|
|
 زمن الزمن زين والشعر مغطي الاضنين(توجد صور)
|
انتكاسات تتوالى على خلايانا
مسامات الجلد تفاوض .. تنادي بالتسوية بين التجاعيد والزمن ..
الزمن وبتعاقب دوراته يفرض آثارة بتشفي تام ..لا مهادنة.. ما دام التقدم بالعمر مفروض بقوانين الطبيعة ..
ويبدأ في طمس معالم الملامح . ويبدأ ببناء جدار عازل يفصل ايام زمان عن الحاضر وينوع ويتفنن
هذا كيان بشري يتكوم على بعضة نتيجة طياته الكتيرة
وذاك يشكو المشيب وضعف النظر
وآخر يقف في الصف لاخذ نصيبه من الضعط والسكري وهشاشة العظام ..الخ
رونق وعنفوان بدأ في التصاغر بفعل الزمن ..
قلق متدثر يبحث عن ذلك الرونق يكشف القلق عن دثاره شيئاً فشيئاً
ونبدأ في استحضار صور قابعة في البومات صور لم نراها جيدا الا بعد ان ابتعدنا منها قليلا
ونبدأ في استعراض صور حديثة و نقارن الحديثة بالقديمة (تحلى ولو كانت وحلة )ونخاطب الحديثة برفق :-
هكذا كنتي زمن الزمن زين والشعر مغطي الاضنين
|
|
 
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: عرفة محمد سعيد)
|
انا غايتو احمد الله كل اسبوعين بمشى احلق شعرى وبالذات القجة
لانها بتطول سريع ،،،، يعنى عنوان البوست ما بشملنى لكن عاشنك
يا رايقة انا حاكون محكر وقاعد معاك هنا
اولا انتو وسيف وعريسنا والبنيات وين واخباركم شنو ،،،
جيلنا والجيل القبلنا عشان نحن عاشرناهم انا بقدر اقول عليهم الاظرف
اما جيلكم يا عرفة فهو الانضف حسب ما شفنا وبعداك سمعنا ،،،
اتخيل لي انتى اول زول فى المنبر ينزل صورة لشيخ عشرى
ودى تديها كم يا د/ سيف
كل سنة وانتى طيبة
ويلا واصلى ابداعك وكترى من ناس اداب
| |
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: زهير الزناتي)
|
عرفة كيف انتى والدكتور اظن الزمن الزين والشعر المغطى الاضنين دا قاصدا بيهو نفسك لانو زى ما شايف الحمد لله الدكتور من (الرفيق الرفيع ) سيف النصر الى ( الرفيق المربع ) سيف النصر
وبسرعة كدا يا ود الزناتى عليك الله نزل صور قعدة الشرطة الاخيرة وخاصة صورة محمد صديق الداسى صورتو من الناس
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: مجتبي فاروق)
|
سلامات يا ناس
عرفة...لك التحايا زكائب...ومثلها للدكتور والعيال
فكرة البوست مجنونة...لك التهنئة.
| Quote: وخاصة صورة محمد صديق الداسى صورتو من الناس |
استأذن فى الرد على مجتبى..
سلام ايها الصحفى الرياضى النضيف..
صورتى ما مدسوسة لكنى امى تقنيآ...صورة البروفايل نزلا لى زهير
الميكانيكى بتاعنا...نتمتع ببياض ناصع والحمد لله..وقدر لابأس به
من التصحر.
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: محمد صديق)
|
جبريلا
سلاماتي
لو على المدرج هينة
طول ما المدرج معروش ومسقوف(بالطواقي) ما عندك عوجة
****************************
الريس ميسره
سلامات
شكراً على الطلة
زمان كان عمي ساكن معانا وكان حساس شوية لايمكن يدخل البيت الا وفي ايدو حاجة اقلها بطيخة وكنا ويوميا بنسمع هذا الحوار الساعة 3 ظهر :-
ليه التعب ده بس ؟؟
ويرد هو بأدب جم : ابداً دي حاجة بسيطة..
حتسأل المناسبة شنو؟
ح اجاوبك انك مفروض تجي شايل معاك صورة صورتين ونقول ليك ونحن بنتبسم :
ليه التعب ده؟
وترد بأدبك المعتاد
ابداً ولله حاجة بسيطة...
