|
|
 صندوق التكافل الاجتماعي
|
اثبتت التجارب باننا في حاجة لتنظيم انفسنا كل ما سنحت الفرصة لذلك . عدد كبير من الاعضاء مر بظروف اجتماعية عديدة مثل الوفاة والمرض وبعض المناسبات المفرحة ولم يكن وقتها علي اهبة الاستعداد النفسي او المادي ... كنا نعاني كثيراً في جمع مبلغ مالي لاعانة بعضنا البعض وكان علي الدوام اعتمادنا علي بعض الناس بعينهم حتي ارهقناهم ورغم ذلك لم يبدو تذمراً او تواني عن الواجب لحظة ...
تكوين صندوق التكافل الاجتماعي جاء نتيجة لمشاورات عديدة مع اعضاء كثر في السودان والسعودية وكانت حصيلة النقاش ان مبلغ مالي راتب صغير من كل عضو يغنينا عن ارهاق هؤلاء الاعضاء وفي نفس الوقت يعين الحالات الاجتماعية الطارئة ....
|
|
  
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
رغم ان الظرف قد يبدو غير مواتي في راي الكثيرين ... الا ان هنالك بعض الظروف الطارئة هنا وهناك تجعل من الامر هام وعاجل وملح ....
تقوم الفكرة علي الدفع الذاتي بحيث او الدافع الذاتي بحيث ان الصندوق هو الضمانة الحقيقية لكثير منا في مواجهة الكثير من مصائب الحياة ونكباتها وبنفس القدر افراحها .... مبلغ شهري بسيط يستقطعه كل منا لدعم الصندوق ... قد يشكل له نقطة جوهرية في حياته في يوم ما .... او لزميل او صديق عزيز .... وقد تكون مسالة حياة او موت ...
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
فكرة جميلة يازهير ( صندوق التكافل الإجتماعي )ومهم جدا جدا
لكن قبل الصندوق يجب تنظيم أنفسنا إذ لا يعقل نحن في الرياض
عضويتنا تفوق (50) عضو منهم عشرة أعضاء بالمنبر لا نجتمع إلا
في ظروف غير عادية ، مفروض تكون لنا لجنة تجمعنا بطريقة منظمة
في المناسبات وتجمعنا لمراعاة ومناقشة مصالحنا ويكون لنا تكويناتنا
الخاصة والتي منها أيضا تستفيد الجمعية الأم
| |
|
|
|
|
|
|
|
|
|
Re: صندوق التكافل الاجتماعي (Re: أحمد إسماعيل)
|
كلام مظبوط احمد اسماعيل .... مفروض تكون عندكم اجتماعات راتبة ولجنة فرعية .... طيب رايك شنو تفتح بوست للفكرة ونحن ندعمك ونشد من ازرك .... انا شخصياً اعتبروني واحد من اعضاء ناس الرياض وكمان معاي اخوي الكاشف بتاع الجبيل واكيد ما ناسي الكاشفة بتاعتي .... لو اجتماعكم شهرياً.... اها انا بجيكم شهر والكاشف شهر ....
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
سلامات يا ناس
الفكرة جيدة ...وكلام احمد اسماعيل مظبوط
لازم تكون فى فرعيات فى المناطق ببلاد المهجر
زى ما نحن بنسعى لتكوين فرعيات بالولايات ونجحنا
فى مدنى وعطبرة وفى مساعى فى كوستى وربك...
| Quote: اها انا بجيكم شهر والكاشف شهر .... |
تحياتى للكاشفة ...لكن احسن ليكم تعملوا تجمع فى الجبيل
عشان يكون سامى الرئيس وانت نايبو والكاشفة لشؤون العضوية
مش بتعمل شاى لبن مقنن؟؟
| |
|
|
|
|
|
|
|
|
|
Re: صندوق التكافل الاجتماعي (Re: الرشيد بابكر)
|
ابو الزوز ....
الفكرة في الصميم ... ولا اعتقد يوجد معارض لها
ان شاء الله في ميزان حسناتك ... حتي ولو بالنيه ...
