دعواتكم لزميلنا المفكر د.الباقر العفيف بالشفاء العاجل
|
|
 أرسمنى عاريا يا كودى لتعريهم
|
كالعاده أثار الدوغمائين والمتحفجيه داخل البورد معركه من غير معترك , واقاموا الدنيا ولم يقعدوها لأن إنسان مبدع بحجم خالد كودى رماه قدره العاثر بان يمارس إبداعاته الفنيه فى فضاء يعج بالمتهجسين ومصفدى الابداع.
وياليت خالد كودى عرى الميرغنى قبل أن يرسمه عاريا,ياليته فعل ذلك , ليفتح لنا باب المواجه مع قوى السودان القديم على مصرعيه.
ومن بعد ذلك من هو الميرغنى ذاته كى لا يرسم عاريا, اليس هو إلا واحد من أصنام السياسه السودانيه ومتصدر قائمه مدمنى الفشل فيها, ما هى إنجازاته التى تعصمه من أن يرسم عاريا .ولكن لا نملك إلا أن نقول خالد كودى أخطا عندما رسم الميرغنى عاريا لانه بفعلته تلك أعاده مجددا لدائره الضوء بعد أن توسط صفحات النسيان .
ومن محاسن ما قام به كودى انه تجاوز مجرد رسم الميرغنى عاريا ليعرى المتمشدقين بقيم الحريه والديمقراطيه فى هذا البورد, ويمايز لنا دعاه الحريه الحقيقين من المتهجمين عليها.
ونحن أن وجدنا عزرا للطائفين والغلاه من الظلاميين للثوره ضد رسومات كودى بحكم أنهم تربيه مؤسسات حزبيه قائمه على الابويه والطاعه العمياء وتقديس الزعامات , فكيف نجد المخرج للذين يطرحون أنفسهم على الدوام كرسل تنوير.
إذا اخيرا اقول إن كان مجرد رسم رجل عارى يعرى لنا ضيقى الافق والداعين لتحجيم الإبداع
|
|
 
|
|
|
|
|
|
|
|
Re: أرسمنى عاريا يا كودى لتعريهم (Re: معتز تروتسكى)
|
خالص التحايا..
برلومى
خالد خليل محمد بحر
انا من الرافضين لمشروع كودي اول شى لانى قاعد اوظف معطيات العلم معواقع التجربه لذا قادر اطلع بحكم قوى..
وقادر اعطى كل شى حجمو وافرق بين الحرية والفوضى مثلا..
يلا مرحلة ثانية انك بتتكم وبتدافع عن كودى وصدقنى لاتدرى شى .
ماتغرك حكاية فنان فنان دي..
رغم انى مسلم بانو الرسام هو عظم انسان..لكن المشكلة كل وسع الافق ضاقت العباره..
عموما هو ماحيكون محور نقاشنا عزيزى...
نحن نحصر الموضوع فى انى داير اعرف فهمك للحرية والفوضى ,الممارسه..
وكمية من الاشياء اليبدو انت ماخدها بدافع عاطفى ليس اكثر..
وماتشيلك الهاشمية ارسمنى ارسمنى وحاتك كودى ده تهف ليهو يرسمك ويبيع لوحتك ومايسال فيك زول ماعندو زمه بتعريفة ؛
انا عموما برغم انو اصبح فينى غبار من القُدم(2003)..
لكن بحاول اخوض معاك فى المفاهيم دى رغم انك (فريش)..
ورايك شنو فى راجل المرا حلو حلا . .
يلا لمن اجيك روق كده وخلى بالك من نفسك يابحر..
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
| Quote: ومن محاسن ما قام به كودى انه تجاوز مجرد رسم الميرغنى عاريا ليعرى المتمشدقين بقيم الحريه والديمقراطيه فى هذا البورد, ويمايز لنا دعاه الحريه الحقيقين من المتهجمين عليها |
دا كلام تمام بس قيل في غير مكانه. الحقيقة ان رسوماته عرت السودان الجديد
ومفهوم الحرية وموقع الاخر منها...الله يحفظ السودان القديم بقيمه واخلاقه الحميدة
التي تحترم الاخر وتقدره وتحفظ كرامته
قال سودان جديد
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
هسي في ذمتك يا خالد بحر .........
صورتك دي ..
هسي لو رسموك فيها عريان (من غير هدوم يعني) ..
وهي براها هسي نسأل الله السلامة باقي روح .
الرسمة حا يكون فيها شنو غير العصيبات والعضيمات والكوارع !!
والله جيتارك دا بيكون أشحم منها !!
شنو يا اخوانا دعوات التعري والـ (تملص) القايما فينا اليومين دي !!
شنكل :
أسمع كلام تروتسكي دا كويس وما تنط في البحر ساكت !!!
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: ناذر محمد الخليفة)
|
| Quote: قلنا إذا كان مجرد رسم رجل عارى يعرى ضيقى الافق والداععين لتحجيم الابداع.........إذا يشرفنى أن ترسمنى عاريا يا كودى لتفتح لنا من جديد نفاجات للمواجه مع قوى الظلام |
هاهاهاهاهاهاهاهااهههههههههه
انت بدل كدي ما تجيب ليك كاميرا
و اقلع هدومك
كلها
و ابتسم
و كليك
صورتك تطلع احلي
و جيبها هنا و نزلها
| Quote: لتفتح لنا من جديد نفاجات للمواجه مع قوى الظلام |
خلي خالد مافاضي في فتح نفاجات جديده
افتح نفاجك براك
يمكن تلقي ليك سوق
---------------
عالم عبيط بشكل
هسه ده موضوع تفتح ليهوا بوست
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: NASERELDIN SALAH)
|
سلام جاكم..
قايتو
يا ناذر و ناصر
فقعتونى بالضحك..
------ -------
عصام أحمد
Quote: غريبة يا خالد!!!
تور سكي ده ما خت ليك راجل المرة حلو ليه هنا؟؟
لكن علي العموم هو قال
Quote: يلا لمن اجيك روق كده وخلى بالك من نفسك يابحر.. |
غريب الشيطان ياعصام..
داير تناقش باحترام اهلا ماداير لحدى هنا حلوين..
وبلاش تهكم..!!
عموما كانو شى لم يحصل..مشيناها..
--------------------
العزيز خالد عموما برغم الزحمه لازلت فى انتظارك..
| Quote: شنو يا اخوانا دعوات التعري والـ (تملص) القايما فينا اليومين دي !! |
ده انا ذاتو المحيرنى...!!!!
نسال الله السلامة!!!!
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
دا كلام شنو يا عريان افندي
داير يرسموك عريان؟؟
اها وبعد داك تسوي شنو ولا يسو ليك شنو كمان..
انا غايتو الزول الوحيد السمعتو قايل داير يرسموهو عريان
كانت روز في فلم تايتانك وقالت الكلام دا لي حبيبها جاك
وحصل في النهاية الدايراهو
لكن تجي انت وتقول ارسموني عريان؟؟ دي جديدة
-------
نازر قلت لي شنو؟؟
| Quote: إنت ما شايف الدب الظريف المع صورتو ولا شنو |
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
| Quote: أرسمنى عاريا يا كودى |
أها و داير كودي ده يرسمك عريان
من ورا ولا من قدام
عليك الله حدد موقفك سريع عشان نقدر نرد عليك
________
الإعراب:
--------
أرسمني: تعني بلغة الشوارع إفعل بي
عاريا: فعل و لازم طبعا تكون عاريا حينها و مال حيحصل إزاي الكلام ده
يا: للنداء أي أنت فقط ولا أحد غيرك
كودي: للتوريه و المقصود خالد
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
عثمان كيفك ..
| Quote: انت قول كايس ليك سبب ساي عشان يرسموك عريان |
أها والسبب شنووووووو ممكن نعرف !!!
