دعواتكم لزميلنا المفكر د.الباقر العفيف بالشفاء العاجل
|
|
 مثقفى الصخب...الدكتوره بيان نموزجا
|
ان تجازف وتنعت شخص ما بانه مثقف,فذاك يضعك امام مسؤليه جسيمه.خاصه إذا كان المنعوت على النقيض تماما مما وصفته به.
وهذا هو حالنا عندما نصف بداء الدكتوره بيان بانها مثقفه, حيث حتما انك ستدخل فى حرج شديد ولوم لا ينتهى من قبيله المثقفين لاننا وضعناهم وبيان فى سله واحده. ولكننا حتما لن نجد حرج اذا ما تداركنا الموقف وقلنا ان الدكتوره سالفه الذكر هى مثقفه كبيره جدا من مثقفى الصخب والضوضاء فى هذا البراح الاسفيرى, وقد لا ينازعها فى هذا اللقب إلا الاستاذ الكبير جدا هو الاخر محمد حامد جمعه, والذى يشاركها الايديلوجيه والفكر والمواقف حتما.
وما بين المثقف والمثقف الصاخب تمايز جد كبير,فالاول هو بالضروره يعتبر ضمير أمته والقادر على تلخيص أزماتها ومشكلاتها والبحث عن حلول لها.والثانى(المثقف الصاخب) تجده على الدوام يمارس بتلذذ سادى التشويش على القضايا الجوهريه لامته,إما بمحاوله إفتعال المعارك الجانبيه التى تكون خصما على القضايا المطروحه,أو بالتشكيك فى عداله القضايا ذاتها.
والخصله الاخيره (خصله التشكيك)هى ما تبدع فيه وتجيده الدكتوره بيان بدرجه تدعو للذهول والدهشه,وبامكانيات فى غايه الروعه.والراصد والمتابع لمواقف دكتورتنا بيان يلحظ عن كثب ان ما من قضيه عادله طرحها مثقفى البورد الشرفاء, وعندما نقول الشرفاء نقصد ان نميزهم عن مثقفى الصخب.
قلنا إن ما من قضيه عادله طرحها هؤلاء الشرفاء واصطفوا حولهاإلا وكانت الدكتوره بيان تحاول التحرك على الضد منها احيانا والتشكيك فى جدواها فى احايين كثيره...وياليتها عندما تفعل ذلك تحاول الانتصار لراى يخصها..لا.هى تريد فقط إثاره حراك صاخب كمثلها وبراميل المثل الفارغه التى ما تنفك تحدث ضجيج.
لا نريد أن نستدعى ماضى مواقفها الهزيله من كل القضايا التى تخص الوطن وطرحت فى هذا البوست.لاننا إن حاولنا التوثيق لها إحتجنا حتما لشهور و شهور.
وما موقفها الاخير من المظاهرات التى خرجت ضد زياده السكر والمحروقات’ما هو إلا استكمال لمشروعها المتخازل والمناهض على الدوام لخيارات الشعب السودانى.فبدلا أن تثبت موقف أخلاقى قد يجمل قبخ مواقفها السابقه.اثرت ان تمضى قدما فى تسفيه مواقف المصطفين مع المتظاهرين,بل وشككت فى جدوى التظاهر ذاته.وعندما تم تضييق الخناق عليها بسياط النقد والتعريه حاولت ان تفلسف الموضوع وتتدعى انها ما رفضت المظاهرات إلا خوفا من ان يدفع ثمنها الابرياء,فى تبرير خمير لا يمكن ان تقنع به إلا المخابيل.
ولكن ما يدعو للدهشه أن البعض إندهش لموقفها الاخير وهو فى حد ذاته امر يدهشنا نحن,ولو ان الدكتوره بيان أيدت المظاهرات تلك لادخلتنا فى حرج ما بعهده حرج, ولكن موقفها مستنتج سلفا,حيث لا يمكن لصندوق الوعى عندها ان ينحاز لخيارات البسطاء,لانها نهلت أو فى حقيقه الامر مازالت تنهل من روافد مدرسه ايديلوجيه خيارات الانحياز للبسطاء عندها صفر كبير وارقام التواصل مع ابناء الشعب السودانى عندها على الدوام مشغوله بحيث لا يمكن الوصول اليها, وان تفكر فى يوم من الايام الانحياز لخيارات هذا الشعب فذاك امر لا تستوعب هى تفاصيله ولا نحن حتى.
وعندى يبقى الجدال مع بيان حول المشروع وغير المشروع والنضال وادواته والتظاهر واللاتظاهر ضدة سلطه العسف هذه يبقى عندى ذاك ضرب من الهذيان لا اكثر ولا اقل.فالعقل متسربل بالشموليه ولا يستوعب حتى مفردات الحوار ناهيك عن الجدال فى مواقف على هذه الشاكله.
ولكن رغم ذلك تبقى هنالك ثمه اسئله تدور فى خاطرى مفادها هو لماذا تقف انثى الظلام هذه ضد كل القضايا العادله التى تطرح فى هذا البورد ,ياترى هل هى تجليات قلمها عندما يجد نفسه قد فشل فى إزاله بلمها....أم ترى الامر حاله من الارتياح النفسى تعتريها وتسيطر عليها عندما تقف على الضد من القضايا العادله التى تطرح هنا..أن كان ذاك صحيح حتما انه مركب نقص اكثر من انه موقف فكرى.
خلاصه الامر عندى تبقى بيان..............عفوا اقصد الدكتور بيان,هى شخصيه همها الاول والاخير او دعنا نقول ان جوهر قضيتها الانقضاض بنهم على كل ماهو عادل ويطرح فة هذا البورد...والله يكفينا شرها.
|
|
 
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
استاذ/ خالد
تحية :
الاجمل فى الحياة هو التعدد .. الاحادية فى الفكر والحب والطعام والاغانى
قاتلة .
انا شخصيا استمتع بما تكتب الدكتورة .. وما ادراك ما بيان عندما تكتب بمزاج
وذهن صافى .. مبدعة ومثقفة وصاحبة قلم حساس .. حتى فى المشاكسات اضحك للتعبير التى
تستخدمها .
انا الان فى مرحلة متقدمة من العمر .. اطلب ان يكتب الجميع بما يريد
لا اقصاء .. لا تهميش .. هذه الخرابة الشهيرة باسم السودان ملك للكل .
بالمناسبة انا يسارى .. او هكذا اعتقد .
ان نحترم بعضنا البعض مسالة مطلوبة .
........
شاهين .
