوكارها و تهاجر اليكم...
نحن في بلد أنعم الله عليها بكثير من المال...
فتغلبوا على الصيف في كثير من مظاهره...
الا أنها تبقى زائفة في نظري...
فهي مجردة من الروح و خاوية كبيوت الأشباح...
أما الشتاء عندنا فهو أشبه بالربيع عندكم...
فالشمس لا تظهر فيه الا على فترات متقطعة...
و الزهور تزهو بألوانها المتعددة الجميلة...
و زخات المطر تضفي على المشهد روعة و بهاء...
فتفيض المشاعر و تأتلق...و تنسكب و تفوح حبا و دعاشا...
منى التكيف وحده الذي ساعدني على كتابة هذه الكلمات...
نجاة و الأولاد بخير يبثونك سلامهم و أشواقهم...
تحياتي لمهدي و البنات....
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: الرشيد بابكر)
|
الأخت منى عباس
لك التحية وللأسرة الكريمة
ونخص الزهرات الثلاثة ( ربنا يحفظهن ويوفقهن)
ومرحب بيك بين أهلك وناسك... وبمشيئة الله لن تضيعنا مرة أخرة
ويبدو إننا موعودين بكتابات في منتهى الجمال...
| Quote: لم نكن نظما لتراب بلدنا فهذا وطننا فهو منا ونحن منه |
والله دي كانت مشكلة كبيرة خلاص (أدروب ولووووووووووووووف) مش كدا يا عثمان الخير؟؟؟؟؟؟؟؟؟
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
ام فطومةصاحبة البوست الجميل
اختى بت امى الحقيقية.. الالماسة الغالية لتى لم يغيرها الزمن
الرقيقة .. الانيقة .. الراقية
حلوة الكلام والشكل.. منى اشتاقك كثيرا احس احيانا ان الشوق اليك فى حيرة معى..
ملامحك المحفورةجوانا .. وصوتك الذى يدندن ايما جواى ويغنى .. يلهمنا الصبر على امل اللقيا الصيف القادم ان امد الله فى ايامنا..
عذرا اختى وخالةامنية ان تاخرت فى الكتابةفى حوشك.الامتحانات وضغط الشغل ابعدنى عن الاستمتاع بما تسطره اناملك انت والصفوة الزقازيقاب .. الرائعون دوما..
بالامس كانت امنيةفى سيرتك.. ارادت لن تلبس البلوزة برنسيس( فقلت ليها خلاص يا امنية اصبحت قديمة البسيها بس فى البيت)فقالت لى خلاص ناس ريان حا يجيبوا لى ذيها تانى) وتعرفى انه امنية وهنودى ذى الرشيد هم والجو الحار اعداء كنا فى مشوارامبارح بالنهار والجو حار جدا حتى افى العربية حارة جدااتجرست امنية وقالت انها بتكره الحر وانها عايزة تسافر كندا..
اتحفينا ايتها الاديبة الراقية بكتاباتك واسلوبك وكلماتك التى تنسرب الى قلوبنابلا استئذان
تحياتى لمهدى والبنات
ودمتى يا ارض الخير المعطاءة
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: نجاة حوفي)
|
Quote:
فاغفر اذا عجزت حروفى فى الترحيب بك فى ديارنا..الترحيب الذى يليق بطلتك البهيه
موسى عيسى..اخوى الاخوات...اخوى فاطمه بدرى..اخوى سامية اسماعيل.. اخوى خديجه..اخوى منى عباس..
ماذا فعل بك الزمان؟؟؟؟
ماذا فعل بوجه الطفل الساكن فى عينيك؟؟؟
ولكن حتما ان الذهب لا يصدى
|
فجرت بركانا كامناو وعملت هزة قلبية بدرجة مليون بمقياس الاخوة
الطاهرة الذي لا يعرف الا الولاء و الصدق فقط بسيرتك لتلك الكوكبة
الجميلة بقيادة فاطمة بدري و سامية اسماعيل و خديجة ابراهيم و علوية اسحق .
