دعواتكم لزميلنا المفكر د.الباقر العفيف بالشفاء العاجل
|
|
 يا بيتاً ثانِ يجمعنا
|
يا من بالحلم يجمعنا
يا من بالاصدقاء يعرفنا
يا بيتاً ثانِ يجمعنا
عائلة صرتم وكبرتم
يا منتدياً جمع الاحباب حوالينا
فجرت فينا ماضينا
بوركت اقلام الطامحينا
يا علما سطر ثقافةً فينا
يا من حركت اقلام الصامتينا
يا من شققت طريق الصامدينا
بوركت اقلامكم وانا اول الشاكرينا
الشكر اجزله لكم جميعا وأخص الاخ بكرى وموسى عيسىو زهير الزناتى.
سلام على اهلى الكرام
|
|
 
|
|
|
|
|
|
|
|
Re: يا بيتاً ثانِ يجمعنا (Re: عمر المهدى)
|
العزيز الحبيب
خالد محي الدين
يا أخي اهلا ومليون وسهلاً
نورت دارك وبيتك
ابقى داخل
كل الاحباب
والاصحاب والحلوية في انتظارك
إنت كبير البيت
وإنت سيدو
مرة تانية
اهلا وسهلا
| |
|
|
|
|
|
|
|
|
|
Re: يا بيتاً ثانِ يجمعنا (Re: عمر المهدى)
|
سلامات يا ناس
Quote: يا طير ان مشيت
سلم على حبانى
جيب خبر الوطن
يمكن قليبو طرانى
جيب نسام زولا
المنو مره روانى
جيب لمحات جمالو
الاصلى مو برانى
|
سلام يا دكتور ..وألف مرحب بطلّتك الجميلة
وكلنا ثقة فى أنك إضافة حقَّة لهذا المكان
والأحبّة.
ننتظر منك الكثير.
| |
|
|
|
|
|
|
|
|
|
Re: يا بيتاً ثانِ يجمعنا (Re: محمد صديق)
|
وصلت أهلاً ونزلت سهلاً
هلا بالطلة الجميلة وولدنا الرائع
د. خالد محي الدين ،،،،،
البيت بيتك أدخل برجلك اليمين وقول بسم الله
ووجودكم يزين المنبر ويزيده ألقاً ،،،،
للتوضيح أنحنا عندنا بيتين ،، البيت البنكتب فيهو ده
هو منبر ناس الزقازيق ،،،،،،،، والبيت التاني هو بوست ناس الزقازيق
بإسم ناس الزقازيق أجدع ناس ونركز عليه دائماً في اللقاء اليومي وهو موجود
في المنبر العام بتاع بكري أبو بكر ،،،
شكراً على تواصلكم السريع ونشوفكم كمان في بيتكم الثاني ،،،
| |
|
|
|
|
|
|
|
|
|
Re: يا بيتاً ثانِ يجمعنا (Re: عبد الدائم سيد أحمد)
|
الف مليون ترليووون مرحب
بنوارة طب كلها ...
د.خالد .. حللت أهلا ونزلت سهلا ...
والله بالجد ما تتخيل مدى فرحى باطلالتك الجميلة ...
وانشاء الله طلتك فيها الشفاء والعافية والجمال ..
تقدم وادخل ايها النطاسى البارع ..
فالدار دارك والبيت بيتك ...
* هاك اول شغلانة .. قالوا حاج الركز محموم
شوف لينا الزول ده محتاج علاج عضوى ولا نحولوا لاختصاصى الصحة النفسية ..؟
| |
|
|
|
|
|
|
|
|
Re: يا بيتاً ثانِ يجمعنا (Re: محمد عيد)
|
مراحب مع كل شروق شمس وغروبها
حبابكم الف بعدد نجوم السماء فى الافق
مليون مرحب بيكم انتم اهلى وعشيرتى
لكم تحياتى جميعا دون فرز وهذه شيمكم
لقد اثبتت لى كلماتكم اننى تواجدت كما غيرى فى المكان الصحيح
الذى كنت اتمنى التواصل فيه معكم منذ زمن
لقد ارتسمت الدهشة على وجهى وملات السعادة قلبىان اجد هذا الكلام الرائع
من اناس رائعين
لكم شكرى وتقديرى
| |
|
|
|
|
|
|
|
|
|
Re: يا بيتاً ثانِ يجمعنا (Re: موسي عيسي)
|
خالد يا لذيذ يا رايق...
حبابك ألف....
نورت الحيشان كلها...
من زمان منتظرين طلتك بالباب و الحمد لله جيتنا...
خلينا نشوفك كل يوم ان شاء الله...
من حسه أمشي ظبط جدول نبطشياتك...
يوم عنبر الباطنية...
و يوم عنبر القاينا (دي شافيها من سليمان)...
وكل الأيام ناس الزقازيق أجدع ناس...
و كان رفدوك لا قدر الله عشان الانترنت...
ما تشيل هم...
حنخلي كمال الشادي يغير الأولويات في شركة الزقازيق القابضة...
بدل مجمعات سكنية...
نعمل مستشفى و نبقيك المدير...
و كان بقيت انت المدير...
أنا من يوم الليلة بشتري نص الأسهم بتاعت المستشفى...
أنا بشتري ربع و بستلف الربع الباقي من نجاة حوفي...
من وين؟؟؟
من قروشها الداساها مني دي...
| |
|
|
|
|
|
|
|
|
|
Re: يا بيتاً ثانِ يجمعنا (Re: الرشيد بابكر)
|
يا ياسر نجيلة
يا زهير الزناتي
يا محمد صديق
يا شباب
تعالو بي جاي
Quote: أنا بشتري ربع و بستلف الربع الباقي من نجاة حوفي...
من وين؟؟؟
من قروشها الداساها مني دي... |
في واحد مفلق هنا
حصلونا
القصة فاتت الفليق وجرجير الاضنين والصنننننننننننننننننننننننننن
في واحد أخونا هنا
سحبو صلاحية بطاقتو بتاعة البنك كمان
الظاهر يا شباب أخينا ده عايش بمبدأ
الكلام والكمبيوتر والدخول لناس الزقازيق مقابل الغذاء
| |
|
|
|
|
|
|
|
|
|
Re: يا بيتاً ثانِ يجمعنا (Re: كمال الشادي)
|
كانت ايام جميلة فيها للخيال اجمل ما فى الكون من سرحان الخيال: بديع جميل والواقع ولا اجمل .اعذب الذكريات -نعم عشنا الزمن الجميل ويا لة من عيش ومن زمانابرز معالمة الرجال العظام كانت تظهر معالمهم وتنجلى عن معنى ان يحب الانسان الاخر .
الاخ محمد عيد كيف اخبارك ارج ان تكون بخير
العزيز الرشىد ؛؛؛؛؛؛؛؛ الامارات قالوا قروشها سريعة الانتشار والطيران ولذلك ابقى عشرة على قروش نجاة.
عمر المهدى
كمال الشادي (ضنين الوعد)
البادي النور
محمد صديق
منصور عبد الرازق
عبد الدائم سيد أحمد
محمد عيد
جلال عثمان
موسي عيسي
سلامى لكم
نتمنى اللقاء
ياسر نجيلة
زهير الزناتي
طارق جبريل
سلاات
حاتم جباره
اين انت
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
سلامات يا ناس
دكتور خالد...سلام وشوق
وعشان الكلام الجميل الكتبتو ده لازم يكون حضورك مستمر
يعنى حكاية ( يا البالعَصُرْ مرورو ) دى ما بتفيد..هنا فى
نبطشيات..بس فى الايام الاولى دى أختا نبطشيات الرشيد..
Quote: في واحد مفلق هنا
حصلونا
القصة فاتت الفليق وجرجير الاضنين والصنننننننننننننننننننننننننن
في واحد أخونا هنا
سحبو صلاحية بطاقتو بتاعة البنك كمان
الظاهر يا شباب أخينا ده عايش بمبدأ
الكلام والكمبيوتر والدخول لناس الزقازيق مقابل الغذاء |
الشادى يا حبيب...
