دعواتكم لزميلنا المفكر د.الباقر العفيف بالشفاء العاجل
|
|
 ظاهرة غريبة فى المملكة ..من قبل السودانيين .....ال porado
|
تلاحظ الصعود المفاجىء...فى استخدام السيارات
من الكوريلا ... للبرادو
من الكريسيدا... للفاشنفندر
لاحظت هذه الايام ظاهر الفشخرة بالسيارات الكبيرة ...وقلت مالو ياولد تفخشر مثلهم,,,لكن كيف
فسالت احدهم ياخى زهجت من سيارتى دى ,,,قال لى اخد ليك خطاب من الشركة ومن البنك وامشى
عبد اللطيف جميل واركب ياولد برادو زى الناس ,,واتجدع فى شوارع الرياض,,,
بجد السيارة عاجبانى بلحيل ..لكن لما مشيت شفت اقساطها قلت ياربى دى احلها متين
بس لو بخلونى امشى بها السودان بكمل الفشخرة وسط ناس ابقوتة
اها يا شباب تشجعونى على هذه الخطوة ام اكرب حزامى مع عربيتى القديمة دى ومعاها بقدر احوش
قرش قرشين عشان ابنى لى غرفة غرفتين فى قطعة الارض التى تحصلت عليها بخراج روح
راجيكم
|
|
 
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: وضاحة)
|
وضاحة يافجر المشارق
ليلة الخميس مر علينا احدهم راكب البرادو ومقنطر العمة ومعاه ام العيال لابسة توب طقم مع السيارة
شافتهم ام لدن قالت لى شوف العزة دى كيف ,,,انت شابكنى شغال فى الاتصالات,,هندستك تطير عليك
عموما نصحيتك قيمة,,,,لكن السيارة شرط
الاغنية الجاية
ياراكب البرادو
انا قلبى رادو
وهايم بى فوادو
متين نسكن قصادو
تسلمى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: ابو جهينة)
|
Quote: ام اكرب حزامى مع عربيتى القديمة دى ومعاها بقدر احوش
قرش قرشين عشان ابنى لى غرفة غرفتين فى قطعة الارض التى تحصلت عليها بخراج روح |
أبو قوته
ما تراك بي عقلك الكبير والحمد لله -
الكلام الفوق دا عين العقل والعقل زينه يا إبن عمتي . (أو كما قالت وضـاحه )
يا نادر ما تحكها أنت فهمتها شنو ؟؟ باثفايندر (نيسان) والا شيء تاني
هشام
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
ياخوى مرتك دى اديها راسها
قول ليها عاينى لى مصلحتك ومصلحت بيتك
كلوا بتعمل بس بالمهلة
والله زكرتنى واحدة امى بتكرها كانت
راجلى كان شغال بمرتب عادى كل يوم توب وطقيم ودهب
لما تجى مسافرة السودان بتشيل 13 شنطة هداية
مراة وهم وهى بيت فى السودان ماعندها
قاموا فنشوهم
والبكاء حصل
رجعت السودان بعد 14 سنة ماعندها بيت
مشت قعدت مع واحدة من اخواتا فى بيتن زهجت منها واتشاكلوا
هسى موجرة فى سوبا
اها احكى لى مرتك الكلام دا علشان تفتح
ولوما فتحت شوف ليها فكى
يقفل ليها عيونا من الفشخرة
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
ابو قوته ياحبيبنا ،،
مش اتفقت معاي نتقاسم البوست ده سواء ليه الخايانات دي
على العموم يازول اركب البرادو وجدع في الاقساط شوية شوية السنين جارية وانت نائم بعد رأسين سنة ح تقلاقي نفسك راكب برادو ملك .
اركب البرادو بس خليك متواضع وماتتفشخر وهنيئا لي ام العيال بالبرادو تستاهل اكتر من كده
زاتوووو
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: ALZOLZATOO)
|
Quote: ابو قوته ياحبيبنا ،،
مش اتفقت معاي نتقاسم البوست ده سواء ليه الخايانات دي |
الزول ظاتو
وانا بدونك ما بتنفعنى حاااااجة
عسكر فى البوست,,,وعسكرت فى البرادو,,,
قلت لى بعدها تسددها تقول كدا تنزل بيها افراج موقت
وتقول كدا تبيعها للسماسرة الحريفين البقولو ليك
شيل لوحاتك معاك عشان تسقطها فى الرياض,,,
وقتها بتكون قندلت وضرب الهواء
تسلم
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
الاخ/ابوقوته
تحياتي؛؛
Quote: اها يا شباب تشجعونى على هذه الخطوة ام اكرب حزامى مع عربيتى القديمة دى ومعاها بقدر احوش
قرش قرشين عشان ابنى لى غرفة غرفتين فى قطعة الارض التى تحصلت عليها بخراج روح
|
ياخوي قرّط علي كده.
الفشخرة ياخوي بتخليكـ تشحد حق التذاكر للعيالز
والله والله معانا واحد في جدة ليهو كم تاشر سنه وكان راتبه 10الف ريال ريال ينطح ريال
واخر بهرجة وفشخرة وام العيال ولا علي بالها
جات السعودة ؛واول واحد طلع بره الشبكة ؛
خيمة في السودان ماعندو ؛
عليك امان الله جابو لي دفتر تبرعات ؛ختيت الفيها النصيب ؛عشان تذاكر العيال
وامهم؛
وصاحبنا اليوم ماشي كداري
شفت اخر الفشخرة كيف.
وربنا يغطي عليك وعلي عيالك .
اخوك/بشير احمد ود كاب الجداد قريب ليكم .
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: بشير أحمد)
|
وأحكي ليها دي
واحد في المملكة ليهو 25 سنة وزمان كان شغال في بترومين وحصل التفنيش وإشتغل في مؤسسة تانية ( تافه) كدا وعندو قطعة أرض زيك كدا وما عمل فيها التكتح - قال مرتو قالت ما بتسكن الا في بيت هي تسويهو وتشرف عليهو براها ! وخلتو ليك معلق لليوم رغم انو أولادهم بقوا في الجامعات في السودان وقاعدين مع ناس حبوبتهم !! هسه هـم مرميين هنا واولادهم في السودان والقطعةزي ما إشتراها قاعده !
يا خوي كان سويت ليك غرف طين أنت حا ترتاح !
