دعواتكم لزميلنا المفكر د.الباقر العفيف بالشفاء العاجل
|
|
 دعوة للتضامن000 حاج الركز يطالب بالانفصال
|
تداعى الى نظرناعبر كيبوورد برلوم عجوز ان حاج الركز
احتج واعلن رغبته في الانفصال
وهناك قوة خارجية تدعم هذا الموقف
يا جماعة انا ضد تشتيت الجهودوالحركات الانفصالية
وتعالو ادعموني لايجاد لغة مشتركة مع هذا الحاج الركز التكتيكي
وانتهى البيان
|
|
 
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: عفاف علي ميرغني)
|
نشجب و ندين مثل هذه الدعوات الانفصالية و نعلن وقوفنا و تضامننا بكل ما أوتينا من قوة مع فافي ضد كل القوى الخارجية التى تساند و تدعم التفرقة و التشتيت بين أصحاب الباسورد الواحد...دام باسوردكم موحدا...و لا نامت أعين الجبناء...
حكمة اليوم
أسأل مجرب و لا تسأل طبيب...
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: عفاف علي ميرغني)
|
| Quote: الثريات لما تنفصل تتلألأ00 |
يا فافي
أكرر كامل تضامني مع الثريات والنجوم
وانا من جانبي حأقوم أبحث وأفتش في تاريخ جامعة الأحفاد وأجيب ما يثبت انها
تابعة لجامعة الزقازيق وأقوم بسرعة أتقدم لطلب باسوورد لبت الشيخ أم ديمة عشان تنفصل مني ...
من باب التضامن مع بنات الشيخ وحقوق المرأة وكده ..
وانت يا ركوزتي ... الله يجازي محنك ورطني معاك .. ما بتقول لي انك ما بتشوف !!!! باسوورد شنو العليك تقوم تروح مننا وتدخل ليك في بوست من البوستات الكثيرة البي هناك دي وتغطس وما نلقى طريقة نطلعك ...
نصيحتي ليك .. خليك كدة .. وأمشي اعتذر لفافي وقول ليها : ((( الله يخليك لي يا عيوني ))) .... وانشاء الله حتسامحك .. انت ما عليك امشي اعتذر بس وما يهمك ... قال باسوورد قال ...
أمشي يا عميان ....
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: عفاف علي ميرغني)
|
| Quote: والا خلاص لقيتو حاج الركز مسكين قمتو عليهو.. |
ياجبارة 00 مسكينة انا
3جيفارات وابوهم الذي ورثهم التكتيك
(يعني اناضل من اجل تثبيت حقوقي)
غايتو لغاية الان المتضامنين معاي سند
والله يا حاج الركز تتكتك اي تكتيك مفاجئ
سوف اهتف واهتف (رد باسويردي) على وزن رد قلبي
واشحورك الايام الجاية000 خلي موسى عيسى ينفعك
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: Hatim Gubara)
|
من حيثيات رفض الانفصال
1/ حاج الركز يتصفح البوستات بعيونى (سبق ذكره)
2/ لما يبدأ صباح يومنا تعودنا ان نتصفح بوست ناس الزقازيق مع شاى الصباح
يعنى فى لحظة بنكون روح واحدة فى جسدين 000 يعتى لما يكون عنده باسوورد لحاله ح نضطر لشراء
كمبيوترين اكيد ح يكونوا فى مكانين مختلفين وبالتالى تزداد المسافات اتساعا
شعار المرحلة:
كان خوفى منك جاى
من لهفة خطاك
على المواعيد الوهم
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: عفاف علي ميرغني)
|
Quote: / حاج الركز يتصفح البوستات بعيونى (سبق ذكره)
2/ لما يبدأ صباح يومنا تعودنا ان نتصفح بوست ناس الزقازيق مع شاى الصباح
يعنى فى لحظة بنكون روح واحدة فى جسدين 000 يعتى لما يكون عنده باسوورد لحاله ح نضطر لشراء
كمبيوترين اكيد ح يكونوا فى مكانين مختلفين وبالتالى تزداد المسافات اتساعا
] |
يا حاج الركز الحقنا..
فافي كلاما منطقي..
رمت ليها تميمتين حتكتل بيهن قلبنا..
