|
|
 كورة عالمية وبس
|
هذا البوست مخصص للكورة العالمية ... لدينا صحفي كبير ومتخصص في الكرة العالمية ... متفرج متفرغ بماكنة صحفي رياضي الرشيد بابكر وعشاق بلا حدود للدوريات الأوربية من أمثال منصور عبد الرازق ومحمد عيد وما خفي أعظم وكمان من لف لفهم .... يلا نتونس في الكورة الجميلة
الدوريات الأوربية
الإسباني
الإنجليزي
الإيطالي
كأس أمم أفريقيا
وكمان كاس العالم لو ربنا أدانا العمر
|
|
  
|
|
|
|
|
|
|
|
Re: كورة عالمية وبس (Re: مجتبي فاروق)
|
يا مجتبي عايزين ننفس شوية من الهم بتاع هلال مريخ ده .... ونستفيد من زول موسوعة زيك في موضوع الكورة العالمية ... علي مستواي الشخص أتابع بعض مباريات الدوري الأسباني والإيطالي خاصة تلك التي إحدي طرفاها فرق القمة في الدولتين ... أشجع برشلونة في إسبانيا والإنتر في إيطاليا .... ولا علاقة لي بالدوري الإنجليزي حتي الآن ... وأكيد عندك الكتير العايز تضيفوا لينا هنا
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
تعرف يا مجبتي الكورة دي ما ينفع تتفرج فيها براك ،، يعني لو خشيت مباراة وما معاك زول لازم تفرد الزول الجنبك ، عشان تنظر ليهو وينظر ليك ... اها كمان الكور العالمية دي لازم يكون جنبك زول تاخد وتدي معاهو في الكلام وعشان معظم المباريات تقام ليلاًً مافي طريقة تمشي تحضرها عند زول ولا تعزم ليك زول في البيت ... كنت عادة أتبادل المحادثات مع عبد الوهاب الحلبي ... لكن لينا فترة متشاكلين وقاطعوا معاي ناشف ... اها من هنا جات فكرة البوست
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
ما لفت نظري في مباريات الأسبوع الماضي أولاً في مباراة الإنتر وسيينا أن الإنتر كان متأخراً حتي قرب صافرة النهاية ولكنه تعادل وفي الزمن بدل الضائع حقق الفوز وهذا دليل علي أن الفرق الكبيرة يمكن أن تعود في أي لحظة ... كما أن المباراة شهدت أهدافاً بالجملة وفي معظمها أهداف جميلة جداً خاصة الهدف الأول لسيينا ثم هدفي شنايدر من ضربات ثابتة خارج منطقة الجزاء ... ومن النادر أن يحرز لاعباً هدفين من ضربات ثابتة في مباراة واحدة ... وأعتقد أن اللاعيب شنايدر سيكون له صيت في الأعوام القادمة ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
في مباراة برشونة الأخيرة سعدنا نحن أنصار الفريق بالفوز العريض علي فريق ترنيفي من جزر الكناري ... بخمسة أهداق كاملة ... رغم النقص الكبير في صفوف الفريق ... إلا أن عودة إنيستا لمستواه قادت الفريق لهذا الفوز العريض ... وأعتقد أن إنيستا وإكسافي هما مفتاحي الفريق وأهم عناصره ... وغيابهما أو هبوط مسواهم هو ما يؤدي إلي زعزعة الفريق .. في حين أن غياب أي من أعضاء الفريق الآخرين لا يؤثر حتي وإن كان ميسي أو إبراهيمفوتش في الهجوم أو كيتا في الإرتكاز ... كما حدث في هذه المباراة حيث غاب كل من إبراهيمفوتش للإيقاف .. كيتا لمشاركته في أمم أفريقيا .. أبيدال ، بيكيه وغيرهم ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
أبو الزوز...أشكرك على البوست أولا...و ثانيا لقد طال انتظاري أنا شخصيا لهذا البوست الذي أعتقد أنه قد تأخر كثيرا...
فوت على نفسي كل مباريات هذا الأسبوع في الدوريات الأوروبية نتيجة لسفري المتواصل ذا الأسبوع و أكتفيت بحضور مباريات بطولة الأمم الأفريقية...بعض المباريات أستحقت المشاهدة بينما معظم المباريات التي لعبت حتى الآن لم ترقى لمستوى البطولة و هذا كان متوقع من البداية...فالبطولة التى تعقبها بطولة لكأس العالم عادة ما تكون متدنية المستوى خاصة من الفرق المؤهلة لكأس العالم و هذا ظهر جليا في أداء ساحل العاج و نيجريا و الجزائر...لم أتمكن من مشاهدة مباراة الكاميرون كاملة مساء اليوم لانشغالي ببعض الأعمال...و ننتظر غانا لنحكم عليها و التي أعتقد أنها ستكون في نفس مستوى تلك التي لعبت...
أعتقد أن مصر لها حظوظ كبيرة للفوز بهذه البطولة أيضا..و هم لهم الدافع و الطموح...الدافع أنهم يريدون أن يثبتوا للعالم كله أنهم نعرضوا للظلم و أنهم كانوا كانوا الأجدر بالتأهل لكأس العالم بدلا من الجزائر...و يطمحون في الحفاظ على اللقب و زيادة عدد مرات الفوز به و تحقيق رقم قياسي في عدد مرات الفوز....
زيادة على ذلك المنتخب المصري بدا منظما و يلعب بخطة أتقنها لاعبوه و أصبحت سمة مميزة لهم في سرعة الهجمات المرتدة بالرغم من البطئ المعروف عن اللاعب المصري...
أبو الزوز ما عايز أدش ليك من أول مداخلة...
أشكرك على البوست و ستجدني دائم المواظبة علية
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
زهير ..مشكور على البوست الجميل
وهاك ضربة البداية ..
المتابعات الجارية لامم افريقيا حتى الآن تدفع بنا لتسجيل بعض الملاحظات
رغم عدم ارتفاع المستوى حتى الآن ...
1- تساقط كل الفرق المتأهلة لكأس العالم وما تبقت هى غانا .. وهو ليس بجديد
انما ظل يتكرر طوال المسابقات الماضية وخصوصا فى بداياتها ..
2- تلاحظ بشدة ســوء مستوى حراس المرمى وتسببهم فى كثير من النتائج ويبدو اننا
سنشاهد هذا التدهور كثيرا فى ظل الخطط الحديثة التى تلعب بها معظم المنتخبات
واعنى بها تغيير تكتيك اللعب اثناء المباراة ما بين 4-4-2 فى حالة الهجوم
والارتداد بـ 3-5-2 عند التراجع للدفاع .. وهذا - فى تقديرى - هو الذى تسبب ظهور
حراس المرمى بهذا الضعف بسبب توقفهم عن أداء دور الليبرو المتأخر كما كان فى التكتيك
4-4-2 ...
3- واخيرا .. هواجس الأمن وما حدث لمنتخب توجو ألقى بظلاله السالبة على كافة المنتخبات .
| |
|
|
|
|
|
|
|
|
|
Re: كورة عالمية وبس (Re: محمد عيد)
|
أبو الزهور الحبيب ..
مساء العسل عليك وعلي ناس الكورة المعاك ..
يادووووووب كده عرفت ليهم العجايز ديل
وحتلقاهم مساهرين معاك بي جاي طوالي ومكسرين في مسطبتك دي بس كتر ليهم التمباك والسجاير ...
أنا مدريدي علي السكين ... أنفع ؟؟؟؟؟؟؟؟
| |
|
|
|
|
|
|
|
|
|
Re: كورة عالمية وبس (Re: عبد القادر بابكر)
|
| Quote: بس كتر ليهم التمباك والسجاير ... |
ممنوع اصطحاب الأطفال و الأعمار أقل من 30 سنة
برضو تحذير...ممنوع الإقتراب و التصوير
و ممنوع يا بنات الشيخ تخشو الحتات دي
برضو ممنوع إنتظار الناس العجايز في المكان دا
و كمان ممنوع مرور عربات الكارو
الباقي تلقوهو في الماسنجر
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
أنا الكاني ماني!!
أنا الشافو خلو!!
أنا الكيك
أنا الدود النتر
أنا أخوك يا فاطنة
أنا الكايس الدواس
أنا التوت و النبوت
أنا؟؟
أنا؟؟؟
داير أقول البوست دا بتاع شنو؟؟
خايف بكري يقول لي تاني يا مولانا... ما قلنا ليك العصايا الشايلا دي بتودرك
الدور الجاي خلي زول يمسكك من إيدك و يقطعك الزلط
| |
|
|
|
|
|
|
|
|
|
Re: كورة عالمية وبس (Re: محمد آدم النور)
|
الرشيد مرحب بيك وإستلم طوالي مقاليد الأمور وقيادة البوست ... البوست ده عايزين ليهو قيادة جماعية لأنه ما معروف الزول تاني يجيهو راجع متين ... الايام دي جري وشلهتة خلتنا لا متابعين بوستات ولا متابعين كورة إلا بتاعات بليل شديد .........
تعرف شفت كورة مصر ونيجيريا .. وصراحة نيجيريا دي عندها مودة معاي من زمن الدورة الأولمبية في 96 بتاعت أتلانتا الفازت بيها ، بس الفريق النيجيري للأسف بقت المواهب فيهو نادرة وكل لعيبته أكتر من عاديين عشان كده المصريين قدروا يتفسحوا فيهم ، وزي ما قلت يا الرشيد أن مصر لديها الدافع بعد خروجها من كأس العالم ، والجيل ده تقريباً خلاص علي مشارف الإعتزال عشان كده عايز يخلد نفسه في التاريخ وفي ناس كتار بيعتبروا جيل ذهبي لما حققه لمصر من إنجازات بس فشلوا في حكاية كاس العالم دي ببونط وده المجننهم ...
سمعت المحلل أشرف شاكر في العربية بيقول إنه المنتخبات الكبيرة حا تحاول تلعب بأدني مجهود عشان يتخارجوا بدري بدري من أنجولا نسبة لإنعدام الأمن ويبدو أن كلامه به الكثير من الحقيقة لأن معظم الفرق الكبيرة هزمت وبنتائج ثقيلة ...
| |
|
|
|
|
|
|
|
|
|
Re: كورة عالمية وبس (Re: محمد آدم النور)
|
يا عيد شايفك متفق مع الرشيد حول تدني مستوي الكبار .. وده طبعاً راجع لأنه المخترفين بيلعبوا بطرف أصابعهم خوفاً من الإصابات والتي ستخسرهم كثير من الأموال التي يتلقوها من أنديتهم الكبيرة في أوربا .. الحاجة التانية الدافع لدي الصغار لإثبات الذات دائماً ما يكون حافزاً لهم للوقوف بصلابة بس في النهاية بتصل الفرق الكبيرة للأدوار النهائية وده إذا حسبنا مصر من الفرق الكبيرة رغم إنه لاعبيها معظمهم أو كلهم علي وجه التقريب من المحليين وليس لديها من المحترفين إلا القلة وحتي هؤلاء يفشلوا في الإحتراف الخارجي مثل اللاعبين السودانيين ، عكس لاعبي شمال وغرب أفريقيا والمسألة دي عايزه نقاش برضو ..
مسألة حراس المرمي دي أعتقد هنالك قلة في المواهب الحقيقية في الماضي كانت أفريقيا تعج بحراس المرمي الجيدين والآن لا يوجد سوي الحضري وهو في خواتيم مشواره ، إضافة لإدريس كامنني حارس الكاميرون والمحترف في الدوري الإسباني وأعتقد أن هذا الحارس متميز للغاية ويستحق الإحتراف في فريق أكبر من فريقه الحالي وهو مظلوم من الإعلام فقد شاهدته في عدد من المباريات قدم مستوي متميز للغاية ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
يا قدورة معروف أن يوم السبت والأحد هما أيام المباريات في الدوريات الأوربية وهنا أهم المباريات التي ستجري عصر ومساء اليوم ...
في البطولة الأفريقية :
نيجيريا وبنين الساعة السابعة بتوقيت السودان والسعودية ... الرابعة بتوقيت قرينتش علي الجزيرة الرياضية التاسعة ...
مصر وموزمبيق الساعة التاسعة بتوقيت السودان والسعودية .... السادسة بتوقيت قرينتش علي الجزيرة الرياضية الرياضية التاسعة وعلي الجزيرة الثانية المفتوحة يعني ملح ...
وعلي قنوات الجزيرة الأولي المفتوحة والسعودية سنشاهد مباراة الهلال والأهلي علي كأس الأمير فيصل في تمام الساعة الثامنة مساء بتوقيت السودان والسعودية أي الخامسة بتوقيت قرينتش وهي مباراة هامة في نصف النهائي ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
في الدوري الإيطالي عدد من المباريات أهمها مباراة باري وإنترميلان علي الجزيرة الرياضية الأولي + الساعة الحادية عشر إلا ربع بتوقيت السودان أي الثامنة بتوقيت قرينتش ....