هسه بقى يقولوا ليك لو عاجباك قروشك والا واحد قال أنا غنيان بقولوا ليهو أبني ( يعني خت طوبة في طوبة )
وإنت لمن تبدا تبني حا تشوف الكلام دا كويس !!
هشام
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: Hisham Ibrahim)
|
Quote: هسه بقى يقولوا ليك لو عاجباك قروشك والا واحد قال أنا غنيان بقولوا ليهو أبني ( يعني خت طوبة في طوبة )
وإنت لمن تبدا تبني حا تشوف الكلام دا كويس !! |
هشو العزيز
والله قروش الاغتراب دى تكمل حفاظات ساى
دى قروش ممحوقة,,,لكن لو بقت فى عقار بتظل قاعدة
تسلم على النصائح,,,لكن السيارة سمحى ياجنى
تخط عيالك وعفش عيالك وغيارت عيالك
والفرشة وكانون الشية,,,
ههههها ههههها هههها
تسلم
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
تحياتي يا ابوقوتة
بالجد العربات الجديدة مغرية وساهلة
لكن كمان بتاخد منك الوفر كله
بعدين عربية جديدة بتتطلب حاجات كتيرة جديدة
بعد شوية العفش واللبس وغيره وغيره
وربنا يستر عليك كمان من الحوادث
يلم فيك واحد اشتر من الشباب الطائشين ديل يجيب اجل البرادو
معانا واحد ظروفه زي الزفت وفجاءة كده نشوف الكورلا الـ 2009
يازول اخير ليك ولينا قطعة ارض وانشاء الله فوقهم اوضة
بعد نعملهم كان في عمر بنتجدع
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: الطاهر عثمان)
|
الاخ/ ابوقوتة
مساء الخير،،،
كنت في كوالا لامبور الشهر الماضي. اول ما لفت انتباهي هناك هو عرباتهم المتواضعة رغم التقدم المعرفي و الاقتصادي الكبير
بصورة تكاد لا تقارن بدول الخليج. على مدى خمس ايام لم ارى عربة كامري الا مرة واحدة و تنعدم تماما الفارهات الامريكية، علما
باني كنت اسكن في منطقة ال KLCC الفخمة. انصح باتباع المنهج الماليزي في الحياة، بعيدا عن فشخرة المجتمع السعودي
التي تقوم اساسا على الدين، الواحد منهم يتفشخر و ياكل من البقالة بال"جرورة".
و الله اعلم
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: Al-Sadig Yahya Abdall)
|
الصادق يحى عبد الله
ناس شرق اسيا لكل شىء عندهم ميزانية
انا درست فى الهند,,,عميد الكلية ياتى بدراجة نارية
عندو سيارة بستخدمها فى العطلات فقط اذا خرجت معه الاسرة,,,
حتى الاسر الصغيرة له ميزانية فى كمية الرز والعدس والسكر
بتخلص مع نهاية الشهر,,,,
جارى هندى له بنتان صغيرتن,,,بوفر لكل واحدة 100 روبية شهريا
دا حق المهر طبعا,,,,
تسلم على الفكرة
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: الطاهر عثمان)
|
Quote: بالجد العربات الجديدة مغرية وساهلة
لكن كمان بتاخد منك الوفر كله
بعدين عربية جديدة بتتطلب حاجات كتيرة جديدة
بعد شوية العفش واللبس وغيره وغيره |
الطاهر عثمان
قلت لى لازم تغير معاها كل حاجة
الشقة والعفش والفرش,,,لكن ام العيال دى لاصقة لاصقة
لانها ست الفشخرة,,,,,
وعاملة لعقلى صنفرة,,
وجايبة لى الجمهرة,,
بجد نصائحك وقعت فى الراس
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
أب قوته 2009
تحياتي بكل الأعياد في الحاضر والماضي واللسه
أقول مستعينا بالله في مسأله عربيتك وحلمك بأن تصبح من ركاب الدرجة الرفيعة العالية ذات الدفع الرباعي إياك والدخول في الديون ، فقد كتب عم صالح اليماني في دكانه العتيق عبارة ما أنفكت تترأي أمام ناظري وبخط شين بالكاد تستقيم معه حروف اللغة:
ممنوع الدين ولو بعدين
وعندما سألته ذات مرة والممرات كثيرة ليه يعني ولو بعدين ، قال لي ما معناه أن بعدين دي كلمة مطاطه وبعبارة أخرى Unspecified شأنها شأن كلمة بكره.
ومن باب الفشخرة فقد تأخرت كثيراً يعني تو ليت فالبلد يا أخوي دخلتها الهمر وكاد أن ينشق فيها القمر ، والناس لم تعد تفكر في الكوريلا والقزاز العادي واللون الأبيض فهذه إبتدعها أناس كان جل همهم أن يحفظوا مالهم ويبيعوا الجمل بما حمل عند أول زنقه ، أما الفشخاره ومن لف لفهم في بلادي فجنحوا إلى عربات على شاكلة جيب مورانو وجيب إنفنتي وغيرها بوألوان تسر الناظرين كاللون الزهري والماستردا ولون زينب والعرش والأورانج بدرجاته وحتى البينك والموف ، الم أقل لك يا أب قوته أنك تو ليت
لذلك أمسك عليك عربيتك حتى وإن كانت كركعوبه فحمارتك العرجاء ولا سؤال اللئم وليس هناك لؤم أكثر من ما تقدمه البنوك من قروض ظاهره فيه الرحمة وباطنه من قبله العذاب.
وممكن تكتب على عربيتك وبالخط الكوفي إن شئت زينه وعاجبانيولا بأس في أن تضع علامة 4x4
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: almulaomar)
|
Quote: لذلك أمسك عليك عربيتك حتى وإن كانت كركعوبه فحمارتك العرجاء ولا سؤال اللئم وليس هناك لؤم أكثر من ما تقدمه البنوك من قروض ظاهره فيه الرحمة وباطنه من قبله العذاب.
