دعواتكم لزميلنا المفكر د.الباقر العفيف بالشفاء العاجل
|
|
 شمــار جديد...لناس السعودية...فقط
|
يقول لى صاحب الشمار ..وهو ضابط برتبة رائد فى الجوازات.. ان تعديل المهن ...والاستقدامات كلها ..فتحت للسودانيين ......خلاص افرحو ياناس تربية مواشى...وسائق خاص...وتربية دجاج..وتربية نحل..بكرة يامحتشوفو اعراس...زى عرس ود شندى
قال نحل قال
ومن قبيل افكر..قلت فى سرى... يكون يالله السفارة ديل وراء الحكاية دى....
بس ما تسالونى من مصدر الشمار
|
|
 
|
|
|
|
|
|
|
|
Re: شمــار جديد...لناس السعودية...فقط (Re: abuguta)
|
الأخ ابوقوته
والله خبر مفرح ونتمني ان يكون صحيحا" حتي تنتهي معاناة اغلبية السودانيين بالمملكة
وللأسف هناك خبر جديد نشر بصحيفة الوطن السعودية بتارخ اليوم13/07/2004 العدد رقم1383
وهو بخصوص ايقاف نقل الكفالات نهائيا" والقرار حسب الأتي :-
اقتصر نقلها على أصحاب المؤهلات الجامعية والفنية
وزارة العمل توقف نقل كفالات المهن العادية نهائياً وتستثني العمالة المنزلية والفردية
الحديثي لـ"الوطن": القرار يهدف إلى زيادة فرص عمل السعوديين والقضاء على بيع التأشيرات
حمد الحديثي
الرياض: منصور الحاتم
أوقفت وزارة العمل نقل الكفالات للعمالة العادية في جميع أنشطة العمل المختلفة ماعدا المهن الجامعية والفنية, بعد أن أوكلت إليها هذه المهمة، حيث كانت مسؤولية نقل الكفالات مسندة وعلى مدى السنوات الماضية إلى إدارات الجوازات في المناطق.
وأكد مدير مكتب العمل بالرياض حمد بن عبدالله الحديثي لـ "الوطن" أن وقف نقل الكفالات بدأ أمس بناء على أمر سامٍ يقضي بإيقاف نقل الكفالات لجميع المهن العادية والتي لا يحمل أصحابها مؤهلات دراسية وقصرها على حملة الشهادات الجامعية والفنية فقط , مشيرا إلى أن القرار يهدف إلى زيادة فرص العمل للمواطنين, والحد من تلاعب بعض المنشآت والتي يعمد أصحابها إلى استخراج التأشيرات وبيعها مسبقا ومن ثم نقل كفالات العمالة, مشيراً إلى أن وزارة العمل وجهت مكاتب العمل بضرورة مراعاة الحاجة الفعلية للمنشآت التي تحتاج إلى نقل الكفالة للخدمة الفعلية والتي لا تتعارض مع كون المهنة من المهن المقصور شغلها على مواطنين سعوديين, مضيفا أن خطة السعودة شملت 25 نشاطا تجاريا لم تفرض السعودة فيها بنسبة 100 % سوى في مجال بيع الذهب، في حين تم التمديد لبقية الأنشطة لمدة 3 سنوات من عام 1425 ـ 1428 هـ لتطبيق السعودة فيها بشكل تدريجي إلى أن يتم تطبيق السعودة فيها بشكل كامل خلال هذه الفترة.
وبين الحديثي أن مكتب العمل يشترط لنقل كفالات أصحاب الشهادات الجامعية والمهنية أن تكون الشهادات المقدمة صحيحة ومصدقة من القنصلية السعودية في بلد العامل, في حين لن يتم نقل كفالة المهن التي لا يكون لدى أصحابها شهادات دراسية مصدقة, مضيفا أن مهلة الاستقدام التي أعلنتها الوزارة للمنشآت الصغيرة التي يقل عدد عمالها عن 10 عمال لا تزال مستمرة حتى انتهاء فترة المهلة والتي حددت بـ3 أشهر.
وتتم إجراءات نقل الكفالات للعمالة المنزلية والفردية والتي تشمل السائقين والخدم والعمال المنزليين, وعمال الاستراحات, والعمال الزراعيين, والطباخين وغيرها من المهن التي تخص الأفراد عن طريق الجوازات ولم يطرأ عليها أي تغيير.
