دعواتكم لزميلنا المفكر د.الباقر العفيف بالشفاء العاجل
|
|
 عظمـاء الحركـه الطلابيه...نصــر الدين الرشيد.
|
...هانحن نواصل التنقيب فى دفاتر عظماء الحركة الطلابية,اولئك ضاقوا ليتسع لنا الطريق..والذين عاركوا هذا النظام الفاشستى الحافر بالحافر والموقف بالموقف..وفضحوه وفككوا خطاباته ,عبر منابرهم ومواقفهم و فى أشد أوقات الإنقاذ بطشا وفتكا...وكانوا عظماء بكل ما تحمل المفرده من زخم...ونحن إذ نحفر عميقا فى دفاتر هؤلاء ونستدعى تأريخهم..فذاك لا لشئ سوى رد الإعتبار إليهم وتسليط الضؤ على مواقفهم ونضالاتهم...
....نصر الدين الرشيدوخريج جامعه أمدرمان الأهليه,الذى كان من الناشطين فى مؤتمر الطلاب المستقلين, ومن بعد ذلك فى قوات التحالف.رقم كبير للغايه فى الحركه الطلابيه ومن الذين حفروا تأريخهم بأحرف من نور فى سجل عظماء الحركه الطلابيه...وللامانه أنا لم أعاصره ولكن الذين عاصروه قالوا ذلك وأكثر...إذا هى دعوه للتوثيق لهذا العظيم...RED
|
|
 
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: على عمر على)
|
شكرا خالد خليل
اليوم تحديدا ولا ادري لماذا ظل يحوم في ذاكرتي نصر الدين الرشيد ...
وسيطرت علي عبارته التي قالها لي اكثر من مرة ..
الأغبياء وحدهم من يحلمون بتغيير العالم ....
كلما جاء اسمه كلما انفتح الجرح كأنه كان بالأمس
سيظل نصر الدين فينا ... كنيران المجوس ... تضئ من المهد الي اللحد ...
سنكتب مرة أخري بعد ان يكتب الصادق اسماعيل ... ان كان يستطيع ..
كل الحب لنصر الدين ولكل ضيوف هذا البوست ..
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: على عمر على)
|
...عندما شرعت فى كتابة بوستات عن عظماء الحركة الطلابيه
ماكنت أرنو لشئ بمقدار ما أريد فى البدايه التعرف على هؤلا
الشرفاء من خلال السرد الذى قد يكون مدخل للتوثيق,وفى البال
زهد الانسان السودانى فى التوثيق غير السماعى...ولان هؤلاء العظماء
يحتاجون ان ننقب فى مداراتهم وتواريخهم لنستفيد ولنرى ولنقف على حجم
نضالاتهم وافكارهم...إذا قد تفتح بوباة التنقيب فى ذكرى هؤلاء الشرفاء بوابات جانبية
وقد,تستدعى للبعض شئ من الماضى والجراحات..ولكن تبقى الفكره العامه هى أننا نرنوا للتقيم ليس إلا...ونرنوا للتوثيق ورد الإعتبار.....ودمتم..
العزيز/على
تشكر عل المرور...وننتظر إفادات لاثراء التوثيق والنقاش
الالق/جعفر
....القلوب لبعضيها...واطلق لذاكتك العنان...ونحن ننتظر المزيد....