وممكن تكتب على عربيتك وبالخط الكوفي إن شئت زينه وعاجبانيولا بأس في أن تضع علامة 4x4 |
شيخى الملا عمر
فى البدو الحضر
انا بكلامك بسكر
وبعقد فيه معسر
لانه كلام رجل عركته الحياة وعرف دروب الغربة بديعها وغريبها
قلت لى اشوف لى ملوناتى كارب وادفع ليه 50 ريال بس ويكتب 4x4
لكن لو نزلت بيها بعد جبل اوليا لا يطلعها الصافى جعفر
لكن هنالك حفر سندس,,,
عموما بقراء كلام تانى وبفكر فيه تانى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
غايتو البرادو تركبها ولا لأ ما عندي فيها رأي
لكن أنصحك : أوعك تدخل في موضوع البناء دا!!
==
انت عارف تقعد تهلوس بالبيت كدا من بعيد لبعيد دا شعور جميل خالص،
لكن يومك البتخلص بناء يجيك شعور محبط جداً : ثم ماذا بعد هذا؟؟
وماحترجع تسكن فيهو وتبقى بعدين في صيانة او ايجار او .....
==
أنا غايتو في راي تمتع نفسك (حسب العقد بتاعك) ، لو لسه فيه باقي
يازول أركب البرادو لأنها خيار جيد وأسعارها معقولة وسيارة وجيهة وفوق
لكدا سعرها ياحبيب ما بيجيب ليك حيطة،، وفوق لكدا السيارات حقت السودانيين
بقت قريبة لسعر البرادو : الكرولا والكاميري مابعيدات منها،،
=
(ناس ابوقوتة استعدوا لاستقبال البرادو) ،، ممكن على فكرة تطلع ضمان للسفر !!!
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: عبد اللطيف بكري أحمد)
|
أبو قوتة سلام Quote: ..هى مكتوب عليها كدا Pathfinder بس شكلهم قاصدين بها الفشخرة
سيارة جديدة على ما اعتقد من فصيلة النيسان تشبه البرادو |
والله الإتنين ما سمعت بيهم ..
أخوفك ؟؟
نحنا فشخرتنا هنا غير شكل .. إشتريت ليك Chrysler مكيفة وتلاجة من ورا وهاك يا سفر وبهرجة .. الكلام ده قبال 4 شهور .. هاك صورتا قبل نهاية السنة بيومين
ما أخير ليك أوضتين فى أمبدة
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: رأفت ميلاد)
|
رافت ميلاد,,,
والله كنت ناوى اعمل بوست فى الكرسماس
عشان اعيد عليك انت دينق وبقية الاخوة الافاضل
لكن صدقنى واحدة من بناتى كانت موعوكة مع جو الرياض
المتقلب,,,
هابى كريسماس ,,,,وكل عام وانت جميل
قلت لى نهايتها ياريت ,,,وياريت
اخير اوضة فى امبده
وحتى لو الوضة تنهدا
تسلم
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: عبد اللطيف بكري أحمد)
|
أبقوتة أخوي
سلام
يا خي وينك انت؟ البرادو والداهية التانية الاسمها الباثفا.... بقت دقة قديمة
أظنك ما حمت بشارع التحلية "الشانزليزيه" بمدينة الرياض وتعال شوف ليك جنس سيارات تحلف تقول طيارات، شتين بيبانها لي فوق تقول دايرة تطير، وشتين تحلف تقول صاروخ ، وشيتن وشيتن .....
اتوكل على الله يا خوي واركب البرادو وفرح أم الوليدات وآخره كوم تراب وربك كريم، وما تخليك زي أخوك ليهو عشرين سنة ولسه ما فكر اسوق ، وتعال شوفك ليك جنس نقة ، قلت لأم العيال خلاص هانت باكر الولد بكبر وبسوق ، والولد يا دوبو دخل المدرسة.
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: عبد اللطيف بكري أحمد)
|
| Quote: (ناس ابوقوتة استعدوا لاستقبال البرادو) ،، ممكن على فكرة تطلع ضمان للسفر !!! |
عبد اللطيف بكرى ياوجيه,,,
والله كلامك دا يبسط ام العيال
وبتضبح ليك تور من الحلال
ذكرتنى بقصة البيت لما يتبنى بعده تانى شنو,,,
والله كلامك جميل خالص صحى لما نبنى ليه ما بنرجع
عشان الاحلام بتكبر ,,,والعسكر معسكر
وقالو قطع السكر قلنا احلى وانضر
بهدى ليك الاغنية
ياراكب البرادو
متين نسكن قصادو
وانا قلبى رادو
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abo ahmed)
|
Quote: لكن أنصحك : أوعك تدخل في موضوع البناء دا!!
==
انت عارف تقعد تهلوس بالبيت كدا من بعيد لبعيد دا شعور جميل خالص،
لكن يومك البتخلص بناء يجيك شعور محبط جداً : ثم ماذا بعد هذا؟؟
وماحترجع تسكن فيهو وتبقى بعدين في صيانة او ايجار او .....
==
|
يا عبداللطيف اخوي...انت اعمي من عصام الخواض المعانا هنا دا
كلامك دا مالك ما قلتو لي عصام الخواض وعصمت بهجت؟
والله يعني عشان شحدنا منهم كسار طوب؟
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: nazar hussien)
|
Quote: يا عبداللطيف اخوي...انت اعمي من عصام الخواض المعانا هنا دا
كلامك دا مالك ما قلتو لي عصام الخواض وعصمت بهجت؟
والله يعني عشان شحدنا منهم كسار طوب؟ |
يا أبو النيز الحبيب ،،
ناس عصام الخواض ديل ساكنين بالإيجار ،، ديل ماعندهم عاطفة نحو الجدران
حتى لو كان ليها ودان ،،
ياعصام الخواض ياخ عبرنا : بصراحة كدا انحنا ياخ كبرنا على كسير التلج
دا ، بس عبرنا : طالبنك في حاجتين : أول حاجة تفك لينا أزمة كسار الطوب
للزول دا حسو أنقرش ، وبعدين ياخ ماطالب حاجة كتيرة ، بس كسار طوب!!
الحاجة التانية بكلمك بيها لما تعبرني ،،
ضروري بالجد!!! راجيك ،،
نزار لما اجيب ليك كسار الطوب دا خلي لي شوية أعمل بيها (مصاص)، سمعت؟؟
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
اتجدع ياحبيب
اسمعا مني انا..
