دعواتكم لزميلنا المفكر د.الباقر العفيف بالشفاء العاجل
|
|
 مشــوكـش...يرقد فى المستشفــــى
|
بلدياتى شاب ظريف , دمو خيف , يمشى ويقيف, من غير جديف, زى بص الجريف, هاش باش , يضحك قبل ان تسلم عليه يعزمك على المافى, او على جيبك, كل الحياة عندو ضحك وفرفشة..
ساقه قدر الزمن فرماه فى الحب و خطب بنت خالته طالبة فى الثانوى ...وقد شغف بها واهتم بكل امورها يصرف عليها ويرسل لها الهدايا ثلاثة سنوات عاشتها كلها دلال...استنفعت منه البنت وامها واستنفعت منه اكثر شركة الاتصالات السعودية..زولك لمتو للبطاقة ام 100 ريال ..مكالمة واحدة لما يصفر الجوال , فى الشهر بستخدم ثمانية بطاقات ب (800) ريال دى غير المصاريف والهدايا فى العيد, زولى دا شغال على هذا المنوال.....حتى البنقالة والهنود الذين يعشون معه فى سكن الشركة يعرفون قصته وقهقهاته وانبساطاته الغرامية...البت امتحنت وقالت عاوزة تقراء جامعة اخو البنات قاليها ما عندك مشكلة لوعاوزة تقرى طب او صيدلة ولو ما دخلتى حكومى , شوفى اى كلية خاصة مثل التقانة بتكلف كم وانا بدفع ...انتى لازم تكونى احسن واحدة فى القرية., واجمل واحدة فى لبسك ومظهرك, وسوف اخرجك من الجامعة وتتخصى نساء وولادة لانه تخصص مرغوب فى المملكة وانا سوف احضر لك استقدام مع انو اقامتى لا تسمح بذلك لكن سوف اشتريه من السوق الاسود ...وسوف نسكن فى حى راقى جنب المستشفى التى تشتغلين فيها ...قبل ان تتم هذه الاحلام الجميلة , تسلط على خطيبته سمسار عربات شغال فى الدلالة ..راكب بكسى شرط جديد لنج موديل 81 , فعجبتو البت التى وصلها هى وصاحباتها من السوق للقرية..فطلبها من امها فزغردت حتى السماء.وهللت وكبرت .لمتين بنتها تنتظر الغلبان الكحيان, على حسب نظرتها المادية.....
وفى احد عراكتها مع اختها ام صاحبنا قالت ليها ولدك دا عندو حاجة,اعلم الله داك ليه سبعة سنوات مغترب ما شفنا منو الحبة, حتى فى العيد قاعد يرسل للبت دلاقين, وما لاقية منه حاجة غير الاتصالات المجانية التى توزعها ليه الشركة,,,,,,الان صديقنا طريح الفراش من الصدمة التى تلقاها وقبل ايام كان يرقد فى نفس المستشفى التى سوف تشتغل فيها خطيبته...
لتفادى الصدمة تريد نصائح شافية من اهل التجارب...
اهل المواقف الصلبة والشواكيش القديمة
حبى لكم
|
|
 
|
|
|
|
|
|
|
|
Re: مشــوكـش...يرقد فى المستشفــــى (Re: abuguta)
|
أب قوتة سلام عليك
والله دعواتى للوليد دا
ربنا يسهل عليهو والخير في ما أختاره الله
وفى الحديث ( لو اطلعتم على الغيب لأخترتم ما أنتم فيه)
عليك الله دا كلام تقولو لينا الليلة قالوا عيد الحب!!!
فى واحد هنا مجرب بقول ليهو:ـ
خيرا فى غيرا وخليفتا بركة
والفاتك فوتو والعتر ليك دوسو
والعترة بتصلح المشى
حواء والدة والنعمة واجدة
والجايات أكتر من الرايحات
(والعداك حمار ...عدو البعر لاشك )
وما تسمع كلام ناس( ما الحب الا للحبيب الأول)
وأسأل مجرب واضرب مغرررب زلا تسأل طبيب
ــــــــــــــــــــــــــــــــــــــــــــــــــــــــــــــــــــ
دا كلام ياناس!!!؟
أنا لااملك سوى الدعاء له بهدى ليه قصيدة علها تخفف عليه شوية
آخــر شــيء يـاقـلبـي
أتوقــّـع إنـُه يصـيـبـك
ســـهم الكلمــة ... المـرَّ
بى ميــدان تـدريـبـك
الظاهر إنـّـه النـُصـح
لابضـرّك لا بـفـيـدك
ياما نصحـتـك وقتـلك
لازم تـرعى بـقـيـدك
ياما قـضـيـت أيـامي
في مجالـس تـأديـبـك
ياما جـرّبـت معـاك
وتعـبت من تجريـبـك
لكنـّـك تائـه عـنّـي
البجـيـب النـاس
....... مابـجـيـبـك
رغـم إنــّـك عـارف
داءك سَـبـَبـُه طبـيـبـك
وما مكتوب في قسمتك
ولامكتوب في نصيبك
وبرضك .......
