على مدى بث يشمل السودان وأفريقيا وبقية اقطار العالم على القمر (نايل سات3) وعلى مدار اليوم؛ انطلق البث التجريبى لقناة (زول) التلفزيونية، فيما عدا ا السودان لصعف البث من خلال (نايل سات 3) بسبب تعامد القمر، وسيتم الانتقال خلال هذة الأيام الى (نايل سات2) ليعم البث كل السودان. تطلق زول قناتها العامة من مدينة الفجيرة الإماراتيه وذلك ببسبب تعثر اجازة قانون البث التلفزيوني بالسودان، توجد الأستديوهات الرئيسية هناك، بينما لديها استديوهات بالخرطوم تعمل على دعم استديوهات المركز.
تعمل (زول) علي عكس الثقافة السودانية والشخصية السودانية بكل سحناتها ومميزاتها المختلفة بوجهها الحقيقي وليس الوجه الذي كرست له الآلة الإعلامية الغربية، ولهذا اختارت اسم (زول) دلالة على سودانويتها. كما انتهجت القناة في دلالات شعارها الإبداع والمهنية العلمية بمقابلة ثلاثة الوان ذات دلالات واضحة هى الأزرق ويشير لسماء السودان الصافية، والأبيض لنقاء ضمير انسانه، اما الأسود فيحمل سمرة افريقيا. وبهذا ارادت (زول) ان تخرج للحياه عبر الفضاء المزدحم لتجد لإنسان السودان موقعا هناك
وفي زيارة (السوداني) للقناة التقت الأستاذة احسان التوم، رئيسة قسم الإنتاج، التي حدثت الزميل السموأل حسن عن خارطتها البرامجية قائلة: القناة لها فترتا بث صباحية ومسائية تقدم من خلالهما برامج تربوية وطبية وصيدلية شعبية ومطبخ وتجميل وجديد الأغنيات بالسوق واستطلاعات، وتتخلل الفقرات اخبار اجتماعية وفنية بالإضافة لدراما سودانية وأفريقية.
كرست الفترة المسائية لعكس لكل الفعاليات الثقافية فى السودان كما سيتم بث افلام وثايقية وبرامج اطفال وأفلام آكشن وسهرات متنوعة. و(زول) تتقدم بالدعوة عبر (السوداني) لكل المطربين السودانين من كل الأجيال، ولكل من يأنس فى نفسه الإبداع والعطاء لإنتاج اغاني فيديو كليب مجانا بشرط ان تكون الكلمات خاصة بالمطرب، وتهدف القناة بذالك الى عكس الوجه المشرق للأغنيات السودانية، وإحداث نقلة فى مجال تطورها. وفى سبيل ذلك استقدمت القناة مخرجة مصرية لإخراج الكليبات بشكل مختلف عن المطروح فى القنوات العربية الآن، كما توصلت القناة الى مذكرات تفاهم مع كبار الفنانين السودانيين.
وأكد المدير العام للقناة د.بدر الدين ان القناة ستطلق اربع قنوات متخصصة (اخبارية وبرامج اطفال وموسيقى ورياضية)، وهي تعمل ضمن شبكة قنوات (زول) التلفزيونية التابعة لشركة (زول) للخدمات الإعلامية، وهى المالك الفعلى والمشغل الرئيسي للقناة
- منقول من موقع آخر_
01-12-2008, 01:58 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
الافاضل اتابع" زول" منذ بدء بثها التجريبي قبل اكثر من اسبوع وللان ابحث عن "زول" .....المؤسف جعل كل امال وطموحات الانسان السوداني "الزول" في شكل تسجيلات لبرامج امريكية ومن القنوات العربية ومحاولات غنائية لاصوات غير معروفة وتصويير رتيب للقاءت مع هذه الاصوات....شعارات "زول " كشعارات "الشروق" تتحدث عن انها واجهة السودان المشرق وانها تعكس ثقافاتهووووووووووو وللان رغم ظروف سمحت لي بساعات في الايام السابقة والان لمتابعة هذه الفضائية فهي حتي الان تبدو قناة لهواة وجدو تمويلا ومالا وفقط ....لولا العلامة او الاسم في اعلي الشاشة لما وجدنا ما يشير الي لها صلة صلة بمحمد احمد الزول الاصلي ... صارت بلادنا ملطشة للساسة وهواة الفضائيات الخائبة
مودتي ابوبكر
01-12-2008, 08:17 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
انا من واقع تجربة موقعي في العمل باكد ليك انو تكلفة اعلان 35 ثانية فقط هي 170 الف يورو يعني انت لو داير ليك فيديو كليب دقيقتين او ثلاثة دقائق محتاج ليك لي 550 الف يورو عدا ونقدا
اها نبقى في منو البدفع