يومك البمشي ده مابتلقاهو ولا بدوك ليهو دبل في السودان
زيك وزي اهلنا الةاحد مفتكر نفسو حيعيش عمرين
عمر يلم فيهو قرشو من الخليج وعمر يعيش فيهو في السودان بي عز قروش الخليج
عمرك واحد
ويومك مشى
كل يوم تسقط من وريف شجرة عمرك صفقة
لامن تصل السودان ترقد في حوش بيتك حترقد كجذع نخر فيو سوس الزمان وسوء المكان..
الحق دبر فرحك
وماتسمع كلام البت الموهومة الفوق دي..
وماتفكها في روحك لاك راجع ولاك حتم بنا البيت
ولوتمتيو فصدقني الوكت داك ماحتلقى طريقة تركب المرة..
هسي انتا بي عافيتك
البرادو عن شمينك والمرة عن يمالك..
شقيش تقبل تراك راكب..
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: اتجدع ياحبيب
اسمعا مني انا..
يومك البمشي ده مابتلقاهو ولا بدوك ليهو دبل في السودان
زيك وزي اهلنا الةاحد مفتكر نفسو حيعيش عمرين
عمر يلم فيهو قرشو من الخليج وعمر يعيش فيهو في السودان بي عز قروش الخليج
عمرك واحد
ويومك مشى
كل يوم تسقط من وريف شجرة عمرك صفقة
لامن تصل السودان ترقد في حوش بيتك حترقد كجذع نخر فيو سوس الزمان وسوء المكان..
الحق دبر فرحك
وماتسمع كلام البت الموهومة الفوق دي..
وماتفكها في روحك لاك راجع ولاك حتم بنا البيت
ولوتمتيو فصدقني الوكت داك ماحتلقى طريقة تركب المرة..
هسي انتا بي عافيتك
البرادو عن شمينك والمرة عن يمالك..
شقيش تقبل تراك راكب.. |
غايتو زول قبيح زيك أصلو مالاقاني،،
=
عيدك سعيد ،، أنت برضو الكبير ، خليك كبير!!!
تركبك الشعرانة!!!
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: عبد اللطيف بكري أحمد)
|
دكين
صباحك زين
انت ياخوى قبل كدا قلت لى يابقوتة العمة ما خايلة فوقك
خليك فى طاقيتك لان شكلى نحيف زيك لكنى طويل بس الشحم مو عاوز يجى
فى الصيف باكل 3 وجبات اسى بقن 5 وجبات,,,برضو اكل السوسة والعافية المدسوسة
اها انا شايف كل الناس الراكبين دفع رباعى ناس جهامة وعالين الهامة
وجنبهم جالسة الدامة...ودا المجننك طبعا
عبد الطيف بكرى اخونا عزو دا طايرة ليه مره,,,بس خليوه لما يقابلها
واحد عذوبى متلو كدا عينو طايرة..اها شاف ليك مرة سلمت عليهم
قال المرة دى شرط من السماح اها راجلها قاعد مع الشلة
قال ليه والله افكها ليك يوم واحد الا تشوفها غوريلا
دحين خليوه يحلم زى نظرية البيت,,,ولا شنو
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
| Quote: ويعمل بيها حادث تنتهى ويجرى وراء شركات التامين والتصليح |
في ذمتكم يخوانا وضاحة دي ما بؤس مدنو باس ويرد..
هسي الله يسالك ده كلام تقوليهو لي زول عندو نية يشتري عربية؟؟
تنتهي بي حادث؟؟؟
اصورت لكي الظلمات التي في نفسك انو عربات الدنيا دي سووها لي الحوادث؟؟اهكذا تعيشين يومك؟؟
اهكذا تنظرين الى غدك؟؟
وضاحة؟؟
اي وضاحة انتي؟؟
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
| Quote: لو بضمن يقعد مع العرب ديل يركب ويتجدع ويركب كروزر كمان 2009 |
انتي بتضمني الاقيك بكرة دي في نافذه هذه الشاشة ال 17 بوصة؟؟
مافي زول بضمن شي وضاحة..
يعني القاعدين في بلدنا ديل ضامنهم يقعدو فيها لي بكره؟؟
لااحد يضمن شيئاً..
قال الشيخ الترابي
(إنا قد تمكنا)
فقال حكيم غابة السودان:
(علك ترعوي
فالقبل منك كان قوي
كان اعتى جتة وجبروت
كان عندو نفس البنكنوت
نفس الهوس
نفس البطانة الكهنوت
وزي ما قبيلك ضيعوهو بضيعوك..)
ومر زمان غير يسير ..فمالت الخرطوم على جنبها الايسر فطوحت به نواحي النسيان.
مافيها ضمان..
مافيها ضمان..
الضامن الله ده..
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: وضاحة)
|
| Quote: يرجع السودان خشموا ملح |
والمشكلة وين طيب
نحنا طلعنا من السودان ده خشمنا ملح ..
يعني لازم نرجع احسن من الخشم ملح في السودان
ياخي امرقي انتي من الوهم بتاع انكم تكونوا مرتاحين
وعيشو على قدر المتاح المتوفر والبتوفر..
بتسمح ليك بي عربية فارهة اركب فارهة
بتسمح ليك بي مواصلات اركب مواصلات
بتسمح ليك بي مرة اركب مرة
بتسمح ليك بي ملح اركب ملح
ايه يعني لامن ترجع خشمك ملح؟؟؟
لو رجعنا بي عافيتنا وانتو صميتو خشومكم صدقني مابتجينا التكتح..
عقدتو المغتربين بي جنس دودايك ده..
وهم شوية فيك يا وداحة
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: DKEEN)
|
ابقوتة ..
يا اخوي والله تبدأ ليك بناء في السودان حقك راح . اسمع دي واحد سوداني شغال هنا في الرياض
بدا يبني منذ سنة 80 الى توفاه الله في 2002 . المهم كفيلو قام سال اخوه انت المرحوم دا كان
ببني في شنو ؟ فرد عليه بيت خلف خلاف . استغرب الكفيل ولم يصدق وقال والله انا كنت قايلو بيبني
ليهو في برج ..
دحين يا اخوي عليك بالبرادو والدنيا ما معروفة ....