الكلام ودوه بى هناك فى بوست الصور ..اقصد بوست مليص الإضنين.
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
مراحب كتيرة بالدكتور الوجيه خالد محي الدين والظاهر عليهو حا يخرتنا برضو هنا في المنبر زي ما خرتنا في الزقازيق ... ماشاء الله برلوم مفتح ينزل في الصور والأغاني ,,, وناس هناي ** ديلك لسه ما قادرين يخشو ...
** هناي متروك لفطنة القارئ ...
مرحب يا دكتور وأكيد إضافة مهمة ونوعية ... للمنبر ...
| |
|
|
|
|
|
|
|
|
|
Re: يا بيتاً ثانِ يجمعنا (Re: طارق جبريل)
|
يا زهير يأ أخوي
| Quote: وناس هناي ** ديلك لسه ما قادرين يخشو ... |
حوش الدكتور خالد محي الدين
لسه حوش جديد وأخضر ونجيلتو يا دوبك مرطبا
مالك جايب العجاج فيها
عرفنا إنو خالد محي الدين شفت ومفتح وبيعرف ينزل كل حاجة
لزومو شنو ناس ( الكاشف أخوي )
تقصد منو تحديداً بي ناس هنا ديلك ؟
خلي الناس مرتاحة
عموماً حسب علمي
ميسرة بيعرف وشديد في الشغلانة
عبد الدائم إستاذ واستاذي
موسي عيسي
جلا
منصور
الرشيد
( نو كونت - No comment )
| |
|
|
|
|
|
|
|
|
|
Re: يا بيتاً ثانِ يجمعنا (Re: كمال الشادي)
|
حبة قبل النوم يا برلوم
يا د/ خالد اتصلت عليك كم مرة بالنهار بلقى تلفون مقفول دايما"
عجبنى بيتك التانى الجمعنا وقمت نزلت ليك اغنية طيبتو محبباهو
كترحيب بشخصك المحبوب
اها قام الكلام جاب الكلام ، زهير قال شنو والشادى متحسس من كلامو شوية
والاتنين عاوزين ليهم حبوب ( مهدنة )
نخش فى المفيد
اول ما يتم تحميل اغنية بديك ليها بالكود ادناهو ، وكلمة AUTOSTAR=true داخل الكود
بتعنى ان الاغنية بتشتغل معاك اتوماتيكيا" مجرد انزالها فى البوست
EBD SRC=htp://w.sudaoice.EBD SC=htet//nnnnnnnnn AUTOSTART=true LOOP=FALSE EBED SRC=htpWIT
عشان كده ( اغنيتى واغنية ضنين الوعد ) كلهم شغالات فى وقت واحد
يبقى هنا الاصوات حتتضارب مع بعض زى دكاكين العصير اللفى السوق الشعبى
كل واحد مشغل شريط
يلا نقوم نغير شوية فى الكود فى حالة وضعنا اكتر من اغنية فى البوست
مثلا" كلمة AUTOSTART=true نخليها AUTOSTART=false
www.sudaoice.EBD SC=htet//nnnnnnnnn AUTOSTART=false LOOP=FALSE EBED SRC=htpWIDT
بمعنى ان الاغنية تشتغل بالضغط على زر play اختياريا" يعنى
مع الاشارة لازم اوقف تشغيل الاغنية الاولى الشغالة اوتوماتيك بالضغط
على زر stop عشان اقدر اسمع الاغنية التانية
فهمت حاجة يا منصـــــــــور
| |
|
|
|
|
|
|
|
|
|
Re: يا بيتاً ثانِ يجمعنا (Re: كمال الشادي)
|
يا كمال الشادي وحات سيدي الحسن ما قاصدك ... أنا قاصد ناس تانين .. عايز أشاغلهم .. بس وقت جاتك في محلك يا زول ما بطالة معاك ... وعليك بي كورس سريع كده في الأيام الجاية ...
| |
|
|
|
|
|
|
|
|
|
Re: يا بيتاً ثانِ يجمعنا (Re: عفاف علي ميرغني)
|
خالد محي الدين ...
ياجميل ... يارائع ...
ذكريات الزقازيق كلها ... جات ... ايام ياابوالخلد ...
===================================================
شادي ياحبيب ...
كلام الرشيد الفوق ده .... فطو ... الزول ده خانو التعبير ساي ...
الجوز ده "روح واحده في جسدين"
انت ماشفت كسير عيد الميلاد .... كدي امشي كاي وتعال ...
| |
|
|
|
|
|
|
|
|
|
Re: يا بيتاً ثانِ يجمعنا (Re: ياسر نجيلة)
|
منذ ولادتنا وحتى مماتنا .. يصدف أن يمر إُناس كُثر في حياتنا ..
منهم من يكون لقائه لسويعات وأخرين لأيام وسنين ..
بعضهم بمجرد أن نلتفت خلفنا ننساهم .. وننسى حديثهم معنا !!
وهناك من ينطق بكلمة واحدة نظل نذكرهم حتى مماتنا .. لاننساهم مما حيينا
أصدقاء تمر بهم في حياتك !!!! ومنهم
الصديق المنعش و الصديق المماثل و الصديق الحكيم والصديق المرح و الصديق المعاكس و الصديق التاريخ والصديق العطوف و الصديق الوفي و الصديق العابر و صديق الشدائد
وانتم يا أهل الزقازيق نعم الاهل والاصدقاء
ايام يا نجليه ليتها تعود
عفاف علي ميرغني ازيك و سلامى لاسرتك الكريمة
شكرا الاخ عبد الدائم على الايضاح وسلامى للصغار
| |
|
|
|
|
|
|
|
|
|
Re: يا بيتاً ثانِ يجمعنا (Re: مشاعر بدوي)
|
الدكتور العزيز
خالد محي الدين
ألف مرحب بيك حبيبنا ... حبيبنا
حبابك ماغريب الدار
الحبيب هلا أهلا بيهو
أسف للترحيب المتأخر
وآمل أن تكون أكثر نشاطا وحيوية منا
لك التحايا والأشواق والود
ويلا واصل
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
اذيك يا خالد
والف مرحب بيك منور والله
وجودك ذادنا اشراق
وبعدين دخول معلم
قبل فترة لقيت حاجة فى المنبر عن د. اسامة محى الدين بس ماقدرت اضيفا ياريت لو لميت فيها تنزلا لينا
وبنقول ليهو للامام
تحياتى للشباب وامهم
| |
|
|
|
|
|
|
|
|
|
Re: يا بيتاً ثانِ يجمعنا (Re: كمال الشادي)
|
الزول الوجيه الوسيم
الدكتور خالد محي الدين
كل سنة وانت بالف خير انت واسرتكم الكريمة
وينعاد عليكم وانتم في حبور وسعادة
عليك الله طل يا خالد
طلالتك حلوة
ونحنا بنحبها وبنحبكم
وفي ناس كتار هنا بيسعدوا بي وجودك
فما تحرمنا طلاتك
| |
|
|
|
|
|
|
|
|
|
Re: يا بيتاً ثانِ يجمعنا (Re: كمال الشادي)
|
النشيد الوطني السوداني ـ السلام الجمهوري السوداني ـ نشيد العلم السوداني ـ تحية العلم السودانية
نحن جند الله جند الوطن
إن دعا داع الفدا لن نخن
نتحدى الموت عند المحن
نشتري المجد بأغلى ثمن
هذه الأرض لنا
فليعش سوداننا علماً بين الأمم
يا بني السودان هذا رمزكم
يحمل العبء ويحمي أرضكم...
