|
دعواتكم لزميلنا المفكر د.الباقر العفيف بالشفاء العاجل
|
|
 Re: استديو الذكريات (Re: كمال الشادي)
|
تمام يا شادي وفكرة جميلة ... كنت أود أن أقترح عليك ذلك حتي نترك البوست المعني للتوثيق ... حتي لا تتفرق دماء البوست بين الموضوعين ... التهنئة لك ونحن متابعين .. عندي إقتراح إنزال الصور كل صورة منفصلة في مداخلة لوحدها وترقم ... أو ترقم بنفس الطريقة الحالية ... حتي يتم الغلاط بالأرقام يعني الصورة 3 فيها فلان وعلان وهكذا ...
من يثني
| |
  
|
|
|
|
|
|
|
|
Re: استديو الذكريات (Re: زهير الزناتي)
|
انا أبدأ ليك بالصورة الأخيرة ...
خديجة التوم ... نور الهدي (بيسا) ... كمال الشادي ...
خديجة التوم تعمل معلمة في مدارس الصحافة ومتزوجة من إنسان فاضل ويحب ناس الزقازيق جداً ولديها إبن ... تسكن الأزهري ... وهي جارة لناس كمال الشادي ... نزورها من حين لآخر ...
نور الهدي (بيسا) من حي الضباط أمدرمان ... شخصية طيبة وجميلة لأبعد الحدود .... متزوجة وتقيم في نيالا ...
كمال الشادي ... لا أخبار منه منذ فترة .... تقارب الإسبوعين ...
| |
|
|
|
|
|
|
|
|
|
Re: استديو الذكريات (Re: كمال الشادي)
|
يا الله يا الشادي يمين نفس الكان في خاطري
بس منصور سبقنا للفكرة
انداح ياخ
الله يديك العافية
لكن يا حبيب صورك دي شكلها قبل ما امتحن ابتدائي
طارق جبريل الدفعة البعد دفعة ناس فافي
| |
|
|
|
|
|
|
|
|
|
Re: استديو الذكريات (Re: طارق جبريل)
|
تمتحن شنو يا كبير
يمين يا طارق جبريل
صلعتك الفوق راسك دي براها خمسين سنة
وسكنك مع امين السمين براهو خمسين سنة
وصياعتك في بلد المغاربة لغاية هسي انا حاسب ليك من يوم بديت لغاية الليلة تلاثين سنة
يا كبير
| Quote: لكن يا حبيب صورك دي شكلها قبل ما امتحن ابتدائي |
| |
|
|
|
|
|
|
|
|
|
Re: استديو الذكريات (Re: كمال الشادي)
|
| Quote: صلعتك الفوق راسك دي براها خمسين سنة |
يا حبيب حاتم جبارة ما قاليك الصلعة دي بقت اسطايل ياخ
غايتو يا شقي الحال ان بقى طردوني من البلد ياكا انت السبب
الله لا كسبك
هسي النبي فيك الصلعة دي ما صلعة تمنطاشر سنة
ياخي دة شنب بطن أمه
| |
|
|
|
|
|
|
|
|
|
Re: استديو الذكريات (Re: طارق جبريل)
|
اولا" كل زول يحضر قدامو مناديل ورق لزوم البكا وكدا
وثانيا" يا ايها البرالمة عشان تحفظو الصور دى فى جهازكم
وتبقى ملككم قم بعمل الاتى :
* انشى ملف جديد بجهازك واختار له اسم صور الزقازيق
* عندما تريد ان تحفظ الصورة بجهازك اضغط بزر بالماوس الايمن
على الصورة المراد حفظها تظهر لك قائمة اختار SAVE PICTURE AS
* قم بحفظ الصورة فى ملفك صور الزقازيق واختيار اسم للصورة بصيغة JPEG
وبالهناء والشفاء
الصورة رقم ( 8 ) آثرتنى عديل كده يا كمال
جلوسا" نعمات البشير زوجة الزقازيقى عبدالوهاب التركى --- اقبال سليمان بت المسعودية
وقوفا" الشادى -- عثمان على ادم --- ،، ----
الزول بتاع الايقاع البحمــر لعاطف على هرشنى عديييل لو انا محل عاطف زمنى طوالى بفرق
| |
|
|
|
|
|
|
|
|
|
Re: استديو الذكريات (Re: عبد الدائم سيد أحمد)
|
سلامات يا ناس
يا حبيب ...الفكرة جميلة لكن بيحصل للزول
تشويش لانك بتشوف كل الصور وبعد داك الناس
ببقو طشاش فى راسك ...او تجيب ورقة وقلم
وعيييييييييييك لما تتمهم ..زى امتحان علم
النفس التعليمى ..
