دعواتكم لزميلنا المفكر د.الباقر العفيف بالشفاء العاجل
|
|
 هل فيكم زول مرة بحالتى دى؟؟؟؟ افيدونى
|
جاتنى حالة قصوى من القرف...والزهج
كرهت الشغل عاوز انهى اقامتى وارجع الليلة دى
وما عندى اى قبلة ارجع عليها فى السودان
ما انو انا الذى عشق الغربة حتى الثمالة
لكن اليوم بجد من صحيت الساعة 9 وتوجهت على
المكتب ودوامى كان على الساعة 10 صباحا
ما عندى اى مشكلة ...خاصة غير شعورى انى سابح
فى النيل الابيض زى نبات ام صوفة(نبات لا جذور له
يتحرك مع الموج)
0
افيدونى افادكم الله
|
|
 
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: مهيرة)
|
يا ابقوتة
ده احساس طبييييييييييييييييييييييييييييييييعي وعاااااااااااااااااااااااااااااااااااااااااادي
امش اشرب شيشة بتفك....
لينا زمن نفتش ليك ونفتش للناس البتكابرنا في الزهج
بس تمشي السودان في الظروف دي بتاكلها يا صاحبي
اركز وسردب تب
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: nazar hussien)
|
اخو نذار
بس ياخوى زهج العذابة بفرق من زهج الاسر
وانت عارف مشكلتنا ترتيب وتفكير وتطنيش
والحنك البيش وفى النهاية معط الريش
والله ربك يستر
ومشكور
الجندرية الحبيبة
طبعا الانسان كتلة من افراح واحزان وتراكم مشاكل واحلام
البرجح فيها هو المؤثر على اتخاذ القرار
شكرا
ولك ودى
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: abuguta)
|
..
.
أنا والله يا ابوقوته
حالتك دى عايشها لى 3 شهور مش يوم وبس
ضياع زمن وكلام فارغ ..خاصة زى بلد كج زى السعودية
والله انا ما عارفك ووين ..على اعتقد انو اسواء غربة فى العالم
هى السعودية ..
عالم رجرجه دهماء وناس فهمها قاصر ومافى تطور اكاديمى
اجتماعيات منغلقة ، وعايش فى رهب على طوال الواحد يشوف العسكري فى الشارع يسرح تفكيره على طول فى المحفظة :
يا ربي الاقامة معاى ؟؟
يا ربي الرخصة ما اكون نسيتها فى البيت ؟؟
يا رب استمارة السيارة معاى وتجديدها انتهى ولا لسه ؟؟
يا ويلك لو انقلبت بسيارتك ؟؟ لازم تمشى وزارة النقل والمواصلات والشرطة وشركة التأمين واوعاك تغلط وتصادف الاذان بتاع الظهر زى الانا بسمع فيهو دا ؟؟
لانو كلهم طلعوا للمدارس والجامعات ؟؟
والشغل اتعطل ؟؟
* وبالمناسبة راتبك لازم يجيب ليك عربية لانو مسالة مترو وبصات عامه فى بلد مشرورة زى الرياض دى مافى ا عدا خطوط معينة .
واسواء حاجة لو عندك اطفال اتخيل الماساة ..دى اسواء حاجة لانك عايز تلغطهم وترجعهم لامهم وتلحق الشغل تانى
او تملاء جيبك قروش وتشوف ليهم ميكر وباص خاص
بالاضافة انعدام وسائل التسلية والترفيه لا وقت للقراءة والاستزادة نسرق اللحظات لنلتقيكم هاهنا ..
بالله شوف الحاجات دى هنا وقول لى رايك ::
* عشان تشترى عربية من حر مالك لازم اذن من الكفيل
* عشان تسحب مالك الذى كسبته من عرق جبينك لا تمنحك بطاقة اى تى ام
سوى 5 الف ريال فقطك فى 24 ساعة .
* عشان تسكن لازم تحدد انت عازب ولا متزوج ويا ويلك لو كنت عازب
بهدلة وشقق تعبانه واجار مرتفع
* وعشان تستاجر سكن برضو اذن وخطاب من الكفيل
* عشان تدخل مكتبة الجامعة للاطلاع على البحوث لازم بطاقة مرفقه من الجهات المسؤولة وهى الكفيل
* عشان تتعالج لازم تكون عامل تأمين طبي ولو شركتك ما مامنه تعبت ولن تجد العلاج فى اى مستشفى لانك اجنبي
* لو زوجتك فى حالة ووضوع وولادة لن تقبل فى اى مستشفى حتى ولو فارقت الحياة
ولسه
حاجات لا تتحسب لا بتتكتب ..