***
نحن أسد الغاب أبناء الحروب
لا نهاب الموت أو نخشى الخطوب
نحفظ السودان في هذي القلوب
نفتديه من شمال أو جنوب
بالكفاح المُرُّ والعزم المتين
وقلوب من حديد لا تلين
نهزم الشرَّ ونجلي الغاصبين
كنسورٍ الجوِّ أو أُسْد العرين
ندفعُ الرّدَى
نصدُّ من عدا
نردُّ من ظلم
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
تهنئة بعيد الاستقلال المجيد لكل الشعب السوداني
والتحية لكم يوم أن اجتمعت لكم أعياد الفرحة كلها لتسموا بمعانيها القاصدة الصاعدة فوق عالم الضرورة ، ، ونستقبل باليقين عاماً جديداً ، وعهداً جديداً ، ونحتفل فيه بمناسبة عظيمة تمثل ميلاداً لهذه الأمة العظيمة ، هذه الأمة السودانية التي خرجت للعالم في الأول من يناير 1956م معلنة تحررها من ربقة الاستعمار وقيوده ومستندة على الحق في أخذ مكانها الحقيقي بها بين الأمم المستقلة الناهضة .
نحن أسد الغاب أبناء الحروب
لا نهاب الموت أو نخشى الخطوب
نحفظ السودان في هذي القلوب
نفتديه من شمال أو جنوب
بالكفاح المُرُّ والعزم المتين
وقلوب من حديد لا تلين
نهزم الشرَّ ونجلي الغاصبين
كنسورٍ الجوِّ أو أُسْد العرين
ندفعُ الرّدَى
نصدُّ من عدا
نردُّ من ظلم
| |
|
|
|
|
|
|
|
|
|
Re: يا بيتاً ثانِ يجمعنا (Re: زهير الزناتي)
|
خالد محي ليك وحشة ياخي...
كل سنة و انت و الأسرة بخير...
شايف كمال الشادي سلم عليك رديت عليهو بالنشيد الوطن و أسد الغاب...
حسه أنا و زهير ما حنقبل بأقل من يا غريب يالله لي بلدك...
| |
|
|
|
|
|
|
|
|
|
Re: يا بيتاً ثانِ يجمعنا (Re: الرشيد بابكر)
|
سلامات للعزيزين الرائعين.
حتى يصير الامر يا حبيب تعال لبلدك وعش فيه للابد- لابد من اتباع الاتى:-
السبل التي تعينا على التعامل مع الآخرين بكل حب و إحترام ليصير السودان امل الجميع وحتى لايولد جنوب اخر ونصير كلنا شمال ؟؟؟؟
السلام على من نعرف و لا نعرف بكل حرارة و صدق
-الأستماع للآخرين عندما يتحدثون معنا.
- أصحاب المبادئ يعيشون مئات السنين و أصحاب المصالح يموتون مئات المرات.
- أليس الفورمات للكمبيوتر تزيل كل الشوائب و الفايروسات؟؟؟ فالنقم بفرمتت علاقاتتنا بأن نحاول أن ننسى الماضي المؤلم، و المواقف السيئة التي حدثت بيننا و بين الآخرين
-قد تكون تعاستنا بسبب أشخاص ظلمناهم أو أخطأنا في حقهم، فكلمة "آسف" فيها خير بداخلها (أ: أنس، س: سرور، ف: فرح) فتخيل هي تأسف مع مزج من الكلمات الجميلة.
-فلنغير أفكارنا السيئة إلى أفكار جميلة حتى نرتاح من الداخل (إن الله لا يغير ما بقوم حتى يغيروا ما بأنفسهم) و تتغير الحياة علينا و يتغير تعامل الناس لنا، لأننا نحن غير ما بداخلنا.
من يوم السمايه
من قبل الفطام
منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام
سلامات لاحسن بلد واجدع ناس
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
يا حليل البلد يا احباب
اكيد ما كان بايدك الفرقنا ولا بايدي
• لا بد اعود في يوم واجيك تتزفي لي واتهنا بيك
• قبلك عرفت الحب ولا روادني في الاحلام
• ضميني لو كان في خيال ختيني لحظات بين ايديك
• بكتب عليك حرف الغنا وبرسم عليك مستقبلي
• ما بنساك وما بقدر ولا عايز بعد حبك احب تاني
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
قال نزار قبانى فى السودان ديسمبر 1980
منذ عشرة سنوات أتيت إلى السودان حاملاً حقائب الشعر والحب ، وبعد أن ودعته وفتحت حقائبي في بيروت اكتشفت ألف عريشة عنب داخل ثيابي واكتشفت على ضفاف فمي ألف ينبوع ماء وألف سنبلة قمح. حين عدت من السودان منذ سنتين لم يعرفني الناس،كان جسدي قد تحول إلى غابة وكلماتي إلى أغصان وحروفي إلى عصافير.
جميع من كلمتهم عن زيارتي الأولى للسودان تصوروا أنكم أطعمتموني عشباًً إفريقياً خاصاً وسحرتموني، وأنكم بمياه النيلين الأبيض والأزرق عمّدتموني، وأن كهّانكم بالمسك والزعفران قد مسحوني. والواقع إن شيئاً من هذا قد حدث. والسحر السوداني الذي حاولت أن أنكره في بادىء الأمر بدأ يتفاعل في جسمي وينتشر كبقعة الحبر الكبيرة على وجهي ووجه دفاتري. وهاأنذا أعود مرة ثانية إلى السودان بشراسة مدمن مهزوم الإرادة يعود إلى كبريته وعلبة سجائره، وبشوق مسحور يعود إلى مغارة ساحره.
إنني أعود لآخذ جرعة ثانية من هذا الحب السوداني اللاذع الذي حارت به كتب العرّافين ودكاكين العطارين. إنني أعرف عن الحب كثيراً ، سافرت معه وأكلت معه وشربت معه وغرقت معه وانتحرت معه، ونمت عشرين عاماً على ذراعيه، ولكن الحب السوداني قلب جميع مخططاتي عن الحب وأحرق جميع قواميسي.
يتبع............
| |
|
|
|
|
|
|
|
|
|
Re: يا بيتاً ثانِ يجمعنا (Re: محمد آدم النور)
|
ونحن في السودان نهوى أوطانا .. وان رحلنا بعيد نطرأ خلانا .. نطرأ جلساتنا في ضفاف النيل
أخي الرائع محمد ادم النور
لك التحية والتقدير ومشتاقين
هذا هو السودان وطنا الأم
ومهما طال البعاد عنه فهو في الوجدان
لك تحيتي وتقديري
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
تابع........نزار قبانى---
يسمونني في كل مكان شاعر الحب ، ولكنني هنا أشعر أنني أسقط في الحب للمرة الأولى، فالسودان بحر من العشق أغرق جميع مراكبي وأسر جميع بحّارتي. العشق السوداني يحاصرني من كل جانب كما يحاصر الكحل العين السوداء فأستسلم له وأبكي على صدره وأعتذر له عن صلفي وغروري.
هذا عن العشق فماذا عن الشعر؟ في المرة الماضية اكتشفت أن السودان يسبح في الشعر كما تسبح السمكة في الماء وأن السودان بغير الشعر كيان افتراضي ووجود غير قابل للوجود. ثمة بلاد تعيش على هامش الشعر وتتزين به كديكور خارجي، أما السودان فموجود في داخل الشعر كما السيف موجود في غمده وملتصق ومتغلغل فيه كما السكر متغلغل في شرايين العنقود. صعب على السودان أن ينفصل عن الشعر كما صعب على الشفة أن تنفصل عن إغراء القبلة. إنّ قدره أن يبقى مسافراً نحو الشعر وفي الشعر إلى ما شاء الله.