واقتراح عملي ...
تقرر في السابق ان يدفع كل عضر مبلغ عشرة دولارات كاشتراك شهري ...
ممكن ان نحول هذا المبلغ شهريا لصالح هذا الصندوق ...
مع امكانيه دفع اشتراك السنه كلو مرة واحده ... لمن استطاع اليه سبيلا ...
ولكن يظل السؤال ...
من هم الأعضاء الملتزمين بذلك ... مطلوب حصر دقيق
اين يوضع هذا المبلغ ...
وماهي اللجنة المكلفة بتسيير العمل
وماهي معايير الصرف والدعم ....
ونطاق الدعم هل هو للأعضاء فقط ... ام لكل ناس الزقازيق
===========================================
غايتو لجنتنا في ابوظبي ...
انا والرشيد وكاشفننا الاتنين .....
| |
|
|
|
|
|
|
|
|
|
Re: صندوق التكافل الاجتماعي (Re: ياسر نجيلة)
|
نجيلة يا حبيب .....
قطعت شوطاً كبيراً في اعداد لائحة الصندوق .... اهم ملامحها ..... ان الاشتراك ...
50 ريا ل شهري .... او 15 دولار .... او 30 جنيه سوداني ....
يستفيد منه الاعضاء فقط ... اي الذين قاموا بتسديد اشتراكاتهم ... وهؤلاء لا يحتاجوا سوي موافقة اثنين من اعضاء اللجنة للتصديق علي الدعم .... اما الخريجين من غير اعضاء الصندوق يستفيدوا بحدود 50% كحد اقصي لما هو مرصود لنفس الحالة للاعضاء المشتركين في الصندوق وبموافقة اكثر من نصف اعضاء اللجنة ....
اعضاء اللجنة المقترحين حتي الآن ...
اثنين من جده
اثنين من الرياض
اثنين من الخرطوم
وناس ابوظبي وما جاورها الا تتموا خمسة عشان نعمل ليكم عضو في اللجنة
امانة المال حتي الآن علي عبد الدائم النضيف .... وممكن التسديد شهر بشهر او سنة كاملة ... في راي الانسب كل ثلاثة اشهر ... للاسباب التالية :
1/ اولاً عدم ارهاق العضو مالياً.
2/ عدم استنزاف موارد الصندوق في فترة قليلة ..
المرشحين من جده اضافة لعبد الدائم ، ميسرة سيد احمد
ومن الرياض .... منصور ... وموسي عيسي
ومن الخرطوم ... محمد صديق + اضافة للريس معتصم
ودي ترشيحات ... بس اكيد راعينا فيها عامل السن وكده .... والماعندو كبير يشتري ليهو كبير ..
الكلام الفوق ده كله اقتراحات قابلة للنقاش ,,,, مش زي ناس الشركة ....
انعل ابو التهميش ذاتو
| |
|
|
|
|
|
|
|
|
|
Re: صندوق التكافل الاجتماعي (Re: ياسر نجيلة)
|
الحالات واجبة الدعم ...
الوفاة : العضو ... الزوجة ... احد الابناء ... احد الوالدين ...
المرض : العضو ... الزوجة ... احد الابناء ... احد الوالدين ...
الزواج : العضو (مرة واحدة) ... احد الابناء ... احد الوالدين ... خليكم جادين في النقطة دي بالذات
الوضع : اذا رزق احد الاعضاء بمولود جديد ...
| |
|
|
|
|
|
|
|
|
|
Re: صندوق التكافل الاجتماعي (Re: الرشيد بابكر)
|
يا كوتش .... سلامات ...
امبارح عجبني للترجي يتغلب خمسة ... عشان غلب الهلال خمسة ومن مازيمبي الغلب الهلال خمسة ..... عقبال الهلال يغلب الصفاقسي بالخمسة ..