راحع مقترح زهير ...ينوبك ثواب يااسطى.
| |
|
|
|
|
|
|
|
|
|
Re: استديو الذكريات (Re: محمد صديق)
|
يا محمد صديق
كتر خيرك على مرورك
اهم حاجة
نزل لينا الصور المعاك وداسيها من زمااااااااااااااااان
| Quote: راحع مقترح زهير ...ينوبك ثواب يااسطى. |
الزناتي اقترح نرقم الصور
وانا رقمتها رأيك شنو
في تاني اقتراح انا جاهز وحاضر
تحياتي
| |
|
|
|
|
|
|
|
|
|
Re: استديو الذكريات (Re: كمال الشادي)
|
الصور
الصوووووووووووووووووووور
الصور
ياناس
نحن فعلا فتحناهو استديو للذكريات
لكن مش للمرور وبس
ختو صوركم المعاكم عشان ننعش الذاكرة شوية بي الناس اللينا سنين ما شفناها
الصور
الصور
صورتك الخايف عليها ...........
| |
|
|
|
|
|
|
|
|
|
Re: استديو الذكريات (Re: كمال الشادي)
|
بوست فى السلك
عمليا تنفيذ فكرة عدم الغلاط ما ممكنة
لكن البقصده , هو وجود بوست صور توثيقى مرادف فى الفكرة واوسع فى المضمون لى بوست سامى بتاع الشخصيات والداتا
خلاص مافى مشكلة
نكمل غلاطنا اللذيذ هنا
ونكلف واحد من الكمبيوترجية ينقل الصور بعد ما الغلاط ينتهى وتستقر الأسماء
لى بوست جديد , كل مداخلة فيهو عبارة عن صورة تحتها الأسماء زى ما عمل مرة العجوز قدورة بى امكانيات رائعة ومرتبة
طيب , انا حا اخد منحى غلاط مختلف
فى كل صورة حا اركز على زول , زميل او زميلة مختفى او مقطوعة اخباره ليحكى عنه الناس ويدلى كل بمعلومات عنه قديمة او جديدة مما يعرف
مثلا
مثلا فى الصورة رقم واحد , منو المع رفعت وحمدى والشادى دى
ورقم اتنين , نابغة دى كانت جارتنا فى الصحافة , اين هى الآن ؟؟
فى الصورة رقم اربعة , محمد العصامى فى اقصى يسار الصورة جلوسا
فى رقم ستة , انصاف نصر الدين الثانية من اليمين وقوفا و ثم عزة عباس الرابعة وقوفا , ثم احلام الحويرص الثانية من اليسار وقوفا بالأحمر
رقم 8 , وين الزول الأسمو عثمان محى الدين ده , لم اقابله او حتى اسمع باخباره منذ تخرجه
الصورة رقم 10, دى صورة من النوع البقصده فى التوثيق الصورى , بعد ما تخلصوا غلاط , ممكن كل زول يكتب فيها الأسماء وتتعلق فى الصالون عااااادى
لاحظوا فيها (فى وسط الصورة رقم 10 يسار الزول اللابس جلابية وعمة , اخونا عصام ابو قرجة , وين الراجل ده ؟؟
والصورة رقم اتناشر تحمل فى صدرها ابن بيت المال الذى اشرنا اليه فى سبب معرفتنا بالريس معتصم , كمال اما فى امريكا او كندا حاليا
وهكذا
| |
|
|
|
|
|
|
|
|
|
Re: استديو الذكريات (Re: منصور عبد الرازق)
|
يا الشادي 000 انا المتضررة 00
لانه من امبارح حاج الركز تعالي شوفي دي منو ؟؟ودا منو؟؟
عليك الله نزل صورة صورة 00 نتعرف على ناسها 000 ونكتب عنهم شوية 00
وبعدين ننقل للتانية وهكذا 00 مع الاحتفاظ بالترقيم00 (ذي سكشن النبات ياناس زراعة000 انئل)
فكرة البوست جميلة 00 وبكل ثقة ح انزل ناس زمني 000 وزهير ح يطشش (عشان ما يقول دفعتي) 00 ياطوني حنا000
نجي للصورة رقم واحد 00 (على فكرة انا استعرت براية نجاة وزينب معا 00 للبوست دا)
كمال الشادي 00 هويدا مصطفى (زراعة00 صناعات غذائية ياابنوسي 00) حمدي 00 ورفعت
| |
|
|
|
|
|
|
|
|
|
Re: استديو الذكريات (Re: عفاف علي ميرغني)
|
منصور سأل اسئلة كتيرة عن ناس كتار
خلوني اجاوب على واحد
وباقي الناس يتولو الباقي
| Quote: فى الصورة رقم اربعة , محمد العصامى فى اقصى يسار الصورة جلوسا |
محمد العصامي بعد تخرجه من الزقازيق معهد تجاري
درس من جديد معهد الموسيقى والمسرح ( كلية الموسيقى )
درسة ( صوت )
وبعد تخرجه ارسل لي شريط مع زاهر الصادق وكان وقتها صوته وصل مرحلة من الاجادة والاحترافية تؤهله ليكون أحد الرواد للعهد الحالي
ولكنه ( حسب آخر ما سمعت ) آثر مجال التدريس في معهد الموسيقى والمسرح وهو الان استاذ هناك ...
للذين لا يعرفون محمد العصامي
هو ...