أيها الأحباء،
هذه الليلة الشعرية موهوبة للقوات المسلحة السودانية؛ وتتساءلون ما صلة الشعر بالسلاح ومن يحملون السلاح. وبكل بساطة أقول لكم إن الكلمة لا تكون كلمة حقيقية إلاّ حين تأخذ شكل السيف ، وأنا لا أحترم كلمة تظل ساكنة ومتخاذلة على الورق كأنها أرنب ########. إن الثورة والشعر يلتقيان في نقطة أساسية وهي إرادة التغيير - تغيير الأرض وتغيير الإنسان. وفي عالم كعالمنا العربي يحاول أن ينفض عنه غبار الجاهلية وغرائز الجاهلية وعقلية الجاهلية ويثور على مؤسسات السحر والخرافة وكل مخلّفات الإقطاع والاستغلال والظلم والجهل والإنكشارية. في عالم كعالمنا العربي خرج من حرب حزيران ثائراً على كل شيء، وكافراً بكل شي، وساخطاً على رداءة التمثيلية ورداءة الممثلين. في عالم كهذا العالم العربي الغارق في دموعه وأحزانه حتى الرقبة تجيء الثورة والشعر ليكنس كل بقايا العصر الحجري وكل حصون التخلف وينسف مسرح الفكاهة القديم بكل ما فيه ومن فيه. وهكذا يلتقي الشعر والثورة في توليد إنسان عربي جديد وفي صناعة عقل عربي جديد وفي زرع قلب جديد لإنسان هذه المنطقة بعد ما حوّل بياطرة السياسية والحواة والدجالين قلبه إلى حطبة يابسة لا تثور ولا تنبض.
| |
|
|
|
|
|
|
|
|
|
Re: يا بيتاً ثانِ يجمعنا (Re: مبارك جادين)
|
كلام من (سيف ذهبى )
يا دكتور خالد
كان دون كيشون يحارب طواحين الهواء
بسيوف من خشب
نزار جلس محاربا
على اجساد وملامح (عوراتنا )
بكلمات كالسيف
وحروف كالذهب
تحرق وتقطع
بعد ان تكمل الزينة , وتضع على وجوهنا المساحيق والكريمات
وتنفذ منها , روائح الياسمين والعنبر والفل
مكتوا هوا كلامه وحروفه انا
مشتاقين يا دكتور
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
نزار كتب عن المرأه الأفريقية...
قراءة فى نهدين افريقيين....ودى فيها وصف مبالغة...
ودى القصيدة:
أعطيني وقتاً..
كي أستقبلَ هذا الحبَّ الآتي من غير استئذانْ
أعطيني وقتاً..
كي أتذكَرَ هذا الوجهَ الطالعَ من شَجَر النسيانْ
أعطيني وقتاً..
كي أتجنَّبَ هذا الحبَّ الواقفَ في نِصْفِ الشِرْيَانْ
أعطيني وقتاً..
حتَّى أعرفَ ما اسِْمُكِ..
حتَّى أعرفَ ما اسْمِي..
حتَّى أعرفَ أين ولدتُ،
وأينَ أموتُ،
وكيف سأُبْعَثُ عُصفوراً بين الأجفان
أعطيني وقتاً..
حتى أدرسَ حالَ الريحِ،
وحالَ الموجِ،
وأدرسَ خارطةَ الخلجانْ..
***
يا امرأةً تسكُنُ في الآتي..
يا حَبَّ الفُلْفُلِ والرُمَّانْ..
أعطيني وطناً يُنسيني كلَّ الأوطانْ
أعطيني وقتاً..
كي أتفادى هذا الوجهَ الأندلسيَّ، وهذا الصوتَ الأندلسيَّ،
وهذا الموتَ الأندلسيَّ..
وهذا الحزنَ القادمَ من كلّ مكانْ..
أعطيني وقتاً يا سيِّدتي
كي أتنبَّأ بالطوفانْ..
***
يا امرأةً..
كانوا كتبوها في كُتُب السِّحْرْ
من قَبْلِكِ كان العالمُ نثراً..
ثم أتيتِ فكان الشِّعْرْ
أعطيني وقتاً..
كي أستوعبَ هذا النهدَ الراكضَ نحوي مثلَ المهْرْ..
كرويٌّ نهدُكِ مثل النقطة فوق السطرْ..
بدويٌّ.. مثل حبوبِ الهالِ،
ومثلَ القهوة فوق الجمرْ..
وقديمٌ مثل نحاس الشامِ..
قديمٌ مثل معابد مصرْ..
وأنا مهتمٌ بالتاريخِ،
وعصرٍ يُخرجُني من هذا العصرْ
وأنا بدويٌّ.. أَخزنُ في رئتيَّ الريحَ،
وأخزنُ في شفتيَّ الشمسَ،
وأخزن في أعصابي الثأرْْ..
فانكسِري فوق سرير الحُبِّ، انكسري
مثل دواة الحبرْ..
وانتشري.. كالعطر الهنديّ
فإنّي اللحمُ.. وأنتِ الظِفْرْ..
***
أَعطيني الفرصةَ..
كي ألتقطَ السَمَكَ السابحَ تحت مياه الخصرْ..
قَدَماكِ على وَبَرِ السُجَّادةِ.. حالةُ شِعْرْ
ويداكِ.. على البطن المتحمّسِ للأطفالِ،
قصيدةُ شِعْرْ..
أعطيني الفرصةَ..
كي أكتشف الحدَّ الفاصلَ بين يقين الحُبّ..
وبين الكُفْرْ..
أعطيني الفرصةَ..
حتى أَقْنَعَ أنيِّ قد شاهدتُ النجمَ
وكَلَّمني سيِّدُنا الخُضْرْ..
***
يا امرأةً.. يسقُطُ من فخذيْها البَلَحُ الأشقرُ..
مثلَ النخلة في الصحراءْ..
يتكلَّمُ نهدُكِ سبعَ لُغَاتٍ..
وأنا أحترفُ الإصغاءْ..
أعطيني الفرصةَ..
كي أتجنّبَ هذا الحبَّ العاصفَ،
هذا الحبَّ الجارفَ..
هذا الحبَّ الشَتَويَّ الأجواءْ
أعطيني الفرصةَ حتى أقنعَ، حتى أؤمنَ، حتى أكفرَ..
حتى أدخلَ في لحم الأشياءْ..
أعطيني الفرصةَ.. حتى أمشيَ فوقَ الماءْ..
***
أعطيني الفرصةَ..
كي أتَهَيّأَ قبل نزول البحرْ..
فكثيفٌ ملحُ البحر العالقُ بين السُرَّةِ.. والنهدينْ
وكثيفٌ سَمَكُ القرش القادمُ.. لا أدري من أينْ؟
أعطيني الفرصةَ كي أتنفَّسَ..
إن حشيشَ البحر خرافيٌّ تحت الإبطينْ
أعطيني الفرصةَ..
حتى أقرأ حظّي في عينيكِ المغلقتينْ..
فأنا سيِّدتي لم أتعوّدْ..
أن أتقمَّصَ في رَجُلَيْنْ..
***
يا ذاتَ الوجه الإفريقيِّ، المأساوِيِّ، السِنْجاني..
يا امرأةً تدخل في تركيب النار، وفي تركيب الأعشابِ..
أعطيني الفرصةَ كي أتهيَّأَ..
كي أتأقلَمَ..
كي أتعوَّدَ..
كي أتأكَّد من ماهيّة إعجابي..
أعطيني عشرَ دقائقَ.. خمس دقائقَ..
حتى يهدأَ زَبَدُ الجنسِ، وتهدأَ حربُ الأعصابِ..
***
أعطيني الفرصةَ كي أرتاحَ..
وعند الفجر، سأُعطيكِ جوابي
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
كتب هاشم صديق..........
قرنتية .. ما غواصة روسية
قرنتية
لا دبابة برمائية
لا جاسوسة مدسوسة .. لا غواصة روسية
لا جندية في "حركة" .. لا مختلسة مال شركة
لا قصفت حدود "فشَلا"
لا كسرت صريف كسلا
لا معروفة ختمية .
قرنتية
لا صعلوقة لبست "شورت"
لا بتعرف شنو البظبورت
لا محتاجة جنسية .
هي قايلة النيل سقِف بيتها
وقايلة ضِفافو "محمية" .