أنا والله لو كنت رسام زي دافنشي دا (نسأل الله السلامة يعني) !! وجاني زول زي خالد دا وقال لي ارسمني عريان وقلع لي هدومو ما حا افكر في الرسمة نهائي مع الخلعة والجيتار والدب الابيض القدامي ديل .. !!
قال ارسمني عاريا قال !!!!!
شنكل :
ما بتعرف حاجة إسمها الكاميرا الدجتال يامتعري زمانك إنت !!
أنا برضو رسام بالمناسبة .. أها الاقرب ليك انا ولا كودي !! غايتو لو انا اقرب اعمل لي بس مس كول وخليك جاهز وحا تلقاني قدامك طوالي !!
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
بويزون ..
Quote: اقترح عليك انك تمشي محل في شارع الديم اسمو منعم ميكس
مديدة دخن بي البسبوسة والبلح
كل يوم تشرب كورية عشان ترم عضمك دا
والرسمة تطلع حلوة |
العضيمات دي ما بينفع معاها منعم ميكس ولا عوض فياغرا ..
ما بعيد من الديم خليهو يمشي لي واحدة إسمها عشة دربس يضرب ليهو عبار عبارين كدة تسعة مرات عند اللزوم بعد داك أمكن المؤهلات تظهر
شنكل :
ولو عشة دربس بعيدة عندك بوست دينق بتاع العبار قاعد
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
ناذر
| Quote: العضيمات دي ما بينفع معاها منعم ميكس ولا عوض فياغرا .. |
منو القال ليك ما بينفع؟؟
اظنك ما مشيت قريب
المحل بقي كلو ناس حلوين وطاعمين
اظن الرسم بقي موضة ولا شنو ما عارف...
الغريبة سمعت انو وصفة منعم دي بدوها لي العروس المحبوسة عشان رمة العضام دي
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: Tabaldina)
|
.
..
...
Quote: خليتو فى نادى الزوارق
وانا حايم فى ش 15 بفتش ليهو فى بكينى |
يا فردة الزول قال دايرها ملط تقول ليو بكيني
بعدين شارع 15 انتا قايلو مالبورو ابيض و لا بينسون لايت ..
ولا داير تعمل ليو زينة ورا
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: فيصل نوبي)
|
بداء عفوا للتأخير , ولكن أن تستقطع الفين جنيه من مصروفك الدراسى لتجلس على الانترنت وفى هذا الواقع شئ صعب للغايه يا شباب..........
السنير تروتسكى
شكرا وتانى شكرا على المرور, ولكن دعنى فى البدايه أسالك مهى معطيات العلم التى توظفها فى مواقع التجربه ,,,أفدنا,وثانيا اقول إن ما يكون عندك فوضى قد يكون عند الاخرين شئ طبيعى واخلاقى , فانت تنظر للموضوع من زاويه فهمك للحريه والفوضى , والحريه عندى فى أبسط مفاهيمها هى ان تقول ما تشاء وان تكون ما تقول اى بفهم مبسط أن تتحمل دفع إستحقاقت ما تقول هذا هو فهمى المتواضع للحريه.
اما عن دفاعى عن كودى فلا تربطنى به اى علاقه شخصيه, انا ليس مكلف بالدفاع عنه, وانما ادافع عن قيمه حريه التعبير ليس إلا
عصام احمد
شكرا على المرور
الدكتوره بيان
ان تقولى إنت ذلك فهذا شئ مستنتج سلفا ولا يحتاج لعناء,شكرا
العزيز نازر
تشرفنى إطلالتك عبر هذا البوست, فلك من الامكانيات ما يجعل النقاش مفيد
نصر الدين
يديك العافيه وشكرا ,ما فهمته من مشاركتك انك ترى فتح بوست لهذا الموضوع به شبه ترف فكرى وعدم موضوعيه, احترم رايك ولكن قد تكون إهتماماتك تتقاطع كليا مه إهتماماتى وهذا ما رشح من مداخلتك.شكرا على العبور عبر البوست
أحمد عثمان
الموضوع ليس بهذا الابتزال يا سيدى
ناصر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوبى
لا تعليق
عثمان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: فيصل نوبي)
|
Quote: اللقب: خالد خليل محمد بحر
الحالة: .
عدد البوستات: 46
تاريخ التسجيل: 19-07-2006
محل الاقامة: الخرطوم
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: خالد خليل محمد بحر
التعليم: جامعى
التلفون: 0918206037
الحالة الاجتماعية: Single
العنوان الدائم:
الفنان المفضل:
اللون السياسى: يسار ديمقراطى
النوع: Male
الهوايات المفضلة: الاطلاع , كره القدم,الصمت والتأمل
الوظيفة: طالب جامعى
تاريخ الميلاد: 1982
شاعرك المفضل:
عدد الاطفال:
معلومات اضافية:
مكان العمل: طالب
مكان الميلاد فى السودان: أمدرمان |
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: معتز تروتسكى)
|
الاخ / معتز تروتسكى
كلامك الجميل هذا الزول لا يفهمه .. هو حدد المطلوب
يرسموة عارى هذا كل الفى دماغه اذا عندو دماغ بالمناسبه اين
يوجد دماغ هذا الزول ؟
فقط نطلب من المدعو كودى يرسمة من تحــــت
قال حريـــه قال ... ولا دى ثوريه البصيرة أم أحمد
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: Khalid Kodi)
|
Quote: الاخ بحر،
هؤلاء ...سقفهم الانسانى فى الحضيض....
ولايدروا أن تناقل العالم لصور أهلنا فى معسكرات اللاجئين فى دارفور يعرينا جميعا....
ياله من زمن!!!ويلهم من بنى آدميين |
Khalid Kodi
هييييييييي مقدرة!!!!!
خلينا من الانسانية ؛ولا اقول ولا دايرين ننقاشك ذاتو واصل رسمك ولمن يحرقك تعال صادي...
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: Khalid Kodi)
|
Quote: هؤلاء ...سقفهم الانسانى فى الحضيض....
ولايدروا أن تناقل العالم لصور أهلنا فى معسكرات اللاجئين فى دارفور يعرينا جميعا....
ياله من زمن!!!ويلهم من بنى آدميين |
رسام زمانك
ونشرك لعهرك الفني ده بعريك إنت أول واحد ولا يوجد سقف إنساني لك أصلا لأنه لا علاقة لك بالإنسانية ودارفور وأطفالها براء منك ومن عهرك فهم يكفيهم ما يلقونه من تشويه ولا يحتاجون للمزيد ..
صديقي الجميل خالد
؟؟؟
ياذول الكلام ده يصل المنجمين ببقوا ليك في رقبتك ...
العارفو عنك إنك إنسان نضيف وتبحث عن الحقيقة صدقني بدون الأخلاق ما بتصل والعملو كودي ده ما عندو علاقة بالأخلاق ويوجد مبدأ لليسار عموما وهو الغاية تبرر الوسيلة وطبعا لا يحتاج لشرح لكنه مبدأ أثبت عدم جدواه بل تشويهه للغاية لذا فتطابق الغاية والوسيلة هو الكفيل بأخذك إلى بر الأمان في كل ما تنشد ..
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
Quote:
الاخ بحر،
هؤلاء ...سقفهم الانسانى فى الحضيض....
ولايدروا أن تناقل العالم لصور أهلنا فى معسكرات اللاجئين فى دارفور يعرينا جميعا....
ياله من زمن!!!ويلهم من بنى آدميين |
من كتاب المطالعة الأوليـة (بتصـرف)
وقعـت فأرة في جــرّة خـمـر فسـكرت وقالـت : أين القــط,
وبعـد قليل ظهـر لهـا قـط كبيــر,
اسقـط في يـدهـا وراحـت منهـا السـكرة, فقالـت:
لا تؤاخــذ السكارى فيما يقولون........