برلوم دخل الزقازيق
يعزف العود كما يعزفه محمد الامين
يغني أغاني محمد الامين بكل جرأة
ويغني في مقامات وأماكن كنا نعجز أن نجاريه فيها
يعلم الله انه كان الافضل
لكنه بحكم دراسة المعهد التجاري
لم يجلسل كثيرا في الزقازيق
| |
|
|
|
|
|
|
|
|
|
Re: استديو الذكريات (Re: كمال الشادي)
|
يا طارق جبريل
صورتك بي صلعتك البتلمع دي اكتب قبلها ( صورة رقم 24) حسب توجيهات الوجيه زهير الزناتي
يا عفاف
صورة الدعوة النزلتيها اكتبي قبليها ( صورة رقم 25 ) حسب توجيهات الوجيه زهير الزناتي
وجرى العلم
| |
|
|
|
|
|
|
|
|
|
Re: استديو الذكريات (Re: كمال الشادي)
|
كمال ياحبوب
غايتو عاوز أحاول الاندياح بس عليكم الله زول يسكت لي عبدالدائم دا
المهم شوف ياحبيب
الفكرة جميلة وبنجيك بالصور وما اليه بس خلينا في الاول نعلق
صورة (1)
النظافة ظاهرة وما محتاجة اااااي تعليق خصوصا في ناس جابت سيرة بنطلون "الشواربي"
وزول كدة قال هو اول واحد اشتراهو وبعدين حمدي "قلدوا"
صورة (2)
ما شاء الله وعيني باردة، من زمان كمال ونابغة ديل عندي رأي كبير اوي في اناقتهم
نابغة دي ياجماعة مميزة جدا في اناقتها "خصوصا السلسل بتاع النضارة"
تحياتي لها واتمني ان تكون بألف خير 
صورة (3)
دي منو ياكمال ساعدنا بالله شوية
طبعا اخوك الدفعة البعد طارق جبريل 
صورة (4)
صحي بتاع الايقاع دا مالوا محمر لي عاطف على كدا، بس عجبني اندماج ياسر الرفيدة مع الاغنية
وكمال الشادي يامعاين من "الشـ" باب
صورة (5)
كمال والطيب شبس والجكس وبس
صورة (6)
والله كان ما احمد عوض مصنقر كدا، كان قلت ليك نادي الريس معتصم يشففنا
بجيك راجع تاني
وبي صوري كمان
| |
|
|
|
|
|
|
|
|
|
Re: استديو الذكريات (Re: محمد عيد)
|
صورة رقم ( 6 ) تخريج اداب 86 م
من اليسار : طه الحسن - احلام الحويرص - بدرية احمد صديق - خالدة - ابتهاج
عزة عباس - عبداللطيف - انصاف
جلوسا احمد عوض - محمد الزول ده كان شغال فى اذاعة كسلا صاح
،،،،،،،،،،،،،،،،،،
صورة رقم ( 29 ) يا محمد عيد الظاهر نصفو ده السمؤال
صورة رقم ( 30 )
صفية - جمال - رشا - الهام دوليب - محمد عيد ،،،،،
،،،،،،،،،،،،،،،
يا جلا اهو ده التانى وينو بنطلونك
من اليسار : السفاح - كمال - عبدالمجيد عيسى - عمر محمود - ،،،، - ياسر
على عبدالمعروف شايل البنوتة - ده انا ولا جلا .
| |
|
|
|
|
|
|
|
|
|
Re: استديو الذكريات (Re: محمد عيد)
|
طيب
الصورة رقم 26 , الراسو مقطوعة ده اكيد معاوية يحى , بالشكل الظاهر الذى يدعمه الأستنتاج الذكى , ياود يا ذكى ,
رقم 27من اليمين حاج الركز , عبد الحميد , عبد الحليم عباس , حسن خاطر , جمال مصطفى , صفاء عباس , منى عبد الواحد , مجموعة مصريين و بعدهم محمد عيد والباقين جليتهم
رقم 28 , من اليمين , حسين حسن حسين , عاطف مبارك , الطيب التكو , محمد العوض الطيب , عماد محجوب , حاتم امام , الزولة الظاهر نص وشها فائزة عثمان
رقم 29, من اليمين , محمد العوض الطيب , جمال عبد اللطيف و دكتور نور الدين عطبرة ,جليتو , عادل عبد العظيم , محمد عيد , والشايل الكاميرا قطع شك اسعد المصوراتى
رقم 30, صفية مساعد , جمال مصطفى , عبد الحليم عباس , رشا , جليتها , قند اليمن , محمد عيد والباقين جليتهم كلهم
صور تقوم النفس يوم الخميس ده
| |
|
|
|
|
|
|
|
|
|
Re: استديو الذكريات (Re: منصور عبد الرازق)
|
دييييييييييييييييييييييينك
البوست سخن
والله يا محمد عيد شغلك تمام التمام
انا عرفت في الصور النزلتها كلها
محمد عيد بس
ما كفاية كده ؟؟؟
خليني البس النظارة واشوف الباقين
| |
|
|
|
|
|
|
|
|
|
Re: استديو الذكريات (Re: كمال الشادي)
|
يا عبد الدائم صورتك النزلتها دي نزلها تاني واكتب قبلها او بعدها صورة رقم (31) حسب توجيهات الوجيه زهير الزناتي
البنطلون اللابسو في الصورة دي يا عبد الدائم
يا إنت مستفلو من حمدي الفضلي ياهو مستفلو منك
راجع الصور
| |
|
|
|
|
|
|
|
|
|
Re: استديو الذكريات (Re: كمال الشادي)
|
صور لانعاش الذاكرة
فقط للناس الذاكرتهم خربانا - سامعني يا طارق جبريل
صورة رقم (34)
شارع فاروق الزقازيق
صورة رقم (35)
سينما قصر الثقافة الزقازيق
صورة رقم (36)
مبنى المحافظة - الزقازيق
صورة رقم (37)
عمر افندي شارع البوستة - الزقازيق
صورة رقم (38)
كوبري المحافظة - الزقازيق
| |
|
|
|
|
|
|
|
|
|
Re: استديو الذكريات (Re: معتصم جعفر)
|
صوره 41 فى الخلف من اليمين
ابراهيم محمد الحسن\علوم\ مرتضى خالدالاحمر\صيدله\سامى طه حقوق واحمد تجاره
فى الامام ........... ثم معتصم سلمان ويسارا محمودماهر
| |
|
|
|
|
|
|
|
|
|
Re: استديو الذكريات (Re: محمد عيد)
|
صوره 43
تخريج زراعة 84
من اليمين .. حاتم امام - قمر الدولة الطيب - محمد عيد - مبارك احمد على
جمال عبد اللطيف - عبد القادر بابكر ( قدورة ) .