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: Imad Khalifa)
|
في العام 1995 ان في شاب اسمر يتحدث في نشاط جامعة امدرمان الاهلية ,وهو يعتمد علي رجله اليمني ويميل الي السخرية دون ان يضحك وبالاحري هي المفارقة وليست السخرية
دخلت الي النشاط برقة ثلاثة من الاصدقاء في حاجة الي كركدي بارد ,وكان عهدنا في اركان النقاش ونحن برالمة هتافات ونبزي في الكيزان بالضغري كده,فاما تنبز الكيزان وتحكي نكات مباشرة ومفارقات واضحة او تتحمل ان تتحدث الي عدد قليل
كان شابا اسمرا لا يهاتر ويتحدث عن موضوعات لم اكن اظن انها تندرج في سياق السياسة هي احاديث في الفلسفة والتاريخ والمعرفة ,استشهادات ووكتب علي كرسي وكوب ماء
وبجهالة منا سالناالزول ده بقول في شنو ؟وهو ذاتو مع منو ؟ومعارضة ولا حكومة ؟هذه هي اسئلتنا الساذجة واول ما فتح الذهن لعمل تذكرنا خطاب ذاك الشاب
ومع مرور بعض الوقت كان نصر الدين مسافرا عبر الارض ليتابع قسوة الاسئلة عن النفس يوم جئنا نبكيه دون ان نصاحبه جيدا ,كانت حاجة امينة امراة شفيفة لطالما ارهقها ابنها نصرالدين بارهاق نفسه بحثا عن ملاذات التفسير الامن لمشكلة السودان ,يوم جاءت الجامعة تعيها في اربعينيته قالت جدته (ياحليلا الديمقراطية الفي دربا رحتا يا ولدنا الله يجيبا ليكم يا اولادي )ولم اسمع صوتا نديا وحنينا وصادقا مثل صوت الحاجة امينة امه التي ععزت شعبها فيه
لكن بالرجوع الي غرف البيوت الخفية فاننا علي اقل تقدير سنقول رجلا يحب القراءة ومجتهدا في الحصول علي اجابات ,ويغني ويلعب التنس ويعشق المسرح ,ذكي في اثارة الاسئلة ومستفز في فتح الذهن نحو احتمالات ارحب للاجابة ,يموت متقرحا من اغلاق الذهن ويصحو عندما يكون العالك قابلا لحلم (الناس تسالم والبني ادم صافي النية )
يلا ياجماعة بمثابة بداية ,يستحق نصر الدين
لدي بعض المقترحات
الي
فائز الشيخ
الصادق اسماعيل
بكري الجاك واخرين ارتبطوا بمشروع التحالف باسمرا
نكتب عن اخر مناقشاتكم مع نصر الين عن مشروع المعارضة والتحالف للسودان
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: خالد خليل محمد بحر)
|
العزيز خالد تحياتى
وشكرا لان نصرالدين في داخلى ابدا ماحييت ...
تعارفنا وانا على اعتاب الثانوى فامتد بيننا التواصل وماذال بداخلى الان وفيما بعد...
مابين الاهلية والجامعات الاخرى ...
تعلمنا منه الكثير ووضع لنا خطا لن نحيد عنه ابدا ...
اعرف جيدا ان كثيرا من الاصدقاء يطرق بابك ...
ويرجع عند منتصف الطريق حاملا معه صمته ويوصد بابك متيقنا بالرجوع...
د/ابكر ادم اسماعيل لم ينطق بكلمه حتى الان وقال انه لم يستوعب ماحصل بعد ...
الصادق اسماعيل كلما رأى كلمة فتح راحتى يديه ويرى ذلك الوجه المبتسم ...ويعود
بكرى الجاك يكتب مذكرات عن نصرالدين تكفى لاصدار كتب باحجام ضخمه ولم ينته بعد ...
حمزة فاروق ...تجانى الحاج ...و....و.....واعود ؛؛؛
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: ابوبكر الامين يوسف)
|
الاخ خالد
الشهاده لتاريخ نصر الدين من الصعوبه وفداحة فقده المؤلم
نصر الدين الرشيد لم يكن من عظماء قيادة الحركه الطلابيه الواعيه ، بل كان رقم متقدم في النضال الطلابي والحركه النقابيه الطلابيه . وإنسان معرفته كنز بمعنى الكلمه .
كانت علاقة المنطقه بحري والاهليه الجامعه والسياسه والتحالفات والزنقات والمطاردات والعمل العام والحلم الكبير .
نصر الدين كان واحد من طلاب الاهليه النادرين العاشوا الهليه مثلوا مثل آخرين وطن بنحلم بيهو يوماتي ، حلم الجامعه ومقرها الحالي في حمد النيل آنذاك كان تحدي لكل قيادة الطلبه وإدارة الجامعه ، ساعة كان قرار ترحيل الجامعه للمقر الجديد تحدي اختارته قيادة الطلبه مع الإدارة في زمن صعب وقاسي ، والمقر الجديد في الوكت داك ما كان غير سور جميل في صحراء قاحله وبعض مباني لم تكتمل ، ما يراه الناس اليوم من الاهليه لا يعادل ولو بقليل ذلك اليوم الذي وقفنا فيه كلنا لننظر لحلم الحاضر ، وكم كان حلما مرهقا ان تصنع الحياه من لا شيء .
