دعواتكم لزميلنا المفكر د.الباقر العفيف بالشفاء العاجل
|
|
 مرحبتين حباب الزقازيقي الجدع .. الزميل / زهير الزناتي
|
و زهير الزناتي ... لمن لا يعرفونه .. زميل رائع من الزمن الجميل .. زول جدع و أخو أخوان بمعنى الكلمة ..
عهدناه كادراً مصادماً قدمته .. الجبهة الديمقراطية .. فكأني أراه يبتدر دخوله لهذا المنبر كما عودنا في أركان النقاش ..
غني يا خرطوم و غني ..
شدي أوتار المغني ..
ضوي من جبهة شهيدك ..
أمسياتك و أطمئني ..
ما نحنا منك ريح و هبت ..
نار و شبت ..
في وجوه الخانوا إسمك ..
يا ..
جمييلة ..
الزملاء و الزميلات .. مساء الخير ..
فمرحبتين حباب الزميل الرائع / زهير الزناتي .. و رحبوا به معي ..
|
|
  
|
|
|
|
|
|
|
 Re: مرحبتين حباب الزقازيقي الجدع .. الزميل / زهير الزناتي (Re: عصام دهب)
|
يا سلام يا سلام يا عصام على بشارتك
زهير الزناتي إسم له (شنة و رنة ) في دنيا النضال في الزقازيق
وشخص ناصع العطاء
ألف مليون مرحب
ويا حليل مصر و أيام الناس يد واحدة لا فرق بين أمة أو اتحادي أو جبهة ديمقراطية أو مستقل أو غير منظم
سقى الله تلك الأيام و أعادها
محبتي و كل فرحتي بمقدمك أخي الحبيب
وشكري لأخي الحبيب عصام فارس النضال الزقازيقي هو الآخر
| |
|
|
|
|
|
|
|
|
|
Re: مرحبتين حباب الزقازيقي الجدع .. الزميل / زهير الزناتي (Re: عصام دهب)
|
شكراً تاني وتالت ورابع وكمان مليون مرة لكل الرائعين
عزيزي عبد الدائم الزقازيق دي ما بنلعب فيها وحاتخدوا حقكم بالزيادة لأنه انتو اهلنا الجد الجد والزول لمن تحصل ليهو أي حاجة ويتلفت ما بيلقي إلا ناس الزقازيق الجدعان والزول ما حيقدر يوفيهم حقهم مهما قال ، بمختلف مشاربهم وميولهم السياسية والرياضية وكمان الاجتماعية وكلياتهم وأعراقهم والكلام ده أنا بقولوا دائماً إنوا ناس الزقازيق ديل كلهم صحباني حتي الكيزان وعارف في ناس ما من الزقازيق يمكن تزعل من كلامي ده لأنهم ما بيعرفوا الزقازيق وناس الزقازيق لكن حقيقة الزقازيق دي حاجة تانية خالص ولو شفت الرحلة الفاتت اللمت الناس كلها وقاعدين يتونسوا ويهظروا مع بعض في شوق عجيب كيزان وشيوعيون واتحاديين وأنصار سنة وحزب أمة ومستقلين ومحايدين وناس ما عندهم ميول سياسية دي مدرسة الزقازيق العلمتنا إنه الخلاف السياسي ما خلاف شخصي وفي النهاية الناس كلها عايزة مصلحة البلد وأكيد كانت في حاجات بتحصل هنا وهناك وبعض التجاوزات والمساحنات وده شي طبيعي واحسن الكلام ده نخليهوا بيغادي في بيتنا (ناس الزقازيق أجدع ناس) عشان ناخد راحتنا لك ودي
| |
|
|
|
|
|
|
|
|
|
Re: مرحبتين حباب الزقازيقي الجدع .. الزميل / زهير الزناتي (Re: عصام دهب)
|
مني خوجلي إزيك الواحد يشكرك جداً علي الترحاب الحار والمزدوج ده ،رغم إنه الزول ما قابلك قبال ده لكن حقيقي الواحد زي بيعرفك ليهو مليون سنة ، ومتابعك خالص خالص والزول بيتفق معاك في حاجات كثيرة يعني ما برنامج الحد الأدني ، وبدعم كل قضاياك وبشدة وأخديها مني دعم لا محدود وحاتكون بيناتنا نقاشات كثيرة بس الله يجيب الفضوة وروقة البال تحياتي لك مرة أخري ولك الأسرة .
