|
دعواتكم لزميلنا المفكر د.الباقر العفيف بالشفاء العاجل
|
|
 Re: ياجماعة الخير..فيكم زول .. حصل . اكل رجلة عيون. ..معزومين معانا (Re: abuguta)
|
أبو قوتة : تحياتي
الله يجبر الكسر. أخوكم دة زي الحلاق بتاع سجيمان ، أكيد دة كان طباخ في إستراحة من إستراحات اللواري في الخلا ( ناس قطر قام ).
أنا بعرف واحد زميلنا عمل لينا شعيرية في سحور رمضان ، و لأول مرة أشوف نظرية الجاذبية في الحلة ديك ، كل حبة شعيرية واقفا بالطول ، يعني ما راقدة مكرفسة. ( واقفة زي شعر المغناطيس ). بس برضو أكلناها لأنو ما كان عندنا زبادي ولا دكان قريب و لا حتى كسرة ناشفة.
تسلم أبو قوتة.
| |
 
|
|
|
|
|
|
|
|
Re: ياجماعة الخير..فيكم زول .. حصل . اكل رجلة عيون. ..معزومين معانا (Re: ابو جهينة)
|
عزيزنا ابوجهينة
تسلم
واحد ابن عمنا كا ساكن مع عذابة فى الخرطوم ويوم كانت حلة رمضان عليه
طلع بدرى عشان يظبط الحلة وكسر فيها رقبته وطلعت مظبوطة بس بقى متحير لان لونها مازال اغبش عايز يقلبها حمراء كيف ما عرف..والناس كانو
بغيرو اللون كيف برضو ما عرف فى النهاية توكل على الله وكب فيها نصف
فتيل الفراولة وخلها تجقق مع الطعم الفراولى
وشكرا على الطلة
| |
|
|
|
|
|
|
|
|
|
Re: ياجماعة الخير..فيكم زول .. حصل . اكل رجلة عيون. ..معزومين معانا (Re: abuguta)
|
لوووووووووووول والله بوست خفيف الهضم كالذبادي ذكرتني الرجله في الداخليه الله يقطع يومها برضو بتكون عيون ومويه شرارو .الغريبه اليوم طبخت رجله انما ايه تاكل صوابعك وراها وهنالا توجد رجله لكين بنشتري السبانخ واحشوا كالرجله واعمل معاه الشمار الاخضر او الشبت بلغه اهلي من الشماليه والعدس وبطبخها من غير لحم, لان فلس الساكن معانا ما بحب اللحم
| |
|
|
|
|
|
|
|
|
|
Re: ياجماعة الخير..فيكم زول .. حصل . اكل رجلة عيون. ..معزومين معانا (Re: doma)
|
الاخ حبوبة شروق
تحياتى
اكل الداخلية الرجلة براها الشرورة .الاسود كان الشباب يسمونه البراطيش
اكل الطيش.
ليش ما فى لحمة اصلك فى الهند وصاحب البيت هندوزى ولا شنو
والله ذكرتنى ايامها كان صاحب غرفتى هندوزى راجنيشى محرم على حتى اكل
البيض ويوم البجد قشر بيض فى البلدية جنجال كتير. كنت لما اشوف دم
اسعر عديل كدا
شكرا على الطلة والكترت الشلة
| |
|
|
|
|
|
|
|
|
|
Re: ياجماعة الخير..فيكم زول .. حصل . اكل رجلة عيون. ..معزومين معانا (Re: manubia)
|
حبيبنا ابو قوته
لك التحية
والله بصراحة انتو ظلمتوا الراجل ده ياخى
حسب تحليلى فالراجل شايف البيت زى التكية والاكيلة (جمع وصيغة مبالغة للاكال) كتار قام فكر يعمل ليكم بوش بتاع رجلة ودعنا نجعله اكثر رقيا ونقول فتة رجلة عشان تكفى الغاشى والماشى .. ياخوى انتو ساكنين فى جمعية ولا شنو ؟؟؟
احكى ليك رجلة عيون حقيقية
فى احدى اجازاتى وكانت الدنيا خريف وانا بحب الموليته شديد( ما بتعرفها سيبك منها) فاحبها اولادى كذلك وعندما عدنا للغربة طلب الاولاد موليته فما كان من امهم الا ان اتت بالرجلة وهاك يا حش ويا تظبيط (نية طبعا) بالدكوة والبصل وقدمتها لينا وحاتك اكلناها بشرارها زى الجداد والغريبة طلعت فاهمة جدا وظريفة خالص ..
