|
|
|
 Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
Quote: كريمة الشاعر اسماعيل حسن طيب الله ثراه ارسلت خطابات قانونية عن ورثة الراحل اسماعيل حسن تمنع بها أداء أغاني والدها عن كل الفنانين المشاركين في الحفل المرتقب لتكريم عملاق الفن السوداني وفنان افريقيا الاول محمد ودري
|
جمال السنوسى
صباح الخير
والله فعلا ودرى ما وردى
تسميته بفنان افريقيا الاول من جاءت نفسى اعرف { وما تنسى الدول الفى افريقيا وخاصة مصر ]
تغنى باجمل الاغانى الوطنية ولا وطنية لو اطلاقا
لا يجامل فى اى عمل خيرى او حفل مجانى لمساعدة
مريض او بناء مدرسة والتجارب كتيرة .
اين كان وردى فى كل مناسبات اسرة المرحوم اسماعيل حسن
لا يجاملهم فى مناسبة وآخرها تابين اسماعيل حسن الاخير واستمر
لعدة ايام اين كان وردى لقد كان اليوم الاخير كارثة وكتبت مهيرة
فى الصحف بان والدتها منعتها من اى اجراء قانونى .
ده اقل اجراء تعملوا مهيرة لكن هى لو عاقلة تمنع وردى فقط وامكن بعد هذا الحفل لانه خاص بوردى تغير رايهاودى اقل صفعة لوردى عشان ينزل من علاهو الفوق ,,,
واذا اردت ان احكى لك من مواقف وردى ولا اقول ليك ارجع للبوست الذى كتب من
سنوات وشوف الناس كتبت شنو ؟؟؟
خلينا من الغناء والشعر ماذا فعل وردى لمن اعطاه كليته
وكفى ؟؟؟؟؟؟؟
وردى لا تنطبق عليه كلمة فنان بمعناها الحرفى اطلاقا انتفت منه بطرقة تعامله
مع البشر الذى لا يحسبهم بشر .
قال افريقيا قال ,,,,,,
مع تحياتى
ام وضاح
| |
 
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: essam&amal)
|
ام وضاح
تحياتي
اولا معليش للخطأ في الاسم وقمت بالتعديل
تانيا وانا معك في كل ما سرردتيه من كلام ولكن انا بتكلم من زاوية واحدة وهي هذا الابداع والارث الجميل الذي تركه لنا شاعرنا العظيم اسماعيب حسن فهو ملك لنا جميعا ويجب ان ينتقل عبر الاجيال لانه كلام مميز ومتفرد ساهم في تنشاتنا وسودنتنا وتربية عاطفتنا جهة كل من نحب وخاصة حب الوطن
ثم ليس هناك شك في أن الثنائية بين وردي واسماعيل حسن كان لها دور في انتشار اسم كل منهما وما ذكره ودري في كثير من للقاءات ان هذا الغناء كتب عن تجارب وحكايات حقيقية عايشها هو والشاعر في زمن كانا فيه معا (سمن على عسل)
كلنا يعلم الاختلاف الكبير بين الشاعر أحمد فؤاد نجم والشيخ امام رحمه الله ولكن مازال الناس تؤدي هذه الاغاني الثورية والوطنية وتستمع لها لانها صارت ملك الامة وليست ملك أحمد فؤاد نجم ( وبالطبع كان كل منهما سببا في شهر الآخر)
تسلمي ام وضاح
جمال
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
Quote: اين كان وردى فى كل مناسبات اسرة المرحوم اسماعيل حسن
لا يجاملهم فى مناسبة |
الاخوة سلام
شاركت بالعزف مع الفنان وردى في زواج إحدى كريمات
الشاعر المرحوم اسماعيل حسن على ما اذكر ربما في النادى الايطالى فى الثمانينات
وربما المناسبة كانت زواج الدكتورة مهيرة نفسها (ربما) وعلى ما اذكر
بكت العروس لمن وردى بدا يتغنى بكلمات والدها المرحوم
وقربت تقلب لينا الحفلة لبيت بكاء - والحفلة كانت مشاركة منا نحن العازفين
والفنان وردى أيضا - والحق يقال- ولتعلم الدكتورة مهيرة انها بطلبها هذا
ستعاقب الشعب السودانى على ذنب لم يقترفوهو لان كلمات المرحوم شكلت وجدانهم
ولكم ولها ودى
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: ترهاقا)
|
| Quote: الشاعر المرحوم اسماعيل حسن على ما اذكر ربما في النادى الايطالى فى الثمانينات |
فى الثمانينات كما ذكرت اخى ترهاقا
وفى ذلك الوقت سمن على عسل عشان اسماعيل حسن عايش يا سيدى
وبعد وفاته ظهر الوجه الاخر .
