|
|
|
 Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
عادل ود الجعلي ،،، شخصية زقازيقية
نادره جداً وعلم وقامة رفيعة من أعلام الزقازيق
لقد أثرى ود الجعلي المجتمع الزقازيقي بكل ما هو جميل
كان فارس العمل السياسي وأركان النقاش والإعتصامات والإضرابات
إجتماعياً من أكثر الشخصيات المحبوبه والضاحكة بإسمترار وشهد
له الخصوم السياسين قبل الأصدقاء والمقربين ،،،
ذهبنا إلى ينبع مع إطلالة العام الجديد ووجدنا عادل وسامية
كماهم عادل إتنفخ ولكن ما زال يحمل الوجه الضاحك وسامية لم
يتبدل فيها شئ وذكرتني بجمال فارح .
ولمن فاتهم الإستماع - شكراً يا كوتش - ولم يشاهدوا هذا الثنائي
فقد مدوني بصور كثيرة من ذلك الزمن الجميل وحتى ننعش بعض ذاكرة
البعض وسامية إسماعيل علم على رأسه نار يا كمال يا شادي.
| |
 
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد الدائم سيد أحمد)
|
يا سلام عليك يا عبدالدائم يا نضيف
إختيار رائع وفي الصيميم ،،، شكراً بالإنابة
وحقيقي كان من المفروض أن يكون برفقتنا الأخ/ النضيف
والأخ/ محمد عيد ،، ولكن لظروف خاصة حالة دون تنفيذ ذلك
وكان هدفنا كسر هذا الجمود الذي فرضه عادل على نفسه لسنوات
كثيرة ولعلم الجميع عادل الجعلي لم يسافر إلى السودان ولمدة
13سنة لذلك توجد صور حديثة وصورة فيديو لمدة خمسة دقائق ترسل
للأخ/ جلال للمعالجة وتنزيلها علشان نتذكر أركان النقاش القديمة
وتشوفوا عادل الجعلي بالنيو لوك وبرفقة سامية.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
الأخوان
منى / ميسرة
عامكم سعيد
وربنا يديم عليكم الصحة والعافية والسعادة
ويخلي ليكم العيال ...
بالجد فكرة البوست رائعة جدا
خصوصا وإنها تستدعي ما غاب من حلو الذكريات
ولا أخفي عليكم سرا .. عندما رأيت هذه الصورة
وتأملت ما أخفته من تعابير وتخيلت ما جاش بصدر
أخونا عادل الجعلي في تلك اللحظة وهو يلتقي أخوة له
دفعتهم مشاعرهم الطيبة ومحبتهم الصادقة للبحث عنه
والإطمئنان عليه ..
لم يطل تأملي ..
ولم تذهب خيالاتي بعيدا فقد أتاني الرد مسرعا ....
دمعة حرى بللت أوراقي ..........
ربنا يحفظكم يا ناس الزقازيق
ويديم عليكم هذه المشاعر النبيلة ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
حقا" ..
أقدم علينا العام الجديد وفى طياته الفرح الجميل ...
بوست .. عبارة عن ضربة معلم وخطوة موفقة جدا ...
ورغم علمى بالتجهيزات التى كانت تتم له .. الا ان انجازه
كان بالفعل على مستوى رئاسى رهيب ..
برافو الريس والسيده الاولى ...
ويا منى هذه اولى ممارساتك لمنصبك النبيل ..
واصلى ونحن جميعا معكم ...
......
السعادة كانت غامرة وانا اتحث بالهاتف مع حبيبنا عادل الجعلى وسامية
وطفرت الدموع من عينى وانا اتحدث مع عادل وهو يحدثنى عن مشاعره عند احتضانه لميسرة
وكل تلك الاحاسيس الجميلة التى تملكته واعادت شريط الذكريات الجميل ...
بحق عادل الجعلى رقم لا يمكن ان ينسى فى قائمة عظماء الزقازيقيون ...
وانتم ايها الرائعون ... فعلا أجدع وأحلى وأروع ناس ...
| |
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد عيد)
|
الأخت منى...سنة سعيدة عليك و على الريس و العيال..
عندما بشرتي بهذا البوست و شرحتي الفكرة العامة كنت من الداعمين و المتحمسين للفكرة...و أخذت أسرح بخيالي محاولا تصور شكل هذا البوست...كيف سيكون و ما شكلة و هل سيكون على مستوى التوقعات...و غيرها من الأسئلة التي لم تجد اجابة...
اليوم لما دخلت في البوست العام و لقيت الناس بتبشر بالبوست..بيني وبينك قلت دي مبالغة ساكت من الجماعة ديل و جيت فتحت البوست بتاعك الرائع ده...لقيتهم قصروا معاك...
البوست جميل و مؤثر للغاية و اختيار عادل الجعلي في الصميم...و حتى لا أظلم البوست و أنسب كل هذا الجمال لمجرد اختياركم لعادل ود الجعلي...لو اخترتم أي شخصية زقازيقية لكان البوست بنفس الجمال ولكن الاستهلال بعادل ود الجعلي كان موفقا خاصة و كما قال الريس ان ود الجعلي لم يرجع السودان منذ 13 سنة...لا شك ان الأثر الأكبر كان على ود الجعلي...الذي وجد نفسة فجأة و بعد عشرين عاما في شارع القومية و أمامة الريس ميسرة و السيدة الأولى و عشرات بل مئات من الزقازيقيين في انتظاره...هي بلا شك من أكثر اللحظات المؤثرة في حياته..