تعرف نتيجة المباراة دي سلاح ذو حدين زي ما حا تحبط الصفاقسي ودي فيها قولان للثبات الانفعالي او الانفعال الثباتي زي ما بقول الرشيد بدوي .... الا انه لعيبتنا ممكن ينوموا علي العسل ويجوا ضامنين الماتش لانو ما عندهم ثبات انفعالي ...
المهم
لابد ان تكون هنالك لجان فرعية ... تحديداً في جدة والرياض وتتكون لجان من ثلاث او اربع اعضاء نشطين لتسيير النشاط ...
بخصوص لجنة الصندوق .... لا اعتقد ان لديها مهام سوي متابعة المالية والتي يجب ان تكون لديها آلية وهي التحويل البنكي وهو سهل جداً في هذه البلاد .... وكذلك تحديد الحالات المسحقة للدعم ودي ممكن بالتلفون ....
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
زهير ياحلو ياعزيز والله فرقتك كبيرة وظاهرة
عزيزي الفكرة جميلة ومنطقية جداً وهي نواه لعمل إجتماعي كبير خاصة إذا دعمت من الأعضاء وتكللت بالنجاح
حيث يمكن تطوير الفكرة بإنشاء صندوق تكافلي إستثماري خاصة إذا كان هناك فائض معقول ،
وهذا بالطبع يتطلب من كل الأعضاء الإلتزام بالإشتراكات وإستقطاب أي دعم إضافي متاح
وأقترح أن يتم تكوين لجنة متفرعة جغرافياً مع التركيز على الأعضاء النشطين .
لك مني كل الود عزيزي زهير وتحياتي لجميع الزقازيقاب الغاليين
| |
|
|
|
|
|
|
|
|
|
Re: صندوق التكافل الاجتماعي (Re: ياسر نجيلة)
|
العفش داخل البص علي مسئولية صاحبه .... والكلام ما بين القوسين علي مسئولية مولانا عادل الحسين ....
Quote: ابوالزوز سلاماولا حمدلله على سلامة الاولاد وامنيات باقامة سعيدةثانيا فكرة صندوق التكافل ممتازة ونؤيدها ونؤمن على مقترح اللائحةلكن الهرشة واضحة فى فقرة الزواج الاولى(اثر الاغتراب ظهر) وشايف الكلام كله سعودية وخرطوم والتهميش مابيتجزأ ولاخشم بيوت ياابوالزوز
|
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
يا سلام عليك يا أبو الزوز
دائما سباق لكل ما هو كبير وعميق
نثني الفكرة وبشدة
أكدت تجاربنا هنا في هذا الحوش (ناس الزقازيق) أن الإجتماعيات كان لها نصيب الأسد من إهتمام كل الأخوان لذلك وجود فكرة مثل هذه يمكن أن يُكتب لها النجاح باذن الله تعالى...
قال نجيلة
Quote: ولكن يظل السؤال ...
من هم الأعضاء الملتزمين بذلك ... مطلوب حصر دقيق
|
في رأيي كل الناس الموجودين هنا:
كل ناس الزقازيق... عناوين وهواتف
وقد آن الأوان لنستفيد من هذه الداتا المحترمة
وأضعف الإيمان محاولة إستقطاب ما لا يقل عن 50 شخص لتكون البداية معقولة
| |
|
|
|
|
|
|
|
|
|
Re: صندوق التكافل الاجتماعي (Re: سامي عبد الوهاب إدريس)
|
سلام يا بسكو والاشواق بلا حدود ..... ياخي والله فرقتوا معاي فرقة شديدة .... الواحد كان حاسي بانه للحياة طعم بوجودكم في حياته .... بس آدي الله وآدي قدرته .... يا حبيب انا في راي ممكن يكون في استثمار بس في اضيق الحدود وفي اشياء تقبل ان تسيل بسرعة دون ان تفقد شئ من قيمتها وقليلة المخاطر حتي ولو كانت قليلة الارباح مثل .... الاوراق الحكومية ... والعقارات .... فقط لا غير .... ده طبعاً بعدما يكون في فائض وعشان ما نعمل دبل ويرك مع ناس الشركة ..... ومن الاشياء المهمة التي يمكن للصندوق ان يقوم بها ان يمنح سلفيات لاعضاءه تسدد باقساط في اجل قصير لا يتعدي العام فمن اراد ان يتم حق البيت او العربية او رسوم اولاد في الجامعة او حتي اجازة مندكلة في ماليزيا ما عليه سوي الاتصال باحد اعضاء اللجنة ويحدد الاجل الذي سوف يسدد فيه القرض ..... ولا رايكم شنو يا ناس ...
