انا معارضة....انا معاردة...انا معاندة
كنت طالبا بشبه القارة الهندية معارض كبير ضد الكيزان كتب فيهم شكرا كان مسطورا على حوارى ومقاهى مدينة بونا وناغبور..حفظه كثيرا من الشباب فى روؤسهم وتغنى به بعضهم ..واصبحت شاعر وطنى ذو حس مرهف مع المواطن المغلوب على امره...كنت خائف من الذهاب الى السودان لاننى مصنف من ضمن المطلوبين .وحين وصلتنى تذكرة واشارة من اخى الاكبر بان اغارد الهند الى السودان بعد 6 سنوات مكثتها فى ارض المهاتما غاندى...مارست فيها كل انواع العنف مع الكيزان..ولكن قاعد التقى معهم كثيرا التقى معهم فى الصلوات..والتقى معهم فى مراسم العزاء والافراح ولاعياد الوطنية..وميادين كرة القدم هذا على المستوى الناغبورى اما على المستوى البونى..فكنت لا ارد عليهم السلام لو احدهم سلم على ولا اجالسهم فى المقاهى ولا اركب معهم فى المرافق العامة...وحين ذهبت الى السودان واصتف الجميع لنيل تاشيرة الدخول كنت فى منتصف القادمون ..فالضابط المباشر اشارة نحوى بان اتقدم فقلت فى نفسى مالى والشعر والنضال...اسى الزول دا لو كلبشى واخدنى الى بيوت الاشباح ولماذا لم ينادى الشيوعى الذى كان واقف خلفى...ولكن اذا به يختم على جوازى ويقول لى حمد لله على السلامة...وغادرته الى صالة الجمارك ومنها الى خارج الصالة حيث كان ينتظرنى اخى الصغير ومنها لبيت اختى فى حوارى الخرطوم...وكنت شارد الزهن مع ذلك الضابط الذى اختارنى من جملة الركاب وفى المساء دخل علينا ذلك الشاب بزيه المدنى ويسلم على مرة اخرى فى بيتنا فقلت له كيف عرفتنى فقال لى من صورتك المعلقة فى الصالون.فكان الشاب هو ابن جيرانا..ومنها انخرطت فى حوارى الخرطوم وابقوتة ولم اسمع عن نضالى ولم اقابل زملاء النضال ولا حتى من ناضلت من اجلهم فوجدت نفسى اواجه همى هو طريقة البحث عمل يتماشى مع تخصصى وبعد عناء.. جائتنى هذه الاقامة التى غادتنى الى نضال المنافى..والمكابدة والهموم فى سبيل تحسين الوضع الاسرى الصغير واحلامى الظلوطية كل ما ابصر بصيص نورها تتلاشى وسط الظلام....فدخلت علم وعالم النت...ومنها المنتديات وانجرفت الى سودانيز اون لاين...فوجدت ضالتى..ولكننى جئتها فتران وقرفان وعارف هذا نطال يتوارى خلف الحيطان ويغيب مع ضربات الكى بورد اكتب هذه الخاطرة وانا فى الدوام..وساقنى اليها فجر يوم امس وانا اقلب فى قنوات الدجيتال... فوجدت القناة السودانية وما كنت اظن لها بث فى هذا الوقت ..فكانت دهشتى حين وجدت ضيوفها هم مناضلين ومعارضين قد شتمو الانقاذ فى زمن سابق وقالو فيها ما لم يقله مالك فى الخمر.. مبارك الفاضل وعلى الصعيد الاخر اللواء عبد الرحمن سعيد....فداهمتنى لحظة كآبة وحزن على هذا الوطن المسكين....فاليوم مبارك الفاضل والهادى بشرى حين يعودون من خارج الوطن تسمعهم يهليلون ب الله اكبر الجديدة ...فياترى هذه الكلمة زاحفة على عبد الرحمن سعيد وقادة المعارضة الاخرى...ومناضلين وطن الشتات...؟؟؟؟؟؟؟؟؟ ابقوتة فى نصف الدوام (عدل بواسطة abuguta on 09-18-2004, 11:57 PM)

09-19-2004, 00:14 AM

ود الشيخ

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا معارضة....انا معاردة...انا معاندة (Re: abuguta)

Quote: فالضابط المباشر اشارة نحوى بان اتقدم فقلت فى نفسى مالى والشعر والنضال...اسى الزول دا لو كلبشى واخدنى الى بيوت الاشباح ولماذا لم ينادى الشيوعى الذى كان واقف خلفى

والله يا ابو قوته دي بالغت قوقها
يا اخي داير افطس من الضحك

(عدل بواسطة ود الشيخ on 09-19-2004, 00:49 AM)

09-19-2004, 01:19 AM

abuguta

abuguta
تاريخ التسجيل: 04-20-2003
مجموع المشاركات: 8276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا معارضة....انا معاردة...انا معاندة (Re: ود الشيخ)
ود الشيخ نحن بنتشابه كتير مش فى الشنب وبس... لكن فى الطلح والشاف والطنندب واللعوت... طبعا انا بعرف السفروق وارنب الخلاء وحصل حلبت العنز فى ايدى وفى كباية الطين وعملت قراصة بالبعر بدون طوة يعنى على الارض اسمها ام دير..وشربت لبن الحجر..والجبين جوبن عمى حمدان.. جوبن لبن.. الضان جوبن واكلت اللبى... وركبت فى العبوب...واكلت الكسرة البايته... وبعدها سافرت الى الهند ودخلت علم الكوبيوتر انا كنت بخاطب فى جدى..عشكوب ود امحمد امام وهو زولا ولد فى بحر ابيض اسعال بحر اللبيض الفياض عن زولا فضايلو عراض كان بلبس البياض وكان اكله كله بياض... دكك بقر لليلة اثاره قاعدة هناك بنات خضرة بتلد تيمان اللبن غرق الوديان متلابا تقول غزال ما ربطوه فى حيشان ومانفخوه وسوه عبوب... وانا الليلة يايابا فى بلاد الهند اتغربت واتبهدلت وبضرب طولى بالمقلوب... وبدرس فى دراسة الجن وبكتب من شمال ليمين وببرمج فى مكائن الحاسوب لكنى عديل وماشى عديل ورابط رقبتى بالمنديل وما بعرف جلسة المشروب... ود الشيخ انا كتير مبسوط على مداخلتك

09-19-2004, 00:39 AM

حمزاوي

حمزاوي
تاريخ التسجيل: 10-10-2002
مجموع المشاركات: 11622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا معارضة....انا معاردة...انا معاندة (Re: abuguta)
اخي ابوقوته السلام عليكم تعرف يا اخوي طلعت ود حنكوش تدرس في الهند وفي المطار ما تقيف في الصف وما يعتقلوك وسكنت في حواري الخرطوم وعندك احلام ظلوطية وعندك اقامة وبتدفع الضرائب والزكاة والدفاع والمذياع والفضائية والطيرانية والخدمات واخرى والذي منو وتقول لي انت ما حنكوش

09-19-2004, 01:26 AM

abuguta

abuguta
تاريخ التسجيل: 04-20-2003
مجموع المشاركات: 8276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا معارضة....انا معاردة...انا معاندة (Re: حمزاوي)
حمزاوى واحد حنكوش لابس طربوش عامل زى بوش اكلوه بوش راسه بقى يدوش عنفض زى الدحوش طفر الحوش اجى يابوش شكرا يابلد

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]