شكرا منى يونس...شكرا يا ريس...شكرا لكل الذين ساهموا فنيا و الذين سيساهموا فنيا في اخراج هذا البوست...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مجتبي فاروق)
|
أخوي رشيد القوم حقيقي كانت عندي الرغبة في هذا
البوست بس كنت أخاف البداية وأكثر واحد خلع قلبي
محمد آدم جلا - على الرغم من أنه كان يمزح - إلا أنني
بجد خفت ولكن تشجيعكم لنا جعلنا نجعل من عادل الجعلي الرمز
الزقازيقي هو أول أهدافنا.
الكاتب الكبير منصور عبدالرازق عندي الكثير من المواضيع
وهناك صور حديثة لهم جميله جداً نحاول اليوم إنزالها ليلاً
قبل سفركم الميمون غداً .
طارق جبريل راجل لماح الشخص هو اسامة خضر بس مين يعرف الزميلة
التي تقف بجواره.
الصحفي الكبير الزقازيقي مجتبى فاروق شكراً على دعمكم واليوم نواصل
معكم هذا العمل الزقازيقي.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
بقلم عادل الجعلي
عادل عوض الكريم محمد – عادل الجعلي –
من مواليد مدينة عطبره – حي الموردة
المدرسة الغربية الابتدائية بعطبره
مدرسة نهر عطبرة المتوسطة
مدرسة عطبرة الحكومية الثانوية
جامعة الزقازيق – كلية التجارة
أقسم بأني محظوظ وسعيد جداً بأن تكون دراستي الجامعية بالزقازيق
وتعرفت على هذه الوجوه الطيبة النيرة والتي حباها الله بشئ جميل
العشرة والألفة والمحبة الدامغة في قلوبنا مدى الدهر، ذلك المجتمع
الجامعي الذي نجح في أهدافه الأكاديمية ولكنه نجح في إعطائنا مجموعة
من الشباب يحبون وطنهم بشده .
وكنت أقول لبعض السودانيين هنا بمدينة رابغ أنتم مغتربين لأكثر من
عشرين عام ولم تأتلف قلوبكم ونحن جلسنا سوياً أربعة أو خمسة سنوات
لمعظمنا ولكن ما ربط بين قلوبنا شئ كبير لا يقدر بثمن .
والحقيقة حياتي الجامعية ما زالت مستمرة حتى الآن حيث ذلك اللحن الجميل
بوجود الزقازيقية سامية إسماعيل والأبناء (عوض ، عزه ، عسجد، عناب) نتاج
زقازيقي خالص ،
وسنظل نحب ونحترم ونقدر تواصلنا الاجتماعي بناس الزقازيق وبأجدع ناس وكل
الحب والشوق لمن إلتقيناهم في الزقازيق.
وتقديرنا الكبير للذين قادوا هذا الإبداع بقيادة الريس عصام دهب
وزهير الزناتي وعبدالدائم النضيف ، عثمان الجيلي ، وصالح ، سهيلي وآخرين.
والوجوه النيرة التي دفعت بهذا العمل بقوة شديدة – الرشيد ، محمد عيد ، ميسرة ،
والجوه الطيبة الجديدة.
ستظل زيارة الريس ميسرة والسيده الأولى عالقة بأذهاننا وهؤلاء هم ناس الزمن الجميل
وفي الختام أحبكم جميعاً .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
بقلم سامية إسماعيل
سامية إسماعيل عبدالله
مواليد مدينة عطبرة / حي الموردة
السكن / الإمتداد الشرقي
مراحل الدراسة :
- مدرسة الإمتداد الشرقي الإبتدائية
- مدرسة الخدمات الثانوية العامة
- مدرسة عطبرة الثانوية بنات
- جامعة الزقازيق – كلية الحقوق
أيام الدراسة في الزقازيق أمتع أيام العمر والتي
لن تتكرر ذكرياتها تُنسي الهم وتفرح القلب ، هي ذكرى
لا تنسى وكانت لنا ايام وبكل أمانة وصدق طلاب وطالبات
الزقازيق كانوا الصفوة في كل شئ وكأن تم اختيارهم عن عمد
وكأنه تجمعهم سابق معرفة.
نشكر كل الذين ساهموا في جمع الشمل وهكذا أنتم يا ناس الزقازيق
كما عهدناكم ،وما حضور الأخوان ميسرة ومنى يونس وأولادهم ألا هو شاهد
على هذا التواصل الجميل .
شكراً لكم ودام تواصلنا معكم ولتنمو شجرة المحبة والإخوة الصادق إلى الأبد
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
كان هناك سؤال مشترك لكل من عادل الجعلي وسامية إسماعيل
- يا أخ عادل لماذا إخترت سامية من دون الآخرين لهذا الرباط المقدس
كانت الإجابة سريعة بس بعيد من سامية :
في الحقيقة تقارب في الإهتمامات والآراء وكانت فترة الزقازيق
فترة حافله بالتجارب والإحتكاك المباشر ومعرفة نقاط التلاقي وقد
نجحنا في كل شئ وكان لابد من الختام والإرتباط .
