دعواتكم لزميلنا المفكر د.الباقر العفيف بالشفاء العاجل
|
|
 علاقات متفردة
|
اولاً وقبل كل شئ مشتاقه لكل ما هو زقازيقى ،مشكور باشمهندس بكرى ابوبكر والشكر موصول لصديقى الرائع دوماً اخى الذى لم تلده أمى الزناتى المعدن النادر الذى لم ولن يصدا ابداً.
ثانياً ظلت امنيتى وامل التواصل معكم تشغل بالى وعند اتصال الزناتى تملكتنى حالة من السعادة لا استطيع وصفها وحاولت التعبير عن ذلك بالكتابة ولكن الكى بورد رفض طباعة الحروف، وفسرت ذلك بان شوقى لكم اكبر من ان يتحول الى حروف وتابعت ما كتب وحسدتك يا مجتبى للتعبير وترجمة شوقك الى كلمات، اعزائى حتى الان وانا معكم لا اصدق انى امتلك مفتاح الحوش وممكن ادخل من الباب واتشاور معكم فيما يتشاور فيه الاخوان ونحكى للجميع ونجيب على عدد من الاسئلة
لماذا تميزنا بزمالة دامت لفترات طويله؟
لماذا نصر على ان نغرس حب الزقازيق وناس الزقازيق فى كل من تربطنا به صلة ؟
لماذا تكون اذاننا صاغية ونبتسم ونحن نسمع اسم الزقازيق حتى فى المسلسلات ؟
لماذا تصر هذه المدينة على ربط اسمها بنا ؟
لماذا عمل عصام دهب على تأسيس الحوش واجتهد الزناتى على ان يكون الحوش ممتلئ بالزقازيقين حتى اخر متر فيه ؟
لماذا يحرص منصور وزوجته وابناءه على ان يكون العيد مناسبة للالتقاء بميسرة ومنى وابناءهم وان تكون العلاقة علاقة اجيال ؟
لماذا انا وانت وجميعنا على استعداد لمشاركة اى زقازيقى فى المناسبات ؟
لماذا بذل معتصم وجورج والزناتى ومبارك جادين وعابدين ومحمد حسن ونادر فاروق وجلا وابتهاج وخالده كل ما فى وسعهم لتقديم واجب العزاء فى عمى عليه رحمة الله، دافعهم الى ذلك الحفاظ على علاقة امتدت لعشرات السنين ؟
لماذا نكون سعيدين فى اى لقاء زقازيقى حتى مع مجموعة لم نجتمع معها فى الزقازيق ؟
لماذا احببت نهلة نجم الدين وفدوى وكثرين غيرهم لم التقيهم الا بعد قيام جمعية خريجى الزقازيق ؟
لماذا وانا وانت وجميع الزفازيقياب يسرقنا الوقت ونحن نتحدث عن علاقات فريدة متميزة لا يمكن ان تتكرر علاقات اخترناها بانفسنا لم يفرضها علينا عرف او قانون بل شيدناها باحترام وود وتقدير متبادل، علاقات مستمرة وستستمر ونعلمها الى الاجيال، علاقات نفتخر بها وتكون تاج يزين راس كل زقازيقى وزقازيقيه ، وارفع راسك انت زقازيقى .
* على قول الجماعة الطيبين جاييكم برواقة
|
|
 
|
|
|
|
|
|
|
 Re: علاقات متفردة (Re: مشاعر بدوي)
|
كل ما أقول أكون أول المرحبين يسبقني زول و يرحب بالقادمين الجدد...عايز أكون أول من يرحب بيك يا مشاعر قبل ما يسبقني واحد شليق...
مرحب بيك بيننا...