شكلك كدا حتمسك قوي في موسى عيسى وزهير..
عندي إقتراح.. win-win
حاج الركز ياخد الباسويرد.. مع استمرارو في شاي الصباح..
والقرايه بعين فافي..
وبكدا يكون وفر يكتب (من حاج الركز)..
وفافي كسبانه روح حاج الركز لسه معاها..
| |
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: Hatim Gubara)
|
يا جماعة الزول ده زولى وانا بعرفو
باسويرد منفصل ما بينفع معاهو
الزول ده لغاية ما يصحوهو الصباح
قوم يا حاج قوم يا حاج
اها فى الآخر قام
وصل الجيفارات المدرسة
كل الكلام ده وهو لسه لابس العراقى
جا راجع ولسه فيهو باقى نوم
شرب شاى الصباح
فافى قرت ليهو اخبار الصباح
لففتو ليك على البوستات كلها
زولى ما شليق , حاتورونى ليهو
قال ليها امتبى واكتبى ونزلى الصورة ديك والصورة ديك
نزلتها المسكينة
طلعتو من البيت بى عيونو الكعبات ديل وصلعته التجهر
يقعد ليك فى كمبيوتر المكتب
الراجل عايز ياخد ليهو لفة تانية
هى عاد لكن كبفن
وانت خليت عيونك فى البيت
ونصك الحلو مافيش
قاعد بى نصك المر
نفسيات ساى يا حاج الركز
باسويرد ليك مافى
وارعى بى قيدك
هسى الزول ده اسالوهو
سجلت للأنتخابات
ولا انت زيى
لسه ما تميت التمنتاشر ؟؟؟
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: منصور عبد الرازق)
|
من حاج الركز
مالك عايز تحذلنى ياحاتم جبارة .كنت واقف معاى وقفة سمحةمايضللك منصور
اولا الزولة دى ليها كم سنة كدة استقلت منى اقتصاديا ورفضت هذه التبعية وقلنا ماشى لانها واحدة
من اشكال التحرر للمرأة . كمان اتا من جانبى ارفض كل محاولات ادخالى فى فلك التبعية بكل اشكالها
دلوقت ياحاتم انا جالس برااااى فى الكمبيوتر،،، وانشاء الله لما آخد الباسويردبرضك بتلقانى حايم الحيشان دى براى ودة مابيمنع جلسة شاى الصباح .
يامحمد صديق تعال مارق لى برة
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: Hatim Gubara)
|
ليس الوطن قهوة امى الصباحية انما الوطن الرفاق..
فافى رفيق دربك حاج الركز رغم انه ورمنا فى رحلة اسوان بمنعنا من الاستمتاع بالقروش الخاتنها للرحلة لكن كمان انا ما برضى فيه
يا ستى خلى زهير يديه الباسوورد.. يومين تلاتة ينساه ويرجع يتصفح بعيونك ويستمتع بشاييك الصباحى يا مدهشة..
فاتن جبارة .انا نجاة حوفى ممثلة لبرايات البوست.. ولا نامت اعين الجبناء العملاء الامريكان..
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: نجاة حوفي)
|
شوفي يا حوفي..
أنا فاتن.. دي في..
قلتي عميل وجبان.. ما مشكله..
على الأقل موقفي واضح.. (صاح في حبه تذبذب)..
لكن انتي كسيرك للتلج للجانبين دا ما بسألك عليهو..
Quote: لكن كمان انا ما برضى فيه
... ويرجع يتصفح بعيونك ويستمتع بشاييك الصباحى يا مدهشة..
|
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: Hatim Gubara)
|
Quote: لكن انتي كسيرك للتلج للجانبين دا ما بسألك عليهو..
|
دي تاخد عشرة من عشرة علي قول جلال وسامي ... قوية وتستاهل الأوسكار ...
يا نجاة حوفي من أجل التاريخ والجغرافيا ، يجب أن تتضامني مع فافي ..
اما انا فقد أعلنتها داوية .. كامل التضامن مع حاجز الركز ... بس ما عشان التاريخ والجغرافيا لأنهم في صالح عفاف .. اولاً إذا تحدثنا عن التاريخ فهي دفعة ونديدة والفرق بيناتنا كله شهور ..