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
العزيز زهيرالزناتي
الله يديك العافية
ويخليك دخر لينا إن شاء الله
الفكرة قطعا رائعة
الله يقدرك عليها
إنت عملت حاجات اعظم من دي قبل كده
وربنا يكتبا ليك في ميزان حسناتك يوم لقياه ان شاء الله
وكمان كلام محمد إسماعيل ممتاز ورائع
وأعتقد الحاجة الممكن نناقشها على النت في شهر
ممكن ننتهى منها في جلسه واحدة بتاعة ساعتين أو ثلاثة وبعدها عشا ونشوف بعض
خلي المشروع
دعوة للتلاقي في اجازة عيد الاضحى
أجندتها
العيدية
ونغني
وننقاش الصندوق الاجتماعي
والشركة
ولك التحية
| |
|
|
|
|
|
|
|
|
|
Re: صندوق التكافل الاجتماعي (Re: سامي عبد الوهاب إدريس)
|
نجيلة اخانا الذي في الامارات يغسل العدة سلامات ... وتحياتي لبت الشيخ التي تقبض علي الامور بيد من حديد .....
لا اعتقد من الصواب تحديد سقف محدد ... لان الامور تخضع لكل حالة علي حده ثم حالة العضو ومن ثم حالة المالية نفسها ... لذا يجب ترك الامر لدراسة اللجنة وهو دورها الاساسي والهام ....
اتفق معك في ان العدد يجب ان يكون فردي .... ولا مانع في ان يكون عدد ناس السودان زائد واحد .... فمثل نهلة نجم الدين لا يمكن ان تكون خارج عمل كهذا ..... بس حكاية حسم التصويت اتمني الا يلجا لها الناس في مثل هذه المسائل الانسانية الجميلة ...
لك ودي
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
يا جماعة شايف كلام مولانا عادل الحسين ده مريتو فيهو مرور الكرام .... علي العموم الناس لازم تتفق حول حتة الزواج دي اول مرة ولا مرة واحدة ويتخيل لي المسالة تفرق .... غايتو انا مع الراي القائل بانه اول مرة او لظروف خاصة تجعله كانه للمرة الاولي .... يعني ناس الدبل ديل ما معانا .....
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
عارف يا ابو الزوز من اسبوعين وانا عايش فى قلق
بخصوص زميلتنا نوال البلول ، تكلفة العملية كبيرة
يا ربى نحن حنعمل ليها ونقدم ليها شنو .....
هل نعتمد على المساهمات الفردية من الاصدقاء والمقربين
هل فى كل مرة ينحصر ذلك الدور عليهم فقط
انا شايف ده اسهل واحسن مشروع ممكن الناس تبتدى بيهو
والموضوع ما جديد علينا تتذكر لو واحد فى الزقازيق
زمان حصل ليهو ظرف طارى كان الناس بتعمل شنو ، فى ظروف تكاد
تكون كلها شبه متساوية .
