|
دعواتكم لزميلنا المفكر د.الباقر العفيف بالشفاء العاجل
|
|
 Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: Rakoba)
|
.
حقيقة المنظر الذي حمل به الكاس غير جميل وغير متوقع ...ولكن للموضوع خلفيات اخرى
فهنالك كثير من المشاكل التي حدثت بسبب المنتخب ..فقد طلب السيد الوزير ان يعود المنتخب بالطائرة الخاصة التي ذهب بها البعض من هنا لمؤازرة المنتخب ضد زامبيا حتى يجد الاستقبال الجيد حيث ان الطائرة الاثيوبية حضورها في زمن متاخر لن يمكن الجماهير من استقبال المنتخب ..ولكن د.شداد رفض ذلك واصرعلى حضور المنتخب بالطائرة الاثيوبية كما كان مرتب له ...بل هاجم السلطة في عدم دعمها للمنتخب ..بل صرح بان كل الهزائم كانت تنسب له هو بينما الانتصار ينسب للجميع ...وايضا هاجم قائد المنتخب هيثم مصطفى الجميع بعدم الاهتمام بالمنتخب وقال ان الانتصار الذي تحقق هو بفضل اللاعبين و الجهاز الفني وليس للسلطة او الاتحاد يد في ذلك واشاد فقط باسامة عطا المنان عضو الاتحاد وقال هو الشخص الوحيد المهتم بالمنتخبات الوطنية ....كل هذه الاشياء وعدم استقبال اللاعبين من قبل السلطة و الاتحاد في المطار ادي الى إحباط اللاعبين وإحساسهم بعدم الاهتمام ..حتى الجماهير كانت قليلة جدا جدا ...
.
| |
 
|
|
|
|
|
|
|
|
Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: جمال السنوسي)
|
وسمعنا انه جرت محادثات لإرسال العجب لاستلام الكأس والعودة به درءاً لمناظر زي دي
معقولة بس يا راكوبة !!!!!!!!!!!!!!!
يا راجل والله لو جابو العجب عشان يستلم الكأس انا خايف ينساهو في الطيارة عدييييل ..أو يسالموا ولا شعورياً يديهو لي هيثم مصطفى !!!
بالله عليك يا راكوبة وريني اخر كاس شالو فيصل العجب بتين ؟؟؟؟؟؟
لالالالالالالا مش كده وريني اصلاً العجب شال ياتو كاس؟؟؟؟
اللهم إلا كأس وزارة الإسكان وكاس الخرطوم عاصمة الثقافة لمن بتلعبو ضد الخرطوم 3 واهلي ام مقد ..
والله انتو يا الصهاينة عليكم جنس إشاعات !!!!!!!!
فيصل العجل ما عندو اي خبرة في حمل الكاسات سواء جواً أو بحراً أو براً !!!!!
الزول ده لا شال المحلي داخل عطبرة ولا شال الخراجي ..
واحسن حاجة ليهو هو كابتن باقي لي هو وصافة الزعيم !!!
تخريمة :
دورة الجائزة المالية فيها 35 الف دولار يعني لو حاولنا نوزع لي افراد البعثة كل واحد فقط 1000 دولار مكافأة فوز صدقوني حا نحتاج نستلف تاني 10 الف دولار عشان نكفيهم ...
معقولة بس دي جائزة ؟؟؟؟؟؟؟
والله دورات المراحيم في السودان جوائزها افضل بكثير!!!!!
اما طريقة حمل الكأس فانا موافق على ما كتبه الراقي جمال الصادق وتحليله للحدث..
