بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 02:12 AM الصفحة الرئيسية

مكتبة احمد الصديق بله ابوقوتة(abuguta)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

نجضوا الحكم يا مريخاب ...انه افريقى

11-03-2007, 07:27 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

نجضوا الحكم يا مريخاب ...انه افريقى



    الحكام من افريقيا

    على العجب تنجيض الوقعة داخل خط18 وبصورة محكمة ,,وعند الخروج عليه ان يذكر الطاقم الطبى انه وقع على الجنبة اليمين ,,حتى لا يمارسون مهمتهم بالشمال,,عشان ما يجى واحد رشاشة زى تجتوج ويضع لنا صروة رجل المصارى,,نحن نلعب مع قوم متمرسون وسباقون الى كل شىء يعنى يعرفون اللالاعيب قبلنا ,,لذا علينا تنفيذ الخطة المحكة حتى ناخذ حقنا من الحكم كامل,,,الحكم مهما يكون معاك ما بديك اكثر من ضرتين جزاء وما بطرد ليك اكثر من لاعبين,,لذا لابد من التركيز على اهداف عرف الجبين,,يعنى لو كانت اهدافنا المن عرقنا 3 اضافة لهدفان الحكم فان النتيجة ستصبح 5/صفر,,واذا لم يكرم الله ناس الصفاقس بحكم مغربى اوافريقى متعاون معهم فان النتيجة سوف تكون التعادل هنالك,,صفر/5 وستحسم بضربات الجزاء ,,وهنا سوف تظهر عبقرية الحارس الاتو فستوارى ولدنا ود الجزيرة الخضراء بهاء الدين,,,وستكون الكاس محمولة جوا,,,
    فووووووف مريخنا فوووووووف
    ولا نامت اعين الرشاشات

    (عدل بواسطة abuguta on 11-03-2007, 07:32 AM)

                   |Articles |News |مقالات |بيانات

11-03-2007, 07:33 AM

طلحة عبدالله

تاريخ التسجيل: 09-14-2007
مجموع المشاركات: 14093

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    أبقوتة الرشاشة الضلالي
    حالتك تحنن الكافر ياخوي
                   |Articles |News |مقالات |بيانات

11-03-2007, 07:38 AM

نادر محمد الراضي
<aنادر محمد الراضي
تاريخ التسجيل: 02-15-2007
مجموع المشاركات: 1178

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: طلحة عبدالله)

    أبوقوتة ...

    ساعدنا بالسكات والموية الباردة ...

    أقول ليك حاجة موية ظاتو ما عايزين ...

    ساعدنا بالسكات بث....
                   |Articles |News |مقالات |بيانات

11-03-2007, 07:51 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: طلحة عبدالله)


    ياطلحة
    سلام
    انا قصدى انجض ناسى ديل عشان ما يعملهوها ظاهر
    امس واحد اسمه شاكوش,,على قناة النيل الازرق قال مفروض الناس تمشى الاستاد من الان
    ميرفت سالته يعنى يمشو يبيتو هناك,,,والله ذكرنى الدبابين ايام كان قلبهم حار
    ايام شيخ حسن,,,مشاء الله عليكم عندك عثمان الدقير دا يكف العين وجاهة وراحة
    وهندمة وكلام,,لكن ما اظنو برافق البعثة الى المغرب وتونس,,ما اظن ما اظن
    دا رجل يجهل مقدرات الخصم تماما,,نحن نكون او لا نكون,,,اما الصحفى كان زول حكمة
    ودراية قال نحن وصلنا للقمة ,فهزيمة الفريق ليس نهاية المطاف,,دا المريخابى الواعى والعاقل والعارف مقدرات فريفه,,مش زى رئيس دولتنا قال لرئيس الوزراء الايطالى سوف نلعب معكم الفاينال فى موديال 2010 ,,شداد قال ليه مش كدا ياريس,,نحن ياطلحة نريد مجتمع واعى وعاقل مش ينساق تحت كلمات لصحفى متهور مثل زول الصدى,,عاوزين ناس فاهمين
    فى الكرة,,,بقلب فى منتدى الصفاقس ما وجدت غير خبر صغير يذكر ان الفريق سيلعب اليوم فى الخرطوم العاصمة السودانية,,اما خصم جديد على المنفسة وسوف نخرج باقل الخسائر,,
    انتهى
    شكرا طلحة
                   |Articles |News |مقالات |بيانات