| |
|
|
|
|
|
|
|
|
|
Re: مرحبتين حباب الزقازيقي الجدع .. الزميل / زهير الزناتي (Re: عصام دهب)
|
الحبيبة لنا مهدي وكل الأحباب في حزب الأمة (لأنه بعتبر الترحيب ده إضافة لأنه شخصي برضو حزبي)
شكراً جزيلاً جزيلا جزيلا وشايف برضو ناس الإتحادي ممثلين في عصام دهب رحبوا بي لكن ما وضحوا ياتو جناح عموماً أنا تحية عصام دهب بعتبرها من كل الحركة الإتحادية لأنها جاية من زول في حجم عصام دهب (ما الحجم الجسماني يا سمؤال أبو سن) وبرضو يا لنا مهدي تحيتك لأنها جات منك قبلناها من كل ناس حزب الأمة بمختلف فصائلهم لانه بعتبرهم كلهم ناس وطنيين وعليك الله خلجتيني عديل كده بإطراءك ده وحقيقي الزول ما بستحقوا بس ده من كرم أصلك ومعدنك الجميل ، ويا حليل أيام مصر والزقازيق الجمعتنا بناس رائعيين كاملي الروعة وعليك الله يا لنا نسيتي الكيزان صحباني في تحينك ليه ، وعبرك عايز أرسل زي مليون تحية للأحباب في حزب الأمة في كل الدنيا الأصدقاء الجميلين صلاح جلال واسرته والصادق ابو سكين ونسيبناالهادي وزوجته الرائعة كوثر داوءد والمكاشفي وصديق محمد موسي وكل الأعزاء ولكل كل مودتي وحبي
| |
|
|
|
|
|
|
|
|
|
Re: مرحبتين حباب الزقازيقي الجدع .. الزميل / زهير الزناتي (Re: عصام دهب)
|
العزيز هشام عثمان
الف تحية وتحية
إنشاء الله نكون عند حسن الظن وكلنا عشان الوطن
وبعدين صاحبي ده قبال كلامك ده بدقائق كان معاي والله جمال فارح ده تاني كراكة ما تجروا يا خي ده بقي بتاع سوق ساكت نسي كل الحاجات الحلوة والرائعة والشعر والأدب والثورة يعني رجل أعمال وبس ودي ذاتها نص نص وبعدين هو ذاته لسه أمي في الكمبيوتر قبل أيام جاب ليهو لاب توب عذبني عذاب كل مرة يضرب لي ياخي عايز العربي يا خي ما عارف عايز شنو غايتو أقترح عليك تعمل ليك نداء أنقذوا جمال فارح من حفرتيه
| |
|
|
|
|
|
|
|
|
|
Re: مرحبتين حباب الزقازيقي الجدع .. الزميل / زهير الزناتي (Re: عصام دهب)
|
طارق جبريل وناصر جبريل ياخي احبكم عديل كده شنو البهاء والجمال ده ما شاء الله عيني باردة عليكم والله الزول دائما في ناس لمن تجي سيرتهم يحس بسعادة ويفتخر إنه يعرفهم لأنهم كاملي الإنسانية وكفي . ويشكر الأقدار والأيام العرفتها بيكم ، شكراً أصدقائي شكراً أحبائي ويا ناصر جبريل الواحد ليهو زي مليون سنة كده ما شافك عليك الله الصور دي قديمة وله حديثة
| |
|
|
|
|
|
|
|
|
|
Re: مرحبتين حباب الزقازيقي الجدع .. الزميل / زهير الزناتي (Re: عمر صديق)
|
حبابك ما غريب الدار
وماك لي حقنا الودار
دي ما بتاعت مايو
أخي لقد تعاظمت مسئولياتك ولكنك قدرها والله
وهاك أيدينا معاك سند وعضد
ويلا أجدع
فلقد عرفناك وأنت تحمل الهم بكافة أنواعه
تتواصل مع الجميع بلا تفرقة
وتتفقد الغائب
وتفتش الطاشي ترجعوا البيت
وتمنح من زمنك ساعات للتواصل والعطاء لم تكل أو تمل وحتى الحدود الجغرافية
كانت أمام صولاتك وجولاتك أوهن من خيط العنكبوت
فمعرفتي بك
عنوان للثقة والأدب
والتسامي والشفافية والإبداع
عرفتك مناضلا جسورا
وقلم غير محدود الإبداع
وسماحة
جملت وجوهنا جميعا
فدعنا نفتخر بإنتمائك
إلينا زقازقيا أصيلا
فلك ودي وتقديري
| |
|
|
|
|
|
|
| |
عصام دهب
ناصر جبريل
طارق جبريل
Dr.Elsadig Abdalla
Hisham Osman
lana mahdi
Muna Khugali
مدثر أبا يزيد
عبد الدائم سيد أحمد
سامي عبد الوهاب إدريس
حيدر حسن ميرغني
عمر صديق
عبد الحفيظ عباس
فيس بوك
تويتر
انستقرام
يوتيوب
بنتيريست