دعواتكم لزميلنا المفكر د.الباقر العفيف بالشفاء العاجل
|
|
 ياجماعة هووووووووووى انا شايف ... اسمى ( اسود)...انتو شايفنو كيف
|
بسم الله الرحمن الرحيم
الاخوة الحلوين
سلام
من الصباح جيت المكتب وفتحت البورد على طول ... لان اصلا الموقع هو الصفحة الرئيسية فى جهازى
والخلقية ايضا هى صفار الموقع
حتى زملاى ال70 ومدير القسم يعرفون جيدا ان المدعو احمد بلا بفتح الموقع قبل ان يفتح درج المكتب ...لكن الليلة من الصباح جلست على الكرسى وفتحت الموقع...وقلت ارد على الشباب
فى موضوع الكتل...عاينت لاسمى اشوفه (اسود) قريت الحمد والبسملة وكم سورة صغيرة...وادخلت
باسوردى فتحت معاى..ما تتصوروا كانت فرحتى قدر شنو...وبقيت اصيح بصوت منخفض سمعه سامى زميلى...وسامى دا هندى عنده لهجة عربية زى ناس كتار معنا فى البورد...قال لى اهمد احول ليك الزبون دا..ولا انت فى replay لسودانيز اون لاين...وكم مرة المسكين طلب منى ان اعمل له عضوية
وبقولى انا فى كاتب كويس..وممكن اتكلم فى سياسة..وكرة وشعر...قلت ليه سامى انقلع عن وجهى..انا اسى انا مافى زمن..انا الان كتير مشقول...خلينى اودع اصحابى فى اخر بوست اكتبه باخر امل ...ولسع اسمى (abuguta) ولسع انا شايف اسمى اسوووووووووووود...عليكم الله اول زول يدخل خليه يطمنى اذا كان اسمى ظهر عنده ازرررررررق...سوف اشكره كتير ولا انسى له هذا الجميل
حتى تفارقنى الهضربة والحمة...المصاحبة لحظة الوداع...انا فى انتظارك ايها الصديق المطمئن
ولكم خالص
حبى
ابقوتة راكب
جوادا .....
واسمه متوشح
سودا...
متى يسلم يراعا
ومدادا...
يكتب كلاما
حيادا..
ويجمع شعبا
فى بلادا...
الف الفرقة
وصاحب
فسادا...
اين اجد ملاذا...
يخيفى ذاك السوادا...
|
|
 
|
|
|
|
|
|
|
|
Re: ياجماعة هووووووووووى انا شايف ... اسمى ( اسود)...انتو شايفنو كيف (Re: abuguta)
|
الأخ الظريف أب قوته
أهديك هذه الكلمات في هذا الصباح الجميل أو المساء الجميل لا فرق بحسب توقيت جي أم تي أخت جي أم سي وبنت عم تي إن تي ويقام المأتم بود رعيه
الأغنية بتقول
يا أب قوته
تيت تايوتا
إنتهت المعلقة
أول ما دخلت والله خفت عليك وقلت يمكن يكون لونك بقي أسود مما يعني إنك رحت في حالك وفي رواية أخرى في حق الله دون أن تتوكل أو تتوكأ المهم عاينت في إسمك شديد وحمرت فيه أردب بصل أها كل رة ألقي اللون أزرق ، ما صدت نضيضيراتي ناديت أم أحمد وكان أنفها سيل ودموعا تجري بالمايق بفعل حشها للبصل ، فسألتها عن اللو وأنفها ما زال يسيل فقالت لوهي في محاولة مستميته منها لكتم عطسة عابرة للقارات أزرق وما لبث أن أصابني وابل من عطاسها فأصبح وجهي يحاكي حلة لايوق بايته فأستغفرت وإتحوقلت وإتعوذت فناديت فاطمة إبنتي وسألتها يا بت اللون ده شنو فقالت لي ده فوشي ، ثم ناديت محمد طفلي المعجزة وسألته يا محمد يا ولدي اللون ده شنو ولأنه يشجع المريخ قاللي ده أحمر يا حاج. أها لمنالحكاية بقت كده رفضت أن أنادي أحمد على إعتبار أنه كبير أبنائي وربما يكون عاقلاً بما يه الكفاية ليصيبني في مقتل لأنني عادة لا أتنبأ بما يفعل المهم قررت أن أستعين ببعض ما أعرف وأفهم في التكنولوجيا والتقنية أجيب ليك الكيرسر اللت الماوس وأؤشر على إسمك وبي فد كلكايه أخلي لونك أححححححححححححمر ويقوم يظهر لي شيخ أحمد المولود في التاسع والعشرون من شهر فبراير (شباط) وهي سنه كبيسه من عام الفيل. أها فرحت فرح يا أحمد أخوي إنك لسه في المعلب والتفسير هو أنك بحاجة إلى مراجعة طبيب عظام وطبيب أطفال وطبيب عيون وأنت تبعد عن كل المتاوقة لكتيرة وشناة الطبع حتى لا تصاب بمرض جنون العيون الفين نعاس والمعمشات.