وردى لا يجامل مجانا ولو فى اى عمل خيرى مهما كان
وكل العالم حضر من مشارق الارض ومغاربها لتابين الراحل اسماعيل حسن
فى الشهر الماضى لمرور 25 عاما لرحيله ,,
وكان التابين لعدة ايام ولم يظهر وردى اطلاقا وكانت الليلة الختامية
والامال معلقة وكانت الطامة الكبرى .
لها الف حق وحق ,,
ام وضاح
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: Nasr)
|
| Quote: تانيا وانا معك في كل ما سرردتيه من كلام ولكن انا بتكلم من زاوية واحدة وهي هذا الابداع والارث الجميل الذي تركه لنا شاعرنا العظيم اسماعيب حسن فهو ملك لنا جميعا ويجب ان ينتقل عبر الاجيال لانه كلام مميز ومتفرد ساهم في تنشاتنا وسودنتنا وتربية عاطفتنا جهة كل من نحب وخاصة حب الوطن |
الأخ جمال السنوسى
تحياتى
إن كنت تعنى ما بهذا الإقتباس فلماذا لايكون التكريم لاسماعيل حسن وليغن الكل كلماته فى يوم التكريم بما فيهم وردى إن أراد.
وردى قد أساء لاسماعيل حسن وأساء للحلنقى من بعده بعبارات مفعمة بالعنجهية.
قلت وردى فنان أفريقيا الأول على أى أساس..
هل مصر (بما فيها محمد منير فى وسط دايرة وردى) داخل أفريقيا أم خارجها؟
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
جمال..
كيفك يا صديقي..
الموضوع عجيب مرة واحدة..
قبل كم يوم كدا شفت في التلفزيون حفل تكريم / تخليد ذكرى الراحل إسماعيل حسن..
كان حاجة جميلة خالص.. لكن قدر الجزء القدرت أشاهده.. لم يكن لمحمد وردي أي وجود.. أو ممكن أكون ما حضرته..أو ممكن يكون عمل حركة كدا ولا كدا..أثارت حفيظة وريثة اسماعيل حسن..الله أعلم..
وحضرت الأغنية الجميلة بتاعة "تماسيح الحماداب".. تخيل كيف يكون الحال..لو ما كنت سوداني وأهل الحارة ما أهلي...!!!!
وتعليق الدكتور أمين حسن عمر.."لو لم يقل اسماعيل حسن غير هذا البيت لكفاه".. أو كما قال..
======
يا ربي تكون واحدة بواحدة بالنسبة لمهيرة اسماعيل حسن؟؟ يعني وردي ما حضر تكريم اسماعيل حسن.. تقوم تردها ليهو الصاع صاعين..لن يحضر اسماعيل حسن في قصائده في حفل تكريمك يا وردي..
رأي الشخصي البسيط والمتواضع.. عندما يتعلق الأمر بموروث ثقافي...وتراث هائل.. ووجدان شعب.. يجب ألا يترك الأمر كما تفضل أحد الأخوان..للتعامل معه كميراث الحواشات والأطيان.. حتى الملكية الفكرية نفسها عندها قوانين وأحكام ومجالات تطبيق..
