دعواتكم لزميلنا المفكر د.الباقر العفيف بالشفاء العاجل
|
|
 ياخوانا انا غلطان بعتذر .... سامحوني
|
بالمدة لسيت بالطويلة ... مات عم زوجتي رشا ... السيد / فيصل محمد الحسن
واخبرت احد اصدقائي المقربين بالمنبر ... ليس لتقبل العزاء وحسب ولكن طمعا ايضا بنشر الخبر بالمنبر ...
لما فيه تخفيف لبنت شيخي وهي من اشد المتابعين بالمنبر ...
وفي غمرة حيرتي ولا ادري بماذا افعل ... وصعب على ان انشر الخبر بنفسي...
توفي اخو زوجة ولدنا ابوبكر حامد الامين السيد / محمود سيد لطفي الخانجي ... بليبيا ...
ولم يمض اكثر من شهر توفي عمها (اعني ايضا زوجة ولدنا ابوبكر - مني) السيد / النعيم لطفي الخانجي ... بجده ...
وفي غمرة الاحزان ... وبعدها باسبوع واحد فقط ... توفي عمها الثاني وعميد الاسرة كلها السيد / سليمان لطفي الخانجي ... بأبوظبي
هم ايضا جدودي لزم ... واخوها هو خالي ... وايضا اخوها – أبوبكر الخانجي – هو زوج لاختي رحاب نجيلة ...
فحزني وترددي وحيرتي ... انستني ان اعطي زوجتي واخوي بكور ومني ابسط حقوقهم بنشر هذه الاخبار المحزنة بالمنبر ...
اقلها سوف يجدون منكم التخفيف بمصابهم في هذه الغربة الرعناء ... وانا اعلم تماما بانكم لا ... ولن ... ولم تقصرو في مثل هذه الملمات ...
فانا اعتذز بشيده لاخي ابوبكر حامد الامين ....
ولكلى العتبي حتي ترضي اختي مني سيد لطفي الخانجي ... نوارة الاسرة ...
وسامحوني ... كلكم ...
|
|
 
|
|
|
|
|
|
|
|
Re: ياخوانا انا غلطان بعتذر .... سامحوني (Re: محمد صديق)
|
انا لله و انا اليه راجعون
الدوام لله
صادق التعازى الاخت رشا ومنى وللاسرة الكريمة فى مصابهم الجلل
،،،،،
غايتو يا نجيلة انا زى اللوم راكبنى عديل كده لانى بذكر الموضوع
ده طشاش طشاش ، ما قادر احدد بالضبط ، لكن ( احد الاصدقاء ) ياهو انا زاتو
يا رشا معليش ( سامحينى ما كانش قصدى )
| |
|
|
|
|
|
|
|
|
Re: ياخوانا انا غلطان بعتذر .... سامحوني (Re: زهير الزناتي)
|
خالص التعازي للاخوات رشا ومني والأخوين ياسر نجيلة وأبو بكر .... وكل الدعاء بان يرحم الله من رحل عن هذه الدنيا من اهلهم واقربائهم ...
اللَّهُمَّ اغْفِرْ لَهم وَارْحَمْهم ، وَاعْفُ عَنْهم وَعَافِهم ، وَأَكْرِمْ نُزُلَهم ، وَوَسِّعْ مُدْخَلَهم ، وَاغْسِلْهم بِمَاءٍ ، وَثَلْجٍ ، وَبَرَدٍ ، وَنَقِّهم مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهم دَارًا خَيْرًا مِنْ دَارِهم ، وَأَهْلًا خَيْرًا مِنْ أَهْلِهم، وَقِهم فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لهم الرحمة ولذويهم الصبر
| |
|
|
|
|
|
|
|
|
|
Re: ياخوانا انا غلطان بعتذر .... سامحوني (Re: عمر نملة)
|
قال ولدنا العزيز جلال ...
Quote: الدنيا مشاغل يانجيلة .... لكن عملتك دي تاني لو كررتها .....
المفراكة ياها المحمداك ... |
واضاف الكوتش محمد صديق ...
