دعواتكم لزميلنا المفكر د.الباقر العفيف بالشفاء العاجل
|
|
 بعد ذبح (الأمل) في عطبرة اليوم.. نطالب بطاقم تحكيم أجنبي لمباراة القمة بين الهلال والوصيف
|
تسبب حكم مباراة الامل والوصيف اليوم في اهداء 3 نقاط للوصيف دون اي استحقاق وذلك باحتسابه هدف للوصيف من كرة مشتركة مع حارس المرمى وكانت واضحة وضوح الشمس أنها اللعبة خطأ لصالح الامل
لكن هيهات
انهم يريدون أن يتوجوا الوصيف
اولئك الذبن سحبوا نقاط النيل
يريدون ان يبعدوا البطل عن كاسه
لذا نطالب بتحكيم اجنبي
حتى نكون في أمان من ظلم الزمان
وظلم الامل اليوم في عطبرة يوضح النوايا المبيتة
ومن لا يصدق ان الامل مظلوم يشاهد هدف الوصيف في برنامج عامل الرياضو يوم الجمعة القادم
|
|
 
|
|
|
|
|
|
|
 Re: بعد ذبح (الأمل) في عطبرة اليوم.. نطالب بطاقم تحكيم أجنبي لمباراة القمة بين الهلال والوصيف (Re: جمال السنوسي)
|
ياجيمي بطل الجرسة وبل رأسك ..
الهدف معروض في الفيديو الفوق ده ... وين الخطأ هنا ....
ياخي بالله مرة في حياتكم دي قولوا الحقيقة ...
بعدين مش عيب ترسلوا جمهوركم علشان يمارس هوايته هناااااك حتى يلحق الاذي بلعيبة المريخ ويدخل مباراة الهليل بدون نجومه المعروفين ... ياخي بدل ما ترسلوهم لي ناس عطبرة أطفال الحجارة ديل كان تودوهم فلسطين صدقني بحريروها .... من هسع بالله عايزين مباراة بلا حجارة ،إن كان عايزين الكأس بنديهو ليكم بس بدون حجارة لو سمحتوا ....
قال الحكم قال ....
قرقرقرقرقرقرقر
| |
|
|
|
|
|
|
|
|
|
Re: بعد ذبح (الأمل) في عطبرة اليوم.. نطالب بطاقم تحكيم أجنبي لمباراة القمة بين الهلال والوصيف (Re: abas)
|
يا سنوسي ..ياخ شيل الصـــبر ...حسي مالك؟
كبكبة وجرسة ما ليها حد
ولو علي قون الامل ..لو صحي بتعرفو كورة يا رشاشات ما بتتكلموا فيهو
لانو يا عزيزي حارس المرمى لما يكون خارج خط ستة يعامل معاملة اي لاعب
والالتحام كان خارج خط ستة......ما تخلو التعصب يعميكم...سمح؟
اها نجي لي يوم الاتنين ....بلاش لعلعة في الفاضي.......
ارجو الراجيكم
سؤال: كيف تكون مباراة قمة .... والهلال لاعب مع وصيف؟ دي صعبة خلاص وما ادونا ليها كلو كلو
اظنها دي حمى البدايات.........انكرب ....ونتقابل يوم الاتنين
| |
|
|
|
|
|
|
|
|
|
Re: بعد ذبح (الأمل) في عطبرة اليوم.. نطالب بطاقم تحكيم أجنبي لمباراة القمة بين الهلال والوصيف (Re: إدريس البدري)
|
Quote: سؤال: كيف تكون مباراة قمة .... والهلال لاعب مع وصيف؟ دي صعبة خلاص وما ادونا ليها كلو كلو
|
ادريس البدري
يا زول القمة هنا مقصود بيها الهلال
الهلال هو القمة
محل ما يلعب
بغض النظر عن الفريق الاخر
واسأل الميادين الافريقية
وبعدين ما هي كبكبة
لكن قرار اتحاد شداد بسحب نقاط النيل من الهلال
وبعد ذلك شربو مويتو
بعد قرار جدولة المباراة
دي ما بتمر ساكت
يعني ناس الاتحاد ديل ناوين على الهلال
والدليل
قون عطبرة
وظلم الامل
بسبب ظلم الحكم
الموقوف في كوستي
اها وقع ليك
ود البدري سمين
| |
|