تهراقا...أحد أجدادنا القدماء على قول الجماعة الطيبين...
| |
|
|
|
|
|
|
|
|
|
Re: علاقات متفردة (Re: زهير الزناتي)
|
مرحبتين بالبت توتة 000
ونورتي البيت الزقازيقي
ويلا كملي سلام بسرعة
وتعالي عشان تجهزي معاي القهوة لناس البيت
خالو زهير00 شوق كتير 000
| |
|
|
|
|
|
|
|
|
|
Re: علاقات متفردة (Re: عفاف علي ميرغني)
|
فافى مشتاقيييييييييييييييييييييييييييييين كتير
لكن حسب علمى قهوة كسلا اجمل واطعم قهوة وامكن انا ما اعرف اعملها عشان كدة يا اختى انا ممكن اساعدك بتحضير العدة واى مهام اخرى تطلبيها منى .......
| |
|
|
|
|
|
|
|
|
|
Re: علاقات متفردة (Re: أبوبكر حامد الأمين)
|
توتة توتة
ويادوب بدأت الحدوتة
عارفا يا مشاعر
الرشيد بتاع مشاكل
قال عايز يكون اول واحد قبل ما يسبقو زول شليق
شفتي الناس الكايسا مشاكل
هو قاصدني انا
معليش سبقني في الترحاب بيك
عارفا ليه
لانو احسن مني واكرم مني وأهم حاجة اطول مني
الف مرحب بيك يا مشاعر
وابقي داخلة
| |
|
|
|
|
|
|
|
|
|
Re: علاقات متفردة (Re: كمال الشادي)
|
لا أدعى اننى فى آخر صف الذين وصفهم الرشيد بالشلاقة
ولكنه ترحاب لا بد منه ...
مرحبا بك ومرحى بازدهار البوست باكمالك لحوض شتلات الورد
الذى يضم بقية اخواتنا البرايات المختفيات لاسباب او بدونها
غنى يا مشاعر وغنى
شدى اوتار المغنى
| |
|
|
|
|
|
|
|
|
Re: علاقات متفردة (Re: محمد عيد)
|
الظاهر علينا جينا متاخرين و فاتتنا الشلاقة لكن قلنا
نلحصل و ندف الباب و نكون من المرحبين باظرف البرلومات
و اجملهن قلبا و ا عذبهن حديثا فمرحبا بك يا مشاعر وكان
الود ودي ان اسبق اخي الرشيد لكي احظي بالترحاب مبكرا
كما كان لي مع الاخوات فاطمة بدري و سامية اسماعيل و
خديجة ابراهيم بالترحاب بك في الزقازيق قبل بضع سنوات
و نيف ما في داعي لذكر الرقم لانه مخيف .
فاكرر الترحاب فحللتى اهلا و نزلتي سهلا و يلا يا شباب
الدار بقي باهله و ظهرت لينا عزيزة من فردات الزقازيق
باقي من العقد عقدة فهلا تكرمت علينا أخي زهير مع العزيز
بكري و تشوف لينا موضوع عصام جلي و تكون الشغلانة اكتملت؟
| |
|
|
|
|
|
|
|
|
|
Re: علاقات متفردة (Re: موسي عيسي)
|
أهلاً مشاعر وبس
قصاصات من مداخلات الجماعة:
| Quote: اخى الذى لم تلده أمى الزناتى المعدن النادر الذى لم ولن يصدا ابداً. |
عليك الله يا مشاعر مش كترتي المحلبية!!!!...بعدين حاسبي إبتهاج عندها باسويرد
| Quote: وتابعت ما كتب وحسدتك يا مجتبى للتعبير وترجمة شوقك الى كلمات، |
الغريبة مجتبى لسع قال..واحد ... اثنين يعني منظرين منو حاجات كتيرة
يا ربي تكوني قايلا الموقع دا الفيس بوك؟؟؟
| Quote: لماذا احببت نهلة نجم الدين وفدوى وكثرين غيرهم لم التقيهم الا بعد قيام جمعية خريجى الزقازيق ؟ |
الحمدلله حبيتي الجماعة ديل بعد قيام الجمعية....فالقلب يعشق بعد العين أحياناً
| Quote: على قول الجماعة الطيبين جاييكم برواقة |
كان كدا!!!! عايز أأجل الترحيب لغاية ما تجينا ما معكره
Quote: عايز أكون أول من يرحب بيك يا مشاعر قبل ما يسبقني واحد شليق...