كانت إجابة سامية إسماعيل لنفس السؤال بعيداً عن عادل الجعلي :
عادل كان راجل بكل ما تحمل هذه العبارة من معنى
ولقد تقاربت أفكارنا في مواضيع كثيرة وكان هذا الإنجاز
نشكر هذين الزوجين لإجاباتهم الصريحة وبحرية مطلقة .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: Hatim Gubara)
|
سلام منى وضيوفها
غايتو يا منى الواقفة وراء مع اسامة خضر دي فيها ملامح من عرفة عدييييييييل كدة
نجي لي عادل وسامية
والله يا جماعة عيوني رقرقت بالدموع
ياخي شهادة لله والله وحده يعلم ما في القلوب
انا بحب عادل الجعلي دة كدة لله في الله
زول حبوب شديد
والله هو وصلاح علي صالح يشهوك تبقى جبهة ديمقراطية
عادل وسامية الله يحفظكم ويغتي عليكم وعلي وليداتكم يا رب
طبعا انا عندي كوم اهل في عطبرة دي
خصوصا حي الحصاية
ولمن كنا بنمشي البركل عن طريق القطر عطبرة دي كانت
محطة مهمة جدا
ولو تتذكر يا عادل بتاع الباسطة الفي المحطة داك:
زي السمنة وكدة
مني الله يعدلها عليك شقيش تقبلي
| |
|
|
|
|
|
|
|
|
 Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
سلامات ياناس كل سنه وانتوا طيبين وتامين ولامين
الغاليه منى احيك على البوست الظريف ماانتي دائما الحاجه الحلوه في حياتنا وتستاهلي تكوني السيده الاولى العزيز الريس الكبير دائما كبير ودائما معودناعلى الافضل ربنا يديكم الصحه والعافيه
زيارتكم لودالجعلي وساميه واولادهم والله ابكتنا كما الاخ العزيز عيسى موسى سلاماااااااااااات ياعادل وساميه مشتاقين كتير التحايا ليكم وللحلوين والله اتمنيت لو كنت لسه في جده عشان اولادي يكونوا متلمين مع شباب الزقازيق الحلوين
انتي عارفه يامنى ود الجعلي وساميه ديل ماشفت اتنين مناسبين لبعض قدرهم ماكان ممكن الا ود الجعلي يكون لساميه وساميه تكون لود الجعلي كانهم ناس من عالم تاني التحايا ليهم ولاخوك وجارك ياود الجعلي واسرته
عبد الدائم النضيف شنو يعني عايز تكون براك نضيف اتاريها الزقازيق جابت ناس كتار نضاف كنت قابض لينا الجو
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: Elsuhaili Magzoub)
|
و الله يا الريس و منى يونس أنتما أروع و اجمل من كل ما
أتصور فلكم الشكر علي هذا الابداع و علي ما احتفتموني به
بزيارتكم لناس عزاز علي كثيرا و الله الساعة الأن السابعة
و النصف صباحا و انا ابكي بكاءا حارا و لما لا إنني ارى
صورة اصدق الناس و أعز الناس لدي عادل الجعلي الذي غمرنا
بتعامله الراقي و نصائحة الاخوية الصادقة منذ ان وطأت أقدامنا
أرض الزقازيق فكان له مكانة خاصة في شلتنا الزقازيقية فأخي
عادل الجلي لم يبخل علينا بشي .
أما أختي سامية فهي شقيقتي و صنو روحي و ملاذي في كل ما يصعب
علي هي و اختي العزيزة فاطمة بدري فمهما قلت و و مهما ذكرت
فإني لم ولن استطيع ان اوفي هاتين العزيزتين حقهما و لكن يا
مني يونس هيجتي شجوني و و فجرتي بركانا ليس للطبيعة يدا فيه
و عليه سوف اترك العمل راجعا لأني و ربي لم استطيع ان اتحمل
كل هذا .
لآ ادري ان اشكر أم اواصل النحيب أم اهجر البوست نهائيا ؟
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: موسي عيسي)
|
صباح الخير ،،، يا وجوه الخير،،،
أصبحنا وأصبح الملك لله ،،، وحده،
نسمات الصباح:-
عندما أبكاني موسى عيسى
قبل الذهاب إلى المكتب رن الهاتف
وكان الطرف الآخر موسى عيسى يحدثني عن بوست منى يونس
والخاص بعادل الجعلي وأنه قد يهيج شجونه وعاد به إلى الوراء
ثم لم يستطع أن يكمل وأجهش باكياً ،، فلم أملك نفسى والدمع يسيل
على خدي وأقفل الهاتف ولم يستطع أن يكمل ،،،يا لهؤلاء الزقازيقين
ما أعظمكم وأرق قلوبكم العامرة بالمحبة والإيمان وأقول كما قالت سامية
إسماعيل وكأن هؤلاء الزقازيقين قد تم إختيارهم بعناية فائقة،،،،،،،،،،
لله دركم من رجال .
هواتف عادل الجعلي وسامية:
موبايل : 00966/0551957146
هاتف منزل: 02/4223887
الأخ/ موسى عيسى يا لك من رجل صادق وشهم وتفهم في الإصول ومعنى العشرة
لك منا كل الحب والود وأرجع إلى عملك وتابع البوست لأنه يحمل لنا ذكره جميلة
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
الله الله على هذه الروعة
وفعلا ما حدث مع موسى حدث معي لم اتمالك نفسي وانا ارى هذا الحضن المعبر بين الريس وودالجعلي
حقيقي صورة ناطقة, وكأني اسمع نحيب الرجال واحس بعظمة العلاقات التي جمعتنا في ذلك الزمن الجميل
وحقيقة لو كان كل هذا البوست هو فقط هذه الصورة لكفى ...