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: أحمد الشايقي)
|
العزيز خالد بحر
شكرا لك وانت قلما واضح الرؤيه منذ دخولك هذا المنبر
لا تلتفت للرجرجه و الدهماء.....
اتخيل طفولتك طفلا قويا كذلك الطفل الذي رسمه خالد كودي يتبظ عين السيد....
انتظر مزيد من بوستاتك القويه....
تراجي.
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: Tragie Mustafa)
|
Quote: العزيز خالد بحر
شكرا لك وانت قلما واضح الرؤيه منذ دخولك هذا المنبر
لا تلتفت للرجرجه و الدهماء.....
اتخيل طفولتك طفلا قويا كذلك الطفل الذي رسمه خالد كودي يتبظ عين السيد....
انتظر مزيد من بوستاتك القويه....
تراجي. |
والله تبعدي بس إنتي منو ما عندو أي مشكلة ...
لأنو كمية الوعي الشايلة رغم كبوتو في موضوع كودي ده قدر وعي ناس كتتتتتتتتار هنا مجتمعين ...
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: عثمان حسن الزبير)
|
خالد بحر
بعد الشهادة دي من عثمان حسن الزبير
| Quote: العارفو عنك إنك إنسان نضيف وتبحث عن الحقيقة صدقني بدون الأخلاق ما بتصل والعملو كودي ده ما عندو علاقة بالأخلاق |
| Quote: لأنو كمية الوعي الشايلة رغم كبوتو في موضوع كودي ده قدر وعي ناس كتتتتتتتتار هنا مجتمعين ... |
نصبر نشوفك شايت وين 
و برضو بنقول ليك
| Quote: لا تلتفت للرجرجه و الدهماء..... |
شباب ...
جهزت لي استديو للعرايا، لكن حريم بس و سميتو ( سيرورة روميو )
نسال الله السلامة ..
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: عثمان حسن الزبير)
|
الخليفه
عثمان محمد الزبير
Quote: والله تبعدي بس إنتي منو ما عندو أي مشكلة ...
|
والله تبعد عنه انت ماعنده مشكله
لكن محاولة استغلالكم لمعفته بكم واضحه
هي مثل تمرير السم في الدسم
الزول ده كتب كلامه ده براه اقدلا افهم كل الفيلم العاملينوه ده لزوموا شنو؟؟؟؟؟؟؟؟
تراجي.
| |
|
|
|
|
|
|
|
|
 Re: أرسمنى عاريا يا كودى لتعريهم (Re: خالد خليل محمد بحر)
|
سلامات
ياخلودي يا ابني
والله الالفين حارة
وخصوصا بعد قيلة في اداب
الغلط ما بيتعالج بي غلط
وفكرة المسيح صعبة
وما كل الناس بتفهمها
انت الناس ديل ناس جسد سااااااااااااااااااي
ويشبكوك
ورا وقدام وتحت وشنو شنو
لمن تروح ليك فكرتك زاتو
الحاجة الكويسة انك متعامل معاهم بادب وهدوء
وكده كويس بعدين
حنك اخو الكاشف تروتسكي لذيذ
انا جادي يا معتز اول رد بي منطق
من بدت قصة كودي دي
لكن
فمثلا نحن اساسا فاقدين المعنى الصحيح للحرية وكثير من المفاهيم ماممكن تجيهم من الاخر بحرية (very free ) ..
زى حكاية زول بتعلم السباحه من اول مره ترميهو فى البحر وفى حته عميقة!!!
ماممكن طبعا (step by step )..
والزول العيان حتقول حتسوي ليه شنو
عشان تعالجة
يعني ما في مشكلة لو كان كودي رسم الميرغني بالعراقي
والمرة الجاية رسمه بي سروال طويل
واللي بعدها بي ال(ن)
حتون يرسمه عريان ملوص واللا الفكرة شنو
مرات الحقنه الحارة زي بتاعة كودي دي بتكسر فكرة
القداسة القاعدين نسويها لي اسيادنا دي وبترجعنا لي انهم بشر عادييييييييييييييييييييين وفي دي كودي عنده عذر بس
اخطأ في الطريقة بتاعة التعرية
يعني ما مفروض اصلا يرسم الجسد عريان
وخاصة انو الميرغني راجل معروف
ووطني ما ساهل
لكن هي الفكرة ما جميلةاصلا
يعني ايه زول عريان
انحنا ما مع رسمة كودي
وبنفس القدر ما مع الحملة الغريبة دي ضد كودي
المنطق بيحلها والكلام المحترم
والا البورد ده ما فيه زول عاقل
الكلام كدا ما بيجي
اصحو يا اخواننا
المهم ما رسمة كودي
يعني لو كان رسم شارون كل الشباب كانو
كبرو وهللووطلع كودي رجل الموسم
الكلام البتسوي فيه يا ناذر ومن سار على سنته ما جايي
وما لايق وما بيوصل لي نتيجة
وكده ما حلو
كده وما ببقى
يعني الفش غبينته خربت مدينته
وده الشيخ فرح
الناس لما تفقد الموضوعيه بتخسر اكتر مما تربح
و شوية شوية بنرفع بعض
وقاصدها يا ناذر
و البحر بعيد
بالمناسبة جاييك لي موضوع الحرية ده عديل
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
تراجي ...
خليك من خالد دا هسي ..
قلتي شنو ..
| Quote: اتخيل طفولتك طفلا قويا كذلك الطفل الذي رسمه خالد كودي يتبظ عين السيد.... |
يا ريت يا تراجي تورينا النظرية دي لكن بعد ما تعملي بوست إسمو :
(أرسمني عريانة أم فكو يا خالد كودي لتعريهم) !!
بس أمشي أعملي البوست دا عشان اعرف نظريتك ماشة لي وين !!
شنكل :
وانا زاااتي من الليلة حا ابقى رسام عرايا عشان نشوف اخرتا شنو !!
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
!!!!!!
| Quote: تانى الواحد يقلع ويجيكم عشان يكون مرتاح وفيرى من اى قيود وياخد راحتو للاخر.. |
بالمناسبة يا تروتو ...
عندي صورة عينة متصور فيها صحبك داك في السرير الأتصوروا فيهو اصحابك ديلاك
ما اظني محتاج اشرح .. لكن لو مخك بقى تخين من مباراة العرايا الفي البورد دا ممكن افسر ليك اكتر في الأيميل
شنكل:
حا تنخلع لمن تشوف الصورة ومن نفس الزاوية
| |
|
|
|
|
|
|
|
|
 Re: أرسمنى عاريا يا كودى لتعريهم (Re: خالد خليل محمد بحر)
|
سلامات
كده النمرق شويةمن الجدية
النبي فوقكم
خرمجة
حلوة يا تروتو
قصة الجية خفيف دي
بس اعمل حسابك من ناذر ده قاعد يمشي البحر
وتحديدا خور ابو عنجة كمان
وبي كده الجية بي هدوم شكلها ما بتنفع معاه
والاه كيف صحي السخانة في البلد دي شديدة
...................
عتمان حسن
ازيك اخوي انشاء الله شديد
زمن
.............
ناس االمنجمين ديل مالهم
وحيطردو خالد ليه
وكيف
انت بالمناسبة
تاني الفضل في المنجمين منو
.............
ناذر انا راجيك جمب البحر مع خالد
تجي كيف
............
