|
دعواتكم لزميلنا المفكر د.الباقر العفيف بالشفاء العاجل
|
|
 Re: الـــرجــاء x المــريــخ (مباراة الرد ... مين يفتح الباب) (Re: ahmed khidir)
|
راكـــوبـــة
سـمــدالله عـلـى الـحـلامــة
بالله شفت الراكوبة عملت الفاول كيف مع الشافع لمن جهجهوها بمحاورة زيدان جنب اللاين
والله انا خجلت ليها وطوالي ناديت عليك بصوت عالي (الراكوبة)
بالله افتح لينا بوست عشان نرد عليك
ما معقول ما نقبرا ليكم بوست والمريخ لسه مدرن في الوقت الضائع
(ما بنقول البنلتي هدية)
اها راجينكم
| |
 
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: جمال السنوسي)
|
Quote: اسى الناس ديل مفروض تنسحب من مباريات الرد
قبل ان تحصل الكارثة
والانتر ميلان دا لو جاى خلوه يلاقى الهلال |
والله يا أبو قوتة دي بالغت فيها
المريخ اللي بلعب في نهائي الكونفدرالية ( حتى الان )
يخلي فريق انتر ميلان لطيش العرب ؟؟  
والله مِحَنْ
أما بالنسبة لمبارايات الرد
سواءً كانت مع الترجي او الصفاقصي
المريخ سيحقق نتائج أفضل من نتائج الذهاب
يعني مش ح يخسر من الرجاء بـ ( 13 / صفر ) كما فعل الهلال في ثلاث مباريات فقط
وقع ليك ؟؟
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: ثابت محمد)
|
ابوقوته
حرم ما نزعلك
نلعب ونتغلب
ما هي في النهاية كورة هواء منفوخ
وتسعين دقيقة
كان اربعة صفر كان تسعين صفر
في النهاية كاس واحد
تمبس الجميل
سعيد جدا بيك وبي ردك ومداخلتك
نحن الزعيم الاصلي
خليني من نسا النفط(ي) الغالي اليومين دي
قالوا الجماعة علقوا يافطة جديدة بدل الزعيم
مكتوب عليها : الــنــفــطــ (ي) مقابل الرجاء
يا ثابت
خليك ثابت على كلامك
ونشوف
مجموع المباراتين مع الرجاء والصفاقسي (2+4=6)
باقي 7
أسبوع تمام
ونبدا نحسب
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: جمال السنوسي)
|
Quote: خليك ثابت على كلامك
ونشوف
مجموع المباراتين مع الرجاء والصفاقسي (2+4=6)
باقي 7
أسبوع تمام
ونبدا نحسب |
يا حبيبنا
سلااام
دقيقة أفهمك عشان بعدين ما تتلخبط عليك المور
الـ ( 13 ) دي الهلال أخدها من فريق واااااااحد بس .. من الرجاء فقط
هسي إنت ماشي تجمع لي الرجاء والصفاقسي ؟؟
بعدين كانت ( 13 / صفر ) بتعرف يعني شنو صفر ؟؟ ده غير الصفر الدولي
ثانياً
أنا معاك لحدي الان المريخ أخد من فريقين ( ستة أهداف ) بس ما ( 6 / صفر )
المريخ أحرز أربعة أهداف ( هدفين في الرجاء وهدفين في الصفاقصي ) .. نسيت ولا شنو ؟؟
يعني عشان نلحق فضيحتكم
مفروض الرجاء يغلبنا ( 13 / صفر ) في المغرب .. أو الصفاقصي يغلبنا ( 11 / صفر ) في تونس
بعد كده أبدأ أحسب زي ما عاوز .. ونتقابل يا حبيبنا
عالم محققة كل أرقام الخذلان وتجي تتهكم كمان
ربنا يديكم كاس .. قول آمين
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: جمال السنوسي)
|
Quote: يا ثابت يا اخوي
هدف الخصم في بلدك بي هدفين
يعني انت هسه ماخد دستة |
السنوسني
ده قانونك .. نجرتو برااااااك ؟؟
س سؤاااااال : متي يحسب الهدف في أرض الخصم بهدفين ؟؟
عارف ولا نوريك ؟؟
شكلك فقدت المنطق
ورغم منطقك المعووج ده المحصلة لن تكون فوز الرجاء علينا ( 13 / صفر )
أصلو إنتو فضااااايحكم عالية الجودة من ماركة جينس
ماركة منشطات هيثم السعودي ورشوة الحكم لتغير فنايل ( 12 / 2 )
ماركة المراتب .. لولا المراتب لهزمكم الرجاء ( 17/صفر )