لا تتخيلي مقدار الحنين ممزوج بدموع ساخنة لتلك الايام بالقها و جمالها
و كم تخيلت ساحة الاداب و هي تجمعك بهم عندما كنا زوارا دائمي التواجد
بها و طبعا الشيخ محمد ادم النور كان ضمن الزوار هؤلاء فهو ملح تلك الكوكبة .
فلك الشكر منى علي الكلام الجميل و بيني و بينك راسي لمن كبر و بديت اتحسسه و
مرحبا بيك في الجمعية التي رات النور باشراقتك البهية .
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: موسي عيسي)
|
| Quote: انت يا عبد الدائم مسئول من الخير..محمد ادم النور دا كان معنا فى الزقازيق؟ |
| Quote: و طبعا الشيخ محمد ادم النور كان ضمن الزوار هؤلاء فهو ملح تلك الكوكبة |
حبيبي أكتب لي و أنا أكتب ليك
دي ما مشكلة
بعدين السؤال موجه لعبد الدائم
إذا أنا وصفت بالملح في حضرة من أهوى
ماذا سيقول الضاد عني
ياأهل المرواااااا!!!!!!!
مافي زول يلحقني و لا شنو؟؟؟
الدنيا ما فيها حكومة
يا حنان مجمر
المزاد زاد
300 جنيه و عليك الله ما تزودي...إتفقنا؟؟؟؟
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: محمد آدم النور)
|
الغربه؟
انظر حولى.. جميعها وجوه لا اعرفها منذ ان خطتت قدماى ارض هذه البلد
بدات رحلة التعرف على الاشياء من حولى
فى كل لحظه يسرى بدمى الشعور بالغربه
كم هو مبهج ان ترى وجها تعرفه,يبتسم لك بصدق,يعانقك,قتشعر انك لست غريبا.
هذا هو احساسى منذ ان جاءت صديقتى حلوة الروح والشكل
حنونه (حنان المجمر) الى كندا.
حنان رفيقة الدرب الذى امتد قرابة الثلاث سنوات.عندما
تقابلنا...اناوحنان فى الزقازيق..تحدثنا ببساطة وبدون كلفه كاننانعرف بعضنامنذ الاف السنين.
السحر...خاصيه اختص بها الله حنان...
لم اقابل حتى الان شخصا بمثل هذا السحر...فاذا وقعت عيناك على (حنان) لابد ان تحبها.
كانت حنان الاخت الكبيرة لينا بوعيها...الاخت الصغيرةبرقتها..الام بحنانها..الاستاذة باحترامها علىاشياء الاخرين..
الصديقه بودها..الزميله بسخريتها...الرفيقه بصبرها على اصدقائها...
بوجود حنان معى بكندا وبالرغم من ان المسافات مازالت بعيدة..ولكن بدات احس بالاطمئنان, والامان
فشكورا على مرورك الجميل...
لكن يابتى ماكان فى داعى للمذادات دى....ودمتى لى
سلام لحاتم والاولاد..
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
منى العزيزة
أهديتك هذا الصباح في البوست العام قصيدة هاشم صديق يا جنى....
كنت أقرأها هذا الصباح...و عندما وصلت الى آخر الأبيات...
تحول كل بيت منها الى صورة شخص ما في خيالي...
و كان لك نصيب منها...
لن أقول لك أي بيت رسم في خيالي صورتك...
و لكني أهديكها جميعا فأختاري ما تشائين....
الفين سلام
يا يمه يا شتل المحنة الشب في وسط الجروف
يا يابا يا الدرع المتين الليهو كم سجدت سيوف
يا جده يا أم صوتا حنين حجواتا بالوادي بتطوف
ياالسمحه يا شمس الفريق الليها كم غنت حروف
في الغربة يا أهلي الحنان كم عشنا في قسوة ظروف
و أشواقنا لي أرض الوطن و لخضرة الوادي العطوف
خلتنا كم ساقنا الخيال طار بينا لدارو الولوف
والفرحة غنت و صفقت و الشوق حضن شتل الجروف
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: موسي عيسي)
|
بها و طبعا الشيخ محمد ادم النور كان ضمن الزوار هؤلاء فهو ملح تلك الكوكبة .