اما الدوري الإنجليزي فسيشهد عصر اليوم عدد من المباريات علي قنوات الشو تايم في توقيت واحد وهو الثالثة عصراًَ بتوقيت قرينتش السادسة بتوقيت السودان والسعودية
تشيلسي وساندرلاند
مانشستير يونايتد وبيرنلي
أما مباراة
ستوك سيتي × ليفربول
ستقام الساعة الواحدة بتوقيت قرنتش أي الرابعة بتوقيتنا ...
في حين أن مباراة إيفرتون ومانشستر سيتي ستقام الساعة الخامسة والنصف بتوقيت قرينتش الثامنة والنصف بتوقيت المنطقة ....
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
ستلعب أندية القمة في الدوري الإسباني مساء اليوم ....
برشلونة وأشبيلية علي ملعب أشبيلية منقولة علي الجزيرة الرياضية الثانية الساعة الثانية عشر بتوقيت السودان التاسعة بتوقيت قرينتش .... اما الريال فسيلعب ضد أتليتكو بلباو في ملعب الأخير في تمام الساعة العاشرة مساء بتوقيتناالسابعة بتوقيت قرينتش ... إذا ما تعثر برشلونة اما أشبيلية كما حدث في مباراة الكأس الأربعاء الماضي سيجد الريال الفرصة مواتية للصدارة رغم أن منافسه فريق شرس علي ملعبه ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
لمزيد من التفاصيل عن المباريات المنقولة اليوم رجاء زيارة موقع كوورة
http://www.kooora.com/default.aspx?region=-1&area=0
تأسس نادي أتليتكو بلباو عام 1902 بعد إندماج فريقي نادي بلباو لكرة القدم وهو فريق اسسه بريطانيون يعملون في ميناء بلباو مع فريق أتلتيك كلوب الذي أسسه بعض طلاب المدينة الذين كانوا يدرسون في بريطانيا وهو النادي الوحيد مع فريقي القمة برشلونة وريال مدريد لم يهبط للدرجة الثانية .... حاز علي الدوري الإسباني 8 مرات وعلي الكأس 24 مرة متفوقاً حتي علي ريال مدريد ...
معروف أن مدينة بلباو عاصمة إقليم الباسك الذي ينادي بالإنفصال عن إسبانيا ... وأهل الأقليم متعصبون جداً لإقليمهم لدرجة أن نادي بلباو لا يسجل لاعباً من خار الإقليم والإستنثاء الوحيد هو اللاعب الفرنسي لازارزو وحتي هذا اللاعب ينتمي لإقليم الباسك الفرنسي المجاور للباسك الإسباني ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
اليوم السبت أجد نفسي محتارا في أي المباريات أحضر...فمعظم مباريات الدوري الانجليزي تبدأ في توقيت واحد و هو الساعة الالثة عصرا بتوقيت جرينتش و لكن حسب رأي الشخصي أعتقد أن مباراة ليفربول و التي تبدأ الساعة 14:45 جرينتش تستحق المشاهدة أكثر من غيرها لعدة أسباب هي:
1- الفريق في حاجة لتغيير ترتيبة في الدوري...
2- عدم تأثر الفريق باللاعبين الأفارقة المشاركين في بطولة الأمم الأفريقية..
3- الحاجة الماسة للمدرب للانتصار للحفاظ على موقعة..
4- عودة كل من توريس و جيرارد الى مستواهم..
أما تشيلسي فأعتقد أنه سيتأثر كثيرا بغياب دروجبا و كالو و ايسيان..
مباريات مانشستر تغيب عنها المتعة منذ رحيل كريستيانو رونالدو...صحيح أن الفريق ينتصر و لكن ما زالت شخصية الفريق البطل غائبة...
مباراة ايفرتون و مانشستر سيتي تستحق المشاهدة أيضا..
أما في الدوري الايطالي فان مباراة الانتر رغم انها تأتي في وقت متأخر الا أنها تستحق المشاهدة..
مباريات بطولة الأمم الأفريقية مباريات جديرة بالمشاهدة...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
فى الواقع اود ان اتداخل فى قضية تساقط الفرق الكبيرة التى تأهلت ال
كأس العالم وسقوطها او تساقطها وهبوط مستواها فى كأس الامم .
واعتقد ان من سبقنى فى الحديث قد أشار الى نفس الاسباب التى
اود ان اتناولها . ولكن بس عايز اشير الى بعض الاحداث التاريخية
ففى الماضى استفادة من الحاضر ودروس للمستقبل
ابان كأس الامم الافريقية 90 والتى شهدت احراز الجزائر لاول لقب وهى كأس رباح
مادجير كما يطلق عليها اذ انه ابدع وامتع وكانت الجزائر قد استحقت الكأس عن جدارة
وما تلاحظ فى تلكالدورة ان الكاميرون وكانت الممثل الثانى لافريقيا السمراء
مع مصر قد لعبت بمستوى سئ للغاية وخرجت من دور الثمانية , اما مصر فقد فضل
الجوهرى الدفع بنجوم او لاعبى الصف الثانى ومعظمهم من المنتخ العسكرى
ورغم ان نفس نجوم الكاميرون قد شاركوا فى تلك الدورة الافريقية 90 وسقطوا
الا انهم قد فعلوا العجب (روجيه ميلا) فقد كانت الكاميرون من افضل فرق
مودنديال ايطاليا لعبا ونتيجة فى كل مباراة
وفى ظنى انه لولا دهاء ومكـــــر جارى لينكر وظفره بضربة جزاء مشكوك
فيها من الايادى الذهبية لاسطورة الحراسة فى افريقيا انطوان بيل
اعتقد ان الكاميرون لو وصلت الى دور الاربعة كانت ستلتهم المانيا
وكانت ستحرز الكأس لان الطرف فى النهائى كانت الارجنتين والتى لم تكن الارجنتين
فى ذلك الكأس (مارادونا كان يلعب وهو مسطول) والكاميرون اصلا كانت قد تفوقت فى
الافتتاح (رأسية اومام بيك)
فى الختام كأس الامم الافريقية لايعبر عن مستوى الفرق الكبرى
وتوقيته سيئ جدا وكل سنتين دى غايتو هى اسوأ شى كمان
مودتى
| |
|
|
|
|
|
|
|
|
|
Re: كورة عالمية وبس (Re: عبد السميع دفع الله)
|
عبد السميع...كلامك صاح 100%...تنظيم بطولة أمم أفريقيا كل سنتين أضر بها كثيرا...
ستبدأ مباراة ليفربول و ستوك سيتي بعد قليل....
يغيب جيرارد و توريس عن ليفربول للاصابة مما يعد خبر سيئ...
ضم ليفربول الى صفوفة اللاعب الأرجنتيني ماكسي رودريجز من أتليتكو مدريد...
نمني النفس بمشاهدة مباراة جيدة...
| |
|
|
|
|
|
|
|
|
|
Re: كورة عالمية وبس (Re: عبد السميع دفع الله)
|
عبد السميع ... سلام .. أعتقد أن الأداء السئ للفرق الكبيرة ناتج عن أن معظم لاعبي هذه الفرق محترفين في أوربا ... واللعب في كأس الأمم لا شكل لهم حافظ للإبداع فهم محترفون في فرق كبيرة ولا يحتاجوا لأن يظهروا مواهبهم عكس الفرق اللاعبين المحليين الذين لديهم دافع التألق حتي تلتفت لهم فرق أوربا .. كما أن توقيت الدورة في عز دوريات أوربا والأندية هنالك تضغط علي هؤلاء اللاعبين بمرتباتهم العالية وحوافزهم الخرافية بسرعة العودة ... لذا يجب في البدء العمل علي تغيير وقت هذه الدورة ... ورفع حوافز المنتخبات الفائزة بالمراكز الأولي حتي تزيد من حوافز لاعبيها ... وحينها سنري دورة رفيعة المستوي ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
هنالك أسباب كثيرة تؤدي الى انخفاض مستوى البطولة الأفريقية منها الأسباب التي ذكرتوها...هنالك أسباب متعلقة بالدولة المنظمة و الملاعب أيضا...
شاهدت مباراة ساحل العاج و غانا أمس الأول و ركزت على أداء مايكل ايسيان في المباراة و قارنتة بادائة مع فريقة تشيلسي فوجدت الفارق كبير جدا بينهما...و لكن تعد من أكثر المباريات تنظيما و تشبة المباريات الأوروبية الى حد ما...
مرت أكثر من ربع الساعة من مباراة ليفربول و ستوك سيتي...النتيجة التعادل حتى الآن...و ليفربول يعاني في ملعب ستوك...و لكني أن ليفربول سيحرز هدفا عكس مسار المباراة...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
يا رشدي والله نحن الدوري الإنجليزي ده محرومين منه خاصة مواعيدة البدري دي ما بتنفع معانا في السودان علي العموم .... جيب لينا الأخبار والتحليلات .....
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
يا رشيد شكلها مباراة ليفربول مستحمية ... رغم عدم مشاهدتي للدوري الإنجليزي ولكن متابع لأخباره ... ولا أخفي ميولي لليفربول فأنا معجب بهذا الفريق وتاريخه الجميل ... وكذلك ميول أقل لشيلسي والذي كان يمكن لي أن اشجعه لولا إرتباطه بأثرياء بريطانيا تاريخياً .... يعني فريق بتاع برجوازية . ما زي ليفربول والذي أسسه العمال وإرتبط بهم تاريخياً؟؟؟؟؟؟
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
أبو الزوز الخلفية التاريخية لتأسيس نادي ليفربول و ايفرتون طويلة و لها علاقة بالدين أيضا...و لكن
ليفربول الآن يملكه الثريان الأمريكيان جورج جيليت وتوم هيكس ، الذان حصلا على النادي يوم 6 فبراير 2007 السابق من رئيس النادي ديفيد موريس... في صفقة قدرت قيمتها 218.9 مليون دولار.
هنالك أخبار بنية المالكان بيع النادي لثري كويتي أو لمن يدفع مبلغ محترم و هذا الأمر يثير مشجعي النادي كثيرا..
انتهى الشوط الأول بالتعادل مع سيطرة نسبية لفريق ستوك سيتي...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
الليلة غايتو يا الرشيد انت ما عارف انى انا سعيد كيف
لأنك كنت برجوازى جدا يعنى لو برجوازى دى ما مناسبة نقول انتقائى
عندك اصحاب بهناك بس تشاغلهم هم وتكلمهم هم ونحن نقول ونقول
ونجيب حكم وصور ولا بتقول (ازيكم كيفنكم ) حتى انى رجعت كم
مرة اعاين للمراية اقول الرشيد ده ما بحب الناس المصلعة
ولاشنو بس الغريبة طوالى بدخل مع حاتم جبارة (الله خيار وكوسة)
ولا شنو . لكن اليوم ببركة بوست الكرة العالمية وابداعات
الزناتى دخلت على تعليقى ونطقت بأسمى ولهذا (سعيد انا)
لك مودتى .وما محبة الا بعد عتـــــــــاب.
ابوالزوز
عليك الله ابعد البوست اللذيذ دهـ عن السياسة
برجوازية وعمال وليفربول
وكنت زيك بحب ليفربول موووت مبارياته ما بفوتها
ولكن بعد اصابة وانتقال مايكل اوين اكتشفت انى كنت
بحب فقط اووين وذهب الحب معه (وتحولت الى البلووز حيث
يطربنى جلاد الحراس المرعب دروووغبا والغريبة انى بشجع
مدلسبره ماعارف ليه ربما السبب خواجه كان معاى فى الجنوب
بحب مدلسبره وبيدعونى طوالى اشاهد معاه فريق حلتم رغم انه فريق
تعبان وزى شمبات وهلال كادقلى عندنا
مودتى
| |
|
|
|
|
|
|
|
|
|
Re: كورة عالمية وبس (Re: عبد السميع دفع الله)
|
Quote: الليلة غايتو يا الرشيد انت ما عارف انى انا سعيد كيف
لأنك كنت برجوازى جدا يعنى لو برجوازى دى ما مناسبة نقول انتقائى
عندك اصحاب بهناك بس تشاغلهم هم وتكلمهم هم ونحن نقول ونقول
ونجيب حكم وصور ولا بتقول (ازيكم كيفنكم ) حتى انى رجعت كم
مرة اعاين للمراية اقول الرشيد ده ما بحب الناس المصلعة
ولاشنو بس الغريبة طوالى بدخل مع حاتم جبارة (الله خيار وكوسة)
ولا شنو . لكن اليوم ببركة بوست الكرة العالمية وابداعات
الزناتى دخلت على تعليقى ونطقت بأسمى ولهذا (سعيد انا)
لك مودتى .وما محبة الا بعد عتـــــــــاب.
|
عبدالسميع...أتابع مداخلاتك كلها باهتمام بالغ...و لم أقصد أبدا أن أتجاوزك الى ناس منتقين كما تصورت...فأنا أسعد بالتواصل مع كل الناس دون أي انتقائية...ربما يكون لوجودك من ضمن كتيبة النهار السبب وراء عدم تعليقي على مداخلاتك...
على أي حال لست انتقائيا و يسعدني جدا التواصل معك و نطق اسمك مرارا و تكرارا...و أدي بوسة على صلعتك حتى لا تتصور أيضا ان الصلعة سببا...و لك العتبى حتى ترضى يا صديقي..