| |
|
|
|
|
|
|
|
|
|
Re: ياجماعة هووووووووووى انا شايف ... اسمى ( اسود)...انتو شايفنو كيف (Re: almulaomar)
|
Quote: المأتم بود رعيه
الأغنية بتقول
يا أب قوته
تيت تايوتا
إنتهت المعلقة |
الملة شيخ تورا بورا
الله يطمئنك وياكلك بانضورا
وتكون فى مجلس الشورى
قلت لى استعنت بجميع افراد الاسرة
طيب اولادك ديل لو فيهم واحد زى تجتوج كان ريحك وشاف الاسم ازرق
لكن تجتوج نفسه كره اللون الازرق
لان سوداه طال
وختوه فى البال
معنى كدا ياشيخنا احسن اغير النضارة
عشان اشوف كويس
خالص
معزتى لك والاسرة ولقدام
| |
|
|
|
|
|
|
|
|
|
Re: ياجماعة هووووووووووى انا شايف ... اسمى ( اسود)...انتو شايفنو كيف (Re: abuguta)
|
أخ الكريم أب قوته
يا راجل ده كلام ده تصمت دهراً لتنطق بندورةً نطقتك حمارة موسي ود على وهي من حمير دنقلا طويلة التيلة طويلة الباع صعبة المراس صارمة القسمات سريعة الرفسات فيرانية اللون جي إل فل أوبشن ، والنطق عادة يكون الرفس بإحدى الرجلين أو كلاهما أو ما يعرف في لغة الخواجات بالدبل كيك ، وسبب دعائي عليك أخي أحمد أنك دعوت الله سراً وجهراً وخيفةً أن يؤكلني بندورا وهي الطماطم أو القوطه أو المجنونة وأعلم أخي أننا قوم نمتهن الزراعة وأن كمية البندورا التي إلتهمتها طوال حياتي تستطيع أن تفتح مصنع صلصه فنحن نأكل الكسره بالطماطم والبيض بالطماطم والطماطم بالطماطم والطماطم بالنص والطماطم بالوادي والطماطم محطة شقلبان. فكنت متمنى تأكلني نيم أو برسيم أو تمرهندي أو تمرأبونا أو تمر بركاوي بعد عصرة وقبل مغرب اليوم وحتى مسلسل الأطفال بوقي وطمطم أحفظه عن ظهر قلب.
أما عن وضوع النضاره يا أبو حميد ، أقول لك كما قال الشاعر:
النضاره بس لي شنو والمضاري منو شنو
| |
|
|
|
|
|
|
|
|
|
Re: ياجماعة هووووووووووى انا شايف ... اسمى ( اسود)...انتو شايفنو كيف (Re: nasiradin)
|
| Quote: النضاره بس لي شنو والمضاري منو شنو |
الملة
ياخوى القصيدة دى لم اراها من قبل وصاحبها مبدع ابداع حمارنا اللخيدر لما يسبق الحمير
هى من الشعر الكوفى...كوفى دى من كوفة..ليست المدينة..انما الكوفة الغزلية اى المغزولة
ومكونة من قطن المترار...لما يتجمع فى شكلدائرى يسمى الكوفة على حسب قاموس حبوتى الحرم
انا طبعا لم اقل دائرية لان للكوفة ماسمات ولقصيتك التى ذكرتها ايضا مسامات تساعد على
المفهم والتمعن فى الابداع الكوفى المترور...