ننادي بالصوت العالي: لا يجب أن يمر الموضوع دون تدخل القنوات الرسمية ذات الصلة.. مصنفات / معجنات.. أي حاجة.. المهم الموضوع لا يجب تركه سائباً هكذا... عشان ثقافة السوابق دي لما ينضم ليها العامل الشفاهي في ثقافتنا المهترئة رغم تعددها..بالراحة ممكن تودينا في ستين ألف نيلة..
يعني الناس يعملوا شنو لو طلع ليهم (وريث) للبنا أو أبو صلاح أو سيد عبد العزيز أو عبد الرحمن الريح وطالبهم بعدم التصرف في أي كلمة قالها "مورثه"؟؟
خطاب قانوني؟؟؟؟ قانوني كيف يعني؟؟؟
الله يهديك بس يا دكتورة...
ولو متخيلة مجرد خيال إنه وردي ممكن (يتأدب) بالحركة دي .. تكوني قاعدة تحرثي في البحر بس.. وردي ياهو كدا.. وهو في ذات الوقت..ياهو وردينا..فناننا الكبير... زي علاقة القاش بكسلا.. يمثل حياتها وخضرتها وجمالها.. وهو يزمجر ويهاجمها حد الدمار دون ذنب.. (قريبة الفكرة؟؟؟)..
وبالنسبة للوالد اسماعيل حسن.. عليه الرحمة.. هو رافد رئيسي في معين الوجدان السوداني.. إنتاجه المميز.. تجاوز مرحلة الحدود الشخصية ليصبح ملكاً لنا جميعاً..
حاجة أخيرة..
مصادرة الفرحة من أفواه المطربين الشباب وهم يحلمون بأداء أي من روائع اسماعيل حسن في فعالية زي حفل تكريم وردي..دي عملية صعبة خالص..
يعني بس لو تخيلت أنا مجرد خيال.. إني قاعد أعمل بروفات وكاسر رقبتي عشان أظهر مظهر كويس وأقدم أداء كويس يليق بالمناسبة..ب(إنت ما بتعرف صليحك من عدوك) مثلاً.. تقوم تجي د. مهيرة اسماعيل حسن (وبخطاب قانوني).. (أوعك تغني كلمات بابا في تكريم وردي وإلا.....)
عيب والله .. إنتي يا دكتورة ما بتعرفي صليحك من عدوك ولا شنو؟؟؟؟؟
يمكن إعادة توجيه الرسالة لوردي...(يا وردي شايف والله عشان خاطر الشباب ديل..أنا حا أخليهم يغني أشعار بابا..ما عشان خاطرك إنت لأنك ما بتستاهل)... مثلاً..
أقول قولي هذا واستغفر الله العظيم لي ولكم..
شكراً يا جمال
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
العزيزة أم وضاح
التحية والتقدير..
| Quote: ولا وردينا ولا كحلينا ده سوادنا وبس ,,,,,, |
سوادنا الأعظم..
زماااااان كنت راكب طرحة من السوق العربي إلى الثورة.. وكان يجلس بجانبي الإعلامي مصطفى أبو العزائم..والدنيا كانت كاس عالم..والكلام كله كان عن الكورة والمنتخبات .. الناس قاعدين يشجعوا البرازيل.. أنا قمت سالتهم.. ياخوانا ليش نحن بنشجع الناس السمر؟؟ يعني نشجع الكاميرون..نيجيريا..السنغال..والبرازيل من قبل ومن بعد.. سواق التاكسي قال لينا بالفم المليان:
كيف ياخ.... ده ما السواد الأعظم...
مداخلتي جات كدا بس.. "من غير ميعاد"...
والله بعد قررت أتخارج من البوست ده... "قلت أرحل"...
لكن مداخلتك كانت "جميلة ومستحيلة"..
لما قريت كلامك.. "شعرت الرعشة من فوق راسي لي كرعي.."
وحاولت أقول لجمال السنوسي "لو بهمسة"...
لكن الله غالب...
تحياتي وتقديري..