اهى دى الرجلة عيون يا فردة
مع تحياتى
| |
|
|
|
|
|
|
|
|
|
Re: ياجماعة الخير..فيكم زول .. حصل . اكل رجلة عيون. ..معزومين معانا (Re: manubia)
|
عمدتنا قرشــــــــو
مشكور على تعليقك على بوشنا ما هو كل البوشات مسيخة الا بوش البورد حقنا.
نحن عندنا جمعية منفصة لكن بيتناصار جمعية بالقوة عارف كيف نحن 5 انفار مؤجرين شقة كل واحد لو جاه قريب اى كلام بوديه الجمعية ولو واحد
خريج وابوه كان فى الخليج بنجيبو معانا لما بيتنا ذاتو صار جمعية
اما عن الموليته:- رجعتنى 20 سنة للوراء ايام الابتدائى ابوى ساقنى
الى الجزيرة انجييت_فى النيل الابيض بعد خزان جبل اولياء ب 40 كيلو_عندنا فيها فدادين كان ابوى بزرعها وعايز يدرعنى فى الشغلة ديك من الصغر لكن من ديك وعيك وقتها اكلت الموليته بالشطة وشكراعلى تذكيرنا بتلك الحادثة
ومشكور على الطلة
| |
|
|
|
|
|
|
|
|
 Re: ياجماعة الخير..فيكم زول .. حصل . اكل رجلة عيون. ..معزومين معانا (Re: abuguta)
|
ابوقوته
والله ضحكتني بحكايه خليت راسي بره مدور دي
انا بس داير اديك نصائح من زول خبير بامور العزابه خبر لا تحسب عدد سنينه من كترته ومساخته
اول حاجه تشتري ليك شنطه حديد من حراج الصواريخ وتكون المقاس الكبييير ومعاها طبله اكبر من طبله القراش
تاني حاجه تنزل البقاله نهاية الشهر دا بعد ما عمك يسلمك راتبك المتأخر ليهو 9شهور داااااااااااااااااك
وتشتري ليك علبه طحنيه
عسل
مربه
تمر
بسكويت ابوولد وشاي الصباح وماشاكلها
وتقول لسيد البقاله يختها ليك في كيس مايكون شفاف
وتشيله وتمشي علي البيت برااااااحه وتفتح طبله الشنطه وكرب تقفله
بعد دا تجي من الشغل علي راحتك وتجي علي الشباب اها يا شباب العشاء كيف كان قالو ليك رجله زي حقتك دي قول ليهم والله احسن الزول ينوم خفيف شيل عيشك وافتح طبلتك واحشي وانحشي
واخد نومتك
عزابي متحرر
| |
|
|
|
|
|
|
|
|
|
Re: ياجماعة الخير..فيكم زول .. حصل . اكل رجلة عيون. ..معزومين معانا (Re: HOPELESS)
|
الاخ هوبلس
اولا:- انت صاح عذابى محترف عذابى طلبة
ذكرتنى ايام الداخليات كانت اغلى حاجة عندنا الطحنية والفول المصرى,الواحد كان بكترمنها لما يرجع السودان او لما تجيه وصية من امه
واحد اخونا جاب معاه كرتونة طحنية وقفلها فى شنطة الحديد بتاعته ولما الطلاب يكونو فى الحصص ينسرق منهم ويحشى عيشته ويطلع على الشجر عشان ياكل بمزاج لكن النمل كشف الخطة واخيرا سرقنا الطحنية وكان اليوم داك مشكلة لما عايز يوصلها البوليس عشان نحن كسرنا الشنطة
ثانبا:- انا مرتاح من قصة عم عمنا الشركة بتدينا الراتب يوم 29 ويوم 3 بنشحد حق البنزين والله ياهوبلس كل ما اشوف اسمك اتذكر الغربة دى وسنينا الضايعة فيها وعمرنا يضيع هوبلس
شكرا على الطلة
| |
|
|
|
|
|
|
| |
abuguta
ابو جهينة
doma
manubia
قرشـــو
سجيمان
elsharief
فيس بوك
تويتر
انستقرام
يوتيوب
بنتيريست