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
يا سامي نحن ناس طماعين .... وخمسين نفر ما كفاية ... عايزين نبدا بمية عديل كده .... ويلا قول مية في خمسين بخمسة الف ريا ل سعودي في السنة بتطلع لينا 60.000 ريا ل وده مبلغ محترم خالص ...... ممكن يخلي الناس مطمئنة علي اي حاجة في حياتها .... يلا قول اقول ليكم دي بداية بتاعت حصر واي زول عايز طوالي يكتب اسمه ومساهمته ويرسلها طوالي لعبد الدائم علي الحساب التالي ..... ونكون عمليين والوقت لا يسمح الا بالعمل الجاد
Quote: بالنسبة للحوالات الخارجية
البنك الاهلى التجارى - جـدة
رقم الحساب : 0 1 1 0 0 0 4 6 1 6 1 7 1 1
0 1 1 0 0 0 4 6 1 6 1 7 1 1 0 0 0 0 0 1 3 9 IBAN : SA
عبدالدائم سيداحمد محمد
|
وبرضو حا اتصل بالناس في الداخل والخارج لشحذهم ليس للاشتراك وانما لتحويل مساهماتهم مباشرة ..... لعبد الدائم او الشخص الذي يحدده ناس الداخل وانا بقترح الكوتش محمد صديق ...
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
زهير الصاروخي ...
على السريع ...
هل تم الاتفاق على اعضاء اللجنة
السودان: محمد صديق – الريس معتصم _ نهلة نجم الدين
جده : عبدالدايم النضيف – الريس ميسرة
الرياض : منصور الابنوسي – موسي عيسي
الاخ سامي اكيد بوست العناوين مهم للغايه ... وفوائده لاتحصي ... يعطيك العافيه ...
نرجو من بقية الشباب التداخل حتي نستنير بآرائهم ...
واقترح ان يفتح حساب خاص باللجنة لايداع الاشتراكات والتبرعات الخاصة بالاعضاء
في بنك اسلامي بفوائد اسلاميه على أن:
يكون هذا الحساب بالخارج – جده مثلا لسهولة وسرعة التحويل لكل البلدان
ان يكون حق التوقيع لاثنين من أعضاء اللجنه – مثلا عبدالدايم والريس ميسرة
وان تعتمد تواقيعهم منفصلة لإدارة الحساب – حتي إذا حصل ظرف لأحدهم تمكن الآخر من إدارة الحساب – ظرف سفر مثلا ...
افكر شويه وجايكم ....
==============================
هسع عليك الله ياابشنب ...
اخير غسيل العده ولا رمي الطعمية ......
| |
|
|
|
|
|
|
|
|
|
Re: صندوق التكافل الاجتماعي (Re: ياسر نجيلة)
|
تمام يا نجيلة الله يديك العافية .... وتجي بالنجيضة .... والملخص المفيد .... حينما لا يعترض احد او يرشح شخص جديد يعني ذلك الاتفاق علي المجموعة الحالية .... يلا يا ناس ورونا همتكم ... في كلام نجيلة ....
--------------
يا نجيلةالاثنين حارات .... العدة لو كتيرة اخير منها الطعمية وحتي اسال الرشيد ...
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
معليش يا ابوالزوز مجموعة "ظبطيات" نأت بي عن هذا المرتع
الفكرة غاية في الواقعية ومطلب ملح للاستفادة من توالفنا وتألفناوتنم عن فهم ووعي ...
بلورتها "وتسويتها" على نار هادئة يجنبنا الفشل لا سمح الله
يقيني ان كل الاقتراحات الواردة هنا موافق عليها من الجميع ولكن ذلك يحتاج الى ان يؤكده الجميع هنا
على الاقل معظم الذين وردت اسماؤهم في مقترحاتكم اعلاه يملكون مفتاح هذا المكان فليفتحوا الباب ويدخلوا ومن ثم "المتاوقين"
اصبحنا نصبح ونمسي على بعضنا بسهولة ويسر فدعونا نجتمع "كلللنا" على فذلكة الامر حتى تمام نجضه
----
كلام كمال الشادي دا كويس ....
برنامج حافل ذو اجندة "معلومة" للجميع يخرج بالامر الى بر الامان
---
وعلى قدر اهل العزم تأتى العزائم ...
-----
قلت لي تعبان من الغاز والموية ....