تم ترحيل الجامعه من غير كهرباء ومويه ولا قاعات مكتمله ، وبتحدي قوي من كل القوى السياسيه ، وعظماء الحركه الطلابيه زي ما قلته وبي زي نصر الدين ، اتقبل التحدي .
معسكرات الإتحاد وتعمير الجامعه كانت مزج الروح بين كل الالوان الطوريه وقفة الردميات ما فرقت بين المستقل وحزب الامه والشيوعي والاتحادي ، زمن يا خالد كانت فيه الحركه الطلابيه بتعني خوه ووحده ، ولما نفرش الواطه باليل نغني ونتسامر في ضلمة حمد النيل القاحله ، كان الليل بشع بي معاني بشر زي نصر الدين ، الصباح يجوا الزميلات بالشاي واللقيمات ، تصدق انو كانوا اخواتنا بعد شغل الردميات والتعب طول اليوم في المعسكر يشيلوا هدوم الشباب كلهم يغسلوها ويرجعوها تاني يوم في اعظم ما يكون الاخاء .
نصر الدين لمن لم يعرفه طاقه من الوعي والذكاء الحاد والثاقب ، شعلة نشاط ما بتهمد ولا بتكل ، لما كان تشوفه طابق الشنطه وكاسح من جامعة الخرطوم ، للفرع ، للاهليه - ولكل مكان فيه كلمه في صالح الشعب الطيب ده ممكن تتقال ، تحس قيمة الفكره والانتماء ومعنى شنو انو تمسك درب نضال طويل ما تكل ولا تمل ، صدقني ما دهشته من انو نصر الدين شال بندقيه في سبيل حلمه ، وقدم روحه الطاهره عشانه ، لانو صاحب مبدأ وصنديد ، ما اتردد يوم في موقف ولا وقف بين بين .
شاب انيق حد الترتيب المزعج والاهتمام بكل التفاصيل الدقيقه لكل صغيره وكبيره فيهو وحواليه ، شخصيه ذات حضور طاغي ووش بشوش قيهو طيبة كل الدنيا ، الونسه مع نصر الدين كانت خليط من القفشات البجيده والتعليقات والجديه البتنط فجاءه وسط تيار ضحك وما تشتر حاجه من الحاصل ، وصمت مرات كثيره مليان بي تفكير .
طوال سنواتنا بالجامعه ما بتذكر شفته هايج او فاقد لزمام اي موقف ، دايما هادي ولماح وسريع في التعامل مع اي موقف .
متحدث لبق وكادر خطابي ما بشق ليهو غبار ، مرتب في طرحه ، ومتحدث لبق بمنطقيه جيده ، تشوفه معانا كلنا فما تعرف لو نصر الدين شيوعي ولا حزب امه ولا اتحادي ، في الزمن داك الغيره على العمل السياسي كانت واجب بذوب فيهو الانتماء والحسابات .
حكوا لي بعد سنين من الغربه ، وبعد ما اتخرجنا من الاهليه عن الغابه ، ما عارف بسموها شنو لكن هي مجموعة الاشجار الكثيفه بين مدخل الجامعه ومباني الاداره والكليات ، وميدان الجامعه . ياريت لو فعلا يتكتب تاريخ انو ده كلو اتحقق كيف ، بتذكر الـ 1500 شتله لما بدا مشروع تشجير الجامعه ، وكتها ما كان في مويه ، اتزرعت وكانت بتتسقي بالتناوب ايام المعسكر المويه بتجي بي تانكر كبير وعشان تسقي الشتول الشباب جوا بي فكرة حمار المويه ، وبالمناسبه ظل الحمار جزء من تاريخ الجامعه لحدي بعد ما تخرجنا في 95 ، كاني بشوف نصر الدين هسه ، صباحا بدري هو ومعتز فداسي ومعاويه السر وعوض عثمان ومصطفى سري وطرزان وبشير ابوسالف وصديق محمد التوم والشايقي وناصر مهدي و......و...و.....و شباب زي موج النيل الهادر وهم محنيين وبسقو الشجر شجره شجره لا فتر لا ملل .