خستكة
مستنيك جمب البحر محل الطير هاجر رحل
باستناك تحت الكبري باضحي ليك انا بي عمري
بي تحت
راقدا عمر ميتين
والا ما معانا ديش
ما مشكلة السخانه دايرة الخفية
والا شنو ياتبلدينا
بشوف حركات المعلمين
والا انت قاعد تمشي شارع 15تشتري بينسون
قول يالطيف
تراجي
الحاجات ما بتتحل بالرجالةولا بالدعم والاشادة
قعدي الفهم في ا########## حتوووووون
حيي خالد وكودي
ما اي موقف نقعد نصعبة علي نفسنا
وما تشتغلي بي ردود الشباب ديل
بس هدو العب شوي
وتاني الكلام ده قلة شغلة ساي منهم
يازولة خشي في اي مكان وحبابك مليون
..................
شنقه
هو قايل روحومنو
منقه
لكن هو ما مالو
خنقه
اقعد تحت
| |
|
|
|
|
|
|
|
|
 Re: أرسمنى عاريا يا كودى لتعريهم (Re: محمد علي يوسف)
|
ابوحميد والشباب..
بقيات الراستا عثمان...
كدى عندى موقف النحكى ليكم لمن يجى ولدنا بحر ...
عندنا زميلنا كان عامل ليهو مشروع دراسة عن الظواهر الشاذه بصفة عامة فى المجتمع ولا حاجه كده غايتو المهم للمصيبتى مرات بقى يسوقنى معاهو ..
يوم مرقناها وين فى بانتيو جيل اولياء..
ماخلينا محل مريسة ولا بيت (....) رزيلة..
انا ده كلو هين ؛ وهو ياكافى البلا شغال معاها جنس اسئلة وبى قوة عين وماعرف داك كيف وشنو قايتو جنس اسئلة بس زى ماقال ناذر (نسأل الله السلامة من خميسة واخواتها)
وشى اولاد وشى بنات ونسوان ياخى سوق عكاظ بس..
يامان الشغله جرت وبقنا زى الزباين..
انا ده كلو ماكان هامينى ..
نحن من نخش انا قلبى بكون فى يدى..
ياود الناس اى لو جات كشه ولا الطارة كبست مابخمونا مع الشباب ديل ..
ناس ابوخديجه ديل لابعرفو طالب ولا حجر ؛وهم ذاتهم كرهتهم فى الدنيا شى اسمو طالب..
ياود الناس سمعتنا تانى نقبل وين ..
وانت مالقيت في المشاريع الماليه الدنيا دى الا ده مشروع البحث عن الظواره الشاذه وبطيخ ؛داير تضيع وضيعنى معاك..
شكيتك على الله..
اظنو انا الوكت داك حفظت المحصنات كلها ..
وشغال ليك ..
(ياربى تهون علينا القواسى) ده شنو كمان ده...
وكل يوم هم مصر يسوقنى معاهو وانا اردح فيهو واردد الاسطوانه دي..
قايتو المشروع انا ماكملتو معاعو لكن عدى بى سلام..
ياشباب طبعا ماشفتو الجو..
نحن مابقينا زباين والشغله فى مصدر رزق للجماعه ديل..
او مانجى يودونا اوضه طرافية مرشوشه وبارده وشى بخور ...
قايتو اخلي ليكم الباقى كل زول وخيال يرسم فيهو زى ماداير..
بس ماماتمشو بعيد (بس بعاين بعيونى).  .
صنفرة:
انتو عارفين حكاية ارسمنى عريان دى ذكرتنى
نكة الجنوبي الرطب
لمن خلاص فكر يتمقى قال يااااااااا
اسى لو لقيت زول (N)..
عارفينها. .؟؟
تبلدينا كيف..
والمن بحرى غالى عليا..
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: محمد علي يوسف)
|
الاخ محمد علي يوسف
شكرا لكلماتك ومرحب بك في البورد ايضا
ومنورنا:
Quote:
تراجي
الحاجات ما بتتحل بالرجالةولا بالدعم والاشادة
قعدي الفهم في ا########## حتوووووون
حيي خالد وكودي
ما اي موقف نقعد نصعبة علي نفسنا
وما تشتغلي بي ردود الشباب ديل
بس هدو العب شوي
وتاني الكلام ده قلة شغلة ساي منهم
يازولة خشي في اي مكان وحبابك مليون
..................
|
وحبابك مليون برضه
ويا زول انا دخله بوست خالد بحر مش بوستاتهم هم!!!!
هم عارفين الكلام الفارغ البكتبوا فيه انا ولا بعدي عليه.
تقديري.
تراجي.
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
بداء اقول شكرا لكل المتداخلين بلا إستثناء من إتفق معى ومن اختلف, ومن بعدك ذلك أقول إننى عندما طلبت من المبدع لحد الدهشه خالد كودى أن يرسمنى عاريا ...أو
قل عندما تطوعت لذلك, ما كنت انوى من وراء ذلك إبتزالا, وإن فهم البعض غير ذلك.
وإنما كنت احاول تثبيت موقف أدبى تأريخى, احاول من خلاله التاسيس لقيمه غير متوفره فى مناخنا الاجتماعى , الا وهى قيمه الحريه عموما وحريه التعبير خصوصا.
والتى حاول المبدع كودى التعبير عنها بحسب إمكانياته وتخصصه وما هو متاح له.فلذلك تجدنى أتفق معه فى هذه الجزئيه(حريه التعبير)وانا عن نفسى لدى الاستعداد لتجاوز ذلك لاقف ضد اى إنسان يحاول تحجيم حريه الاخرين تحت اى دعاوى رجعيه.
أما إن كان للبعض خلافات فكريه أو شخصيه مع كودى فانا ليست معنى بذلك, وكل ما يجمعنى مع كودى هو الاصطفاف معه لاجل أن يقول ما يشاء هو أو غيره,وليست لدى الرغب فى الولوج لعالم تصفيه الحسابات لان عندى إهتمامات اكبر من ذلك.
والشئ المدهش ان البعض تضجر وانكر على هذا البوست بدعاوى أننى أتماهى مع إنسان مبتزل(وكلا يصنف الابتزال على حسب جهازه المفاهيمى والمعرفى), وليتهم وقفوا عند هذا الحد, فقد ورطوا أنفسهم بالدخول فى نفس مربع الاسفاف الذى عابوه علينا,و ثاروا ضده .
فقد كانت ردودهم هى الابتزال عينه,فبعضهم تجاوز كل الموضوع وركز على الجيتار والبعض الاخر تجاوز الجيتار والموضوع ليسخر عن ضعف بنيه صاحب الجيتار وليته تحدث عن البنيه المعرفيه ........لا.للاسف تحدثوا عن البنيه الجسمانيه وشتان مابين هذا وذاك , والبعض الاخر وهو الاكثر إبتزالا تجاوز كل ذلك وطلب منى ان اخبره هل تريد من كودى ان يرسمك عاريا من الخلف أم من الامام...؟وكان يمكن ان ارد بتطرف.ولكنى لا اريد.
ويمكن ان اقول عن هؤلاء انهم رغم إختلاف مفرداتهم إلا انهم إتفقوا على الكلم البذئ, وتعمدوا أن يتجاوزوا مجرد الاختلاف فى موضوع هو قابل لذلك الى الاستفزاز بعنف.
ولهؤلاء ايضا اقول هل يمكن لكم بعد أن نزلتم لهذا الدرك(دركى أنا وكودى) هل يمكن لكم ان تقدموا انفسكم كوعاظ ,اليس الاولى لكم رتق إتساقكم الاخلاقى بداء.
أقول كان بامكانى أن أدخل معهم فى ذات الحانه أو الخماره الفكريه التى دخلوها,وأجاريهم وبنفس طويل فى نفس النسق الابتزالى ولى فى ذلك رصيد وافر جدا,فانا أمدرمانى ملسن وتربيه حوارى ,واستطيع الانحدار لهذا المستوى واكثر من ذلك ولكنى أتعفف عن الخوض فى هذا...إحتراما للكثيرين.