|
|
|
|
|
|
|
|
Re: بعد ذبح (الأمل) في عطبرة اليوم.. نطالب بطاقم تحكيم أجنبي لمباراة القمة بين الهلال والوصيف (Re: جمال السنوسي)
|
ما قلنا ليكم النية مبيتة
شوفوا جنس ده
Quote: كتب: عبده فزع
مازالت ردود الفعل العنيفة تتابع بعد احداث مباراة المريخ والامل العطبراوي الاخيرة في الدوري الممتاز بعطبرة التي انتهت لصالح المريخ
بهدف قلق وفي تطور جديد للاحداث تلقي الدكتور كمال شداد رئيس الاتحاد العام اتصالا هاتفيا من الباشمهندس محمد عبدالقادر همت مساعد رئيس نادي المريخ ورئيس بعثته الي عطبرة قدم خلاله همت شرحا مفصلا حول ماتعرض له لاعبو المريخ والمدير الفني كروجر من قذف بالحجارة من جماهير الامل نتج عنها اصابات بالغة في راس اللاعب قلق والمدرب كروجر الذي اجريت له عملية جراحية عاجله في راسه وطالب همد من د. شداد بضرورة اتخاذ الاتحاد العام لقرار حاسم بحرمان نادي الامل من اداء مبارياته بملعبه حفاظا علي ارواح بعثات اندية الممتاز التي تؤدي مبارياتها باستاد عطبرة مؤكدا ان اللعب باستاد عطبرة ووسط جماهيره المنفلته فيه مخاطرة كبيرة علي الاندية الزائرة وقال الدكتور كمال شداد لهمد ان اتحاد الكرة سيدرس احداث مباراة المريخ والامل من خلال لجنته المنظمة وستقف علي كافة الحقائق حول احداث تلك المباراة من خلال تقريري حكم المباراة ومراقبها اضافة الي شريط المباراة ومن ناحية اخري علمت قوون ان المحامي مجدي شمس الدين الامين العام للاتحاد العام ورئيس اللجنة المنظمة قد شاهد مباراة المريخ والامل عبر شاشة التلفاز ووقف على احداثها واتصل هاتفياً بالدكتور كمال شداد عقب نهاية المباراة واطلعه علي احداثها وعلمت قوون ان اللجنة المنظمة سوف تتخذ في اجتماعها القادم عدة قرارات خطيرة حول الاحداث المؤسفة التي شهدتها مباراة المريخ والامل
|
منقول من موقع قوون
ضربني وبكى
سبقني واشتكى
| |
|
|
|
|
|
|
|
|
|
Re: بعد ذبح (الأمل) في عطبرة اليوم.. نطالب بطاقم تحكيم أجنبي لمباراة القمة بين الهلال والوصيف (Re: على محمد على بشير)
|
مريخنا العظيم
" مين لسماك يطول "
الممتاز يستعد للذهاب " طوعآ " للزعيم .... و جمهير الصفوة فى كل الدنيا جاهزة للاحتفالات
قلت لى " الهليل " ؟؟؟ يا رجل اضحكتنى !!!!
جمال السنوسى "معذور"
فهو حاسى بـ "المقدور"
لذلك بيطالب بـ " الغندور"
و عارف الكرة للمريخ " تدور"
و بيعمل فيها زى ما " يدور "
عشان كده حسابو بقى كل " كسور "
و النجم حداه و انقسموا " بدور "
جمال يا سنوسى :
بأسم جماهير الصفوة بهذا المنتدى الفخيم انت مدعو للاحتفال معنا بالممتاز تحت شعار :
" الممتاز لمريخ الاعجاز "
| |
|
|
|
|
|
|
| |
جمال السنوسي
أسامة الفضل
Rashid Ali
ABUHUSSEIN
بدر الدين اسحاق احمد
خليفة موسى حمدان
طلحة عبدالله
مزاحم الضوي
محمد الامين احمد
مجدي عبدالرحيم فضل
على محمد على بشير
abas
keiga2000
ارصد محمد جلال
إدريس البدري
AdilAttia
MOHAMMED ELSHEIKH
فيس بوك
تويتر
انستقرام
يوتيوب
بنتيريست