|
دعواتكم لزميلنا المفكر د.الباقر العفيف بالشفاء العاجل
|
|
 Re: ذكريـــات... تاجر شنطة..حلفا..مصر وبالعكس.. (Re: abuguta)
|
كرهت مصر وجلسة السد..
وقساوة اهلها التى تحرق
الكبد..
وادكرت طيبة لاهلنا
كانت تقى المرء
من الجوع والبرد..
ــــــــــــــــــــــــ
جميل لاحد هنا كويس متفقين
{سييب المرمطة
وشغل رعاة الابل...)
بدأ يتنكر ...
أها ياخوى مالم رعاة الإبل ! ؟
هسع ماكنت قاعد معاهم بى غادى .
لك التحيةوالإحترام
| |
 
|
|
|
|
|
|
|
|
Re: ذكريـــات... تاجر شنطة..حلفا..مصر وبالعكس.. (Re: حليمة محمد عبد الرحمن)
|
حليمة
قريبتى الامحمدية
طلتك تزيد المكان رونقا وجمالا
شكلة القنطرة
فى احدى المرات وانا نازل فى الاوبرا صحيت مبكرا والدنيا( شبورة) يعنى المطر نازل خيف قلت امشى القنطرة شرق وهى اقرب منطقة لبورت سعيد..ما فيها جمرك.تقع على قناة السويس وصلتهابعد الساعة 12 ظهر.. بداية فتح السوق والاجواء ملبدة بالضباب وجدت فيها طلاب سودانيون فى محطة التاكسى عاملين ليهم شكلة ليها ضل...مع احد التكاسين..فلت لاحدهم احرس الشنط وخلى البقية يدقو اولاد بمبا...لان اغلب الجمهرة دى حرامية ودايرين يسرقو عفشكم ..وانا بجيكم اسى وبفك منكم الحصار دا..وجريت لاخوالى من غرب السودان وقبل ما يقزقزو قنا الرواكيب...سحبت منهم 6 قنايات على عددنا وجيت جرى...فتفرقت الشكلة.مع كلمات المصارة الظريفة وصل الامداد...فودعت اولئك الطلاب الذين لا اعرفهم من قبل ..اها الجماعة دى تذكرونى بعد نصق ساعة من مشوار رجوعهم للقاهرة جو راجعين تانى يفتشو لى بتكسيهم فى ازقة السوق ,فقالو لى نحن ما بنمشى الا نسوقك معانا ممكن الجماعة ديل يغدروك...قمت سقتهم وعرفتهم باخوالى.. من الجنينة مقيمين هنالك ناس محترمين ومسالمين ولكن عند الباس بتقلبو عفاريت ...امشوا فى طريقم ولا تخافو على...ما بعرف ياربى لسع الناس ديل موجودين فى القنطرة وبمارسو نفس تجارتهم ديك...ومين البشيلها منهم فى عهد الانقاذ المتقلب...هم تجار افرنجيبن يعنى بستوردو او بتجيهم الاقمصة والبناطلين مهربة من الميناء..انا زبون معتمد وصديق دائم لهم ,عندهم رواكيب نفس التى لهم فى سوق ليبيا قبل الحداثة....مقيمين سنينا عددا فى ام الدنيا من قبيلة الزغاوة....