تحياتنا لك ولمنى والاولاد
*********************
زهير كيف احوالك
البوست ده انت اساسي فيهو
والعشم انك تضيف وتضيف صور من الزمن النضيف
بانتظارك
سلامي للاولاد وبهجة
*********************
Quote: شايف الحمد لله الدكتور
من (الرفيق الرفيع ) سيف النصر الى ( الرفيق المربع ) سيف النصر |
مجتبى
كيف احوالك
شفت كيف الزمن بينقلنا معاه
هكذا حال الدنيا من الرفيق الرفيع الى الرفيق المربع بس نسأل الرفيق الاعلى ان يمتعنا بالعافية وحسن الخاتمة
*************
,,,,
محمد صديق
سلامات يا سيد الناس
,,,,صورتك نازلة وين ؟
بلا الوليد القالب هوبة ما لاقيين ليك صورة!
المطلوب صورة زمن الزمن زين و صورة حديثة
رجاء ما تبخل على البوست ده
والمهم الاخلاق برضك يعني
سلامي لست الناس والاولاد
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: محمد صديق)
|
برلومتنا الفاتت خلّتنا
وبى ناس آداب باعتنا
زحمة القراية كتلتنا
وكمان شناة سحنتنا
آداب فيها السماح واللكنة
وحقوق صحارى دفنتنا
غايتو الدنيا ما أدتنا
عزانا الحور فى جنتنا
...............................
أها يا عرفة شوفى الصورة ، بس للأسف ما عندى صور قديمة ، تحياتى لسيف والعيال
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: عرفة محمد سعيد)
|
بوست جميل وفكرته حلوة
اتوقع لهذا البوست ان يستمر حيا ومتحركا لفترة طويلة
زيى كتير المنتظرين يشاركوا فيهو بفاعلية
ولكن تعوقهم الأمية الأسفيرية
شخصيا معول على دروس النضيف البى البريد الألكترونى
المشكلة المخ تخن , والفهم بقى بطىء والأستيعاب الا بى دفرة
عندى صور كتيرة قديمة
واخرى قليلة حديثة
ان الله اراد وعرفت للشغلة دى
حا اهريكم
بس احتمال كبير
العنوان بتاعى يكون مختلف شوية
نسبة للمسافة الزمنية الكبيرة
تحياتى لصاحبة البوست الزميلة عرفة
واعجابى مجددا بفكرته
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: عبد الدائم سيد أحمد)
|
عبد الدائم اخبارك شنو انا بحاول اجتهد فى الصورة الفيها مزار كطبعا صلاح الامين شناتو ما بتغبى على زول البقية اظن اول واحد من اقصى الصورة من الناحية القريبة هو اسامة فرج الله الشهير بطيارة بتاع بيطرة نجى من هناك دكتور سيف النصر وبعدوا الررائعة زينب التجانى وبعد كدا اخونا شبوكش وبعدو عشة ابورفاد زراعة قريبة زينب التجانى وبعدا ابتهاج بيطرة تقريبا البين ابتهاج ومزار ما عرفتها والله لكن اظنها فيروز برلومة زراعة يعنى احتمال اذلاكرة تكون تعبت شوية
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: مجتبي فاروق)
|
| Quote: وبعدا ابتهاج بيطرة تقريبا البين ابتهاج ومزار ما عرفتها والله لكن اظنها فيروز برلومة زراعة يعنى احتمال اذلاكرة تكون تعبت شوية |
يا مجتبى الذاكرة مش احتمال تكون تعبت و شوية كمان..دي تعبت اكيد و كتييير اوي يا باشا..
اولا القلت عليها ابتهاج بيطرة دي دولت زراعة!!
ثانيا ما في واحدة اسمها ابتهاج بيطرة!!
و فيروز برلومة زراعة يمكن الوكت داك لسة ما جات..الزولة دي ضيفة من برة !
كيف الزنقة دي معاك يا برلوم؟؟ 
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: منصور عبد الرازق)
|
Quote: زيى كتير المنتظرين يشاركوا فيهو بفاعلية
ولكن تعوقهم الأمية الأسفيرية |
الاخ منصور
كيف احوالك
ياعم الحكاية مش مستاهلة المام بشفرات html
لو عندك صور في سي دي محلولة...اما لو كروت ممكن تستعين بصديق عنده اسكانر وتنزل الصور في الكمبيوتر وهوبا الصور امام اعينناالقديمة والحديثة..