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
Quote: بداء اقول شكرا لكل المتداخلين بلا إستثناء من إتفق معى ومن اختلف, ومن بعدك ذلك أقول إننى عندما طلبت من المبدع لحد الدهشه خالد كودى أن يرسمنى عاريا ...أو
قل عندما تطوعت لذلك, ما كنت انوى من وراء ذلك إبتزالا, وإن فهم البعض غير ذلك.
وإنما كنت احاول تثبيت موقف أدبى تأريخى, احاول من خلاله التاسيس لقيمه غير متوفره فى مناخنا الاجتماعى , الا وهى قيمه الحريه عموما وحريه التعبير خصوصا.
والتى حاول المبدع كودى التعبير عنها بحسب إمكانياته وتخصصه وما هو متاح له.فلذلك تجدنى أتفق معه فى هذه الجزئيه(حريه التعبير)وانا عن نفسى لدى الاستعداد لتجاوز ذلك لاقف ضد اى إنسان يحاول تحجيم حريه الاخرين تحت اى دعاوى رجعيه.
أما إن كان للبعض خلافات فكريه أو شخصيه مع كودى فانا ليست معنى بذلك, وكل ما يجمعنى مع كودى هو الاصطفاف معه لاجل أن يقول ما يشاء هو أو غيره,وليست لدى الرغب فى الولوج لعالم تصفيه الحسابات لان عندى إهتمامات اكبر من ذلك.
والشئ المدهش ان البعض تضجر وانكر على هذا البوست بدعاوى أننى أتماهى مع إنسان مبتزل(وكلا يصنف الابتزال على حسب جهازه المفاهيمى والمعرفى), وليتهم وقفوا عند هذا الحد, فقد ورطوا أنفسهم بالدخول فى نفس مربع الاسفاف الذى عابوه علينا,و ثاروا ضده .
فقد كانت ردودهم هى الابتزال عينه,فبعضهم تجاوز كل الموضوع وركز على الجيتار والبعض الاخر تجاوز الجيتار والموضوع ليسخر عن ضعف بنيه صاحب الجيتار وليته تحدث عن البنيه المعرفيه ........لا.للاسف تحدثوا عن البنيه الجسمانيه وشتان مابين هذا وذاك , والبعض الاخر وهو الاكثر إبتزالا تجاوز كل ذلك وطلب منى ان اخبره هل تريد من كودى ان يرسمك عاريا من الخلف أم من الامام...؟وكان يمكن ان ارد بتطرف.ولكنى لا اريد.
ويمكن ان اقول عن هؤلاء انهم رغم إختلاف مفرداتهم إلا انهم إتفقوا على الكلم البذئ, وتعمدوا أن يتجاوزوا مجرد الاختلاف فى موضوع هو قابل لذلك الى الاستفزاز بعنف.
ولهؤلاء ايضا اقول هل يمكن لكم بعد أن نزلتم لهذا الدرك(دركى أنا وكودى) هل يمكن لكم ان تقدموا انفسكم كوعاظ ,اليس الاولى لكم رتق إتساقكم الاخلاقى بداء.
أقول كان بامكانى أن أدخل معهم فى ذات الحانه أو الخماره الفكريه التى دخلوها,وأجاريهم وبنفس طويل فى نفس النسق الابتزالى ولى فى ذلك رصيد وافر جدا,فانا أمدرمانى ملسن وتربيه حوارى ,واستطيع الانحدار لهذا المستوى واكثر من ذلك ولكنى أتعفف عن الخوض فى هذا...إحتراما للكثيرين. |
بجيك راجع بي رواقه ..
عندي ليك كلام كتير ..
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: فيصل نوبي)
|
خالص التحايا
عزيزى خالد..
صدقنى وقفت كتير امام كلامك ده وبالجد يصلح ليكون مدرسة يتعلمو منها الكبار قبل الصغار..
اسمح لى ان احيك عليهو بكل احترام..
فقط النقطه الفاصلة ياخالد انا نبهت لى شى بسيط..
Quote: وعزيزى خالد انت ذاتك للتكتحك القال ليك قول داير ترسم عريان منو ماعرف فى ناس زي ناس بويزون وناذر والشله ديل اكبر - اسى اقول ليك شنو انا مع الناس البتعمل اضبط دي المهم اكبر (مـ...) اظنك فهمتها..
يعنى مشاغلة شباب وكده ؛ بالعربى الفصحى بقولو عليها سخرية جميلة وبى لغة الشارع والراندوك (طعمية)
فقياتو بقول ليك ماتشدها خالص فى كل الاحوال
وانتو ياشباب ارخو شويه وابدو ناقشو معانا... |
بالاضافة الى انو الواقع مختلف جدا..لذا كنت مفرضو تقرا الواقع ده برضو بقراية مختلفه وتضع كل الاحتمالات فى خيالك...
صدقنى كل مفاهميك الخدتها من خلال قعادك مع الزملاء زمان ولا نميتها لى وحدك ..
اسمح لى برضو اقول ليك المحل ده ما محلها..
انت افضل منى كتير لانك قاد تترجم مشاعرك امام ناس لحم ودم وانا بسعى فى ناس عباره عن روح سايبريه..
لذا هنا الفرق المهم لمن تجى راجع ..
واجيك انا..
روق كده وخلى بالك من نفسك..
مخلصك ..السنير..
تروتسكى..
التحاي النواضر..
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: فيصل نوبي)
|
فيصل يا نوبى
شكرا مره اخرى وانا فى انظارك الا تخونى القروش
الجميل تروتسكى
متشكريين على متابعه الموضوع, اما عن ان حديثى هذا لا ينفع فى هذا البراح الاسفيرى فقد اكتشفت بعض من ذلك خلال إقامتى القصيره جدا فى البورد.
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
ورغم ذلك تبقى هنالك ثمه مداخلات مميزه إستفدت منها كثيرا, مثل مداخله العزيز تروتسكى والذى إختلف معى بإحترام .
ولتروتسكى اقول إن الحريه المطلقه قد تكون عندك ضرب من الفوضويه ليس إلا وهذا بحسب إستنتاجاتك المعرفيه وما توصلت اليه من تجارب, اما انا فلا قيود لدى على الحريه, وحريه الفن خصوصا, لاننا لو فتحنا الباب لوضع قيود للحريه تحت زريعه أنه لا توجد حريه مطلقه , قد يكون هذا خصما على القيمه ذاتها وخاصه فى مجتمعنا , وكل التجارب من حولنا تقول ذلك من تحطيم تمثال بوذا لان النحت عند طالبان حرام,الى مصادره روايه اولاد حارتنا بحجه الفحشاء , مرورا بمنع كتاب آيايات شيطانيه بحجه إنه يسئ للقران, الى أن تصل لمرحله منع فلم بحب السيما من العرض بحجه إنه يسئ لرجال الكنيسه, وعرج الى التراث تجد ما لحق بالجعد بن درهم, والحلاج, والقائمه تطول, وعموما تبقى قناعتى الشخصيه إن الحريه لا قيود عليهاولا خطوط حمراء للفن.
اما حديثك عن (شتر نر) فهذا رجل لديه من التجربه ما له, وليس بالضروره أن تكون كل النهايات على ذات نسقه لان تجربته ذاتها لها من الاطر ما يختلف عنا جمله وتفصيلا,والمناخ الذى دارت فيه غير مناخنا هذا, وعن حديثك أن (نيتشه) قدم له نقد وتجاوزه معرفيا,ان اقول أن نيتشه ذاته اعلن موت الاله وانتهى به الامر الى الجنون بل واصبح مغتصب.إذا لكل واحد معاييره وزاويه نظره.