تعادل ستوك سيتي مع ليفربول في الدقيقة الأخيرة كما توقعت بواسطة مدافعة الألماني هوث الذي كان يلعب لتشيلسي...و انتهت المباراة الآن...
أضاع الهولندي ديرك كويت هدفا محققا لليفربول بعد أن اصطدمت رأسيته بالقائم..
المباراة عموما فوق الوسط و لكن فيها جهد كبير بذل من جانب الفريقين..
تأثر ليفربول بالغيابات الكثيرة ...جيرارد..توريس...جلين جونسون...يوسي بن عيون...
| |
|
|
|
|
|
|
|
|
|
Re: كورة عالمية وبس (Re: عبد السميع دفع الله)
|
احيى الرشيد على التوقع البعكس فهم عالى جدا ونظرة واضحة للكورة ستوك تعادل والغريب انو المحظوظ كويت لاول مرة فى تاريخو العارضة تقف قصادو يعنى بنتيز بطريقتو (الما مفهوم دى ) ما عارفينو مودى ليفربول لى وين معقولة لاعب محور وصانع لعب زى اكولاينى يكون قاعد برة ولوكاس ليفا يكون فى الميدان دى نظرية ما شفناها قبل كدا وعلى فكرة اكولاينى مكتمل اللياقة تماما وشفى ايضا من الاصابة لذا ليس هناك ما يبرر الدفع (باغبى ) بارازيلى على وجه الارض (ليفا) وابعاد اكولاينى من التشكيلة ولاغرب من دا كولو انو بنتيز عندو تصريح الليلة الصباح قال شنو ( ما حا استقيل ما بيل شانكلى فشل فى انو يحصل على اية بطولة لسبع سنوات ) وبيل شانكلى لمن لا يعرفه هو اسطورة التدريب فى ليفربول وهو من اعاد الفريق من دورى الدرجة الثانية وقاده الى اربع القاب فى الدورى الانجليزى فى وقت لم يكن بمقدور ليفربول شراء اللاعبين بعد ان توجه معظم اهل مدينة ليفربول نفسها الى دعم الفريق المنافس بالمدينة ايفرتون اذلى كان متسيدا للكرة الانجليزية فى ذلك الوقت وحصل شانكلى ايضا على لقب الكاس ولقب الاتحاد الاوربى يعنى فى بجاحة اكثر من كدا يا اخوانا المشكلة ليفربول مفلس واقالة بينتز محتاجة لى زى 12 مليون استرلينى نعمل للجماعة ديل كشف عشان يتخلصوا من بينتيز على فكرة انا بشجع ارسنال منذ منتصف السبعيانات عندما كانت الوسيلة الوحيدة لمتابعة الكرة الاوربية او الانجليزية تحديدا هى الراديو عبر بى بى سى العالمية والموجات القصيرة للراديو ودا تقريبا السبب فى انو الواحد سمعو تقل ما مسالة عامل سن زى ما حيقول ليكو ود الزناتى بعد شوية
لحظة هدف ليفربول برجع ليكم بقون ستوك بعد شوية
| |
|
|
|
|
|
|
|
|
|
Re: كورة عالمية وبس (Re: مجتبي فاروق)
|
البلوز يسجلون هدفهم الأول أمام سندرلاند بواسطة أنيلكا (بلال) رغم الغيابات الكثيرة للبلوز....
المباراة قوية و سريعة و جميلة و عكس ما توقعت...
| Quote: ليس هناك ما يبرر الدفع (باغبى ) بارازيلى على وجه الارض (ليفا) وابعاد اكولاينى من التشكيلة |
و الله يا مجتبى أنا محيرني حب بنيتز الشديد للوكاس ده...طبعا لوكاس ده كان من ضمن تشكيلة دونغا لفترة ما ثم تم ابعاده نهائيا...كل ما أخشاه يا مجتبى أن يضمه دونقا لتشكيلة كأس العالم...مرات دونقا عندو نفس جنون بينيتز....
بس أنا أحترم بينيتز جدا...فهو مدرب جيد و لكنه يدفع تمن بخل ملاك نادي ليفربول..فالفريق يحتاج الى تجديد في صفوفة...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
البلوز يحسمون المباراة نهائيا في نصف ساعة باحرازهم أربعة أهداف في مباراة من طرف واحد...
لم أشاهد سندرلاند بهذا التواضع من قبل...
الأهداف...
أنيلكا...
فلوران مالودا...
أشلي كول...
لامبارد...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
رشا اتمنى انو البرازيل تجيب لوكاس ليفا كاس العالم لانى بشجع انجلترا ولوكس يخرب بلد بالنسبة للاموال ان شاء الله بكرة بى روقة (اسى مزموق فى الشغل ) بنزل ليك احصائية مالية عن منصرفات ليفربول والمبالغ التى تم دفعها لاستجلاب لاعبين وبشكل اولى كدا هى اكثر من المبالغ المنفقة بواسطة تشليى فى السنوات الخمسة الاخيرى مسالة ما بتتصدق طبعا لكن الانجليز ملوك الاحصاء باذن الله بكرة بنزل ليك الارقام واذا لقيت اسماء اللاعبين وتوارخ التعاقد معهم ومبالغ التعاقد برضو بنزلا ليك
على فكرة مانشيستر متقدم على بيرنلى بهدفين لبرباتوف ورونى
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
تشيلسي فاز بسبعة أهداف مقابل هدفين و عزز صدارتة للدوري الانجليزي...كل ما تمنيتة أن يسجل دارين بينت...و قد فعل...يعجبني كثيرا هذا اللاعب...ربما نشاهده مع المنتخب الانجليزي في كاس العالم يا مجتبى..
مانشستر سيتي خسر من أيفرتون الرهيب بهدفين مستحقين....
نيجريا تفوز بهدف نظيف على بنين...
و مصر تفوز بهدفين نظيفين..واحد سجله مدافع الهلال السابق داريو كان في مرماه و الثاني بهدف الواعد جدو...داريو سينافس في هداف البطولة حيث أن الهدف الذي أحرزه بالخطأ في مرماه هو الهدف الثاني الذي يسجله في مرماه..
الفريق المصري لم يظهر بالمستوى المطلوب و لكنه كسب اللقاء...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
الرشيد الغالى
سمعة يعاتب ولايزعل
واعتذارك دهـ أخجل تواضعى بس حكاية انك تلقى ليك بوسة فى الصلعة دى صعبة
لأنه عندى خصلات متدلية ما بتديك فرصة (انت قايلنى انا حصلت صاحبك ابن جبارة ولاشنو)
فما زال هناك باق من الماضى الجميل لحفظ الملامح - انى هـــاو يا اخى السماح وسعيد انا بالتواصل معك
خاصة فى الكورة العالمية لانها عشقى المفضل
وكما راهنت فى مداخلتى بالامس حول البلووز فأنهم لم يخذلونا فكانت فورتهم
يوم امس قوية وصرعوا ضحيتهم بسبعة مع الرأفة.
ليفربول ما زال يعانى من فقدان الثقة ومشكلة ليفربول دائما مع اللاعب السيوبر
فحينما يكون استيفن جيرارد فى غير مستواه دائما ما يكون ليفربول
ذى الطين واتفق مع كلام مجتبى ان تسجيلات ليفربول فى الموسم الماضى لم تكن موفقة
وعايز اسألك من الهدف اللى تسبب فيه الطفل يا مجتبى هل تم الغاء تك المباراة
كما طالب ليفربول ام حست ضده ؟؟
| |
|
|
|
|
|
|
|
|
|
Re: كورة عالمية وبس (Re: عبد السميع دفع الله)
|
سمعة يا منقة كيفك
المباراة كانت امام سندرلاند وللمفارقة الطفل الذى رمى البلونة كان من مشجعى ليفربول والمباراة طبعا اعتمدت على ليفربول ولا يفرق اذا كان المشجع من سندرلاند لانو القاعدة ان ما يجرى فى الملعب مسؤولية الحكم وهو كتب فى تقريرو فوز سندرلاند بهدف
| |
|
|
|
|
|
|
|
|
|
Re: كورة عالمية وبس (Re: مجتبي فاروق)
|
تسببت الثلوج والعواصف الثلجية فى لخبطة الدورى الأنجليزى هذه السنة
هناك تفاوت مربك فى عدد المباريات الملعوبة اربك الجدول والترتيب
ايفرتون وبيرمنجهام لعبا لصالح تشلسى الأسبوع الماضى بتعادلهما المثير مع ارسنال ومانشستر
اليوم مبارة مهمة بين بولتون وارسنال الساعة السابعة بتوقيت السودان والسعودية على الشو تايم
ارسنال اعاد سول كامبل الى صفوفه حتى نهاية العام لتغطية النقص الحاد فى دفاعاته
نتوقع تسجيل مهاجم ايضا لسد النقص الناتج عن تعدد الأصابات والغيابات حتى بات ارسنال يلعب مبارياته دون راس حربة تقليدى منذ زمن
حظ عاثر لأرسنال مع الأصابات منذ سنين عديدة
فوز ارسنال اليوم مع مباراته المؤجلة سيجعله قريبا من القمة مع ضرورة تدعيم الصفوف لمواكبة ضغط المباريات فى الأسابيع القادمة قبل الشروع فى معمعة الدور الثانى
من الشامبيونزليج
تحياتى يا شباب
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
| Quote: واعتذارك دهـ أخجل تواضعى بس حكاية انك تلقى ليك بوسة فى الصلعة دى صعبة |
ليه أصلو صلعة أنيلكا يا سمعة...
سعيد بالتواصل معاك والى لقاءات كثيرة ان شاء الله في مجالات متعددة في الكورة و غيرها...
نفس موضوع الكرة الكبيرة الحمراء التي تم القائها بواسطة احد مشجعي ليفربول و أستطاع دارين بينت أن يحرز هدفا تم حسابه..تكرر في مباراة ليفربول أمس ألأول و لكن الحكم تفطن لذلك و قام بتفجير الكرة و رميها خارج الملعب...
مباراة الانتر مع باري انتهت بالتعادل ...
أما مباراة برشلونة و أشبيليا فلقد حضرت شوطها الأول فقط و الذي انتهى بالتعادل...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
سلامات يا كورنجية
انا ما متابع مية المية...وما داير
اقول ليكم بجيكم بى رواقة زى عصام
دهب الما راق لى هسة ...انا عندى امل فى الروقة
زى امل الهلال فى كاس ابطال افريقبا وكاس العالم للاندية.
شفت امس جزء من مباراة الريال الاتغلب فيها 1/0 ،متعة ما
وجدتها قريبآ ...مهاجموا الريال ومدافعوا الفريق الآخر...
وامتنعت عن متابعة مباراة برشلونة عشان ما اخش فى مقارنات والدنيا ماشة على صباح.
| |
|
|
|
|
|
|
|
|
|
Re: كورة عالمية وبس (Re: محمد صديق)
|
يا كوتش دي أخبار كويسة...يعني الأمور سلكت معاك و بقيت تشوف كل القنوات...
اتصلت بيك أمبارح و أعتقد رد على بكري و قال لي انك في الصلاة...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
سلامات يا ناس
الرشيد...سلام
اتضح انو المشكلة فى الريسيفر ...ما بيستقبل
البرنامج بتاع القناة الجديد...جربت الكرت عند
زهير ومية مية ...
تشكراتى ومودتى
| |
|
|
|
|
|
|
|
|
|
Re: كورة عالمية وبس (Re: محمد صديق)
|
لم أتفرج على الأرسنال لانشغالي بمباراة تونس و الجابون...كنت متعاطفا مع تونس و لكن فرض علي فريق الجابون التعاطف...فهو فريق جيد و أتمني له التقدم في البطولة فهو فريق يستحق ذلك...
الكاميرون تواصل الأداء المتعالي السيئ جدا و يستحق الخروج من البطولة كدرس له حتى يعد نفسه جيدا لكاس العالم ان أراد أن يترك انطباعا جيدا كما تركه من قبل ايام روجيه ميلا...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
ناس التيــــوه ... سلام
رشيد .. حتى تونس لا تستحق التعاطف معها
بل تستحق اللعنات والامنيات بعدم التأهل ...
بجد ذكرنى أداءها باداء صقور الجديان ..!!
| |
|
|
|
|
|
|
|
|
|
Re: كورة عالمية وبس (Re: محمد عيد)
|
محمد عيد فريق تونس فريق جديد تماما و هذا الأداء يتناسب و فترة التكوين...
الكاميرون يسجل هدف التعادل بهدية من حارس مرمى زامبيا...
خليني من تونس انت وين لابد؟؟؟؟
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
| Quote: خليني من تونس انت وين لابد؟؟؟؟ |
عارف انا عامل زى البراق لكنو ما عبادى ما تخاف ..!!
بين كل حين وآخر تلوح فى الافق نذر امل سرعان ما تبددها نوائب الدهر
عموما استحملونا بهذا التقطّع .. حتى يأذن الله لنا بطوق نجاة .. !!