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
وردي فنان لا جدال في ذلك فأغاني وردي أصبحت جزءاً أصيلاً من وجدان الشعب السوادني و تراثه بل معظم الشعوب الأفريقية و ماكان ليحقق ذلك ان لم يكن فناناً بحق ، للأسف الشديد البعض يحاول انتقاد سلوكيات وردي التي قد يختلف الناس في تقييمها فوردي كأي انسان له هفواته و قد يخطئ وقد يصيب فليس هناك منزه عن الخطأ لكن يجب أن لا يتم خلط الأمور و التعرض لفن وردي فوردي الفنان له قاعدة عريضة من المعجبين و ذلك ليس صدفة أو حظاً رجل اجتهد و قدم المفيد و سيظل فن وردي و أغاني وردي محفورة في ذاكرة الفن السوداني مثلها مثل درر الحقيبة التي ما زلنا نتغنى بها الى يومنا هذا و ستغنى بها أجيالاً قادمة.
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: Badri)
|
ام وضاح
اي فنان في دنيتنا دي هو انسان زيه زينا ما بنختلف في حاجة سوى الموهبة التي حباه به الله سبحانة وتعالي في مجاله ولذا هو يتميز بها عن باقي الناس (صوت ، شعر ، رسم ، كورة وخلافه)
وزي ما نحن عندنا عيوب البشر المعروفة لكل الناس برضو الفنانين عندهم عيوبهم فنحن وهم لسنا ملائكة كل فرد منا يحمل كل صفات البشر الجميلة والسيئة .
يصبح الوفاء من عدمه هو مسألة نسبية بين وردي ومهيرة اسماعيل حسن
وردي فنان ما ساهل وبنفس القدر شاعرنا المرحوم اسماعيل حسن
وانا بقول ليك يا ام وضاح السودان تاني ما حيجيب ابداع زي كلمات اسماعيل حسن وألحان وردي وصوته وهاهو المرحوم عبد الحليم حافظ تسجل البوماته المرتبة الاولى و اعلى مبيعات في مصر برغم انه مات منذ قرابة 4 عقود ووصل سكان مصر عددا 80 مليون نسمة ولم تنجب مصر فنان يغطي وجوده
وردي فنان افريقيا الاول واذهبوا الى افريقيا شرق وغرب وشوفوا حفلات وردي كانت كيف وقارنوها بين كل الفنانين العملو حفلاتهم في السودان من العرب (شيرين أو أصالة أو محمد منير) ما ممكن يصلوا مرحلة وردي في وجدان القارة السمراء لو غنو تاني مائة سنة
تسلمي ام وضاح
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
يا جمال ... صباحك ورد
هي قالت الأغاني الخاصة بي وردي بس ولا كل الفنانين اللي إتعامل معاهم إسماعيل حسن عليه رحمة الله ، عاوزين نفهم الحتة دي ، عشان ما نخش في سين وجيم بعدين ...ها .. ها ..ها.
إسماعيل حسن صاحب فضل كبير على كل الفنانين من غير فرز وله فضل أكبر على الشعب السوداني ، فهو الذي شكل وجدان هذا الشعب بأشعاره الجميلة ، وهو الذي أطلق الأغنية السودانية إلى آفاق العربية والعالمية وهو في بداياته كلمات بسيطة ..أزيكم كيفنكم أنا لي زمان ماشفتكم.كل العرب الآن يعرفون الآغاني السودانية بهذه الأغنية الخفيفة ...رحم الله شاعرنا الفذ إسماعيل حسن ... وأقول لك أخي جمال إن من حقها أن تتعامل إبنة الشاعر إسماعيل حسن مع الفنان وردي بهذ الإسلوب القانوني... فلولا إسماعيل حسن والحلنقي وكجراي وأبوقطاطي لما كان وردي... هذه شهادة حق ورأي شخصي أرجو أن تتقبله ولك مني كل الشكر.