ماركة تابوت الحضري ورقص علاء
وقبلها جميعاً ماركة : سبعة وسبعين عاماً قاااااحلة
إنت بتشجع في شنو عليك الله ؟؟ وبتشجع لي شنو ؟؟
وكت ما بتقدرو للبوستات بتفتحوها للشهرة يعني ؟
ماجاب ليكم الهلال كاس تشتهرو بيهو قلتو تشتهرو كده ؟؟
والله الله يكون في عونكم
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: Rakoba)
|
مبروووك يا جماعة
راكوبة طلع من الانعاش
الف حمد لله على السلامة
ونحن بدورنا نهني جميع البورداب ونقول ليهم انه راكوبة كان في الانعاش بيعمل غسيل للفنايل الحمرا القلعوها الناس في الميدان يوم كورة الصفاقسي
اها بالله في مباراة الرد (الرجاء) من الجميع الالتزام بالزي والتمسك بالتقاليد في اللبس والالفاظ لانه هذه المباريات منقولة تلفزيونيا وفي اطفال ونساء ليس من الادب ان نخلع ملابسنا او نتفوه بألفاظ يعاقب عليها القانون
وخلوا روحكم رياضية
ومبروك يا راكوبة الميدالية الفضية
غايتو لو كان في طريقة للحكم البتسواني كان شلتوا الكاس
ساعدونا لنحتفل بالوصيف من الآن
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: جمال السنوسي)
|
يعني يا ثابت هسي كل مشكلتك إنو فضيحتك ما تلحق فضيحة الهلال
يا خي الهلال الكعب دا خليه
إنتوا ما شابكننا
لزعيم
سيد البلد
العالمي
البتاع
الفعلتك التركتك
في ذمتك شفت ليك زعيم ولا سيد بلد وجوة محل زعامته ولا سيادته ياخد إتنين وتلاتة في أول عشرين دقيقة
علي اليمين الأتنين المن اول خمسة دقايق ديل كلو ما اذكرهم براي كدا بخجل
ياخي دي فضيحة ما حصلت أخطر من شيلة زيكو للكورة
انا خايف بالطريقة دي الإتحاد الأفريقي يلغي الكونفيدرالية السنة الجاية
دي بطولة شنو البتتحسم من أول خمسة دقايق في مباراة الذهاب
لاعبين بلي إنتو؟
لا و المغسة البتهبشوا كلوا يقوليك ستظل يا زعيم عاليا
ستظل يا ما عارف منو عامل شنو
سمح يا ناس ستظل
ستظلون في غيكم تعمهون وفي ضلالكم و اوهامكم سادرون
إلى أن تستبينوا النصح مساء يوم 29 نوفمبر
ونشوف بعداك ستظلون كيف
أها ستظل عليكم ورحمة الله
أحححححححححح
أريتها فشة الوليدات لي حدهم
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: جمال السنوسي)
|
Quote: يعني يا ثابت هسي كل مشكلتك إنو فضيحتك ما تلحق فضيحة الهلال
يا خي الهلال الكعب دا خليه
إنتوا ما شابكننا
لزعيم
سيد البلد
العالمي
البتاع
الفعلتك التركتك |
محمد البشري الخضر
سلاااام
يازول الله يكفينا فضائح الهلال .. والله ده ما بتلحق نهاااائي
انا مش بقارن .. وليس مشكلتي أن أقارن بين الفضائح .. رغم البون الشاسع
أنا مستغرب بس
مستغرب من واحد ( شرميطي ) أقصد ميطي .. يجي يقول ليك ليه ما رابط الكرفتة كويس
هو ميطي وما خجلان أنو ميطي ويجي يقلب ( الهوبا ) قدامك
ويقول ليك لون شراباتك ما عامل ماتشنق مع البنطلون والقميص
زول لا جاب كونفدرالية ولا سيكافا ولا عربية
يجي لزول تاني عندو كاس مانديلا وكاس سيكافا مثني وثلاث يقول ليه إنت تعبان ؟؟
في ذمتك يا ود البشرى .. ده يقولو فيهو شنو ؟؟
بعدين نحن أسياد بلد وزعماء بلد بحقنا
بكاساتنا الجبناها .. جيب زيها وتعال إتكلم
لو سألناك بعد داك نكون فعلاً ما عندنا موضوع وليك حق تعمل العاوزو
لكن إنت ميطي ليك ( سبعة وسبعين سنة ) الفصاحة ليك شنو ؟؟
سبعة وسبعين وما عارف تستر عورتك حتى بسروال سيكافا ..