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: ثابت محمد)
|
Quote: أبقوتة
يازول أركب الليلة وباكر ربك كريم
شوف ناس تويوتا لو بدوك ليها بنظام الإعارة زي ( إيفياني الحفياني )
يدوك ليها حفيانة وأشتري المركوب إنت
أو ألعب بيها في شاطي بري |
ثابت محمد
لسع ما تخلى مريخيتك ,,..الله لا يريك يوم السبعات مرة اخرى,,,
سيارتك الفى الصورة شرط...كمان صيفية ..قصدى الجلابية البيضاء
والله مشتاق ليك...بدون كورة
تسلم
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: ثابت انتا حي؟؟
ياخي بركةالشوفة
وحاتك انا تلفونك ده بدق وراهو لامن حفيت..ضكرنة مني ساي انا وحمد |
دكين الوغد
هو بالله ( دق ) التلفونات بقى ضكرنة ؟؟
ومال ( دق ) الصدور يبقى شنو ؟؟
ودق الزار .. ودق الشلوفة .. >> حتى أدنى انواع الدق 
بس والله حنك بقى واااضخ بيش .. نفس اتلنغمة ( إتصلت وما لقيتك )
ياخي غيًر بدًل عشان نصدقك.. والعاوز يوصل بيوصل
بطل حركات
كيف الدوحة معاك .. أخسن من نصف القمر ؟؟
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
اناغايتو من انصار الاخت وضاحة
تعمل ليك حاجة في السودان احسن.
البقول ليكـ اركب عربية ومتع نفسك ديل انانيه منهم ؛تتمتع هسع
ولو ربنا اخدت امانته العيال بوراك يتجهجهو ومايلقوا ليهم شئ يلمهم
_____
وافتكر والله اعلم كل من ايد فكرة العربية وترك البنيان ؛اما انهم اغتربوا فترة
طويلة وماعملوا حاجة في السودان وبيبرروا لانفسهم .
______
الوالد الله يرحمه كان دائما بيقول لي الماعندو قروش دائما بيعطيك
افكاره التي جعلته ماعندو قروش او مفلس.
والعكس للعندو قروش برضو بيعطيك افكار كويسه.
هذه ليست دعوة ضد المفلسين او المغندلين وما تفهمونا غلط.
_________
اذكر واحد مغترب ليهو 6 سنوات وحق التميس والفول ماعندو ؛سالته ليه ماسافرت
البلد وتشوف اولادك ؟ قال لي امشي يدي فاضية ؟ وانا جبت الوالده حج قبل سنتين
شفتو التبرير العجيب ده .
____
خليك في بنيان البيت ياحبة.
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
يعني الفكرة دي نجليها يا جمال السنوسي؟؟
وأنا حالتي دي جهزت الأوراق والدفعة الأولى كاملة غير منقوصة..
وأخترنا اللون .. حسب شورتك "أبيض لؤلؤي"..
... دكيييييييين ......
مساك دربين ضهيب.. وركاب سرجين وقِّيع..
تركب برادو.. تركب مكنة محافظ وفي رواية والي زاتو..
وساعتها تركب الظلط.. ومن طرف..عينك ما تشوف إلا النور..
لكن النصيحة لله... جهجهتونا بالحيل..
وأنا وضعي يمكن مختلف شوية من أخونا أبقوتة...
يعني أنا عندي 5 عيال اللهم زيد وبارك..
البرادو تعتبر فاميلي كار..
وسعرها فيها..
لو العربية القديمة (موديل 2007) كانت شايلانا ما كنا بعناها..
قلنا نوسع على رقبتنا .. وتنقد الرهيفة إن شاء الله ما تتلق..
هييييييييع
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: Mahmoud Mustafa Mahmoud)
|
اخوى اسمع كلام المجربين وارخى لى اضانك شوية
اولا المقدرة المالية لسداد قسط السيارة دون الاخلال باساسيات متطلبات البيت
اركب الجديد على الزيرو وانت الكسبان فى كل الحالات ويمكنك ان تحسبها بالورقة والقلم حتلقى الفرق ما بيستاهل الغلبة مع الميكانيكية وتجار الاسبيرات
لو ركبت الجديد المريح حتبنى البيت ومع القديم حتعيش سجمان وكل يوم فى حكاية مع القرمبع
ابعد من الباثفاندر وبالمناسبة العربية دى اقدم من الكريسيدا يعنى ما ماركة جديدة من النيسان تقول لى مورانو اقول ليك موديل جديد
امسك فى البرادو او الفورشنر وكلها تايوتا والاخيرة ارخص ونفس المواصفات
ومين قال العربية او السيارة الجديدة فشخرة واذا كانت ولك الاستطاعة اتفشخر ولا تقارن وتربط بين البناء وشراء العربية الجديدة عشان حتطلع من الاتنين.
مبروك مفدما واوعك تسيب الناس الفوق وتمسك فينى
يديك خيرها ويكفيك شرها مش بيقول كدة برضه.
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: حامد محمد حامد)
|
وضااااااااااااااااااحة
Quote: والله انت زول رائع وبتفكر بعقلك
اول شى العرب ديل ياخوى ما مضمونين فى اى لحظة بشتوا الناس
نصيحتى ليك لمة ليك قرشين امشى ابنى ليك غرفتين لو قالوا ليك باى تلقى ليك ضل تدخل راسك فيه
خليها فشخرة السودانين الفارقة دى
اها بعد تعمل البيت ممكن تتجدع |
اقسم بالله انا قايلك مهضربة ساى لكن لقيتك ووووووووووووووووووووووب منك ما بقول تاني بس لنفسي
ابو قوتة بس كلام وضاحة ده ولو زوجتك قالت خلاف >لك سفرها على طول
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: Mahmoud Mustafa Mahmoud)
|
Quote: لكن النصيحة لله... جهجهتونا بالحيل..
وأنا وضعي يمكن مختلف شوية من أخونا أبقوتة...
يعني أنا عندي 5 عيال اللهم زيد وبارك..
البرادو تعتبر فاميلي كار..
وسعرها فيها..
لو العربية القديمة (موديل 2007) كانت شايلانا ما كنا بعناها..