وفى الخلف يبدو عاطف القوز ( ابو نظارة )
| |
|
|
|
|
|
|
|
|
|
Re: استديو الذكريات (Re: محمد عيد)
|
صورة رقم 46
جماعة محراب الآداب والفنون
هذه الصورة بها عدد من الجوائز :
1- الاولى لأول من يتعرف على كل الشخصيات بها ( 100% ) .
2- كم عدد اعضاء سودانيز اون لاين فيها ؟
| |
|
|
|
|
|
|
|
|
|
Re: استديو الذكريات (Re: محمد عيد)
|
محمد عيد
سلام
غايتو انا عرفته عادل الزاكى ,نوال عليها رحمة الله ,زاهر ومحمد عيد,السبكى صلاح ,منصور
والبقيه احسن اقول جليته عديل من كشفان حال النضيف.
| |
|
|
|
|
|
|
|
|
|
Re: استديو الذكريات (Re: معتصم جعفر)
|
الصوره 47 نترك التعريف فيها للاخ الشادى
الصوره48
معتصم سلمان ,سيف الاسلام حسن, عشه كروم وفاتن فضل
فى الامام عبدالعزيز بعشر وصباح مسجل الكليه
| |
|
|
|
|
|
|
|
|
|
Re: استديو الذكريات (Re: معتصم جعفر)
|
الصوره 50
معتصم سلمان ومجدى الزين وقوفا
البقيقه هم مؤسسى اسرة الخرطوم بالحقوق ينقصهم الريس اسامه دبلوك وهم من الشمال
احمد عثمان, الهادى الغول ,ابوبكر مكى , عبدالرحمن ,المرحوم مصطفى ابراهيم عمر
وسامى طه
| |
|
|
|
|
|
|
|
|
|
Re: استديو الذكريات (Re: علاء الدين محمد بابكر)
|
أول حاجة أهلا وسهلا بالماشمهندس علاء الدين بي جاي
يا شباب الباشمهندس علاء الدين من أنشط وألذ الناس في بوست المنبر الحار بتاع ناس هندسة الخرطوم
إتعرفت عليهو في النت
وطلع من اجمل الناس
نقاش جميل اصر الراجل إنو يكملو بالصوت اتصل على من السودان أكثر من ساعة ونص
إتكلمنا عن الكتب
قام صلاح مختار رسل لي مجموعة كتب بالبريد
ناس أجمل من الجمال واحلى من العسل
--------
الليلللللللللللللللللللللللة يا محمد عيد
علاء الدين ده من شكل صورو زول من زمن المهدية الاولى
سمعتو قال شنو
| Quote: بالمناسبة يا كمال، محمد عيد دة دفعتنا في الأميرية واحد.. |
سجم خمشك
يا محمد عيد
إنت ما طلعت دفعة بعانخي عديييييييييييييييييييييييييييييل
والله خبرتك في الفوتو شوب دي طلعت شمار في مرقة
وما نفعتك في اليوم الاسود
والله الظاهر اليوم الاسود عدا وإنت ما شاعر يا محمد عيد
| |
|
|
|
|
|
|
|
|
|
Re: استديو الذكريات (Re: كمال الشادي)
|
يا منصور عبد الرازق
إنت ما قلت في مكان ما إنو حاج الركز ده زولك وصاحبك
Quote: يا الشادي 000 انا المتضررة 00
لانه من امبارح حاج الركز تعالي شوفي دي منو ؟؟ودا منو؟؟
|
ما تلحق بت الناس دي يا منصور ينوبك ثواب يا أخوي
صاحبك حاج الركز ده ضيع استديو الذكريات زاتو
أظنو نسى إنو درس الجامعة وين ؟
حصل بت الناس دي عليك الله
| |
|
|
|
|
|
|
|
|
|
Re: استديو الذكريات (Re: كمال الشادي)
|
مرة ما شين في المساكن انا وعماد شريف بعد حفلة كاربة أبدعنا فيها
الدنيا عصرية كده
لاقانا منصور عبد الرازق ومعاهو يمكن خمسة والله ستة بنات من بنات زراعة
عماد شريف زعلان قال لي
إنت منصور ده قصتو شنو
قلت ليهو في شنو
قال لي لاهو اقيف مني ولا اقيف منك
ولا بيعرف يعزف أورج زيي ولا بيعرف يغني زيك
قلت ليهو صاح
قال لي كل ما يقابلنا يا معاهو خمسة والله عشرة بنات
يا أخي صاحبك ده حيرني عديييييييييييييل
هو الفنان والله نحنا الفنانين
قلت ليهو ما هو رئيس اسرة زراعة
دي دعوة لمنصور عبد الرازق عشان ينزل لينا صور ناس زراعة
| |
|
|
|
|
|
|
|
|
|
Re: استديو الذكريات (Re: كمال الشادي)
|
اولا ... تحية وترحاب كبيرين بأخى وزميلى
علاء الدين محمد بابكر ...
