طبعا لا مسافر ولا حاجة لكن ...لكن زهجت زهج الله الواحد دا مصنقر فى البورد 24 ساعة كم يوم كدا...افتش اقلب للناس الحنان شايفهم بقو قلاااااال.. وقليل الاكلهم حلال.. واحدين سالين سكاكين ومبارين اب عشرين.. زى ما يلقو زول عنده اضنين... يجضموه ويخلوه اكرت.. قبل يجى الدرت... عشان كدا قلت اخير اطلع سالم من غير مظالم... لا شكلة بعدها اسمى يكون اسود.. ولا زول يقول ابقوتة.. دا مش احمد؟؟ اها ياخوانى...وياكلى الفى مصرانى.. فتكم عافية اها...نتقابل فى ساعة خير وبعدها ..جلسة وكبابة عصير انا عارف كلامى دا بكون غير ذو فائدة عند ناس ما فاضين عشان عاوزين يغيرو العالم ويحلو مشاكل الدنيا ويقيمو جميع البشر بفكرهم الصائب وغيرهم ناس اى كلام.. اما يتبعوهم واما ما عندهم امخاخ اها...بكون طولت عليكم.. اصلا كلامى كتير فى لحظات اللقاء ولحظات الوداع .. سوف انطلق بمركب من غير شراع الى وادى السباع.... سلام ابقوتة فى لحظة..لم تمر عليه قبل كدا
05-29-2005, 06:02 AM
زول ساكت زول ساكت
تاريخ التسجيل: 11-26-2004
مجموع المشاركات: 2907
ليه يااحمد لو بيدي وسيله لمنعتك حتى لو تقول ديكتاتور زاتو ياخي الخير والشر لازم يكونوا موجودين في اي مجتمع حيناً يطغي الشر واحياناً يعم الخير خروج من هنا يساعد نقص للخيرين ماتمشي سمح اموت ليك
05-29-2005, 11:58 PM
abuguta abuguta
تاريخ التسجيل: 04-20-2003
مجموع المشاركات: 8276
أنا لو تصدق يا شباب عمري المفتق شلت كل الريد مشاعر حلوة نديانة وخصيبة واشتهيت يهل وعدك لي هناء وافراح وطيبة اه لو بتعرف كيف تهش اشواقنا تهتف لعيونك كيف يلح الشوق ويسأل كيف ترق اشواقنا ترمز لعيونك كيف يغالي الشوق ويسأل ونحن من خلف المدى الفرقنا طول لو بتعرف نرسم الليل في البعاد جنة لقاء نبني تعريشة حنان طول بدا ونعانقه في اعماقنا باقات من مرح تجعل صبانا الغالي زغرودة فرح حتى الكلام لوجيتنا ما بنحكيه بنفس الحروف كلماتنا تتفجر غزل بين كل فاصلة تعيش ظروف والشوق دوام يغري الخيال يسرح وبى حسنك يطوف احلامنا تتناثر أمل في كل روضة تضوع قطوف
لماذا حُكم على مشاورينا التى بين تلك الدريبات والحواشات ان تكون ماساؤيه هكذا ؟ لماذا فُرض علينا القتال فى كل الاتجهات؟ لماذا ولماذا؟ ياود السهل والجبل .. ساترك الاجابة لك وانتظر الرد يااحمد..
بالجد حزين شديد
05-29-2005, 09:38 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
في بلد طاقور اتعلمنا الصبر والجلوس في الرواكيب من صباحا بدري للعصر شاي وراء شاى وانتظار المجهول ونقول وين المفر ماده ولا مادتين حسب مزاج الاكسمنر تاخرك من اهلك سنين وانتظار تاني الرجستر عشان كده ياخوي ماتقول مللت المنبر ومايكون جاك تحزير من ود ابوبكر وكان دائر تعرف غلاتك والله احلى من السكر وتاني ماعايزين نسمع كلام السفر وتبقى زي قصه عبدو قام تاني جاب سيره البحر
جمال هباني بحر ابيض
05-30-2005, 00:26 AM
abuguta abuguta
تاريخ التسجيل: 04-20-2003
مجموع المشاركات: 8276
Quote: اهو ياسيدي نحن قاعديييين ومافي ليك طريقه الا ترجع
انور وينك يابلد فى ملل وطفيش صاح والا انت كنت وين مش زى برضو واضع ايدك فى خدع وتتفرج دا عنصرى ودا كافر ودا ظلامى ودا نورى والله هذه الكلام سببت لى صداع...لا تقدم قيد انملة السودان لك خالص شكرى
05-29-2005, 10:58 AM
zola123 zola123
تاريخ التسجيل: 08-22-2002
مجموع المشاركات: 7
Quote: ليك لفة برة البورد كم ييوم وتعال بكونوا الجماعة ديل مشوا أنا بديت آآمن بالنحس في البورد ده لاكن برضو قاعدين وبنتفرج من بعيد لمن نشوف أخرتا شنو
زولا123 والله لو لا جندرتك الملزمانة الصبر كان زمان فتنا وتاكينا الباب وقلنا نشتت من الارض اليباب زى ما قلت اللفة مطلوبة لكن شلبى مسافر عمر مشطوب انا قلت اخير اقيف برا الى اشوف الحاصل
05-29-2005, 01:37 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
تراجى ياطنا يناجى غبارا عجاجى.. اطفالا صغارا فى خيام الماجى فلا انا من عقلال... ولا انتى من عاجى.. ياخريجة النيل خرطوم وسوهاجى..