اخوى موسى كيف الحال...بالمناسبه انا عندى ذاكره فولاذيه,نعم لاتضاهى ذاكرة النضيف ولكن كيف انسى
اخونا محمد ادم النور, ولكن عندما سالت النضيف انو كان معانا كنت مستنكره المزادات العملها لى فى البوست
فمرحب بك يا محمد نورت حينا...اها المزاد وصل كم؟؟؟؟
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
العزيزة منى ام فطومة
منورة بيتك وطلتك مازالت وستظل جميلة
نثرتى الفرح والحب كما كنت وستكونى دائما
الحمد لله الجيت حجزت جنب منصور
حنان دى يا منويه فيها نكهة كردفان المشبعة بدعاش امطارها
جميلة ذى جناين بارا
حنينة ذى نغمات الطمبارة
حلوة ذى رقصة النقارة
دى بت بلدى هنيئا لكم بلقرب وابقو عشرة على بعض
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: زينب التجاني)
|
الفين سلام
يا يمه يا شتل المحنة الشب في وسط الجروف
يا يابا يا الدرع المتين الليهو كم سجدت سيوف
يا جده يا أم صوتا حنين حجواتا بالوادي بتطوف
ياالسمحه يا شمس الفريق الليها كم غنت حروف
في الغربة يا أهلي الحنان كم عشنا في قسوة ظروف
و أشواقنا لي أرض الوطن و لخضرة الوادي العطوف
خلتنا كم ساقنا الخيال طار بينا لدارو الولوف
والفرحة غنت و صفقت و الشوق حضن شتل الجروف
اخى الرشيد
اى بيت من هذه الابيات الرائعه تحكى عن حاله من حالاتى
ولكن بما انت خيرتنى فى واحد فانا بختار
يالسمحه ياشمس الفريق الليها كم غنت حروف ....
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
Quote: اخى الرشيد
اى بيت من هذه الابيات الرائعه تحكى عن حاله من حالاتى
ولكن بما انت خيرتنى فى واحد فانا بختار
يالسمحه ياشمس الفريق الليها كم غنت حروف .... |
مني الأخت الصديقة...
هو اختيار صادف أهله ان لم يتقاصر قليلا...
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: محمد صديق)
|
سلام..يامحمد صديق..طبعا كالعاده وكما عهدناك دائما سباق بالخير..وتسال من الصغير والكبير ماعدمناك ياخوى.
اصلى كنت مشغوله بزيارة اختى لى فى كندا وعايزه تشوف فانكوفر فى خلال اسبوعين..غايتو ماقصرنا..
ولكن راجعه بشوق وحنين الى منبر الزقازيق عامه الى البوست بتاعى خاصه.. واود ان اعتذر الى الناس الحلوين
الى الذين رحبوا بى بكلمات رقيقه وجميله وموثره..وانا اسه متحيره ماذا اكتب لهم كيف ارد التحيه الجمبله باجمل منها
اخص الاخ العزيز محمد عيد..وين انت ياخى مختفى من المنبر..
الاخ مبارك جادين..والاخت نجاة حوفى..الاخ عثمان الخير..الاخ سامى
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
دائماً إرتاح في هذا المنبر أياًً كان اسمه أو صاحبه
و بعد ما الأسامي أبت تتمحي من عينيك
وفردتي أجنحة العشم بلقيا إسفيرية
فكان لقاءك بهم و لقاءهم بك
فقلت هل البت الحديقة (صاحبة البوست)
دي حا تجي تاني بتلك المواصفات التي ذكرت في رائعة مصطفى
ليس من شك بأنها تأتي
لا يهم متى ولكن أعتقد هنا
حاتجي البت الحديقة
فاردة أنسام في طريقة
وشاتلة ألوان
حتجي البحدث بريقة
ضجة الضو في المكان
حتجي المن بدري جات
من ضلامات السكات
شايلة قمرين في عيونه
وفاتحة ليلين بي جنونا
وضاوية ساحات إنتمت
لي فجر فات
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: أبوبكر حامد الأمين)
|
يا سلام يا مني .... يمين بالله قايل روحي رحبت بيك ورديتي علي كمان .... شوفوا المحن الزمن ده كله انا نائم علي العسل الا الليلة اتفاجا باني لم امر من هنا .... والله اللوم اصلوا ما فايتنا ... يا زوله مرحب بيك وسط اهلك وحبانك واخوانك ومنورة والله .....