جات منسابة عز الصيف ..
قايلة الناس بِكِرمو الضيف ..
وقايلة النيل أمان والقيف
وقايلة "الحاضرة" عصرية
قرنتية ..
جات بصغارها دايرة الخير
لا شافت يٍفَط تحذير
لا نزحت تكوس توزير
لا جاطت حركة السير
لا دارت وسام تقدير
لا مستلفة عشرين وش
ولا بتعرف تعيش بالغش
كان محتاجة بس للقش
وجات أحلامها دوغرية
قرنتية
لا بلعت عديل السوق
لا نضمت بدون طايوق
لا كنزت دهب أو ماس
لا ظلمت بدون إحساس
لا عصرت شباب الناس
لا كتمت على الأنفاس
لا قطعت عشم بي فاس
لا داستنا زندية
قرنتية
لا دست سلع في الخيش
لا شربت مريسة عيش
لا ضبطوها في التفتيش
لا خانت قسم أو ديش .
لا اجتمعت "بمستر جون"
لا أكلت "مؤنة العون" .
لا سدّت علينا الكون
لا سبت كتاب أو دين
لا سامتنا حمرة عين
ولا باعتنا ضهرية
قرنتية
جات مشتاقة للخرطوم
تزور أحبابها خايفة اللوم .
تصيح وتنادي بالحلقوم :
"جنينة النزهة" وين يا زول .
"جنينة النزهة" وين يا زول .
***
لقت حال الجنينة خلا .
حليل زمنها وحليل أهلها
لا قرنتية .. لا أصلة
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
لا صوت ككّو .. لا بغلة
لا حلوف .. لا أسداً مهاب بالخوف
لا نمراً يشد للشوف .
لا ضل فيل .. لا تيتل جريهو جميل
ولا غزلان .. ولا طاؤوس يباهي النيل
لا زفة طيور ونعام
لا نمراً دفر قِدّام
كل الشُلّة ياقرنتية غمضة عين
أحالوهم لصالح عام
تقول الدنيا "مهدية"
قرنتية .. ؛
جات زي ضيفة ما غارة .
لا محتاجة لي فيزا .. ولا تصديق على زيارة .
جات والشوق دموع حارة .
تجدد في العيون الشوف .
بين توتي وعلالي أبروف
قايلة الدنيا لسة سلام ما خيم زمان الخوف
لسة هناك ضفاف حرة .
ما مطمورة للمُرّة
قايلة الناس بعزو الضيف
ما بسوقوهو لي حفرة وجوار القيف .
ما بياكلوهو في الصفرة ومصيرو مخيف
قايلة الحاضرة ما غابة .
وقايلة حقوقها محمية
قرنتية ..
لا قدلت في شارع القصر .
لا حامت في وكت الحظر
لا خشت على المأمور .
ولا نطت سلك أو سور
لا دخلت على أمد رمان
ولا كسرت قفل دكان
لا دفرت على التلفاز
ولا عضّت كراع فنان
لا ذاعت بيان للناس
لا احتلت كمان "حيشان"
ولا نصبت شبك للحشّ
جات بصغراها كايسة القش
تلاقي القوت صبح محظور .
وخير البقعة جوه السور
سماحة الدنيا منسية
قرنتية
لا بتعرف عجن أو لخ
وجات أحلامها دوغرية .
عجب .. ساقوها جوه الفخ
عجب .. من طولها وقعت تخ
عجب .. سلخوها صبحية
عجب .. ونحنا بنسلخ الإنسان
كيف ما نغدر الحيوان
عجب .. والدنيا عصرية
قرنتية ..
لا دبابة برمائية
لا جاسوسة مدسوسة
لا غواصة روسية
لا جندية في حركة
لا مختلسة مال شركة
ولا حزبية بعثية
قرنتية !
| |
|
|
|
|
|
|
|
|
|
Re: يا بيتاً ثانِ يجمعنا (Re: الرشيد بابكر)
|
الحبيب الرشيد سلامات لك والاسرة
تنفيس تنفيس ...........................................
التحية الى سوداننا الحبيب
التحية الى كل ابناء شعبنا
التحية الى كل شهداء الحرية
نحنا سافرنا وبعدنا ما عرفنا هواك بعدنا
كل ما لاقتنا فتنة الفؤاد حنه ولفتنا
كل ما أتمناه بسمه من ملاذ أطراه حبه
حلمه كان فى الغربة نسمه من أريج بلده البحبه
جينا فى لهفة خواطر ليك تزحمنا المشاعر
نبنى مجدك يا بلادى
فى 9 يناير2011
إننا نتقطع وجدانياً
الحزن و الآسي و ألم الفراق
بلد يتمزق جغرافيا و تاريخيا
و شعب يتمزق ككيان
أغدا ألقاك ؟؟ .. يا خوف فؤادي من غــدِ واحتراقي في انتظار الموعــدِ.
إننا في مثل هذا اليوم نزف التهنئة إلى إخواننا وأبناء وطننا في جنوب السودان لانعتاقهم ، فلينطلقوا إلى الحرية ولينعموا بنعيمها وليبنوا وطنًا تتساوى فيه الحقوق بين الناس ، سائلين الله أن نجرب العيش – مثل خلق الله – في ربوع وطننا قبل أن يتوفانا الله ، فقد أمضينا من العمر الكثير ونحن نحلم بالعودة للوطن حتى ما كاد يبقى فيه من متسع ، وليس ذلك بكثير على رب العالمين .
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
في ربيع الحب كنا نتساقى ونغني ..
نتناجي ونناجي الطير من غصنٍ لغصنِ
ثم ضاع الأمس منا وانطوت في القلب حسرة
***
إننا طيفان في حلمٍ سماوي سرينا
واعتصرنا نشوة الحب ولكن ما ارتوينا
كانت الجنة مسرانا فضاعت من يدينا
ثم ضاع الأمس منا وانطوت في القلب حسرة
***
أطلقت روحي من الأشجان ما كان سجينا
أنا ذوبت لك فؤادي لحناً وأنينا ..
فارحمي العود إذا غنوا به لحناً حزينا ..
ثم ضاع الأمس منا وانطوت في القلب حسرة
***
ليس لي غير ابتسامتك من زاد وخمر
بسمة منك تشع النور في ظلمات دهري
وتعيد الماء والأنهار في صحراء عمري
ثم ضاع الأمس منا وانطوت في القلب حسرة
| |
|
|
|
|
|
|
|
|
|
Re: يا بيتاً ثانِ يجمعنا (Re: محمد صديق)
|
Quote: حاتم جباره
اين انت |
يا ولدنا دا شنو دا..
متين جيت وعملت ليك بوست..
وبوست شحمان خلاص..
والله داير لي معاك قيم طائره سخن..
والحمدلله بلينا شوقنا ليك..
ولو بسماع صوتك..
تحياتي ليك وللحبان المعاك..
| |
|
|
|
|
|
|
|
|
|
Re: يا بيتاً ثانِ يجمعنا (Re: Hatim Gubara)
|
الاخ العزيز/ محمد صديق
نحن اهل الفرحه جينا وبرواقة. بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه
كيف اخبارك والاهل
الطمباره والغناى الشاعر : محمد طه القدال
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد... ياحليوه فيك الدنيا ما كانت شروق
الا الارض متكشفه متبلمه نعمنو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوقا
موراجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
الاخ المحترم حاتم جبارة . الحج مبروك
يا راحلين إلـى منـى بقيـادي *** هيجتموا يوم الرحيـل فـؤادي
سرتم وسار دليلكم يا وحشتـي *** الشوق أقلقني وصوت الحـادي
وحرمتموا جفني المنام ببعدكـمي *** ا ساكنين المنحنـى والـوادي
ويلوح لي مابين زمزم والصفـا *** عند المقام سمعت صوت منادي
ويقول لي يانائما جـد السُـرى *** عرفات تجلو كل قلب صـادي
من نال من عرفات نظرة ساعة *** نال السرور ونال كل مـرادي
تالله ما أحلى المبيت على منـى *** في ليل عيد أبـرك الأعيـادي
ضحوا ضحاياهم ثم سال دماؤها *** وأنا المتيم قد نحـرت فـؤادي
لبسوا ثياب البيض شارات اللقاء *** وأنا الملوع قد لبسـت سـوادي
يارب أنت وصلتهم صلني بهـم *** فبحقهـم يـا رب فُـك قيـادي
فإذا وصلتـم سالميـن فبلغـوا *** مني السلام أُهيـل ذاك الـوادي
قولوا لهم عبـد الرحيـم متيـم *** ومفـارق الأحـبـاب والأولاد
صلى عليك الله يا علـم الهـدى *** ما سار ركب أو ترنـم حـادي
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
تحية لشاعر هذة القصيدة ولكل اهلى واحبابى .