اها صقيتك كوفتها مفرقة والسبب ان قطنها قصير تيلة
ولقدام
| |
|
|
|
|
|
|
|
|
|
Re: ياجماعة هووووووووووى انا شايف ... اسمى ( اسود)...انتو شايفنو كيف (Re: abuguta)
|
أخي أبو قوته
بمناسبة حماركم الأخدر أظن أننا نعاني من عمش بين أو عمي ألوان صحيح أن عيوننا مفنجله وبنشوف حتى في الظلام الدامس لكين يبدو أن قلوبنا عمياء والدليل يقول ليك والله فلان داك أخدر وفلانه ديك خدرتها دقاقه والحماره الخدره ، وملاح الخدره ، أها عكفت على كتب الفن التشكيلي وكل برامج الرسومات السوفت منها والهارد ما لقيت علاقة بين اللون الأخضر والرجل الأخدر أو الحماره الخدره أو الجكساية الخدرتها دقاقه بسمع حسيس الناقه ، أها بعد تعب لقيت تفسير لي حكاية وما بياكل الملاح أخدر وما بشرب السفن يسكر حليل موسى يوم ركب دفر حليل موسى يا بنات بربر. لكين أقبل أن يقول لي أحدهم الله يخدر ضراعك أى تصبح منمله أو يسرى فيها شئ من الخدر وهي المرحلة التي تسبق الشلل حمانا الله وإياكم خاصة وأنه علمت من أمي أمدها الله بالصحة والعافية أنه لم يتم تطعيمي من أى من الأمراض بإعتبار أنني طاعم خلقه وكترة الطعامة بتجيب الطمام ، لطين عرفت أنو موضو عبالتخدر عودك أو ضراعك هي دعوة طيبة بأن تصيب الكثير من الخير في حياتك لأن الخضرة أحد أضلاع مثلث الجمال لكين يبدو أن هناك فرق بين الخضرة والخدره فمطربنا الكبير حسن عطيه عليه رحمة الله غني خداري البي حالي ما هو داري جافاني .. إلى أن يصل ويقول مع الطير الخداري
وأظن أن الأمر مقصود بحسب القافية لأنه لو كان خضاري البيحالي ما هو داري لأصبح الطير الخضاري وهي في تقديري المتواضع وبحسب المعلقات السبعة تصبح قافية شرود أو ما يعرف في الفرق الموسيقية بالعزف النشاز.
| |
|
|
|
|
|
|
|
|
|
Re: ياجماعة هووووووووووى انا شايف ... اسمى ( اسود)...انتو شايفنو كيف (Re: abuguta)
|
شيخى ملة
شكرا على هذا الدفق من بحر اللخيدر
كنا طلاب معنا شاب عربى...كتير الاعتراض على الكلمات السودانية وكان يسمعها كثيرا بحجة انه ليس له غيرنا يوما سمع احد الشلة قال لاخية جيب لى معاك موية زرقاء فضخك ذلك الشاب..فقال عجبت من امركم ايها السودنة الموية العادية زرقاء والاسمر عندكم اخضر فالشباب على قلة معرفتهم كانو يجادلونه لان فيه قصر نضالى...فدخلت عليهم ووجدتهم فى سجالهم...فقلت لذلك الشاب..دعنا من الزرقة لكن ان الماء اسود.والبلخ ذاتو اسود ..قال دى الجديدة...قلت ليه تعرف ام المؤمنين السيدة عائشة...قالت يمر الشهر والشهران وليس فى بيتنا غير الاسودان
فسكت ذلك الناعق...فقال لى امنت بكم ايها السودنة بادلتكم ..ماذا افعل فالماء ازرق
فقلت له ايوة الماء ازرق وابيض واحمر..ولا يجتمع هذا الثلاثى الا فى السودان فى النيلان والبحر
فتعجب ذلك العربى الذى يريد ان يحرر فلسطين وهو لا يسطيع ان يحرر شاى..
خالض محبتى لك...
انا لسع شايف الاسم دا اسود...سوف اغيب يومين ...من النت حتى يهدا الموقغ
ولقدام
| |
|
|
|
|
|
|
| |
abuguta
almulaomar
nasiradin
ABUHUSSEIN
ناذر محمد الخليفة
فيس بوك
تويتر
انستقرام
يوتيوب
بنتيريست