تحياتى واشواقى للمتداخلين معك .. الكوتش وعبد السميع وابو الزوز .. ( مين ابو الزوز ده ؟؟! )
| |
|
|
|
|
|
|
|
|
|
Re: كورة عالمية وبس (Re: محمد عيد)
|
ما فهمت حاجة..لكن حأعمل فاهم......
الكاميرون تسجل الهدف الثاني و التحكيم السعودي ضعيف.....
و ضربة جزاء لزامبيا....
ننتظر....
ننتظر....
أنتظار...
ياخي شوت....
قووووووووووووون......
هدف لزامبيا...
التعادل بهدفين لكل فريق نتيجة المباراة ..
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
حد يخلى كورة ارسنال ويمشى يتفرج فى تونس
والله انا جيت ليها من المطار جارى عدييييييل
مشيت جبت ليك دكتور نصر الدين اخو المدام اليادابو راجع من السودان من مشيتو المعانا
اشاقق فى العربات والزحمة مشاققة
نصر الدين فأجانى بانو عايز يسافر الشرقية طوالى عشان ةكده اضطريت امر على محطة القطر عشان يحجز قبل ما نصل البيت
وصلنا فى موعد مناسب بعد بداية المباراة بخمسة عشر دقائق بس
المشكلة مواعيد سفر نصر الدين بتاعت القطر طلغت الساعة تمانية واربعين دقيقة
المحطة قريبة
نحضر الشوط الأول كلو وربع ساعة من الشوط التانى
هدف عالمى لفابريغاس
ارسنال فريق ممتع ولذيذ بمفاهيم الكرة القديمة
مواهب عديدة فى زمن الأحتراف قادرة على مقارعة اى فريق فى العالم
ارسنال يفوز على بولتون تانى فى المباراة المؤجلة يبقى فى وضع مميز
المباراة انتهت اتنين صفر لأرسنال
الهدف الثانى لموهبة منتخب اسبانيا للشباب لو تتذكروهو فى كاس العالم الفات الكان فى مصر
اسمه منو اسمو منو ؟؟؟؟؟
نسيت
لكن ارسنال فى الموعد ان شاء الله
انت يا الرشيد الصلعة دى حقت عبد السميع اللميع ولا واحد تانى
لو صلعتو هو ذاتو
الليلة
اوعك تبوسها
بوريك بعدين
ازيك يا سمعة ومشتاقين
وين من النادى العائلى وعيييييييييك
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
منص أنا كنت قايل فابريجاس ما حيلعب عشان طلع مصاب في المباراة الفاتت...عشان كده قلت مافي داعي أجي أبوبكر سانيا ده يوجع لي قلبي...
| Quote: عارف انا عامل زى البراق لكنو ما عبادى ما تخاف ..!! |
انت يا منص محمد عيد ده مالو الأيام دي...بقول كلام ما مفهوم....غير محل المعسل و لا شنو...
عليك الله كان فهمت يا منص كلمني...
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
سلام
والله بوست جميل لكن يا جماعة والله الوقت بقى ماااااااااااااااااااااا بكفّي
الشغل بعدين الدوريات الأوربية وبعدين بطولة أفريقيا
وبين دا ودا نحن برضو مرضانين بكورتنا ودا طبعا بنظرية (لالوبنا ولااااااااااااا تمر الناس) واليومين الفاتو كان أخبار تسجيلات اللالوب هي كل المتاح
غايتو حنتابع ونستمتع معاكم هنا
ونشوف
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
يا الرشيد والله ما عجبتني إلا زرة عبد السميع ليك .... ما تتخيل إستمتعت بيها كيف .... رش صاح ... يا رشا ... يا ريت إي زول عنده حاجة زي دي يجي يفكها طوالي والأمور تسلك ... عشان مافي زول يشيل في بطنه ... أنا متأكد تماماً من الليلة الرشيد وعبد السميع فرد .... وده الهدف بتاع الوست والمنبر ...
المهم نرجع للكورة سريع كده ونشوف الحاصل ... طبعاً انا في إثنين في الدنيا دي لازم إختلف مع وجهات نظرهم مجتبي فاروق وماجد سقراط ... والغريبة الإثنين من حقوق ....
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
يا سمسم والله مشتاقين وبركه في الطلة والجية .... تسجيلات السنة دي يتخيل فيها شوية معقولية يعني المريخ جاب النفطي والهلال رجع يوسف محمد ... والإثنين ديل ممكن يعملوا فرق لكن كأس أفريقيا الله أعلم إلا نجيب 11 محترف ودائرة كرة محترفة لأنه ناسنا ديل لغاية الآن ما عندهم ثقافة إحراز البطولات ... بس الله يشفينا من المرضه دي ولا يطور لينا كورتنا ......
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
يا منص الأرسنال بيلعب كورة جميلة نعم ... لكن زي ما سمعنا من الناس الدوري الإنجليزي ما بشيل دوري ولا كأس ... ده زي الزول البياكل أكل سمح لكن ما فيهو فايده ملي بطن ساكت .. الكورة الأفريقية ممتعة جداً ... فيها إثارة وقوة وبتسبه كورتنا ... وبتلقي روحك منحاز لفريق ... لأنه الكورة الماتبشجع فيها فريق ما بتقدر تستمتع بيها وما تبقدر تشوفها .....
عشان كده متابعة أمم أفريقيا بقي شئ هام ... مصر فريقها جيد وحسن شحاته أثبت إنه مدرب من طراز فريد ... إستغني عن ميدو وجاب الشافع الصغير الإسمه جدو ده ... لعب إحتياطي في تلاتة مباريات مالي الودية ومباريتي نيجريا وزامبيا وفي كل مباراة بيحرز هدف من أجمل ما يكون .... بس هدفه الأخير في مباراة زامبيا رهيب جداً ... الفريق المصري لا يتحرك إلا بعد نزول المحمدي في الطرف اليمين ... طيب ياشحاته ما تلعب الراجل ده من بداية المباراة وريح نفسك وسيب شغل التقفيل ده ... ولا جيب واحد من ناس الإرتكاز يسد خانته ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
الحتة دى انا عندى فيها فلسفة حا تستغرب ليها يا ابو الزوز
اشرحها هسى
ولا اقول ليك احسن بى رواقة
لأنها حا تأخذ زمن والدوام باقى ليهو ربع ساعة بس والعصر اذن
وغير ده
فى زول طلب منى اقلب ليهو حاجة كده
الحاجة دى ما تقيلة
امشى اقلبها ليهو ونتقابل حين (ميسرة )
(لايفوت على فطنة القارىء اننى اقصد حتة انو ارسنال ما بيشيل دورى ولا كاس ليهو زمن دى )
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
Quote: سلام
والله بوست جميل لكن يا جماعة والله الوقت بقى ماااااااااااااااااااااا بكفّي
الشغل بعدين الدوريات الأوربية وبعدين بطولة أفريقيا
وبين دا ودا نحن برضو مرضانين بكورتنا ودا طبعا بنظرية (لالوبنا ولااااااااااااا تمر الناس) واليومين الفاتو كان أخبار تسجيلات اللالوب هي كل المتاح
|
يالله يا سامي تعال لينا هنا في المسطبة الوسطى....خلي زهير ده للمساطب الشعبية و الجماهير الكادحة...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
| Quote: يا الرشيد والله ما عجبتني إلا زرة عبد السميع ليك .... ما تتخيل إستمتعت بيها كيف .... رش صاح ... يا رشا ... يا ريت إي زول عنده حاجة زي دي يجي يفكها طوالي والأمور تسلك ... عشان مافي زول يشيل في بطنه ... أنا متأكد تماماً من الليلة الرشيد وعبد السميع فرد .... وده الهدف بتاع الوست والمنبر ... |
أبو الزوز يا ملك الشمارات...
عارف يا أبو الزوز انطباعي الأول عن عبدالسميع انه راجل ظريف و مداخلاته تعبر عن زول لذيذ....و لما قال لي شنو لا كلام و ترحيب ولا ...و لا...استغربت و قلت معقولة أكون أنا لا رحبت و لا تداخلت مع عبدالسميع ده أبدا رغم رأي الطيب فيه...شككني الراجل في ذاكرتي...فقلت ان كنت رحبت و لا ما رحبت...و بما انني لا يمكن أن اعتمد لا ذاكرتي و لا أستطيع العودة للبحث في كل الصفحات...اذا لأرجح كلام عبدالسميع و أعتذر للرجل و و يستحق ذلك مني رغم عدم تعمدي تجاهلة...و فعلت....
وأنا من هناأعتذر لكل من يظن انني قد تجاهلته متعمدا و لهم العتبى حتى يرضوا...فأنا أتشرف بالتعرف بكل الناس دون أدنى انتقاء أو تعالي...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
الجزائر و أنجولا يتعادلان و ينتقلان سويا الى الدور الثاني...بعد فوز مالي على ملاوي بثلاثة أهداف نظيفة...رغم أن الفريقان الجزائري و الأنجولي لعبا للتعادل الا أن شخصية المنتخب الكبير ظهرت أخيرا للمنتخب الجزائري....
حزنت لخروج المنتخب المالي الكبير و الذي ودع البطولة رغم فوزه الكبير على ملاوي...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
كوره فيها زهير بندخلها
سلامات يازهير رغم انو فهمنا في الكوره على القد لكن البوست دا داخلا داخلا ان شاء الله كان اكلمكم بي ناس عبدو الشيخ وطارق احمد ادم ونهائى كاس افريقيا بين الهلال والاهلي المصري حضرتهافي استاد القاهره الدولي اظن سنة 88 او87 وكانت المباراة روعه وانتهت لصالح الاهلي المصري والثعلب جاب قوون في مرماهو برغم انو ماقصر كان بلعب حلو والهلال كان متالق وخاصة طارق احمد ادم لحدت ماالمصريين حاولو يتعاقدو معاهو والمباراة دي قاشره بيها لحاتم مره قال لي شوفي ليك فرمانه غير دي طبعا لانو هو مجنون كوره بعد دا ضمنتو قارئ ثابت لمنبر الزقازيق حيتابع طوالي
شنو يازهير جايب ليك برالمه وفاكيهم عكس الهواء وماجايب خبرهم حايمين بين شارع القوميه والشهيد والجامعه مالاقينها ولاعارفين ينزلو صور ولا بلالين في اعياد الميلاد ولاشئ اكان كدا اخير الفيس بوك
| |
|
|
|
|
|
|
|
|
|
Re: كورة عالمية وبس (Re: حنان مجمر)
|
يا حنان والله شفت مداخلتك قلت أجي أقول ليك يا حبه قومي إتخارجي من بوست العزابة ده لكن لقيتك ناقشة وكمان عندك ذكريات في الكورة ... يا زوله عندي ليك صوره إنت ومجموعة من بنات اكتوبر في الإستاد الله يقيل عثرة كمبيوتر البيت وبنزلها ليك هنا .... وحاتم قولي ليهو مرحب بيك في بوست الكورة ... وجيب معاك التمباك والتسالي وتعال لي في المساطب الشعبية ... المفصورة دي حقت ناس الرشيد وسامي حناكيش الخليج .... شوية كده وأحكي ليكم للمرة الـ 514 والأخيرة قصة الكورة الدخلها معانا انا ومحمد صديق
| |
|
|
|
|
|
|
|
|
|
Re: كورة عالمية وبس (Re: حنان مجمر)
|
رشا ناسف للتاخير لكن كرة ارسنال مع بولتون شغلتنى وبعدها شوية حاجات كدا طبعا بولتون بكرة تانى مع ارسنال وديل ناس عكاليت جدا ولاول مرة فى هذا الموسم تكون امام ارسنال فرصة يتصدر الدورى مع التذكير انو حا يتقدم على تشيلسى فى عدد المباريات يعنى لو ارسنال فاز بهدفين نظيفين حا يتقدم على تشيلسى بفارق الاهداف المحرزة اخونا فى تشيلسى بعد سباعية سندرلاند اموروا فى الاهداف اتصلحت كتير
بالنسبة لليفربول وحسب بيان رسمى صادر عن ادارة النادى انو النادى انفق منذ قدوم هيكس وجليت وليس منذ قدوم بنتيز مبلغ 213 جنية استرلينى على الانتقالات فى الوقت الذى انفق فيه تشيلسى فى فترة مورينهو - نفس الفترة الزمنية - سنتين ونصف لهيكس وجليت فى ليفربول ومثلها لوجود مورينهو فى تشيلسى مبلغ 212 مليون جنية استرلينى لكن صفقات بنتيز كانت خيالية يعنى مثلا تشيلسى اشترى دروغبا بمبلغ 37 مليون يورو وليفربول اشترى توريس بمبلغ 47 مليون يورو نعم توريس اصغر لكن المسالة كتيرة شوية يعنى مثال تانى تشيلسى اشترى بيتر تشيك بمبلغ 7 مليون جنية استرلينى وكان فى منافسة مع ارسنال ارسنال وقف فى 5 ملايين تشيلسى رفع لسبعة عشان ينهى الصفقة قبل مشاركة بيتر تشيك فى مونديال 2006 يعنى حارس بمستوى تشيك بثمانية تتخيل بنتيز اشترى ريينا بكم ما احرق روحك اشتراهو ب(16) مليون استرلينى اى والله كان داير يشترى كاسياس بها الملبغ ولم الريال رفض يبيعو اشترى ريينا بنفس الملبغ رغم انو كان حارس مغمور فى ذلك الوقت