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: حسن إبراهيم خليفة)
|
حسن الحبيب
وهكذا دواليك
ولولا ودري لما وصل كل هؤلاء الشعراء الى القمة في دواخل وجدان الشعب السوداني
سؤال :
يا حسن انت عمك المرحوم الفنان سيد خليفة كل الناس هسه بيغنوا غناهو في زول منكم مشى اشتكى وقال وقفوا الغنا ده
ياخي في فنانة جزائرية( ما متذكراسمها ) غنت في افتتاح دورة ألعاب البحر المتوسط مع محمد منير انا اشتريت شريط كاسيت (ماستر اصلي ) ليها لقيت فيهو اغنية لسيد خليفة
الفن ده تراث شعوب وامم ولا يحتاج لجواز سفر او تأشيرة دخول لقلوب الناس
شوف الشعب السوداني زمان كان بيحفظ الغنا الهندي من الافلام ويبث من الاذاعة من غير ان نفهم معاني الكلمات ( ميري محبة سدارا هيهي) منو الفي جيلنا والجيل القبلنا ما سمع بيها
محبتي
جمال
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
Quote: محمود مصطفى محمود
رأي الشخصي البسيط والمتواضع.. عندما يتعلق الأمر بموروث ثقافي...وتراث هائل.. ووجدان شعب.. يجب ألا يترك الأمر كما تفضل أحد الأخوان..للتعامل معه كميراث الحواشات والأطيان.. حتى الملكية الفكرية نفسها عندها قوانين وأحكام ومجالات تطبيق.. |
كلامك ده هو المقصد من الموضوع وردي ياهو وردي مهما طال الزمن فهو سيتربع على القمة مائة عام اخرى قادمة
لا كلمات اغنيات وردي
ولا ألحان اغنيات وردي
ولا اداء وصوت وردي
ممكن يتكرر او يتجاوزه اي فنان سوداني
تسلم يا حبيب
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
| Quote: وانا بقول ليك يا ام وضاح السودان تاني ما حيجيب ابداع زي كلمات اسماعيل حسن وألحان وردي وصوته وهاهو المرحوم عبد الحليم حافظ تسجل البوماته المرتبة الاولى و اعلى مبيعات في مصر برغم انه مات منذ قرابة 4 عقود ووصل سكان مصر عددا 80 مليون نسمة ولم تنجب مصر فنان يغطي وجوده |
يا أخ جمال سلامات
مؤكد أن حنق الناس أو تعصبهم حيال مبدع يمثل جزء من طبائع الاشياء، طالما أن علاقة الناس بالمبدع نفسها علاقة ملتبسة يتداخل فيها العقلاني بالعاطفي والخاص بالعام، كما أنها مسرح للاسقاطات النفسية والشخصية. هذا مفهوم كواقع معاش وان كان عنفه وحدته يبدو جليا في المجتمعات المحافظة التي من الصعب أن تفصل معاييرها الاخلاقية - دينية كانت أم اجتماعية- عن تقييمها للفنان والذي من المفترض ان يكون فنيا خالصا. ولكن الما قدرت استوعبه أو حقيقة "ابلعه" اطلاقياتك أعلاه في الفقرة المقتبسة من احدى مداخلاتك. والمزعج في الأمر أنه كلام يتداول بكثرة ويقينية كأنه حقيقة مفروغ منها في كثير من المجتمعات التي تسيطر عليها الذهنية الانطباعية subjectivity . الناس قبل اسماعيل حسن كتبت ومن بعده كتبوا، وقبل وردي غنت وفي وجوده غنت ومن بعده حا تغني. لا وردي حجب موهبتهم ولا وجدان الناس ضاق أو حا يضيق - الى ما شاء الله - بكل ابداع حقيقي. بس "انتو" الشوية مصعبين المسألة بالمسائل الحسابية دي. وما أظن في فنان حقيقي - بالمعنى الواسع للكلمة والتي تشمل حتى المستمع- يسعده أن يقفل باب الابداع الشعري أو الغنائي لمصلحة فلان أو علان، لأن ذلك يعني موت الابداع وجفاف الحياة. ودي ما حاجة الحس السليم ممكن يرضى بيها أو حتى ساكت ممكن يفكر فيها.