شوف دي يا منصور (كلية الطب البشري)قبل حوالي عشرين سنة
عبر هذا البوست نهديهم احلى التحايا والامنيات الطيبة
خليك قريب يا منصور وما تتكاسل
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: مجتبي فاروق)
|
يا ست عرفة
الله يديك العافية
والتحيات ليك وللاسرة السعيدة انشاء الله دائما وابدا
البوست حقك زي الثكر
أحلى ما فيهو قبل ما تدخلي تضحكي من الاسم
اسم البوست حا يمنع ناس كثيرة تخش عشان موضوع الشعر مغطي الاضنين ده
وفي ناس الواثقة من شعرها هسي راح تخش بي قلب جامد
وفي ناس متحسرة على الشعر الكان مغطي الاضنين وراح تخش بي شعار الاليت الشباب يعود يوما
والله عرفة انا كنت بفكر في نفس الفكرة بتاعة البوست ده
عشان كده راح اخت جهودي على جهودك وانزل صوري المعاي كلها هنا
هذا اولا
ثانيا : انا يشملني شرح منصور يعني اشرحلو لي انزل صور كيف
ثالثاً : الصورة المتغالط عليها عبد الدائم ومجتبى البت العلى يمين صلاح الامين دي عزه عباس علي أداب
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: عبد الدائم سيد أحمد)
|
شخصية اليوم : اميمة دفع الله
فى صيف عام 86 م تم بنادى الضابط الخرطوم زواج الزميلة اميمة دفع الله
والزميل هشام محمد على تجارة ، حضر الحفل لفيف من الزقازيقيين
اميمة كانت فى السنة الثالتة كلية تجارة
بعد انتهاء الحفل ونحن مجموعة من الزقازيقيين واقفين خارج النادى جأت
اميمة ماشة قالت يا كافى البلاء زول يزغرد لي مافى ، وقفت فى نصنا
وفكت ليها فرد غرووودة
فرقة الخرطوم قرووب
اميمة مع بناتها الصغار ، ماشاء الله تبارك الله الاولاد الكبار ما ظاهرين فى الصور
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: Dr.Elsadig Abdalla)
|
الاخوان عرفه د.سيف
تحياتى وامنياتى بمزيد من التواصل بين اجيال الزقازيقاب
اكيد نحنا بقينا ما نحنا وانو الزمن غير ملامحنا والصور تدلل على ذلك ليس نحن فقط فالصوره 3 و4 لابنائى قبل عدة سنوات والان
حتى صغارنا طالهم الزمن فما بالكم بابائهم, انها سنة الحياة كل قوة الى ضعف وكل ضعف الى زوال.
التحايا الى اميمه دفع الله ود. عشرى.
----------------------------------------------------------------------------------------------
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: معتصم جعفر)
|
| Quote: لو الناس كمان نزلت الصور الحديثةمع القديمة بتكون أفضل ، أكيد حصل تغير لبعض الناس |
العزيزة منى
انتي طبعاً صورتك الحديثة ح تكون من وراء حجاب وده في حد ذاتو تغيير ..
في انتظارك اغدقينا بالبومك الزقازيقي اكيد كل واحد ح يشوف صورته ح ينزل قصادها الحديثة ..
تشكراتي على مرورك
*************************************
| Quote: دكتور الصادق لسة محافظ سيف (سمن شوية ) لكن عمر البشير ما اظن يعرف نفسو فى الصورة |
مجتبى كيفنك
عارف وجودك بصفة مستديمه في البوست ده مهم جدا كمُحلل ومُعلق فوتوغرافي تعليقاتك كلها سليمة لذا خليك قريب
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: عرفة محمد سعيد)
|
| Quote: البوست حقك زي الثكر |
مروركم هو اللي زي العثل رايق مصفى ..
Quote: والله عرفة انا
كنت بفكر في نفس الفكرة بتاعة البوست ده
عشان كده راح اخت جهودي على جهودك
وانزل صوري المعاي كلها هنا |
خلاص من الآن فصاعدا نحن الصيوف وانت رب المنزل
Quote:
انا يشملني شرح منصور يعني
اشرحلو لي انزل صور كيف |
تنزيل الصور على ثلاث مراحل
الاولى عبر اسكانر الى الجهاز والاسكانر موجود اما مع طابعة ثلاثة في واحد (طابعة+ماسح ضوئى+آلة تصوير)او لحاله
المرحلة التانية:
تحويل الصورة بصيغة
JPG
وحفظها في الجهاز
المرحلة الاخيرة: تحميلها في المنبر
ممكن الاستعانة بالنضيف وبالعدم شخصي الضعيف وممكن عمل دروس بالصور قريباً بحول الله اذا استدعى الأمر
المهم ما تمشي بعيد
ومشكور على هذه الطلة الرايقة
*******************************
Quote:
ولا يفوت على فطنة القارى انو سيف النصر فى جميع الصور
يا اما لحاااام او بصفه
مراقب |
هههههههههههههههههه
ماعارفة غايتو هل يجوز للمرأة ان تقول ههههههههه اذا ما بيجوز
خلاس هوهوهو
النضيف
التحية لك وعبرك لاميمة دفع الله وهشام محمد علي
وبانتظار المزيد
**************************
Quote: يا جماعة انا غيرت راي ... بوست غير موفق ....