قلنا نوسع على رقبتنا .. وتنقد الرهيفة إن شاء الله ما تتلق.. |
محمد مصطفى
انت عائلتك كبيرة خلاص....لازم تركب من الان
انا لسع بنتين واحدة مشت والاخرى لسع ما حبت
لذا ما دمت خطيت كل تلك الخطوات بالاخص اللون
اقدل يازول اقدل
تسلم
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: اها يا شباب تشجعونى على هذه الخطوة ام اكرب حزامى مع عربيتى القديمة دى ومعاها بقدر احوش
قرش قرشين عشان ابنى لى غرفة غرفتين فى قطعة الارض التى تحصلت عليها بخراج روح
راجيكم |
ابو قوتة
اذا امكنك ان تحمل الأقساط بدون استرسيس فتوكل على الحى الذى لا يموت فقسطها الشهرى 1800ريال بواقع 60ريالا يوميا لمدة خمسة سنوات شاملة التامين والصيانة فرص لاتعوض افضل من ان تركب سيارة قديمة ودرجة السلامة فيها منخفضة وربما غير مغطاة بالتامين الشامل الذى يغطى الطرف الثالث وهو امر خطير ومكلف قد يزج بالشخص فى السجن مطيحا بمستقبله المهنى وغيره!
اذا عجزت عن تسديد الاقصاد فيمكنك بيعها بملبغ تعويضى على ان يقوم المشترى بسداد بقية الاقساط!
لا اعتقد بان شخص تتاح له فرصة تمويل ثمينة بربح زهيد ويهدرها بهذه السهولة!
سعر البرادو النقدى 109الف ريال سعودى وبالاقساط 142 الف ريالا وفرق سعر هو عبارة عن التامين الذى يقارب الـ 18 الف ريالا سعوديا والباقى عبارة عن هامش التمويل المارك اب والمصارف الادارية استخراج استمارة وتجديدها!
يعنى بلاش تجد من يمولك لمدة خمسة سنوات لقاء مبلغ زهيد مقابل خطر التسليف الذى لايمكن التكهن باحتمالات حدوث العجز بالسداد!
امتطاء سيارة جديدة له مردود عالى على صحة الفرد النفسية فضلا عن سلامته والتى لا يمكن تثمينها!
هنالك اولويات قطعا لا يمكن تجاهلها ولكن ايضا هنالك اشواق وامال وتطلعات واحلام تلبيتها تكون من امتع ما يكون فى سنين الشباب!
عموما البرادو سيارة عملية داخل المدينة وخارجها وان كانت منخفضة السلامة خارج المدينة بالمقارنة بداخل المدينة حيث القيادة بسرعة منخفضة وهذا لا يعود الى البرادو فقط بل كل السيارات off road cars الجيب المرتفعة عن الارض كبيرة الخلوص big ground clearance باعتبارها عرضة للانقلاب على الجانبين فى حالة السرعات العالية او الفرامل المفاجئة او اللفات الحادة بسبب خروج مركز الثقل عن مكز الاتزان بصورة مفاجئة!
على العموم انصحك بعدم اضاعة الفرصة على مسئوليتى انا سيارتى برادو موديل 2009 وما بفرط فيها!
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: عبد الناصر الخطيب)
|
Quote: الوصفة السحرية ياخوي لو عوز تجارى الفشخرة يكون عندك هكره ممشية الحال ورافعة الرجل
ولو عندك مناسبة خاصة لو كانت سودانية وهم ناس الاستايل العالى والاهتمامات الفارغة
لازم يكون عندك فردة بتاع تأجير تشيل منو موديل السنة
تقضي مشوارك وتتفشخر فشخرتك وترجعه ويادار ما دخلك شر |
عبد الناصر
والله دى الفشخرة المعتقة...وما بتكلفك كتير
لكن دى بتكون معاها بزنيس...او لعبة كبيرة
تسلم على المشاركة القيمة
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
زي ماشايف يا بو قوتا
كل زول بحكي ليك من خلال تجربتو الخاصة
ومراراتو الخاصة
والام غربتو الخاصة
ووجع قلبو الخاص وبيتو الما انتما او من خلال عربتو الراكبا..
كفاية مرمطة في المنبر..
واحد يقول ليك خش في بيت احسن والتاني يقول ليك خش في خلف خلاف
وتالثة تقول ليك حتعمل بيها حادث ..
وواحد يجي يقول ليك حتموت ولئن تزر ورثتك اغناء خير من ان تجعلهم عالة ...
وماعارف واحد يقول ليك حتلقى ليك شافع يكسر ليك قزازا بي حجر..
وقصص ميتة ..وعالم ميت..
انتا خلي عندك حبة شخصية واكرب رايك وقس على حالك ودبر نفسك..
قال تلقى ليك شافع قال؟؟
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: إسماعيل وراق)
|
نحن حاسدين بالمشاعر
يا زول ما تجيب لنفسك هوا
اسع بالله ابوقوته دي حتة يودوا فيها pathfinder شوف ليك ونيت ابو غمارتين بس منها تقدر تتفنجر وتوصل البصل في سوق الخرتوم وترجع الناس للحلة في نهاية اليوم..
مالك ومال الدوشة دي
اسمع كلام الناس
والله اليوم التودي العربية العجيبة دي ناس الحلة كلهم حيبيتو قدام بيتك عشان يتصوروا معاها
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote:
المكرم/ جني
ده الكلام الماقدرته أفهموا
لو الحكاية تصل مشوارك دي بتوصل... ودي بتوصل
|
ماأقساه أن تموت وفى نفسك شئ من حتى!
برضو شبشب تموت تخلى بمشى الحال وعراقى ساكوبيس وسربادوب بستر وهكذ!
يعنى تحقيق الرغبات له مردود عالى ومحفز للانسان للعطاء وكذلك مقوى لجهاز المناعة!
يعنى لازم نحن السودانييين عرباتنا تطلعها من وسط مليون عربية ما تعرف نفسك فى باركنق ولا فى جنك يارد!
يعنى لازم يسخروا علينا (السودانيين بالنهار كورلا وبالليل غوريلا واللبنانيين بالنهار فيرارى وبالليل قمارى) وعشان ما يتجند الموضوع برضوا السودانيات حظهن تعيس وبنطبق عليهن المثل! 
بعدين البيت نحن السودانيين نبنى فيهو عشرين سنة وكما قال دكتور خالد الكد عليه رحمة الله:
يظل المغترب السنين الطوال يكدح ليبنى بيتا ليشيع منه لا ليسكنه!