11-03-2007, 10:18 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: طلحة عبدالله)


    ياطلحة
    سلام
    انا قصدى انجض ناسى ديل عشان ما يعملهوها ظاهر
    امس واحد اسمه شاكوش,,على قناة النيل الازرق قال مفروض الناس تمشى الاستاد من الان
    ميرفت سالته يعنى يمشو يبيتو هناك,,,والله ذكرنى الدبابين ايام كان قلبهم حار
    ايام شيخ حسن,,,مشاء الله عليكم عندك عثمان الدقير دا يكف العين وجاهة وراحة
    وهندمة وكلام,,لكن ما اظنو برافق البعثة الى المغرب وتونس,,ما اظن ما اظن
    دا رجل يجهل مقدرات الخصم تماما,,نحن نكون او لا نكون,,,اما الصحفى كان زول حكمة
    ودراية قال نحن وصلنا للقمة ,فهزيمة الفريق ليس نهاية المطاف,,دا المريخابى الواعى والعاقل والعارف مقدرات فريفه,,مش زى رئيس دولتنا قال لرئيس الوزراء الايطالى سوف نلعب معكم الفاينال فى موديال 2010 ,,شداد قال ليه مش كدا ياريس,,نحن ياطلحة نريد مجتمع واعى وعاقل مش ينساق تحت كلمات لصحفى متهور مثل زول الصدى,,عاوزين ناس فاهمين
    فى الكرة,,,بقلب فى منتدى الصفاقس ما وجدت غير خبر صغير يذكر ان الفريق سيلعب اليوم فى الخرطوم العاصمة السودانية,,اما خصم جديد على المنفسة وسوف نخرج باقل الخسائر,,
    انتهى
    شكرا طلحة
                   |Articles |News |مقالات |بيانات

11-03-2007, 07:56 AM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    أبوقوتة
    حلاااتك وإنت تكتب بالأحمر
    والله حالتك تحنن الكافر

    عارف ذكرتني بي شنو ؟؟
    العزابي المفلس ومديون يحضر عرس واحد من أصحابو المرتاحين
    يعاين بالشباك .. ويبكي .. ويتحسر ويطنطن
    العريس لبسوهو البدلة ؟؟
    العريس هقتوهو ؟؟
    العريس ختو ليهو الضريرة ؟؟
    ياجماعة الدخلة متين ؟؟

    وتشيل وتعضي في أصبعك .. وتقلب في ( الهوبا) وتاكل التمر أبو ( سوسة )

    المتاوقة حاااااارة يا ابقوته
    والرصيف ناااااار الله الموقدة
    الله يكون في العون
    غايتو دعواتك بس يا أبوقوتة
    والله المريخ بقى لون الفرح ورح الفرح وطعم الحياة

    مريخاب وهلالاب ماعندهم غير المريخ هسي .. المحلي خلاص في سابع نومة

    فتك عافية
                   |Articles |News |مقالات |بيانات

11-03-2007, 08:00 AM

امجد محمد الأمين
<aامجد محمد الأمين
تاريخ التسجيل: 03-21-2007
مجموع المشاركات: 350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    سيناريو فوز المريخ ...
    ضربتين جزاء على اسوء تقدير ..
    طرد لاعبين من فريق الصفاقصي و يا حبذا لو كان الطرد للاعبين مؤثرين على شاكلة النفطي ...

    و اي سيناريو خلاف ذلك معناها الرماد كال حماد ...
    و ملوص على الاقل بيملص لي هدف هدفين ...
    و ابولوا بدخل ليهوو هدف هدفين ..
    غير اهداف الصفاقصي البتجي عنوة و اقتدار ...
    يعني الشغلناه بايظه بايظه ..
    و بعد ما تطلعوا خالي الوفاض و حالقين تب تجوا لي سيد البلد عشان يخت ليكم الكلونيا ..
    و هاك الصفاقصي دا ...
                   |Articles |News |مقالات |بيانات

11-03-2007, 08:10 AM

طلحة عبدالله

تاريخ التسجيل: 09-14-2007
مجموع المشاركات: 14093

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    أبقوتة الرشاشة المتفرج بس ..
    Quote:
    نحن ياطلحة نريد مجتمع واعى وعاقل مش ينساق تحت كلمات لصحفى متهور مثل زول الصدى,,عاوزين ناس فاهمين
    فى الكرة.

