دعواتكم لزميلنا المفكر د.الباقر العفيف بالشفاء العاجل
|
|
 انا راجع اشجع فريقى الاصلى ..زعلتى فكت..وداعا ايها الهلال
|
معليش ياهلال
ومعليش ياناس الهلال
انا اصلا وفصلا
جدا وحبوبة
ابا واما
مريخابى ..بس كنت زعلان منهم
اها الليلة انا رجعت لرشدى وراجع لفريقى
الاحمر الوهاج
سيد البلد
قاهر الابطال
زعيم افريقيا
مفتفت القطن
مشلفت الشلف
مشيب الشباب التنزانى
معور كوارا
اكل الدولفين
هازم الاسماعيلى يشرف مستحق
متصدر الكنفدرالية
ومركب الناس التونسية
حتى فى بطولى العرب
ناصب الشراع
هازم الرفاع
من غير دفع ولا باع
انا راجع للمريخ
وقولى فصيح
كاساتو دهب مو صفيح
لا بهزم بمساعة حكم
ولا شيخ ضريح
وداعا ايها الهلال
شكرا لكم كنت غاشيكم ساى ياناس الموج الازرق
زعلتى فكت من اخوتى المريخاب
ابو لدن
مريخابى زعلان
|
|
 
|
|
|
|
|
|
|
|
Re: انا راجع اشجع فريقى الاصلى ..زعلتى فكت..وداعا ايها الهلال (Re: عمر الفاروق)
|
Quote: ده حالتو كورة المجد السوري ؟
يعني يوم كورة النجم الساحلي أظنك حا تقول انا بشجع فريق حِلّة ورا |
ياعمر ياهوى امسك عليك لونك الازرق وهلالك
انا راجع لونى الوهاج
كاساتو لا صفيح لا صاج
ضد...العسكر شبه ابعاج
رئيسو معارضة عديل
ومعاى دينق ود النيل
سيبك من الهلال الخميل
حظو كلو منيل
ما عندو كاس محمول
ولا بلعب عرض وطول
فريقى محلى
لا بكيف لا بسلى
كانهم بلعبو فى البلى
المريخ ناسو رجال
تصدرو بطولة الابطال
وهزمو الاسماعيى البطال
نحن ما بنعرف مساعدة حكم
لا بنعرف ظلمنى وظلم
فريق القلم والفهم
وداعا يافاروق
وهلالكم االمعاندو طايوق
ساهتف باعلى الحلوق
فى الشوارع والسوق
مريخنا فوووووق
باع
| |
|
|
|
|
|
|
|
|
|
Re: انا راجع اشجع فريقى الاصلى ..زعلتى فكت..وداعا ايها الهلال (Re: سامى عبد الوهاب مكى)
|
Quote: ما قنا ليك
عقبال الباقين |
سامى
هينرى ترك الارسنال ومشى البرشاو قال ما ممكن يقعد مع فريق ما عندو بطولات
انا اسى تركت فريق ما عندو كاسات غير التصنيف
بالله التصنيف دا باكل عيش
انا عاوز كاس ارسو قدامى ,,واباهى بيه يوم المباهاة
اسى لو زارنا فريق البرشا نوريه شنو
عشان كدا مع المريخ عندنا كاسات كتيرة
كاس اقوى دورة فى افريقيا سيكافا
كاس دبى الذى هزمنا فيه 50 فريق
( صحى 50 انا زول جديد وورونى الخطاء وين)
وكاس الكاف الاخير( دا عندنا ام لا)
الرسول فوقك ارسل لى ( كتاب المادىء الوفية لدخول المريخية)
عشان ما يلمو فى ناس الفاروق ويطيرونى منكم
تذكر لما تتجند ليك زول فى حزب اخوان مسليين او انصار السنة
او الجمهورين مش بدوك كتب صغيرة تسمى الرسائل
ساعدونى ياجماعة اخوكم باقى ليكم جديد لنج
| |
|
|
|
|
|
|
|
|
|
