|
|
 حياكم حياكم ياغاليين
|
سلامات ياناس الزقازيق والله ماتتخيلوا كمية الفرح بلقاكم ياغاليين وزي مابقولوا مصيرو الحي يلاقي
الشكر الجزيل بلا حدود للاخ الباشمهندس بكري ابوبكر في اتاحته الفرصه الجميله لجمع شمل اخوه لطالما ظلت قلوبهم وعقولهم معلقه بمدينه
جميله فجرت في دواخلهم اسمى معاني الاخاء والانسانيه
الشكر للاخ والصديق زهير الزناتي والاخوان الاعزاء عصام دهب وعبد الدائم سيداحمد على مجهوداتهم المتواصله للم شمل الاسره ماعدمناكم
ان شاء الله
|
|
 
|
|
|
|
|
|
|
|
Re: حياكم حياكم ياغاليين (Re: حنان مجمر)
|
البت الجميلة والصديقة العزيزة حنان بت مجمر يا سلام عليك ... في اللحظة الكنت عايز أمشي الفيس بوك عشان أقول ليك تعالي علي الجماعة خلاص دربك بقي أخضر لقيت حضور وكامل الإنتباه .. مرحب بك في عالم ناس الزقازيق ... حيث الحب والود والوصال ...
| |
|
|
|
|
|
|
|
|
Re: حياكم حياكم ياغاليين (Re: طارق جبريل)
|
تحايا حارة لأجدع ناس
الواحد حقيقي مبسوط جداً لدخوله حوشكم العامر والذي كنت (اتاوق ليه من فوق الحيطة )
وكنت مستمتع جداً منذ منتصف الطريق وحتى الميل 101
حقيقة ناس الزقازيق أجدع ناس .. ناس بطعم الشهد وكل أنواع الفواكه الحلوة ..
أناس عظماء رسموا أجمل اللوحات هناك .. في تلك المدينة التي لازالت تاسرنا بالذكريات الجميلة واللحظات الثمينة
التي اصبحت جزءاً هاماً في حياتنا ..ثم تفرقوا في بقاع الأرض لينثروا عصارة تجربتهم في كل الدنيا .. داخل الوطن وخارجه
اتمنى ان نتواصل ونتفاكر ونخطط حتى نصل لماهو منشود وأكثر
الشكرللصديق زهير وللمهندس بكري والتحية لأهل الحوش جميعاً ..
عمر بسكو
| |
|
|
|
|
|
|
|
|
|
Re: حياكم حياكم ياغاليين (Re: حنان مجمر)
|
اهلا بالاعزاء زهير وطارق جبريل والعزيزه زينب التجاني والحوش منور باصحابو والله سعيده جدا اكون مع العقد المنضوم بخيط النور وطلة ورده من السور
التحايا للكل
| |
|
|
|
|
|
|
|
|
|
Re: حياكم حياكم ياغاليين (Re: جلال عثمان)
|
Quote: تحايا حارة لأجدع ناس
الواحد حقيقي مبسوط جداً لدخوله حوشكم العامر والذي كنت (اتاوق ليه من فوق الحيطة )
وكنت مستمتع جداً منذ منتصف الطريق وحتى الميل 101
حقيقة ناس الزقازيق أجدع ناس .. ناس بطعم الشهد وكل أنواع الفواكه الحلوة .. |
دا انت العسل والله بابيه ....
نورت ياعمر ... تحياتي لك والاسرة
| |
|
|
|
|
|
|
|
|
|
Re: حياكم حياكم ياغاليين (Re: سامي عبد الوهاب إدريس)
|
أحلى سلام و أغلى تحية لبنتنا ( الراشكاوية ) الزقازيقابية / حنان مجمر ..
و حبابكي عشرة و جيدن جيتي و مقامكي زين و قنبي طولا ..
أهلاً حللتي و سهلا نزلتي .. و منوررررة ..
و تحيات و تراحيب بيك و زوجك الفاضل و العيال الأعزاء ..
و في أنتظار جميل مشاركاتك ..
| |
|
|
|
|
|
|
|
|
|
Re: حياكم حياكم ياغاليين (Re: عفاف علي ميرغني)
|
مرحب بيك حنان مجمر وانت تبدين من حيث توقف الاخرين
ما دايرين نقول ليك كلام حفلات الاستقبال زمانك
اهلا بكم زاد للمسيرة ووقودللثورة
ما عارف ياتو ثورة
زنرحب ايضا باخونا عمر بسكو
يا جماعة والله منورين
اخونا د.سعيد ابراهيم هارون كان لمن يجينا واحد يطفىء النور ويقول ليهو منور
الزول ده في خبر منو
| |
|
|
|
|
|
|
|
|
|
Re: حياكم حياكم ياغاليين (Re: Hatim Gubara)
|
الاعزاء الغالين ...
الف الف مبروك المنبر الجديد وانشاء الله دائما الي الامام ..وانشاء الله دائما في زيادة...
العزيزة الغالية ... حنان مجمر مرحب بطلتك البهية ...ومنورة الحوش...
كيف حالك وكيف البلد الباردة ديك معاك ...وكيف الحلوين وضاحة ووجن وعزوز وحمودي انشاء الله كلهم بخير وكيف حاتم...
بالله تحياتي ليهم جميعا...