وكلامك عن بكارى سانيا ذكرى حاجة تانية ارسنال اشترى سانيا بمبلغ 6 ملايين جنية استرلينى فى الوقت الذى اشترى فيه بنتيز غلين جونسون بمبلغ 16 مليون جنية استرلينى وبعض التقارير تؤكد ان صفقة جونسون وصلت الى 18 مليون جنية سترلينى لاقناع وكيل اعملوا بالتدخل لصالح ليفربول لانو كان فى منافسة مع تشيلسى طيب ازعلك شوية تتخيل لوكاس ليفا بى كم انت ممكن تشترى ليفا بى كم بنتيز دفع فى ليفا 8 ملايين جنية استرلينى تقريبا ودفع مبلغ 19 مليون جنية ساترلينى عشان يشترى روبى كين وبعد ستى اشهر باعوا بمبلغ 11 مليون المشكلة ما فى نقص التمويل المشكلة فى استخدام المال فى لاعبين لا يستحقوا هذه المبالغ اذا نظرنا لفريق ارسنال الحالى نجد بان جميع من يلعبون لارسنال كلفوا الفريق فى صفقات الشراء مبلغ 80 مليون وهذه الاسماء هى المونيا بكارى سانيا فورملين كيلتشى (تراورى البلعب فى الطرف الشمال الان ) بربع مليون جنية استرلينى فابريغاس ( ما تضحك) مجانى بباقى دين على برشلونة وكان باقى الدين من صفقة انتقال اوفر مارس وايمانويل بوتى والباقى كان مليون جنية لم برشلونة طالب بالتعويض رد ارسنال بانهم يريدون بقية الملبغ من الصفقة المذكورة ورد برشلونة باعتبار انو المسالة تمت توسيتها يعنى البارسا خاق انو يكون ثمن فابريغاس فى الوقت داك اقل من ميلون جنية استرلينى دينيلسون مليون ونصف المليون وكذلك سونغ اوديبابى 2 مليون ارشافيين 21 مليون روزيسكى 9 ملايين على فكرة ارشافيين اغلى صفقة فى تاريخ فنغر مع ارسنال ادواردو دا سيلفا 12 مليون
باقى الملبغ للاعبين فى الاحتياط يعنى قائمة الستة عشر لارسنال او قائمة الثمانية عشرة الان لا تتجاوز مبلغ 80 ميلون وهى اقل من ثمن ثلاثة لاعبين فى ليفربول - ريينا توريس واكولاينى- المشكلة فى بنتيز ما فى ادارة ليفربول
ابحث عن احصاء عن اللاعبين الذين تعاقد معهم بنتيز منذ قدومه الى ليفربول واللالعبين الذين تخلى عنهم امثال كرواتش وهيسكى ويسعى الان للتعاقد معهم
تحية خاصة لحنان مجمر وهى تقتحم هذا البوست
| |
|
|
|
|
|
|
|
|
|
Re: كورة عالمية وبس (Re: مجتبي فاروق)
|
سلامات يا ناس
Quote:
رشا ناسف للتاخير لكن كرة ارسنال مع بولتون شغلتنى وبعدها شوية حاجات كدا طبعا بولتون بكرة تانى مع ارسنال وديل ناس عكاليت جدا ولاول مرة فى هذا الموسم تكون امام ارسنال فرصة يتصدر الدورى مع التذكير انو حا يتقدم على تشيلسى فى عدد المباريات يعنى لو ارسنال فاز بهدفين نظيفين حا يتقدم على تشيلسى بفارق الاهداف المحرزة اخونا فى تشيلسى بعد سباعية سندرلاند اموروا فى الاهداف اتصلحت كتير
بالنسبة لليفربول وحسب بيان رسمى صادر عن ادارة النادى انو النادى انفق منذ قدوم هيكس وجليت وليس منذ قدوم بنتيز مبلغ 213 جنية استرلينى على الانتقالات فى الوقت الذى انفق فيه تشيلسى فى فترة مورينهو - نفس الفترة الزمنية - سنتين ونصف لهيكس وجليت فى ليفربول ومثلها لوجود مورينهو فى تشيلسى مبلغ 212 مليون جنية استرلينى لكن صفقات بنتيز كانت خيالية يعنى مثلا تشيلسى اشترى دروغبا بمبلغ 37 مليون يورو وليفربول اشترى توريس بمبلغ 47 مليون يورو نعم توريس اصغر لكن المسالة كتيرة شوية يعنى مثال تانى تشيلسى اشترى بيتر تشيك بمبلغ 7 مليون جنية استرلينى وكان فى منافسة مع ارسنال ارسنال وقف فى 5 ملايين تشيلسى رفع لسبعة عشان ينهى الصفقة قبل مشاركة بيتر تشيك فى مونديال 2006 يعنى حارس بمستوى تشيك بثمانية تتخيل بنتيز اشترى ريينا بكم ما احرق روحك اشتراهو ب(16) مليون استرلينى اى والله كان داير يشترى كاسياس بها الملبغ ولم الريال رفض يبيعو اشترى ريينا بنفس الملبغ رغم انو كان حارس مغمور فى ذلك الوقت
وكلامك عن بكارى سانيا ذكرى حاجة تانية ارسنال اشترى سانيا بمبلغ 6 ملايين جنية استرلينى فى الوقت الذى اشترى فيه بنتيز غلين جونسون بمبلغ 16 مليون جنية استرلينى وبعض التقارير تؤكد ان صفقة جونسون وصلت الى 18 مليون جنية سترلينى لاقناع وكيل اعملوا بالتدخل لصالح ليفربول لانو كان فى منافسة مع تشيلسى طيب ازعلك شوية تتخيل لوكاس ليفا بى كم انت ممكن تشترى ليفا بى كم بنتيز دفع فى ليفا 8 ملايين جنية استرلينى تقريبا ودفع مبلغ 19 مليون جنية ساترلينى عشان يشترى روبى كين وبعد ستى اشهر باعوا بمبلغ 11 مليون المشكلة ما فى نقص التمويل المشكلة فى استخدام المال فى لاعبين لا يستحقوا هذه المبالغ اذا نظرنا لفريق ارسنال الحالى نجد بان جميع من يلعبون لارسنال كلفوا الفريق فى صفقات الشراء مبلغ 80 مليون وهذه الاسماء هى المونيا بكارى سانيا فورملين كيلتشى (تراورى البلعب فى الطرف الشمال الان ) بربع مليون جنية استرلينى فابريغاس ( ما تضحك) مجانى بباقى دين على برشلونة وكان باقى الدين من صفقة انتقال اوفر مارس وايمانويل بوتى والباقى كان مليون جنية لم برشلونة طالب بالتعويض رد ارسنال بانهم يريدون بقية الملبغ من الصفقة المذكورة ورد برشلونة باعتبار انو المسالة تمت توسيتها يعنى البارسا خاق انو يكون ثمن فابريغاس فى الوقت داك اقل من ميلون جنية استرلينى دينيلسون مليون ونصف المليون وكذلك سونغ اوديبابى 2 مليون ارشافيين 21 مليون روزيسكى 9 ملايين على فكرة ارشافيين اغلى صفقة فى تاريخ فنغر مع ارسنال ادواردو دا سيلفا 12 مليون
باقى الملبغ للاعبين فى الاحتياط يعنى قائمة الستة عشر لارسنال او قائمة الثمانية عشرة الان لا تتجاوز مبلغ 80 ميلون وهى اقل من ثمن ثلاثة لاعبين فى ليفربول - ريينا توريس واكولاينى- المشكلة فى بنتيز ما فى ادارة ليفربول
ابحث عن احصاء عن اللاعبين الذين تعاقد معهم بنتيز منذ قدومه الى ليفربول واللالعبين الذين تخلى عنهم امثال كرواتش وهيسكى ويسعى الان للتعاقد معهم
تحية خاصة لحنان مجمر وهى تقتحم هذا البوست
|
...............جاااااااااااااااكم.
| |
|
|
|
|
|
|
|
|
|
Re: كورة عالمية وبس (Re: محمد صديق)
|
استمتعت باحصائيات مجتبى فاروق ايما استمتاع
فى الحقيقة جات لى فى جرح وكنت محتاج ليها اشد الأحتياجات ذاتو كمدخل للرد على كلام زهير امبارح عن انو ارسنال لا بشيل دورى ولا كأس ليهو زمن
مجموع القيمة المالية لجميع صندوق لاعبى ارسنال لا يتجاوز الثمانين مليون
وهذا يعادل قيمة لاعبين او ثلاث من قيم لاعبى ليفربول اللذين استعان بهم بينيتيز
وطبعا اقل من قيمة لاعب واحد فقط من لاعبى ريال مدريد او حتى برشلونة
كريستيانو رونالدو براهو كلف 94 مليون دولار
ابراهيموفتش يصل لهذا الرقم (يزيد او ينقص قليلا اذا ما وضعنا قيمة صفقة ايتو التبادلية فى الحسبان )
حلو يا جماعة وخاصة زهير مع الترحيب الحار بحنان مجمر
كورة القدم عندى تنافس وسعى نحو اثبات الذات لايعرف الكلل ولا الملل
رغم ان ارسنال لم يفز ببطولة كبيرة منذ حوالى ستة سنوات
الا انه منافس دائم فى كل البطولات الكبيرة
ويقينى ان نتائج المباريات تخضع فى احايين كثيرة لتفاصيل صغيرة جدا تكاد تكون غير محسوسة او مرئية
قبل اربع سنوات تقريبا لعب ارسنال فى نهائى الشامبيونز ليغ مع برشلونة
كان ارسنال فائزا حتى الدقيقة السبعين تقريبا مع انه يلعب ناقصا من الدقيقة تمنتاشر بعد طرد حارسه الأمانى ليمان
وفريق يطبق فلسفة ثابتة فى كرة القدم مجملها وملخصها الأنحياز الكامل للمواهب الشابة
ومن ثم يصدر هذه المواهب بأثمان غالية للأندية العالمية التى تصرف على استيراد النجوم الجاهزة صرف من لا يخشى الفقر
ثم يظل محتفظا بفرص منافسته الشرسة لهم سواء فى الشامبيونز او فى البيمير ليغ
لا شك انه فريق مميز ومختلف
بالرغم من اننى اتفق معك يا زهير بأن قياس مباريات كرة القدم هو الأهداف ومن ثم البطولات
الا ان المشاهد الباحث عن المتعة لن يناله من الكؤؤس والبطولات شيئا ان لم تساهم فى متعته واستمتاعه
تحسن فريق ريال مدريد هذه السنة كثيرا بصرف اموال طائلة
ظل يصرفها دون حساب لسنوات عديدة
ومع ذلك ظل بعيدا عن البطولة الأوربية الكبرى سنوات طويلة
لو ان ارسنال كان فريقا غير انجليزى
اسبانى او ايطالى او اى جنسية اخرى عداهما
فان مستواه واداؤه المميز
كان سيؤهله للفوز ببطولة دوريات اوربية اخرى عدا الدورى الأنجليزى
او على الأقل , لكان منافسا ثابتا واساسيا مستديما
وكمان بحساب الميزانيات والأرقام المالية
القائمة على موارد الأندية الحقيقية مثل بيع وشراء اللاعبين ودخولات المباريات
باستثناء دعم الأغنياء غير المحسوب
مثلما يفعل المليردير الروسى مع تشيلسى , او رئيس ريال مدريد او ميلان او غيرهم
فأن ارسنال
من الأندية العالمية القليلة التى تؤدى اداءا ماليا ممتازا
جنبا الى جنب مع احتفاظه بكامل الفرص فى المنافسات المختلفة
وكذلك استمراره فى كونه منجم مواهب لا ينضب
اذا عدتم عدنا
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
| Quote: ودفع مبلغ 19 مليون جنية ساترلينى عشان يشترى روبى كين وبعد ستى اشهر باعوا بمبلغ 11 مليون |
مجتبى يا رهيب...كين ده بس الجابو بالطيارة و باعو بالخسارة...
شكرا يا مجتبى على الاحصائيات و المقارنات التي توضح الفرق بين فكر فينجر و بينتيز...و التي ربما تصب في مصلحة فينجر و تدل على أن الرجل ليس مديرا فنيا فقط بل مديرا ماليا أيضا...و فينجر كسب ثقة النادي و لكن بالرغم من ذلك قالوا له في النادي يجب أن تضع في اعتبارك أننا لا نستطيع دفع مبالغ كبيرة لجلب لاعبين كبار جاهزين....فأجابهم اذا لا تستعجلوا البطولات...أ،ا سأعمل على صناعة فريق و كسب بطولات بعد ثلاثة أو أربع سنوات و أيضا بيع بعض اللاعبين و جلب الأموال للنادي...فوافقت الادارة و تصالح الجمهور الأرسنالي مع الفكرة و دعم مدرب و ناديه...يجب أن لا نغفل أن لاعبي الأرسنال يطلق عليهم أغرار فينجر من قبل مدربين كبار مثل أليكس فيرجسون...حتى أنه أخيرا قد قال لقد كبر أغرار فينجر و أصبحوا يخيفوننا...