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
الأخ خالد تحية طيبة
| Quote: ان تجازف وتنعت شخص ما بانه مثقف,فذاك يضعك امام مسؤليه جسيمه |
وددت أنا أعرف ما المقصود بــ(((مثقف))),
لأن هذه المفردة تمثل لي-وأنا من عوام الناس- لغزا
محيرا وغموضا مربكا, فهل أجد لديك
تعريفا دقيقا لما يقصد بالـــ(المثقف)؟
_________
لك الشكر في الحالين
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: Mohamed E. Seliaman)
|
الأخ خالد
لك التحية
مثل ما لك من آراء وأفكار حول عدد من المواضيع تود الدفاع عنها
لابد أن تدرك أن للأخرين أيضا نصيب في ذلك
وما الدكنورة بيان بمستثناة من هذا الحق
أتمنى أن لاتكون الدكتورة بيان (حيطة قصيرة) لمن لايرون إلا أنفسهم في هذا
الفضاء الإسفيري
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: حيدر حسن ميرغني)
|
شاهين إنت زول لذيذ
وأجمل حاجة انك يساري لكن موضوعي وأمين وفهمك راقي وبتحترم الآخر وبتكتب شعر جميل ومتمرد.
خالد
عليك الله بدل تجتهد وتفكر قدر التفكير الكتبتو دا عن إمراءة سودانية تشارك بفعالية في طرح رأيها
مش كان أخير ليك تقعد تتعلم الجيتار المتصور معاهو دا إمكن تبقى لينا جيمس لاست أقلاها تخت راسك مع دكتور الفاتح حسين وتبقيه أسطورة قديمة .
خليك حنين على الوليه يا فردة ياخ
الاحترام واجب
نعم هي مناكفة ومشاكسه لكن بالمنطق خليك قدرها ولا ما تفلس .
إحترامي لك يا خالد
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: مجاهد عبد الرحمن)
|
الاخ بحر
حرام عليك
الدكتورة بيان نختلف ونتفق معها هنا علي ارض المنبر وهذا شي طبيعي
ولكن الشاهد انها ذات معرفة وثقافة عالية وكاتبة لقصص لها دلالات عميقة
..ويكفي انها الدكتورة نجاة...فلا تبخسوا الناس اشيائهم التي سكبوا فيها
جهدا انساني لكي يضيفوا ارث معرفي لهذه البشرية..
والسلام
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
الاخ\شاهين
شكرا على المرور,انتا ايضا مع التعدد ولا ادعوا لغير هذا
الاخ\حيدر
لم نختلف فى ما قلته,ولكن بالضروره ان يتحمل الشخص كلفه انتماءه الفكرى
العزيز\مجاهد
طلباتك قيد التنفيز وساجتهد لتعلم الجيتار ان كان هذه هو كل ما تريده..............ناس ماعندها موضوع.
الاخ\عبد الكريم
ما قلته عن بيان قاله يظل الحقيقه عندى ,ويتفق معى فى ذلك مجموعه من الاخوه والاخوات
شكرا على المرور
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
الاخ/ناصر
شكرا على المداخله وان كانت مبنيه على فرضيه خاطئه.انا لا اكتب حبا فى احد ولا تماهيا مع احد .والحمد لله لدى من الوعى ما يجعلنى اتفرد بقرراتى واكون مسؤل تماما مما اكتب. وانت كنت ترى غير ذلك فلك الحق فى ما ترى.
ومن محاسن الصدف ان كل ما اكتبه اجد ما يشاركنى الراى فيه اذا كتاباتى ليس مشاتره للحد الذى تكون فيه معزوله عن الجو العام فى البورد.
وثانيا/ليس ملزم بدراسه تاريخ البورد لانى لا استلهم كتابى من صراعات الاخريين ومعاركهم.واكتب ما اراه انا صحيح واكون مسؤل مسؤليه كامله عنه(هذا ما لزم توضيحه)
ثالثا\موضوع اكمال دراستى من عدمه حيز شخصى اتمنى ان لا تحشر فيه انفك حتى لا تسمع منى ما لا يرضيك يا سيد..........
اتمنى ان تخرج من طور الوصايا لاطوار اخرى....
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
يا سيد يا جيد
الكلام الإنته بتكتب فيهو ده زاتو
لا يخرج عن إطار إنو نوع من كلام المثقفاتيه
فهمته؟
هذا ليس دفاعا عن بيان
فبيان باستطاعتها الدفاع عن نفسها و انا أعرف ذلك تمام
و بيني و بينها اختلاف راي في معظم القضايا
و لكن المشكله فيك إنته
داخل شمال و حابي تشتهر
مما دخلته البورد و مركب مكنة جاز
بتشوف محل المشاكل وين و طوالي تفتح ليك بوست و تقول كلام عن مشكله انته ما عارف ابعاده ولا خلفياته
يعني مثلا قول لي بيان ماله
بدون مثقفاتيه معاك
قول لي ياخ هي انا ضارب بيها مثل هنا لانها
1-
2-
3-
يلا يا شاطر سريع عشان انته تحصل قرايتك و انا الحق شغلي
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
العزيز خالد ... ( بحر )
أولاً شكراً ليك
ثانياً يا أخي أنت كنت قاعد تدك حصة العربي ولا بتحضرا بالشباك لأنك قادي لغة عربية وبعدين ما بالضرورة تكون انت عربي لكن بالضرورة انك تكتبا صاح ولا تشوف ليك راندوك يا مان لأنو التنفيذ هي كما كتبت لك ( التنفيذ ) وليست ( التنفيز ) حتى في الكيبورد الحروف ما قريبات من بعض وبعد الخطأ الإملائي الخطأ القاعدي ألا وهو كتابتك ( إذا كان هذه البرضيك ) حبيبي عليك أن تشتري بقيمة الجيتار أو الصورة مع الجيتار دي كتاب قواعد عشان ما تغلط وبعدين ما تنسى بيان دي دكتورة يعني تفتيحة واقعة ليها مية المية ممكن تطلعط ميطي بدون حمص بالله يا ما تتطاول على الناس بدون إمكانيات .
متشكرين أوي يا بحر .
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
الاخ\ناصر
لكن لقيتك لماح فعلا ان داير اشتهر ولكن دى ياذكى افندى عرفتها كيف .بعدين انت حارق دمك فى شنو يا شقى الحال ولا تكون محامى الست ونحن ما عارفين.....بطل حركاتك دى.
اما بخصوص سؤالك عن بيان ماله فقط كان موقفها عن مظاهرات السكر والمحروقات سلبى وهذا يكفى.
وبعدين شايف موضوع القرايه بتاعتى ده تاعبك شديد...خلى بالك فى امورك يامان.
العزيز\مجاهد
لو عندك كتاب قواعد زايد رسلوا لى عليك الله...عليك الله الناس فى شنو وانت فى شنو.خلاص بقت على الحروف.
الاخ\نوبى
كل ما ذكر صحيح..........