    الوعي والعقل لا يمنعان أبدا التفاؤل بالمستقبل يا عزيزي خصوصا إذا كان المتفاءل به هو المريخ البشير ..

    ثم :
    Quote:
    بقلب فى منتدى الصفاقس ما وجدت غير خبر صغير يذكر ان الفريق سيلعب اليوم فى الخرطوم العاصمة السودانية,,اما خصم جديد على المنفسة وسوف نخرج باقل الخسائر,,


    دا لانو الناس ديل ما عندهم معلومات عن المريخ وما بيعرفوا يكتبوا أصلا عن الكورة .. الغريب شنو ..؟؟؟؟؟
                   |Articles |News |مقالات |بيانات

11-03-2007, 08:33 AM

امجد محمد الأمين
<aامجد محمد الأمين
تاريخ التسجيل: 03-21-2007
مجموع المشاركات: 350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    Quote: الوعي والعقل لا يمنعان أبدا التفاؤل بالمستقبل يا عزيزي خصوصا إذا كان المتفاءل به هو المريخ البشير ..


    مريخ المؤتمر الوطني ..
    ما مريخ البشير ...

    تعجبني صراحتك ...
                   |Articles |News |مقالات |بيانات

11-03-2007, 08:47 AM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: امجد محمد الأمين)



    Quote: مريخ المؤتمر الوطني ..
    ما مريخ البشير ...

    تعجبني صراحتك ...

    ومنتظرين صراحتك إنت يا أمجد محمد الأمين
    ده هلال الإرهاب وبيوت الأشباح مش ؟؟ قوووووش مرة واحدة ؟؟

    والله الصوردة دي أعمل ليكم بيها ( سوسة ) في راسكم
    ياتجابو يا كمان تقلبو ( الهوبا) وتقوا جاريين

    منتظرين تصنيفك للهلال .. مؤتمر وطني ؟؟ جبهة ؟؟ أم مخابرلت ؟؟
    ما تطول الغيبة يا أمجد .. بعدين دي صحيفة قوووون الزرقاء .. مش الصدى

    الجمل ما بشوف عوجة رقبتو
    حاجة عجييييييييييييبة
                   |Articles |News |مقالات |بيانات

11-03-2007, 09:03 AM

طلحة عبدالله

تاريخ التسجيل: 09-14-2007
مجموع المشاركات: 14093

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: امجد محمد الأمين)

    الرشاشة المذهلل أمجد

    قلت :
    Quote:
    المريخ البشير ...


    ولم أقل :
    Quote:
    مريخ البشير ...


    قادين كورة وعربي انتو ..

    الاخ ثابت
    ياخ الناس ديل أبسط مما تتخيلوا يا اخوانا ..
    عشان كدا ما تتعاملوا معاهم بجدية شديدة ..
                   |Articles |News |مقالات |بيانات

11-03-2007, 09:38 AM

امجد محمد الأمين
<aامجد محمد الأمين
تاريخ التسجيل: 03-21-2007
مجموع المشاركات: 350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    Quote: منتظرين تصنيفك للهلال .. مؤتمر وطني ؟؟ جبهة ؟؟ أم مخابرلت ؟؟
    ما تطول الغيبة يا أمجد .. بعدين دي صحيفة قوووون الزرقاء .. مش الصدى


    سال سمو الامير عبد الرحمن بن سعود من تشجع من الأندية العربية خلا النصر السعودي طبعاً فقال و خد يا سيد ثابت شهيق و شوية زفير فقال لهم الهلال السوداني و الأهلي المصري , عارف السبب شنو ؟؟ ما اظنك بتعرف لو كنت بتعرف ما كنت قلت كلامك دا ..
    علل سمو الأمير سبب تجشيعو لفريقي الهلال و الاهلي انهم من الاندية التي ارتبطت تكونيها بحركات التحرر في بلادها ...
    لم يرتبط الهلال فى يوم من الايام بحكومة و لا رئيس ....
    بل ارتبط الهلال بنبض الجماهير .
    و لم يكن الهلال فى يوم من الايام سبب فى نكسة الكرة السودانية ...
    كما حدث ايام جعفر نميري من رياضة جماهيرية و اللبيب بالاشارة يفهم ...
    اما دعم صلاح قووووش الذي استهجنه كل هلالبي فجاء فى سياق عابر ...
    و لا اذيعك سرا اذا قلت لك ان حتي بعض اعضاء مجلس إدارة الهلال استهجن التبرع لكن لا مجال للرفض ..
    هو الهلال ناقص كمان يستعدي الحكومة بالشكل السافر دا ...
    كفاية اتحاد شداد ...
    ومعروف انو السيد صلاح قوووووش مريخابي على السكين ..
    اها طولت الغيبة و لا جيتك بسراع ..
    سريع النهمة ....