أما بينتيز فلم تتوفر له هذه الأجواء...فجمور ليفربول غير جمهور الأرسنال و ادارة ليفربول غير ادارة الأرسنال...صحيح انه أخطأ في استجلاب بعض اللاعبين أو لنقلها بعبارة أخرى لم يوفق كل اللاعبين الذين استجلبهم رغم أنهم لاعبين كبار...فكين لاعب كبير و تألق نع أنديته السابقة و يتألق مع منتخب أيرلندا و لكنه لم ينجح في ليفربول...عكس كويت الذي لم يكن موفقا في أي من الأندية التي كان يلعب لها و حتى مع المنتخب كان يجلس في مقاعد البدلاء..الا أنه نجح نجاحا باهرا مع الليفر و سطع نجمه فيه...
دخول أندية مثل تشيلسي في المنافسة على اللاعبين المتميزين رفعت كثيرا من أسعار اللاعبين...فجونسون لاعب تشيلسي السابق لاعب عادي رغم أنه متطور و صغير السن الا أن المبلغ الذي دفع فيهه كان كبيرا...أما لوكاس فأنا أعذر بينيتز فلوكاس كان لاعبا جيدا صغير السن قبل أن يحضر الى ليفربول...و على فكرة فان معظم اللاعبين البرازيلين لا ينجحون في الدوري الانجليزي و على رأس هؤلاء روبينيو الفنان المبدع الذي أتمنى أن يعود الى أسبانيا مع برشلونة...
شكرا يا مجتبى على المعلومات القيمة...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
امبارح الود ابو حنك مكسور الارجنتينى تيفيز
استطاع ان يرد كرامته باحرازه هدفى وكانت فرحته مضاعفة
وذلك بعد ان استغنى عنه المان بطريقة مذلة وطبعا بعد الاستغناء كان هنالك
تصريح ساخر من السير فيرجسون - والله كنت مبسوط شديد انه الود انتقم منهم
غايتو دائما برى ان المان هو الفريق المدلل فى انجلترا ومعظم الانجليز
حتى غير الذين يسكنون مانستر يشجعون المان ولهذا لا اشجعه برغم حبى الشديد
فى السابق لاسطورة المان التشكيلى الفنان الذى اعتزل فى شبابه
كانتـــــــــــــونا .
الرشيدبابكر
سلام بمربع كاى يا لذيذ (صافية لبن واحلى من العسل) والمابعرفك
بجهلك و( وجرو امبقدرموا) كدى لو بتقدر اشرحها لى الكلمة البين قوسين دى .
| |
|
|
|
|
|
|
|
|
|
Re: كورة عالمية وبس (Re: عبد السميع دفع الله)
|
كانت مباراة ممتعة امبارح بين المانشسترين يا عبد السميع
الستى واليونايتد
تصلح عنوان وفكرة للمنافسات الأنجليزية عموما وتعدد ديربياتها
الدورى النجليزى به ديربيات اكثر من ديربيات الدوريات الأوربية الأخرى مجتمعة
وهذا مصدر قوة ومنافسة واثارة اضافى يميزه عن اى دولة اوربية اخرى
حتى قبل التطورات الجديدة فى فريق المانشستر ستى واستجلابه لمنظومة لاعبين جدد كلفوا مبالغ هائلة
فان مباريات المانشسترين تحمل دائما طابعا مميزا ومثيرا
هل لاحظت درجة الأثارة والمتعة العاليتين فى اللقاء
لقاء الرد الأسبوع الماضى فى الناحية الأخرى من مدينة مانشستر وفى ملعب الأولترافورد الرهيب
الم تلاحظ كيف يلعب الشيخ (جيجز ) وهو فى السادسة والثلاثين من عمره محطما كل قواعد العمر والعطاء الرياضى
اخطأ مانشينى فى تقديرى فى تغيير تيفيز ومن قبله شول رايت فيلبس وترك الفرصة لليونايتديين فى ممارسة ضغط رهيب على الستنزنز
ولكن السير الكس فيرجسون ايضا اخطأ وتأخر فى تغييراته الهجومية بتاعت السنغالى ضيوف وسكولز
لا تنسوا اليوم مباراة ارسنال وبولتون فى ملعب الأمارات فى لندن الساعة حداشر توقيت السودان والسعودية
ارسنال موعود بالصدارة فى حال احازه هدفين نضيفين
وارسنال السنة دى لو لحق اتصدر , يحلكم منو الحل بلة
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
Quote: الرشيدبابكر
سلام بمربع كاى يا لذيذ (صافية لبن واحلى من العسل) والمابعرفك
بجهلك و( وجرو امبقدرموا) كدى لو بتقدر اشرحها لى الكلمة البين قوسين دى |
سلام يا سمعة
سمعة تاني تلقاها عند الغافل...المرة الفاتت استغليت الزهايمر بتاعي و ما قدرت أغالطك أقول ليك سلمت عليك في الحتة الفلانية و رديت في صفحة كذا...لكن المرة دي بي شخايتة...وكل ما أرد عليك أعمل لي شختة في الحيطة الجنبي...و لو شخت في أكتر من حيطة...بكسرهم كلهم و بلمهم في حيطة واحدة...
و الله يا سمعة ما حضرت مباراة المانشسترين لسوء تقدير مني لزمن المباراة و انشغلت بشئ آخر و نسيتها ليك تماما...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
Quote: ارسنال موعود بالصدارة فى حال احازه هدفين نضيفين
وارسنال السنة دى لو لحق اتصدر , يحلكم منو الحل بلة |
و الله لو فاز أرسنال بالدوري فهو يستحق ذلك...لكن يا منص صدقني ما عندهم النفس الطويل بتاع الدوري الانجليزي و دكة الاحتياط بتاعتهم ما بتجيب ليهم دوري...
من حسه يا منص الأرسنال ثالث الدوري..
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
يا شباب في موضوع تعاقدات ليفربول يتخيل لي مفروض يتحمل المسئولية المدير التنفيذي للنادي وهو المسئول عن التفاوض مع اللاعبين طبعاً بالتشاور مع المدير الفني .... لأنه مسألة يدفع كم كدي حقته هو ... عشان الإختصاص وكده ... لأنه في مديرين تنفيذيين في الأندية الكبيرة بيبيعوا لاعبينهم بأعلي الأسعار ويشتروا بأقل حاجة ... في النهاية طبعاً في مسئولية بتقع علي المدير الفني من ناحية إحتيار اللاعبين ووضع الخطط وما إليه من أمور فنية ... بس المدرب ده نفسه قبل سنوات قليلة فاز مع ليفربول بالدوري وأبطال أوربا علي ما أذكر
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
في موضوع تاني عايز راي مجتبي عشان متابع الدوري الإنجليزي والإسباني ... المدرب بيب غارديولا مدرب برشلونة يتخيل لي الزول ده كيسه فاضي وبني أمجاده علي أمجاد المدرب القدير ريكارد الزول ده أولاً لقي فريق جاهز مع شوية إضافات في بعض الخانات ... لم يغير من طريقة لعب برشلونة 4 3 3 وهي نفس الطريقة الكان بيلعب بيها ريكارد .... وبنفس اللاعبين ... يمكن الإضافة الأساسية أبراهيمفوتش ... في محل صمويل إيتو وده موضوع براهو عايز نقاش .... حتي التغييرات نفسها الكان بيعملها ريكارد وبنفس اللاعبين .... وفي أي مباراة كبيرة بتاعت مدربين ما قاعد يقدر يتصرف وكلنا بنتذكر مباراة تشيلسي الشهيرة لولا الحكم إياه لكن برشلونة خارج المنافسة ما قدر يسجل في تشيلسي إلا بعد نهاية الزمن الأصلي ... مانشيستر عايز بالزول ده شنو .... وكمان قالوا بتزكية من السير ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
كلامك صحيح يا أبو الزوز...
لكن زي ما قلت...المدير الفني يأتي ببطولة و بطولة ما عادية زي بطولة أندية أوروبا...و من ثم يأتي ليقول للمدير التنفيذي اذا أردت أن تحافظ على اللقب فعليك بهؤلاء اللاعبين...
استمعت لرأي عدد من المدربين الانجليز حول بينيتز...انهم يصنفونة في المركز الأول شراكة مع مورينهو و فابيو كابيلو...
و أنا شخصيا أصنفة كذلك...فهو ملك التكتيك و يستطيع بتغيراته أن يغير نتيجة المباراة...خاصة اذا كل لاعبية في الفورمة..
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
أمبارح شفت مباراة استون فيلا وبلاك بيرن في الكأس مباراة عجيبة وسريعة ... إنتهت 6/4 يعني عشرة أهداف في مباراة واحدة ... رغم إنه حلاوة الكورة في الأهداف بس ما أي عدد من الأهداف معناه الكورة كانت سمحة ،، رغم كده كورة أمبارح كانت حاجة عجيبة ... قمة الإثارة والمتعة .... التعادل كان يكفي لتأهل استون فيلا ... تقدم بلاك بيرن حتي قرب نهاية الشوط التاني بهدفين ليأتي ويتعادل استون فيلا قبل نهية الشوط الثاني ... في ربع الساعة الأولي من الشوط الثاني كان قد تقدم خمسة إثنين ... ثم أحرز بلاك بيرن هدف من أجمل الأهداف التي شاهدتها مؤخراًَ ثم يردفه قرب نهاية المباراة بهدف رابع وتصبح المباراة في قمة المتعة ... فلا شئ يمنع بلاك بيرن من إحراز هدفين ليتأهل وفي الزمن الإضافي أضاف استون فيلا الهدف السادس لتنتهي مباراة قمة في الإثارة والسرعة والمتعة ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
ما حدث في مباراة الجزائر وأنغولا شئ مخجل ولا يمت للرياضة بصلة ... وقد كان واضحاً إتفاق الفريقين علي التعادل .... وكيف نست الجزائر مرارة التآمر عليها في كأس العالم ,... حتي تذيق مالي من نفس هذا الكأس الذي لا يشه التنافس الشريف ... مالي أحرزت سبعة أهداف ولم تتأهل والجزائر بهدف واحد تصعد لدور الثمانية .... لمالي ألف حق في شكواها للإتحاد الأفريقي والذي أعتقد جازماً لن يحرك ساكناً لأنه إتحاد ضعيف رغم أن التلاعب كان واضحاً من سير المباراة ولا يحتاج لأدلة لإثباته .... فريق الجزائر ضعيف ولا أعتقد سستمر في المنافسة ... ونتمني أن يعالج الخلل قبل كأس العالم في الصيف القادم
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
سلامات يا كورنجية
| Quote: ما حدث في مباراة الجزائر وأنغولا شئ مخجل ولا يمت للرياضة بصلة ... وقد كان واضحاً إتفاق الفريقين علي التعادل .... وكيف نست الجزائر مرارة التآمر عليها في كأس العالم ,... حتي تذيق مالي من نفس هذا الكأس الذي لا يشه التنافس الشريف |
ما اعتقد انو المسألة فيها تواطوء متفق عليه
الطريقة اللعبو بيها الفريقين املتو نتيجة
مباراة مالى والمؤكد انهم كانوا عارفنها
وبقو الاتنين خايفين من بعض..اى واحد ما عايز يخش فيهو قون.