اوع يكون بقولو ليك طلع "الزبالة" معاك
| |
|
|
|
|
|
|
|
|
|
Re: صندوق التكافل الاجتماعي (Re: جلال عثمان)
|
الاخ زهير
فكره فى منتهى الجمال
بس شيايفاكم مهمشين ناس نورس امريكا مع انو نحن مجموعه لاباس بها
والله العظيم حانلتزم بالاشتراك الشهرى
عايزين زول يكون مسئول مننا هنا فى جمع القروش من الناس وارسالها مره واحده الى الاخ عبد الدائم
| |
|
|
|
|
|
|
|
|
|
Re: صندوق التكافل الاجتماعي (Re: مني عباس)
|
يا مني سلامات والله لن نجد افضل منك من نجعله قيماً علي اهل امريكا وشمال امريكا والدول المجاورة ..... انا غايتو ارشحك بلا تردد ويلا نشوف تلفونات ناس حنان مجمر ، كوثر داوؤد ، حسين شنقراي ، السهيلي ، اشرف زين ، الصادق قرشي ، والحاج حاتم جبارة الولد سابقاً....
وكمان في مولانا اسامة جاد الله النعيم ده جاكم جديد كرت .... والقائمة تطول ...والباب فاتح ...
| |
|
|
|
|
|
|
|
|
|
Re: صندوق التكافل الاجتماعي (Re: مني عباس)
|
والله يا جلال في ناس كتير من خارج البوست اتصلوا يدعموا الفكرة ..... المهم الباب فاتح والكل يا ريت يمر من هنا ولو بكلمة واحدة ...
--------------
Quote: قلت لي تعبان من الغاز والموية ....
اوع يكون بقولو ليك طلع "الزبالة" معاك |
يا ود يا خبرة انت ....
| |
|
|
|
|
|
|
|
|
|
Re: صندوق التكافل الاجتماعي (Re: مني عباس)
|
Quote: عارف يا ابو الزوز من اسبوعين وانا عايش فى قلق
بخصوص زميلتنا نوال البلول ، تكلفة العملية كبيرة
يا ربى نحن حنعمل ليها ونقدم ليها شنو .....
هل نعتمد على المساهمات الفردية من الاصدقاء والمقربين
هل فى كل مرة ينحصر ذلك الدور عليهم فقط
|
يا نضيف
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
يا شادي الفكرة عن الناس كلها .... بس كان لي شرف ان اخرجتها لحيز النقاش ....
موضوع الصندوق يبدو لي شبه منتهي .... الناس ماكدة علي كل الحاجات .... لمة العيد ضرورية يلا نمشي لبوست احمد اسماعيل ... ونجهز لي لمة جميلة في العيد ...
| |
|
|
|
|
|
|
|
|
|
Re: صندوق التكافل الاجتماعي (Re: جلال عثمان)
|
نحن في الرياض بقينا علي الجد في تكون لجنة يوكل ليها
القيام بترتيب الامور لذا نحن في ضربة البداية والكلام
لناس فطومة بت ابراهيم !!!!!! ( مع المعذرة لبنتناالظريفة
فطومة ). و المقصود معروف !!!!!!
و نتمنى من باقي المناطق في الداخل و الخارج سرعة اتخاذ اللازم.
بتنا الرقيقة دوما منى عباس كيف حالك و الله ليك وحشة فالتحايا
لكي و لباقي الاسرة الكريمة ، شنو حج حاتم جبارة دا ما حرك فيكم
حاجات روحانية و كده آمل التفكير في زيارة المملكة يعني دي دعوة
صريحة آمل التفكير .و اكرر اشواقي .
| |
|
|
|
|
|
|
|
|
|
Re: صندوق التكافل الاجتماعي (Re: أبوبكر حامد الأمين)
|
يا شباب لو تتبعنا مشاركة كل الناس المباشرة
أو عن طريق الهاتف لتجد أن الكل مؤيد الفكرة تماماً
ولكن ألفت نظر بعض الإخوة وخاصة الذين ينتظرون الاخرين
ولننفض عنا غبار التراخي والسلبية وهذا المشروع هو مشروع
كبير ومهم وقد يغير في شكل مفهوم التجمع الزقازيقي ،،، تمر بنا
حالات زقازيقين وتنحصر بين الهواتف وبعض الإخوة سريعي الإستجابة ولا يعلم
بها الكثيرون ،،، هذا الصندوق التكافلي سوف يحل كثير من الإمور ،،، وما تجربة
أخونا على عبدالمعروف وتكلفة عملية أختنا نوال البلول والتي كان الدعم الزقازيقاب
المالي لها صفر% والحمد لله إكتملت العملية وكتب لها النجاح وما زالت في طور التعافي
ما بعد العملية.