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
Quote: ومن محاسن الصدف ان كل ما اكتبه اجد ما يشاركنى الراى فيه اذا كتاباتى ليس مشاتره للحد الذى تكون فيه معزوله عن الجو العام فى البورد.
|
عليك الله يا خالد ورينى اسع فى بوسطيك دا الجاء وقال ليك
كلامك صاح منو .. ارجع لى اول مداخله وانزل لى اخر واحده
وشوف منو الشاركك فى رأيك دا .
وبعدين يا اخى الكريم
انا من موضوعك عن الفنان وردى حسيت بيك انك عندك شوية مشاتره
عشان كدا نصيحه اخويه من زول اكبر منك حاول فكر فى اى بوست
قبل ماتشرع فى كتابته ....... كويس
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: على محمد على بشير)
|
لا حولا ولا قوة
والله دكتورة بيان بقت زي هوليود
هوليود البورد
بختك يا أمي
و أسمحي لي باللقب دة
بيان الطريق الأسرع للشهرة
أكتب بوست عن بيان
و البوست يكون فوق مجاناً
لكن يا دكتورة
عاد مقدرة وسيطرة
  وكان جات هنا
اللللليييييييييييلللللللللللللللة
الصفقة والسيرة وابورجيلة نفر
أها الأجندة الخفية
سياسة الكوبي بيست الجهلولية
الأنبطاح علي رمال متحركة
وعيييييييييييك وعااااااااااااك
العاكلوجيا
و مبدأ أقلب الهوبة في شكلِ قردية
ومهارات فردية وحِديَة كُف!!
أمك!!.....!!!!!
ختفهـا
سمعت تحت تحت قالوا المحرّش ما كتال
سجم الزول دة كان مهيرة مرقت لا برة
وعيييييييييك وعاااااااااااااااك
بيان
الدجاجة التي تبيض شهرةً
 الطريق الي هوليود يمر من هنا
وحاة الله أم كلثوم في زمانا ما كدة
انا غايتو من حقي أقيف في الحر
علي الأقل عشان اقدر أجهز توب ام العروس
الشيلة دي يشيلوها أهلها
لكن توب ام العروس دة مافيهو تفاوض
 غايتو جنس محن
وعلي رأي المثل
الأدب عند ناس الصخب قلّة أدب
أجي يا أخواني ...
بس وزعوا الببسي يا جماعة
و أطلقوا البخور البوست دة مظيور عديل كدة
جنس لبش يا ناس.... عاد يعفوا و يرضوا!!!
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: حبيب نورة)
|
Ageeeb wa ghreeb. when Dr Bayan says her opinion u do not kike it??? what freedom of speach u speak abiut? and what democracy u speak about??
Alam Ageeeeeeeb ``````!!!!!!!!
Do not come here Dear Bayan >>>
Bayan Is not the reason Fo the falair of demonstration >>> Hossain malassi is.....
wain ya noobi
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: القلب النابض)
|
Quote: مثقفى الصخب...الدكتوره بيان نموزجا
ان تجازف وتنعت شخص ما بانه مثقف,فذاك يضعك امام مسؤليه جسيمه.خاصه إذا كان المنعوت على النقيض تماما مما وصفته به.
وهذا هو حالنا عندما نصف بداء الدكتوره بيان بانها مثقفه, حيث حتما انك ستدخل فى حرج شديد ولوم لا ينتهى من قبيله المثقفين لاننا وضعناهم وبيان فى سله واحده. ولكننا حتما لن نجد حرج اذا ما تداركنا الموقف وقلنا ان الدكتوره سالفه الذكر هى مثقفه كبيره جدا من مثقفى الصخب والضوضاء فى هذا البراح الاسفيرى, وقد لا ينازعها فى هذا اللقب إلا الاستاذ الكبير جدا هو الاخر محمد حامد جمعه, والذى يشاركها الايديلوجيه والفكر والمواقف حتما.
وما بين المثقف والمثقف الصاخب تمايز جد كبير,فالاول هو بالضروره يعتبر ضمير أمته والقادر على تلخيص أزماتها ومشكلاتها والبحث عن حلول لها.والثانى(المثقف الصاخب) تجده على الدوام يمارس بتلذذ سادى التشويش على القضايا الجوهريه لامته,إما بمحاوله إفتعال المعارك الجانبيه التى تكون خصما على القضايا المطروحه,أو بالتشكيك فى عداله القضايا ذاتها.
والخصله الاخيره (خصله التشكيك)هى ما تبدع فيه وتجيده الدكتوره بيان بدرجه تدعو للذهول والدهشه,وبامكانيات فى غايه الروعه.والراصد والمتابع لمواقف دكتورتنا بيان يلحظ عن كثب ان ما من قضيه عادله طرحها مثقفى البورد الشرفاء, وعندما نقول الشرفاء نقصد ان نميزهم عن مثقفى الصخب.
قلنا إن ما من قضيه عادله طرحها هؤلاء الشرفاء واصطفوا حولهاإلا وكانت الدكتوره بيان تحاول التحرك على الضد منها احيانا والتشكيك فى جدواها فى احايين كثيره...وياليتها عندما تفعل ذلك تحاول الانتصار لراى يخصها..لا.هى تريد فقط إثاره حراك صاخب كمثلها وبراميل المثل الفارغه التى ما تنفك تحدث ضجيج.
لا نريد أن نستدعى ماضى مواقفها الهزيله من كل القضايا التى تخص الوطن وطرحت فى هذا البوست.لاننا إن حاولنا التوثيق لها إحتجنا حتما لشهور و شهور.
وما موقفها الاخير من المظاهرات التى خرجت ضد زياده السكر والمحروقات’ما هو إلا استكمال لمشروعها المتخازل والمناهض على الدوام لخيارات الشعب السودانى.فبدلا أن تثبت موقف أخلاقى قد يجمل قبخ مواقفها السابقه.اثرت ان تمضى قدما فى تسفيه مواقف المصطفين مع المتظاهرين,بل وشككت فى جدوى التظاهر ذاته.وعندما تم تضييق الخناق عليها بسياط النقد والتعريه حاولت ان تفلسف الموضوع وتتدعى انها ما رفضت المظاهرات إلا خوفا من ان يدفع ثمنها الابرياء,فى تبرير خمير لا يمكن ان تقنع به إلا المخابيل.