Quote: بكرى حامد (جِلْدُو تَخِين ...ما بِزعل )
انت تجتهد ترضَِى منى وبِت شيخك..وبالمرة شيل معاك
مفراكة واحرص ان تكون مسوِّسة (حسب رأى الخبراء) |
وانا بقول ليهم : عزاءكم وصل ... وبت شيخي رضيناها ... وقبلها بكري الراجل "الكلس" تقبل الاعتذار ...
ولكن المفراكة دي ما تبعي ... انا زول نوم صالة ساي ... حتي اسألو الشادي ...
Quote: غايتو يا نجيلة انا زى اللوم راكبنى عديل كده لانى بذكر الموضوع
ده طشاش طشاش ، ما قادر احدد بالضبط ، لكن ( احد الاصدقاء ) ياهو انا زاتو |
النضيف الرجل الظريف ...
يا حبيب اقول ليك بت الشيخ عمها مات ...
لا تعزيها بالتلفون لا بي خشم الباب ... وتجي وتقول طشاش طشاش ...
| Quote: يا رشا معليش ( سامحينى ما كانش قصدى ) |
وهي مسامحاك ... دنيا وآخره .... وصافيه لبن ... بالاشطه ...
الرائعون ...
زهير الزناتي
سامي عبدالوهاب
عمر نملة
مشكورين وجزاكم الله عنا ألف خير ...
ان شاء الله ما نتواصل في شينه ...
| |
|
|
|
|
|
|
|
|
|
Re: ياخوانا انا غلطان بعتذر .... سامحوني (Re: ياسر نجيلة)
|
خالص التعازي للاخوات رشا ومني والأخوين ياسر نجيلة وأبو بكر ....
وجعلها الله آخــر الأحزان انشاء الله
؛؛؛؛؛؛؛؛؛؛
غايتو الريس ميسره لغاية هسه ما عرف ...
انا بأفتو ليهو .. واظنوا دربوا على الكرنتينة يجيب مفراكة لى بت شيخ النضيف ...!!
| |
|
|
|
|
|
|
|
|
|
Re: ياخوانا انا غلطان بعتذر .... سامحوني (Re: خالد محي الدين)
|
الاعزاء ...
محمد عيد ...
ودكتور / خالد محي الدين الطيب
سعيكم مشكور ...
وان شاء الله مانجيكم في بوست حزن ....
======================================
ولدنا عيد ...
ياربي اليوم ده يوم فرح ولا حزن على المريخ ...
بعد معرفتي للأخبار المحبطة والخلافات التي حدثت بين الجمهو والادارة
في آخر مران لفريق المريخ ... قبل مباراة اليوم - كأس السودان
ربنا يفرحنا
| |
|
|
|
|
|
|
|
|
|
Re: ياخوانا انا غلطان بعتذر .... سامحوني (Re: ياسر نجيلة)
|
احسن الله عزاكم اخي العزيز ياسر نجيلة و للمفقودين الرحمة
والمغفرة ، و صادق تعازينا لام احمد و نسال ربنا ان لا يريها
مكروها ابدا .
و اصدق التعازي للحبيب ابوبكر حامد و نقول لفقدانكم اللهم لا
تحرمنا اجرهم و لا تفتنا بعدهم و اجعل اللهم قبرهم روضة من
رياض الجنة و اسكنهم الفردوس نزلا .
| |
|
|
|
|
|
|
|
|
|
Re: ياخوانا انا غلطان بعتذر .... سامحوني (Re: مني عباس)
|
جزاكم الله خير على الدخول والعزاء
ياريس ميسرة
ويارائعة "كالعادة" مني عباس
======================================
أحلام الحويرص بعرف انها في الخرطوم ومستقرة هناك
حاجيب ليك معلومات اكثر وارقام التواصل سريعا - ان شاء الله
| |
|
|
|
|
|
|
| |
ياسر نجيلة
جلال عثمان
أبوبكر حامد الأمين
محمد صديق
عبد الدائم سيد أحمد
زهير الزناتي
سامي عبد الوهاب إدريس
عمر نملة
محمد عيد
موسي عيسي
أحمد إسماعيل
مني يونس
ميسرة سيد أحمد
Omer Abbas
فيس بوك
تويتر
انستقرام
يوتيوب
بنتيريست