العام 2009 أهم الاحداث الزقازيقية العامة ، والشخصية لكافة الزقازيقيين

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-11-2018, 04:39 AM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-12-2009, 09:59 AM

كمال الشادي
<aكمال الشادي
تاريخ التسجيل: 15-10-2002
مجموع المشاركات: 1587

للتواصل معنا

FaceBook
تويتر Twitter
YouTube


العام 2009 أهم الاحداث الزقازيقية العامة ، والشخصية لكافة الزقازيقيين

    الاخوات العزيزات بنات الزقازيق
    الاخوان الاعزاء ابناء الزقازيق

    السلام عليكم ورحمة الله وبركاته ،،،
    وكل عام وأنتم بخير والف عافية وربنا يحقق امانيكم جميعا انشاء الله

    هذا البوست لنسجل فيه أهم الاحداث الزقازيقية التى تمت بيننا كزملاء
    على الاطار الرسمي
    وعلى الاطار الشخصي

    الغرض من البوست هو الشخبته على جدار الذاكرة
    حتى يمكن الرجوع يوما ما الى هذا البوست بإعتباره ملخصا لعام مضى

    الاجتماعات الزقازيقيةالرسمية تعبتر حدث مهم في عام 2009
    الزيارات العائلية بين أحباء الماضي الزقازيقيين تعتبر حدثا مهما في عام 2009 وانا هنا أسجل أول حدث في هذا البوست

    زارني الاخ محمد ( حاج الركز ) والاخت عفاف في عيد الاضحي الماضي في بيتي
    وكانت زيارتهم أجمل مفاجأة لي في العيد الفات
    والحدث الزقازيقي المهم عندي في العام الماضي هو تجديد باسووردي مرة اخرى والشكر مرة اخرى هنا للاخ زهير الزناتي

    منصور عبد الرازق يفترض يدخل ويسجل زيارة العيد لجده ومقابلة الاحباب هناك
    لمة ناس الرياض الاخيرة ودي المفروض يكتب عنها المجموعة اللي رتبت لليوم الحلو ده

    لمات ناس السودان الكثيرة في السنة الماضية

    الولدلوهو ولد والله بت يجسلو لينا هنا
    الاتنقل من مدينة لمدينة أو من بلد لبلد يسجل لينا هنا برضو

    والاعضاء الجدد في البوست الانضمو للبوست خلال عام 2009


    خلاص فهمتو الفكرة صح ؟
    يا الله خشو وادونا ملخص السنة الفاتت
                   |Articles |News |مقالات |بيانات

27-12-2009, 05:26 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: كمال الشادي)

    سلامات يا ناس

    يا شادى الزقازيق....سلام

    انا غايتو اهم حدث هو اتلميت على

    ناس الزقازيق اسفيريآ...وشهدت حجة

    جمال فارح.
                   |Articles |News |مقالات |بيانات

27-12-2009, 05:33 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: محمد صديق)

    يا شادينا والله عام 2009م ده من أسواء الأعوام المرت علي الزول في حياته بس ما أسواءها ... سنة ثقيلة الله لا عادها ... ولا رجعها ده علي المستوي الخاص والعام ... رغم إنه فيها بعض الإشراقات التي لولاها لكان عامنا مثل عام المريخ المنصرم ،، وأخدناها سيك ... كل عام نتفاءل بالعام الجديد ... عسي ولعل يكون أفضل من سابقه ... حتي علي مستوي الجمعية كان أقل الأعوام نشاطاً للجمعية ... وإذا قلنا نقعد نعمل جرد حساب للعام المنصرم ، سنصاب بالإكتئاب .. آسف لهذه المداخلة السوداوية ولكنها الحقيقة التي أود أن اودع بها هذا العام ... ولا زلنا نتجوس منه خيفة فيما تبقي به من أيام معدودات رغم قلتها ....
                   |Articles |News |مقالات |بيانات

27-12-2009, 07:57 PM

كمال الشادي
<aكمال الشادي
تاريخ التسجيل: 15-10-2002
مجموع المشاركات: 1587

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: زهير الزناتي)

    العزيز محمد صديق مبروك لمتك الاسفيرية مع كل الزقازيقيين في عام 2009
    وحجة فارح
    بكل المقاييس تعتبر حدث في عام 2009
    سواء بالنسبة لفارح
    أو للمتابعين
    أنا عايز اعرف الزول صايم معانا عاشوراء
    والله خلانا صمنا وزاغ


