الاخت شيرى لو رجعت دا المطلوب ولو ما رجعت يوم الجمعة انا وهوبلس قطع شك الغداء معاكم وانت عارفة هوبلس عاوز كمونية وانا عاوز بامية وانت الطبختين ديل ما بترتاحى ليهن لكن عشان طلب الضيوف لازم تقومى بالواجب,اها رايك شنو ماما بيان قالت ليك عندك 24 ساعة انا وهوبلس الى يوم الجمعة الصباح, لو ما هترشتى زى زمان بتلقينا عند الباب.
الدنيا تتفرقع
وعيونا قاعدة تدمع
ومين الفينا اشجع
والبرد فينا يصفع
ونحن فى الارض البلقع
وبعد الشتات نجمع
باشارة اصبع
من اخونا بكرى الالمع
شيرى تجى تضرع
عاملة اسود مصقع
وعليه شطة تلسع
وجنبه بصل مجدع
وجونا اخونا الشفع
شايلين صحانا تلمع
مليانة اكل يهلع
كمونية بامية طلع
هوبلس فى الصفرة تربع
ياخوى ابوقوتة اشبع
وبعد الاكل نسمع
اول الحكى هسع
وقبله سلام مربع
شيرى جاءت تضرع
تهترش لينا ونسمع
تهترش لينا ونسمع
(عدل بواسطة abuguta on 07-30-2003, 03:22 AM) (عدل بواسطة abuguta on 07-30-2003, 04:30 PM) (عدل بواسطة abuguta on 07-30-2003, 04:41 PM)
07-30-2003, 04:13 AM
WadalBalad WadalBalad
تاريخ التسجيل: 12-20-2002
مجموع المشاركات: 737
نحن ما عندنا استعداد نخسر واحد من هذا المنبر لان كل شخص فيه له ميزة مميزة وخانة ما ممكن يلعبها الاخر فشيرى فراشة البورد واساسى كتب فيها كلام والله ما كتبه شاعر قبل كدا
بس اكيد هى حتجى وتهترش تانى
وشكرا على الطلة
07-31-2003, 07:39 AM
سجيمان سجيمان
تاريخ التسجيل: 10-03-2002
مجموع المشاركات: 14875
والله يادوما لازم نشوف الوفد دا يتكون من منو طبعا البوس بكرى ما ممكن يجى نشوف نا س جدة سنجاوى وام سهى وقرشو وناس مكة كمان برضو مفروض يشاركو فى الوفد لكن الناس كلها فى اجازة صيفية ممكن هى ذاتها رايحة تصيف وعاملة لينا الاختفاء دا حركات منها,عشان تظهر بهترشات جديدة عموما هى لازم تجى راجعة وتسلم ياشفيف
07-31-2003, 04:54 PM
abuguta abuguta
تاريخ التسجيل: 04-20-2003
مجموع المشاركات: 8276
سجيمان ناس جدة ديل من سافر عمدتنا قرشو بقو ما عندهم ادارة حتى هوبلس الايام ما ظاهر انت الناس ديل كلهم سافروا ولا شنو انا فى الرياض لكن تستاهل يركبو ليها وتسلم ياحبيب
08-07-2003, 06:23 AM
abuguta abuguta
تاريخ التسجيل: 04-20-2003
مجموع المشاركات: 8276
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abuguta
WadalBalad
سجيمان
doma
فيس بوك
تويتر
انستقرام
يوتيوب
بنتيريست