تحياتى يا ناصر
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: jini)
|
الاستاذ ابوقوتة
لك التحية
أحسن ليك نسمع كلام اخونا دكين
Quote: اتجدع ياحبيب
اسمعا مني انا..
يومك البمشي ده مابتلقاهو ولا بدوك ليهو دبل في السودان
زيك وزي اهلنا الةاحد مفتكر نفسو حيعيش عمرين
عمر يلم فيهو قرشو من الخليج وعمر يعيش فيهو في السودان بي عز قروش الخليج
عمرك واحد
ويومك مشى
كل يوم تسقط من وريف شجرة عمرك صفقة
لامن تصل السودان ترقد في حوش بيتك حترقد كجذع نخر فيو سوس الزمان وسوء المكان..
الحق دبر فرحك
وماتسمع كلام البت الموهومة الفوق دي..
وماتفكها في روحك لاك راجع ولاك حتم بنا البيت
ولوتمتيو فصدقني الوكت داك ماحتلقى طريقة تركب المرة..
هسي انتا بي عافيتك
البرادو عن شمينك والمرة عن يمالك..
شقيش تقبل تراك راكب.. |
الايام دى أنا مفكر بل مخطط للبرادو
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: الطيب رحمه قريمان)
|
أبو قوتة السلام عليكم ورحمة الله وبركاته
وكل عام وأنت وأسرتك في غاية السعادة
وينك يا أخوي غايب من البوست عامل مجلس استشاري عشان تشوف الخيارات
أنا عندي ليك خيار آخر
كل نهاية شهر تمشي سوق الدهب وتشتري بباقي المرتب دهيبات للولية خليها تتفشخر هي وبعدين بعد سنة أو اتنين
تنزل السودان تبيع الدهب كله وتحول القريشات ريالات وترجع السعودية تشتري ليك عربية (سيارة) سكند هاند كاش وحتلاقي فيها فرق سعر ممتاز ...
وربنا يهنيك ويسعدك أنت وأم العيال والعيال
كـــــــــل المـــــــــــودة
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: جعفر محي الدين)
|
فيصل القاسم
الحوار المتمدن - العدد: 1770 - 2006 / 12 / 20
مهما طالت سنين الغربة بالمغتربين، فإنهم يظلون يعتقدون أن غربتهم عن أوطانهم مؤقتة، ولا بد من العودة إلى مرابع الصبا والشباب يوماً ما للاستمتاع بالحياة، وكأنما أعوام الغربة جملة اعتراضية لا محل لها من الإعراب.
لاشك أنه شعور وطني جميل، لكنه أقرب إلى الكذب على النفس وتعليلها بالآمال الزائفة منه إلى الحقيقة. فكم من المغتربين قضوا نحبهم في بلاد الغربة وهم يرنون للعودة إلى قراهم وبلداتهم القديمة! وكم منهم ظل يؤجل العودة إلى مسقط الرأس حتى غزا الشيب رأسه دون أن يعود في النهاية، ودون أن يستمتع بحياة الاغتراب! وكم منهم قاسى وعانى الأمرّين، وحرم نفسه من ملذات الحياة خارج الوطن كي يوفر الدريهمات التي جمعها كي يتمتع بها بعد العودة إلى دياره، ثم طالت به الغربة وانقضت السنون، وهو مستمر في تقتيره ومعاناته وانتظاره، على أمل التمتع مستقبلاًً في ربوع الوطن، كما لو أنه قادر على تعويض الزمان!
وكم من المغتربين عادوا فعلاً بعد طول غياب، لكن لا ليستمتعوا بما جنوه من أرزاق في ديار الغربة، بل لينتقلوا إلى رحمة ربهم بعد عودتهم إلى بلادهم بقليل، وكأن الموت كان ذلك المستقبل الذي كانوا يرنون إليه! لقد رهنوا القسم الأكبر من حياتهم لمستقبل ربما يأتي، وربما لا يأتي أبداً، وهو الاحتمال الأرجح!
لقد عرفت أناساً كثيرين تركوا بلدانهم وشدوا الرحال إلى بلاد الغربة لتحسين أحوالهم المعيشية. وكم كنت أتعجب من أولئك الذين كانوا يعيشون عيشة البؤساء لسنوات وسنوات بعيداً عن أوطانهم، رغم يسر الحال نسبياً، وذلك بحجة أن الأموال التي جمعوها في بلدان الاغتراب يجب أن لا تمسها الأيدي لأنها مرصودة للعيش والاستمتاع في الوطن. لقد شاهدت أشخاصاً يعيشون في بيوت معدمة، ولو سألتهم لماذا لا يغيرون أثاث المنزل المهترئ فأجابوك بأننا مغتربون، وهذا البلد ليس بلدنا، فلماذا نضيّع فيه فلوسنا، وكأنهم سيعيشون أكثر من عمر وأكثر من حياة!
ولا يقتصر الأمر على المغتربين البسطاء، بل يطال أيضاً الأغنياء منهم. فكم أضحكني أحد الأثرياء قبل فترة عندما قال إنه لا يستمتع كثيراً بفيلته الفخمة وحديقته الغنــّاء في بلاد الغربة، رغم أنها قطعة من الجنة، والسبب هو أنه يوفر بهجته واستمتاعه للفيلا والحديقة اللتين سيبنيهما في بلده بعد العودة، على مبدأ أن المــُلك الذي ليس في بلدك لا هو لك ولا لولدك!! وقد عرفت مغترباً أمضى زهرة شبابه في أمريكا اللاتينية، ولما عاد إلى الوطن بنا قصراً منيفاً، لكنه فارق الحياة قبل أن ينتهي تأثيث القصر بيوم!!
كم يذكــّرني بعض المغتربين الذين يؤجلون سعادتم إلى المستقبل، كم يذكــّرونني بسذاجتي أيام الصغر، فذات مرة كنت استمع إلى أغنية كنا نحبها كثيرا أنا وأخوتي في ذلك الوقت، فلما سمعتها في الراديو ذات يوم، قمت على الفور بإطفاء الراديو حتى يأتي أشقائي ويستمعون معي إليها، ظناً مني أن الأغنية ستبقى تنتظرنا داخل الراديو حتى نفتحه ثانية. ولما عاد أخي أسرعت إلى المذياع كي نسمع الأغنية سوية، فإذا بنشرة أخبار.