وعذراً لهذا التقصير ....
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: زهير الزناتي)
|
| Quote: هم لا يفهمون...ان العمريركض.. |
يا منى وقت انتي عارفة العمر بيركض...ما تهتمي بالبوست ده شوية...
ما معقولة العمر بيركض و انتي بتدخلي هنا مرة في الشهر...
ده شنو البخل ده يا منى...
ما عهدناك بخيلة...
بل كنت و ما زلتي كريمة ومعطاءة...
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: الرشيد بابكر)
|
Quote: أن تأتى متأخراً خيرٌ من أن لا تأتى .....
هل فى هذا مايشفع لى ؟ آمل ذلك
|
Quote: يا سلام يا مني .... يمين بالله قايل روحي رحبت بيك ورديتي علي كمان .... شوفوا المحن الزمن ده كله انا نائم علي العسل الا الليلة اتفاجا باني لم امر من هنا .... والله اللوم اصلوا ما فايتنا ... يا زوله مرحب بيك وسط اهلك وحبانك واخوانك ومنورة والله .....
وعذراً لهذا التقصير ....
|
دي الفرصة الواحد يتسلل وسط الاعتذارات الجاهزة دي ... وبخجل شديد .... يا صاحبه البوست الرائعه ...
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: ياسر نجيلة)
|
مصطفى سيد احمد.....فنانى المفضل
اغنية (البت الحديقه) ....اغنيتى المفضله
ولكننى مثل عنتر ابن شداد..حين قال
فانالا اطا قدمى فى موضع الا اجد له مخرج!!!!!!!.
اولا ....اما محمد النور ادم دخل البوست دا غلط!!!!.
او.....اما محمد النور ادم رفع الرايه البيضاء وانضم الى جماعة البكائين..
ثانيا... ما عايزه افرح شديد..وبعدين محمد النوريقوم يقول قلتوا شنو.....المزاد وصل كم...
فاذا كنت فعلا تحس بالراحه فى هذاالبوست فانااشكرك جدا..واقول ليك كل سنه وانت طيب وعيد مبارك....
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
مني عباس ... سلامات ... والعيد سعيد وكل عام وانتم بخير ...... ربنا يحقق الاماني .....
تعرفي اغنية البت الحديقة يمكن الاغنية الوحيدة لمصطفي سيد احمد ما قادر اسمعها .... ليه ما عارف يمكن عشان اللحن ما دخل مزاجي ولا التوزيع الموسيقي بتاع الشريط النزلت فيهو كان فيهو حاجة غلط ....ولا شنو ما عارف .... لكن فعلاً كلماتها جميلة وتشبه غناء مصطفي سيد احمد ....
والمكرفون عند الرشيد
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: محمد آدم النور)
|
زهير الزيناتى....الرجل الذى اسقطنى من ذاكرته
اولا..الف تحيه لك وللاخت ابتهاج والاولاد....ومبروك الاغتراب..
والله يازهير..عقدتنى عديل...وقلت ياربى الزول دا سمعوا لا جابوا ليه....
توزع فى التحايا...والترحيب..هنا وهناك... وتمر على مرور الكرام...
قلت معليش...احتمال الزمن محانى من ذاكرته...ما مشكله...
بدات اسك فيك من بوست..لبوست..واتحكرت عديل فى بوست صور نادى الشرطه...ما فى فائده..