ونحن بالفعل كنا دفعة فى بحرى الاميرية واحد
تلك المناره الشامخة ...
وكان معنا من ناس الزقازيق ايضا اخونا / خالد محمدين - بيطره
لكن يا علاء الغريبة ما لاقيتك ابدا فى بوست الاميرية واحد بتاع اخونا طارق ميرغنى
الاخ الاكبر لزملاءنا حسن ومحمد ميرغنى ( حمدو ) قرايب استاذ الزين عثمان ...
طارق عامل نفير للمدرسة والحكومة شكلها تسببت فى خرابها لاغراض خافية ...
عموما اكيد اكيد حنتقابل وحأتداخل معاك وتوقع منى رسالة بالايميل
ويمكنك ان تراسلنى على [email protected]
بس خلينى أقــعـّد ليك ود الشادى العجوز ده فى علبو اولا ..!!!
| |
|
|
|
|
|
|
|
|
|
Re: استديو الذكريات (Re: محمد عيد)
|
كمال الشادى .. يا غناى ... هوى يا بتاع الوتر والصفارة .. ارعى بى قيدك ساى ..!!
اذا كنت انا بعاتخى .. والله انت ما تختى الديناصورات ابدا ...
يا جماعة شــهّدتكم وحلّفتكم بى الله ..
الزول ده برااااهو نـــزّل الكارنيه بتاعو الفرحان بيهو ده ..
شوفو تاريخه كان كم فى سنة رابعة ..؟؟ ... 1985 ...
لا حووووولا ... اذا كنت انا جيت برلوم سنة 84 ولو مغالط اسأل منصور والديناصور الكبير قدورة ..
بعدين تعال يا الشادى ...
انت فى الخرطوم القديمة الثانوية مش كنت دفعة ناس منصور ؟؟ .. يعنى قدامنا
وكنت طوالى مع فريق المسرح والموسيقى مع استاذنا الراحل عمر الحميدى ..؟
وكمان فى مرّة .. المدرسة كلها شافتك والناظر حسن عبيد الشايقى جارييك من تفتــك الكبيرة ديك ..؟
نســيت لما حسن عبيد الله يرحمو خلاك تمشى فى فســحة الفطور تحلق شعرك عند حلاق الجامعة حموده العركى الله يرحمو برضو ..؟؟
شكيتك لى الله يا ود الشايقى ...
هســـه بكره زهير ومجتبى فاروق يجوا يشمتوا فينا ويقولوا ما قلنا ليكم ديل كوامر ..
مدرسينهم كلهم مراحييم ..؟؟؟ !!
| |
|
|
|
|
|
|
|
|
|
Re: استديو الذكريات (Re: كمال الشادي)
|
يا محمد عيد
زي ما بقول طارق جبريل
الله لا كسبك
والله البزعلك إنشاء يموت
ده شنو ده يا المسنوح
ده محمد عيد والله أحمد طراوة
دفاع مستميت لاحولاااااااااااااااااااااااااااااااااااااا
جبت لي القديم والجديد كله
مدرسة الخرطوم القديمة كلها ديننننننننننننننننننك
حسن عبيد الشايقي
عمر الحميدي
سكتيش بتاع الرياضيات
مصطفي بو... بتاع الكيمياء
وجورج بتاع الكيمياء
وجبت لحدى الحلاق وبتاع الكافتيريا بتاع المدرسة
خليت شنو
الله يفضحك فضحتنا يا أخي
إعتراااااااااااااااااااف
انا عجوز وأكبر منك
إرتحت
خلاص بلاش فضائح
البزعلك إنشاء الله يقع من الدور الرابع قول آمين
| |
|
|
|
|
|
|
|
|
|
Re: استديو الذكريات (Re: كمال الشادي)
|
يا كيمو نصيحة مني و لله....
محمد عيد ده في حاجتين ما تهبشو فيهم.....
العمر....و المريخ...
غير كده قول الانت عايزو...
ولو اننا لما زرنا والدته في البيت كشفت لينا السر...
قالت لينا محمد ده صغيرووووووني...