مرحب بيك بيننا... |
في دي ليك حق..طالما السقد حارس البوست....
قالو الشلاقة كتلت اشراقة
| Quote: خالو زهير00 شوق كتير 000 |
شووووووووووووفوووووووووو الدراااااااااااب دا كيييييييييييف؟
| Quote: مرحبا بك ومرحى بازدهار البوست باكمالك لحوض شتلات الورد |
إنتو يا جماعة لوري الدراب دل ما كمل؟؟؟
الغريبة أنا شايف الحوض بتاعك دا ما مكتمل لسع ...طيب لمن نهلة نجم الدين يدوها باسويرد
نحن نقدم استقالاتنا و لا شنو؟؟؟
Quote: باظرف البرلومات
و اجملهن قلبا |
موسى عيسى شيل قلبها و أديها كليتك
هس يجي ياسر نجيلة و يقول ليكم السمكة بتاعتي و ينا
| |
|
|
|
|
|
|
|
|
|
Re: علاقات متفردة (Re: كمال الشادي)
|
مراحب ألف و حبابك يا مشاعر ..
سعدت كثيراً بأنضمامك و بقية الكوكبة الرائعة من الزقازيقاب الأفاضل ..
نورتي فأهلاً حللتي و سهلا نزلتي ..
و الحوش حوشكم ..
يلا أنداحوا ..
| |
|
|
|
|
|
|
|
|
|
Re: علاقات متفردة (Re: عصام دهب)
|
يا نضيف غايتو الصورة التانية عرفت جمال على وفطّومة ومشاعر ، أها الطرف دى أحلام مختار ولا زولة تانية.
الصورة الأولى عرفتَ ابراهيم فيش من مجموعة الكورال ، من زمان نضيف يا عبدالدائم شراب أبيض وقلب أبيض
| |
|
|
|
|
|
|
|
|
|
Re: علاقات متفردة (Re: أبوبكر حامد الأمين)
|
بكورى طبعا انا حاسبك مع الناس القدام عشان كده
ما بعاملك معاملة البرالمة فى المنبر
فعلا" هى احلام مختار علوم
اما صورة الكورال اقصى اليسار سكينة قرشى - مشاعر بدوى - ناهد امين
خلفهم نوال البلول وتظهر ايضا زبيدة مصطفى
بجانبى ايضا محمد صديق - فضل المامون - عبدالمجيد عيسى - فش - ادم حميدة
ادروب - راشد عبدالله احمد
اما الناس ( البجوبكو ) الكورال والناس الطالعين ساكت خاتنهم ورا
| |
|
|
|
|
|
|
|
|
|
Re: علاقات متفردة (Re: مجتبي فاروق)
|
ده العيب بتاع النوم بدرى
الخناشير ما بتديك فرصة
تلقاهم ملمومين لمت النمل فى ( )
فتحتوا القوس
املأ المكان الخالى
اقفل القوس
مرحب بيك يا مشاعر البدوى
انتى اوعك تقفلى القوس
خليهوا فاتح
عشان الجماعة ديل يقدروا يمرقوا
| |
|
|
|
|
|
|
|
|
|
Re: علاقات متفردة (Re: موسي عيسي)
|
موسى عيسى مشتاقين وعبرك مليون سلام لناس الزمن الجميل
خدوج، فاطمة بدرى، سامية اسماعيل الشهيره بسمسم وبرواية اخرى سمسمي، شخصيات لم ولن تتكرر
واضم صوتى لصوتك بانضمام الاخ والصديق عصام جلى لهذا الحوش
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
الفنان الرائع كمال الشادى ما قابلتك لكن سمعت عنك كل الخير، كنت حايمه بهناك مع اجدع ناس وقريت المداخلة عن الاعلاميه نادية عثمان مختار وزاد افتخارى بمعرفتى بك لك شكرى ....