العن ابوها غربة ..
حليلك يا بلد..
آآآآآآآآآآخ يا بلد ..
راجع ليك ما الاذان اذن زى ما قلت ليك
حتى الصلاة ما قناعات بل اجباريات ..
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: Tabaldina)
|
الاخوان ابوقوتة وتبلدينا
العايشين حالتكم دي كتيرين بس نحنا فايتنكم بالصبر اتاري السودان
دا احلي بلد في الدنيا
لكن ما تقولوا لي الحاجات دي كلها عندكم في السعودية ولا بتبالغوا
كان كدا بلد الخواجات دي نعمة من النواحي دي
يعني عندنا هنا عندك اقامة جنسية ما عندك ما فارقة
يعني الدولة ملزمة تعين ليك محامي ينظر في قضيتك
ملزمة باكلك وشرابك وعلاجك وسكنك ولبسك وتعليمك ومواصلاتك
والعجب لو عندك اولاد ممكن تعيش علي قروشم وما تفكر تشتغل زاتو
لكن برضو الغربة ياها الغربة والمعاناة النفسية يا ها زاتة
يعني الواحد لو زهج في السودان تمشي بيت جيرانكم بيت عرس
الزهجة تفك لكن تعال هنا عندنا جيران تلقاهم وين
باقي ليكم تزحلق جليد او سباحة وغيرها هل حتفك
زهجتنا
ولا تقولوا لي سعودية ولا بلد خواجات
كلنا في الهم سوة
بلدنا مافي زيها
مع تحياتي وتقديري
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: elsharief)
|
الشريف والله وصفتك قوية بجد
بالذات الواحد يعيد الذكرات
ويحى المات بس كان لازم امشى
ناغبور عشان اكل موسمبى(يوسفى)
ياترى الايام موسمه ام لا ما بدرى
وكمان بونا سمبوسة الماهناز
وفول محمد الايرانى وشاى قهوة المدينة
وقيم بتاع ضمنة فى دار الاتحاد بس بكون
فاقد شاى عابدين
وقبلها بكون مريت على كولابا ووقفة على كورنيش
بحر العرب وامر على الاندين قيت واشتشت حبات قمح
لحمامه الزاجل, والحاحظ الحبائب شابكين اياديهم
مع بعض وشعرها نازل لشبشبه التحته
ولازم لازم امشى حيدر اباد لانى عندى فيها ذكريات
فى مهدى بيتنام والجار منار العثمانية عشان
اشترى صندلية التاج الاصلية وملايات سوقها العجيبة
ولازم ازور دلهى عشان اكل بريانى فى نظام الدين
واسكن فى كابلى هوتيل ,والبزن بيهار وجاناكا بورى
عشان اشترى لى فروو, وباليكا بازار عشان اشترى لى اقمصة
وربطات عنق وجزم جنز من دكان رقم 189
وبعدها لازم امشى نيو دلهى استيشن والحاظ الارصفة الملئة
بالقطارات ولا زم امشى اولد دلهى عشان التحف القديمة
وتانى وييييييييين يالشريف خلينا ساكت ما تقلب المواجع
ولك ودى والشباب
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: abuguta)
|
أبوقوتة
أنت لسة ما تعديت مرحلة العشر سنوات الأولى ، بعد خمس سنين تانية بتكون حالتك أحسن ، لأن حالة القرف ستتكرر عدة مرات في اليوم الواحد وبالتالي ستصبح هي الحالة الطبيعة وما عداها هو الشاذ والمزعج ، فلتصمد يا صديقي .
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: ودقاسم)
|
ود قاسم ياعزيزى
تحياتى
طيب انا عندى 6 سنوات فى الهند لكن حتى لو انتم حسبتهن غربة
انا ما بحسبهم ليكم ودى سنين الدراسة, هى حلوة لكن لكن حصيلتها الزهج دا, كان عندنا مين رود واى شى بس ما كان عندنا زميلات بكثرة
وبعدها على طول جينا هنا شوف النتيجة دى يعنى كدا ياصديقى حصيلتنا
الاجتماعية من النوع الثانى صفر وناس فدوى ديل لو شافننا بقول لينا ياخال واقاماتنا كلها من النوع الما بعمل استقدام ,ولو خشينا فى واحدة فى السودان يبقى عرفة اجازة وزواج اجازة ,ونطاحة رازة
اقووووووووووولك شنو احسن الزهج بروح لكن ديل يسببن قروح
وتسلم ياوطنى
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: Rawia)
|
راوية العزيزة
طبعا الربع بقت محلية كبيرة وانفصلت من ابقوتة
انت تشتهى ونحن نلبى الطلبات حتى لو فى فرجينيا
دا عصر العولمة.