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
ولى عوده اخرى يا تروتسكى
المدهش خالد كودى
شكرا على هذا المرور الانيق, والموضوع عندى قناعات وليس مجرد تهريج, اما البراميل الفارغه فلن التفت اليها.
عثمان حسن الزبير
كلماتك لهل صدى عنى وانت تعرف ذلك, اما عن وصفك لهذا البوست بانه كبوه,هى كبوه منك انت ايضا وابقى اظهر.
الاستاذه تراجى
شكرا على المرور
محمد على يوسف
شكرا يا رائع
الاخ عبد العظيم
؟؟؟؟؟؟؟؟؟؟؟؟؟؟؟؟؟؟
الاخ جمال
نصيحه مجانيه الضحك الكتير لو ما قتلك بموت قلبك............وابقى ضاحك
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: ناذر محمد الخليفة)
|
خالص التحايا
ولدنا خالد....
انا حيتك على حديثك السابق لانك تستاهل عليهو التحية ؛وده حقك فى انك تنصرف للرد بطريقة رد الفعل للسخريه الحصلت ليك ...
دى وصية منى ياخالد اى مكان تمشيهو عشان تقدر تقيم جيدا جدا عليك بقراية ظروف الواقع الانت عايش فيهو قراية جيده جدا..
فلا يعقل ان اكون ساكن فى روسيا واجى اقول للناس بالفم العالى انو الفودكا حرام او مضرة ..وهم اتربو عليهو واصبح مشروب وطنى...
رفضك او احتجاجك لابد ان ياخذ وقت لدراسة وقت كافى لاطلاق حكم يكون متزن حتى لو اترفض للعقلية المتحجرة ؛ لكن بالتاكيد ساعتها حكمك بكون مقبول ومقتنعين بيهو رغم انو مكن مايتنفذ فى وقتو لكن اكيد حيلقى من يرفع بيدو ومامعروف لى قدام ممكن يبقى هو السائد...
والافكار الجديده هى موضع شك دائما ، وتتم مقوامتها غالبا،لا لسبب الا لانها لم تصبح شائعه بعد....
* اما بخصوص كلامك عن انو حديثك تسوق لفهم بتاع انك زول مبتزول وو الخ..
قلت ليك مفروض تكون بدارية عن شكل الواقع هنا فالحرب فيه يمكن اللجو الى اى اسلوب ..
والشباب هى ماحكاية انو دايرين يطلعوك زول (كعب) بقدر ما دايرين يسخروا قلت ليك !!!
انت قايل الناس مابتقدر تناقش لكن عشان اثبت ليك انو كتير اقتنع بما ممقتنع بيهو انا ؛ لكن المشكله انا ماقادر اخد الامور بى نفس بسساطتهم ؛ لجديتى الاتربيت عليها وصدقنى لو لقيت ما بابى تب..
الشى التانى انت ذكرت انو (احاول تثبيت موقف أدبى تأريخى, احاول من خلاله التاسيس لقيمه غير متوفره فى مناخنا الاجتماعى , الا وهى قيمه الحريه عموما وحريه التعبير خصوصا.)
وانا ذكرت ليك..
فمثلا نحن اساسا فاقدين المعنى الصحيح للحرية وكثير من المفاهيم ماممكن تجيهم من الاخر بحرية (very free ) ..
زى حكاية زول بتعلم السباحه من اول مره ترميهو فى البحر وفى حته عميقة!!!
ماممكن طبعا (step by step )..
أضف الى ذلك بفهم حديثك ده..
والتى حاول المبدع كودى التعبير عنها بحسب إمكانياته وتخصصه وما هو متاح له.فلذلك تجدنى أتفق معه فى هذه الجزئيه(حريه التعبير)وانا عن نفسى لدى الاستعداد لتجاوز ذلك لاقف ضد اى إنسان يحاول تحجيم حريه الاخرين تحت اى دعاوى رجعيه...
ياسيدى ماهو تحجيم بقدر ماهو نحن ضد فهم الحرية بانها انعدام القيود ..صدقنى ده تعريف بسيط وساذج لانه تعريف الشى بنقيضة..
.لو اعتبرنا حديثك ده صحيح بان كل شخص تتوفر ليهو ادات تعبيريه يقوم يستغلها بالصورة البتريحو..
ده ذكرتنى فى منتصف التسعينات ماعارف انت مواكب ولا وين لكن ظهرت قصيدة كانت مناهضة للنظام وفيها كلام من الصُرة وتحت من مقاطعها (ك..... البسميك دولة اسلامية)..
ماعارفك سمعتها ولا ...
طيب الشاعر ده مازول داير يعبر ؛ والمطرب الهابط داير يعبر ..
حنخلى الناس دى تعبر زى مادايرة؟؟؟ وبصورة القصيدة الذكرتها ليك ولا الاغانى الماشة الايام دي؟؟!!
ياخ حنبقى زى (الجماعات البدائية) ولا ماظهرت المبادلة التى كانت بداية الانقلاب لبناء المجتمعات البدائية وهلمجرا...
وحديثك عن موضوع تصفية حسابات ذكرت ليك ..
انا من الرافضين لمشروع كودي اول شى لانى قاعد اوظف معطيات العلم مع واقع التجربه لذا قادر اطلع بحكم قوى..
وقادر اعطى كل شى حجمو وافرق بين الحرية والفوضى مثلا..
يلا مرحلة ثانية انك بتتكم وبتدافع عن كودى وصدقنى لاتدرى شى .
لانو كودي ماهو بالانسان الممكن ويوظف الاشياء الا لمصلحتو لانو زول انتهازى بدرجة قف!!!
بالاضافة الى انو الموضوع فى حد ذاتو اكبر من كودى والميرغنى ..وكودى هنا كان عتبة فقط..
*خالد قبل ماتجى راجع عزيزى وارد على كلامك ده داير منك طلب واديك بعض النصائح..
1- انا سالتك انك تجاوب على الاسئلة دي.. ومنتظرك..
أ- هل ترضى اذا كنت زعيم تنظيم سياسى واخفقت اى اخفاق ان اقوم برسمك عاريا او ابشع بيك بصوره فوق حدود النقد المعقول؟؟!!
ب – ماهو رايك فى الفن المبتزل واين يقيف حدود الفن المبتذل ؛ ام انت غير مقتنع بالفن المبتزل؟
ث- الحرية بى فهمك البسيط؟
وبعض الاسئلة تولد لاحقا من خلال النقاش..
----------------------
Quote: ورغم ذلك تبقى هنالك ثمه مداخلات مميزه إستفدت منها كثيرا, مثل مداخله العزيز تروتسكى والذى إختلف معى بإحترام .
ولتروتسكى اقول إن الحريه المطلقه قد تكون عندك ضرب من الفوضويه ليس إلا وهذا بحسب إستنتاجاتك المعرفيه وما توصلت اليه من تجارب, اما انا فلا قيود لدى على الحريه, وحريه الفن خصوصا, لاننا لو فتحنا الباب لوضع قيود للحريه تحت زريعه أنه لا توجد حريه مطلقه , قد يكون هذا خصما على القيمه ذاتها وخاصه فى مجتمعنا , وكل التجارب من حولنا تقول ذلك من تحطيم تمثال بوذا لان النحت عند طالبان حرام,الى مصادره روايه اولاد حارتنا بحجه الفحشاء , مرورا بمنع كتاب آيايات شيطانيه بحجه إنه يسئ للقران, الى أن تصل لمرحله منع فلم بحب السيما من العرض بحجه إنه يسئ لرجال الكنيسه, وعرج الى التراث تجد ما لحق بالجعد بن درهم, والحلاج, والقائمه تطول, وعموما تبقى قناعتى الشخصيه إن الحريه لا قيود عليهاولا خطوط حمراء للفن.