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
محمد عيد كيفينك يا اخوى، فى اعتقادى ان الشلاقة حاله صحية والدليل فى الاسرة الواحده الغالبية شلقين
ومعا فلنغنى اجمل لحن .........
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
جلا
مبروك الحج باين غاير من الزناتى وعاوز تعمل لينا مشاكل
يا ربى السبب شنو اكيد عشان الزناتى اصغر منك .....
النضيف
مليون سللللللللللللللللللللللللللللللللللام والله مشتاقين شديد
وناس تربية اجدع واظرف ناس .....
عصام الدين دهب
ادفع عمرى ونعمل جمعية عمومية ويتكرر نفس المشهد ..........
ود جبريل
اخبارك شنو وشكراً للمرور والله يوم شفتك فى قناة الجزيرة قاعد فى الواطة
قلت يا حليللو ده طارق وقربت ابيع دهبى واعمل لي جريدة
تكون فيها انت رئيس تحرير وسكرتير تحرير ورئيس مجلس ادارة
لكن الحمد لله ربنا نصركم وبينى وبينك لو انتظرت ابيع دهبى
حقك راح عشان ما عندى دهب يكفى افتح به جريدة والله معاك ................
مجتبى
البرلوم التفتيحة التحية للاسرة وفى انتظار قلمك المبدع
منصور عبدالرازق
نلت شرف التواصل معكم
القوس ما ممكن يقفل فى ظل تواجد اجدع ناس ...........
حيدر حنين
حنين يا الحنين شوقنا ليك طال ..........
ميسرة سيد احمد
الرئيس ، الزعيم ، الاخ لك ومنى والاولاد كل الود..........
ياسر نجيلة
شاعرنا المبدع فى انتظار الاستماع والاستمتاع للجديد .....
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
سلامات يا ناس
الف مرحب بى توتة السغنتوتة
وسلام ليك من صاحبتك....
طبعآ عشان البينى وبينك وصاحبتك
وحاجة ام سلمى ما حاقول للناس
انتى مشهورة بى شنو...
| |
|
|
|
|
|
|
|
|
|
Re: علاقات متفردة (Re: محمد صديق)
|
جنابو ود رفاعة
اول شى قول لصاحبتى والله مشتاقيييييييييييييييييين شديد
ثانيا شكرا للترحيب والمرور
ثالثا انت عاوز مشاكل ولا شنو والله اشتكيك لتوفى
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
سلامات يامشاعر يارقيقة الخلق ياانسانه لسه في رفتك وحلاوتك ديك والله نور بتنا وشارع بيتنا
يابرلومتنا الحلوه يادفعة زهير الزناتي شايفاك صدقت يازهير قالوا الربا بي جهلو وا شقاوة اهلو
| |
|
|
|
|
|
|
|
|
|
Re: علاقات متفردة (Re: سامي عبد الوهاب إدريس)
|
الاخ سامى
مشكوووووووووووور على المرور ، واتمنى ان تدوم العلاقات التى تميزنا بها
بالجد يا سامى اى واحد فينا اذا سالوا عن العلاقات بيننا كزقازيقين
لا يستطيع ان يعبر بالكلمات فكنتم وكنا نعم الاخوة
فلكم منى الود والتقدير
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
مشاعر
والله ماعارف ارحب بيك كيف ولا عارف اقول شنو! وانا بقرأ في ردودك الفوق دي وبدون ما ادري وجدت نفسي
رجعت لذلك الزمان والمكان الجميل وحبست دمعةحاااره ,,, فقدت عادت بي الزكريات , فتزكرت
الوالد بدوي المبشر الطيب علية رحمة الله, ذلك الرجل الانسان الذي كل ما اتى الزقازيق أول حاجه
يعملها يقول لمشاعر وديني لي ولدي عثمان .اللهم ارحم عمنا بدوي واسكنه فسيح جناتك مع الشهداء
والصديقين.