ناس الشركات بيحملو التكلفة دي للمستهلك وبيختوها في سعر البيع للمنتج والاعلان دايما ترويج
اما اذا كانت اغنية ساكت من شكل الغنا الحايم في الفضائيات ده بيكون ترويج للالبوم للفنان او الفنانة اوده شغل واكل عيش منتجين عارين مين المكسب ومين الخسارة
غايتو انا بقول ليك ناسنا ديل لسه بدري عليهم وكان ( عايز تعيش) معاهم تعال نعمل لينا قناة فضائية تكون تلفزيون الواقع ونقع ليك في سوق الله واكبر ده ومن هسه البرامج كالتالي :
مع شاي الصباح : وده برنامج يومي يبث مسجل من داخل اي بيت سوداني عن قصة اسرة سودانية (بسيطة أو غنية وكيف بشروبوا الشاي وحق افطور للمدارس وسيد اللبن والجزارة واللحمة والخضار والقفة
بالمناسبة الفطور في السودان بقى من 12 الى 1 ظهرا غداكم شنو : اها تسجيل يومي برضو للغدا وبنفس الطريقة
والغدا في السودان بقى الساعة ستة :
وطبعا العشا مافي
بعد كده برنامج الخبارات :
اخبار كل المبدعين الخاصة جدا من شكلة العداد لحدي حق الساوندسيتم
والسهرة مفتوحة في اي حديقة مايوية او انقاذية ( واله كان شفت الحدائق في الاعياد مليان كترة ناس ما عرفت لي فيهم زول واحد برغم اني من مواليد الخرطوم)
صلاة الجمعة برضو كل جمعة من قبة فكي او خلاوي مشهورة عشان الغبش ديل يظهروا شوية
- برنامج مهم جدا : باب الزواج والخطوبات والفركشات وده انا متاكد حيجيب لينا اكبر قدر من المعلنين زي طاش ما طاش للتلفزيون
كمان ما ننسى رسائل التهنئة والحب اس ام اس على شريط الشاشة
انا غايتو بمسك ليك الاعلان وقورشو اها بعد سنتين تلاتة نكون عملنا لينا قروش انت تشيل نصيبك منها وتمشي تعمل ليك فيديو كليب كارب ونبيعو للفنوات ودي اول الغيث بعد داك المطرة بتصب براها
رايك شنو
01-12-2008, 08:28 PM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 11025
جمال ياخوي الظريف قتاتك دي اجمل الف مرة من الهجص واللجص ده ياخي عندي شركة انتاج في السودان وهنا بعمل واتعاملت مع شركات متعددة واجييك الناس الدايشة دي تتكلم ليك عن انتاج فيديو كليب مجانا بلدنا التعليم ما فيها مجانا ديل وهم ولا شنو وعايزني اشوف القناة دي او اتعاون معاها لي زمن بعمل في برنامج للأطفال كان في تفكيريااوزعولي قتاة زول لكن بعد ده نودتي
01-12-2008, 09:30 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
ياخي ( في اوروبا والدول المتقدمة) بدفعوا ليك في كل مرة بيعيدوا بث حلقة انت مسجلها ليهم او مشارك فيها
حفظ حقوق الناس في البث واعادة البث هي التي تبين مصداقيتها امام جمهور المشاهدين
نخريمة :
عندي ناس اصحابي شديد ( أسماء معروفة في السودان ومشهورين) قاموا سجلوا ليهم 15 حلقة لأحد القنوات الجديدة عشان تبث في شهر رمضان الماضي - اها سهر واعداد وزمن طويل خلاص أها يا زول جماعتي ديل لحدي هسه ما قبضوا مليم ( يا حليل زمن المليم والفريني) وزولك صاحب القناة قال ليهم امشوا محل ما تمشوا
ياخي ناس القنوات ديل كان جوك قالوا ليك سلام ساكت ما ترد عليهم علا لمن تشوف الضحاكات وتعدهم كم
بالله ما تفكر تنجح لينا قناة تانية
تعال معانا نعمل قناتنا دي
وانت زول ماك هين
اسمك ساكت عندو قيمتو
الباقين ديل مع احترامي ليهم كانوا وين وقت انت كنت مسيطر على تلفزيون السودان مع جماعتك في محطة التلفزيون الاهلية
ود السني لازم قناتنا دي تشوف النور بي سرعة وما محتاجين غير كمرتين وغرفة تحميض والاستوديوهات طبيعية مليون ميل مليانة ضل وشجر ورواكيب وهمبريب اخير لينا من التقفل واجترار الانفاس بين الجدران تقول الواحد بيلعب في اسكواتش كل يوم
السني يا قريبي الحرص واجب ... الصبرك العمر دة كلو يدييك صبر عشان تحافظ علي العملتو مهما كان بعيدا عن جليطة فضائيات ولدت فاقدة الاتجاه والبوصلة والابداع ....