    الحبيب زهير الزناتي
    الولد مجد
    ( والله غيرتو الاسم )
    كان اهم حدث في 2008
    أعتبر خطوات مجد في الحياة تعتبر أهم حدث في 2009
    سواء في اسرة الزناتي والله في حياتنا كلنا

    انت عارف زناتي
    زمان قبل ما اتزوج لمن كنت امشي في السوق مع امي
    تقول لي الله لا يرحرمك من الاطفال
    لاني طول ما انا ماشي اشاغل في الاطفال وابوس فيهم
    الله يخليك ليك ولدك مجد
    وكل اولادك
    يا الحبيب

    عارف كنا في شقة كيمولاند
    انا وميسرة
    كان في واحد مصري ساكن قدامنا
    لمن يجونو ضيوف اطلعهم البلكونة اقوليهم اعرفكم بي بنتي
    هي طبعا بنت جارنا المصري
    لكن حاجة تخلي الدنيا تضحك وتبتسم زي ولدك مجد كده
    وكنت مسميها مرافيء

    عليك الله عايزك تقعد وتحسب لينا كم حدث جميل في 2009 وما عيزين نقفل السنة وأنت فاهم انها بايخه
                   |Articles |News |مقالات |بيانات

27-12-2009, 09:05 PM

أبوبكر حامد الأمين
<aأبوبكر حامد الأمين
تاريخ التسجيل: 03-04-2006
مجموع المشاركات: 773

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: كمال الشادي)

    يا كيمو كيف الإقتباس ألا يصلح من منجزات 2009 ولا عاوز تزوغ بى اتعابنا ههههه.

    مافى شك إنو من أهم الأحداث لدى عودة الباسوورد ولمة ناس الزقازيق - بجيك راجع بى مهلة ، خلينى أقلب دفاترى واشوف الموقف كيف
                   |Articles |News |مقالات |بيانات

28-12-2009, 08:17 AM

مشاعر بدوي
<aمشاعر بدوي
تاريخ التسجيل: 18-12-2009
مجموع المشاركات: 194

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: أبوبكر حامد الأمين)

    الاخ كمال الشادى

    لك الشكر والتقدير على اتاحة الفرصة لعمل جرد حساب لاحداث العام
    نظراً لايقاع الساعة السريع سنجد ان هناك الكثير من الاحداث الجميلة التى مرت ولم نلاحظها
    وعلى قول ابوبكر ادينا فرصة كلنا نقلب الدفاتر ونجيك راجعين .

    عزيزنا الزناتى
    شايفه المود بتاعك ما كويس سحروك ولا شنو
    سبقنى اخونا الشادى وقال ليك مجد وشقاوته وضحكته يعتبر انجاز
    وجود بهجة البهجة الى جانبك خلال العام يعتبر انجاز
    عزيزنا وذى ما بقولو انظر الى النصف الممتلى من الكوب
                   |Articles |News |مقالات |بيانات

28-12-2009, 02:52 PM

حنان مجمر
<aحنان مجمر
تاريخ التسجيل: 07-11-2009
مجموع المشاركات: 169

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: زهير الزناتي)

    سلامات ياشادي كل سنه وانتوا طيبين
    والله الفكره حلوه على الاقل نعرف اخبار بعض
    ابوبكر الامين ومحمد صديق ومشاعر اطمانينا عليكم باين عليكم تمام ان شاء الله دائما
    زهير ياالغالي نجمع اي فرح ولو قليل عند اي زول ونرسلو ليك على قول الشادي كفايه ضحكات مجد واخواتو
    وعلى قول مشاعر ام مجد الغاليه جنبك ولمتنا بعد السنين دي كلها كميه من ناس الزقازيق اجتمعت وحققتوا الهدف ياناس دهب وزهير والنضيف واتمنى انو نكون مع بعض ونوقف مع بعض دائما وانت اكبر من كل الهموم