شكرآ جزيلا أختي منى , شكرآ ريسنا وتاج راسنا , شكرآ عادل وسامية وشكرآ جميلا لذلك الزمن الجميل
احبكم اخوتي جميعآ وكل عام وانتم الحب.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد الدائم سيد أحمد)
|
أخي عثمان الخير فعلاً كانت
الصورة أنطق وأبلغ من أي كلام
ديل هم ناس الزقازيق ،، شكراً
صاحب المشاعر الصادقة النبيلة
موسى عيسى، الله يديك العافية والكلمة الرضية
الأمريكاني السهيلي عندما شاهدت صورتك لدى سامية
تذكرتك تماماً ذلك الشاب الخلوق المهذب والمحب للعلم
والمعرفة، زادك الله من بحر المعرفة والعلم نأمل تكرار زيارتك
العزيز طارق جبريل لك أجر الإجتهاد ولكن زي ما قالت
عرفه وساميةهي حنان تربيه،،
| |
|
|
|
|
|
|
|
|
 Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد الدائم سيد أحمد)
|
Quote: يا عرفة بعد ما نحن مشينا بقو يجيبو لتربية ناس نمرة 3
وحاتك زمنا عربســــــــات ساااكت
( بعد شوية حيضرب لي محى الدين على يوسف يقول لي مالم العربسات )
لما كنا برالمة محى الدين وعباس جبرالله كان التحلية بتاعتهم رز بالسكر |
والله الليلة وقعت معاي، عارف لغاية الان رسلت لي زي خمسين ايميل عشان "المديدة الحارقانى دي"
بس مل لقيت طريقة لي عباس جبرالله دا، قالوا عبدالمجيد عيسى في جدة ياشقي الحال ماخايفوا يوصل الشمار ده
المهم حاول شوف ليك طريقة مخارجة
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد الدائم سيد أحمد)
|
يا عبدو يا نظيف البت حنان تربية وما جات معهد تجارى فى دفعتنا لا حقوق لا معهد تجارى ما جابو ليهم بنات ومعلومة اضافية عن حنان تربية كانت (شقيقة ) اتحادية ديمقراطية جناح الميرغنى ونزلت فى قائمة التجمع فى 1992 واذكر بان الاشقاء فى جناح الميرغنى ناس بشير على العبيد كان بسموها (الجناح الكريستالى) فى الحزب هى والشقيقة الرفيعة مثابة حاج حسن عثمان ونحنا طبعا كنا فى جناح الشريف مع ناس زى بكورة الشين وعروة على موسى والرائع احمد عمر الباقر
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مشاعر بدوي)
|
الأخت منى
الأخ الريس ميسرة
تحياتي
لله دركم يا من إنتزعتم الدموع من الماقي
وأحدثت توترا أصاب كامل الجسد
ونفحتم فينا زكريات لزمن جميل
فلماذا هيجتم تلكم الذكرى الجميلة
وتلاعبتم بنبضات القلب حتى سرت إلى
أناملنا وهي تحاول أن تخط كلمات تعبر عن هذا العمل الرائع
الذي أرشحة لجائزة قرطاج
أو فلنعمل جائزة لأجمل عمل في منبر ناس الزقازيق
وأحسب أنني أصوت بكامل إرادتي لهذا البوست
من إعداد وإخراج منى وميسرة
وحقيقة إنه بوست رئاسي
لم أستطيع تمالك نفسي فقمت بالإتصال فورا بالأخوان
عادل وسامية
فإنساب صوتهم إلى دواخلي محدثا حالة من النزاع
مابين الفرحة والحزن على تلك الأيام
وتدفقت كلماتهم عبر حواسي جميعها بعذوبة وجمالا
كجمال روحهم
وكانت ضحكات عادل االجعلي
تدفعني بقوة لأن أعتلي كرسيا
في ركن نقاش
لأعبر به عن شوقي لهم
ومطالبهم بالتمثيل النسبي
بالوجود في المنبر لان علاقاتهم الحلوة تمنحم عددا من الأصوات تفوق كثافة المقعد
فشكرا منى
شكرا ميسرة ودمتم ودام تواصلكم
وعبركم أرحب بالأخ منصور في السودان
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد الحفيظ عباس)
|
Quote: لم أستطيع تمالك نفسي فقمت بالإتصال فورا بالأخوان
عادل وسامية
فإنساب صوتهم إلى دواخلي محدثا حالة من النزاع
مابين الفرحة والحزن على تلك الأيام |
شقيقي الأخ/ عبدالحفيظ عباس أقول صدقاً مداخلتك دي
أكثر مداخلة عجبتني وريحة نفسي وأنت تحادث الثنائي الجميل
عادل وسامية وهذا ما ننشده بهذا التواصل الرائع ،،، ودمتم
ألف حمدلله على سلام وصول منصور والعائلة الكبيرة.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عثمان الخير)
|
يمين بوست الموسم ... أجمل هدية في العام الجديد ... أنا حزين لأني من آخر الذين تداخلوا في هذا البوست لظروف عديدة .... لأحتفل وأرحب بصديقي ود الجعلي .... وأنا الذي كنت أخطط أن أكتب عن ود الجعلي منذ فترة طويلة .... شكراً مني والريس ميسرة علي هذا الجمال ... ولا زلت علي عهدي أن أكتب عن ود الجعلي الذي عرفت ... التحية لصديقي ود الجعلي ... ولصديقتي سامية والأبناء ... عوض ، عزه ، عسجد ، عناب ... وسلام خاص لصديقي ورفيق دراستي السر الجعلي (ما قلنا ليكم أولاد صغار ما صدقتو) وهو حكاية أخري تختلف عن حكاية ود الجعلي ... اها قرينا وين مع بعض مافي زول يسأل ....