    (عدل بواسطة امجد محمد الأمين on 11-03-2007, 09:41 AM)

                   |Articles |News |مقالات |بيانات

11-03-2007, 09:51 AM

طلحة عبدالله

تاريخ التسجيل: 09-14-2007
مجموع المشاركات: 14093

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: امجد محمد الأمين)

    اللبيب أمجد

    كتبت :
    Quote:
    لم يكن الهلال فى يوم من الايام سبب فى نكسة الكرة السودانية ...
    كما حدث ايام جعفر نميري من رياضة جماهيرية

    وقلت في السياق :
    Quote:
    و اللبيب بالاشارة يفهم ...


    وحاتك كلامك دا ما بتفهم لا باشارة ولا طيارة
    كيف يعنى الهلال لم يك سبب في نكسة الكرة السودانية إذا كان هو سبب رئيس في المشكلة بتاعت الرياضة الجماهيرية ..؟
    ياخوى انت رايح ليك الدرب كان الله ساي ..
                   |Articles |News |مقالات |بيانات

11-03-2007, 10:05 AM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: امجد محمد الأمين)

    Quote: سال سمو الامير عبد الرحمن بن سعود من تشجع من الأندية العربية خلا النصر السعودي طبعاً فقال و خد يا سيد ثابت شهيق و شوية زفير فقال لهم الهلال السوداني و الأهلي المصري , عارف السبب شنو ؟؟ ما اظنك بتعرف لو كنت بتعرف ما كنت قلت كلامك دا ..
    علل سمو الأمير سبب تجشيعو لفريقي الهلال و الاهلي انهم من الاندية التي ارتبطت تكونيها بحركات التحرر في بلادها ...
    لم يرتبط الهلال فى يوم من الايام بحكومة و لا رئيس ....
    بل ارتبط الهلال بنبض الجماهير .
    و لم يكن الهلال فى يوم من الايام سبب فى نكسة الكرة السودانية ...
    كما حدث ايام جعفر نميري من رياضة جماهيرية و اللبيب بالاشارة يفهم ...
    اما دعم صلاح قووووش الذي استهجنه كل هلالبي فجاء فى سياق عابر ...
    و لا اذيعك سرا اذا قلت لك ان حتي بعض اعضاء مجلس إدارة الهلال استهجن التبرع لكن لا مجال للرفض ..
    هو الهلال ناقص كمان يستعدي الحكومة بالشكل السافر دا ...
    كفاية اتحاد شداد ...
    ومعروف انو السيد صلاح قوووووش مريخابي على السكين ..
    اها طولت الغيبة و لا جيتك بسراع ..
    سريع النهمة ....


    أمجد هناك فرق شاسع بين الخيال والواقع
    إجاباتك خبالية
    عبدالرحمن بن سعود ( رحمه الله ) كان ميوله معروفاً
    وتشجيعه للمريخ معروف .. وكراهيته لمجرد ذكر كلمة ( هلال ) مشهودة
    وذلك نابع من الندية بين النصر والهلال السعودي ( الغريبة برضو هلال السعودية بتاع حُكام )
    حكام بلد وكام كورة

    عبدالرحمن بن سعود كان رئيساً فخرياً للمريخ
    عبدالرحمن بن سعود كان يلهث وراء تسجيل ( قلة الصغير ) عشان يرقص صالح النعيمة
    دفع لقلة الملايين زمن لم يكن اللاعب يساوي شيء
    عرض الجنسية السعودية على اللاعب قلة
    بعد كده تطلعو بشجع الهلال ؟؟

    نرجع لللهلال بتاع زريبة العيش
    يكفيه من الوطنية أن اول رئيس هو ( كلارك البريطاني )
    آخر رئيس صلاح إدريس ( سعوديس سوداني ) صاحب مصنع الشفاء ( المدمر )

    اما صلاح قوش
    لم أسمع بمريخيته
    بل لم أسمع به يقيم الولائم ويجهز الحافلات ويدفع الدولار سوى للهلال