لى طريقة عجيبة فى تهريب الاقمصة والجزم عبر اسوان...لانهم لا يسمحون لنا بالعبور الا بدستة واحدة ومشكلة...فى اغلب الاحيان بعد ما احضر الاقمصة منزوعة الاكياس ...بدخل كل اثنين فى بعض...ثم بكون قد اشتريت 3 ثياب ملايات فى الثوب الواحد 27 ملاية بقطع كل 3 ملايات مع بعض...ثم البد فيها الاقمصة ..وفى كل نهاية شنطة بضع ملاية.. ثم نجى للجزم التى كنت بشتريها من دكان عمك رمضان فى شارع الموسكى قبل فندق فلسطين..وهى كلها طلبات...اغلبها مقاسات كبيرة مما يربك صاحب المحل ...مقاس 47 و 46 و45...اها بقى المقاسات دى ممكن ادخل فيها مقاس 44 و43 24, ثم ادخل.فى الاتنين مقاس 41 و40 و39..ثم اربط كل جوز حزمة سوا ..يعنى الربطة بكون فيها ثلاثة جزم كاملة..عشان لو ضاعت شنطة او فقدت ربطة جزم ما تاثر على البقية...وتكون الخسارة كبيرة....البناطلين طبعا كانت الموضة من ماركة كشريل كورية الصنع ..ثم نلقط الهدايا وبعض مراسيل الاهل الخاصة...والادوية المعدومة فى السودان..مثل حبوب السكرى والمصران .ثم الهتش وملابس داخلية دى كلها لزوم التغطية وكدا ..وسجائر مارلبورو وكيلو باترا...ثم نمشى رميس وناكد الحجز...اما بالمجيرى او الريجدانى او القشاش او التملنادو....ياربى انا خلطت قطارات مصرية مع هندية ما عارف...المهم كلها وسائل سفر....هكدا ينطلق القشاش محاذيا النيل ,صوب الجنوب..مع كواريك الصعايدة القلظين الدشنين الحنينين.وموسيقى صوت البط والدجاج .ندخل اليوم الثانى ظهرا اسوان ..ثم نعسكر فى السد, ونضع عفشنا جنب شلة درزية كانها لا تقادر مكانها نرتاده نهارا ونفارقه الى اسوان ننوم فى احدى فنادقها الرخيصة ...ونبقى فى طريقة للحجز للسفر وكيف نتحصل على تزاكر باى طرق والناس فى السد متظرة ليها شهر...ولكن ازا تعسرت حلية الطرق العديلة انا والشلة لنا طرق عجيبة وغريبة فى دخلول المينا بدون تذاكر ودخول الباخرة بدون تذاكر...ولما نكتشف من قبل ادارة الباخرة,يفرضون علينا غرامة مع قيمة التذكرة ..وبنداغل فى دفعها بالمصرى لان بالسودانى ارخص ياربى من زمان قروشنا دى مهانة ليه ما عارف. ,كانت اسماء البواخر وقتذاك سيناء و ساق النعام.وبعض الهوالك مثل 10 رمضان و26 اكتوبر ..وكنت اجد نفسى فى ساق النعام مع انو طاقمها مصرى والاسم ابنوسى...لذا لما نكون مسافرين بيها المشورا بكون قصير..وهى مسافة 14 ساعة بحرا...وبعدها ندخل ميناء حلفا..وفى الباخرة قبل النزول يتم تبديل البضايع..مع بعض .عندك اقمصة اديك بناطلين, ما عندك جزم اديك ملابس داخلية..لو ما شايل كدا بديك كدا...ودا كلو لزوم الهروب من الجمرك....وكلنا طلبة...معنا بطاقة جامعة بيروت التى عمرى ما زرتها..ولا بعرفها هى بوين...لكنى مستمتع بامتيازات الطلاب...التى تكلفنى مسلتزمات الحنكشة تلميع ,عطور...وتى شيرتات ..حتى يصبح مظهرى طلابيا .ولكن فعائلنا لا توحى باننا طلاب...لكن حكمة الله بالغة..اكثرنا انحرافا..مدخن سجائر...ما بندخل سينمات او اماكن سياحة الا فى اسوان..حيث الهداوة والروقة والانتظار.ثم نسهر فى الكورنيش ونركب الحنطور...ونتامل حدائق احمد شوقى التى ذكرت فى شوقيات..ما بعرف ليه انا عاوز اشوف النيل فى كل قرية او مدينة ازورها فى مصر ..وفى السودان ما خطر ببالى ازوره يوما الا لما كنا صغار بنمشى ود بلال منطقة سياحية على قدر حالها بالقرب من القطينة ....ونحن فى الباخرة بعد الساعة العاشرة صباح من اليوم الثانى . نصل الى مناء حلفاء وهو عبارة عن صنادل تتحرك على حسب منسوب النيل..ونراى رجالات الجمرك السودانى..وكل فينا له علاقة مع احدهم...او له وصية او هدية لاحدهم ...مما يسهل علينا عملية الخروج والمخلص...وعمرى ما دفعت رسوم جمرك ..هل انا محظوظ...ام انا زول غشاش وصاحب حنك بيش ..
مع انو بحمل بضايع تستحق الجمرك...ولكن كنت اراه ...حقىا من البلد ..قبل ان يدخل الى مسامعنا مصطلح جديد.يسمى .نصيبى فى الثروة..ودا طرفى من السلطة...