صحيح ما حا يجي اسماعيل حسن جديد أو وردي جديد، مش لأن اسماعيل حسن فات الكبار والقدره أو لأنه قال الكلام الما بتقال تاني، - اسماعيل حسن في حياته الناس قالت ما هو فوق طاقته الابداعية- ولكن لأنه ببساطة اسماعيل حسن هو اسماعيل حسن، كما أن القدال هو القدال، وتاج السر عبد القادر هو تاج السر عبد القادر ....الخ. وكذا الأمر ينطبق على وردي وغير وردي من المبدعين: أبو اللمين، عثمان حسين، كرومة، سرور، زيدان، ابوعركي....................................الخ. المساءلة وما فيها أنه كل زول من ديل بيحمل ملامح هويته الابداعية الخاصة بيه والبتميزه عن غيره - سميها جينات وراثية ولا جينات ابداعية ولا ولا ...... ما يهم. المهم أنهم كلهم بيختوا الـsharing حقهم وبيمشوا- على حد تعبير أخونا عاطف خيري.
أما حكاية حليم ومصر المحروسة فشوية مراجعة لعلاقة الفنان بالسلطة في ذلك البلد العجيب حا تديك فكرة عن صناعة النجم في بلد يعنى كثيرا في ثقافته بدور الفنان وأثره على الواقع السياسي. والآلة الاعلامية هناك مشهود لها بكفاءة هائلة في تشكيل الرأي العام والذوق العام كمان.
سلامي
عبد الخالق
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: atbarawi)
|
عطبراوي
مؤكد أن حنق الناس أو تعصبهم حيال مبدع يمثل جزء من طبائع الاشياء، طالما أن علاقة الناس بالمبدع نفسها علاقة ملتبسة يتداخل فيها العقلاني بالعاطفي والخاص بالعام، كما أنها مسرح للاسقاطات النفسية والشخصية. هذا مفهوم كواقع معاش وان كان عنفه وحدته يبدو جليا في المجتمعات المحافظة التي من الصعب أن تفصل معاييرها الاخلاقية - دينية كانت أم اجتماعية- عن تقييمها للفنان والذي من المفترض ان يكون فنيا خالصا. ولكن الما قدرت استوعبه أو حقيقة "ابلعه" اطلاقياتك أعلاه في الفقرة المقتبسة من احدى مداخلاتكولكن الما قدرت استوعبه أو حقيقة "ابلعه" اطلاقياتك أعلاه في الفقرة المقتبسة من احدى مداخلاتك. والمزعج في الأمر أنه كلام يتداول بكثرة ويقينية كأنه حقيقة مفروغ منها في كثير من المجتمعات التي تسيطر عليها الذهنية الانطباعية subjectivity . الناس قبل اسماعيل حسن كتبت ومن بعده كتبوا، وقبل وردي غنت وفي وجوده غنت ومن بعده حا تغني. لا وردي حجب موهبتهم ولا وجدان الناس ضاق أو حا يضيق - الى ما شاء الله - بكل ابداع حقيقي. بس "انتو" الشوية مصعبين المسألة بالمسائل الحسابية دي. وما أظن في فنان حقيقي - بالمعنى الواسع للكلمة والتي تشمل حتى المستمع- يسعده أن يقفل باب الابداع الشعري أو الغنائي لمصلحة فلان أو علان، لأن ذلك يعني موت الابداع وجفاف الحياة. ودي ما حاجة الحس السليم ممكن يرضى بيها أو حتى ساكت ممكن يفكر فيها.