يا سمسم ... والله عسل .... يا ود الجعلي دي مشاغله تعال دقني ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
يا طارق جبريل
بختك مالا قي الجماعة اليهود بتاعنك ما فاهمين الكلام ده عشان كده سرحان فيهم
| Quote: والله هو وصلاح علي صالح يشهوك تبقى جبهة ديمقراطية |
يا الرشيد الحق صاحبك
والله اترجمها ليك بالمغربي وانشرها ليك في موقع الجريدة البيشتغل فيها صاحبك طارق جبريل
عشان يجوك يا طارق جماعة امير المؤمنين بتاعكم
أكان نسمع بيك في مروي
أوعك تجيب السيرة دي تاني
قال جبهة قال
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
الاخت الغالية مني
العزيز الغالي ميسرة
ده أحلى بوست من يوم أتخلق البوست بتاع ناس الزقازيق
حاولت جاهدا أن اخرج نفسي من دوامة التأثير الشديد بالصورة العجيبة بين ميسرة ود الجعلي
حاولت ان اتخيل أن يزورني شخص بقامة ميسرة سيد أحمد وشخصية منى وأولادهم الرائعين ، فقط ليعيدو ماضي الذكريات
وود الجعلي لم يزر السودان منذ 13 عاما
ولم يتقابل وميسرة ومني منذ اكثر من ذلك
هذا كثير على القلب المعنى
يا الله
قلت أعمل زوم وأقرب الصورة أكثر
اتصلت اليوم بالاخ عادل ود الجعلي في الشغل والاخت سامية في البيت
لاكثر من ساعة
حاولت أن اتلمس احساسهم
سامية حسستني أنها لا تزال تعيش عالة زهول وغير مصدقة
عادل طبعا بين كل ضحكة وضحكة ضحكة
أظن اولادو سعيدين بأبو ضحاك كده في الزمن الصعب ده
ود الجعلي قال لي يا أخي ميسرة ده
رغم السنين والغربة والبعاد
الا إنك ما تقدر غير تنحني لي شخصية الريس في دواخلو
والله يا ميسرة لو أترشحت قدام شعبلوا بتاعنا داك
انا معاك معاك
زيارتك لود الجعلي يا ميسرة جزء قليل من شخصيتك الرائعة ومن حنيتك على آل بيتك مني والاولاد الله يخليهم ليك ويخليك ليهم
زيارتك لود الجعلي يا ميسرة جزء قليل من حبك لاخوانك وزملائك وسؤالك عنهم
انت اكثر من رائع
زمان كان يعد ويحصي رجال مثلك قد ولى
زمان كنت عنوانه قد مضى
لك الله ايها الحبيب ميسرة
لله درك اختي الغالية مني
سامية ما كانت عارفا إنو الصور نزلت في النت
قلت ليها خشي وشوفي الناس البكت وجعرت وإتجرست
هذه الانسانة سامية وجدت ذاكرتها تحفظ كل ناس الزقازيق
ولم تنس منهم أي واحد
اسعدكم الله سامية وعادل والاولاد
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
Quote: يا الرشيد الحق صاحبك
والله اترجمها ليك بالمغربي وانشرها ليك في موقع الجريدة البيشتغل فيها صاحبك طارق جبريل
عشان يجوك يا طارق جماعة امير المؤمنين بتاعكم
أكان نسمع بيك في مروي
أوعك تجيب السيرة دي تاني
قال جبهة قال |
ود الشادي الله لا كسبك
مالك داير تجيب كثافتي
نان باقيلكم ان بقوا عرفوا انا سكنتة 3 سنوات مع حاتم جبارة وامين السمين الشهير بي امينوف
باقيلكم بيسولوا شي
ود الشادي يا حبيبي لا تخسر العلاقات شي
باقي ولي العهد أليلكم كان قاعد هني لامن الله غفرلو
واصلو ان بقى لي شيوخ ناس الرشيد ديلاك
وحاتك حاتلين هني ضُمة ضُمة
ويتخوججوا في النوادي الليلية
دحين ان بقيتوا هبشتوني
الله قال بي قولكم
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: طارق جبريل)
|
Quote: اتصلت اليوم بالاخ عادل ود الجعلي في الشغل والاخت سامية في البيت
لاكثر من ساعة
حاولت أن اتلمس احساسهم
سامية حسستني أنها لا تزال تعيش عالة زهول وغير مصدقة
عادل طبعا بين كل ضحكة وضحكة ضحكة |
يا سلام عليك يا شادي إتصال ولأكثر ساعة
البوست يأتي ثماره وأُكله وأنا سعيد بأنه قد إنهالت
إتصالات كثيرة من كل حد وصوب من داخل السودان ومن خارجه للأخ ود الجعلي والأخت سامية
أنا سعيد وفخور بهذا البوست الإنساني الراقي، وشكراً لكل الناس الجعلوا من صداقتنا ومعزتنا
معنى كبير،
بس يا شادي الزول الشايقي الحنين ود جبريل ده خليهو في حاله وهو عاد صاحب محني سمحي خلاص
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
الريس ميسرة
الاخت مني
لكم التحية والتجله
وحقيقة ضربة معلم ومايجبوها الا رؤساها
فقد انعشتونا بصور ود الجعلي وسامية واولادهم
وعادل الجعلي كان من فواكه الزقازيق الغير موسمية
وكان يدخل الفرح في كل من يلتقية
وطبعا الاحلي اضافة التلفون حقهم
فحصلنا علي جرعة كبيره من فرح ود الجعلي والراقية