01-13-2008, 02:42 PM
Ro3ah Ro3ah
تاريخ التسجيل: 05-10-2002
مجموع المشاركات: 716
Quote: قناة اسمها سوداني لكن محتواها على شاكلة...شو هايدا....هوني....
لو اكتفت بذلك يكون كويس ولكن يبدو ان القائميين عليها تنقصهم قدرة ابداعية اصيلة تعكس ابداعات وطنهم كما يفعل كل خلق الله .. انهم لم يكتفو بالفوضي التي يبثونها تحت شعار "سودان مةحد" فتجد الشامي واللبناني والخليجي وحتي ما ييسمونه سودانيا كالذي ياتو به كهذا الذي سجلته لكم .. مؤتمر تحدثت فيه المطربة ووزع المدير جوائز كثيرة وتحدثو خارم بارم والموضوع " موتمر تدشين شريط "ابتديت " لسمية حسن " ...وهذا هو الفيلم المترجم الي العربية كما ستقراؤون المعذرة ان فرضنت عليكم هذا ال Video Clip ولكن قصدت ان ترو بعض من عمائل القائميين علي هذه الفضائية :
01-14-2008, 09:07 AM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
سبق وان سجلت دون متابعة -تسجيل تلقائي - لقاء مع ندي القلعة في مطلع العام ورايت اليوم فضائية زوول تعيد بث بعض من اللقاء.. انا غير متابع لاغنيات ندي ولكن يبدو انها تهتم بهيئتها وشكلها وادائها كما رايت الان وانا احاول ان استقطع من ذلك التسجيل الاغنية التي طلبتها ...ندي لها ما يميزها وهذا مهم ان يكون لكل مغني ما يميزه وشخصيته ولكن كوني غير متابع لندي فهذه وجهة نظر مما رايت الان :
01-14-2008, 03:17 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
Quote: بالله ما بلقى عندك تسجيل لحفلة ناس السكر ( بضم السين)
دييل منو ومتين ؟؟؟ شوف انا بعدت كتير خالص عن البلد يعني شهر اتنين الجاي دة بتم 31 سنة واخر زيارة كانت قبل 13 سنة ...اتابع الفضائيات السودانية من خلال شاشة تلاصق جهاز الكمبيوتر الذي اعمل منه حينما اكون في البيت واليوم "اجازة بوش" هنا وايام الاجازات السابقة ولقلة اجتماعيات برضو الواحد ما عندو غير الكومبيوتر والشاشة الجنبها يعني زي كبارنا زمانك كانو بيخلو الراديو في محطة البي بي سي او صوت العرب واهو يتسلو ويتابعو ...واها انا من عجائز هذا الزمان ابحث عن نافذة اري منها بلدي وانا بعيد....
01-14-2008, 03:16 PM
abubakr abubakr
تاريخ التسجيل: 04-22-2002
مجموع المشاركات: 16044
التوتو كورة اصلها عمرت اقل من تلات سنوات وبعدين قبل 75 كان ابي عاج قد لغاها ولغي الكورة...هو اصلو كان بيلغي علي مزاجو فقام لغانا من سجل اللمهندسيين الذين يادوبك اشتغلو وماتمينا سنتين ولسه اسمنا مكتوب بالرصاص -قبل القومسيون الطبي- ونزلنا معاش .. شفت كيف ؟؟؟ اها من دييييك وعيييك ....اها ياها 31 ولا 13 فالجو بعد ابعاج ما خلونا نتهني بحلم الرجوع ودحين زي ما قلت ليك بنحاول الرجوع اسفيريا وسماعيا وفضائيا ..شفت جنس مكاواة زي دي .. اها لابر برة ولا جوة جوة ....
01-14-2008, 07:14 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
Quote: حقو تعمل لينا بوست خاص برحلتك من اب عاج ولحدي هسه
تحياتنا الملياردير جمال اها خلينا ابعاج راكب رولزرويس وطيارة مع عدنان خاشغجي وارييل شارون واليومين دييل راكب تويوتا " تويوتا بس زي ما قال ودمريم محجوب شريف " اها تاريخ ثلاثين سنة اتلخص في المسافة بين طيارة ورولزرويس وتويوتا ..
___ ما ترش شوية ملايين دولارات في الفضائيات .. شايف ملايينك مالية استاد الكورة .. اهي ادي الغلابة دييل شوية بشان يخلونا في حالنا ....
01-16-2008, 05:46 PM
abubakr abubakr
تاريخ التسجيل: 04-22-2002
مجموع المشاركات: 16044
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال السنوسي
الطاهر عثمان
محمد سنى دفع الله
abubakr
Ro3ah
salma subhi
المعذرة ان فرضنت عليكم هذا ال Video Clip ولكن قصدت ان ترو بعض من عمائل القائميين علي هذه الفضائية :
فيس بوك
تويتر
انستقرام
يوتيوب
بنتيريست