خليك من شورتات مانديلا دي غالية عليكم
والله شايف طموحكم أصبح أنو المريخ ما يجيب بطولة جديدة .. قنعتو من بطولة هلالية
ودي قمة اليأس .. قمة العجز .. قمة الإحباط .. ده مرض والله .. إسمو عقدة البطولات
أصبحت عندكم عقدة إنو المريخ يجيب بطولة خارجية
وبيني وبينك سبعة وسبعين سنة دي سن يأس فعلاً
الهلال ده لو قدر ينجب ليهو بطولة في السن دي .. تبقى معجزة
فقد أصابه الكبر وبلغ من العمر عتياً
يااااخ إختشو عليكم الله
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: ثابت محمد)
|
هي ثابت رد لينا الليلة
الحمد لله اللذي أذهب عنكم الذهول و خفف عليكم الصدمة
ياخوي خليني أعلق على نقطة سن اليأس بالنسبة للكاسات دي و بجيه ليك الباقي بعدين
قلت 77 سنة تعتبر سن يأس
طيب يا عمك أول كأس جوي دولي - عشان ما تقول لي جوبا - أحرزه المريخ سنة 86
و المريخ إتأسس - كان علينا بنقول 27 - لكنكم شابكننا المسالمة وبتاع من 1910
يعني يا بوي صبرتوا 76 سنة
يعني بقت على السنة دي
فالنقطة بتاعت سن اليأس دي حقو ترخيها
بجيك بي رواقة للباقي
فشة زي دي يا ربي ما تحرم منها حبيب
تونس أويييييييييييي
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: جمال السنوسي)
|
الجماعة يا عمك العليهم ما شوية و المصيبة كمان في الراجيهم
وجيتهم اليومين الفاتو ديل نظام مكابرة و كدا ونحن هنا
وعشان يكتبوا لينا المكنتين العاضات ديل
"لن بطرنا نصر ولن تهزنا هزيمة"
و التانية بتاعة ستظل
وكضابين جنس كضب
كان للبطر إتبطرتوا
وهو الجاب ليكم الهوا شنو بلا البطر و طولة اللسان بعد غلبكم لي كوارا و دولفين
شبكتونا من غيرنا و بطيخ و ربات بيوت ورصيف ووهم
وكان للهز أتهزيتو
الخلاكم بقيتو تقولوا طموحنا كان دوري المجموعات و بتاع
الخلاكم ترخوا كورة الإنتر
والحيخليكم تشطبوا من طرف , شنو؟
هي الهزة دي إلا يقروها بي ريختر
بعدين وكت طموحكم دوري المجموعات مفطرين الناس رمضان ليه؟
يا جمال كان راجيهم اخير ترجى الري المصري
البوست الوحيد فيه فايدة وبدا بوضع الأصبع على الجرح ونقد الأوضاع الأتسببت و حاتسبب في فضيحة القرن الحادي و العشرين الرياضية كتبو سامي امس
التحانيس وقعت قرش ونص
أسحبوا خليه في المنتدى الجماعة ديل بشمتوا
دايرين يواصلوا في ستظل
سمح خليكم ستظل خيبة الله عليكم بالطريقة دي إلى يوم يبعثون
أحححححححححححححي
قدر ما اقول إتفشت القاها لسة
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: جمال السنوسي)
|
| Quote: ماتستعجلو الفضيحة جاية جاية(افتكر المريخ بدرن 0/5 وبرجع ميطي ماقنا الباقي 9 اقوان ) |
كلامك ده ذكرني انبراشة مرق في الخمسة الشهيرة بتاعت (بيضوضان)
قالوا لغاية اسي عاملة خور في ملعب الرجاء ..
