يوم الجمعة الماضية كنا فى ليلة سمر ...اقيمت حفلة غدا بمناسبة شفاء احد الاخوة ...الذين اقاموا الحفلة شباب كالعقد فى النظام كالجسد الواحد فى التضامن والتعاضد... حسبتهم زملاء دراسة او من مدينة واحدة, لكنهم كانوا من جميع انحاء السودان بل فيهم المصارى والافارقة. جمعتهم الغربة ووحدهم العمل جميعهم كانوا يعملون فى بنك الرياض..بصفة دائمة او موقتة المحتفى به شاب من الشمال ( العابدية) اصيب بشلل وادخل المستشفى الوطنى بالرياض وشاءت قدرة المولى ان ينعم بالحياة ..ولقد رايته والبسمة لا تفارق قامته السمراء والفرحة والسعادة على خدوده الضواية...انا ضيف ولكن زهلت من التنظيم المحكم...وضحكات الشباب مع بعضهم على الرقم من كثرتهم لكنهم كانو يعرفون بعض حتى الدواخل وكان نوارة الحفل ود الشيخ..ذلك الشاب الفنان الضاحك المغنى يعزف على العود ويغنى بصوته الدافىء ...يشق شفق المغارب..يشاركه رضا ومصطفى الصومالى ..ومحمدالسر واحمد ومخلص والشيخ وبقية الشلة..
قصاد الحلة دى انا تانى ما بجى الشمار كتير انا تانى ما بجى.. بحق كانت لمة جميلة ...فى مناسبة اجمل تحتوى على كوكبة نادرا ما يجود بها الزمان...لقد نسيت الام رجلى وايام الجبص المظلمة لهم منى التحية..ولزميلهم دوام الصحة ودامت الافراح
الرائع ابوقوتة ،، الله يديم السعاده ،، وما احلى لحظات الصفاء في حضرة الاحباب للاحتفاء بعزيز او صديق فالصحة تاج على رؤوس الاصحاء ... لكن ياابقوتة معقول تكون لزمت الصمت وعملت الود ضيف ؟ وانت من يتفجر شعرا في مثل هذه المواقف ... تسلم ياغالي ودامت الافراح .
03-21-2004, 12:10 PM
abuguta abuguta
تاريخ التسجيل: 04-20-2003
مجموع المشاركات: 8276
الاخ ابوقوتة: عاطر التحايا.. ياخي نحن نفتش ليك ونسأل عن رجلك.. انت مختفي في حفلة في الرياض ومعديها[جبجبه] حمد لله علي سلامة الجية وربنا يشفي صاحبكم. وفوق السلالم دي تانى ما تجي.. الكسير شديد اوعك تجي...
03-21-2004, 12:14 PM
abuguta abuguta
تاريخ التسجيل: 04-20-2003
مجموع المشاركات: 8276
صديق الموج مرحب بيك حللت اهلا ونزلت سهلا كان من المفترض ان ارحب بيك لكن سبقتنى وجيتنى براك داخل ..ودا دائما خلق الناس الطيبين وما عندك مشكلة انت اترك تلفونك ولو معانا فى الرياض بنتلاقا فى البطحاء ام رمالا دقاقا او فى خان شليلة وميادين النجيلة او فى السلالم وحراج ابو القاسم ولك ودى
03-21-2004, 02:11 PM
Tumadir Tumadir
تاريخ التسجيل: 05-23-2002
مجموع المشاركات: 14699
يا ابوقوتة...والجاتك في كراعك سامحتك...وان شاء الله ما تشوف شر..لا كر لا جبس..لا مقص...لا حر...لا مغص...لا أر...والاخيرة دي شفتها مكتوبة في بيكب....يا ناس يا شر كفاية ار...ولا هسي ار دي ما عارفها شنو...الا يا ربي تكون جاية من المصريين....لكن المخليني استبعد انها من المصريين انو البوكس..بوكس لبن
يا تماضر...جندر...تاني مع ناس اب قوتة وفي السعودية بي حجاب واللا بدون حجاب....؟؟
03-23-2004, 07:24 AM
abuguta abuguta
تاريخ التسجيل: 04-20-2003
مجموع المشاركات: 8276
بت الشيخ ياريت لو كنت معانا عشان نسمع منك القمارى قوقن ديل كلهم شباب عذابة والجندر الشغال معاهم كلهن لبنانيات طبعا فى المملكة المرة نحن بنسمها لقم لو شفت ست جاية بتقول لاخوك ابعد من اللقم داك عشان ناس الهئية لو لقوها ما نازلة فى اقامتك بنزلوك على طول فى بورت سودان قصاد اللقم دا انا تانى ما بجى بسفرنى بورت سودان خلى غادى منى وتسلمى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abuguta
Ahlalawad
Ehab Eltayeb
صديق الموج
Tumadir
فيس بوك
تويتر
انستقرام
يوتيوب
بنتيريست