عزيزي عطبراوي
انا معك في اننا يجب ان ننظر ونقيم المبدع وردي وغيره من المبدعين في فنهم فقط .. ولا أختلف معك في ان كل مبدع له ميزة ونكهة خاصة في كل مجال تميزه عن زملاءه السابقين والقادمين ولكن انا مع راي الشخصي ومن حقي ان اكتب راي هنا كما للغير نفس الحق ان ماكتبه اسماعيل حسن ولحنه وغناهو وردي ما بتكرر تاني وده راي انا وده لا يعني ان الباقيين صفرا ولكني اتكلم عن مستوى قمة الهرم التي وصلها وردي واسمعين ود حد الزين
وياريت واحد من المتداخلين يكتب لينا اسماء اغنيات وردي من كلمات اسماعيل حسن ونبدا نقارن الابداع اللحني والاداء ومستوى تقبل الاغنية ووجودها جماهيريا على المستويين المحلي والافريقي مع كلمات نفس الشاعر لدى المغنيين الآخرين
| |
|
|
|
|
|
|
|
|
|
Re: هل يجوز يا ناس : د. مهيرة إبنة الشاعر إسماعيل حسن تحجب أغاني والدها عن الشعب السوداني ّّ (Re: جمال السنوسي)
|
مرثية أسماعيل حسن
للشاعر/ ود بادي
مرثية اسماعيل حسن
ارمي الدمعة فوق الدمعتين ياعين
بعد الليلة حابسها الدموع لمين
نزيف الدنيا من حد البلد غربي
ونزيف الدنيا لاحد البلد شرقي
وجوم عامة الليالي العامره
كل الدنيا خاتة الخمسة فوق الاتنين
رحيلك وجعة يااسماعيل
رحيلك نجعة من دار الفرح والزين
رحيلك طعنة في هات الحبد ريفير
رحيلك وقفة فوق درب العليك باكين
فيها نهاية المشوار وحد الفرحة والامال
وحد الفال وحد الزين
ارمي الدمعة فوق الدمعتين ياعين
ويعد الليلة حابسها الدموع لمين
بعد نزلت سكاكين القدر
ديل مسنونة ديل فوق ديل
وشربت من بواكرينا المعتق
حالتو ياالداسنو من السيل
وياالمحزون وحرابنا متكلات قدامو
فوق مشنكسات الخيل
وياالداخرنو من زمن الحساب
شفعنا رابطين الحجر بالتيل
وفجاءة يجينا من طرف السماء مرسيل
ينعب فوق كلوب كاكول
غراب هابيل يبقي رحيل
رحيل كل الغيوم الهامعة متواسرات
رحيل كل الشهور العامرة بالخيرات
رحيل الطينة من طرف الجزر يومات
رحيل الخضرة قدام منجل الهدام جفاف وممات
رحيل البادية فوق برقا وراء نجيمات
رحيلك مو رحيل اجيال
رحيل اجيال .............؟
رحيل بلدا تمام وكمال
وياالعرشت فوق نخل السواقي الشال
واتمددت فوق النيل من الشلال و لشلال
وياالهاجرته فوق ريش الرهو رحال
تظل مرسوم علي باب الليالي سؤال
بعد عشعشت في خاطر الغبش موال
واتبللت من الموية بين السعفة والبلال
بعد عرقك برق في ترابنا حد ما شال
واتمددت غادي وجاي
يمين وشمال
بعد الحال
منو البقدر يجيب غربال يغربل روحك المدسوسة في الاجيال
وفي نفس الدغش مبثوثة في الشتلة ونداها السال
بعد الحال
منو البقدر يطاول حرفك المعقود
علي برقا حرير وهلال
مسطور فوق رقاب البرد
فوق الصخرة والتمثال
بعد الحال
رحيلك ياالمشرشر في مداخل الدنيا كالاوصال
رحيلك هزه في العقدة
ومجامع الروح كما الزلزال
ارمي الدمعة فوق الدمعتين ياعين
بعداليلة حابساها الدموع لمين
كتير من شاف ديارو العامرة
هاجت فوق درب وداي
كتير من عدا فوق سردب
بلا يوادع بلا يناشد كبار القوم
وياخد راي كتير ياعين
كتير الغابوا ماحضروا
وكتير الراحوا ما عادوا
وكتير البمشوا منو جاي
الا الناعي
عمرو الناعي شافوا لو مصير