شايف .... سعادتك
في تعذيبك
سمية الحسن طلحة
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: سمية الحسن طلحة)
|
ود ابقوته سلام
انا الحمدلله ما اتشوكشت0 والله يابقوته بعد تعب
حتى كتبت الكلمه الفوق دى
لكن اقول لى اخونا المساله والله مى مستاهله
النوم على السرير الابيض
انا بقول فى ستين داهيه الباعك انساه الايام بتورى
ولاتهتم للموضوع 0000
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: خالد المحرب)
|
الاخ اب قوتة
انا تحضرنى ايضا قصة واحد مشوكش زى اخونا دا ولكن عليك الله انظر اليه ماذا قال:
الغنا والنميم ما عندى فيهن صيبـة
بدور اتعلمن شان الحشيمـة واديـبة
ياقلبى ديمـة وداجا ما تهـاتـيبـا
ان ما قسم الكريم الشدة ما بتجيبا
فنصيحتى لهذا الاخ انو ينسى ويقتنع بنصيبو وعليه ان لا ينسى انه ليس لمخضوب البنان يمين!!!
فلماذا البكاء على شئ لا يسوى.
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: خالد المحرب)
|
| Quote: وفى الحديث ( لو اطلعتم على الغيب لأخترتم ما أنتم فيه) |
بت الحسن طلحة...
واضحة اللمحة
جرعتك روحية
بتقلل كفتة السمحة..
| Quote: عليك الله دا كلام تقولو لينا الليلة قالوا عيد الحب!!! |
بالله ياسمية الليلة عيد الجماعة ديل
طبعا عشنا هذه اللحظات فى الهند
فالهنود اكثر شعبوب العالم احتفالا الاعياد..
يوم 14 فبراير الشوارع كلها زهور حمر..
ساحات الميادين والكليات...
شكرا على مرورك الجميل
وسوف اطبع ابياتك لبلدياتى لانها جرعة مخففة
ودى لك
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: abuguta)
|
زمان يابوقوتة
كنتا بريد لي بت في حلة حمد
حرم تشوفها تبول في لباسك ده..
البنية قات لي يا عزي انتا كدي اتخرج وتعالي اطلبني..
اخوك شوتك ..شوتك..شوتك كمل واتخرج
جيتها وهي لسع في سنة تالتة قات لي كدي قضي الخدمة وتعال ياعزيز..
طاخ مشيت جوبا عشان تكون بس ستة شهور عمليات..
جيتا بعد الخدمة الممتازة ونضال البعوض والخوارج
قات لي مافي اي مشكلة ياعزو
بس اشتغل وانا جاهزة
يمين شمال ..اشتغلتا في مجلس العدل تبع معهد التدريب والاصلاح القانوني ..
اها جيتا ليك وان بقدل بي الكرفتة البيج والوظيفة القانونية
لقيتها عرست زول من السوق العربي
قروش وعز وحديد يقول ياليل ..
لارقدتا مستشفى لا شتين..
حرم بي كل ميتة قلب مشيت رقصتا في عرسها وانا الفتحتا باب العربية اول ماجات تنزل..
يومين تلاتة ونسيت امها..
حبيت اختها
برضو عرست
حبيت صحبتها,,
عرست
..
من ديك وبقيت اصلو مابحب بت واحدة في مرة واحدة
لازم كم بت في المرة الواحدة..
لو دي باعتك تقبص في التانية ولو دي قبضضتك قوي تفكها تشوف التالتة..
الحساسية والشفافية الزمن ده تبلها وتشرب مويتها
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: DKEEN)
|
Quote: ديك وبقيت اصلو مابحب بت واحدة في مرة واحدة
لازم كم بت في المرة الواحدة..
لو دي باعتك تقبص في التانية ولو دي قبضضتك قوي تفكها تشوف التالتة..
الحساسية والشفافية الزمن ده تبلها وتشرب مويتها |
دكين ياعشى البايتات
طيب انت من الضربة الاولى بقيت نصيح
بس زولنا دا لو تبع عمايلك دى كا ما رقد مستشفى....
لكن على حسب كلام البقالة المعاه ..قالو هوكان خاتى البيت فى جيبو..