ولكن ما يدعو للدهشه أن البعض إندهش لموقفها الاخير وهو فى حد ذاته امر يدهشنا نحن,ولو ان الدكتوره بيان أيدت المظاهرات تلك لادخلتنا فى حرج ما بعهده حرج, ولكن موقفها مستنتج سلفا,حيث لا يمكن لصندوق الوعى عندها ان ينحاز لخيارات البسطاء,لانها نهلت أو فى حقيقه الامر مازالت تنهل من روافد مدرسه ايديلوجيه خيارات الانحياز للبسطاء عندها صفر كبير وارقام التواصل مع ابناء الشعب السودانى عندها على الدوام مشغوله بحيث لا يمكن الوصول اليها, وان تفكر فى يوم من الايام الانحياز لخيارات هذا الشعب فذاك امر لا تستوعب هى تفاصيله ولا نحن حتى.
وعندى يبقى الجدال مع بيان حول المشروع وغير المشروع والنضال وادواته والتظاهر واللاتظاهر ضدة سلطه العسف هذه يبقى عندى ذاك ضرب من الهذيان لا اكثر ولا اقل.فالعقل متسربل بالشموليه ولا يستوعب حتى مفردات الحوار ناهيك عن الجدال فى مواقف على هذه الشاكله.
ولكن رغم ذلك تبقى هنالك ثمه اسئله تدور فى خاطرى مفادها هو لماذا تقف انثى الظلام هذه ضد كل القضايا العادله التى تطرح فى هذا البورد ,ياترى هل هى تجليات قلمها عندما يجد نفسه قد فشل فى إزاله بلمها....أم ترى الامر حاله من الارتياح النفسى تعتريها وتسيطر عليها عندما تقف على الضد من القضايا العادله التى تطرح هنا..أن كان ذاك صحيح حتما انه مركب نقص اكثر من انه موقف فكرى.
خلاصه الامر عندى تبقى بيان..............عفوا اقصد الدكتور بيان,هى شخصيه همها الاول والاخير او دعنا نقول ان جوهر قضيتها الانقضاض بنهم على كل ماهو عادل ويطرح فة هذا البورد...والله يكفينا شرها. |
تعرف موضوعك دا إملاء ساكت تأخد عليهو أعد ..
و دي برأس مالها بعد الخصم ..
عشان كدا أنت ما تمشي تشوف قرايتك و بس ..
أنت أول حاجة تمشي تشوف ليك درس عصر في الإملاء ..
و بعدين تجي تربع يدينك و تعاين قدامك ..
قال ( نموزجا ) ..
يا مثقف الهناي أنت ..
كان ما فاطر ما تخاطر ..
| |
|
|
|
|
|
|
|
|
 Re: مثقفى الصخب...الدكتوره بيان نموزجا (Re: عصام دهب)
|
يا دهب وبقية المشاركين فى هذ البوست تحيه... يا سادتى الاستاذ خالد له رأى طرحه هنا بكل بساطه ولغه مهذبه فلم يهاتر و لم يستخدم اى من الالفاظ غير اللائقه التى صارت ملازمه للنقاشات فى هذا الحيز...ولكم ان تتفقوا معه او تختلفوا ولكن فى إطار من الإحترام رغم قناعتى ان الكتابه والاجتهاد فى تقييم الاشخاص هى غير مفيده ومستهلكه للوقت مع ان بيان تكتب فى الشأن العام مما يبرر موقف خالد من آرائها...لكن من غير المبرر ابدا هو إنصرافكم عن النقاش الموضوعى الى الهتر و التهكم من الاخطاء الطباعيه التى تحدث حتى مع محترفى الطباعه والكتابه على الكيبورد وحتى نقدكم لاخطاء خالد ملئ بالاخطاء اللغويه
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
يا زول عشان تشتهر اها ايدينا معاك
فففففففففففففففففففففففففففففففوق
يازول و الله انته زلنطجي ساكت طلعته
يعني بديته بي كودي قلته يرسمك عاري عشان تعري الناس
اها انا لي اسع ما عارف كان كان رسموك عريان كان انحنا حنتعري كيف؟
يعني العلاقه شنو لي اسع انا ما عارف
المهم الموجه كانت كودي بيرسم الناس عريانين
و انته جيت جديد و ركبته باص الشهره
و لي اسع لا كودي رسمك عريان عشان ترتاح من هدومك المضايقاك دي
لا عملته ليك علاقات مثمره في المنبر
اها جيت تاني و كل مؤهلاتك جيتارك الشايلو ده
و داير تطلع وردي بي قد القفه
اها من ديك انا عرفتك كلام ساي
اها اسع جيت عشان بيان قالت رايه طلعتها شنو كده ما عارف
مع انو ياخ انا واحد من الناس مختلف مع بيان في الفكر
و بالتأكيد في رايه في الاحداث الاخيره دي
لكن وحاتك ما جيت فتحته بوست شهره زي بتاعك ده
عشان اتسلق بيهو
.
.
.
ياخ اقول ليك كفاك اساسا الكلام معاك حرام
ياخ امشي اقري اخير ليك
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
عدنا والعود أحمد يا شباب.ومن خلال عودتى هذه ابعث تحيه خاصه لجوقه الست بيان(ناصر نوبى,مجاهد.والاخرون.)وهم يواصلون بنفس طويل الدفاع عن ست الحبايب بيان.ويا ليتهم فى دفاعهم ذاك فككوا موضوعيا ما قلته عن الاميره بيان.ولانهم لا يملكون ما يجعلنى ابتلع ما قلته اثروا التقوقع فى مربع الهتر والتجريح.وهذا دليل على إفلاسهم .ودليل على صحه ما ذهبت اليه انا واخرون عن صخب بيان ومحاولات ضربها للاجماع الوطنى فى هذا البورد تجاه القضايا المفصليه فى السودان.
الاخ\محمد
شكرا على التوقيع وشكرا على الاختلاف.انا لم اقصد سوى انا هناك اخرون وصلوا لنفس تحليلى عن بيان وعرفوا انها ضد كل ما يطرح من اجل الوطن فى هذا البورد ولو حاولت ان اعد لك من توصل الى ذلك احتاج لزمن طويل.
اما بخصوص موضوع وردى انا الى الان فخور بموقفى منه.
حبيب نوره
اديك سر انا شامى فيك نفس(؟)
القلب النابض
شكرا على المرور.....؟
عصام يادهب
شكرا على التصحيح الاملائى وتانى عندك لى شنو ياستاذ يا كبير
الاستاذ\محمد
هؤلاء لا يفقهون ما طلبته منهم..ولا يعرفون عن الاختلاف وادبه الا المهاترات .ودليل إفلاسهم فى الموضوعيه عدم مناقشه ما طرحته اصلا للنقاش والاهتمام بالقشور .شكرا مره اخرى على هذا الفهم الراقى.
الظلامى\هجو
شئ طبيعى جدا ان تدافع انت عن بيان......فالظلام يجمعكم .
الاخ/الامين
كتبت كثيرا ولم تقل شئ ده شنو ده.....