سامية وابنتهم الحلوة عناب
وطبعا الونسة جرت معاهم واخبرتة اني علي اتصال بالزقازيقي
الرائع طارق صديق (الوحيد كان لابس جلابية وعمة في تخرجنا1986
فما كان من عادل الا الاتصال بطارق في السودان وهاك ياضحك
والاسبيكر شغال
فالتحية لكم جميعا ايها الرائعون
والتحية للاخت مني علي البوست الراقي
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: Elsuhaili Magzoub)
|
Quote: وطبعا الاحلي اضافة التلفون حقهم
فحصلنا علي جرعة كبيره من فرح ود الجعلي والراقية
سامية وابنتهم الحلوة عناب
وطبعا الونسة جرت معاهم واخبرتة اني علي اتصال بالزقازيقي
الرائع طارق صديق (الوحيد كان لابس جلابية وعمة في تخرجنا1986
فما كان من عادل الا الاتصال بطارق في السودان وهاك ياضحك
والاسبيكر شغال |
عمر ود المهدي (تي) فعلاً عادل الجعلي وسامية علم من
أعلام الزقازيق لا يستاهن بهم والمهم برحلتنا لهم ]أدخلنا
البهجة والسرور إلى نفسهم وعدنا بهم إلى سنين خلت وجيد أن
أوصلته بالزميل طارق صديق ،،،لك منا كل المحبة.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
عوض عادل الجعلي عمره تقريباً ثلاثة عشر عام
إلا أنه يحسسك بأن عمره أكثر من عشرين عام ولد نشيط
فاهم شديد رغم حجمه الصغير أخد معاهو منذر وكسح ليك الحارة
كلها يعرف أصدقائه بصديقة الجديد بالله الولد تقول بيوزع مناشير - ماشاء الله-
أنا بنصح ناس الجبهة الديمقراطية يسجلوا الشبل ده من هسع قبل موسم التسجيلات.
الله يحفظه ليك ويغطيه من كل عين ومن شر حاسد إذا حسد.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد القادر بابكر)
|
شكراً جزيلاً السيدة الأولى
و لأني غيابي طال كثير و اللياقة تعبانة ...دعيني أرحب بالفكرة التي وصفوها كل الناس السابقين بأنها تشبهكم
دا كان كلامك في يوم 13/9/2009
Quote: عندي طلب خاص بعد ما أدخل حوشكم بالباب عديل
أن أعمل بوست في المنبر الجديد ويكون إسمه ( لقاء مع أسرة ،،،،،زقازيقية )
والموضوع ده من زمان معشعش في راسي ومضمونه
صورة لكامل العائلة مشتركين أو متفرقين
-بعض الأسئلة وخاصة الأطفال
- مواقف من الزقازيق - زي حقت نجاة حوفي الفوق دي -
- الأسئلة تكون عن طريق الإيميلات وكذلك الرد
إذا تمت الموافقة كلموا زهير يكلم بكري |
ودا الرد عليهو
Quote: وعليكم السلام و رحمة الله و بركاته
الإسم محمد آدم النور
و الله الجابني البلد دي الظروف
و الله قاعد أفرأ حسب الظروف
و الله الإنتشار برضو حسب الظروف
و الله قربو يسموني الظروف
و الله في الحتام لا يسعني إلا أن أشكر الظروف الخلتني أقابل الأخوان و الأخوات في هذا اللقاء
برضو الشكر ليكم
زول ما عندو باسويرد عايز يفتح بوست....... و الله إلا الظروف تساعدك
هههههههههههههههههههههههههههه |
عندما كتبت تلك المداخلة لم أقصد التقليل من فكرة البوست الذي جاء من غير باسويرد
لكن عليك الله لقيتيني كيف لمن كتبت ليك السيرة الذاتية
عارف سيكون لقائي بي أسرتي في هذا البوست بعد آخر زقازيقي و زقازيقية
و أول عائلة من خارج الوسط الفني بتاعكم دا
لكن ما تعبتي!!!!!
طبعاً لا أقبل الستلايت ... ومن استديوهاتنا في أم درمان و كدا...قال ليك فيس تو فيس ....
يعني تختي في بالك إنت جاية السودان مخصوص للمقابلة دي
و زي ما مشيتو لي ود الجعلي في أم صيقعون الجاك الفي السعودية ديك
أنا قاعد برضو في أم طرقاً عراض غرب أم درمان
خالص محبتي للأخ عادل و الأخت فاطمة بدري...معليش أقصد سامية إسماعيل
طبعاً في حاجة إسمها تيمان برقو المابتفرقو
زي فاطمة بدري و سامية إسماعيل
إبتهاج و بدرية و خالدة (طبعاً ديل زمن جوز الحمام تلاتة فرد...و الدستة فيها 13)
محبتي إليكم طويلاً، كثيراً....و بس!!!!
ما داير أجيكم بي رواقة...مش علي كيفي و كيف منصور؟؟؟؟؟؟
و تيب!!!!
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد آدم النور)
|
يا جماعة وروني البوست دا حق منو؟؟؟
حق ميسرة و لا منى يونس...لأنو تشابهت علي البقر؟؟؟؟
تعالو شوفو...كل الناس ديل شكروا الأثنين ...إذا كان الشكر على الزيارة
فإن الريس ميسرة لم يبخل بالدعم اللوجستي المتثل في العربية في الذهاب من و إلى ناس عادل
(ما تاخدش في بالك يا عم ميسرة)
إذا كان الشكر في فكرة البوست...و دا من إختصاصي أنا...