| |
|
|
|
|
|
|
|
|
|
Re: كورة عالمية وبس (Re: محمد صديق)
|
عن ارسنال اقول
دكة احتاطيه مليانة بالمواهب , لكن فنجر عنده طريقة غريبة فى الزج باللاعبين فى اتون المباريات
شاهدت مباراة بولتون الثانية امس
غياب سونج وعدم جاهزية دينيلسون تركت فراغا واضحا فى خانة المحور
استموند الناشىء الجديد ملأ الفراغ ببراعة فى المباراة الأولى
ومع ذلك اصر فينجر على دينيلسون فى الشوط الأول الذى انتهى اتنين واحد لصالح بولتون
ولم يستعن باستموند الا بعد تعذر مواصلة ابوديابى لللعب بعد اصابته
ولكن مواهب ارسنال المتعددة والشابة دائما ما تقول كلمتها
رفاق فابريجاس قلبوا النتيجة فى الشوط الثانى الى 4-2
الأربعة اسابيع القادمة فاصلة ومصيرية بالنسبة لأرسنال
سيلتقى استون فيلا ثم مانشستر يونايتد ثم تشيلسى ثم ليفربول فى ديربيات تقطع النفس
وبعد ذلك يبدا مشوار الشامبيونز ليغ بنفس مقطوع
جدول ظالم واثارة لا متناهية
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
ومع اننى تحدثت عن ظلم الجدول لأرسنال فى الأسابيع الربعة القادمة
الا ان هناك جانب مضىء فيه
موقف ارسنال مع الدورى سيتضح لحد كبير بنهاية هذه الأسابيع الأربع
اما ان يتعلق باستاره ويؤكد حظوظه المستحقة فيه
واما يقنع منو ويتفرغ للشامبيونز ليغ
التداخل بين البطولتين وبقاء الحظوظ فيهما معا لآخر لحظة كان عاملا سالبا ليس لأرسنال فقط
ولكن للأندية النجليزية عموما
تذكرون لقاءات ارسنال الربع فى خلال ثلاثة اسابيع مع ليفربول العام الماضى
نفس الشىء تكرر بين تشيلسى وليفربول فى العام الذى سبقه
بنهاية نوفمبر سيكون الموقف اكثر وضوحا لأرسنال
وهذه ميزة ستميز بها عن رصفائه الأنجليز هذه السنة
اما باقى الدوريات الأوربية , فلا اهمية لهذا العامل كما اظن واعتقد
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
اما عن موضوع جوارديولا يا ابو الزوز فاسمح لى ان اختلف معك بشدة
بالعكس , العيوب التكتيكية فى فريق ارسنال زمن طيب الذكر ريكارد كانت ظاهرة جدا
فبرشلونة فريق هجومى بحت , ممكن تقول لدرجة عدم التوازن
فكل محاور الفريق , او قل كمان كل الفريق بما فيه المدافعين , طبائعهم هجومية بحتة
بما فى ذلك يايا توريه المحور الدفاعى الوحيد تقريبا
اضف الى ذلك ضعف واضح فى العمق الدفاعى المتمثل فى بيول وماركيز المكسيكى سابقا
تحسن اداء العمق الدفاعى بقدوم لاعب برشلونة الذى كان معارا لمانشستر (نسيت اسمه)
كما حدث تطور كبير فى ميكانيكية الدور الدفاعى المحورى بقدوم جوارديولا
تمثل فى ضغط جماعى على حامل الكرة فى الحالة الدفاعية
خاصة بوجود لاعبين عندهم امكانيات بدنية لذلك مثل سيدو كيتا وحتى اكزافى واللاعب التانى (مالها الأسامى بقت تطير لى )
لو لاحظت لمباريات برشلونة تجد ان نسبة استحواذه على الكرة ارتفعت جدا جدا تحت اشراف جوارديولا
ومعروف ان الحالة الهجومية عند برشلونة اصلا حالة فعالة ومنتجة للمواهب الهجومية العديدة والمتنوعة
لاجديد فى فعالية الحالة الهجومية فى زمن جوارديولا عنها فى زمن ريكارد
ولكن الحالة الدفاعية هى التى تطورت من حالة متوسطة واحيانا كثيرة سبئة
واصبحت جيدة وفى حالات كثيرة جيدة جدا وتصل احيانا الى ممتازة
هذا هو الفرق الذى يرجح عندى كفة جوارديولا على ريكارد
واعتقد ان جانب اللياقة البدنية ايضا تطور الى الأحسن
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
منص...الليلة محروم من النادي...و لا بقاء اختياري بالبيت...
منص مباراة بولتون و أرسنال أمس الأول...كان الأرسنال موفقا في اجراز هدفي الترجيح في الدقائق الأخيرة...و هذا يؤكد أن دكة الاحتياطي صحيح مليئة بالمواهب التي سيكون لها مستقبل رهيب...لكنها ليست جاهزة الآن و لا ترجح كفة الفريق...و ربما تلاحظ الفارق البدني و الجسماني بين لاعبي الأرسنال أو أغرار أرسين فينجر و لاعبي أي فريق آخر...يعني تشيلسي و مانشستر بيغلبوا أرسنال ما حرفنة لكن شفتنة كورة و رجالة عديل كدة...
منص انت لا شك تقصد بيكية مدافع برشلونة و انيستا لاعب الوسط المهاجم الرهيب...أنا اتفق مع أبو الزوز الى حد ما...و لكن الأفضلية ليست لريكارد و لكن لمساعد ريكارد الهولندي الذي يدرب الفريق اليوناني بيثانايكوس و ظروا بمستوى جيد في الشامبيونزليق...
انيستا يغير شكل برشلونة تماما...اذا غاب قل اداء الفريق حتى في وجود ميسي..و اذا حضر ارتفع اداء الفريق بشكل نلحوظ...أما بيكيه فهو صمام أمان برشلونة و المنتخب الأسباني و لقد استفاد كثيرا من لعبة بماشستر...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
بعد الإستمتاع بمبارة الأمس
وبالمستوى المرعب الذي يلعب به برشلونة
ما بتتفقو معاي إنو إبراهيموفيتش دا ما ما بشبهنا؟؟؟؟؟؟؟؟؟؟؟؟
والله الفرق كبيييييييييييير بينو وبين إيتو
ظهر جليا بالأمس ضعف مستوى أبيدال
أما الولد داني ألفيس فدا طرف يمين ما حصل قبل كدا ولا حيحصل
| |
|
|
|
|
|
|
|
|
|
Re: كورة عالمية وبس (Re: سامي عبد الوهاب إدريس)
|
Quote: ما بتتفقو معاي إنو إبراهيموفيتش دا ما ما بشبهنا؟؟؟؟؟؟؟؟؟؟؟؟
والله الفرق كبيييييييييييير بينو وبين إيتو
ظهر جليا بالأمس ضعف مستوى أبيدال
أما الولد داني ألفيس فدا طرف يمين ما حصل قبل كدا ولا حيحصل |
سامي الأنيق...
أتفق معاك في داني ألفيس ....
و انت عارف المنافسة الشديدة بينه و بين مايكون ظهير أيمن انترميلان في المنتخب البرازيلي...
في رأي الشخصي ان داني تطور كثيرا و أصبح يهدد عرش مايكون...و أنا أحيانا أفضله على مايكون...و أحبذ لو لعبا معا في المنتخب البرازيلي و قد جرب دونقا هذه الطريقة في كوبا أمريكا و نجحت نجاحا باهرا..
أما أبراهيموفتش و أيتو فان المقارنة ليست لمصلحة ايا منهم...كل له مميزاته و سلبياته...و لكني أعتقد أن أبراهيموفيتش يبلي بلاء حسنا مع برشلونة هذا الموسم...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
في معركة حامية ا########س الجزائر تفوووووووووووووووووووووووز على ساحل العاج...
كان بامكان الجزائر الفوز بعدد الكبير من الأداف بعد ان انهارت ساحل العاج...
كورة...و رجالة...و حرارة قلب....و اصرار على الفوز...
رغم فوز الجزائر الا انني أعتقد انها لعبت مباراتها الختامية لها في هذه الدورة...
لقد استنفزوا كل طاقتهم في هذه المباراة و لا أظنم قادرون على لعب المباراة القادمة بنفس المستوى...
لقد فرحت فرحا غامرا لفوز الجزائر....
تمنيت فوز الجزائر في هذه المباراة...
لا لشئ الا لأنهم فريق يلعب كرة قدم حقيقية...
ون ...تو...ثري...فيفا للجري...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
سلامات يا كورنجية
Quote: في معركة حامية ا########س الجزائر تفوووووووووووووووووووووووز على ساحل العاج...
كان بامكان الجزائر الفوز بعدد الكبير من الأداف بعد ان انهارت ساحل العاج...
كورة...و رجالة...و حرارة قلب....و اصرار على الفوز...
|
اتفق معك يا رشيد...ويمكن الكلام ده بعبارات اخرى كتبتو ليك فى المربع
واختلف معاك فى الجزء التانى...
الجزائريون قادمون .
| |
|
|
|
|
|
|
|
|
|
Re: كورة عالمية وبس (Re: محمد صديق)
|
هذا اربعاء حافل بموائد رياضية انجليزية دسمة فلا تفرطوا فيها
المتعة والفرجة مضموننتان
الأثارة اكيدة
انا ابدأ بارسنال دائما
اراح فنجر فريقه كاملا فى تفريط غير محسوب العواقب كانت نتيجته خروج مبكر من كاس الأتحاد الأنجليزى الأحد الفائت على يد ستوك سيتى العنيد
انا لا اعارض فكرة وجود اكثر من فريق يلعب المنافسات المختلفة لأرسنال
باعتبار ذلك سرا من اسرار ولادة النجوم والموتهب المستمرة عند المدفعجية
ولكن ما فعله ارسن فينجر باعادة سول كامبل وسلفستر فى مباراة ستوك غير مفهوم فى اطار هذه الساسة المقبولة فى شكلها العام
عموما اليوم ارسنال يواجه استون فيلا فى الفيلا بارك
اول مباريات الأسابيع الأربعة الحاسمة
فى نفس الوقت تشلسى يلاقى برمنجهام سيتى ولكن فى الأستامفورد بردج
\ ليس هناك اى مباريات سهلة فى الدورى الأنجليزى
ام المعارك اليوم ستكون فى الأولترافورد بين المانشسترين فى مباراة العودة
الذهاب انتهى لصالح الستنزنز بهدفين لهدف
الفائز ستاهل لنهائى الكارلنج كب , اولى كؤؤس الموسم الجديد
اليوم هو بدايات الحسم للمنافسات الأنجليزية المختلفة
حضر كرسيك واحسب زمنك من الآن وجهز الريموت كنترول للتنقل بين المباريات المنقولة بتداخل زمنى بين الجزيرة الرياضية والشوتايم
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
حزين جدا للنقطتين التى اهدرهما ارسنال امام استون فيلا مساء امس
اى مباراة لأرسنال
اما ان يكون فيه اصابة جديدة للاعب
او يحاول ارسن فينجر تأهيل لاعب جديد عائد من اصابة قديمة ولم يلعب لفترة طويلة
محنة شنو دى يا الله
اصيب فيرمالين امس اصابة اتمنى ان لا تكون مؤثرة
وعاد بندتنر للتأهيل بعد غياب طويل
ارسنال بحاجة ماسة لرأس حربة صريح ومعافى يا ارسن يا فنجر
ثلاثة مباريات متتالية ومفصلية هامة اولها امام مانشستر يوم الأحد
تسع نقاط ارسنال بحاجة الى ستة منها على الأقل
ليبقى على اماله فى المنافسة
ننتظر ونشوف
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
وانتهى حلم محاربى الصحراء فى مغامرتهم الافريقية ...
مؤكد النتيجة غير طبيعية بسبب نقص الجزائر بطرد 3 لاعبين ..
ولكن رغما عن ذلك لا اعتقد ان المنتخب الجزائرى كان بامكانه هزيمة الفراعنة اليوم ...
قرأ شحاتة منافسه جيدا واستخدم ادواته المتاحة لقفل مفاتيح لعب الجزائر ...
وايضا رغما عن كل ما حدث .. يتوجب توجيه تحية الى فريق الجزائر
لأن أداءه كان متوازنا الى حد ما قبيل اقصاء اول لاعب ...
عموما اعتقد ان مشاركة الجزائر فى هذه البطولة صقلتها بشكل جيد
وحتما سنرى منهم مشاركة فعالة فى المونديال ...
مبروك للفراعنة وتهنئة خاصة الى مدربهم الشاطر المعلم شحاتة
وتهنئة أكثر خصوصية الى شعب محافظة الشرقية عموما وأهل الزقازيق الحبيبة ..