إن حال الكثير من المغتربين أشبه بحال ذلك المخلوق الذي وضعوا له على عرنين أنفه شيئاً من دسم الزبدة، فتصور أن رائحة الزبدة تأتي إليه من بعيد أمامه، فأخذ يسعى إلى مصدرها، وهو غير مدرك أنها تفوح من رأس أنفه، فيتوه في تجواله وتفتيشه، لأنه يتقصى عن شيء لا وجود له في العالم الخارجي، بل هو قريب منه. وهكذا حال المغتربين الذين يهرولون باتجاه المستقبل الذي ينتظرهم في أرض الوطن، فيتصورون أن السعادة هي أمامهم وليس حولهم.
كم كان المفكر والمؤرخ البريطاني الشهير توماس كارلايل مصيباً عندما قال: " لا يصح أبداً أن ننشغل بما يقع بعيداً عن نظرنا وعن متناول أيدينا، بل يجب أن نهتم فقط بما هو موجود بين أيدينا بالفعل".
لقد كان السير ويليام أوسلير ينصح طلابه بأن يضغطوا في رؤوسهم على زر يقوم بإغلاق باب المستقبل بإحكام، على اعتبار أن الأيام الآتية لم تولد بعد، فلماذا تشغل نفسك بها وبهمومها. إن المستقبل، حسب رأيه، هو اليوم، فليس هناك غد، وخلاص الإنسان هو الآن، الحاضر، لهذا كان ينصح طلابه بأن يدعوا الله كي يرزقهم خبز يومهم هذا. فخبز اليوم هو الخبز الوحيد الذي بوسعك تناوله.
أما الشاعر الروماني هوراس فكان يقول قبل ثلاثين عاماً قبل الميلاد: "سعيد وحده ذلك الإنسان الذي يحيا يومه ويمكنه القول بثقة: أيها الغد فلتفعل ما يحلو لك، فقد عشت يومي".
إن من أكثر الأشياء مدعاة للرثاء في الطبيعة الإنسانية أننا جميعاً نميل أحياناً للتوقف عن الحياة، ونحلم بامتلاك حديقة ورود سحرية في المستقبل- بدلاً من الاستمتاع بالزهور المتفتحة وراء نوافذنا اليوم. لماذا نكون حمقى هكذا، يتساءل ديل كارنيغي؟ أوليس الحياة في نسيج كل يوم وكل ساعة؟ إن حال بعض المغتربين لأشبه بحال ذلك المتقاعد الذي كان يؤجل الكثير من مشاريعه حتى التقاعد. وعندما يحين التقاعد ينظر إلى حياته، فإذا بها وقد افتقدها تماماً وولت وانتهت.
إن معظم الناس يندمون على ما فاتهم ويقلقون على ما يخبئه لهم المستقبل، وذلك بدلاً من الاهتمام بالحاضر والعيش فيه. ويقول دانتي في هذا السياق:" فكــّر في أن هذا اليوم الذي تحياه لن يأتي مرة أخرى. إن الحياة تنقضي وتمر بسرعة مذهلة. إننا في سباق مع الزمن. إن اليوم ملكنا وهو ملكية غالية جداً. إنها الملكية الوحيدة الأكيدة بالنسبة لنا".
لقد نظم الأديب الهندي الشهير كاليداسا قصيدة يجب على كل المغتربين وضعها على حيطان منازلهم. تقول القصيدة: "تحية للفجر، انظر لهذا اليوم! إنه الحياة، إنه روح الحياة في زمنه القصير. كل الحقائق الخاصة بوجود الإنسان: سعادة التقدم في العمر، مجد الموقف، روعة الجمال. إن الأمس هو مجرد حلم انقضى، والغد هو مجرد رؤيا، لكن إذا عشنا يومنا بصورة جيدة، فسوف نجعل من الأمس رؤيا للسعادة، وكل غد رؤيا مليئة بالأمل. فلتول اليوم اهتمامك إذن، فهكذا تؤدي تحية الفجر".
لمَ لا يسأل المغتربون عن أوطانهم السؤال التالي ويجيبون عليه، لعلهم يغيرون نظرتهم إلى الحياة في الغربة: هل أقوم بتأجيل الحياة في بلاد الاغتراب من أجل الاستمتاع بمستقبل هـُلامي في بلادي، أو من أجل التشوق إلى حديقة زهور سحرية في الأفق البعيد؟
كم أجد نفسي مجبراً على أن أردد مع عمر الخيام في رائعته (رباعيات): لا تشغل البال بماضي الزمان ولا بآتي العيش قبل الأوان، واغنم من الحاضر لذاته فليس في طبع الليالي الأمان.
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
أخونا أبوقوتة،،
سألت النصيحة،
و باقى لى نصيحة الاخوان/ت المتباينة جدا،
خلتك مجهجه أكتر،،
أنا كنت داخلة أقول ليك،
القروش فى الحديد،
ما بتخدم غير المنظر بس،
و الداير يتجدع،
يأمن نفسه و مستقبل اولاده أول،
طبعا كلها اولوليات،
ما يقدر يحددها إلا سيدها،
نصيحتى ليك الوحيدة،
الإســـــتــــــخــــــــــــارة،،
و علها تجيب ليك معاها الخير،،
الله معاك،،
Quote: Quote: بس الامريكى طائح طائح فى الارض
نبقى خليجين ونركب امريكى |
|
بس أختا الامريكانى دة،
الأمريكان ذااتهم خلوه،،،
| |
|
|
|
|
|
|
| |
abuguta
وضاحة
ناذر محمد الخليفة
ابو جهينة
Hisham Ibrahim
ALZOLZATOO
بشير أحمد
Hassan Makkawi
nazar hussien
الطاهر عثمان
الصادق صديق سلمان
Al-Sadig Yahya Abdall
almulaomar
رأفت ميلاد
إسحاق بله الأمين
abo ahmed
ثابت محمد
أبوبكر أبوالقاسم
Mahmoud Mustafa Mahmoud
الطيب شيقوق
jini
willeim andrea
إسماعيل وراق
Zomrawi Alweli
حمد عبد الغفار عمر
الطيب رحمه قريمان
الحاج حمد الحاج
جعفر محي الدين
james
عبدالله كع
فيس بوك
تويتر
انستقرام
يوتيوب
بنتيريست