عثمان الجيلي
| |
|
|
|
|
|
|
|
|
|
Re: حياكم حياكم ياغاليين (Re: حنان مجمر)
|
والله ياجماعه الواحد حاسي كانو نحنا متجمعين في الاتحادكدا ولسه الناس جايه من شارع القوميه وكلنا امل
وحيويه والريس ميسره مظللنا بالحمايه والرعايه وعثمان الجيلي شايل الشنطه الكبيره جايب لينا اخبار القاهره وعصام دهب متوشح بالشال المميز وعندو افكار لندوه جديده والزناتي بالبال الطويل كل ماحرت هو يبردا
والبقيه تاتي ان شاء الله
| |
|
|
|
|
|
|
|
|
|
Re: حياكم حياكم ياغاليين (Re: حنان مجمر)
|
الاخت العزيزة والغالية
حنان المجمر عيسي
بي ناتنا منورانا
ومامعانا سيرتك منورانا
نور بيتنا
يوم ما جيتنا
الله يرد غربتك
ظافرة وغانمة
تحياتي لكل اسرتك العزيزة
وما تنقطعي
وبلاش تلفي بالحلة البي هناك
حلتنا دي احلى من غيرها
والله ما كده
| |
|
|
|
|
|
|
|
|
|
Re: حياكم حياكم ياغاليين (Re: حنان مجمر)
|
حياك يا غالية.. نورتى بيتك
شفت المسج على الفيس بوك وعرفت من منى عباس انكم لميتوا فى بعض. ربنا يجمعنا كلناوما يفرقنا..
دايما ارواحنا متلاقية.
ترحيب حار بعمر بسكو.
اجمل الامانى واحلى التهانى لكل الرائعين والرائعات..بمناسبة عيد الاضحى ربنا يجعل ايامنا كلها اعياد.
دمتم سالمين نجاة حوفى
| |
|
|
|
|
|
|
|
|
|
Re: حياكم حياكم ياغاليين (Re: نجاة حوفي)
|
سلامات يا ناس
Quote: سلامات ياناس الزقازيق والله ماتتخيلوا كمية الفرح بلقاكم ياغاليين وزي مابقولوا مصيرو الحي يلاقي
|
نفتقد حنان بت المجمر...
علِّك بخير واسرتك
ماتجى بعدين تقولى متابعة ومستمتعة.
| |
|
|
|
|
|
|
|
|
|
Re: حياكم حياكم ياغاليين (Re: محمد صديق)
|
عارفا يا حنان
انا غبت لي غيبة شنة كده وكمية من الناس إتصلو يسألو مني
حقيقي فرحني طبعاً الناس تسال مني لكن زعلت إني غايب من الناس غصباً عني
جيت راجع الليلة افتش
واقرا كل البوستات القديمة
لقيت بوستك ده زي ما خليتو زماااااااااااااااااااااااااااااااااااان
مسئولة من الخير
وين يا زولة
على مابنعرف حسب توقيت ام القرى
إنو البرد خلاص كسح
إنتي لسه تحت البطانية والله شنو ؟
| |
|
|
|
|
|
|
|
|
|
Re: حياكم حياكم ياغاليين (Re: كمال الشادي)
|
سلامااااااااااات يااهلنا
والله مشتاقين الله يعلم مسكنا منكم الشديد القوي ودايما انتوا على البال
كيفكم والوليدات واماتهم وابواتهم-- والعزابه العرس متين بعد دا
وعلى قول كمال الشادي البرد زاتو كان عامل لينا نفسيات
كدا امشي اشوف البوستس حاصل فيها شنو
زهير الزناتي سلامات وانت دايما روحك رياضيه كما عهدناك
| |
|
|
|
|
|
|
|
|
|
Re: حياكم حياكم ياغاليين (Re: حنان مجمر)
|
حنو يا حنه
انا صدقت حكاية إنو البرد بيجي معاهو حاجة كده إسمها
البيات الشتوي
وعلى ما قروها لينا في الكيمياء هي حاجة تعسيلة بتاعة كم شهر كده نوووووووووووم
إنعل ابو الزفت
كل ده بيات شتوي
الحر في الرياض طلع عينا
وإنتي لسه بيات شتوي
صح النوم
مشتاقين ليك كتير يا زولة
| |
|
|
|
|
|
|
|
|
|
Re: حياكم حياكم ياغاليين (Re: كمال الشادي)
|
شكرا ياشادي
المشكله في برد كندا انت شايلو في راسك وحايم ياريت لو كان في بيات شتوي كان بكون تمام لكن وين مع الجري الشديد ياحليل السعوديه والبيات الشتوي تحت المكيفات
وين ياجماعه مافي زول تاني معبرني ياالنسيتونا وقلتو مانسيتو
| |
|
|
|
|
|
|
| |
حنان مجمر
زهير الزناتي
طارق جبريل
زينب التجاني
عمر هواري
ياسر شبيكة
جلال عثمان
سامي عبد الوهاب إدريس
عفاف علي ميرغني
منصور عبد الرازق
موسي عيسي
محمد عيد
محمد صديق
حيدر حسن ميرغني
Hatim Gubara
مدثر أبا يزيد
كمال الشادي
نجاة حوفي
فيس بوك
تويتر
انستقرام
يوتيوب
بنتيريست