قلتى لى افريقية ياحلبية تصورى واحدة زميلتك قالت لى تراجى دى حلبية بيضاء تشبه نانسى عجرم..انا زول اخبضر محروق بنار الافرقة تصورى لو كان كلامها صاح...الله قال بقولك..ياحلابية مجلبة من بلاد الترك شكرا لحضورك الكثيف
كيا مشكل أحمد ? توم بهوت أجا أدمي ...دوثرا أدمي دماغ خراب ... لا تذهب تندوري منتا? برياني منتا ? عذرا أحمد أحاول أستحضر تلك اللغة الجميلة ..أبقي بيننا ...
05-30-2005, 01:02 AM
abuguta abuguta
تاريخ التسجيل: 04-20-2003
مجموع المشاركات: 8276
ها ها ها ها ها ها ها ياريس والله ضحكتنى...تصور امس فى مطعم حق هنود فى غبيرا.. لقيت الناس بتاكل فى جنا باتولا راودنى الحنين ليها قريبى قال الا نمشى النيل..سيبنا من التلافيف دى..
بينى وبينك يامنى الدل جنجال كل يوم توعدينى بكل وبعد كل تم كدر تاه اسال ولا تسال صدك وهجرك فعل لى بهوت مشكل هم بيا كرتا وتم شرا لال يامدعج الاغ يامورد الغال هم كل جيا قار وللسودان راحل سو بليس عودى لى وطل... شكرا يابلد
05-29-2005, 08:12 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
أبو قوتة عليك خليك كدي كية لي صديق الموج ، تخلي المنبر تمشي وين يا ابوقوتة ،،، ديل زي اليهود كلما خليت ليهم حاجة يجوك يطلبوا حاجة تانية ،،، أوعك تخلي ليهم المنبر ،،، والله يقوموا يطردوك من أبوقوتة .. طوّل بالك شوية يا أبوحميد ...
05-30-2005, 00:40 AM
محمد عبدالقادر سبيل محمد عبدالقادر سبيل
تاريخ التسجيل: 09-30-2003
مجموع المشاركات: 4595
أمشي يا اب قوتة وتعال أمشي شوف اخبار خدارك جوة فرهد في الفؤاد أمشي زييين انهر كمان طير الخداري وحبنا غسل ايديك جوة الغنا أو بالاصح اقلع عروق الساعة كم وتعال هنا ازرع عيونك من جديد وأمشي وتعال ساسق دروب البرتكان وتعال سريع تلقانا نحن المن زمان من ضل لضل تاكلين وجعنا على الحروف وشايلين هموم السوسنة فوق الكتوف جايي انت هسي تقول خلاس؟ ما تمشي ياخ فات العمر قبال كدا ومكابدة وفاتو ناس سمحين سماح رجانا ليهم ضاع سدى مين يعني كان خاتر حبيبو ولو سنة؟ ما كلهم بتشابهو يا ابقوتة تقدر مرة واحدة تقول: أنا ؟! كدي قول أنا ولو سنة!. ___________ صديقك محمد سبيل ابوظبي 30/5/2005م
انت عارف يا خال الموج قايل نفسو ود عاصمة لكن عمى الطيب الصول..على حسب الحكاوى السمعتهاعنه فيه طيبة ناس الجزيرة..وكرمهم وحبهم للارض لكن هو عامل فيها متمدن لكن هو عارف ان العاصمة تريفت والجزيرة تمدنت...فى ناس عندهم حيشان تراثية فى لب ام درمان تصدق باعوها وسكنو الصالحة...هى هى هى هى...تعرف الصالحة دى قريبة من الشيخ الصديق..يعنى ابقوتة بالغرب...شفت كيف الخال..الناس دى كلها متعلمة..وفاهمة ..طيب مافى داعى للكلام البجيل الزعل انا اسى لا بغير فكرى ولا بخلى جزيرتى...ولا مطالب الاخرين بالعكس ولكن تلاقح الافكار بولد حسن الجوار..وتقارب الانفاس..ودى الفائدة التى سوف نجنيها هنا... لكن جلابى وعنصرى وحلبى وغرابى...هذه الوصفات ما بتحل مشكلة خالص تقديرى لك
05-30-2005, 00:12 AM
Ehab Eltayeb Ehab Eltayeb
تاريخ التسجيل: 11-25-2003
مجموع المشاركات: 2850
Quote: لكن اكان ماشي تعرس وتجي ...علي العديله وحانكون في انتظارك..