وذكر مصدر في جوازات الرياض لـ"الوطن" أن نقل الكفالات لهذه المهن مستمر ضمن ضوابط ومعايير محددة, وأن قسم نقل الكفالات بجوازات الرياض يقوم بإنهاء مئات العمليات الخاصة بنقل كفالات المهن المنزلية والفردية يوميا, وأن نقل الكفالات للمهن العادية الأخرى أصبح من اختصاص مكاتب العمل, مهيبا بالمواطنين ضرورة الالتزام بمراجعة الجهات ذات الاختصاص في هذا الأمر تفاديا لتأخير معاملاتهم وتشتيت أوقاتهم.
| |
|
|
|
|
|
|
|
|
|
Re: شمــار جديد...لناس السعودية...فقط (Re: abuguta)
|
بشارة سمحة يا أخي أبوقوتة ..
عندي صاحبي قادم السعودية بمهنة قصاص حمير .. للأسف ما لقى حمير ولا حتى في جازان .. ففتح ليهو صالون حلاقة في كرنتينة جدة .. واشتغل قصاص أتر بارتايم. 
تحياتي لك ..
جاد
| |
|
|
|
|
|
|
|
|
|
Re: شمــار جديد...لناس السعودية...فقط (Re: JAD)
|
| Quote: عندي صاحبي قادم السعودية بمهنة قصاص حمير |
والله دى بالغت فيها ياجاد....اكيد صاحب مكتب الخدمات دى سودانى مسعود
ذكرتنى واحد سودانى لقى ليه سعودين قاعدين فى خيمة والناس طالعة داخلة
قام...دخل عليهم دووووووووش ورفع ايدونو وقال ليهم..الفاتحـــــــــــة
ولك ودى
| |
|
|
|
|
|
|
|
|
|
Re: شمــار جديد...لناس السعودية...فقط (Re: abuguta)
|
حبيبنا ابوقوته
صباح الشمارات
تعرف قبل فترة كان فى شمار مغربل برضو ..
قال أيه ؟؟؟
قال أى شخص اكمل عشرة سنوات داخل المملكة ولم يغادر سوف تشمله مكرمة ملكية ويمنح "التابعية" وانطلق الشمار انطلاق النار فى الهشيم ..
تعرف رد فعل قدامى المحاربين كان شنو ؟؟؟
خلاص عرفوا السودان فيه بترول عاوزين يدحلسوا ؟؟؟
من عجب وجدت الشباب متحمس لهذا الشمار ومتفائل به كثيرا
بالامس يحدثنى ابن جيراننا السودانيين متسائلا :
أكان ابوى عملوا ليه خروج نهائى ما ممكن انا انقل كفالتى ؟؟؟
حزنت على هذا الجيل الذى كلما نحاول الدفاع عنه يخزلنا اضعاف
الشمار عندك يا ابوقوته لكن ناس السفارة ديل نتفك منهم كيفن بس..
آخر شمار
ناس مصلحة الضرائب عينوا مندوب دائم له فى قنصلية جدة ... حيلة ثانى مافى ابدا...
والله المستعان ..
| |
|
|
|
|
|
|
|
|
|
Re: شمــار جديد...لناس السعودية...فقط (Re: ABUHUSSEIN)
|
اب غوته
والاخوان الكيزان على حسب هيئة مواصفات ومقاييس سودانيز اون لاين ومستشارها دينق وسكرتيرتها رودة الاديبة العالمية وكل مارق وخارج عن ادب الاختلاف
اي كان العمل هو العمل وعلى العموم الماشية ناهيك عن تربيتها احسن من يقف المرء في صف طويل يبكي وهو يقدم اوراق اللجوء ويتسول الامم المتحدة صحن ارز كبير في حوش البقر في هولندا او باااارات الولايات المتحدة ام بيرة بااااااااااااااااااااااردة
العمل ليس فيه عيب غراف بلاعات قلام حمير صرار نعاج لولاي جداد
وناس عجايز حنانة .