وانتو يا جمال خليكم مع غناء ندى القلعة وسمية حسكنيت ده لغاية
ما يلحقوكم جارات طه .. اصلكم امت طه لحقتوهن زمااااااااااااااااااان
وبي ضبيحة وهوبا .. تونسية ركبتوها .. وسورية قلبوا ليها عفشها في السير (هوبا)
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: AdilAttia)
|
الاخ جمال
سلام
عليك الله ذكرني
لانو الموضوع لخبط علي من كثرة الفضائح
اهه الرجاء ده بتاع الهدفين في 23 دقيقة ام بتاع ال 3 اهداف في 18 دقيقة
لان الموضوع بقى ملخبط شوية خاصة بعض فضيحة الفريق القومي امس و إصابته بعدوة هدفين في اقل من 5 دقائق
المهم ما علينا
لو كانو بتاعين 2/2
النتيجة واضحة 3 صفر على الاقل
اما إذا كانو بتاعين 4/2 فعلمها عند الغيب بس في ناس بيقولوا سبعة و ثامنهم هدفهم "الذي في مرماهم" و لا يعلم عدتهم إلا حارس المرمى.
بس بكرر ليهم نصيحة ود البشرى لو واحد شاف ليه لاعب واقع في الارض ما يمشي يخليهو لحد ما الاسعاف يجي ياخدو و يطمئن على خروجه من الملعب سالما"قصدي من غير ان يحرز هدفا"
النصيحة:
الدفاع ثم الدفاع و لا غير شئ سوى الدفاع
تحذير:
على ما اذكر إنو المريخ ده مره إتهزم من الاهلي المصري 2/1 في امدرمان و مشى إتعاور في القاهرة و سجل الهدف الاول و بعد داك عينك ما تشوف إلا النور ، خمسة اهداف مع الرأفة. الشفاته ديل ما تحاولوا تدخلو فيهم اي هدف بس حاولوا امنعوهم من التسجيل
تحياتي
عمار يس النور
عاشق بخت الرضا
| |
|
|
|
|
|
|
|
|
|
Re: الـــرجــاء x المــريــخ (مباراة الرد ... مين يفتح الباب) (Re: عمار يس النور)
|
أشعلت النار يا عمــار
نار الضحك
والله ضحكت لمن عيوني دمعوا
ديل يا عمار ناس (ذو القعدة واخوانه المغاربة)
عارف اليومين دي اي كجنتا اي دوا شارب مكتوب عليهو ( الرجاء رج الزجاجة جيدا)
ياخي نحن اترجينا واترجينا واترجينا
قلنا اسنحبوا
ولكن الجماعة مصرين على النزهة والفسحة
ناس ماشة اسبانيا معسكر واسمها بتمرمط في مصر
الله يجازي الكان السبب
معليش يا عمار بعدين جيب معاك ليمونة واقطعها نصين عشان تقدر تبلع حلقك
اما المقتدرين جيبو دوا حموضة بس اوع من الرج الكتير
اللهم استرنا من ذو القعدة واخوانه
| |
|
|
|
|
|
|
| |
جمال السنوسي
ahmed khidir
معروف حمدين
Rakoba
abuguta
tmbis
ثابت محمد
محمد البشرى الخضر
رقم صفر
بدرالدين يعقوب
امير عوض الجمري
عامر تيتاوى
AdilAttia
عمار يس النور
فيصل نوبي
فيس بوك
تويتر
انستقرام
يوتيوب
بنتيريست