ايهاب قالو برسلوها بارسل تعرف دى اخر تقليعة عندنافى الجزيرة . العرس بالطيارة والموية بيارة ياساكن الحارة.. الجزيرة المنارة.. ياخوى مسعول من الخير وين بدر السمح ولك خالص مودتى
Quote: ومن غير ما تشعر بتسوقك اقدامك للدار مرة تانية
وكان ما مصدقيني اسأل كمال عباس بقول ليك
تصدق ياعبد الله...زمان انا لم ازهج من الدار بمشى كونارك..بشرب لى كم شاى ..وبرجع والزهجة بطير.... لكن البورد دا ما برتاح منه لانى محل ما بمشى بلاقنى زى مصاريف الطلبة..دى ثقافة جديدة بعد القاقيك الساحر انشاء الله اشترى السيارة يوم شايفو فى معارض الشفا.. خالص ودى
05-30-2005, 00:59 AM
THE RAIN THE RAIN
تاريخ التسجيل: 06-20-2002
مجموع المشاركات: 2761
تمشي وين يا ابقوته بعد ما نلت الاوسمة دي من ارق واصدق اثنين لا ثالث لهما في هذا المنبر صلاح شتات واباذر المطر انا كان في مكانك ادق لي خيمة شرقاوية هنا كيتن لي تراجي مصطفى دي يا تراجي الكيزان لو زي ابوقوته دا كان كلنا رجعنا السودان والله يالغتي لكن يا زولة انتي لسه برلومة في المنبر دا واسمك بقلم الرصاص عاوزة تشبكينا زي بشاشا بشبش لا غربية ولا شرقية افريقانية مية المية التقول في دعاية حلويات الشامية يا حليلك يا كوستي انا اقيف مع حليوات هلا ونقول هلا بكل اهل السودان غرابة وشراقة وجلابة وجنوبيون وناس الجزيرة الديمة ضايعين في النص يا تراجي عليييييييييييييييييك التصنيفات الابيض واسود دي خلوها الحركة الشعبية عملت ليها لون تاني لونت بيهو الكيزان ركبي ليك نظارات يمكن عشان عامل السن وكده اصلو عمنا حسين ملاسي قال انتي دفعتو وانت وافقتي والكلام دا موثق في المنبر يعني مافي طريقة تتخارجي منو سيك ميك ملاسي مباريك . الا تعملي بوست هههههههه هو قال فرحان لانو بوردابية قالت لصديق الموج يا عمو وملاسي يا اخ ولا حاجة زي دي لكن ملاسي دا الطينة الخلقوهو بيها من زمن حفرو البحر لووووووول
اها يا ابقوته والله انا زاتي بتجيني قرفة وزهجة من المنبر دا لكن بلف وبرجع تاني بعد ما تزول واهو مرة مرة بنتاوق في المنابر التانية ياخي قعاد البيت كل يوم ما بنطاق كدي اخد ليك لفة وتعال صادي
فتك بعافية
05-30-2005, 04:33 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
قلنا ما ممكن تسافر نحن حالفين بالمشاعر لسه ماصدقنا إنك بجلالك جيتنا زائر السفر ملحوق ولازم إنت تجبر بالخواطر لو تسافر دون رضانا بنشقي نحن الدهر كلو مابنضوق في الدنيا متعه وكل زول غيرك نمِلـّو الغريبه الساعه جنبك تبدو اقصر من دقيقه والدقيقه وانت مافى مره مابنقدر نطيقها دنيا فى قربك بفرهد كل طائريحيى فوقها وجنه من بعدك بيزبل، كل مخضر فيها يبقى ناضر قلنا ما ممكن تسافر لو تسافر دون رضانا بنشقى نحن الدهر كلو مابنضوق فى الدنيا متعه وكل زول غيرك نملو اقل حاجه تخلى سفرك حتى لو اسبوع اقلو وانت عارف نحن بعدك للصباح دايما اه دايما نساهر قلنا ما ممكن تسافر لالا مابنقبل نسيبك تمشى للوحده وتعانى برضو ما بنقدر نقاوم شوقنا من بعدك ثوانى وما بنغنى وراك كلمه وما بنشوف البهجه تانى غايتو لو شفقان علينا ما اظنك يوم تسافر قلنا ما ممكن تسافر
05-30-2005, 04:39 AM
abuguta abuguta
تاريخ التسجيل: 04-20-2003
مجموع المشاركات: 8276
ابوذر..طيب كنت لابد وين من زمان انا ذاتى كنت بفتش للشجرة المتشعلقين فيها من الطوفان دا..طيب كنت تصقنى بحجر..مش كان لميت عليكم اسى حلقى انقرش من الكوراك امطرنا ياخى باخر الامونات ومن اجل الحب انا برد خالص شكرى
05-30-2005, 04:39 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abuguta
زول ساكت
معتز تروتسكى
zola123
Tragie Mustafa
kamalabas
صديق الموج
munswor almophtah
ودقاسم
محمد عبدالقادر سبيل
Ehab Eltayeb
alsngaq
THE RAIN
مهاجر
فيس بوك
تويتر
انستقرام
يوتيوب
بنتيريست