    لسه ما وريتنا التصنيف يا امجد
    الهلال = مؤتمر .. جبهة .. أم مخابرات وبيوت أشباح وتوابيت ونعوش ؟؟

    الليلة زفة العريس في القلعة الحمراء يا أمجد
    شفت العز ده كيف ؟؟
    عريس أفريقي برائحة مانديلا العظيم
    عريس عربي برائحة الوطن العربي بنيله وخليجه
    وعريس محلي برائحة النخيل والنيل

    مريخ الوطن
    خليك مع المتعة بروح رياضية
    أو أجلس في زاوية من زوايا زريبة العيش وعيش آمالكم
    مضت سبعة وسبعون سنة خاوية خالية ولن يقل المقبل عن الماضي
    أنا ما عارف إجابتك لما يسألوك
    كيف تشجع فريق لم يحرز حتى بطولة ضعيفة طيلة عمره ونذ تأسيسه ؟
    بتجاوب تقول شنو ؟؟
    إنتظرو سبعة وسبعين تاني .. وربك كريم
                   |Articles |News |مقالات |بيانات

11-03-2007, 09:52 AM

امجد محمد الأمين
<aامجد محمد الأمين
تاريخ التسجيل: 03-21-2007
مجموع المشاركات: 350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    Quote: قادين كورة وعربي انتو ..

    الاخ ثابت
    ياخ الناس ديل أبسط مما تتخيلوا يا اخوانا ..
    عشان كدا ما تتعاملوا معاهم بجدية شديدة ..


    No comment


    كان عندك كمانت تعال قولو...

    لا حولة ولا قوة إلا بالله ..

    صاحبك ثابت التقط الإشارة مباشرة ورد بناء عليها...

    على فكرة طلحة دا صحفي يا اخونا ...
    صحفي رياضي ...
                   |Articles |News |مقالات |بيانات

11-03-2007, 10:31 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: امجد محمد الأمين)


    ياشباب ياحلوين
    سياسة شنو الجبتوها لينا هنا

    كدى ورونا توقعاتكم للكرة
    دا بوست للتوقعات...انا عندى احساس هنالك 2 ضربات جزاء
    وكروت حمر,,,,

    لان الحكم قالو اخد حقو خلاص
    والا عثمان الدقير من وين جاب الثقة

    لان اساسى الاول قاعد فى محلو,,زمن النتصار ولى مع الموج الازرق
    مريخ بداء يرخ من ديارو والاميرة رجاء فى انتظارو

    النتيجة3/1 بدون مساعدة الحكم
    كويس معاكم يلا افرحو ياحباب وموتو
    مريخنا فوووووووق

    قالو طه سليمان ,,بايت فى الاستاد,,
    عشان يغنى نشيد المريخ
                   |Articles |News |مقالات |بيانات

11-03-2007, 10:36 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: امجد محمد الأمين)

    Quote: أبوقوتة ...
    ساعدنا بالسكات والموية الباردة ...
    أقول ليك حاجة موية ظاتو ما عايزين ...
    ساعدنا بالسكات بث....
    ..
    Quote: أبقوتة الرشاشة الضلالي
    حالتك تحنن الكافر ياخوي
    .. والله يا ابقوته مني ومنك بعد كدا .. اسكت ساكت .. بعد العرض المقدم ليك دا .. وتمشي بالمره تجيب ليك ظرفين حنة من حنة التاج الممتازة وارد الدامـــر .. والمحلبية مني وليك علي اجيبه ليك بالتونسية .. وكان عايز معاها (زيت) زيتون برضو ما عندك مشكلة
    اها
    بس عايز اعرف حاجة واحده إنت حسع عامل فرش متاع هنا علشان شنو..؟
    عشان الناس دي كانت كل صباح بتكتب عن الهلال الأفريقي أبو نقطـه ..؟
    الناس اللسانه كان مترين ونص .. وطوووووويل حسع الجرسه شنو ..؟ وفي كم ..؟
    يا هندسة عبر عن شعورك .. وخد راحتك ..
    صدقني لو كتبت ولو قلت من هنا لحدي موقف الصحافة ظلط .. ما راح توفيهم حقهم .. وما ح ترد ليهم جمايلهم ..
    ياخي ديل جمايلهم مغرقانــا بشكل..
                   |Articles |News |مقالات |بيانات

11-03-2007, 10:41 AM

طلحة عبدالله

تاريخ التسجيل: 09-14-2007
مجموع المشاركات: 14093

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: tmbis)

    Quote:
    ياخي ديل جمايلهم مغرقانــا بشكل..