المهم حصل خير..وشكرا على الترحيب الجميل..
تتذكر...مره كان عندنا معرض تعريفى فى كلية الاداب جامعة الزقازيق..وانت جئت لزيارتنا فى المعرض..
كنا انا وامانى دفع الله..ومنى يونس..فالمصرى رفع الهبابه السودانيه وسالنا...وايه دى ؟؟؟ قمت انا قلت ليه دى هبابه
قال لى بتهببى بيها ايه...لحدى اسه اتذكر موتك من الضحك...دى كمان نسيتها؟؟؟؟...
يا بخت ناس السعوديه بيك وبابتهاج...و كل سنه وانتوا طيبين..
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
منى عباس الأخت و الصديقة
كل عام انت و الأسرة بألف خير و ان شاء الله ينعاد عليكم بالخير و اليمن و البركات
مشتاقين عديييل كده...
خليني من طناش زهير ليك...أنا مطنشاني مالك...
غايتو الواحده لمن تبقى فرازة...
تضربي لي نجاة حوفي بس...
ما أنا برضو صاحبك...
و من ما بقيت أشتغل بعيد عن أولادي اتعلمت اللوم...
أغنية البت الحديقة أغنية جميلة...
و أغنية سمع و شوف...
و من الأغنيات التي تحتاج لي جو خاص عشان تسمعها...
يعني تكون قاعد في جو هادي...
و أنوار خافتة...
و تقعد تسمع فيها...
حتشعر ان كلماتها تتخلخلك كلمة كلمة...
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: الرشيد بابكر)
|
فرحة الأعياد بشوفتك تكتـــمل
وش يفيد القول وترتيب الجمل
والرسايل بيننا همزة وصل
والكواكب دايرة دورة زحل
وعيدكي مبارك عسا فرحتي بالعيد تحتويكي .
لك الاشواق والتهاني والتبريكات بعيدالاضحي المبارك لك وللاسرة
الكريمة رغم انها متاخرة و لكن القحة ولا صمة الخشم .
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: زهير الزناتي)
|
بالمناسبة الزولة دي سكيتها كدا لمن فترت
والبوست بتاعها دا وقع لي في عطاء
بعد مزايدات مع بت مجمر
المهم البوست دا وقع لي في جرح
و نفسي في داخلك بعاين
وهي جزء من منظومة د. بشرى الفاضل
التي يغنيها الرائع الراحل
مرّة طربان .. شلت صوتك
شان أغنى..
قلت آه ياليل .. وآه
إنتى أول .. وإنتى تانى ..
وإنتى تالت .. وإنتى رابع
نافرة زى صيد الخلا
وصافية زى نبع المنابع
وقلتى لى غناى .. خلاص
*******
حلوة عينيك زى صحابى
عنيدة كيف ... تشبه شريحتين
من شبابى
حلوة عينيك زى صحابى
وزى عِنب .. طوّل معتـّق
فى الخوابى
وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
بدأت أجاري المود بتاع البوست
وبوست السيدة الأولى منى يونس
فإذا بي هاهنا
فكلكم في الهم شرق
وكلكم في الإسم شوق
محمد آدم في شكل الرشيد
زي وهمة في شكل قلبة
يا رش
ما علينا قلتي لي كيف!!!!