اما حديثك عن (شتر نر) فهذا رجل لديه من التجربه ما له, وليس بالضروره أن تكون كل النهايات على ذات نسقه لان تجربته ذاتها لها من الاطر ما يختلف عنا جمله وتفصيلا,والمناخ الذى دارت فيه غير مناخنا هذا, وعن حديثك أن (نيتشه) قدم له نقد وتجاوزه معرفيا,ان اقول أن نيتشه ذاته اعلن موت الاله وانتهى به الامر الى الجنون بل واصبح مغتصب.إذا لكل واحد معاييره وزاويه نظره. |
بخصوص حديثك عن وقائع (نيشته) و (شترنر) ....؛ و(ايات شيطانية) و(الحلاج )والخ قبل ما اجى ارد عليهو..
اسمح لى ان اقول ليك ملاحظه فى كلامك ده اولا غير مرتب ..
والشى التانى ياخالد انا عايزك تطلع من حكايات المصطلحات دي شافيها مسيطره عليك..
الحكاية مامصطلحات بقدر ماهى اشكالية توصيل فهم ..
ولا بالضرورة ان نلبس حديثنا هذه المصطلحات المفخخه حتى يتثنى ان يُقال عنا كذا ولا كذا ..
وقع ليك كلامى..
ماتخليها تسيطر عليك بفهم انها ضرورة..
الجا اليها فى وقتها لكن مافى كل وقت..
والشى الاهم :
او نقاشا ده انت لو ماخدو جدل ونقاش ترفي خلينا من اسى نفرتق لانو ما الحكاية استعراض عضلات فى نهاية يسود الفهم والراى السديد كان حقنا ولا حق غيرنا...
لانو بداية عنوانك والموضوع كان نتيجة عن رد فعل بدون اتزان ..
| Quote: أرسمنى عاريا يا كودى لتعريهم |
قول رسمك عريان نحن حنستفيد شنو ولا انت حتستفيد شنو...؟
هل ده معناتو انو الميرغى ولا نحن ممكن نغير راينا لو كنا خطأ ؟
هل ده مقياس عشان تقيس انسانيتنا والكلام البدغدغ المشاعر ده..؟
دى نفس طريقة الكيزان فى دغدغة مشاعر باستغلال عامل الدين الفطرى للانسان السودانى باثارة كوامنه من خلال هذا الماعون..
ده برضو عشان اوريك انها فوضويه ..
مثلا من خلال الفوضويه المسحية التى نشأت اولا بعدها اصبحت بفهم اكبر فوضوية دينية..
بنلاحظ انو كراهية الفوضوين للدين ؛ ده بصب فى تأييد للدين بصورة اخرى (والتايد هنا مرات بكون انتهازيه لانو ماكل اتايد بصب فى خانة التايد الحقيقى)..
وده كان واضح فى طريقة ((تولستوى)) المسيحى ....
وايضا عندما حاول ((بوردون)) عندما كان بحاول ان يفسر المسيحية على انها اسس تعاليم المسيح ؛ ويحاول تفسير المسحية على انها يجب ان تخلص من اللاهوت والسياية ..والخ من هذا الكلام..!!
عشان كده ياسيدى ماتستغل قطار المؤدى الى اشياء اخرى بقصد او بدونه لان ذلك يدخلنا فى الاتصاف بالانتهازية...
والى حين عودة يابحر لو ربك هون....
* الواقع هو محصلة مانفعلة وناخذه ...
لانو الحرية نفسها مامكن ان تصبح شى منفصل عن الانسان وعن ذاته ..
لذا فهى حرية معاشة..
واى تجربة يعيشها الانسان ومن خلال التجربة ذاتها بحس بالحرية..
لانك لمن تفعل شى معين وتلقى فيهو حريتك بصورة حرية مطلقه انت كدى اتعديت على حقى ..
ولمن تاخذ حقك ونصيبك فقط من الحرية انت بالتالى كده بتلقى هنا معنى ((التجربة)) وبتحس بيها....
-----------------------
ده كلو هين ياخالد انا مابختار ليك اصحابك لكن بنورك وانت مخير..
من واقع تجربه هنا ابعد من تراجى معها شرزمه كده دى بقولها ليك عديل ؛ وكلام راستنا السنير الكبير عثمان نحن مابنوقعو الارض تب...
انى خيرتك فختار...
التحايا النواضر..
(عدل بواسطة معتز تروتسكى on 08-02-2006, 02:05 AM)
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: خالد خليل محمد بحر)
|
سلامات
ايوه كدة الكلام بقى صاح
يعني بي فهم وكده
يعني يا تروتسكي
فهمك للحرية
سمح مبالغة
وبي فهم
ووعي كامل
وبي كدة ممكن نتناقش
يعني الحريةالمطلوبة
هي حقك في ان تقول ما تريد بشرط ان تستطيع فعل ذلك
وهذا هم ما يهمنا هنا
فأن تطلب من كودي ان يرسمك ياخالد فهذا حقك
كذلك من حق كودي ان يرسمك وهذا ايضا حقه
ولكن ان يرسمك عاريا فهذا حقك انت فقط
بشرط ان لا تعلن رسمك للاخرين
وان لايرسم كودي شخصا اخر دون علمه وينشر رسمه للناس مع العلم ان
جسد الميرغنى يشبه جسد اي رجل اخر
ولكن هنا يظهر الحد الفاصل بين الحرية والتغول عليها
فرسمة كودي تجرد الميرغني من
حريته في ان يظل رجلا يحتفظ بخصوصية جسده
والفرق واضح
المهم في الامر اننا يجب ان نحترم حرية بعضنا في الاتحتفاظ بخصوصيتنا
لان الميرغني لم يعودنا على التعري امامنا
وبالتاكيد لم يخلع ملابسه امام كودي نفسه ليرسمه
فلماذا يرسم كودي ما تخيله من جسد الميرغني
بغرض تعريته سياسيا
وعلى العموم
فكرة كودي لتعرية السياسات كان يمكن ان تكون باي شكل اخر
الا اذا كان يملك اجنده اخري
ولن انساق وراء نظرية المؤامرة
فلن نصل عبرها الا لمزيد من توسيع الهوة بيننا
وكم ارجوان يستمر النقاش على هذا المستوي الواعي من تروتسكي
خستكه
ارخي جسمك خلي الدوا يمر
شنقه
اسكتي
ما قلت ليك
خنقة
هو في شنو
منقة
هناية طلقوها
ستار
وجاييييك
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: محمد علي يوسف)
|
خالد :
لك السلام .....
Quote: الاخ جمال
نصيحه مجانيه الضحك الكتير لو ما قتلك بموت قلبك............وابقى ضاحك |
والله بضحك لما اشوف منظر جداده بتصحي في الناس للصبح
والديك يؤذن للظهر
وبضحك كثير لما اشوف شخص بيطلب شئ موجود فعلا ؟؟؟
وتر مشـــدود :
متين كانت النصيحة بقروش ؟؟؟
...
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: معتز تروتسكى)
|
Quote: Quote: أرسمنى عاريا يا كودى لتعريهم
قول رسمك عريان نحن حنستفيد شنو ولا انت حتستفيد شنو...؟
هل ده معناتو انو الميرغى ولا نحن ممكن نغير راينا لو كنا خطأ ؟
هل ده مقياس عشان تقيس انسانيتنا والكلام البدغدغ المشاعر ده..؟
دى نفس طريقة الكيزان فى دغدغة مشاعر باستغلال عامل الدين الفطرى للانسان السودانى باثارة كوامنه من خلال هذا الماعون..
ده برضو عشان اوريك انها فوضويه .. |
الاخ خالد خليل..
صراحة أنت إنسان صريح جدا وعندك إمكانية النقاش الهادف لكن حتما ستصطدم بالحقيقة..