كان لنصر الدين طعم الفرح الخاص في القوافل الطلابيه ، كادر طلابي مؤهل للتصدر لاي عمل مهما كان حجمه ومعوقاته ، خفة ظله وروحه المرحه بتخلي حضوره صاخب وعالي زي هامته .
ياخالد
زي ما قلته الشهاده في حق نصر الدين من الصعوبه وفقده ، لانو خساره ما حيعوضه الجاي ونقصان لي صورة الماضي الانكسر واحد من اركانه القويه .
نصر الدين مناضل وإنسان من طراز فريد
عاش عظيم ومات عظيم
بتمنى انو زملاءنا القدام كلهم من العاصروا نصر الدين يكتبوا ويحكوا عن عظمة انسانه وقيمة فكره الوهبوا حياته الغاليه ومات ماسك رايته .
لك الرحمه يا صديقي يارفيقي في عليائك
لنا الصبر وحزمة ذكريات تضرب عميقا في نسج الروح
ولك الود خالد
لي عوده
ايمن السر تابر
خريج الاهليه 95 انجليزي
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: Aymen Tabir)
|
العزيز/ابو بكر
شاكر لك مرورك فى هذا البوست..وانا مثلك اتمنى ان يتحدث الذين بعرفون هذا الانسان الرائع
بكل ما لديهم..اتمنى ذلك..
العزيز/ايمن
..تشكر على المرور والثرد الوافى الذى يلخص روعه نصر الدين الرشيد
....وانسان بهذا التاريخ المشرف يحق لنا ان نفاخر به...دمت.
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: amar nagmaldyn)
|
لقد كان نصر الدين الرشيد ذلك الشاب اليافع اكبر من عمره بكثير متطلعا لمستقبل هذا البلد قادرا على ان يقرأ ما يدور وكانه يضرب على الرمل كان نصر الدين يتحدث في اركان كلية امدرمان الاهلية عن صراع المركز والهامش وتحالف قوى الهامش وتاريخ الرق في السودان وافرازاته . وامدرمان والتقسيمات الاجتماعية فيها وشكل الصراع في السودان . لقد كان يقرأ في دفاتر السودان ماضيا وحاضرا ومستقبلا . استطاع نصر الدين ورفاقه في ذلك الوقت ابكر ادم اسماعيل / التجاني الحاج / فايز الشيخ السليك /جفر بشير /بكري الجاك / زاهر موسى عكاشة / عيسى شاهين / هنأخضر / عمر الفاروق / فؤاد عبد الرحيم ان يؤسسوا لارضية جديدة للصراع كشفقت كثير من زيف تاريخ السودان الذي كتبته النخبةالحاكمة منذ 1821م والتي كانت تغبش من قبل القوى السياسية بقصد وكان ما يتم طرحه ما يطرحه هولاءالشباب من منهج كان يعمل على تجريد كثير من المثقفين والقوى الاجتماعية والسياسية في السودان القديم من امتيازاتهم التاريخية ( اجتماعيا / سياسيا / اقتصاديا ) لذلك كان تتم محاربة مؤتمر الطلاب المستقلين بكل الاسلحة ( عنف / اغتيالات معنوية ومادية ) ــ وانا في هذا البوست اود ان اذكر بانه تم محاولة لاغتيال نصر الدين الرشيد بالسوق الشعبي امدرمان بواسطة عربة مسرعة ظل نصر الدين طريح الفراش لمدة ثلاثة اشهر ـ انا اعتبر ان هولاء المناضلين هم الذين اسسوا لمشروع السودان الجديد على مستوى المركز الاسلاموعروبي واستطاعوا ان يقوموا باختراقه فكريا وسياسيا والان اظن ان الحركة الشعبية والتنظيمات الثورية بدارفور والمناطق النوبية استلهمة كثير من افكارهم التي طرحت في منتصف التسعينان واصبحت جدلية المركز والهامش تدرس الان داخل المدارس السياسية والفكرية لحركة تحري السودان والحركة الشعبية لتحرير السودان