بيني و بينك خفت يقوم يطلع لي حاجات كده و لا كده قلت أحسن احترم نفسي...
| |
|
|
|
|
|
|
|
|
|
Re: استديو الذكريات (Re: الرشيد بابكر)
|
Quote: إعتراااااااااااااااااااف
انا عجوز وأكبر منك
إرتحت
خلاص بلاش فضائح |
ما قلتوا نوبـــه ؟؟!
| Quote: البزعلك إنشاء الله يقع من الدور الرابع قول آمين |
تــبرى وتســتبرى يا يابا
ايوه كده خليك فالح واقعد هناك جنب الاولاد الحلوين ديل ...
********
رشا اللذيذ ...
| Quote: بيني و بينك خفت يقوم يطلع لي حاجات كده و لا كده قلت أحسن احترم نفسي... |
جاهزين سعادتك ...
وبرضو النصيحة منك كويســه لاخوانك الفالحين ..!
| |
|
|
|
|
|
|
|
|
|
Re: استديو الذكريات (Re: معتصم جعفر)
|
يا ريس معتصم
ده شنو ؟
Quote: الشادى يرفع الراية البيضاء امام محمد عيد
والرشيد يؤيد
قالو القارصو الدبيب بخاف من الحبل!! |
خلاص رفعنا الراية الخضراء والبنية والفوشيا
إنت اديها صنة وبطل تسخن الامور يا أخي
خليك محضر خير
محمد عيد ده طلع احمد طرواة في عز الانتخابات وهو يدافع عن عمرو
الله يحفظنا ساكت
| |
|
|
|
|
|
|
|
|
|
Re: استديو الذكريات (Re: كمال الشادي)
|
| Quote: فقط للناس الذاكرتهم خربانا - سامعني يا طارق جبريل |
بجيك يا شقي الحال
غايتو الفي صورة رقم 30 داك
الوراء قند اليمن بيكون جورج الكوتش \اته
لانه دي شلته بالضبط
ونحن كان مصاحبنا كدة تمامة عدد عشان خاطر الدرديري
يا جماعد نزلوا لينا صور قدرنا
نحن ناس صغاااااااااااااااااااااار
بعدين صور الريس معتصم دي ما عارف ليه بتذكرني عمي حسن العمره فوق الستين
| |
|
|
|
|
|
|
|
|
|
Re: استديو الذكريات (Re: طارق جبريل)
|
كده كويس يا ريس معتصم
| Quote: بعدين صور الريس معتصم دي ما عارف ليه بتذكرني عمي حسن العمره فوق الستين |
جبت لي نفسك الكلام من واحد صغيييييييييييييييييييييييييييييييييييييييرون
| |
|
|
|
|
|
|
|
|
|
Re: استديو الذكريات (Re: كمال الشادي)
|
كمال الشادي:
Quote: سجم خمشك
يا محمد عيد
إنت ما طلعت دفعة بعانخي عديييييييييييييييييييييييييييييل |
محمد عيد:
| Quote: اذا كنت انا بعاتخى .. والله انت ما تختى الديناصورات ابدا ... |
أنا اظني اشعلت حرب (ديناصورية)..
معليش يا خوانا..انا اصلو انا ومحمد عيد كنا بنقرا في الأميرية في منتصف التمانينات (حلوة دي)( حا الحق سريع سريع الون صوري الفاكيها في النت لزوم ظبط الزمن وكدة..
.
.
.
.
تخريمة:
يا خوانا كل عمر حلو بحاجاتو..
بتعجبني نوال السعداوي وهي بتفتخر بشيبها وشعرها المنكش..
| |
|
|
|
|
|
|
|
|
|
Re: استديو الذكريات (Re: علاء الدين محمد بابكر)
|
سلامات يا ناس
الشادى الفنان ...سلام
نحن فى التكنولوجيا دى باق للاعادة
لذلك مشاركتنا قليلة ..
Quote: مافى زول طلــّع الكوتش محمد صديق لى هســــه ؟؟ عوجه والله
انا لو منك يا كوتش منصور والشادى ديل باشـــفّط ليهم ..!!! |
صدق يا عيد اتلوموا الناس ديل ...لكن جبريل جا بعد كده خمّن
| |
|
|
|
|
|
|
|
|
|
Re: استديو الذكريات (Re: محمد صديق)
|
علاء الدين يا هندسة
Quote: أنا اظني اشعلت حرب (ديناصورية)..
|
حرب فعلاً
لكن ظريفة
انا عايزها تجي منك
وما تجي مني
انا محمد عيد ده ما قدرو ( قصدي ما قدر كلامو )
قول لي إنتو كنتو في الاميرية واحد في منتصف السبعينات صاح ؟
وكان محمد عيد قدامك
يا الله نزل لينا الصور
| |
|
|
|
|
|
|
|
|
|
Re: استديو الذكريات (Re: كمال الشادي)
|
بالنسبة لي لطفك والرقة يا فتان
ما كنت تظلم مَنْ قد أضحى بيك ولهان
تتركني للماضي.. مع إنو في الامكان..
تجدد الذكرى وتنسى كل الكان!..