اللهم ارحم ابى الذى غرس حب هذا الوطن فى فؤادى.
يللاّ يا سودانية هبوا
يللاّ يا سودانية هبوا.....شيلوا غضب الدنيا كبوا
وفي جبين الطغمة صبوا...
أنكروا الخائن تماماً ولى عيون الطغمة قدو
من جذورو أقلعوهو ....خلوهو عبرة للبسندو
أقلعوا الظلم من أساسو .... شيلوا أركانو ... يلّلا...هدّو
نبني سودان بي سماحة .... لا عنصرية ولا قباحة
وفي الهوية ... نحن سودانية ... شوفوا خلقنا ... هيه ... هيه
ده العدو منّا وفينا ..... وبرضو من برّه بيجينا
يلّلا غضبكم في ليلة نكتل (نقتل) الوحش بيدينا
قبل ما يكبر ويهدم .... ونبقا خرّبنا ألبنينا
سودانا ما أبيض وأسود .... كلو حاضنينو بين يدينا
أكتوبر الكان فينا صاحي جبناهو تاني .... وبرضو تالت ...... ومين بيغلب إن غلينا؟؟؟
يا وطن يا حب خالد لسّا (لسع) نيلك ببجري فينا
من جنوبه وهو ثائر ..... حتى حلفا وهو نيلنا
يزرع الخير في ضفافه ويرسل الشوق للبسيبنا
يا وطن يا شعب صابر ......إنت ما منك البهينا
أصح يا شعب يلّلا عمّرْ ...... الحق الركب ألفات
ضاع زمانك وإنت تائه ...... ما في امّة بنتها الهتافات
يلّلا أصح وأبقى واعي وما تكرر أخطاء الانكسارات
ديمقراطية واعية.... حرّة ونبيلة.... لا مذهبية ولا شعارات
وطن واحد ..... وشعب واحد ..... لا فوارق ولا طبقات
وتبقى يا سودانا خالد..... ويبقى شعبك في الحدقات
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
سلامات يا ناس
Quote: رحبوا معى بالاخ الدكتور عمر عبد الله عبد الرحيم استشارى الاطفال حديثى الولادة بكندا حيث انه بيننا بالمملكة-الرياض- بمدينة الملك فهد الطبية ولمدة شهر فقط
|
يا دكتور ...سلام
وعبرك تحياتى لدكتور عمر
والتمنيات بإقامة طيبة.
| |
|
|
|
|
|
|
|
|
|
Re: يا بيتاً ثانِ يجمعنا (Re: محمد صديق)
|
مصطفى سند - البحر القديم
بيني وبينك تستطيل حوائطُ ُ
. . . ليلُ ُ وينهض الف باب
. . . وبيني وبينك تستبين كهولتي
. . . وتذوب اقنعة الشباب
. . . ماذا يقول الناس ؟ إذ يتمايل النخل العجوز سفاهة
. . . ويعود للأرض الخراب
. . . شبق الجروف البكر للأمطار
. . . حين تصلّ في القيعان رقرقة السراب
** ** **
. . . عبرت ملامحك النضيرة خاطري
. . . فهتفت ليتك لا تزال
. . . للريح خمرك للمساء وللظلال
. . . والبرق لي والرعد والسحب الخطاطيف الطوال
. . . تروي هجير النار تحت أضالعي الحرّى
. . . وتلحف في السؤال
. . . كيف ارتحالك في العشي بلا حقائب أو لحاف ؟
. . . ترتاد اقبية المكاتب والرفوف السود
. . . والصحف العجاف
. . . زمناً يمص الضوء من عينيك
. . . يصلب وجهك المنسي في الدرج العتيق
. . . أثراً كومض شرارة تعبىعلى خشب الحريق
. . . كيف ارتحالك ايها المصلوب
. . . مثل شواهد الموتى بزاوية الطريق
** ** **
. . . سكن السحاب ومرّ طيفك من جديد
. . . نثرته كف البرق حين تلاحق الإيماض
. . . وانعتقت شرارات الرعود
. . . ارخى وازهر ثم طار زنابقاً
. . . كالفجر لامعة الخدود
. . . حلق المرايا رنّ كالناقوس
. . . وانفرطت ملايين العقود
. . . فإذا هممت توارت الألوان
. . . وانتصبت شبابيك الجليد
. . . أنا في الرياح مسافريلقى على الأبواب جارحة الرعود
** ** **
. . . بيني وبينك تستبين مخالبي
. . . وتسيل من شدقي الدماء
. . . وحش انا , غول خرافي العواء
. . . تحوي توابيتي دقيق الموت
. . . تزحف من سراديبي ثعابين الشتاء
. . . " سبري " عجين السدر سن الحوت هيكل مومياء
. . . بيني وبينك ما يراه الناس
. . . سِروة شاطىءٍ ناءٍ وزهرة كستناء
. . . تتلاصقان على الرمال فتذهل الدنيا وترتعش الحقول
. . . كيف التجاؤك للتماثيل التي أسنت على برك الوحول ؟
. . . منك الشباب عصارة النبت الجديد ومهرجانات الفصول
. . . ونراك تحفل بالعواجيز العتاق صفائح الأيام مقبرة الأفول
** ** **
. . . بيني وبينك سكة السفر الطويل من الربيع الى الخريف
. . . تعلو قصور الوهم انت ومرقدي في الليل اتربة الرصيف
. . . هم البسوك دثار خزِّ ناعم الأسلاك منغوم الحفيف
. . . ودعوك تاج العزِّ... فخر العزِّ ... مجد العزِّ ...
. . . شمس العزِّ ... عزِّ العزِّ ... صبوا في دماك
. . . عصارة الكذب المخيف
. . . وانا الذي حرق الحشاشة في هواك
. . . ممزق الأضلاع مطلول النزيف
. . . بيني وبينك قصة الشعراء صدر غمامة
. . . يلهو على الأفق الشفيف
. . . هذا أنا . ...
