|
دعواتكم لزميلنا المفكر د.الباقر العفيف بالشفاء العاجل
|
|
 Re: ابقوتة المشاء... يقطع 35 كيلومترا مشيا بالاقدام (Re: سجيمان)
|
عادل كيف حالك
عيد سعيد وتقبل الله منا ومنك صالح الاعمال
يازول بلدكم دى عليها جنس مطر لا بعرف حاج ولا معتمر
نكة الحج
عندنا واحد من الشلة ما حصل صلى من قبل زول جو ساى
اها السنة دى قال لازم يحج لما فى عرفى رجله انفصلت
اها قلنا ليه لازم توكل فى رمى الجمرات
قال والف لا
انا لازم اقابل الشيطان شخصيا
شكرا ليك
| |
 
|
|
|
|
|
|
|
|
Re: ابقوتة المشاء... يقطع 35 كيلومترا مشيا بالاقدام (Re: ELSUNNI)
|
| Quote: زول من العمرة او الحج بيعملوا ليهو شنو من على البعد نرسل التحايا |
راشد موسى ويك يامسعودية
تعرف عندنا مؤذن الجامع حقنافى جاونى(الهند) قام حج والله ياراشد يومه الجامن الحج ذبحت جنس عجول وغنم
التقول جابها من عمك عبد الغنى
تحياتى ليك ياخوى وين صلاح سياسة لو بلاقيك بلغه تحايانا وعزانا له فى وفاة عمه اللواء بشير محمد على
على ودى
| |
|
|
|
|
|
|
|
|
|
Re: ابقوتة المشاء... يقطع 35 كيلومترا مشيا بالاقدام (Re: abuguta)
|
هلا بشاعرناأبو قوتة
اخبارك واخبار الشباب بالمملكة، طبعا صلاح سياسة اخر مرة قابلته في 94 /95 بالسودان وكان مخطط يسافر اليابان بعدها سافرت السعودية ولم تتح لي الفرصة لزيارتهم في القطينة اثناء فترة تواجدي الاخيرة بالسودان لاعتقادي انه في اليابان، لكن قابلت ابوعبيدة الصديق ود الجريف وهو شغال بين جوبا الخرطوموكان منذ اكثر من سنة وصلاح محمد عمر عباس من حوالي شهرين وبحاول الم في الشباب هنا في دبي لميت في نصرالدين بدوي و تحصلت على تلفون خالد سيد قاضي واتصلت عليه في العيد لكن ما بيرد ما عارف من من الشباب هنا لانو الفترة طالت لكن اعتقد انو في عدد كبير من شباب ناغبور هنا....
لك التحايا وحاول زودني بتلفوناتهم على بريدي الالكتروني
نواصل
| |
|
|
|
|
|
|
|
|
|
Re: ابقوتة المشاء... يقطع 35 كيلومترا مشيا بالاقدام (Re: ELSUNNI)
|
راشد
والله ذكرتنى ابو عبيدة الصديق
لى معه ذكريات لا تنسى وانا برلوم
كان بدلعنى شديد...بدخلنى السينما فى نصف النهار
اذكر اخر مرة زياره ليه فى الجريف وكان له والد فاضل
لو صلاح فى السعودية بجيب ليك خبره...لان صلاح كان عامل الاب الروحى لى
عشان ابقوتة تبع القطينة لوووووووووووووووول
ولقدام
| |
|
|
|
|
|
|
|
|
|
Re: ابقوتة المشاء... يقطع 35 كيلومترا مشيا بالاقدام (Re: ابو جهينة)
|
ابو جهينة
واحد من شبابنا قال لازم يكمل الثلاثة ايام
اها خليناه بورانا مفرش فى الجمرات
لم فيه سيل مكة ما ترك ليه سبيل
فى النهاية جرى جرى مع المغرب وهو يخوض
والجمرات فاضية وسط السيول رمى وجرى على مكة
قبل الشمس تغيب
وقام عمل الطواف فى 5 دقائق وهو يخوض للركب
اها فى النهاية قال لينا لازم ننتظره فى الشرائع
لسع نايم وما عارفين نعمل ليه شنو
المهم قلنا ليه انت ضاعفو ليك الاجر
وتسلم ياحبيب
| |
|
|
|
|
|
|
|
|
|
Re: ابقوتة المشاء... يقطع 35 كيلومترا مشيا بالاقدام (Re: ودقاسم)
|
ود قاسم
صدقنى كانت تعجبنى هذه العبارات
اذكر وانا صغير كنا فى الباجور مشروع النالة كانت لنا حواشة هناك
احد النازلين معنا مشى الحج..اذكر عملو جير على الارض كيف ما عارف
المهم كانت موية زمزم مختوتة فى البرميل ما عارف الحاج دا كان مؤجر ترلات ما عارف
المهم امى كان نصيبها سبحة ووالدى طاقية مزيقة..وانا ماسك فى توب امى
تسحرنى عبارات الجير تعبير والله تعبير عن المشاعر
قلت لابوى انا حجيت قال لى حجكم الفى يوم وضحوة دى لعب شفع ساى
لكن المشى حار ياود قاسم
انا ارشد كل من يريد الحج من حجاج الداخل عليه التزود موتر صغير دباب
تردف عليه من معاك...عشان تقطع تلك المسافة الكبيرة
لك معزتى
| |
|
|
|
|
|
|
|
|
|
Re: ابقوتة المشاء... يقطع 35 كيلومترا مشيا بالاقدام (Re: Mohamed Elbashir)
|
محمد البشير
ربنا يحقق امنيتك....بس انت انوى
تصور واحد من اقاربى جاء من السودان
وما حجة قبل كدا قلت ليه انتظرنا فى مكة
وكمان عندنا بيت عذابة فى العزيزية جنب الجمرات
تصور قال انا ما مستطيع...قلت ليه مش معاك 10 ريالات
قال ايوة قلت له دى تكلفة حجتك
تصور ركب بص الرياض وجاء وقال ربنا ما سهل
لك خالص امنياتى
| |
|
|
|
|
|
|
|
|
|
Re: ابقوتة المشاء... يقطع 35 كيلومترا مشيا بالاقدام (Re: ودرملية)
|
Quote: سلامات
وعوافي
متاخر ردي لاني كنت مافي
حجا مبرورا ياكاسي اليتامي
وفدموا حافي
مقبولة الزيارة ياشاقي العتامير
يااسد الفيافي
.............
مبروكة شوفت المقام العالي
وشربت زمزم المذاقا شافي... |
يارب البيت
الواحد الكافى
ود رملية موجود فى المنافى
تكفيه ياربى شر البارد والدافى
وينظم شعرا نثرا وقوافى
يسافر للحج جوا وينزل فى المرافىء
شكرا ياطيب..انت زى الجيتنى ومعاك خروف
لك معزتى ياشيخ العرب
| |
|
|
|
|
|
|
| |
abuguta
سجيمان
A.Razek Althalib
saif massad ali
ELSUNNI
Raja
ابو جهينة
ايهاب
ودقاسم
Fadel Alhillo
معتصم دفع الله
ودرملية
elsharief
Mohamed Elbashir
Hussein Mallasi
walid taha
Marouf Sanad
نيازي مصطفى
فيس بوك
تويتر
انستقرام
يوتيوب
بنتيريست