اما للجغرافيا فهي بت حارتنا ... ولكن لأسباب موضوعية ...
الجماعة سألوني قالوا لي بت نور دي منو ..؟
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: عفاف علي ميرغني)
|
Quote: معتمده علي البرايات وما شغالين بيها..
في عيدميلاداتهم وحاجاتهم.. |
ياجبارة مهما هم تأخروا فانهم ياتون.Quote:
يا ستى خلى زهير يديه الباسوورد.. يومين تلاتة ينساه ويرجع يتصفح بعيونك ويستمتع بشاييك الصباحى يا مدهشة..
|
لكن ياحوفى يومين ثلاثة يكون على المجهود مجهودين ،، اساسق مابين الكمبيوترين والباسويردين لغاية مااطش زى طشة الريس معتصم جعفر مابين منبرناس الزقازيق والمنبر العام.وفى الآخر تعب منهم الاثنين
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: زهير الزناتي)
|
يا فافي
انا زول خفيف خلاص
تزعزعي من مواقفك
طوالي اغير مواقفي
انا ما بقدر على زعلك
انا قصدي نسخن البوست بس
عشان نعمل فريقين وتطلع النكت والقفشات الحلوة
عايزة تغيري مواقف
انا غيرت رأئي وعنها ما طلعت القفشات يا ستي
فافي
الموضوع كله انا عايز اقعد اسجل ليكم انا والاشواق
وانزلها ليكم في البوست ده
عشانك عارفها عاجباك
واقول ليك حاجة
انشاء الله اديني كم يوم اسجلها ليك
عشان بس تاني ما تهدديني
وتقولي لي اغير وما اغير
خليك كده عليك الله
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: Hatim Gubara)
|
Quote: واقول ليك حاجة
انشاء الله اديني كم يوم اسجلها ليك
عشان بس تاني ما تهدديني
وتقولي لي اغير وما اغير
خليك كده عليك الله |
يا شادي مساء الخير
حاج الركز تعال نهمس ليك بالكلمتين ديل يمكن تجهجه زهير وموسى عيسى ومن لف لفهم
كنا نسكن في بيتين
صرنا نسكن في بيت
ونصب القهوة في فنجانين
على طاولتين000
اهلكنا الشوق
فاحرقنا طاولة
ووضعنا فوق الطاولة الاخرى
الفنجانين
وازداد الشوق بنا
فكسرنا فنجانا
وملانا االاخر00
نصف القهوة لي والنصف لك
صار لنا قلب يختصر العالم
في اثنين
شعار المرحلة
حاجة فيك تقطع نفس خيل القصائد
| |
|
|
|
|
|
|
|
|
|
Re: دعوة للتضامن000 حاج الركز يطالب بالانفصال (Re: عفاف علي ميرغني)
|
فافي سلامات وليك وحشة ... قلنا قبل نجيب الباسويرد لصديقي حاج الركز نسأل منك ... لأنك من يوم جبتي سيرة الموضوع ده أختفتيتي ... اها لو في أي حاجة عليك بالإتصال سريعاً بمنصور عبد الرازق من أجل لملمة الموضوع ودياً ... وإذا فشل وفي عنكبة شنبكة ... عندك البارجة نورمان شاورزكوف وهو إسم الدلع لدفعة وإذا فشل وتم تدجينه من قبل قوات المناوئة المقيمة طرفهم ... ممكن تستعيني بأسلحة الدمار الشامل ود الجعلي ودي ذاتها سمعنا إنها بقت أسلحة الحوار الشامل ... في كل الأحوال يمكنك ضرب الجرسة في المنبر هنا ... وغايتو يمكن تلقي ليك مساعدة ... والله يكون في عونك ...
| |
|
|
|
|
|
|
| |
عفاف علي ميرغني
الرشيد بابكر
زهير الزناتي
عبد القادر بابكر
محمد صديق
منصور عبد الرازق
Hatim Gubara
موسي عيسي
كمال الشادي
نجاة حوفي
مجتبي فاروق
حنان مجمر
محمد آدم النور
جلال عثمان
فيس بوك
تويتر
انستقرام
يوتيوب
بنتيريست