المهم هو شرف العمل يا اباطرة الاحمر والاشتراكية ولا رايكم شنوا؟؟؟
| |
|
|
|
|
|
|
|
|
|
Re: شمــار جديد...لناس السعودية...فقط (Re: شمهروش)
|
Quote: ويتسول الامم المتحدة صحن ارز كبير في حوش البقر في هولندا او باااارات الولايات المتحدة ام بيرة بااااااااااااااااااااااردة
العمل ليس فيه عيب غراف بلاعات قلام حمير صرار نعاج لولاي جداد |
شمهروش
تحياتى
قلت لى كلامك الفوق دا ياخوى صاح ولا كلام زول زى كدا سكة الدول ام همبريبا بارد..ولم يوفق
وفى النهاية..جاء الى المملكة بمهنة زى مهنتى دى..لا قدر يحسن وضعه ولا قدر يجيب عروسته..علا ياخوى مسعول من الخير...بدهم كم فى الشهر..وقلت لى راحات ساى لا شغل لا مشغلة....وكمان الواحد ينزل ويختار احسن ملكة...وديل مغتربين ياخوى....لينا بحلاهم
ولك ودى
| |
|
|
|
|
|
|
|
|
|
Re: شمــار جديد...لناس السعودية...فقط (Re: abuguta)
|
ابقوتة والأحباب سلام
على قول المثل : يا ما شماركم اصبح مرخ
التخفى تحت المهن العمالية قد يشفع عنا في السفارة
ولكنه حافذ على العنوسة حتى المتزوج لا يمكنه استقدام
زوجته ما دامت هويته بمهنة مليس أو مبلط أو قصاص
وأذكر طبيب بيطرى فرض عليه كفيله برعى أغنامه السبع
بحجة مهنته في التأشيرة تربية مواشي
| |
|
|
|
|
|
|
|
|
|
Re: شمــار جديد...لناس السعودية...فقط (Re: EMU إيمو)
|
| Quote: التخفى تحت المهن العمالية قد يشفع عنا في السفارة |
والله صدقت فى هذه...يعنى نحنا اسى شغالين بمهن عمال...
وعلى حسب قانون السفارة مفروض..ندفع اكتر...عشان الكروش تكبر
انا اعرف دكتور شغال بمهنة فنى تمريض...
وشكرا على المشاركة
ولك ودى
| |
|
|
|
|
|
|
|
|
|
Re: شمــار جديد...لناس السعودية...فقط (Re: abuguta)
|
Quote:
حتى المتزوج لا يمكنه استقدام
زوجته ما دامت هويته بمهنة مليس أو مبلط أو قصاص
|
الأحباب بقيادة ابوقوته
عطفاعلى اعلاه
ترى هل هنالك فرق بين احتياجات رجل ورجل بناء على المهنة ؟؟؟ أم ان المهن المتدنية لا تندرج تحت قائمة الرجال ؟؟؟
بصراحة الجماعة ديل حيرونا عدييييييل كده ...
يعنى شنو ؟؟؟
| |
|
|
|
|
|
|
|
|
|
Re: شمــار جديد...لناس السعودية...فقط (Re: قرشـــو)
|
الموضوع اصلا ياعمدة
بندرج تحت دخل الفرد..اذا كان دخل الرجل لا يكفى هذا يقود الاسرة للانحراف او المراة تشتغل
ودا غير مسموح به بصفة رسمية فى المملكة..وانت ادرى بذلك..عشان كدا منعت المهن ذات الطابع العمالى للرواتب المتدنية..
اجكى ليك دى ياخالد
اعرف واحد من العمال يعمل مع ناس مياه القصيم اها الزول دا مراته جاءت عمرة..وبعد اداء المناسك
قطع ليها تذكرة فى بص الحملة...وعند الطائف طلع عليهم عسكرى مسلط ...من دون اى مقدمات قال للمرة هاتى هويتك...الراجل قال للعسكرى دى مراتى و جاية عمرة...اها مودها الرياض...
السودانى كان قلبه قوى على طول راح للضابط..وقام قال ليه..دى مراتى ودا عقدها الشرعى ..اها يامولنا امشى بيها الرياض ولا امشى بيها السودان ترا انا لى منها اربعة سنوات...اها الضابط طلع زول ود ناس قال ليه..اتوكل على الله واركب فى بصك..الله يستر عليك..من ناس الرياض
اخونا بقى مروق...اجر ليه غرفة فى الحى الجنب الشغل..وطربو الهنبريب....
اها ودعتك الله
| |
|
|
|
|
|
|
| |
abuguta
ابو عثمان
JAD
قرشـــو
ABUHUSSEIN
شمهروش
EMU إيمو
فيس بوك
تويتر
انستقرام
يوتيوب
بنتيريست