وضامنها ضمان الانقاذ فى جلسة القصر...
لكن قدرت بيه... دا سبب الالم..
وبعدين حسرة المبلغ الذى ضاع فى الاتصالات
800*12* 3= 28800 والله خمت مال...
ضاع سدى...دا المجنن الجنى...
انت قاعد تحب غنيانات..بنات حلة حمد اسعلنى منهن انا
كلام صاح...فيهن بنات بوقفن الطيارة...ولبوليس الاشارة
لكن حبهن مجانى ..ما بتكون سقيت واحدة ليمون منوت...
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: Muna Khugali)
|
Quote: بطلت احبك ..احبك..
ماتحبينيش ! |
منى.. الامتداد
كثيرة المداد
كترى لينا من اغانيك
وقصائد الضاد...
الاغنية عندك مسجلة ..
عشان ننزلها ليه نغمة فى جوالو..
اسى بنحاول ننزل ليه الاغنية دى...
بشكى ليكم يامظاليم الهوى
امن القى الزى فيكم
شكرا ليك كتير على حضورك الكثيف
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: abuguta)
|
التحية للمتداخلين والمشوكشين وربنا يرفع العيانين ..
دكين ومكين وكمان مع دى ...
Quote: من ديك وبقيت اصلو مابحب بت واحدة في مرة واحدة
لازم كم بت في المرة الواحدة..
لو دي باعتك تقبص في التانية ولو دي قبضضتك قوي تفكها تشوف التالتة.. |
بقيت زول حكمة تب ياودالشيخ ...
تحياتى
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: abuguta)
|
ابقوتة وسيلكيون
هسي قبل تلاتة دقايق ضربتا لي اخر حبيبة في السودان
سمامع جنبها جوطة
قتا ليها انتي في ياتو سوق بصل؟؟
قات لي انا في (لذيذ) في شارع واحد..
- مع منو؟؟
- مع ناس الشغل..
- قتا ليها والبضحك جنبك ده فرحان شدييييييد يعني؟؟
من سماحة البلد القاعد فيها؟؟
- قات لي هسي مالك زعلان
- قتا ليها لا ابدا ..
كتا عايز اقول ليكي هابي فالانتاين وكده..
- قات لي : ايوه نحنا هنا بي مناسبة الفالانتاين وكده..
قمتا نزلتا السماعة..
وعاينتا لي سقف المكتب حقي وختيت غتاية القلم في خشمي..
عادي ياخ
ما ناس الشغل
الضحاكين ديلاك
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: abuguta)
|
العوافى يا دكين ...
تعرف بعد ما طلعت شفت ردك قلت النمشى اهبش شوية اشوف دكين كتب شنو ...
Quote: قمتا نزلتا السماعة..
وعاينتا لي سقف المكتب حقي وختيت غتاية القلم في خشمي.. |
طبعا اتخيلت المنظر وكيف منطط عيونك ....
بس ماعندك مشكله يامان الفريق ما كبير اكيد فى واحده ح تكون يور فالنتاين ...
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: celecon)
|
دكين وسلكون
فى عيد الفلانتون
المكتب والبلكون
الطلح وهلتون
شكرا سيلكون على مداخلاتك مع الجميل عزو
انت يا عزى ..طبعا بتكون شفت الهلتون طبعابنزلو فيه عرائيس..وممنوع الدخاخين فيه
لان صفافير الاندار بدور...وحتى لو دورت ما بتلقى البسمعها
غفير اقرب مؤسسة للفندق...جاب مرتو من البلد ..حاولت تعمل شاى ما شرب منها زول..عملت كسرة الزبائن ما بفضلوها كتير....الولية مى متعلمة لكن عندها مخ تجارى بحت...قامت سالت ود اختها شغال عفير فى الهيلتو .. انتو ياجاد المولى بنزلو عندكم عرائس ...
لطفا زوار البوست نقلت تكلمت القصة لبوست الطلاحين دكين وحبيب نوره
لخصوصية القصة وربطها بالموضوع الجميل عن الفلنتاين السودانى المقترح من الاخوين
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: abuguta)
|
أبقوته تحياتي عبقة لشخصك
أنا ما عارف ليه في عيد المحبين بنسمع أخبار شواكيش زي دي
وزي ما تكون عمايل ناس متابعة ومواكبة قصص الغرام والهيام
وبوقتوا أذيتهم مع اليوم البمبي المفروض يزغططتوا فيه .