وتبكي طويرة الاحزان سنين وسنين
مصيرة تساسك المسكينة بين الباسا والباساي
ترفرف من سخاي لسخاي
وتسال عن صدور مغسولة بالدوباي
و تنزل فوق حلقات مجالس الشاي
اقول الشيخ وفي الشاشاي
تبل الريق من الدمع البيوشل من ارامل الحي
وتشرق بالرحيح في الردحه و الوب احي
وتمرق من محاري الناس تولول فيها جرس الصئ
وتصرخ فايقة ياجلابة اقيفوا ليه
وتسعد ضايقة ما شفتوه زولا ليه
تضيع فرخاتو في المجهول
ويرحل من دريب الضئ
آه آه ياطويرة الاحزان
آه لو كان تعرفي البيه
جرحك انتي صاب الريح
وجرحا ليه مسافر في النسيج الحي
دريبي بعيد وحزني فريد
ومما رحل البلبل الغريد
بسرح في عيون الناس
بسـأل ولوسؤالي يفيد
اكيف الدنيا تصبح دنيا
والصيد يبقي ياهوالصيد؟
مين يقدر ينضم عقود منقوشة
ترقد في حزوز الجيد
ومين يضفر كلام الريد
كلو جميل مصيروا يجي ومصيروا يفوت بلاتخليد
كتاب الكون يظل مقفول
بلا خاتمة بلا تمهيد
وحتي النيل يكون مصيروا مجرد موية شاقة البير
منو البيقدر يجيب ليكم خباراتو
رقصة موجو في الشاطئ
رواوشو , حكاياتو
رقاد القمرة جنب النجمة فوق رملا مراياتو
ولما تغيب ينوم النيل موشح بعباياتو
وزي ما النيل يضيع في الدلتا يتلاشي ويموت مشلول
انحنا كمان تفيض امالنا
تنشرة في ساحل المجهول
واي اسفاي
واي اســــــــــفاي
واي اسفاي علي حرف الشمخ في الطول
وكيف الليلة في بطن التراب مسبول
حرام تبلينا يا ايام
حرام تملينا شوق وهيام
اتارينا بنشيل من حرفك الجواني يااسماعيل
ونقعد في حواشي الحضرة وانت تكب علينا غمام
وماعارفين حروفك نازفة من شريات
من دم القليب الاصلوا مابريات
لما شربنا لما طربنا واتلفتنا ما لقيناك يا انسان
وشفنا روحيتك الشفافة ركبت هودج الاحزان
محمل فوق جناج ملكين
ودريو علي مشارف الواحد الديان
قوايمو شقايق النخل الوقع حزنان
مضفور بسعف يابسط
مفرش بكباد اماتنا والحبان
مزمل بحبال صبرا فقدانهو زمان
مضلل بالدموع شرقان ........
عجيب ياهودج الاحزان
مواسم الهجرة ما حانت ولا زمن الرحيل قد حان
نسافر ليك وزادنا الشربه من بحر الحزن والاهه والحرمان
وداك اليوم كان وداع الهودج المتهادي
كان جامع رجلات الحضر والريف
طيور السافل المحزونة جات بليلة تاركةجناها للريج والمطر والزيف
وروح ترهاقه والعباسي وروح ايواتنا
وريحة الماضي كلها جات
منوكشايل وقف شاوش
منكس بحرايو واقف بقفاهو تابعوا شايل سيف
وبعد الليلة كل بنية تلبس فوق صديره كلين
يكون مزروع فيهو قلب الشهيد وانت شهيدو يا اسماعيل
ياالله يالله يالله
بعد ما شلت اسماعيل وفات
معاهو باقي كلام وباقي حنين
يالله بعد الفجعة نظل شاكرين
نظل واقفين علي بابك معاي طلبين
يكون عيود معاهو التوم معاهو كذا شاهدين
واقفين قدام قبر الولي اسماعيل
نظل واقفين الليلة والباكر
الي ماشئت يالله
الي يوم الفصل والدين
وداك يكون يومنا ونقالد فيه
شيخنا اسماعيل
....
يعني كده اسماعيل حسن ده حقنا كلنا نحن الغبش ديل
جمال
| |
|
|
|
|
|
|
| |
جمال السنوسي
essam&amal
Ahmed Abdallah
ترهاقا
Nasr
Balla Musa
بلدى يا حبوب
Mahmoud Mustafa Mahmoud
Badri
atbarawi
فيس بوك
تويتر
انستقرام
يوتيوب
بنتيريست