اغنيات لفك الدبرسة

Quote: بتطلعي انت من صوت طفلة وسط اللمة منسية

Quote: والاغنية دى بتجيب سعد السمين انصاص الليالى يرقص فيها لمن يعرق وتجيهو الكاروشة وتحياتى لست بتول

Quote: يا مهد الجمال ... ما حبيت سواك أيه بحر الشمال ... و انت النيل حداك صافي يفيض زلال ... عندو جلس ملاك في حسنه الهلال ... في سحرو الهلاك شوقي اليكا طال ... قولي متين أراك

Quote: شوك الشّوق .. لي الشّوفه آ خي ضارب في إطن النسج الحي يا مُنقاشو أحزاني إنشرّت .. وادي الفرح إتمدّدْ صيْ يا راحلين عِنْ دُغُش اللّيل .. ما لاقيتو جناياً زي تكية نخل الفجر الجاسر .. فوق لي المترة عراجين ضيْ يا رعّاوة العرب الرُّحّل .. ما لاقاكم في المطراني في كاويق الجرف الأمحلْ بين أسراب الرهو الرّاحل .. ساند أكتاف اللّيل الميّلْ عِنْ ساساق الغيمة عليكم بين رقراق الخيمة معاكم .. ما أديتوهو شوي بي حَرْجَلْ آ رطانة الليلهم ليّلْ ما لاقاكم في ونساتكم بين الشّادي وبين كاساتكم في صلواتكم .. عِنْ دعواتكم أو دقساتكم عِزْ خلواتكم زول زول الله إن ِمحِن آ بسألْ الهبّاد لي غُلْب اخواتو الفرّاح عوّان الحلِّي الفدّار لي الليل ظلماتو آ نجمات شِقّيشْ قولِنلِّي ما لاقاك طالع مندَلِّي المطعوم من طيبة أمّاتو كالفَجّاج الندّ نباتو موج البحر الأحمر هوجتو وعِرْق العَرَق اللاّوي ثباتو جانا الشُّدَر الأخضر منو ونار الشُّدر الأخضر جاتو راح شقيش أب قولاً واحدْ ليش ما يرجع من غُرباتو طوّل .. طول ما طلّ علينا وقاطع مننا جواباتو الغابات جات تنشد منّو العُربان راجين جيّاتو أديناهم عَلَقو وعَرَقُو وصورتو يقلِّب في كتباتو ضُل رشّاشُو .. ركيزة زولو ساعات سِلْمو ويوم حوباتو سِنْ طوريتو .. ولون أبرولو وحِسْ طمبورو البي نغماتو لهلب عشق النّاس الفُقَرا وبرّد جوفِن .. بغنواتو .. الدّخَلت فينا .. تمرق جينا على جلاّتو وجيداً جينا .. طلقنا وشينا .. ووش أطفالنا الليلة حلاتو غني معانا غُنانا هويتو غني العالم غني حياتو لا ساومنا عليها قضيتو ولا فكّينا من إيدنا وصاتو ألف شليل يا نورا يفوتو شان ما يجيكي شليلك ذاتو ولما يجيكي .. شليلك ذاتو

Quote: يُسيطر على هذه الايام ...صالح الضى

Quote: حياتي ونعمتي ويسري رضيت لو يرضي بي أسري وفرض يا دموعي تنتثري إذا منه النسيم يسري

Quote: جديات العسين قالن لى احمى رهودنا عن اسد الشره و امنع ضواري فهودنا قالن لى لو تحفظ مواثيقنا و تراعى عهودنا تتوسد غدائرنا و تنام فى نهودنا اريل شم شروق شراكى مانى الشابك و شم نفسك يفوح مسك العشارى الشابك عشبة بان قسى المى فريك نقادة ارضه البان قسى ديسها المهضلم قادها يا خالق المسى بدله منام لرقاده ياخالق الوجود انا قلبى كاتم سره وما لقيت من يدرك المعنى بيه ابره قصبة منصح الوادى المخدر دره قعدت قلبى تطويه و كل ساعة تفره

Quote: سلام للأخ عمر المهدي وشكرا للبوست المعبر هذا الأخ كمال الشادي ياشادي شكرا لك على هذا الإختيار الجميل قصيدة تعبير ووصف وتشبيه عجيب ، تقطع الرأس وحقيقة مافي حيوان أجمل من الغزال وكمان عنده طيب المسك والشعراء لهم الحق بأن يشبهوا حسناوات حواء به عشب البان قسي المي فيك نفادة ، نحن البقارة في الغرب نقول للماء ألمي هو نفس المعنى وأيضا الديس الهضلم عندنا يسمى تيس قارو وتيس قارو هذا نعرف عمره من عدد العقد في قرنو يعني العشاري هذا قرنه فيه عشرعقد والشمس نقول لها الشم