مافي داعي للمقارنات دي ... حقوا الصور الزمان تكون براها والجديدة تكون براها ... لأنه
بالطريقة دي حا تجينا نفسيات |
زهير هوي ميار بقت عروسة الزم الجابرة وامشي الحج وتعال اقيف معانا في الصف
ولا نفسيات ولا يحزنون.. على الاقل نزل صور التانيين كما وعدتنا في بداية البوست
مودتي
************************
...
Quote:
مهم جدآ موضوعالمقارنة ده يوجد توثيق للناس ديل فى البوست الكبير والموجود حاليآبمنبرنا ده... |
سلام يا سيد الناس
ادينا اللينك وانحنا بننكت كل المستخبي..
*******************
| Quote: اولا انا واحد من المعنيين بهذا البوست الرائع لان الزمان قد جار علينا والزمن غير ملامحنا ونحن بقينا مانحنا |
الاخ العزيز عبد السميع
ازيك وازاي احوالك آخر مرة لاقيناك قبل 10 سنوات في تخريج على ما اذكر وسبحان الله الزمن كان بيعمل في صمت ..لكن بتبقى الدواخل نقية وحيوية
تسلم ياعبد السميع وشكرا لاضافتك التي تجري في نفس مجرى البوست
*************************************
د الصادق عبدالله
سلامات يا الصادق
وكيف اخبارك تحياتي ليك والاسرة
نتوقع صور اطفالك في بوست ملائكة الزقازيق
*******************************
| Quote: اكيد نحنا بقينا ما نحنا وانو الزمن غير ملامحنا والصور تدلل على ذلك ليس نحن , انها سنة الحياة كل قوة الى ضعف وكل ضعف الى زوال |
الاخ الكريم معتصم
لك سلامي واحترامي
شكراً على مداخلتك العميقة حفظكم الله واسرتك وشملكم برعايته
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: عبد الحميد البرنس)
|
بوست غير موفق أو كما قال زهير ..
و أي زول يجي يخرخر هنا معاهو ألف حق ..
و عشأن ما تقولوا الواحد نظام عايز يدس الكورة حأجيب ليكم صوري حتى قبل ما أجي الزقازيق ..
زمن الزمن زين لكن الصراحة الشعر دة من الله خلقو ما غطى غير القرقعوبة دي و هسع ذاتو زهج منها ..
غايتو يا عرفة بالغتي عديييل كدة ..
و بصراحة بصراحة بوست في السلك ..
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: مجتبي فاروق)
|
يا أخوانا الزل الاسمو عصام دهب ده زول محتال
صورتو الفي البروفايل
عمل ليك فيها حركات
ما عارف كيف
عشان تبدو كأنها لوحة
ونقول يا سلالالالالالالالالالالالالالالالالالالام
روعة
سيب الحركات دي يا دهب
خت صورتك زي ما هي
وبطل حركات الفوتوشوب بتاعت محمد عيد وقدورة دي
اكان صورتك طلعت لوحة راح نقول يا سلالالالالالالالالالالالالالالالام
واكان طلعت ما لوحة راح نقول يا حولالالالالالالالالالالالالالالالالالالا
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: مجتبي فاروق)
|
شباب سلام ..... البوست ده مالو ناخي كده ... وين سته .... كنت متخيله يمشي بسرعة الصاروخ ... يا روفي أنفضي يدك من اي حاجة ... عواسة الكسرة خليها لنهاية الأسبوع .... الطبيخ جيبي ديلفري ... المهم تخلي بالك من البوست .... الود سيف النصر ده ما تشتغلي بيهو عمل حركات شدي تلفون لعمك ود الجعلي ولا أقول ليك حليل ود الجعلي إتذكرت قالوا سيف هرشوا في التلفون ... أقول ليك حاجة شدي تلفون لمنصور عبد الرازق وأسأليني أنا من منصور .... العملها فيني لليلة ما مرقت ....