واحد من ناس قرانا عزمنا فطور فى رمضان وكانت العصييدة
عليها ملاح النعيمة مصبوب عليها سمن ,قال دا سمن بقراته
لما قال لى كدا سمعت جعار البقر هو يرعى فى مدينة الرياض
جنب شركة لوسن للاتصالات
يابت لما شوفت صورتك الظريفة دى قلت انسى الزهجة
تجى وتقول لى مشتهية سنكيت هو برا السنكيت دى المخلينى
اكره الغربة شنو
لك ودى وشكرا لك
ونجيك فى بوست افراح مش زهج..
وتحياتى للصحفية المفكرة الفتية
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: Khaalaleyaal)
|
الأخ العزيز أبوقوتة
تحياتي
كما تفضل الإخوة و الأخوات ، القرفانين منهم من الغربة و القرفانات ، فهل تصدق يا عزيزي إنه عند ما وصلت الرياض قبل خمسة و عشرين سنة ( لا حول الله ) ربع قرن ، المهم بعد وصولي بأسبوعين ، لملمت عفشي و قلت للجماعة يا أخوانا أرقدوا عافية أنا ماشي أهلي ، و أمسكك و شيلك و ختك أقنعوني يا الله و يامين.
أها الحالة دي بقت عندي زى حمى الملاريا الفي الجسم ، في نفس الوكت داك تجيني حالتك دي ، بس الفرق إنو بقيت إتنفض براى و أحوقل و أبسمل و أقرأ بعض الأوراد فيذهب عني هذا المرض الذي أسميته ( غربفوبيا ) أى الخوف من الغربة ، و هي حالة تأتي للإنسان عندما يسترخي عقله و يتمدد بفعل بعض الهرمونات الموجودة في الأكل المحفوظ و خاصة الدواجن المتلجة ، عندها يتمدد العقل و تأتيك رياح السودان بكل زخمها ( واحد أداني نصيحة و قال لما تجيك الحالة دي أكل أم فتفت أو ألحس تركين قديم تكون صفيحتو مصدية أو أكل كمونية بايتة برة التلاجة ، أها يقوم المخيخ ينكمش تاني بفعل الزيفة الموجودة في الأكلات دي و يقوم اللينك بتاع السودان يزوغ من الذاكرة).
غايتو لسع ما جربتها ، و باقي لوقت حضور تلك الحالة شهر تقريبا، و ربك يستر. أم العيال قالت نحتفل بالمناسبة دي زى عيد الميلاد ، بس بدل الشمع قالت حتخت جضل حق شاف ولا طلح ، حسب المتيسر.
أرقد عافية يا أبو قوتة ( تصدق خنقتني عبرة ).
| |
|
|
|
|
|
|
|
|
|
Re: هل فيكم زول مرة بحالتى دى؟؟؟؟ افيدونى (Re: Hussein Mallasi)
|
سائق خاص ... سائق خاص... سائق خاص
قلنا نعملها من حساب لحساب
قالو البطاعة ما طلعت عاوزة تانى
سنتين..فكرك موضوع ودقاسم دا بحل
لينا المشكة لانى معاى ناس كتار
بس تحت تحت الموضوع دا وراه
السفارة لصاح المغتربن القدامى
عشان يخارجو جداد الوطنية
لووووووووووووول
تسلم وانا منتظر الحل انت الوحيد الفائز
لك ودى
| |
|
|
|
|
|
|
|
|
 Re: هل فيكم زول مرة بحالتى دى؟؟؟؟ افيدونى (Re: ابو جهينة)
|
الاخ ابوقوتة
مارس هواياتك واديها صرمة ، وبعدين انت طماع ياخى يعنى فى خمسة
سنوات مشيت السودان مرتين !يادلعك ياخى إنت عارف إنك واحد من المحظوظين جدا وكمان محتج ،
وبعدين إنت ما وضحت كل الاسباب اللى أدت للزهج عشان الناس تديك
العلاج الوافى ، اكيد فى أسباب فى السودان وقطع شك فى المملكة.فياخى وضح كل الاسباب وياريت يمكن تمر علينا لعل وعسى نقدر نفك ليك زهجك ده .
وتانى اقول ليك اديها صرمة والمسألة ما تستاهل.
| |
|
|
|
|
|
|
| |
abuguta
مهيرة
nazar hussien
الجندرية
elsharief
ودقاسم
منصوري
سجيمان
Rawia
Khaalaleyaal
ابو جهينة
Hussein Mallasi
ترهاقا
فيس بوك
تويتر
انستقرام
يوتيوب
بنتيريست