وفاء لنصر الدين الرشيد يجب ان يتم استكتاب
الاخوة الذين رافقوا نصر الين الدين سواء في ايام الدراسة او في المناطق المحررة في الجبهة الشرقية
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: محمد عبدالرحمن)
|
| Quote: استطاع نصر الدين ورفاقه في ذلك الوقت ابكر ادم اسماعيل / التجاني الحاج / فايز الشيخ السليك /جفر بشير /بكري الجاك / زاهر موسى عكاشة / عيسى شاهين / هنأخضر / عمر الفاروق / فؤاد عبد الرحيم ان يؤسسوا لارضية جديدة للصراع كشفقت كثير من زيف تاريخ السودان الذي كتبته النخبةالحاكمة منذ 1821م |
الاخ / عمر
1/ نترحم على روح الاخ نصرالدين الرشيد ،، وكل المناضلين من ابناء الشعب
2/ لا شك بأن المرحوم كان له النشاط المشهود له بالعمل السياسى داخل
الجامعات خلال حكم نظام الانقاذ ،،، لكن هذا لا يعطيه حق التفرد فهنالك من
هم قدموا نفس النشاط واكثر .ولا اريد ان اتحدث عن شخص اختارة الله ربنا يرحمه
ويرحمنا جميعاً ،،، فقط نتوقف انه ليس بذلك التفرد الذى تتحدثون عنه .
3/ ما هو الشى الذى اكتشفوة هؤلاء الشباب الذين ذكرتهم ؟
أ/ هل انت تتحدث بجهدهم الشخصى ب/ هل تتحدث بجهدهم الحزبى بمعنى حزب المؤتمر
( مؤتمر الطلاب المستقلين ) كما يسمى داخل منابر الجامعات ، يا ريت نعرف
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: عبد المنعم ابراهيم الحاج)
|
...ومازلنا نواصل نحفر فى ذاكره التاريخ
وننقب فى ذكرى الفقيد نصر الدين الرشيد..والذى اجمع كل المتداخليين فى هذا
البوست على عبقريته السياسيه .وجميل طرحه واطروحاته...شكر مرة اخرى لكل العابريين من هنا..وشكر لكل من سطر حرفا فى حق هذا الانيق...ولكن ننتظر المزيد..المزيد.
العزيز/عبد المنعم
تشكر على المرور من هنا....ودمت
العزيز/ودالحردلو
.........لك من الود,ود....وتشكر على الاطلاله...وابقى اظهر.
| |
|
|
|
|
|
|
|
|
|
Re: عظمـاء الحركـه الطلابيه...نصــر الدين الرشيد. (Re: خالد خليل محمد بحر)
|
اخوتى
لكم التحية
الاخ الشهيد نصر الدين الرشيد
وتلك الايام فى جامعة امدرمان الاهلية
عرفنا نصر الدين الرشيد ذلك الفتى الاسمر
جميل الدواخل ملى المعرفة و الوعى
ذلك الانسان المهموم بهموم الوطن و الاطلاع
و البحث عن تضاريس المركز و الهامش
نصر الدين كان يقف بانشاط ليس للخطاب السياسى بل
كان يزرع الوعى الانسان فى دواخل الطلاب و الطالبات
من خلال نقاش واعى و قوى يجسد فيه صور السودان الجديد
حقا نصر الدين الرشيد من رمز من رموز الحركة الطلابية فى السودان .
حقا انه فقد و فقد عظيم
| |
|
|
|
|
|
|
| |
خالد خليل محمد بحر
مدثر الشبلي
Abdel Aati
على عمر على
خضر حسين خليل
الخير محمد عوض
الصادق اسماعيل
hanadi yousif
Imad Khalifa
ابوبكر الامين يوسف
Inaam Saad
Aymen Tabir
amar nagmaldyn
محمد عبدالرحمن
كمال مبارك
مجدي شبندر
قسم السيد الحاردلو
خالد ابوالقاسم
Nazar Yousif
فيس بوك
تويتر
انستقرام
يوتيوب
بنتيريست