عليه أنا محامي الدفاع لبت الشيخ بتاعت ميسرة
يعني الواحد بيطلع ليهو بي كم مليون كلمة حلوة ما بطالة معاهو (نضايق ناس عبد الحفيظ شوية)
فإن الحقوق تنتزع و لا تستجدى (مرات أجيب كلام كيف كيف كدا دا)
إنشاء الله ناس الحكومة ما يقرو الكلام دا و يقول الزول دا قاعد يمر بمنعطف تاريخي
دي كيف يا زناتي؟؟؟؟
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد آدم النور)
|
أخي عبدالقادر - فوتوشوب - عمل جميل
ورايق وراسي من فنان كبير ومعلم وهذا لتشجيع
فني من طرفكم ونشكركم عليه ولك الحق في نشر هذه
الصورة الجميلة في كل أي مكان ترغب فيه.
مشكور كتير أخي أحمد أسماعيل وإنشاء الله سوف يطيب لكم
المقام في هذا البوست وعن قريب ترتحل طائرتنا لتحط رحالها
لزقازيقي آخر من الزمن الجميل بعد أن يأخذ عادل وسامية حقهم من الوقت
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
Quote: زول ما عندو باسويرد عايز يفتح بوست....... و الله إلا الظروف تساعدك
هههههههههههههههههههههههههههه |
الله ده ما كريم ,,
حمد لله على السلامة أخوي محمد آدم (جلا) كنت أتظر
وصولك بفارق الصبر بصراحة لأنك أخفتني حتى شكيت بأني
سوف أفشل على الرغم من أني أعلم بإنها مزحة،،،،،،،،،،
الفكرة دي سوف تستمر وياخد البوست أشكال مختلفة مع ثبات الفكرة
المهم دعمكم وتشجيعكم هو زادنا ،،،
تحياتي للوالدة والوالد بنت العم وأولادك ،، وما تختفي .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
جلا أسمع كلام أحمد إسماعيل ده
البوست ده بتاع الأستاذه منى يونس والفكرة كانت
فكرتها وأنا لي أجر المناولة وبعدين راقت لي الفكرة
ودعمتها لوجستيناً بالقمر الصناعي والكاميرا والسيارة وكمان
يوجد فيديو بس ما عرفنا ننزل حتى اللحظة دي ،،،،، أنا دحين عرفت
البوست ده بتاع منو ،،، أصلوا الخيل تجقلب والشكر لحماد،،،
ما أنا حماد زاتو.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
Quote: و زي ما مشيتو لي ود الجعلي في أم صيقعون الجاك الفي السعودية ديك
أنا قاعد برضو في أم طرقاً عراض غرب أم درمان |
والله حكايتك عجيبة يا جلا إنت أم طرقاً عراض غرب أمدرمان
دي عندك فيها عمارة ولا فيلا ،،، وبعدين أم سيقعون الجاك ، شفت ليك
سعودي أسمه الجاك ،،، غايتو دي إلا تكون جمنب (أم بريمبيطي) جنوب شرق
دبي ،،، أسألوا رشيد القوم ولما عارفين مكانه وين، أنا رضو ما بعرف مكانه وين
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
Quote: الفكرة دي سوف تستمر وياخد البوست أشكال مختلفة مع ثبات الفكرة
المهم دعمكم وتشجيعكم هو زادنا ،،،
تحياتي للوالدة والوالد بنت العم وأولادك ،، وما تختفي . |
يا بت يونس...سلام
حا تتعبي شوية من الإعداد في هذا البوست
طيب عادل الجعلي...دربو مرق ...تاني منو...طوالي مفروض يكون عندك الجاهز
إنشاءالله أبوكم ميسرة زاتو
يعني تقومي تحضري ليكي 3-4 بروفايل للبوست وبعدين حكاية الإخراج ما تشيلي ليها هم
المخرجين زي الهم في القلب...بدءً بي محمد عيد....مروراً بي محمد آدم...نهاية بي قدورة
التخريمة الجد جد:
الوالدة و الوالد و بت العم و أخوي
أي تلفون ليهم ..طوالي يسألوني أها ميسرة كيف؟؟ بالله منى كيف؟ و العيال ناس محسنة و منذر و مشكاة كيف
غايتو لو أعلنو الشهر العربي الجاي هو الحج!!! ياهم الجاينك
محبتهم لكم من محبتي
دمتم
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
في إتصال هاتفي صباح اليوم الأربعاء بالأخ/ عادل الجعلي
لخلص بإن الذي حصل غير مجرى حياتهم تماماً وهذه الأيام
هم يعيشوا حالة من الإنتفاضة وهالهم ما رأوا ما بداخل البوست
ومن ترابط الناس ووجود مجموعة من الناس ،،،
عادل وسامية يعيشون حالة من التواصل الزقازيقي بشكل خرافي
يستأنسون بالدردشة مع مجموعة كبيرة من ناس لهم سنين إختفوا عنهم
ولا يعلمون عنهم شئ كل مرة يأتي إتصال ،، آلوا مين عادل الجعلي سامية
عارفين مين معاكم على الخط ،،، وتبدأ المعاكسات والضحكات وتدور عجلة الزقازيق
ناس عادل يعيشون هذه الأيام في نشوة عارمة وإرتياح نفسي كبير والنتيجة الجميلة