    نحن بى حقنا
    وانتو تستاهلوا يا تمبس ياخوي
                   |Articles |News |مقالات |بيانات

11-03-2007, 10:53 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: طلحة عبدالله)

    Quote: نحن بى حقنا
    وانتو تستاهلوا يا تمبس ياخوي
    .. والله إنت بالذات يا طلحــة تستاهل رد الجميل .. وتستاهل ندق ليك صيوان هنا عديل كدا ..
    اهو شايفنك شادي حيلك معنا في موضوع صلاح ادريس دا .. وقبل كدا بشرتنا بخروج الهلال برضو في (تونس) وحللت لينا تحليلاتك الكروية الممتعة وطلعت لينا هلالانا دي اي كلام ..
    واهو زي ما شايف جمايلك لسه عداده رامي ..
    عشان كدا انا ناوي اعمل ليك احتفال .. ومعاك كم واحد كدا من المريخاب المخلصين الوقفو معانا ايام الدورة الأفريقية لحدي ما خرجنا من المنافسه بي جدارة ..
    اليوم أو غدا لناظره قريب يا أخونا طلحة .. شد حيلك .. ونحن ما بنخذلك..
                   |Articles |News |مقالات |بيانات

11-03-2007, 10:55 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: طلحة عبدالله)

    Quote: بس عايز اعرف حاجة واحده إنت حسع عامل فرش متاع هنا علشان شنو..؟



    يا تمبا

    الناس ديل انا تانى ما بلقاها بغيبو كم يوم...وخايف ادخل فى ملامة معهم
    دحين ياخوى دا فراش مقدم ليهم,,ادفع الواجب من اسى داك الدفتر
    وجيب معاك معتصم ود دفع الله,,دا زول فحل واخو رجال,,,انا با علاء
    مش خايف من دق الصيوان براى او رص الكراس والفرشات,,انا خايف
    من حفر القبر واللحد واكرام الميت لوحدى...دحين ياخوى ما تمشو
    الناس ديل فضائلهم علينا كتيرة,,,املاء عمودك وتعال بدرى
    نحن اهل المرحوم,,,الناس ديل لقط ساى,,,يعنى ماجرين
    او جايباهم السحوبات ,,,او التودد للوالى,,
    دحين ابقى قريب
                   |Articles |News |مقالات |بيانات

11-03-2007, 10:50 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 25636

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    Quote: كيف يعنى الهلال لم يك سبب في نكسة الكرة السودانية إذا كان هو سبب رئيس في المشكلة بتاعت الرياضة الجماهيرية ..؟
    طلحة يا عمك
    أشرح لينا الحكاية دي ؟
    أو خليها بعد المباراة
    ولو بعد المباراة كنت مضايق ولا حاجة خليها لبكرة
                   |Articles |News |مقالات |بيانات

11-03-2007, 11:11 AM

أبوالزفت
<aأبوالزفت
تاريخ التسجيل: 12-14-2002
مجموع المشاركات: 1546

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)


    يا ثابت

    منو اللاعب الضرب الحكم واخد كرت احمر
    ولعب المباراه البعدها بدون ايقاف
    بقرار جمهوري من البشير وفي اي نادي بيلعب؟

    اها كب الزوقة زي ما كبيتها في بوست
    مسيرة الهلال والمريخ في بطولة الابطال وكنفدرالية


    انا هلالابي ما بكره المريخ

    إن شاء الله يكذب ظن ماذدا اليوم
                   |Articles |News |مقالات |بيانات

11-03-2007, 11:36 AM

امجد محمد الأمين
<aامجد محمد الأمين
تاريخ التسجيل: 03-21-2007
مجموع المشاركات: 350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    Quote: أمجد هناك فرق شاسع بين الخيال والواقع
    إجاباتك خبالية
    عبدالرحمن بن سعود ( رحمه الله ) كان ميوله معروفاً
    وتشجيعه للمريخ معروف .. وكراهيته لمجرد ذكر كلمة ( هلال ) مشهودة
    وذلك نابع من الندية بين النصر والهلال السعودي ( الغريبة برضو هلال السعودية بتاع حُكام )
    حكام بلد وكام كورة