هيا لنطور أنفسنا ونستفيد من تجارب غيرنا ولتكونوا فعلاً مميزين عن غيركم.
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
الريس ميسرة .... حضوره يعني ان الامر قد وصل بالفعل لمرحلة الجد الذي لا يقبل التمهل .... هي مناشدة من هنا لكل الناس في الداخل والخارج بان يقوموا بعمل النفير وان الامر لا يحتمل التاخير ....
| |
|
|
|
|
|
|
|
|
|
Re: صندوق التكافل الاجتماعي (Re: أحمد إسماعيل)
|
ابو عمر سلامات .... بحمد الله الاشتراكات توالت علي عبد الدائم ووصل الرقم الي مبلغ محترم وقد قام الصندوق بدعم حالة اجتماعية .... في انتظار عبد الدائم يرسل لي كل المساهمين حتي اقوم بانزالها في الجدول ورفعها مع هذه المساهمات ... لك الشكر والتقدير
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
شغل نضيف والله
يا شباب والله دا أهم مشروع نقوم به من خلال تجمعنا دا
وأنا متأكد إنو خلال فترة وجيزة جدا ممكن يكون عندنا مبلغ قد يسهم في حل مشكلات كبيرة جدا
بالتوفيق إن شاء الله
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
أبو الزوز مساء الخيرات
اعلامكم ضعيف يا أبو الزوز فيما يخص الصندوق...
أرجو تذكير في البوست العام من حين لآخر...
أنا لم أدفع اشتراكاتي حتى الآن...
و أود صادقا أن أقوم بذلك...
بس ما لاقي الوقت لذلك...
هل نحول على حساب عبد الدايم؟؟؟؟
| |
|
|
|
|
|
|
|
|
|
Re: صندوق التكافل الاجتماعي (Re: موسي عيسي)
|
الاخ الكريم زهير
كيف الحال
شلت رقم حساب البنك حق عبد الدائم ومشيت البنك عشان اودع الاشتراك بتاعى( لمدة سنه) طلبوا منى مليون معلومه
عندكم طريق تحويل غير الطريقه دى افيدووووونى
| |
|
|
|
|
|
|
|
|
|
Re: صندوق التكافل الاجتماعي (Re: مني عباس)
|
سلام و تحية لكم جميعاً ..
و الله عالم بما أقول لم أشاهد هذا البوست و لم أقرأه إلا اليوم إثر تصفحي للبوست الرئيس ..
و طبعاً أنا عرف نفسي مقصر ,, شوية مشغوليات ، و مناكفات ، و أدعو لينا بالروقة بس ..
و مع ذلك أن تأتي متاخراً خير من أن لا تأتي .. صاح ..
أنا معاكم ..
| |
|
|
|
|
|
|
|
|
|
Re: صندوق التكافل الاجتماعي (Re: عصام دهب)
|
الاخت مني عباس راجعي الماسنجر ....
الاخ عصام دهب مرحب بيك .. وما فاتت شي ....
يلا يا ناس همتكم معانا ... هنالك الكثير من الحالات الاجتماعية التي تحتاج الدعم ....
ناس الداخل محمد صديق يلا ننتناقش ... ونشوف ممكن الناس تكون فرع الداخل كيف ...
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
سلامات يا ناس
| Quote: ناس الداخل محمد صديق يلا ننتناقش ... ونشوف ممكن الناس تكون فرع الداخل كيف ... |
تعال لى فى الماسنجر احسن.
شايفك ضاربنا طناش...