| |
|
|
|
|
|
|
|
|
|
Re: كورة عالمية وبس (Re: محمد عيد)
|
مبروووووووك
لمصر
حقيقة إنها ليلة خالدة
كان المصريين أهما حيوية وعزم وهمة
تكتيك ممتاز
لياقة 100%
برود صاح
ابداع كروي
تدريب راقي
لا أكذب واقول أنني متعاطف مع الجزائر
فأنا أشجع مصر حقيقة
وكم كنت أتمنى أن تكون في المونديال
فما يربطنا بمصر أكبر مما يربطنا بالجزائر
فلكم التحية ابناء النيل
وعقبال الكأس
والتحية للحكم البنيني الذي
وضع حدا لسلوك الجزائريين
وكان حاسما وحازما
مبرووووووووووووووك
| |
|
|
|
|
|
|
|
|
|
Re: كورة عالمية وبس (Re: عبد الحفيظ عباس)
|
اخذتنى كورة ارسنال مع ما نشستر وبشتنت على كورة نهائى افريقيا
لكن يا شباب و انا مع ارسنال مابقدر اركز فى حاجة تانية
احزنتنى مباراة ارسنال فى النتيجة والمستوى
ولكن فوز مصر بالكأس اعاد لى بعض البهجة ولكنها تظل بهجة منقوصة
من غير المعقول يا ارسن فنجر ان تلعب ضد مانشستر يونايتد من غير اى راس حربة
بعض الأحيان التفريط فى الفرص المتاحة , يكون مدعاة لهبوط الروح المعنوية خاصة للاعبين صغار مثل لاعبى ارسنال
ارشافين حاول لعب دور رأس الحربة الذى لا يناسبه وفشل فشلا ذريعا
يحاول صنع الفرصة بنفسه بطريقة جميلة ومبدعة لأن هذا هو الدور المناسب
ولكنه مجرد ان يركب مكنة راس الحربة
يرتبك ويضل الطريق
كل رؤؤس حربة ارسنال اما مصابون او عائدون من اصابة للتو
وارسن فينجر يصر على عدم تسجيل راس حربة صريح
وارسنال يدفع الثمن فى مرحلة حساسة وجدولة صعبة ومتتالية
ولكن الجانب المضىء يتمثل فى منتخب الفراعنة المصريين
كوشوا على كل الألقاب للسنة الثالثة على التوالى
خمستاشر هذف احرزوهم , ولم يقبلوا الا هدفين اثنين
تسعتاشر مباراة متتالية فى كأس الأمم دون هزيمة
فوز على اربعة منتخبات افريقية متاهلة بجدارة واستحقاق
وجوه جديدة , حب والفة وروح جميلة بين اللاعبين والمدرب
لعب نظيف , اقل منتخب انذارات وكروت ملونة
هداف البطولة , احسن لاعب , احسن حارس , احسن لاعب فى المباراة النهائية
درس للألتزام الخططى واحراز الأهداف واحسن احتياطى فعال دون منازع
هداف البطولة لعب فقط حوالى المية دقيقة من مجموع حوالى خمسمية واربعين دقيقة لعب
مبروك للمنتخب المصرى من الأعماق
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
يا منص كفارة لناس آرسنال .... وعمك ابو لبانة ده زول ما هين وفقري .... ومدرب شاطر ... وآرسنال فعلاً فريق غير محظوظ ويحتاج لقليلاً من الحظ ... اما مباراة مصر وغانا فقد كانت مباراة كأس لذا خلت من الإثارة نسبة لأن الفريقين قد أغلقا كل المنافذ المؤدية للمرميين ... ولم تشهد فرص تذكر ... سيطر الفريق المصري علي الشوط الأول دون فرص حقيقية والغاني علي الثاني بفرص شبه خطيرة ... يمتاز الفريق الغاني بصغر سن لاعبيه والموهبة العالية ... أما الفريق المصري تنحسر فيه الموهبة لحد كبير ... وتغطي عليها الجماعية والعزيمة ... أعتقد أن أميز لاعبي مصر من حيث الموهبة زيدان ، جدو ، المحمدي أما باقي الفريق فيؤدي بروح عالية تغطي علي أي شئ .. لم ينجح الغانيين في إستدراج الفريق المصري للزمن الإضافي ... وإذا ما حدث ذلك كما سنساهد مذبحة حقيقية للمصريين ... حيث أن الفريق المصري كان قد بلغ به التعب في أواخر الشوط الثاني ولولا براعة الثنائي جدو وزيدان لذهب الكأس لغانا طائعاً مختاراً ... أعتقد أن هذه المرة الأخيرة للفراعنة في منصات التتويج في القريب العاجل ... فمعظم الفريق الحالي قد وصل لسن المعاش ويحتاج لوقت حتي يبني فريق مثل فريقه الحالي .. والذي لن يتكرر في القريب العاجل وهم بمثابة الجيل الذهبي للكرة المصرية حتي الآن وأصحاب الإنجاز الأكبر منذ تأسيس الأتحاد المصري لكرة القدم ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
سلامات يا كورنجية
| Quote: أعتقد أن أميز لاعبي مصر من حيث الموهبة زيدان ، جدو ، المحمدي أما باقي الفريق فيؤدي بروح عالية تغطي علي أي شئ .. لم ينجح الغانيين في إستدراج الفريق المصري للزمن الإضافي ... وإذا ما حدث ذلك كما سنساهد مذبحة حقيقية للمصريين ... حيث أن الفريق المصري كان قد بلغ به التعب في أواخر الشوط الثاني ولولا براعة الثنائي جدو وزيدان لذهب الكأس لغانا طائعاً مختاراً ... أعتقد أن هذه المرة الأخيرة للفراعنة في منصات التتويج في القريب العاجل ... فمعظم الفريق الحالي قد وصل لسن المعاش ويحتاج لوقت حتي يبني فريق مثل فريقه الحالي .. والذي لن يتكرر في القريب العاجل وهم بمثابة الجيل الذهبي للكرة المصرية حتي الآن وأصحاب الإنجاز الأكبر منذ تأسيس الأتحاد المصري لكرة القدم ... |
اتفق معك زهير..يا مكنيكى
| |
|
|
|
|
|
|
|
|
|
Re: كورة عالمية وبس (Re: محمد صديق)
|
لاتنسوا اليوم عصرا
الساعة الرابعة الا ربعا عصرا بتوقيت السودان والسعودية
وجبة دسمة اخرى من وجبات مائدة الدورى الأنجليزى الحافلة دائما
ديربى تقليدى قديم بنكهة معاصرة
ليفربول مع ايفرتون
شاهدوها لتتأكدوا من اثارة وتنوع الدورى الأنجليزى
كما ان يوم غد سيكون مصيريا لأرسنال
فهو اما يعود الى المنافسة من بوابة تشيلسى
او ينفض يده من منافسات الدورى هذا الموسم
بأى نتيجة اخرى عدا الفوز الصريح
على العموم
السبت والأحد هذا الأسبوع
اثارة متناهية , ومتعة لاحد لها , فمشاهدة ممتعة ان شاء الله
| |
|
|
|
|
|
|
|
|
|
Re: كورة عالمية وبس (Re: منصور عبد الرازق)
|
Quote:
علي مستواي الشخص أتابع بعض مباريات الدوري الأسباني والإيطالي خاصة تلك التي إحدي طرفاها فرق القمة في الدولتين ... أشجع برشلونة في إسبانيا والإنتر في إيطاليا .. |
يا ابوالزوز و الله نفس الشعور والاحساس و بيني وبينك البيت كله
كتلوني و الاسبوع كله المزاج ما يكون تمام الا يوم لعب البرسا و
الانتر و الله لدرجة الاندماج و المتابعة طبعا عندي الشاب محمد المصطفي
موسوعة في البرسا ، عموما قرف الكورة السودانية منذ ستة و ثمانون
دفعنا للبحث عن المتعة الحقيقة في عالم الكورة والتي و لله الحمد لم
اجدها إلا في الدوري الاسباني وكمان لازم يكون طرفها البرسا او الانتر
بهناك.
بس يا ابو الزوز انا المزعلني من السيد جارديولا انه عنصري بشهادة
و دا كلام السيد اتو منذ كم اسبوع حيث افاد انه جارديولا لا يحب البشرة
السوداء ؟ ايش رايك فيه و كمان رايك في السيد ابراهيمو فيتش ؟
| |
|
|
|
|
|
|
|
|
|
Re: كورة عالمية وبس (Re: موسي عيسي)
|
يا موسي سلامات .... لا أعتقد أن جاردويلا منحاز ضد السود فهو معروف عنه الأخلاق العالية والتهذيب الجم وله كثير من المواقف الإنسانية حينما كان لاعباً في قطر ... إلا أن هنالك خلاف بينه وبين إيتو ويبدو أن المدرب لا يحب اللاعب (المحاجج) وإيتو من ذلك النوع ... والبارسا يعج باللاعبين السود أمثال الظهير الأيسر أبيدال والمهاجم تيري هنري ولاعب الوسط كيتا وهم لاعبين أساسيين ... وسعي في فترة لضم روبينو البرازيلي الأسمر ... خسارة البارسا لأيتو خسارة كبيرة لم يستطع تعويضها اللاعب إبراهيمفوتش رغم إمكانياته المهولة وأعتقد بأنه يتميز علي إيتو في كثير من المزايا إلا إنه حتي الآن لم يستطع تقديم ما عنده ... خاصة في الفترة الأخيرة بعد أن بدأ بداية مبشرة وكان يحرز أهداف بمعدل هدف في كل مباراة ... إلا أن الأنباء تشير لوجود خلافات بين اللاعب والمدرب وذلك لسوء سلوك اللاعب في الميدان ونيله لإنذارات دون مبرر معقول مما يحرم الفريق من خدماته في كثيرة من الأحيان .. في رأي الشخصي أن إبراهيموفتش مهاجم مرعب ومن أفضل المهاجمين في العالم علي الإطلاق لما يتماز به من إمكانيات مهولة إلا إنه لاعب مزاجي ومدلل ... ولاحظت في الفترة الأخيرة سوء مزاجه في الملعب خاصة في مباراة برشلونة الدورية الأخيرة حيث أهدر عدد مهول من الفرص لا يمكن أن يهدرها لاعب مبتدئ ناهيك عن إبراهيمفوتش ... وإذا لم يصلح من سلوكه ويعود للتألق أعتقد أن برشلون سيتخلي عنه في أقرب فرصة ... اليوم الساعة العاشرة مساء سنشاهد البارسا مجدداً وهو فريق يقدم كرة قدم حقيقية وممتعة ... وأفضل الفرق في العالم قاطبة ليس تحيزاً ولكنها الحقيقة ... لأن الفريق يملك عدد كبير من اللاعبين أصحاب المهارات العالية والحقيقية ... إبتداء من الدفاع ثم الوسط المتميز والمتميز جداً .... ثم الهجوم الكاسح الذي يضم أساسيين علي مستوي عالي وبدلاء أصحاب موهبة رغم صغر سنهم ....
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
ديربي مدينة ليفربول بين ليفربول و ايفرتون جاء حافلا بالعطاء البدني خالي من أي جماليات...جاء عنيفا بين الفريقين وأشهرت فيه عدد من البطاقات الصفراء و بطاقة حمراء واحدة للاعب ليفربول المدافع اليوناني كاركاينوس...
لم يكن لقاءا ممتعا بأي حال من الأحوال...و انتهى بهدف لليفربول دون مقابل لايفرتون...
و تنطلق الآن مباراة مانشستر و بورتسموث...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
يا رشدي للأسف لم نشاهد المباراة ... ويبدو أن الدوري الإنجليزي لا نصيب لنا في مشاهدته لأن مواعيده دوماً ما تأتي في أوقات مبكرة ... ونحمد الله إننا شاهدنا مباراة برشلونة وخيتافي حيث المتعة الكروية والفنيات العالية للاعبي البارسا ... رغم أن البارسا قد لعب ناقصاً منذ الدقيقة 27 للشوط الأول بعد طرد بيكيه ... إلا إنه إستطاع أن يمسك زمام المباراة ، ولقد أثبت جوارديلا البارحة أنه يفهم في التدريب بالتغييرات التي مكنته من عبور خيتافي رغم النقص العددي في وقت مبكر ... ثم طرد البديل المدافع المكسيكي ماركيز في نهاية المباراة ... المباراة كانت ممتعة خاصة الفنيات العالية لأنيستا وميسي صاحب الهدف الأول ... وتمريرة الهدف الثاني الذي إنتهت عليه المباراة .... هذان الولدان عبقريان ...
| |
|
|
|
|
|
|
|
|
|
Re: كورة عالمية وبس (Re: زهير الزناتي)
|
أبو الزوز...حضرت مباراة برشلونة و خيتافي...
مدرب خيتافي مدرب جيد و له مستقبل في عالم التدريب..بس لا يملك لاعبين بجودة لاعبي برشلونة و الا لكان حقق التعادل براااااحة...أضاع سولدادو وحدة عدد من الأهداف المؤكدة و هذا يؤكد أن ريال مدريد كان محقا في الاستغناء عن خدماته...
أما أنيستا فهو بلا شك لاعب كبير و أنا عندي اعتقاد جازم أن أنيستا هو أكثر لاعب مؤثر في برسلونة وليس ميسي...فبغياب أنيستا تنقلب كل الموازين في برسلونة...ميسي يجيد انهاء الهجمات و الدليل على ذلك تصدره لقائمة الهدافين هذا الموسم...و لكن ذلك سببا رئيسيا في عدم تألق اراهيموفيتش...يبدو لي و لست متأكدا من ذلك ان لاعبي برشلونة لا يحبون أبراهيموفيتش...لذلك لا يمولونة بالكرات السهلة...و لاحظت أن كل الكرات التي تصل لابراهيموفيتش كانت كرات صعبة بقصد احراجه...
أما مانشستر فلقد سحق بورتسموث بخمسة أهداف نظيفة و قام السير اليكس فيرجسون باخراج ثلاثة لاعبين مرة واحدة لاراحتهم منذ الدقيقة سبعين...
| |
|
|
|
|
|
|
|
|
|
Re: كورة عالمية وبس (Re: الرشيد بابكر)
|
وجبة مباريات دسمة مساء اليوم على الشوتايم
دورى انجليزى على ايطالى على كاس اسبانيا
الساعة عشرة وخمس واربعين دقيقة , ارسنال مع ليفربول , ما نشستر مع استون فيلا , وتشيلسى مع ايفرتون
قبلها مباراة فى كأس ولى العهد السعودى بين النصر والهلال
خمسة ونص توقيت السعودية الهلال السودانى مع المحرق البحرينى فى دورة بنى ياس الودية
اتغدوا بدرى , حضروا التسالى وسيرمس الشاى
واستمتعوا
| |
|
|
|
|
|
|
| |
زهير الزناتي
مجتبي فاروق
عبد السميع دفع الله
الرشيد بابكر
محمد عيد
عبد القادر بابكر
محمد آدم النور
منصور عبد الرازق
محمد صديق
سامي عبد الوهاب إدريس
حنان مجمر
عبد الحفيظ عباس
موسي عيسي
فيس بوك
تويتر
انستقرام
يوتيوب
بنتيريست