إليها فى ذكرى ميلادها ..... لكِ كل العمر يا منى الروح

Quote: وددتُ لو عددتُ لكم سجاياها ، غير أن محدودية الأحرف تتقاصر عن صوغ مفردة تشبهها .

Quote: مليون شمعه ننثرها في طرقكم ... ونتمني لكم محبه واضاءه مشرقة لحياتكم التي تنضح حبا واحترام ...

Quote: عبدو عابدين جلد ببقى ليكم شنو ؟؟

Quote: كل سنة إنت ونصفك الحلو منى بألف خير

Quote: لحدى الواحد ما يركز شوية

Quote: واليك اعيد تقديم ست البيت لود الرضي وهي اقل مايقدم لست البيت

Quote: ألعزيز بكوري ( بعدين بوريك بكوري دي حقت منو ) و الله مشتاقين اكان الشوق بجيب شي أول ما شفت موضوع ( نصي الحلو ) في البتاع بتاعك دا ، قلت يا ربي الراجل دا طلق و لا شنو ، شنو البكى كمان في ( الضحى الاعلم ) ، تاني بعد شوية قلت يمكن الراجل أخدو الحنين من النوع داك الزي حمار النور يكشف عورة المستخبي ، فالاسم من نهايتو بتاع نصك الحلو دي شكلو (جالية جالية ) أو علي الاقل يكمن تكون لبنانية من النوع اللاقيتو في سان فرانسسكو و ما جاورها في طناشك الاعظم ورا الرزق. و تاني حاجة خلتني الحقك بالكتابة ، قصة ( نصي الحلو ( دي ) ، أنت يا بكري عندك نص حلو ؟ و خاتي وين ؟ و بعدين معقول تبكي كدأ علي الملا و نصة نهار ، ما تسمع كلام ناس الشادي ديل ، ديل اولاد خرتوم البكا عندهم ما عيب ن لكن ناس الجزيرة دا كلام صعب شوية . أنا معاك في روعة الزولة دي لاسباب تانية ، اقلها انها أحتوت كل هذا الرهق ( الرهق دي اسال منها محمد صديق لاني انا ذاتي ما متاكد منها شنو ) ، لكن علي العموم يمكن الغربة تخلي جليد الزول رهيف و كدا ، و يمكن كمان تكون جاورت ليك حلب خلو دموعك قراب ( هن زمان كانن اقرب من حبل الوريد ، لكن مناسبات البكا مختلفة ). لو قلت ليك بعد دا مشتاق ليك بتصدق ؟ ناس محمد صديق و زهير الزيناتي ابو يدوني فرصة معاهم ، حتى كيلون و ناس تانين يكتبو الصباح الصباح ، و أنا الا استعين بصديق ، يعني علي كيفو ، مرات لما الكلام ما يعجبو ما ينشر ، و انت عارف كلامي طوالي من النوع الزي دا . غايتو حاتم جبارة ( الحاج ) مرتاح مرتو يخربا ما تعرف عربي ، لكن في ناس كتار تحت الرقابة و اي كلمة تفلت كدا و لا كدا يجيب خبرهم ، أنا غايتو عندي مكان صور ، يمكن الناس الناطقين بغير العربي تديهم شوية معلومات ، ر أيك شنو ، تنشر و لا يفتح الله ؟ حليل ارض الجزاير و (المراكب ) و الطنابير الترن حليل ناس ليلى ساعة الليل بجن ملحوظة المراكب هي تصغير لكلمة باخرة ، و البواخر دي أسال منها (جورج ) ياخي ما تزعل ، بس اكتب لي مصطفى

Quote: تعظيم سلام لقيمه (حب الزوجه وتقديرها )الغائبه عند الكثرين.

Quote: حسناء دي مرتي وحبيبتي وروحي ايه رايك نحكي ؟