| |
|
|
|
|
|
|
|
|
|
Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: Nasruddin Al Basheer)
|
الاخ جمال وضيوفه الكرام
انا اعتب عليكم جدا لتناولكم لهذا الامر بهذه الطريقه
فانتم لم تحسنوا استقبال هؤلاء الابطال الذين اتوا لمطار الخرطوم وهم
يحملون كاس بطولة سيكافا للمنتخبات بعد ان سكبوا العرق ةالجهد فى
ميادين اثيوبيا وهوموا الفريق تلو الاخر
وقد لعبوا مباراه كل 84 ساعه واخر مباريتين لعبوا فى كل مباراه اربعه
اشواط لم تنقص دقيقه
حدث كل ذلك بمجهودهم الخاص بعد ان وقفت الدوله مغلولة الايدى تتفرج عليهم
ووقف اتحاد الفشل الزريع ايضا متفرجا عليهم .. لاتمارين ولا مباريات اعداديه
فقط تجمعوا اللاعبين فى مطار الخرطوم
ولولا ان مازدا كان مصر ومنز فتره طويله على كليه معينه تلعب مع بعضها زمن
طويل حتى حدث بينهم انسجام جيد .. ولولا ان مدرب الهلال البرازيلى ومدرب المريخ
الالمانى كانوا قد بزلوا جهدا مقدرا واعدوا لاعبيهم بصوره جيده من ناحيه الاعداد
البدنى والخططى والمهارى .. لولا كل ذلك لما تحقق هذا الكاس الذى اتى بعد صيام
دام 26 عاما من منصات التتويج
لكل هذا وطالما اننا مجموع الشعب السودانى بما فينا الحكومه والاتحاد العام لم نساهم
مع هؤلاء الابطال فى انجازهم هذا فكان من باب اولى ان نحتفى ونحتفل بهم وان نشجعهم
على هذه الشجاعه التى تحلوا بها وهم ياتونا بكاس من غير اعداد ولا يحزنون
خاصه وان امامهم تصفيات الامم الافريقيه والتى يسيرون فيها جيدا
وعلى هذا فيجب ان تكون اصواتنا اصوات تشجيع وشحز للهمم
وتخيلوا معى لو ان احد اللاعبين الابطال اطلع على هذا الموقع وقرأ هذا البوست تحديدا
فهل تتوقعون منه ان يبزل لكم الغالى والرخيص مستقبلا من اجل ان يفرحكم وان يرفع علم
بلادكم عاليا .. وانتم تسخرون منهم هكزا لانهم لم يرفعوا الكاس فى باب الطياره وماعارف
شنو كدا
ماهكذا تورد الابل ياهؤلاء
| |
|
|
|
|
|
|
|
|
|
Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: Rakoba)
|
انا ذاتى لاحظت وعلقت عليه...كانه حامل سايكسفون او مسجل...زى مسجل جبرا الجابو من جدة
ايام دورة ابها
ياشباب تراشق الكلمات لا يقدم ولا ياخر...المشكلة مش فى رتشارد ولا فى العجب... ولا فريق الكرة....لكن المشكلة فى ناس الثقافة ذاتهم..واقصد ثقافة اهل الكرة اجزم واحلف ..لو لعب الهلال فى نهائى كاس اوربا لانبرى صحفى مثل مزمل ابو القاسم واخذ يكيل ليه الشتائم والقدح...ودى كلها ثقافة كيزان..زول صحفى ومثقف ومتعلم وفاهم يكتب عن فريق ند لفريقه..ويتمنى زولاه من الوجود...نفى الاخر ثقافة منبته..لا كاس تحمل ولا فريق تقلب..لابد من تثقيف الصحفين الكروين وتاديبهم وتعليمهم رقيق الكلام وجميل اللفظ.. وبعد كدا....تعالو اقدحو لاعب فى طريقة حمله للكاس....لانه اصلا كاس فطيسة....لو كان زنزبار داخل المجموعة
كانت اخذت الكاس...ولاعب محبط ومن جهاز منى لم بخلص لابداعه..مثل طمبل..يقوم يسجل للمريخ
طيب مالو كفر..اعتنق ديانة اخرى...ما شفتو لعيبة اوروبا بتنقلو فى النوادى زى تغير الشقق
وخليكم بكرة شوفو مباراة الفمة..دفاع الهلال سوف يكون مشحون من قبل الارباب..لبتر وكبح
جماح اللاعب العاق هيثم طمبل...ومزمل ابو القاسم ذالك الصحفى المثقف كرويا..الذى كان يشتم ويقدح فى اهداف هيثم طميل....سوف يروى الاشعار والدرر الكبار فى مدحه يوم غدا..لو فكت دبرسته..وفارقه النحس واللعنة..وسجل من ابداعه كالعادة هدف جميل فى شباك الهلال الاب
الحنو الذى احتضنه شبلا يافعا ولم يبر به الى النهاية بسسب ادارته العاقة...
| |
|
|
|
|
|
|
|
|
|
Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: عمر الفاروق)
|
راكوبة .. سلام مربع
كل الكؤوس التي أحرزها منتخبنا رفعها كباتن الهلال :
1- كأس فلسطين .. صديق منزول
2- كأس أمم أفريقيا أمين زكي
3- كأس سيكافا الخرطوم 1980م .. مصطفى النقر
4- كأس سيكافا أديس أبابا 2006م .. سيدا وسيد أبو كمان
المرشحون من قبل الكاف لجائزة أحسن لاعب خلال الخمسين عاماً الماضية
صديق منزول .. نصر الدين عباس .. علي قاقرين
شفت الفرق بين الراكوبة في الخريف والجبل الما بهزو الزيف
| |
|
|
|
|
|
|
|
|
|
Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: Rakoba)
|
Quote: ربنا يتسر ما يجي الفارش بشاشا ناطي بهنا
مصر ام الدنيا
كورة وثقافة وعلم واقتصاد وكل حاجة
ونحن بس منفوخين ساكت |
عادل امين
صح فيك او قولك ،،،، مصر أم الدنيا لو جاء الفارش بشاشا او بصل
الشقيق جمال الصادق هلالابى زعلان من ( المشاركه )
يا شقيق الهلال ،،، الاشقاء صلاح ادريس / طه الحكيم / عبدالمجيد منصور
الهلال حزب الحركه الوطنيه دى تكفى كل الكاسات ،،، هذا من ناحيه
الهلال بلعب للسمينه كاسات الصفيح دى وجزمه تموت تخلى دى لعب دافورى
ما شبهنا ،، انت نسيت الموزة اب نقطه !!!!