. . . بحرُ بغير سواحل ... بحر هلامي عنيف
. . . لابدء لي ... لا قاع لي ... لا عمر لي
. . . لكنني في الجوف ينبض قلبي النزف اللهيف
| |
|
|
|
|
|
|
|
|
|
Re: يا بيتاً ثانِ يجمعنا (Re: محمد صديق)
|
التحية للوطن
كتب الشاعر
محمد صالح مجذوب
عشـــم إبلــيس
دايــــــر صــــوتنا ليــــك أجـــــرد حسابك جيبو
فــــــــي العشــــرين سنــــــة نقلّب نباك وعجيبو
بالعــد والأمــــــــانة حســــابنا حــــاسبو نَجــيبو
ربحـــك يــــا خســــار يــــا شالو زول في جيبو
دايـــر صـــــوتنا ليك اسمع حساب القــــــــاري
يـــوم جيت للحكـم قلــــت الحســـــاب دولاري
بــاطنــاشر جنيــــــه لــومـــــــا قطعنا الطـاري
كــــــان عشـــــرين يصــل، وألفينو فاتن جاري
العشـــــــرين قـــــــرش كـــانت تجيبه رغيفة
والخمســـــة بجنيـــــــه والدولــــــة بينا رئيفة
المتيــــن جنيــــــه اليـــــــوم رغيــــفة خفيـفة
تمـــــن الفـــد رغيــــف ســـــاويتو ألف رغيفة
داير صــــــوتنا ليك والسوط ضهورنا صلاها
خليت العبــــــــاد كــــل الهموم شـــايــلاهــــا
هــــــــمّ المـدرســــة الدفِـع الجــلـــب إخـلاها
والهمّ الكبيــــــر أصبـــح عـــلاجنــا متـــاهة
دايـــر صوتنــا ليــــك والقــاري زي الأمـي
مــــــن فقر المنــــاهج والبــــلا المتنـــمّي
طـــلاب جــــامعات زي ســـادسة ليهم ذمّي
لا جـــــادو الحِـــرف لا علــــوم تفـرج همّي
داير صـــوتنـــا ليك والتمّو جـــامعة عطــالة
قــارين بالقــروش قــاهــــرين ظروف بطالة
التخريــــج صبـــح أســــود نتيجتــو بطــــالة
مـــن عــــــدم الوظيفة شهـادتــو يتــوطّـــالة
داير صـــوتنـــا ليـــك والذمة صبحت فــاسدة
والديــن و التزامـــو بضـــاعة صارت كاسدة
كلمــــات المراجع لــــي فســـادكـم راصــــدة
وين حكــم الشـــرع ويــــن المسيرة القاصدة؟
دايـــر صوتنـــا ليـــك واتــلافحتنـا رسـومـك
الـرخـص الضــــرائب والنفايــــة تســـــومك
والقيــمة المضـــافة مــــع الجريـــح مقسومك
أصبــــح فــــي الصــفر ندفـــع عـوائد شؤمك
دايــر صــوتنا ليـــك والعـــازة تدفق شـــــايـة
والبــلديــــة صـــــارت للظـــلــم فشــــايـــة
صــــــادرت الكفـــاتيـــــر غادرة مــا خشاية
لا تـــوفّر عمــــــل لا للضعــــــاف عشــــاية
دايـــر صــــوتنـــا ليــــك تربَـــالنا عِدم المونة
مــــن بعد العيــــوش لـــي حوله كـان مضمونة
أصبــــح فـــــي وجـــــــل والوجبة فايتة زمونة
شحّــــاد للبغيـــث والمـــــــــانحين وصمــــونا
دايـــر صوتنا ليك وأخلاقنــــا واصلة حضيضة
وآلاف الذئــــاب أنيـــــــــابة فينـــــا نجيـــضة
بالطفل اللقيـط مــــــايقــوما وافـــــــر فيـــــضة
مـــــن لـــــوم النــــفس صحفك نضيـفة وبيضـــا
دايــــر صــــوتنا ليــــك والجــــــاع منعتَ زكاتو
والفقـــر الــزحـــــف لا طــــــاردو لا سكّـــاتــــو
رايــــــحة أمـــــــوال زكاتك فــــي البناء وجاكاتو
تعظيـــــم الشعائـــــر فينــــا عــــــامرة نكــــاتو
دايـــــر صــــوتنا ليـــك والعدل غـــــاب كفريضة
صبّـــحت الـزمـــــــان أحبــــــاب قلـــوبه مريضة
تــــــدعم للقتــــــــــال بالطلقة والتحـــريـضــة
دارفــــــور صيّحت قالــــــت قِـــــــرِضت قِرِيضة
دايــــر صوتنــــا ليـــك وأمانّا طـــــار مــن روعك
بالصــــــالـح البِضــُر كــــــل الوظــــــائف طوعك
شــــرّدت الخِلــــوق وحشــــدتّ فيــــــــها جموعك
إن دايــــــــر رضـــــــاي وإمضــايــا ألحس كوعك
دايـــــر صــــوتنا ليك ووارنــــا داشــر صــــــرفك
تلتيـــــــــن للدفـــــــاع بعــد الســــلام اتســلفك
مبنــــاك إن وقــــــــــع تتــــرقـــــى مـــــا بنصرفك
أصبــــحت الثقافــــة استـعجــل اضــــــــرب ظرفك
دايـــــر صـــــوتنا ليــــــك وهضمت للمنصـــــوري
واعدمـــت القطـــن كـــــان خيـــرو فوق محصوري
مشــــروعو الهلـك لا مـــــال ولا قــــول ســــوري
قــاليــك يـــــا عدوي برميك وأبنـــــــي جســــوري
دايــــر صـــــوتنا ليـــك والخمّـــــــو مــــــا بتجارو
بالإعِفــــــا العطــــا الكــضب الغـلـــب نجـــــــارو
الدخلــــــو الحكم ضــــــــامرين علــى المـــال جارو
والمليــــار صبـــــح بــــي لمســـــة لينــــة حجــارو
دايـــــــر صـــــوتنا ليــــكَ وتـــــاني تــــــاخد دورة
إنــجازك نفـــــخ يــــا سيــــد بيــــــــــان الثــــورة
بنيــــــــــان الكبـــــاري مــــــــع العــدم والجـــورة
زي الغطــــى راســـــو ومنـــــــو كـــــاشفة العورة
لينـــــــــا تعــــوس خبيث وبلـــدنا تـــــاكل طيــــــبو
نــــــاســــك متخميـــن والجــــــــوع مغــــرّز نيبـــو
قــــــــاطعين الشكــــــوك ويقينـــا طــــــارد ريبــــو
والعنـــــدو التجــــــارب مــــــــــا بتســــوّد شيـبـــو
صــــــــــوتنا حــــــرام عليك بعد الجــــــــرد والعدّه
صــــــــــوتنا حــــــرام عليك بعد الخصـــــــــام اللدّه
صــــــــــوتنا حــــــرام عليك ليك مــــــــا بنجدد مُدّه
إلا إبليـــــــــــس يبـــــــــالغ وللصـــــــراط يتعدّى
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
جزء من قصيدة الشاعرأحمد طه- (أبوعزة) – أبو ظبي 1999م
يا عزه
قد عزَّ الهوى
وصفاك مكسوفٌ على الوجه الجمالْ
وتعكرت (( ماء الحيا في عيون ربات الحجالْ ))
وظلت أعلك غربتي حزناً يغالبني
وشوقاً لا يزال
| |
|
|
|
|
|
|
|
|
|
Re: يا بيتاً ثانِ يجمعنا (Re: محمد صديق)
|
لابد من ثوره
لابد من ثوره
لابد من شعباً
يوماً يكسر القيد
يتحدى جلادو
يمرق على الساحات
يحمى البلاد ما تروح
يتسلم السلطه
ومن الوطن تخرج
تلك العصابه الزيف
لابد من ثوره
قوه ووراها رجال
ناس عازه بيناتم
شاهدين على الوقفه
مافتروا منو نضال
لابد من تانى
كل البلد تصحى
تعصر على ألماً
جواها ليه سنين
تضرب بإيد وحديد
على كل خاين كان
أو أرزقى ورعديد
تضرب بقوه تكون
فاصله ونهاية عهد
عهداً ظلاماً تب
ماظنو تانى يكون
لابد من ثوره
لابد من ثوره
لابد من الآن
نمسك أيادى بعض
من الشمال والشرق
من الجنوب والغرب
من كل فجه تكون
سودان بلد واحد
سودانا ما إتنين
سودانا ماللبيع
سودانا مابنهد
قادرين بنحميه
بى ناس مجربه جد
ناساً بتعرف كيف
تتلبس الثوره
لابد من الآن
نهدى البلد أحلام
نديها شرعيه
نهزم ليالى القهر
نسقى الخوازيق ديل
كاسات من الذله
ويتحرر الإنسان
من تانى يتحلا
لابد من ثوره
لابد من ثوره
لابد من نفهم
شعباً كما شعبى
شعباً كما السودان
قادر يقيف تانى
على حيلو بعد الضيق
قادر على ثوره
بحميها ماحتضيع
ما كل يوم أسود
محفور فى عمقو شديد
عمقو الوحيد ثابت
ماغيرت فيه
كل المحن والضيق
لابد من ثوره
لابد من ثوره
نحميها بدمانا
ما أعظم الأوطان
لمن ولادها تسير
تمرق الى الشارع
رافعه الشعار تغيير
بى سلم كان أو دم
لى وجهتا بتوصل
والظلم مهما طال
لابد ليلو قصير
لابد من ثوره
يلاك معاى إنت
يلاك معاى ياخوى
يلاك نتجهز
لى لحظة التغيير
احمينى بحميك
ظهرى حيكفيك
شر البلاوى بشيل
من طلقه أو مقذوف
ماظننا بنرجع
دون مانصل للقيف
لابد من ثوره
لابد من ثوره
لابد من موعد
موعد مع التاريخ
أكتوبر الأخضر
أبريل وحس الشعب
وكل الشهور فينا
أملاً وفيها نعد
لى لحظة الثوره
من شرنقه انفجرت
أمه ــــــ كما البركان
أمه ــــــ كما البركان
أمه ــــــ كما البركان
أمه ــــــ كما البركان
شبكة الشباب السودانى
| |
|
|
|
|
|
|
|
|
|
Re: يا بيتاً ثانِ يجمعنا (Re: خالد محي الدين)
|
الحامدابى الشريف حسين
مناضل جسور من اجل بلادى
خطى الأمــــــــــــــــان
الفكــــرة كيف تقدر تعيش لـو مـــــارقة من رحم الخراب ؟
وأشـــــواقنا كيف تقــــدر تطير لـو كان مكتفه في التراب ؟
جــــوانا إتمده الفقر على قـــدر ما اتمــــــــــــــده العزاب !