ثم الفهم البسيط للحرية ليس أن تفعل كل يحلو لك وفي اي وقت دون مراعاة قدسية الآخرين وأهلهم..
وأن بين الحرية والفوضى شعرة ..
مثلا عندما تركب مركبة عامة (حافلة) وتنفث دخان سجارتك يمنة ويسرة هل هذه تسمى حرية.. وحتى حرية التعبير والحرية الشخصية لها حدود تنتهي بإنتهاك حرية الآخرين...
لو كان لنا موقف معين من الذين رسمهم السيد خالد كودي لا يجوز لنا أن نرسمهم عرايا وحتى لو رسمناهم عرايا ماذا سنستفيد نحن من تعريهم..
وأكرر لك نفس السؤال الذي ساله لك الاخ معتز ..
ماذا سنستفيد عندما يرسمك خالد كودي عاريا..؟؟؟؟
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: hatim)
|
Quote: وأنا أتحداك لأن ترسم نجمة داوود على مقعد المرحاض لكونه المكان الذي يليق بك وبفنك التافه
لكي تبرهن بأن الفنانين لا يقدمون للمحاكم بتهم فنهم جرب
ومن قال لك ابدع أنا قلت ارسم من رسم يرسم رسما حتى ولو رسم كروكي اسكتش أو حتى عبر عن نيتك لرسم نجمة داوود على مقعد المرحاض في احد معارضك أو هنا في هذا المنبر
---------------
تتعرض صحيفة (شيكاغو تريبيون) الأمريكية البارزة لحملة من جانب اليهود الأمريكيين بسبب رسم كاريكاتير سياسي متهم بمعاداة السامية في الوقت الذي دافع فيه رسام الكاريكاتير عن حقه في التعبير ورفض تلك الاتهامات.
وكانت الصحيفة قد نشرت موخرا رسما كاريكاتيريا يظهر الرئيس الأمريكي جورج بوش وهو ينثر كميات كبيرة من الدولارات على جسر السلام في محاولة لتشجيع "إسرائيل" على التعاون معه بينما وقف رئيس الوزراء الإسرائيلي أرييل شارون على الطرف الآخر وهو ينظر لتلك الدولارات ولسان حاله يقول بعد امعان التفكير يبدو أن الطريق إلى السلام أصبح أكثر إشراقا الآن.
وترى قيادات اليهود في شيكاغو أن الكاريكاتير يكرر صورة نمطية عن اليهود باظهار شارون في صورة الطماع الجشع والتركيز على أنفه الكبير وهو ما يمثل أمرا سلبيا برأيهم في ضوء الاعتقاد الشائع بالأنف اليهودي المدبب.
وقد سارعت صحيفة (شيكاغو صن) تايمز منافسة (شيكاغو تريبيون) التي نشرت الكاريكاتير إلى شن حملة ضد الصحيفة والقول بأنها تعادي "إسرائيل" والسامية بينما ربط زعماء اليهود بين الرسم وبين ما وصفوه بانحياز الصحيفة للفلسطينيين.
من جانبه قال الرسام إن من يتصدون لفن الكاريكاتير يلجأون للمبالغة وأنه نشر رسوما عديدة للرئيس الفلسطيني ياسر عرفات بأنف كبير دون احتجاج من أحد.
وأضاف الرسام الذي حصل على جائزة بوليتزر الرفيعة في الصحافة أنه كان يريد الإشارة إلى كيفية استخدام أموال دافعي الضرائب الأمريكيين في سياسة بلاده.
وقد تلقت الصحيفة بعض الاتصالات الهاتفية ورسائل البريد الالكتروني من قراء أعرب بعضهم عن رأي سلبي في الكاريكاتير بينما سانده البعض الآخر. يذكر أن أصدقاء إسرائيل في الولايات المتحدة سواء من اليهود أو مويديهم من اليمين المسيحي المتشدد يلجأون إلى تهمة معاداة السامية كلما تعرضت إسرائيل لأي هجوم في وسائل الإعلام الأمريكية أو غير الأمريكية.
المصدر : الرياض الجمعة 13 ربيع الثاني 1424العدد 12775 السنة 39
إيّاك أيها الكودي أن ترســم ... محمــود محمــد طــه ... عــارياً!!!
...
|
اوحى لى هذا الكلام ياخالد عن (الحرية والقانون)..
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: معتز تروتسكى)
|
بعد أذن خالد صاحب البوست
احمد الشايقي
كتبت:
Quote:
تــراجــي مصـطـفى,
إنتـي الـ دخـلك البـوســت دا شــنـو ؟ |
دخلني الدخلك,انت الجابك شنو؟؟؟؟؟
بس حيت عايز تعلق لتراجي؟؟؟؟
كمان تراجي حست انها عايزه تعلق لخالد بحر!!!!!
في مانع؟؟؟
تراجي.
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: معتز تروتسكى)
|
الاخ تروتسكى،
خالد كودى رسم لوحة واحدة مازلتم تكتبون عنها و ستكتبون عنها الى ان تبعثون!!!!!!.
الم نقل لكم ان لوحة واحدة من خالد كودى تعادل مجلدات و مجلدات من الكتب؟
و ستستمرون تكتبون عن هذه اللوحة الى ان تعجزوا دون ان تصلوا الى ماذا تعنى لضيق افقكم و حصر انفسكم مابين و تحت ارجلكم......
فان ارتم ان تكتبوا عن هذه اللوحة نقدا فاحصروا انفسكم فى عقولك هداكم الله، و الا فستستمرون فى العك و العجن دون جدوى.....
مع تحياتى،
طالب تيه
مع تحياتى،
طالب تيه
| |
|
|
|
|
|
|
|
|
|
Re: أرسمنى عاريا يا كودى لتعريهم (Re: Talb Tyeer)
|
خالص التحايا
الاستاذ
Talb Tyeer
يبدو أنك لم تفهم مغزى حديثى مع خالد ..
وشخصيا ضد اي رد فعل تجاه مافعله خالد ؛ لان الامور لو كانت بيدى كنت عرفت كيف اتعامل معه لان الحملة التى وجدها صراحها هو لايستاهلها.. ياسيدي..
جملة الحديث هنا هو تبصير خالد بقدر الإمكان ليس من باب المعرفة لكن من باب الدراية بمخلوقات هذا المكان وبعضها عليه ان يختار..
الود بعتبرو امانه فى عنقنا بداية من عثمان الى اصغر زول هنا اقلاها بدافع المكان الذى جمعنا قديما وجديدا هنا..وفى النهاية لسنا بوصين عليه..
لااديرى ماهو العك والعجن ونحن نتناقش بكل هدوء وباريحية ونفيد ونستفيد....
انت ايضا ياريت استاذنا لو جيت (بركته) معانا هنا واتناقشنا معاك
عشان نحن لو فاهمين غلط للمفاهيم البنتاقش عنها ؛
وهى ليس وليدة موقف كودى لانو اساسا نحن فاقدين لكثير من المفاهيم بمعناها الصحيح
كودى هنا عتبة ؛وعتبة مايلة كمان!!!
فاياريت لو جيت اديت واخدت معانا...
ياريت..
التحايا النواضر..
| |
|
|
|
|
|
|
| |
خالد خليل محمد بحر
معتز تروتسكى
bayan
ناذر محمد الخليفة
Ahmed Mohammed Osman
ناصر البطل
فيصل نوبي
محمد الامين احمد
aosman
saadeldin abdelrahman
كمال مبارك
Khalid Kodi
أحمد الشايقي
Tragie Mustafa
محمد علي يوسف
عبدالعظيم عثمان
gamal elsadig
bob
hatim
A.Razek Althalib
فيس بوك
تويتر
انستقرام
يوتيوب
بنتيريست