طبعا راجعين
اليوم مافى دوام
(عدل بواسطة abuguta on 03-24-2007, 05:31 AM)
| |
|
|
|
|
|
|
|
|
|
Re: ذكريـــات... تاجر شنطة..حلفا..مصر وبالعكس.. (Re: abuguta)
|
بت طلحة رئيسة ملكوك الديرة
المقصودين مو عرب بطانة دميرة
ود الشلهمة لو شافها بمهل تصويرها
بشيل مدفعو ..بزعل...يتم تدميرها
ــــــــــــــــــــــــــــــــ
أب قونة صح لسانك
البدخل دارك مابمرق يابس
مرقت لى بى سماحة غنوة غنوة
صدق من قال :ـ
( نازع ولا تغيب عسى تحصل نصيب )
| |
|
|
|
|
|
|
|
|
|
Re: ذكريـــات... تاجر شنطة..حلفا..مصر وبالعكس.. (Re: على محمد على بشير)
|
الاخ على محمد
شكرا لك على نكت البوست من عجلة البورد المتحركة..طبعا كنت اريد ان اواصل فيه..لكن قطع تلك الذكريات..مؤتمر القمة..وانا اكره دخول النت عبر dail up...لانه مثل السيارات الهكر فى شارع الملك فهد السريع..ولكن قلنا ان هذه التداعيات قبل الانقاذ بشوية..يعنى ليها 18 سنة..
وهى لم تكن مكتوبة من قبل..لكنها محفورة داخل ذاكذة المخ اتى مرت عليها تعاقب الزمن
والنسيان..وكنت قايل بجد من يساعدنى فيها احد رفقاء السكلة..لكنهم مازالو بعدين عن النت..
يس انت اربط بييه والبوست الموجود ادناه..سوف تجد القطار تحرك شرقا
ودى لك..
خليك قريب ياحبيب
ســفريات تاجر شنطة...حيدر اباد..بومبى..سعد قشــرة
| |
|
|
|
|
|
|
|
|
|
Re: ذكريـــات... تاجر شنطة..حلفا..مصر وبالعكس.. (Re: abuguta)
|
ابوقوتة ...
اولا السماح اني ما جيت بجاي من بدري ؟ انشغلت مع عرريبا صحبي (ود شيقوق) بعمل ليهو دعاية لا انتخابية وفاتتني حاجات كتيرة اهو هو نجح في الانتخابات وانا ساقط ككل اهل الدوائر الانتخابية في بلاد عرريبها بيكتبو كلام سمح زي نضمك الفوق دة ... بعديين انا جيت اتاووق لقيت اهلي كلهم هنا ملكات زي سمية وكنداكات زي حليمة وشيوخ زي احمد ابو حريرة وناس زينيين زي حيدر والاخوان الباقيين ... اها بشان ما تقول الحلفاوي بس شاف اسم "حلفا" جا ناطي ... انت كتاب وزولا ختيير وتطير الانقاذ الخلتكم برة المنهج التعليمي والادبي في بلاد كلها انهار وناسا عطشانيين ....
| |
|
|
|
|
|
|
|
|
|
Re: ذكريـــات... تاجر شنطة..حلفا..مصر وبالعكس.. (Re: abubakr)
|
| Quote: انت كتاب وزولا ختيير وتطير الانقاذ الخلتكم برة المنهج التعليمي والادبي في بلاد كلها انهار وناسا عطشانيين .... |
صديقى المهندس المخضرم فى عالم الكوبوتر
ابوبكر..الرطانى
نشكرك نيابة عن العروبين القاص منهم والدانى..على الدعاية التى كلفتك جهدا من وقتك الجهبز..وبعدين ود شيقوق دا ظااااتو مرشح وين...فى دائرة النهر الجاف..ياخى والله انا متاسف طولت ما تداخلت معكم مع انو من المكتولين فى مداداتكم الاخضر منها والناشف ..ثم انى اشكرك على تشيعك لى فى تلك الخطرفات..التى اسهمت بلادكم فيها خير اسهام..فانا من عشاق حلفا حتى فى زفرة اهلها حين يتريقون علينافى عيارتهم الشهيرة وصل قطر السودان..فانا فسرت كلامهم بما اقطتفت من حديثك لمازا نهاجر وبلد كلها انهار..والبشير يكبر فى احتفال لبيارة فى غرب ام بدة..
ياخى سلمت يداك
ودمت
| |
|
|
|
|
|
|
| |
abuguta
حليمة محمد عبد الرحمن
حيدر حسن ميرغني
Ahmed Yousif Abu Harira
A.Razek Althalib
على محمد على بشير
abubakr
فيس بوك
تويتر
انستقرام
يوتيوب
بنتيريست