حفلة العرس الليلة كانت في بيت ناس العروس ، اها ناس العريس الازرق جو سيرة كبيرة وساروا لحدي بيت ناس العروس وحقيقة البيت جميل ورائع وكراسي الضيوف نضيفة وتلمع ولونها اصفر وأحمر وفرشوا البساط للرقيص بساط اخضر كبير وبدا الغنا ناس العروس ( بالطول بالعرض عروسنا تهز الارض) وناس العريس يغنو (نقيصة ما بتهمنا دي الكاس بتتمنا) غايتو نزل العريس لابس ازرق في فرشة الرقيص الخضرا وكمان جات العروس حلاتها لابسها احمر بي اصفر وترقش زي عروس المولد العريس الازرق الليلة قطع الرحط وغلب العروس الحمرا (وعينها قوية) قونين لي قون واحد وفي بيتهم واهل العروس قاعدين يفكرو هسه يعملو شنو في حفلة الصبحية الحددوها يوم الاحد الجاي
المهم يا ناس الما حضر حفلة قطع الرحط الليلة بندعوهو يجي يحضر الصبحية يوم الاحد الجاي وبالليل وما يهمكم العشا متوفر والباصات بعد الحفلة رااقدة وبنوصل اي زول لي بيتهم ناس الكلاكلات والحاج يوسف وجبل اوليا وعندنا كمان بيوت للمبيت وللناس البيجونا من السفر يمكن ينومو بعد الحفلة ويسافروا اليوم التاني
والحاضر يكلم الغايب وموعدنا الاحد بالليل والدعوة لي ناس العروس ما يزعلو ويجي يحضرو ويجو الحفلة وما ممكن تكون في صبحية بدون عروس
وبرضو نقول لي ناس العروس غيرواالترزي بتاعكم ده عشان قينان العريس مرقت من تحت فستان العروس مرة بي جاي ومرة بي غادي وشوفو ليكم ترزي تمام يلم فستانكم ده ويسد القدود الكتار عشان تكون العروس جاهزة لي حفلة يوم الاحد
وما زال الليل طفلا يحبو
جمال السنوسي
(عدل بواسطة جمال السنوسي on 11-30-2004, 10:55 AM) (عدل بواسطة جمال السنوسي on 11-30-2004, 11:04 AM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال السنوسي
فيس بوك
تويتر
انستقرام
يوتيوب
بنتيريست