| Quote: وبدات الثلوج فى التساقط معلنه عن قدوم فصل الشتاء القارص... |
و أنا في بورسودان و الشتاء الممطر
يعني حار جاف صيفاً.... دافئ ممطر شتاءً في الجغرافيا سمعنا بيها
الآن نحن شايفنها شووووووف ...يعني ناس بورسودان مخرفين الأيامات دي
و تعالي شوفي ساق الحراز مع المطرة كيف؟؟؟
وليه غبتي يا القمرا
ساق الحراز
الحال الوقف .. الحال الوقف
وقفت دمعاتو وكمان بيوت
نارالفرح ما ولعت
ساق الحراز كضب شرب موية المطر
دلوكى العز و العزاز ما خنقت
ليه غبتى يا القمرة
نركب جياد الليل
ونشر بين سفر العتامير ليل
نرجاك فى المطرة
أرجع تعال يا شليل
درع الأميرة سرق
سوه حدوة خيل
بحر العطاشى نشف
نشرب بواقى السيل
قوض لى ملامحك
يا حراز ريح العوارض غربت
فرتق ضفايرك فى الرزاز
جية العصافير قربت
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: كمال الشادي)
|
| Quote: يا اخوانا مالكم على...انا اصلوا انا بقت مره كبيره....وقلبى بقى رهيف..وجنى بكى.... |
برسل ليك سلامي وأشواقي لشخك العزيز
وإنتي من زمان قلبك رهيف وحنين وما عارفه كيف
معاكي الغربة الحقيقية لأن الزقازيق ما كانت غربة
ولا دول الخليج بغربة، ربنا معاك
| |
|
|
|
|
|
|
|
|
|
Re: لا الاسامي الاجنبي تمحى من عينى ملامحك (Re: مني عباس)
|
من اجمل القطع الادبيه التى قراتها
قلت من قبل من انت؟؟؟
ايها المسافر فى مجاهل الزمن حاملا عينيك سراجا لعتمتى.....وينابيع روحك شلالا لعطشى..من انت ياشريك وحدتى ومخضب يدى
ايها الهائل ارهابه حاضرا وغائبا....صاعقا ومصعوقا ...وكثيفا ومبددا...انام فترشد احلامى الى يقظتها...اناديك فتلبى دعاء خيالى
اضل الطريق فتووينى فى بيتك الذى هو كغابة اوهامى لا سقف له ولا نافذه...من انت ايها الطائش الحكيم الذى بجنونك وحده يكتمل قمر ضلالى
هل اسميك المطر؟؟؟ ...وانت الحاركارض تنضج صيفها
هل اسميك الضوء؟؟؟.... وانت السابح ابدا فى ظلمة القدر
هل اسميك العسل؟؟؟؟ وانت لك مرارة السراب وطعم الحسره وتشبه كل مايشتهى ولايمكن ان يسرق...
من صخب فوضاك استمد السكون..على ايقاع باسك تراقصنى ظلال الامل.... وفوق هضاب غليانك يتمدد كسلى... ومن كتاب انتحارك الدائم اتعلم ان اتشبث بالحياة
من انت؟؟؟ ايها الهامس ..وهمسك يطاردينى كتاوهات منتصف الليل.....
اسالك الغرق فترشدنى الى بحار اشد واعمق...اغتسل بمياهك فتطيبنى عطور الحنان....
اسهر على عتبة وحدتى فتبكى على جروحى وتنزف......كل عيش خارج عذابتك موت... وكل كنز لاتلوحه شمسك باطل...وكل انتصار على الامك خساره
ماذا اسميك بعد؟؟؟؟؟
وانت ذهب الفمر ...وطعام الكتب وملاذ الهاربين...ومن ابتهل غيرك وانا تايهتك فى كل مكان...وكيف اغادرك ولا يقين لدى سوى يقين انتمائى اليك
احار كيف اسميك يا منقذى...ومهلكى...يا ضعيفى وقاتلى ....يا صمتى ولغتى..وكل ما لم تخترعه بعد عيناى من دموع
احار كيف اسميك؟؟؟؟
ايها الحب!!!!!
| |
|
|
|
|
|
|
| |
موسي عيسي
الرشيد بابكر
محمد آدم النور
كمال الشادي
منصور عبد الرازق
محمد عيد
حنان مجمر
محمد صديق
سامي عبد الوهاب إدريس
نجاة حوفي
عبد الدائم سيد أحمد
زينب التجاني
مشاعر بدوي
عفاف علي ميرغني
أبوبكر حامد الأمين
زهير الزناتي
ياسر نجيلة
أحمد إسماعيل
مني يونس
فيس بوك
تويتر
انستقرام
يوتيوب
بنتيريست