    عني السنه دي كانت سنة الاشياء الكبيره انتقلت من جده لكندا وفارقت احبتي في المملكه وكان يفصلني عن اهلي واحبابي بحر واحد كلما زاد بي الشوق عبرتو مسرعه لدار الاحباء صارت تفصلني عنهم البحار والمحيطات امي الحبيبه وكانما احست ببعدي عنها فاختارت الرحيل
    شفت اختك صنديده كيف يازهير
    احلى حاجه كانت وقفة الناس معاي في احرج مواقف حياتي وناس الزقازيق الغاليين ماقصروا ربنا مايحرمنا منهم اتى مسرعا للعزاء زهير وعثمان الجيلي واسرهم وخديجه احمد التوم واتصل علي الكثيرون وفي بورد الزقازيق كان العزاء كبيرا اقول ليهم مشكورين من باب الزوق وليس من باب الواجب لانو دا واجبهم
    انت ياشادي على قول المصريين بتشتري مابتبعشي
                   |Articles |News |مقالات |بيانات

28-12-2009, 04:43 PM

كمال الشادي
<aكمال الشادي
تاريخ التسجيل: 15-10-2002
مجموع المشاركات: 1587

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: حنان مجمر)

    الاخت العزيزة مشاعر بدوي
    لك الود مصول يبراك وينهي ليك السنة كأحلى ما يكون
    ويقدمك ويوصلك للسنة الجاية والبعدها ومليون سنة من الفرح انشاء الله
    يا لله يدك معاي نرفع معنويات التعبان الاسمو زهير الزناتي ده
    على قول مصطفي ( نشيل كتف الغنا الميل )
    ما قلتي لينا يا مشاعر اية محطة أو محطات ليك في سنة 2009
    عايزين نعرف أية اخبار عنك
    يا الله أحكي
    انا راجيك
    انا باقي بحب الحكي وسماع جدا
    سماع يعني مستمع جيد
    تحياتي

    الاخت الغالية
    وصديقة الايام الجميلة حنان المجر عيسي
    لك الود
    والله يا حنو عارفا الايام دي درجة الحرارة في الرياض حاجة بتاعة كم طاشر كده
    واخوك بريد جدا
    بريد يعني بيبرد مع أول نسمة برد
    افكر انتو عاملين كيف يا الراقدين تحت
    المحيط المتجمد الشمالي
    معلعون ابوظروفنا الخلت الناس تتشتت في كل اركان الكرة الارضية
    فرحت إنو نقلتك الي كند من جده كانت حاجة إيجابية
    الله يزيدك وزوجك واسرتك كلها نجاح كمان وكمان انشاء الله

    أشكر بإسمك عصام دهب والمهندس بكري
    اللي خلونا بعد الله نقدر نتواصل مع احبابنا في آخر الكرة الارضية
    تحاتي لكل اسرتك
    وكلمينا شوية عن البرد الايام دي في تورنتو
                   |Articles |News |مقالات |بيانات

28-12-2009, 05:28 PM

كمال الشادي
<aكمال الشادي
تاريخ التسجيل: 15-10-2002
مجموع المشاركات: 1587

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: كمال الشادي)

    حتى لا تنتقل حمى التشاؤم التي يبثها سرا وعلنا الزميل زهير الزناتي
    اردت أن اهرب منه باللجوء الى بعض اركان الضحك في النت
    فوجدت مجموعة جميلة من النكت السودانية

    ارجو ان تضيف البهجة ألى آخر لحظات العام 2009
    ----

    قالوا سوداني ومصري بيسطلوا السوداني قال للمصري تعرف والله الدنيا دى كلها مآسى المصري قال ليهو: هو انت ماسك قد ايه؟؟


    واحد بسأل مسطول قال ليه حدائق 6 ابريل وين؟
    المسطول قعد يفكر!!!
    حدائق 6 ابريل 6ابريل 6ابيييييريل ما قالو ليك فى ياتو سنه؟؟؟؟؟


    مسطول يشرب الدواء قبل مواعيدو سألوه ليه بتعمل كده؟
    قال عشان افاجئ الجراثيم!!!!!!




    وحدة فرنسية إسمها ليزا ..
    ووحدة إنجليزية إسمها اليزابيث
    ووحدة سودانية إسمها أم محمد

    الثلاث زهقن من شغل البيت والطبخ والكنس فإتفقوا يعملون إضراب ويخلوا أزواجهم يشتغلون بدالهم وبعد إسبوع يتقابلون وكل وحدة تقول وش صار لها



    وبعد أسبوع

    قالت ليزا الفرنسية أنا قلت لزوجي من اليوم مافيه كنس ولا طبخ ولا كوي .. أنا زهقت من الشغل وشوف لك حل!!!