العزيز\ناصر
كلامك عباره عن هضربه ساكت لا اقل ولا اكثر قول كلام موضوعى عشان الواحد يقدر يتناقش معاك ولا ما عندك غير الاسلوب ده ممكن الواحد ينحدر معاك للمستوى بتاعك.
وردى....كودى...عريان...علاقات...ده شنو ده يا مان وبرضو مصر على موضوع القرايه..نفسى اعرف داير شنو من قرايتى
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
ابننا خالد
يا ابني هناك أصول تعلمناها من أبائنا وعلمناها لأولادنا الذين هم في
مثل سنك أو أكبر وهذه الأصول مستمدة من صميم أخلاق مجتمعنا السوداني وأعرافه
وتقاليده فالدكتورة نجاة في مثل سن والدتك ولهذا ان كنت تريد أن تتناقش معها فيجب
أن يكون هذا في اطار الاحترام لمن هم أكبر منك سنا وأكثر علما وأوسع تجربة.
تعرف يا ابني لو رأيت انك تملك من المنطق ومن تمكن لأبسط أبجديات أدوات الكتابة
دون أخطاء املائية(لا تخطئ فيها ابنتي ذات الثماني سنوات) دع عنك الأخطاء اللغوية
والنحوية وغيرها لعذرتك. أنظر لعنوان بوستك (مثقفي الصخب ...الدكتورة بيان نموزجا)
هناك أخطاء لا أعتقد انك تعلمها فالصحيح أن تقول : مثقفو لأنها مبتدأ أما (نموزجك)
فتكتب نموذج بالذال وليس بالزاي .... يعني لو دخلت لأصحح لك ما كتبته فلن تحصل
الا على زيرو كبير جدا . فلا تدعني أفعل ذلك.
هناك أناس كثيرون أختلف معهم في هذا المنبر وحين أتداخل معهم أتداخل برفق وأدب
وكلهم أصغر مني سنا وأقل خبرة ولكني أحترمهم وأحترم وجهات نظرهم ولا أبخسها وقد
علمتني الحياة أن أحترم الناس كلهم كبيرهم وصغيرهم الا من ظلم، وأن أقول الحق حتى
على نفسي.
الابن خالد اذا أردت أن تناقش فادلف برفق وبحب وباحترام للآخرين خاصة من هم أكبر
منك سنا. ولمعلوميتك لو كنت رأيت الدكتورة نجاة تداخلت معك هنا لما عذرتها ولا أحسبها
فاعلة ذلك.
لك مودتي
وآسف ان أغلظت عليك ولتأخذ نقدي لك بصدر رحب فممن هم أكبر منا تعلمنا
عمك/فاروق حامد
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
خالد
لماذا كتبت هذا البوست في هذا التوقيت تحديداً؟؟؟؟ بمعني اخر لم لم تكتبه ايام المسيرة والمظاهرات والعك؟؟؟؟؟
لا مانع من ان تنتقد راي شخص مادام قد طرح رايه،، ولكن الا تتفق معي بان د.بيان لم تكن صاحبة هذا الراي الوحيدة؟؟؟ اي ان هناك مجموعة من الاعضاء قالو بنفس ما قالت مما يرجعنا للسؤال الاول وهو: لماذا الآن؟؟؟؟؟
بغض النظر عن رايها وعدم توافقه او توافقه مع راي المجموعة (الاخر) ولكن هذا لا ينفي ابداعها الادبي وثقافتها...
وله رايك شنو؟؟؟؟؟
هذا من ناحية
ومن ناحية اخري
Quote: حبيب نوره
اديك سر انا شامى فيك نفس(؟) |
لووووووووووووووووووووووووووووووول
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
العم/فاروق
شكرا كتير على المرور وعلى النصائح.ورغم من أن ردك كان اقرب للسخريه منه الى النصائح الموضوعيه ولكن مافى مشكله قبلنا النصائح بعلاتها.
ثانيا/لو ان والدتى كان موقفها رمادى من قضيه تخص السودان حتما سيكون ردى معها مثل هذا لا اكثر ولا اقل.فانا لا اتعاطى مع مثل هذه المواضيع بالعاطفه....وبعدين يعنى الزول الكبير لما يخطئ مافى زول يتكلم معاهو ولا شنو.
ثالثا/اعترف بان هناك اخطاء مطبعيه ولغويه.وبعد هذا الاعتراف اتمنى ان تناقشنى بموضوعيه فى ما طرحته من اراء عن الست بيان...هل تتفق معى ام تختلف..؟وهل موقفها كان على الدوام رمادى ومايع من كل قضيه وطنيه طرحت فى هذا الموقع ام لا..؟
رابعا/استشفيت من نهايه مداخلتك انك تنصح بيان بعدم الرد على لاننى ليس قدر المقام...وهكذا تقتل كل القضايا الحقيقه بالهروب الى الامام.
احمد محمود
غير ملزم بالرد عليك,اولا لانه ليس تحقيق.ولكنى اقول لك ليستريح بالك.بعد ان سكتت عاصفه المظاهرات كان بالضروره ان يحدث جرد للمواقف بحيث يهمنى انا شخصيا ان اعرف من هو الذى لديه الاستعداد للتماهى مع قضايا الوطن ,ومن الذى يسفه مواقف الشرفاء.
فعندما تخرج فى مظاهره وتتعرض فيها للضرب من قبل رجال الشرطه والامن .وتجد من يعتبر ان مواقفك هذه عباره عن عدم موضوعيه بالضروره ستنبرى للرد عليه وتكشف خطل دفوعاته.وهذا ما فعلته انا تجاه بيان بحسبان انها كانت ابرز من اتخذت موقف سلبى من المظاهرات الاخيره.اذا رد فعلى موضوعي للغايه او هكذا ارى انا مهما اختلف معى الاخرين,...واخيرا انا لا اجيد الكتابه فى اجوا الصخب والعك ولكل انسان اسلوبه فى الكتابه اليس كذلك...