اختي مشاعر التحية عبرك موصولة لكل الاخوات الفاضلات في كل دور الطالبات ايام زمان.
| |
|
|
|
|
|
|
|
|
|
Re: علاقات متفردة (Re: عثمان الخير)
|
عثمان الخير
لك شكرى الكثير على المرور
فعلاً ياعثمان عندما نسترجع تلك الزكريات لا نملك الا ان نحبس الدمعة الحاااره جدا
علاقتك بالوالد عليه الرحمة علاقة ابن بوالده، دائما يزكرك بالخير ويلى الخير اسمك
اعتقد ان الوالد عليه الرحمة هو من غرس فينا انا واخوانى علاقة الاخ الذى لم تلده الام
لك شكرى الجزيل اخى عثمان والتحايا عبرك لافراد الاسرة
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
يا ناس البوست دا
أنا زول ما متفرد داير أعمل علاقات متفردة....ممكن؟؟؟
يعني الزول لو إنفرد بي القون...بعد داك ممكن يعكس الكورة قبل ما تمشي الآوت؟؟
و لأنو تنفرد بي زول معناهو عايز
تدقسو
أو تجكسو
أو تحنسو
لو عندكم زول بالمواصفات دي!!!
رجاءً أدوني عنوانو و خلو الباقي علي!!!
كل الأماني الطيبة يا عزيزتي مشاعر بسنة قادمة مليئة بالنجاحات
من دقيس و جكيس و حنيس
| |
|
|
|
|
|
|
|
|
|
Re: علاقات متفردة (Re: زينب التجاني)
|
اخونا محمد
سلامات وكل سنة وانت طيب
Quote: أنا زول ما متفرد داير أعمل علاقات متفردة....ممكن؟؟؟
|
يا اخوى ناس الزقازيق ديل كلهم متفردين ، انت اتخرجت من ابوكبير ولا شنو
Quote: كل الأماني الطيبة يا عزيزتي مشاعر بسنة قادمة مليئة بالنجاحات
من دقيس و جكيس و حنيس |
واللة يا محمد اظن الدقيس والجكيس ده بعد كده ما فى ليه طريقة ، الا عاد الحنيس مهم
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
الأخت
مشاعر بدوي
حبابك ما غريبة دار
ونورتي المنبر
ويلا جدعوا الإبداع
ولموا الناس
عشان السمحة بت الناس
تحايا وود
عظيم إحساس
نؤد بعض التفاصيل عن أخبارك
وخاصة الدهب البيعمل جريدة
وحتى نلتقي
ألف مرحب بيك
| |
|
|
|
|
|
|
|
|
|
Re: علاقات متفردة (Re: عبد الحفيظ عباس)
|
اخونا عبد الحفيظ
سلام بالكوم ومشتاقين لاجدع ناس
Quote: نؤد بعض التفاصيل عن أخبارك
وخاصة الدهب البيعمل جريدة |
الدهب قاعد ، وابشر اختك ما بتقصر معاك ...............