وخطى الأماني محل تمش يبقالنا ماشي وراء السراب !
مـــــن نصحى يرجانا الطلب واقف قصــــــاد باب الصباح
دايرين ودايرين في الدخــــــــول نحتار ونلقى نهارنا راح
والأدهى مننا في البشيل إيصال نزيفنا مـــــــن الجـراح
ونشـــــــوف في حقنا بالشمس داخل على الليل بـإرتياح
نمشي ويفتــــــرنا العشـم ينحتّ مــن حيلنا الحماس
نقعـــــــــد تكتفنا الظـــروف ينهــده فوق رأسنا النعاس
نـــــرقد تحاصــــرنا الهمــــوم وننــــــوم ونحلم بالخلاص
ونقــــوم طريقنا نحددوا ومـــــا نلقى فينا اليبقى رأس
غــــــالبنا كلنا نتفق ونمــــــــــــــــرق فعلنا من الكلام
نقدر نصـــــــــــارع في بعض نعـــــــــــــرف ننظر بإنتظام
والــــراجي ركبنا إنـــــــــــزوى وختـــــانا في قفص إتهام
كيفن بنـــــوصل وننتصــــر وأفكـــارنا فــــاقده الإنسجام ؟
وبلدنا في بحــــر الضياع عطشــــانة داخت بالشــــراق
والقيف ولا إستقبل نفــــر ! ينقـــــذ حياته من الغراق
مـرقت على المـوج قطعتين ! وإحترنا ياته أولى اللحاق
وبكينا كلنا في البيــــوت يــــــــوم عشنا لحظات الفراق
كـــل المعينات إتلقت مــــن خـــــــــرطة لا عند المــواد
في بـــالنا بنيان بيت بشيــــل أحيـانا والمــات والجماد
وإن مــا لقينا بعـــــد ده نــــاس بتشيّد التغييـــر عمــاد
في إيــــدنا نستوّرد شبــاب ! يـــا ننتظر ميلاد جــــداد
يا وطنـــــــــــي إتــــرجّل ..
الشريف حسين
بيني وبينك وعد اللقيا .. محال إتودّر وأصبح ناسي
رغم مصايب الزمن الفوقي .. ورغم فظاعة الحال القاسي
نازر نفسي عشان ألقاك .. وإنت الضايع بين أنفاسي
لافي الدخلة ولا في المرقة .. بتقدر تبعد من إحساسي
ماخد سيرتك من أجدادي .. وشايل واقعك من آلامي
وكم قارن بين زمناً رفعك .. وزمناً جابك بين أقدامي
ما اتوطيتك وقلت استرزق .. وفوقك أطلع تالا أحلامي
وأي أحلام من دونك وقعت .. وإنت الحلم الدايماً سامي
بيني وبينك تجار دين .. وضمير متوفي .. وعقلاً فاضي
وبيني وبينك شرطة .. وأمن - وجيش يتحرك بأمر القاضي
بيني وبينك ضيق العيشة مخلي الناس بتلف في الفاضي
وبيني وبينك ناس السلطة المسموح ليهم يبقوا الحاضر قبل الماضي
وإنت مبشتن وفاتح بابك .. راجي دخول الزمن الصافي
وكل الرابط فيهو أحلامك .. جوه عكارهم دايخ لافي
وين ما يمرق إنت بتغرق .. وكتين تطلع يصبح مافي
وما تستسلم يا وطني إترجّل .. لسع فينا الزول الوافي
نحنا كتار حابنك موت .. وهم قلال في القصر العالي
سلاحهم وسوقهم ودّر صوتنا وكان سابونا نفوت طوالي
كان ارتحت وخيرك عمّ .. وكان عرفوك الوطن الغالي
وما اتغروا وجهلوا طبيعتك .. لامن جيت للوضع الحالي
ديل اتورّموا من خيراتك .. يأكلوا ويشربوا بالمجاني
ولما اتيبّس منبع خيرك ديل ما عاشوا معانا ثواني
دخروا نصيبهم وأدوا عبيدهم وباقي الناس في عالم تاني
ترزح وتشقى .. نزيهة تناضل .. وشايله الخلق الجد سوداني
رغم ثبات السد العاتي أكيد بنصلك يوم بيي غادي
بالإحساس الصادق نوّعد ما بالجوطه المالي الرادي
نحنا ولادك وتعرف وجعك .. ما بنتفرج ونقعد غادي
ونرمي مصيرك لي زوار .. اتجنسوا فيك وإستوطنوا عادي
بيني وبينك صدق إحساسي .. وروح وطنيتي وكل إخلاصي
بيني وبينك سكة طويلة .. دليله ضميري وعقلي الشايلك فيهو أساسي
ويوم بيشيلوا ملامحك مني .. ويبعدوا منك كل حواسي
كيف بيشيلوا قضيتك مني ؟ ودي المستوطنه جوفي ورأسي
الشريف حسين محمود محمد ، الشهير بالشريف الحامدابي مواليد جزيرة مروي بكسر الميم بمنطقة الحامداب محلية كريمة .
درس الابتدائية بمدرسة جبل كلقيلي بالحامداب و المتوسطة بمدرسة مروي المتوسطة ثم مدرستي مروي وكريمة الثانوية ، تخرج في جامعة كسلا كلية التربية.
عمل معلما للغة العربية بمدارس القبس بولاية البحر الأحمر
عضو اتحاد الأدباء والفنانين بولاية البحر الأحمر
أطلقوا سراحه
| |
|
|
|
|
|
|
| |
عمر المهدى
كمال الشادي
محمد صديق
ميسرة سيد أحمد
منصور عبد الرازق
عبد الدائم سيد أحمد
محمد عيد
جلال عثمان
موسي عيسي
الرشيد بابكر
زهير الزناتي
طارق جبريل
عفاف علي ميرغني
ياسر نجيلة
مشاعر بدوي
عبد الحفيظ عباس
زينب التجاني
أبوبكر حامد الأمين
محمد آدم النور
Hatim Gubara
أحمد إسماعيل
فيس بوك
تويتر
انستقرام
يوتيوب
بنتيريست