يا روحي انصفني.. في حكمك
لأنو قاسي علي.. أنا يا حبيب ظلمك
كيمو يا فنان...الشغل الجميل ده بتاعك؟؟؟
| |
|
|
|
|
|
|
|
|
|
Re: استديو الذكريات (Re: الرشيد بابكر)
|
الرشيد الفنان
| Quote: كيمو يا فنان...الشغل الجميل ده بتاعك؟؟؟ |
الشغل الجميل ده ما أنا
لكن خلينا نديك السر
الشغل فعلا جميل بس لانو الجهاز شديد
من أخطاء العزف في المعزوفة السابقة إنو ما إستخدم تكنيك العود كأنه بيعزف عود طبيعي
يبدو واضح إنو بيعزف على كيبورد بصوت العود
كمان جميع آلات النفخ
لها تكنيك خاص عندما تعزف على الكيبورد - لم يتسخدم سابقاً
لكن العزف عادي وأكثر من عادي
وانا بشتغل أحسن من ده بكثير الحمد لله
مع كل إحترامي للعازف
لك ودي وحبي
| |
|
|
|
|
|
|
|
|
|
Re: استديو الذكريات (Re: محمد صديق)
|
التحية للشادي الفنان الذي إبتدع هذا البوست ..
فهو خير وسيلة لإنعاش الذاكرة ،، وزي ماقال النضيف كتروا من المناديل ..
فكثيرون ممن يروا صورهم سيتغنوا بأغنية " حليل زمن الجهل" :
إليكم هذه الصورة ..
الصورة بمناسبة تخريج العزيز أبو الزوز( بالقميص الموف)
| |
|
|
|
|
|
|
|
|
|
Re: استديو الذكريات (Re: عبد الدائم سيد أحمد)
|
يا عبد الدائم
تحياتي
الصورة فيها واحد زقازيقي دفعتنا
عنده ظرف صحي خاص جدا اذا جيت في الماسنجر يتيك اسمو التقيته امس
بصلاة الجمعة وحكى الحكاية بتاعت مرضه ولازمالناس تساعدهفي حكاية المرض ولنا باقترح ان تكون المساهمة 200 منكل زول قادر ناس برة يدفعوا عندك وناس جوة يدفعوا عندي
ودة زول مننا
يا جماعة
| |
|
|
|
|
|
|
|
|
|
Re: استديو الذكريات (Re: مبارك جادين)
|
مبارك
لو ما اتقابلنا فى الماسنجر حسب الظروف راسلنى على الايميل
ونحن مستعدين ، وربنا يشفيهو ودعواتنا له بتمام الصحة والعافية
وفى انتظارك
يا بسكو مشكورين على الصور الرائعة
ياخى نفسى فى صورة لمنى ناصر
انت عارف انا مرة شاكلتها فى السوق الشعبى الخرطوم جيت لقيتا
بالصدفة فى الزقازيق .... تحياتنا ليها من هنا لحدى جــــــــــبرة
| |
|
|
|
|
|
|
|
|
|
Re: استديو الذكريات (Re: عمر المهدى)
|
يا سلام عليك يا بسكو ... الصورة دي والله تاريخية
وقوفاً من الشمال لليمين :
عماد علي شقلي (كسلا تجارة) - راخية يعقوب الحسن - مامون إبراهيم (تربية كرمة) - عبد المحسن حمد عبد الحي (الجزيرة سابقاً الموردة حالياً تربية) - بركة - عمر هواري - احمد عمر الباقر -
جلوساً :
سامية إسماعين - أكيد ود الجعلي - زهير الزناتي - فارح - وليد مبارك
| |
|
|
|
|
|
|
|
|
|
Re: استديو الذكريات (Re: زهير الزناتي)
|
يا جماعة الإستديو ده بدون سيده مسيخ إقترح عمل مناشدة جماعية للشادي حتي يعود للبوست ألقه ... الشادي كان يعطي هذا المكان أريج ونكهة فريدة .... من هنا أوقع أولا
زهير الزناتي
| |
|
|
|
|
|
|
|
|
|
Re: استديو الذكريات (Re: زهير الزناتي)
|
ثانيا ...
في بعض الاسهامات اصبحت حقا مشاعا لمرتادي الحيشان ...
غياب اصحابها ... يكون بمثابة عقاب ... للمتابعين والمستمتعين ...
ظهورك ضروري .... ياشادي ...
عشان الجمال والمتعة تستمر ..