الصادق وباقي الشباب ... د. عمر البشير الآن في عطبرة إخصائي الباطنة هناك حسبما عرفت منه قبل مدة ....
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: عرفة محمد سعيد)
|
Quote: سنجة دى على ما اعتقد الا تصل ليها بالبصات وفى الخريف كدارى
|
| Quote: ....انتو مسؤولين من الخير ،سنجه دي مافيها انترنت والله شنو ؟؟ |
ياسر نجيلة كيف أخبارك وأخبار الأهل بسنجه ، يا اخوانا ما تفهمونى غلط دى مجرد محاولة لعمل e.madida haragatny ، نشوف مدى إمكانية الإستفادة من من الشبكة العنكبوتية فى تطبيقاتها الحياتية.
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: حنان مجمر)
|
الاخت العزيزة عرفة
كل الشباب
نكتنا الملفات القديمة
ووصلنا لصور الزمن الكان الشعر مغتي الاضنين
اول صورة فعلا كان الشعر مغتي الاضنين
الحمد لله لايزال الشعر مغطي الاضنين
الصورة الثالثة
لا يزال العرض مستمرا
الصورة الرابعة
لايزال العرض مستمرا
الصورة الخامسة
رغم إني في السن قدر طارق جبريل
واصغر من زهير الزناتي
وبالنسبة لعصام دهب انا الدفع الورا الورا الوراهو
إلا إنو لا يزال الشعر بإمكانه ان يغطي الاضنين
( حالياً )
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: محمد صديق)
|
طارق جبريل العزيز
البوست ده ستو لمن فتحتو فتحتو للناس العندها شعر و( قجة ) زي ما قال عبد الدائم النضيف
والمظلة دي ما بتشمل سعادتك معليش على جنب شوية يا عمو
رضينا بي ابصلعة وأبصلعة ما راضي بينا
قلنا في العمر قدر طارق جبريل
أسكت خلاص قول أنا وكمال الشادي كنا زملاء في كي جي
عايز تنط
اها انا جيت الزقازيق بعدك
يا أب قجة
سوري
يا أبقجيجة
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: كمال الشادي)
|
Quote: رضينا بي ابصلعة وأبصلعة ما راضي بينا
قلنا في العمر قدر طارق جبريل
أسكت خلاص قول أنا وكمال الشادي كنا زملاء في كي جي
عايز تنط
اها انا جيت الزقازيق بعدك
يا أب قجة
سوري
يا أبقجيجة
|
يا كيمو ياخي انا لمن شفت امين السمين
كنت قايلو محاضر في الكلية
وانت قالوا جيت قبل امين السمين
تقول لي خنفس
ياخي الاسطايل هسي مزلقانات ساااااااااااااااااي
ناس ما مواكبة الموضة ياخي
معناها زمنكم فات وغنايكم مات
| |
|
|
|
|
|
|
|
|
|
Re: زمن الزمن زين والشعر مغطي الاضنين(توجد صور) (Re: سيف النصر محي الدين محمد أحمد)
|
انا عندي صورة شايلة لي تقريبا شهرين وكلما اقول انزل
تحصل حاجة لكن انا متاكد منها ومن مفعولها القوي
فهي صورة تنسجم مع البوست وعنوانه
المهم شكرا يا عرفة على البوست واوعدك انزل الصورة
قريبا جدا لكن بسال عن صديقي الذيذ
عصام سايكوليجي
مشيت حتى عطبرة ولم اعثر عليه وهو في الصورة بتاعت دكتور الصادق 1989
اي زول عندو معلومة عن عصام سايكوليجي
حقو ما يبخل بيها
مودتي
| |
|
|
|
|
|
|
| |
عرفة محمد سعيد
عفاف علي ميرغني
عبد الدائم سيد أحمد
مشاعر بدوي
طارق جبريل
ميسرة سيد أحمد
زهير الزناتي
مجتبي فاروق
محمد صديق
أبوبكر حامد الأمين
سامي عبد الوهاب إدريس
منصور عبد الرازق
مني يونس
كمال الشادي
عبد السميع دفع الله
Dr.Elsadig Abdalla
معتصم جعفر
عبد الحميد البرنس
عصام دهب
فيس بوك
تويتر
انستقرام
يوتيوب
بنتيريست