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
عارف يا خالد
اسأل مني محمد حامد جمعه
ناقشتو في السياسه لما هرب مني
لكن عينتك ده
اساسا انا ما بناقشو
لانو انته ما عندك فهم يناقشوك بيهو
انته عاوز توجد و قارن بين اشياء هي زاته ما موجوده
يعني منصات الانطلاق بتاعتك خطأ
اها تاني اناقشك لي شنو؟
يعني مثلا
وردي لاع القضيه عشان تذكرتو غاليه (معقوله بس؟ )
ناس البورد حيتعروا لما كودي يرسمك انته عريان (يا راجل كيف دي؟)
بيان مثقفة صخب عشان قالته رايه و هو مخالف لي رايك (بالمناسبه يعني شنو مثقفة صخب)
يا زول و الله انته بي سلسلتك و جيتارك ده
كان في نفس يبقي فيك انته
ما عارف صورتك دي بتذكرني بي
ايام الثانوي العالي
لما كنا الواحد يحلق
و يمشي الاستديو
ياخد صوره واقف وواحده خاتي يدو علي جبينو
واحده ظاهره فيها الساعه
و بعد داك نمشي نوزعه للبلي في الزمن داك
يا زول كدي امشي خلص وهماتك دي و تعال صادي
عشان نناقشك في السياسه و الثقافه
ياخ انته النقاش معاك حراااااااااااااام
قال وردي زول جردل
قالوا ليهو اوكي
ليه طيب قلته عنو كده
قال عشان تذكرتو بي 25000
ياخ في زمتك ما خجلان من فهمك ده؟
انشاء الله تبقي بي 1000000
اسع ده سبب يطلع وردي زول تافه
يعني انته بس عاوز تتفهو بي اي طريقه
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
الاستاذ/ خالد
اعود مرة اخرى .. ارجو ان لا تفهم مداخلتى الاولى بانها سخرية منك ومن قلمك
ارجو ذلك .. ضد ما يحدث لك هنا من مهاترات .
لك الحق كاملا فى ان تعبر عن وجهة نظرك .. مثل ما للاخرين
اعجبنى برود اعصابك .. هذا جيد
لك التحية .. ارجو ان لا تكون مداخلتى الاولى فيها اى قدر من قلة الادب
تجاه شخصك الكريم .
....
شاهين .
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
العزيز/ناصر
اراك تصر على عدم الارتقاء لمستوى الحوار.وهذا عندى احدى تجليات الافلاس الفكرى والفشل فى مقارعه الحجه بالحجه. والمؤشف حقا انك لم تكتفى يهذا فقط بل تعمدت سرد معلومات كاذبه عنى .واعنى تحديدا ما يتعلق ببوست محمد وردى,حيث تعمدت ان تختزل جل الموضوع فى اننى وصفت وردى بالانتهازيه لان تذاكره مرتفعه,وانت تعلم سلفا اننى تحدثت فى امور كثيره عن وردى ومن ضمنها الاسعار الباهظه لحفلاته.ولم ينصب الحديث فقط عن التذاكر.حيث قلت فيما قلت ان مواقفه مهزوزه للغايه فى كثير من القضايا.وان مواقفه من الشعراء الذين تعامل معهم غير اخلاقيه.وموقفه من الشخص الذى تبرع له بكليته غير اخلاقى وموقفه من الفنانين الشباب غير مشرف.ولقد اتفق معى فيما ذهبت اليه البعض وينفس القدر اختلف معى اخرون.ولان الموضوع اصلا يقبل الاختلاف .لم يتجاوز حدود الاختلاف الجميل. والبوست موجود ويمكن الاطلاع عليع يا ياسيدى.
وبعد هذا اريد ان اعرف لماذا تحاول الكذب فى هذا الموضوع....هل هو نوع جديد من عدم الموضوعيه والافلاس فى الحوار....ام ماذا اريد توضيحات
العزيز/شاهين
شكرا تانى على المرور الانيق...والاختلاف عندى لا يفسد للود قضيه واتمنى ان يكون هو كذلك عندك.اما بخصوص طوله البال والبرود فى الرد..هذا مرده لان الموضوع اصلا لا يخرج من دائره المواضيع التى يقبل فيها الاختلاف..ومهما حاول البعض تجاوز مجرد الاختلاف المحترم والانحدار لمستوى ليق.تجدنى ايضا اجيد التحرك فى منطقه الكتابات الليق بحسبان اننا جيل من الشباب موسوم بالصياعه وقله الادب.ولكنى اترفع عن الخوض فى هذا المربع ..احتراما لنفسى فى البدايه واحتراما لاخرون فى هذا البورد.
تانى شكرا على المرور ...وداير اسمع المزيد..
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
يا زول وردي شنو البتنتقدو إنته كمان؟؟؟؟
زول بيغني بي عمر أبوك
كل الشعر البتقال في المنبر ده من غنا وردي
كل التوثيق الثوري ضد الدكتاتوريه من غنا وردي
لفا سجون السودان دي كلها
لما يجي ماشي حفله
بيقول للناس أنا ماشي أعلم أشباه الفنانين الغنا
اها و تذكرتو كان بقت بي 250000 برضو بنحضر حفلاتو
و نحنا اساسا ما عاجبانا فيهو الا إفتراهو ده
عارف ليه؟؟؟
لانو إفترا بي فهم
و الراجل بي حقو حفر حفر لما وصل المرحله دي
إنته احفر و تعال اتصعلق علي الناس مافي زول بيسالك
أبقي زي وردي و لا اعمل ليك زي دكتوراة بيان دي
بعد داك تعال نحنا بنستحملك و بنقول الراجل بي حقو
لكن كده و الله ما عندي ليك الا جنس ردودي دي
يا ابني كمل قرايتك و بعدين تعال نبذ
ياخ وردي ده كان قال انا كووووووز انحنا برضو بنحبو
ياخ حوار شنو الانا كمان بتناقشو معاك
ياخ بالله قوم .......
كدي أعرف أمسك الجيتار ده كويس أول
و أملص سلسلتك دي
بعد داك تعال انتقد وردي
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
العزيز رغم الاختلاف\ناصر
من خلال مداخلاتك المستمره فى هذا البوست يمكن ان اجزم ان الحوار معك يقود حتما الى نهايات مغلقله.وذاك لانك اما اصلا لاتستوعب ما اقوله وهذا غباء منك لانى موضوعى الذى طرحته فى غايه الوضوح ولا يحتاج لتبسيط اكثر من هذا .واما انك فهمت الموضوع جيدا رغم امكانياتك الشحيحه والله اعلم انك تكون فهمت.وتحاول التهرب من المناقشه الموضوعيه خيفه ان تفجع من خلال الحوار بحقيقه معشوقتك وستك بيان.وهذا عندى تكتيك كلاسيكى للغايه يبين مدى العقليه المسيطره عليك...والتى ابسط ما يمكن ان يقال عنها انها شخصيه انسان يعانى من الغباء المركب.
عموما عزيزى درويش بيان..اقصد عزيزى ناصر..لو فشلت فى الحوار واردت ان نقلب البوست لخماره فكريه وغرزه تعج بمفردات ما تحت الصره يمكن ان ابدى معك تفاصيل هذا المشوار...