عادل مندفع لمتابعة البوست وكل ما يكتب فيهو وده تطور مهم جداً ،،،
الأخ/ عادل ذكر شيئين مهمين هما:
- كيف نحافظ على التواصل الكبير ده
- يعتبر بأن الإتحاد ما زال مستمر وأصبح المنبر دار لهذا الإتحاد
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عفاف علي ميرغني)
|
تاني ود الجعلي بكاني
الله يجازيك يا عادل
اتصلت عليهو الليلة اتصال طويل برضو
طبعابعد ما شافو الصور هو وسامية
وطبعا اتأثرو جدا
والحاجة القالها خلتني أبكي
قال لي
يا أخي الناس ديل جايين من وين
قلت ليهو منو
قال لي ناس الزقازيق
يا أخي ديل ناس غريبين خلاص
بعد السنين دي كلها
الناس لسه بي محنتها وحنيتها وحبها لبعض
ويا ألزول الاسمو ميسرة ده فعلا راجل ما ساهل
فعلا رئيس
قلت ليهو لو نزل قدام شعبولا بتاعنا بتدي منو
قال لي ميسرة طبعا
طبعا انا مارضيت اتصل في الاول على عادل طوالي اتصلت على تلفون البيت
قلت اقوليهو الو ده بيت عادل والله سامية
عشان اعرف فعلا ده بيت عادل والله سامية
لمن حكيت لي عادل كده قالي تلقى سامية نامية
ولكن البيت بيت سامية
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
Quote: وطبعا اتأثرو جدا
والحاجة القالها خلتني أبكي
قال لي
يا أخي الناس ديل جايين من وين
قلت ليهو منو
قال لي ناس الزقازيق
يا أخي ديل ناس غريبين خلاص
بعد السنين دي كلها
الناس لسه بي محنتها وحنيتها وحبها لبعض |
بس يا شادي إنت ما جاوبت على سؤوال عادل الجعلي
سؤال : الناس إلى كانوا في الزقازيق ديل جو من وين؟
سامية إسماعيل قالت الناس ديل تقول تم إختيارهم بعناية فائقة
عادل الجعلي قال لناس رابغ أنحنا عشرتنا كانت تتراوح بين أربعة وخمسة سنوات
في الغالب الرابط القوي بيننا لا يقدر بثمن.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
الليلة اول يوم ادخل بى هنا
والله اكتشفت انه فاتنى مـــــــولد
اتاااارى انا اقول الود مجتبى الكتكوت وعرفه ام العيال
ديل اختفوا كــــــده من اجدع ناس ومشوا وووين
شكرا يا منى يونس على الواحــــــــة الحلوة دى بس عليك الله كترى من الصور
وبعدين انا بهناك سألتك سؤال وما لقيت رد واهو تاااتى بسأل ؟
شريط حفل سيف الجامعة فى نادى المعلمين محتفظة بيهو ؟؟
تتذكرى لمن قلت لى امك علقت على وقال الله ولدكم دهـ يدهـ مالها ( ملفوفة كدهـ ايه اللى ضربه )
وانا كنت المضيف مع هدى محمد ابراهيم ..........اياااام
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
العزيز ميسرة
الغالية منى
تحية وإحترام
المشكلة رغما عني دخلت شوية بيانات خاصة بزهير الزناتي
على برنامج spss الاحصائي واداني نتائج غريبة
عن ظهورو
ومواعيد لبدتو
وكلها في توازي غريب مع تصريحو داك بتاع الصفيق وسط الاضنين
نفس البرنامج استخدمتو لبيانات محمد صديق
وادخلت كم مرة بيقول
جاييكم براوقة
متابع نص نص
ومن بعيد
وحاجات ومكنات غريبة
عارف البرنامج قالي شنو
قالي صاحبك ده على محمد صديق
زول وراهو سر كبير
خليني احلل باقي المعلومات اعرف السر ده شنو يا ربي
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
حالت ظروف كثيرة خلال الفترة السابقة
ومنعت سامية إسماعيل عن الدخول إلى البوست
وكانت تسمع كل شئ من عادل وكان يوم أمس فجلست
لأكثر من خمسة ساعات متواصلة وهي مندهشة وغير مصدقة
بكت سامية كثيراً وكانها لم تبك من قبل ، هالها ما رأته
وفي إتصال هاتفي مطول مع ساميه تبلغ الجميع تحاياها وأشواقها
وتشكر كل من إتصل عليها أو كتب عن أيام الزقازيق ، الحلم الجميل
الذي أصبح ذكرى ولكنها ذكرى ممتعه لا تفارق الخيال.
| |
|
|
|
|
|
|
| |
مني يونس
ميسرة سيد أحمد
عبد الدائم سيد أحمد
جلال عثمان
سامي عبد الوهاب إدريس
عبد القادر بابكر
محمد عيد
الرشيد بابكر
منصور عبد الرازق
طارق جبريل
مجتبي فاروق
محمد صديق
Hatim Gubara
عرفة محمد سعيد
حنان مجمر
Elsuhaili Magzoub
موسي عيسي
ياسر نجيلة
مشاعر بدوي
عبد الحفيظ عباس
زهير الزناتي
كمال الشادي
عمر المهدى
أحمد إسماعيل
محمد آدم النور
مدثر أبا يزيد
عفاف علي ميرغني
فيس بوك
تويتر
انستقرام
يوتيوب
بنتيريست