نقول حسبي الله ونعم الوكيل والعبارات تكرر نفسها والكلام ياهو
نفس القالوه لينا لما إتشوكشنا زماااان بس لكن على الأقل
من كنا نحب وقتها فعلوا ما فعلوا وكانت ثورة وبراكين جعلت
العريس الجاهل المقرش يقول أنا الدخلني شنو هنا وأطلع من وين
وفي النهاية في النهاية يا أبقوته ضحينا بمن نحب من أجل من
نحب وحكم القوي على الضعيف وحكم الغني المغترب على الفقير
الطالب وفي الليلة ديك والناس تشارك فرحتك وعلى مرأى ومسمع
من من عاش وعايش قصة الحب الطاهر تقدمت الى كوشة العروسين
وقلت ليها مبروك وبكى كل من كان يعرف الحكاية ولم تكمل العروس
الحفل ولولا ستر ربك لباظت الليلة وبعدها يا أبقوته نحس بعظمة
الخالق لأنه وهبنا من ضمن النعم نعمة النسيان عاشت هي حياتها
بحلوها ومرها وخلفت صبيان وبنات سيدة فاضلة أحترمها وأقدرها
وأكثر ما يشدني إليها الآن هو تقديسها لحياتها الزوجية وبيتها
مما جعلني أفتخر بأن إختياري لها كان صائب مائة بالمائة
وقد أطلت الرواية حرصا مني بالمساهمة لإيصال النصيحة لصديقك
ولأني أحس بما يعاني وأتدلى لأهمس له بحاجة تانية تجعله متفاءل
أكثر وهي أنني بعد كل هذه الآلآم مرت ألايام وتزوجت وملأ أولادي
حياتي بهجة ويظل الماضي مجرد ذكرى فيها المفرح وفيها المؤلم .
قد تستغرب لو ختمت نصيحتي لصديقك بكلمة واحدة (تزوج )
لك ودي
صلاح واسبه
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: Salah Waspa)
|
Quote: وقد أطلت الرواية حرصا مني بالمساهمة لإيصال النصيحة لصديقك
ولأني أحس بما يعاني وأتدلى لأهمس له بحاجة تانية تجعله متفاءل
أكثر وهي أنني بعد كل هذه الآلآم مرت ألايام وتزوجت وملأ أولادي
حياتي بهجة ويظل الماضي مجرد ذكرى فيها المفرح وفيها المؤلم .
قدتستغرب لو ختمت نصيحتي لصديقك بكلمة واحدة (تزوج ) |
صلاح واسبه
ياجميل
اولا :- رحمة ربى على صاحب الصورة....
اشكرك صديقى الجميل المتابع دائما...والمحب للاخرين
كلام على حسب تقيمى ومن غير التقليل الاخرين احسبه اجمل ما كتب فى هدا المتكى
شكرا جزيلا...
بس سوال خارج النص...
ما بعرف لكن كثيرا ما اربط اسمك...ب الوريف رافت ميلاد والجميل هشام مدنى
هل انتم مقيمون مع بعض فى السويد...
ودى للجميع
.
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: abuguta)
|
أخي أبقوته
لك الشكر في ترحمك على إبن خالتي فقيدنا عثمان طنون
ولك الشكر على الإطراء وقد تفاعلت أكثر ربما لتشابه الموقف
أما مقر إقامتي فهي ديب فريزر كبييير كده إسمه كندا
وحبيب الكل رأفت يعيش في سويسرا على حدود ألمانيا وكونك
تربط دائما بين أسماءنا كويس زاتو عشان ميلاد يعرف بنحبه
قدر شنو وكيف شهدو لينا ناس لطيفين مثلك والتحية خالصة
للأخ هشام مدني الذي لم أتشرف بعد بمداخلة معه .
لك مني الإحترام وطمئنا على صديقك إذا أمكن
صلاح واسبه
| |
|
|
|
|
|
|
|
|
|
Re: مشــوكـش...يرقد فى المستشفــــى (Re: Salah Waspa)
|
Quote: تربط دائما بين أسماءنا كويس زاتو عشان ميلاد يعرف بنحبه
قدر شنو وكيف شهدو لينا ناس لطيفين مثلك والتحية خالصة
للأخ هشام مدني الذي لم أتشرف بعد بمداخلة معه . |
شكرا صلاح
على التوضيح المفيد
انا زيك بحب الناس ديل...بس رافت الايام دى فاتح لينا
لكن انا ما بنفتح ليه...
تحياتى لناس كندا....كلهم
لك الود
| |
|
|
|
|
|
|
| |
abuguta
خالد المحرب
على احمد النعيم
Muna Khugali
Salah Waspa
فيس بوك
تويتر
انستقرام
يوتيوب
بنتيريست