ايميل مصطفى وحاجات تانية.
| |
|
|
|
|
|
|
|
|
|
Re: صندوق التكافل الاجتماعي (Re: محمد صديق)
|
بواسطة الأخ/ موسى عيسى
إستلام إشتراك (6) أشهر بمبلغ (300 ريال) من / أحمد محمد إسماعيل
إستلام إشتراك (3) أشهر بمبلغ (150 ريال) من / حامد آدم صاغة
إستلام إشتراك (3) أشهر بمبلغ (150 ريال) من / عصام عبد الرحمن محمد جلي
عناية الأخ زهير من أجل إنزالها في جدول المساهمات
الإخوة الأعزاء زهير وموسى عيسى
أرجو تعديل جدول المساهمات بحيث يستوعب هذا الإيضاح
الظاهر مايتفع معاكم إلا الأسلوب الجلاوي وهو
الحقوق تنتزع ولاتستجدى
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
احمد اسماعيل سلامات ... كدي اولاً ادينا فاتحتنا بعدين نشوف موضوع الصندوق ...
طبعاً المبلغ استلمه عبد الدائم جملة من موسي عيسي والذي زودني بالتفاصيل التي انزلتها اولاً ... ثم عاد وصحح لي ما ذكرته في الاعلي الا اني قد سهوت فلك وللاخوة العتبي والاعتذار ... اصلوا اليومين ديل محتاج لي هارديسك تاني وزيادة رامات ... الله كريم
| |
|
|
|
|
|
|
|
|
|
Re: صندوق التكافل الاجتماعي (Re: محمد صديق)
|
اها يا جماعة عدلنا وش البامية ... واتفقت مع عبد الدائم اي مبالغ تصله يرسل لي منها نسخة بالايميل ... عشان ما نلخبط الباميات ... عموماً الدنيا اول شهر واي واحد ما دفع يسارع بدفع مساهمته ... يلا يا جماعة لاهمية الموضوع ...
| |
|
|
|
|
|
|
|
|
|
Re: صندوق التكافل الاجتماعي (Re: جلال عثمان)
|
تشكر يا ابو الجل علي التفاعل .... كل الناس تقريباً عليها دفعة جديدة حتي الذين دفعوا قبل ذلك
عليهم ان يدفعو الآن لمرور اكثر من اربعة اشهر .... يعني الناس تدخل يدها في جيبها وتتوكل علي الله
| |
|
|
|
|
|
|
|
|
|
Re: صندوق التكافل الاجتماعي (Re: زهير الزناتي)
|
سلامات يا ناس
| Quote: يعني الناس تدخل يدها في جيبها وتتوكل علي الله |
نحن برضو ندخل يدنا ....
عملنا مداخلة دعم ..وابدينا الاستعداد للمشاركة ...وما اشتغلتو بينا
نرسل قصيدة ...الناس تجليها ...
نرسل قصة ...برضو الناس تجليها ...
نقول الصندوق ...تصهينو ..
نقول كرت الجزيرة ....برضو طناش...
نقول النضيف ...يطلع ماسورة بلاستيك ....
ورونا نعمل شنو ...(من غير اللقيمات طبعاً)
| |
|
|
|
|
|
|
|
|
|
Re: صندوق التكافل الاجتماعي (Re: محمد صديق)
|
والله مقصّر
ومتلوّم
مرة مرة ألكزونا... ذكّرونا... ولا حتّى............................................. أهرشونا
ما مهم..
بس المهم ماااااااااااااااااااااااااااااااااااا تطنشونا
______
عُلم وسوف نقوم باللازم
| |
|
|
|
|
|
|
| |
زهير الزناتي
أحمد إسماعيل
محمد صديق
الرشيد بابكر
ياسر نجيلة
عمر هواري
سامي عبد الوهاب إدريس
كمال الشادي
عبد الدائم سيد أحمد
جلال عثمان
موسي عيسي
أبوبكر حامد الأمين
ميسرة سيد أحمد
عصام دهب
فيس بوك
تويتر
انستقرام
يوتيوب
بنتيريست