    بعد كده تطلعو بشجع الهلال ؟؟


    يا حبينا ...
    كلامك فى مجمله صحيح انوو عبد الرحمن بن سعود كان بيكره كل ما له علاقة بالهلال ...
    لكن المفارقة الحقيقة انووو الزول دا فعلاً صرح التصريح دا فى لقاء تلفزيوني و اتنشر فى الجرايد ..
    وبعد داك انت حر انك تصدق او لا تصدق ..
    القصة بتبقي مسالة اثبات ..
    و انا قاعد هنا لن يهدي لي بال حتي اثبت ليك الكلام الفوق دا ..
    لكن موقفك بكون شنووو هل تملك الشجاعة الكافية انك تجي و تتاسف ؟؟؟؟...
    الصهاينة مشهورين بالجبن ...
    و مشهورين بالمكابرة ...
    امكن تطلع استثناء من القاعدة العامه ...
    لكل قاعدة شواذ ...

    اما باقي كلامك انوووو اول رئيس لنادي الهلال هو انجليزي فدا كلام ارخص من انووو انا كهلالابي اعتز بانتمائي لصرح و كيان شامخ انوو انا ارد عليهووو....
    انحنا قلنا ليك انووو تكوين نادي الهلال ارتبط بالمد التحرري فى البلد ...
    كيان انشاء عشان يقاوم الانجليز .....
    بعد داك ما عندها معني انو انحنا نتحقق من اول رئيس نادب ليهووو هل هو انجليزي و لا سوداني ...


    Quote: اما صلاح قوش
    لم أسمع بمريخيته
    بل لم أسمع به يقيم الولائم ويجهز الحافلات ويدفع الدولار سوى للهلال

    لسه ما وريتنا التصنيف يا امجد
    الهلال = مؤتمر .. جبهة .. أم مخابرات وبيوت أشباح وتوابيت ونعوش ؟؟



    عزيزي ثابت ...
    بعد ما تصلح سمعك تعال اتناقش المريخاب الصهاينة ديل لابد الواحد يكون فيهوو خلل واحد ما بفهم و واحد ما بسمع، القاصي و الداني يعلم بمريخابية صلاح قوش و قف عليك انت السمع اديني عنوانك برسل ليك سماعات طبية تعينك على السمع ...
    زكرتني بي حبوبتي خديجة الله يرحمه كانت تسمع ما تحب انت تسمعه و تطارش عن ما لا يجد قبول فى نفسها ...
    لكن اكيد سمعت بي مريخابية ديل ..
    عبود ...
    جعفر نميري ..
    عمر حسن احمد البشير ...

    كل الجبابرة الذين مروا على تاريخ السودان مريخاب ..
    وهاك الصفوة دا ...


    اذا كانت هذه الصفوة المعنية فنحن براء منها ...
    Quote: الليلة زفة العريس في القلعة الحمراء يا أمجد
    شفت العز ده كيف ؟؟

    الموية بتكذب الغطاس ...
    و بتغرق الحجر المبعرف يعوم ..
    الليله الساعه عشرة بالليل تعال اون لاين و انا بزكرك كلامك دا ...
    دا اذا شفناك من اصلوا ..
    و يا الله ادينا الفي مرادنا ....
                   |Articles |News |مقالات |بيانات

11-03-2007, 12:02 PM

امجد محمد الأمين
<aامجد محمد الأمين
تاريخ التسجيل: 03-21-2007
مجموع المشاركات: 350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: abuguta)

    Quote: طلحة يا عمك
    أشرح لينا الحكاية دي ؟
    أو خليها بعد المباراة
    ولو بعد المباراة كنت مضايق ولا حاجة خليها لبكرة


    يا استاذي هو كان بعرف يشرح كان بقي مريخابي ...
    ولو بقرا تاريخ كان بقي مريخابي ...
    بعد المباراة ما بنشوفوا ...
    اجمل ما فى مباراة اليوم انوو حتغطس لينا المريخاب ديل كم شهر كدا ...
                   |Articles |News |مقالات |بيانات

11-03-2007, 12:40 PM

نادر محمد الراضي
<aنادر محمد الراضي
تاريخ التسجيل: 02-15-2007
مجموع المشاركات: 1178

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نجضوا الحكم يا مريخاب ...انه افريقى (Re: امجد محمد الأمين)



    نحنا عشمك يا بلد .........

    اللهم انصرنا بجاه حبيبك محمد (ص)
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de