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
ألف مرحب بالأخت مشاعر بدوي
وياسلام على الكلام الحلو الفوق دة
والردود الأحلى بالأخص ردك الأفرحني وأراح نفسي
ردك على الإنسان المامتفرد لازم يكون (خريج أبو كبير)
والله الزقازيقاب أمركم عجيب كلما نتقارب نجد أنفسنا
أجذاء من بعض
| |
|
|
|
|
|
|
|
|
|
Re: علاقات متفردة (Re: أحمد إسماعيل)
|
سلام يا ست الناس
Quote: وياسلام على الكلام الحلو الفوق دة
والردود الأحلى بالأخص ردك الأفرحني وأراح نفسي
ردك على الإنسان المامتفرد لازم يكون (خريج أبو كبير) |
لكن أحمد إسماعيل ما لقيتك
قلت ليك أرحك الخلا تجيني في بيتنا؟؟؟
الغريبة قايلك زول متفرد طلعت زول داير تتفرد بي؟؟؟
| |
|
|
|
|
|
|
|
|
|
Re: علاقات متفردة (Re: أحمد إسماعيل)
|
اهلا الاخت الحبيبة مشاعر بدوي
| Quote: الفنان الرائع كمال الشادى ما قابلتك لكن سمعت عنك كل الخير، كنت حايمه بهناك مع اجدع ناس وقريت المداخلة عن الاعلاميه نادية عثمان مختار وزاد افتخارى بمعرفتى بك لك شكرى .... |
اشكر افتخارك بي انا برضو بفتخر بيك
اي زول يحمل الشارة والعلامة الزقازيقية زي ما بقول عبد الدائم من آآآآنديا يعني من عندنا
وإنتى من عندنا
من الحوش الكبير
حوش الناس السمحة
سمحة من برة وسمحة من جوة
لو عايزه تسمعي عني حاجات حلوة اختي لي بالله الناس المرجفة
وتحياتي لصديقي زهير الزناتي
شايفك بتوزعي دهب
عليك الله اعملي حسابي
الايام دي الشغل في الرياض شايفو مش ولابد
يعني لو تكلتينا بي غويشتين كده لغاية ما الامور تستعدل بيكون كويس
وبلاش تضيعي دهبك بعييييييييييييييييييد لغاية المغرب
خليك قريب احسن
ناس المغرب ديل صديقيني
عين علينا وعين على جبل طارق
على قول اغنية سميرة توفيق
عينك علينا والله على جارتنا
| |
|
|
|
|
|
|
|
|
|
Re: علاقات متفردة (Re: كمال الشادي)
|
الاخ أحمد اسماعيل ...
اولا لك العذر لتاخير الرد ومشكور كتير على المرور
Quote: وياسلام على الكلام الحلو الفوق دة
والردود الأحلى بالأخص ردك الأفرحني وأراح نفسي
ردك على الإنسان المامتفرد لازم يكون (خريج أبو كبير)
|
شكرا يا احمد يا اخوى واتمنى ان اكون عند حسن الظن
Quote: والله الزقازيقاب أمركم عجيب كلما نتقارب نجد أنفسنا
أجذاء من بعض
|
فعلا الزقازيقاب امرهم عجيب
| |
|
|
|
|
|
|
|
|
|
Re: علاقات متفردة (Re: مشاعر بدوي)
|
جلا ....
والله مشتاقين طولت من الطلة ، قلت الزول الشليق ده قايل الحج مرتين فى السنة ولا شنو
| Quote: قلت ليك أرحك الخلا تجيني في بيتنا؟؟؟ |
يا زول انت رباطى ولا شنو
عامل حجتك بتاعت الدس دى ....
| |
|
|
|
|
|
|
|
|
|
Re: علاقات متفردة (Re: كمال الشادي)
|
الاخ الرائع الفنان كمال الشادى
Quote: شايفك بتوزعي دهب
عليك الله اعملي حسابي
|
ما عندك مشكلة والغالى يرخص ليك
وناس الزقازيق اجمل واروع واجدع ناس
| |
|
|
|
|
|
|
| |
مشاعر بدوي
الرشيد بابكر
زهير الزناتي
عفاف علي ميرغني
أبوبكر حامد الأمين
كمال الشادي
محمد عيد
موسي عيسي
محمد آدم النور
عبد الدائم سيد أحمد
عصام دهب
طارق جبريل
مجتبي فاروق
منصور عبد الرازق
حيدر حسن ميرغني
ميسرة سيد أحمد
ياسر نجيلة
محمد صديق
عرفة محمد سعيد
سامي عبد الوهاب إدريس
زينب التجاني
عبد الحفيظ عباس
أحمد إسماعيل
فيس بوك
تويتر
انستقرام
يوتيوب
بنتيريست