| |
|
|
|
|
|
|
|
|
|
Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: كمال مبارك)
|
يا اخوانا
كدي اخدو نفس شوية
وخلونا في الكاس ده
بعدين نشوف الهلالاب والمريخاب
هو في شي بوظ كورتنا وسياستنا غير كده
يا اخوانا بالجد نحن لازم نصلح الكورة من الداخل بالأول
وأنا من هنا بخاطب د. كمال شداد : يشد لينا الدوري الممتاز بأول قرار والقرار هو :
: تعديل أسماء الفرق في الدوري الممتاز بحيث لا يتكرر اسم الفريق في البطولة
يعني شنو المعني هلال العاصمة وهلال بورتسودان وهلال كادقلي وهلال سنجة
ومريخ كوستي ومريخ الفاشر ومريخ المريخ ( دي زي سلاح الاسلحة )
يا اخوانا وينا القومية والتعددية والانتماء
شنو يعني لو كانت اسماء الفرق مختلفة عن بعض في كل منطقة وكل مدينة عن باقي المدن الاخرى في السودان يعني هي من قلة الاسامي .
يا اخوانا شوفو مصر دي فيها اكثر من 70 مليون انسان وفيها فريق الاهلي واحد بس وزمالك واحد
بقينا نسمع بانبي واسمنت اسيوط والكلية الحربية واسماء جديدة في كل سنة حسب الصعود والهبوط مافي اسم بيتكرر مافقيش اهلي بورسعيد ولا زمالك اسوان
الدوري السعودي برضوا ما فيهو اسم بتكرر
يا خوانا النجاح في كل حاجة يكون بالانتماء للاسرة للقبيلة للمنطقة ثم للوطن
يعني الليلة لو لعب هلال العاصمة مع فريق النجمة من الفاشر صدقوني ناس الفاشر حيشجعوا فريق النجمة عشان بيتمي للمنطقة ولكن لمن يلعب هلال العاصمة مع هلال الفاشر ناس الفاشر الهلالاب حيكونوا مع الهلال العاصمي
بعدين عدم تشابه الاسنماء وتطابقها بين الاندية سوف يحد من عملية انتقال اللاعبين للعب لاندية العاصمة هلال مريخ عشان الواحد ما بيكون بيلعب في هلال كادقلي وينتقل بسهولة لهلال العاصمة عشان هو هلالابي
اللاعب هنا بيكون في فريق ينافس على الدوري زيه وزي باقي الفرق في مختلف مدن السودان.
حقوا نبدا يا شداد الموسم الجديد يكون بأسماء مختلفة (مهما كانت التضحيات والصعوبات يمكن نشوف ليها حل ) ويبدا الدوري بي هلال واحد ومريخ واحد والباقين ناس الميرغني وحي العرب والامل وغيرهم يظلوا على نفس الاسم اما كل فريق اسمو مكرر في الدوري الممتاز يغير اسمو ويخش المنافسة وده يكون بأمر القانون يا شداد يا ابو القوانين وصدقني يا دكتور شداد انت كده بتكون ختيت اول طوبة في بنيان تصحيح الكرة السودانية ( بالله بلد مليون ميل مربع ما فيهو غير اسمين فقط للأندية هلال مريخ )
| |
|
|
|
|
|
|
|
|
|
Re: بالله شوفو ريتشارد شايل كاس سيكافا كيف وهو نازل من الطيارة في مطار الخرطوم ؟ (Re: جمال السنوسي)
|
الحبيب سيف كلي:
ياخ مشتاقين والله ..
وطلتك ومشاركاتك بتديني إحساس إنو هلالانا بي خير وبحس إنو وجودك معاي بيخلينا نغلب ناس راكوبة وسامي 9-صفر..
اصلو الناس ديل حنكهم واااااااااااحد لمن بقا مسيخ ...
كاسات الجو ..
والله البيحيرني إنهم بيحسبو كاس دبي خارجي !!!!!
ياخ ده كاس ال90 دقيقة !!!!!
والمباراة ودية زيها زي تكريم بدر بلال اللي جاب الهلال كاسو !!!
راكوبة زاتو بقا بيخجل من كتاباتو ...
الغريبة الجماعة ليهم اكتر قريب ال20 سنة ما جابو كاس خارجي ..اما المحلي داخل عطبرة فليهم 4 سنوات ما شافوهو ..
| |
|
|
|
|
|
|
| |
جمال السنوسي
hajhamad
Rakoba
gamal elsadig
Dr.Saeed Zakarya Saeed
عمر الفاروق
Nasruddin Al Basheer
على محمد على بشير
abuguta
لؤى
saifkeli
adil amin
كمال مبارك
فيس بوك
تويتر
انستقرام
يوتيوب
بنتيريست