ودمت
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
| Quote: العزيز رغم الاختلاف\ناصر |
هوي يا جنا ها
أرعي بي قيدك أوعاك تتلصق فوقي
أنا من الله خلقني ما بكره الا الاولاد الكدايس اللابسين حلقان و سلاسل ديل
| Quote: نقلب البوست لخماره فكريه وغرزه تعج بمفردات ما تحت الصره |
مرحب و الله
بس عشان احتراما للزوله الانته فاتح البوست بي اسمها دي
ده ما محلو
لكن انته جايب سيره الكلام ده ليه اسع
شخصيا لا اري مبرر غير انك ظهرت علي حقيقتك
فهنالك فرق بين من هو مهذب و من يتهذب للناس
أنت بسلسلتك هذه من اول نظره لم تخيب ظني فيك
اشك في ان لك علاقة بالتهذيب أصلا
كما انك تفقد المنطق بسرعه جدددددا
واصل و معاك لي الليفه
بالمناسبه
قلته لي عاوز كودي يرسمك عريان من ورا ولا من قدام
حدد موقفك سررررريع
عشان نعرفك شايت وين
و نقدر نتفاهم معاك
مخرج
----
علاقتك شنو بالكوز اللواء سابقا
محمد بحر مدير شرطة حماة البترول
ثم أنتقل الي مدير عام سجون السودان
الان لا ادري ماذا يشغل من المناصب في حكومة إنقاذكم هذه
من أولاد مدني
أها
شن قولك
تحترم روحك و تشتت
و لا أفت ليك اخرك هنا اسع
؟؟؟؟؟
؟؟؟
؟؟
؟
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: Bakhaf)
|
الابن خالد بحر
كيفك وعساك طيب
بعيدا عن موضع البوست
لاتنسى ندوة التضامن مع درافور والتي صارت بديلا للمسيره.
تابع بوستات بقال عشان تعرف المكانووما تنسي تبليغ الدعوه
لاي من الاصدقاء و المعارف.
لك الود والتقدير.
تراجي.
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: Tragie Mustafa)
|
Quote: بعيدا عن موضع البوست
لاتنسى ندوة التضامن مع درافور والتي صارت بديلا للمسيره.
تابع بوستات بقال عشان تعرف المكانووما تنسي تبليغ الدعوه
لاي من الاصدقاء و المعارف. |
يا تراجي
انحنا ما جينا المنبر دا بي قنابير
مداخلتك هنا ليست بعيدة عن موضوع البوست
بل هي تصب في لب البوست
عايزا تشعلليها
ولو صحيح نيتك سليمة وبعيدا عن موضوع البوست زي ما بتقولي
ليه ما ترسلي لي بالمسنجر رافعة البوست معروف الاغراض والمرامي دا ليه
كدي سيبك من الولد دا ما تجربي معاي انا
صدقيني لو بقتيني مناضل معاكم كان اقلب ليكم الحكومة المجنانكم دي في يوم واحد
انا اصلا ما منضم لي أي حزب او تنظيم 00 كادر جاهز
ومعاك الCIA وال FBI اسأليهم قولي ليهم الامين دا عندو حزب وللّ منضم لي أي تنظيم
تحرضوا في دا على دا وتضربوا دا بي دا ليه وعشان شنو الثقافة المعوجة دي
ثقافة البغض والتشفي والانتقام ثقافة الحريق
هسه الولد دا يعرف شنو عن بيان عليك الله عشان ينزل بوست مثقفي الصخب ومثقفي السجم
هو بعرف مثقفي الهدوء عشان يعرف مثقفي الصخب دا لو فرضنا جدلا في مثقفين بتاعين هدوء وبتاعين صخب وبتاعين هجيج
ياكافي حتى الثقافة قسمتوها وسويتوها احزاب وكيانات
عايزا تاخدي ود الناس معاكم عشان يبقى زي بقال
بقال الله يعينه ما عارف هو وين وللّ واقف وين وللّ مع منو وللّ في شنو
يوم يشتم مهيرة بت عبود ويوم في الزيادية ويوم يتقلب على ناسه ويتطاول على د0 خليل ذاته
ويوم يلعن في العروبة كلها
لا يفرق بي نجوى كرم وحواء الطقطاقة
عايزين تودونا وين يا تراجي
تضربوا في الوليفر بي اسمنا وتطالوا علينا وكمان دايرين تحكومنا
قسما عظما يا تراجي تاني كلكم ما ليقتوا معاي راحه
والله يا تراجي أي واحد يتعدى حدوده تعب معاي جد
كرهتونا في النضال وفي السودان وفي المنبر وفي روحنا دي ذاتها
الله لا يوفقكم
وفي الختام نصيحة لي خالد لوجه الله تعالي
يا خالد الكلام الجاي انا جادي معاك فيه اسمعه كويس
اوعك تسمع كلام أي زول واوعا زول يحرشك على زول
واوعا تتسرع وتحكم على حاجة انت ما تعرف هي شنو
واوعا تنضم لي أي جماعة خصوصا وانت في العمر دا
انا اكبر منك لفيت الدنيا دي واشتغلت جد كفاح ونضال حقيقي ما نضال كيبوردات
والى الان لم انضم الى أي كيان
ما عدم رغبة لكن كلهم لا يقنعوا
طلاب سلطة فقط وان اختلفت الشعارات والمسميات
والضحايا انا وانت وجارك و ولد حلتك
اسمع الكلام دا كويس
اقرا كتير واسمع كتير وشوف كتير بعدين انضم الى أي جماعة عسى الله في الوقت داك يصلح الحال
بس هسه في عمرك دا ما تباري الجداد وابعد من الحمام الميت
اخوك في الله
الامين
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: Bakhaf)
|
الاخ بخاف لك منى
كل الود والاحترام
حتى نكون موضوعيون فى طرحنا
ونقاشنا لاى موضوع يجب الابتعاد عن شخصنة
القضايا واختزال الاشياء فى
فنله وجيتار وسلسلة وغيرها من الامور التى
لا تفيد فى شئ
ولك العتبى منى
تخريمة :
الاخ الرائع دوما خالد
اختلاف الراى يجب ان لا يكون
سببا للخلافات الشخصية
ولك منى الشكر الجزيل
محمد الطيب
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
انت يازول ماشي بمقولة ومن لم يرد صعود الجبال عاش ابد الدهر بين الحفر واللا شنو ؟؟!! داير تتسلق المنبر بأصطياد النجوم ؟؟.. المرة الفاتت وردي وهسة قبلت علي بيان ؟؟ .. ياخوي ديل رقابآ ما عندك ليها شعر !..
.
.
.
الصنديدة دكتورة بيان .. دايرين ياكلوك البراغيث !! ..
ما تجي داخلة الحفرة دي ..
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
لا املك إلا ان اشكر كل من ظل يساهم فى اثراء الحوار فى هذا البوست.رغم ان البعض يحاول التشويش على الحوار الموضوعى بعد ان فشل فى الارتقاء لما طرح هنا بموضوعيه.وهذه يبين فى حقيقه الامر مدى الافلاس الذى يعتريه.عموما لا مشكله من اراد ان يحاور بموضوعيه حاورناه ومن اراد ان يحاور بدون موضوعيه ايضا سننزل لمستواه ونحاوره.