| |
|
|
|
|
|
|
|
|
|
Re: استديو الذكريات (Re: محمد صديق)
|
السلام عليكم ورحمة الله وبركاته ،،،
في قراية سريعة لقيت كوم سؤال
الله يديكم العافية ويسأل منكم الخير عثمان زاااااااااااااتو
المرة دي ان شاء الله قاعد ليكم في باب الحوش
وما بنغيب تاني
وانا اعتذر
شغلتنا ظروف بتاعت شغل وجاحات تانية
انا آآآآآآآآآآآآآآآآآآآسف
| |
|
|
|
|
|
|
|
|
|
Re: استديو الذكريات (Re: ميسرة سيد أحمد)
|
كتر خيرك يا ريس
وصلنا الصورة رقم (56) لحدي هسة
عقبال المية
بالله كلم لي عبد الدائم وزهير الزناتي
قول ليهم ممنوع البيع قدام دكانا
العندو صور بي جاي لو سمحتو
| |
|
|
|
|
|
|
|
|
|
Re: استديو الذكريات (Re: ميسرة سيد أحمد)
|
انا لو جيتك وشايل ( عدتى ) الا الاستوديو ده تعملو طابقين
وباب حديد سحاب .... ومع فتحة الباب تسمع كشكشة ... ثم
قل:
ماشاء الله
وللعلم انو الباب قزاز ... وقزاز شفاف ونضييييف لدرجة انو يتخيل لبعض
الناس الباب فاتح ... يا ابو نضارات اعمل حسابك
و تسمع بعد شويتين .. طاخ .. طراخ ... يا ســــاتر
هو الباب ده مقفول
| |
|
|
|
|
|
|
|
|
|
Re: استديو الذكريات (Re: عبد الدائم سيد أحمد)
|
يا المشتهنك وفي غيابك
على الطلاق ما بنوسوا
يا نضيف
يا عبد الدائم
عليك الله اكسر لينا رتابة البوست ده
والبوست العام كلو
رشنا بي شوية صور
تخلى حسابات الناس كلها تتلخبط
عليك الله
طبعاً اتوقعك اليوم
لكن حسب كلام الريس ميسرة إنو إنت ضعيف في تنزيل الصور
وما بتعرف تعمل سكاننج
وطالما ميسرة قريب منك في جده
انصحك تستشيرو
| |
|
|
|
|
|
|
|
|
|
Re: استديو الذكريات (Re: طارق جبريل)
|
عزيزي طارق ..
, فعلاً كان زمن جميل والله .. انا كلما أشوف الصور ألمح البراءة والطيبة في عيون الناس الحلوة
جمعتنابهم أيام وليالي كانت من أحلى أيام عمرنا ..
عرفنا أشخاص من ذهب بعضهم إلتقيناهم ثانية،، والبعض مثلكم ظللنا نتابع أخباره من على البعد..
نتمنى أن نلتقي بكم في ساعة خير ولمة عافية ..
| |
|
|
|
|
|
|
|
|
|
Re: استديو الذكريات (Re: عمر هواري)
|
شكراً يا طارق على الصورة السمحة دي
فعلا إنت طلعت بتاع امن
امين محمد الحسن أو امين السمين
صلاح الامين
حنان المجمر عيسى
عادل ود الجعلي
جمال فارح
مجدي النعمي
والباقي جليتهم
كتر خيرك يا طارق اضافة حلوة
نزل باقي الصور يا شيخ
| |
|
|
|
|
|
|
|
|
|
Re: استديو الذكريات (Re: كمال الشادي)
|
ياعمرنا ....
ياسلام ياخ الزول قريبي بابكر نقة دا كان دفعتكم ...
طيب كان كدة ضميناكم لحزب ناس ال 26 سنة الصغار ديك
يعني الدفعةالقدام ناس زهير طوالي ...
| |
|
|
|
|
|
|
|
|
|
Re: استديو الذكريات (Re: كمال الشادي)
|
الحاج الشادي
مبروك الحجه وجيت الحجه وطوف البيت
عافي منك ياكريم الوعد والاصل حجيت وحججت الوالده ربنا يرضى عليك دنيا واخره ويسهل ليك رزقك. عارف عندي بت اختي لما كانت صغيره تجي تقول ليك: هي ها انا بريدك. عشان كدا بقول ليك هي ها
| |
|
|
|
|
|
|
|
|
|
Re: استديو الذكريات (Re: عمر نملة)
|
نملوز يا راقي
كل سنة وانت بخير والف عافية
انت واسرتك كلها ان شاء الله
شكرا ليك كتير على مباركة الحجة
نحمد الله ان يسرها لنا
وامي وصلت الرياض بصحة وعافية والحمد لله
عقبالك يا جميل
| |
|
|
|
|
|
|
|
|
|
Re: استديو الذكريات (Re: عمر نملة)
|
الحاج كمال الشادى (غايتوا مامبلوعه) ولكن نعمل شنو الزمن كفيل بالتغير....مين كان يصدق انى حابقى حبوبه (منى) قريب
الف ميروك الحجه...وكل سنه وانت طيب....
قبل يومين مر بخاطرى شريط ذكريات جميل ...كورال اداب (حاول يخفى نفسه.. وهل يخفى القمر فى سماءه طبعا لا شفناه شفناه) ذكريات جميله...
كنت مبدع....(بس ماعارفه بعد الحجه الوضع حيكون كيف؟؟؟؟؟)
انا بفتكر انت اجمل ابداع مر على الزقازيق...لوما انت ما مرت سنيناالاربعه بهذه الروعه..
سلام للاولاد...
| |
|
|
|
|
|
|
| |
كمال الشادي
زهير الزناتي
طارق جبريل
عبد الدائم سيد أحمد
محمد صديق
منصور عبد الرازق
عفاف علي ميرغني
جلال عثمان
محمد عيد
محمد آدم النور
معتصم جعفر
أبوبكر حامد الأمين
الرشيد بابكر
علاء الدين محمد بابكر
عمر المهدى
عمر هواري
alt="23510_118492931498683_100000139299685_294309_8187652_n.jpg Hosting at Sudaneseonline.com">
ياسر نجيلة
ميسرة سيد أحمد
عمر نملة
فيس بوك
تويتر
انستقرام
يوتيوب
بنتيريست