    طبعا بالفرنسي قالتها طبعا

    مر يوم وماشفت شى

    وثاني يوم برضو


    ماشفت شى

    وثالث يوم لقيت زوجي قايم الصبح بدري ومجهز الفطور والشاي وجابه لي في السرير وأنا نايمة وبعدين راح شغله









    اما البريطانية اليزابيث ردت وقالت: وأنا بعد قلت لزوجي أنا من اليوم مانيب كانسه ولا طابخه ولا كاويه في هالبيت بالانقليزي طبعا

    أول يوم ماشفت شى

    وثاني يوم برضو


    ماشفت شى


    لكن في اليوم الثالث لقيت زوجي رايح وإشترى كل الطلبات الي كنت ابيها في البيت وبعدها قام نظف البيت كله وكل شئ صار تمام التمام









    أم محمد جاء دورها في الحكي فقالت: أنا رحت بعد ماتركتكم وقلت لزوجي إسمع يابو محمد أنا زهقت من شغل البيت وإعمل حسابك أنا من بكرة لا كانسه ولا طابخه ولا كاويه

    وبصراحة

    أول يوم ماشفت شى

    وثاني يوم ماشفت شى

    وثالت يوم برضو


    ماشفت شى

    والحمد لله رابع يوم بعد مافتحت قدرت أشوف شوي بعيني الشمال






    مسطول دافن نصه في الارض عشان داير يمثل فديو كليب انا عايش ومش عايش





    رباطابي عنده فرن جاهو مسكين قال ليهو ( لي يومين ما ضقت طعم الرغيف ) الرباطابي قال ليهو : ( ياهو طعمو زاتو ما اتغير )




    واحد مسطول راكب امجاد ركب جنبه واحد شايل فرشة بوهية وفرشة نقاشة ,و المسطول ساله قاليهو ؛ انتا شغال شنو ؟ الراجل قاليهو ؛ شغال نقاش ,, المسطول قاليهو ؛ طيب انقشنى انا منو ؟



    قال ليك مسطول ماشى فى الشارع لاقاهو واحد المسطول قال ليهو عليك الله ادينى الفين افطر بيهن قال ليهو آسف والله ما عندى المسطول قال ليهو خلاص الف قال ليهو آسف والله ما عندى قال ليهو طيب جيب سيجاره قال ليهو آسف والله ما عندى المسطول قال ليهو انت شغال شنو ياابوالشباب قال ليهو شغال استاذ قام قعد ليهو فى الواطه ومسح ليهو التراب وقال ليهو طيب ادينى إملاء




    قال ليك واحد دخل قرية الرباطاب وفي طرف الحلة كده
    لقي لية واحد صغير قام سألة اسمع عندكم موية
    قام قال لية نان شجرنة ده قايم بي التيمم





    غراب مسطول جالس في شجرة بياكل في قطعة جبنة الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك
                   |Articles |News |مقالات |بيانات

29-12-2009, 08:04 AM

عفاف علي ميرغني
<aعفاف علي ميرغني
تاريخ التسجيل: 10-09-2009
مجموع المشاركات: 769

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: كمال الشادي)

    يا شادي كل سنة وانت شادي للامل والحب والجمال000

    ها هي 2009 تلوح لنا مودعة 00 وانا في حيرة ااضع الورد على نعشها ام لا؟؟؟؟


    لكن وهبتني 2010 00 وانا لا زلت احلم بسذاجة طفلة


    بان اضم فراشات البدايات واحفظها من غبار الزمن00

    وانا فوق الغيم اربي الامل000

    2010 انثري امطار الياسمين وانشري الليلك والفحينا بنسائم الفرح000


    احب كل من منحني فرحا وحبا في 2009
                   |Articles |News |مقالات |بيانات

29-12-2009, 10:49 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: العام 2009 أهم الاحداث الزقازيقية العامة ، والشخصية لكافة الزقازيقيين (Re: عفاف علي ميرغني)

    والله يا شادي في 2009 كفاية شوفتكم... ودا أجمل ما فيها

    لكن بيني وبينك خليها تشتت ياخي عذبتنا عذاب

    (طبعا دا من تداعيات الأزمة الإقتصادية) ههههههههههههههههههههههههههه

    لكن والله متفائل شديد بالعام الجديد... كان هجري ولا ميلادي

    نسأل الله أن يكون عام خير علينا كلنا

    وإن شاء الله بكرة أحلى
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de