الدوغمائى/ناصر
فى البدايه وعندما نعتك بالعزيز وانا ارد عليك ليس لانك فعلا انسان عزيزعندى بقدر ما إن كل الموضوع هو ان هذه ادبيات للحوار والاختلاف تعلمتها فى هذا البورد,ولان ادبيات الاختلاف على الدوام تقوم على قاعده ان الاختلاف فى الراى لا يفسد للود قضيه أو هكذا ظننته عندك ولكن يبدو ان هذه الادبيات انت بعيد عنها كل البعد وهذا واضح جدا من طريقه ردودك ومشاركاتك.هذا اولا..
ثانيا/محاوله الاغتيال المعنوى والفكرى والتى تحاول من خلالها ربط اسمى بالمدعو محمد بحر.والذى لا اعرفه على الاطلاق .هى فى حقيقه الامر تكشف عدم اتساقك الاخلاقى اولا ,وبعدها تعرى نمط التفكير الذى يسيطر عليك وهو للامانه نمط متحفى للغايه..هى محاوله فاشله ومردوده عليك فانت الذى تعرف معلومات دقيقه عن المدعو محمد بحر بالضروره ان لديك ثمه علاقه معه والا من اين اتيت بهذه المعلومات الدقيقه عن مكان عملو وتنقلاته .
ثم بعد ذلك انت تظن ان الكوزنه هى انتماء اسرى وعرقى فقط لا ياعزيزى الكوزنه حاله مفاهيميه وللاسف الشديد هى تسيطر عليك الان بكل تجلياتها.فمن يحاول تصدير معلومات كاذبه عن الاخريين هو بالضروره كوز.والذى لا يعرف ادب الاختلاف هو ايضا بالضروره كوز كبير.اذا ما انت الا كوز نتن وفق هذه المحددات.
ثالثا/انت حاله غريبه فكل ما تكتب كثير تعرى نفسك اكتر اتمنى ان تكتفى بهذا..وان تضع الف حساب قبل اى محاوله اخرى للرد..وبرضو مستنيك تفت كل العندك.واتحداك.
الاستاذه/تراجى
شكرا على هذا المرور الهادى ...وعلم..
الاخ/الامين
تشكر يا عزيزى..ولكن الوصايا التى سطرتها لى مبنيه على فرضيه خاطئه مفادها اننى اكتب بامر البعض او اننى احاول ان اخوض معارك للاخريين .هذا كلام لا اساس له من الصحه فانا شاب راشد لدى من الامكانيات ما يجعلنى اقيم الامور بمعرفتى .وزاتو ما عندى زمن عشان اخوض بيهو معارك للاخريين لانو الفينى مكفينى........وتشكر...
العزيز/محمد الطيب
شكرا على الطله البهيه...الاختلاف عندى لايفسد للود قضيه على الاطلاق .والموضوع اصلا قابل للاختلاف وهذا لن ينعكس على العلاقات الشخصيه مع الاخرين.........كتر من زياراتك....
الاخ/بخاف
ردودك مبنيه على اكاذيب وبهتان فمن الذى حرف البوست من مساره ارجع للمدخلات وستعرف.واصلا انا لو داير احرف البوست من مسارو فاتحو لشنو.
ام بخصوص انك داير تعرينى فيا عزيزى التعريه تحتاج لامرين انت لا تمتلكهما.اولا امكانيات فكريه وثانيا حقائق على الارض عنى.اما بخصوص الامكانيات فى شبه معدومه عندك وهذه نتيجه وصلت اليها من خلال مداخلاتك التى تتميز بالكم دون النوع.
وبخصوص انك لاتتشرف بمعرفتى(لا تعليق)
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
خالد خليل محمد بحر
سلام و احترام يا زول ,,,
و بعد,,,
يمكنك عمل الكثير ... فلماذا تهدر وقتك الثمين ... في مثل نوعية هذه البوستات التي تجعل الناس يسعون نحو المجد وهم يمشون اليه في شكل دائرة.
اخرج يا عزيزي عن هذه الدائرة لتحلق في الفضاء.
محبتي لك دوما.
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
الجميل/برير
تشكر على هذه الطله الانيقه...ولكن الا تتفق معى ان الموقف السلبى من مظاهرات المحروقات والسكر.يجب ان يعرى وخاصه انها كانت ملحمه سكب فيها البعض دمائه.اليس من الاخلاقى ان ينتقد كل من حاول تبخيس ذلك الفعل النضالى...هذا ماحاولت فعله فى هذا البوست ولم اكن اقصد الاساءه ولا التجريح على الاطلاق ولكنى دفعت دفع وانت اعلم بذلك..لك منى كل التحايا العطره.
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: خالد خليل محمد بحر)
|
| Quote: اما بخصوص الامكانيات فى شبه معدومه عندك وهذه نتيجه وصلت اليها من خلال مداخلاتك التى تتميز بالكم دون النوع |
يا ولد لا
بسحررروك تاني
عليك الله لحن لي معاك
اما الامكانيات فهي شبه معدومه
الامكااااااااااااانيات ( هنا في صولو)
شبه معدومه
ترلالالا لالا تنتش
| |
|
|
|
|
|
|
|
|
|
Re: مثقفى الصخب...الدكتوره بيان نموزجا (Re: ناصر البطل)
|
if you do not mind i would like to put this post here
thanks in advance
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
from ustaza lana mahdi
1-التجاهل
2- التجاهل
3- التجاهل
for all posts written by ingaz gang
members in this board
if the ingaz supporters here believe in democracy and debate why they did not condemn the way the corrupt ignacz gang police dealt with those who came out in the demonstrations to say what they belive in
?
did the police debate with them or bombed them and arrested their leaders
?
down down with all ingaz corrupt mafia supporters in this board
for all who are supporting the ingaz gang mafia islamaist theives
dr mustafa mahmoud
| |
|
|
|
|
|
|
| |
خالد خليل محمد بحر
shaheen shaheen
Mohamed E. Seliaman
حيدر حسن ميرغني
مجاهد عبد الرحمن
عبدالكريم الامين احمد
ناصر البطل
فيصل نوبي
على محمد على بشير
Bakhaf
حبيب نورة
القلب النابض
عصام دهب
Mohamed Elnaem
هجو الأقرع
فاروق حامد محمد
Ahmed Mohammed Osman
Tragie Mustafa
محمد الطيب محمد
Munir
Mustafa Mahmoud
فيس بوك
تويتر
انستقرام
يوتيوب
بنتيريست