Re: انا راجع اشجع فريقى الاصلى ..زعلتى فكت..وداعا ايها الهلال (Re: abuguta)
|
| Quote: قشة ماتعتر ليك و ربنا يديم افراحك |
عبد الغفار
انا بشجع فيكم كم سنة
كاس واحد ما تجيبوه لى
اها فتكم للعراقة والاصالة
اول فريق سودانى
وامدرمانى
كان اسمو المسالمة
ثم الظبية
ثم الكوكب
ثم النجمة
واخيرا المريخ
كثرة الاسامى تدل على عظمة المسمى
فريكم اسمو الهلال وبس
اسم واحد ,,حتى الوانكم ما جميلة
اسى شايف ليك واحد بلبس ليه قمبص ازرق ولا ابيض
كل الدنيا حمرا
كل الدنيا صفرا
حتى لون القمرة
والموية والخمرة
| |
|
|
|
|
|
|
|
|
|
Re: انا راجع اشجع فريقى الاصلى ..زعلتى فكت..وداعا ايها الهلال (Re: waw)
|
الاخوة المريخاب حبائبى الجدد
سامى
ابوعبيدة
حاج حمد
واو
كدى الحقونى من كلام تاج السر المظلل تحت
صحى فريقنا المريخ ما حصل هزم برا غير نقطة الاسماعيلى المحمولة جوا
كدى افتونى قبل الزول دا ما يلخبط على عقلى
Quote: اولا : هل الهلال فريق لا يهزم ؟؟ ومتى كانت الأندية السودانية لا تنهزم خارج ارضها؟؟
هسه غير تعادل الهلال النزيه فى تونس وتعادل المريخ غير النزيه فى الأسماعيليه متى تعادل أو كسب فريق سودانى خارج السودان ؟؟
الناس دى موهومه !! |
| |
|
|
|
|
|
|
|
|
|
Re: انا راجع اشجع فريقى الاصلى ..زعلتى فكت..وداعا ايها الهلال (Re: hajhamad)
|
ابوقوتة
يا ابن العم
ماهذا الهزيان .. ما عهدنا فيك نفاقا
ولا ريبة صهيونية.. كيف طوعت لك نفسك
بابالانزلاق الى هذا المستوى المتواضع
وانت الذي كنت تحلق معنا بعيدا في الثريا
على متن طائرنا الازرق العاتي...
لا تبتئس ياخي لم نهزم امس الا لنصعد غدا
الى نهائي دوري الكباررررررررر مش الصغار
وسيفوز الازرق العاتي بالكاس رغم انف احفاد
يهود بني قريظة... فلا ترضى الدنية ابدا في
هلالك العظيم عظمة ابنائه الاوفياء الاتقياء
الانقياء صفوة خلق الله في هذا البلد
| |
|
|
|
|
|
|
|
|
|
Re: انا راجع اشجع فريقى الاصلى ..زعلتى فكت..وداعا ايها الهلال (Re: نادر محمد الراضي)
|
ابو قوته
مساء الخير
ومرحب بيك في الاعالي ويادوبك حتحس بالنشوة والفرح الدائم .
نادر الراضي
يارائع
Quote: عارف العاجبني في الموضوع شنو يا أبوقوتة...
إنك عايش دور الندمان والثائب لي رشدو بأسلوب جيد ....
لكن المشكلة إنو نحنا ما بتخيل علينا حاجات زي دي ...
ألعب غييييييرها يا عمك ... |
يانادر المثل بقول باري الكضاب لي خشم الباب وانا حاسي انوا حبيبنا ابو قوته صادق في عودته كدي النديه فرصة وبعدين بعد مباراة النجم الساحلي المحسومة مسبقا نشوفه يقول شنو ...؟
هارون دياب
| |
|
|
|
|
|
|
|
|
|
Re: انا راجع اشجع فريقى الاصلى ..زعلتى فكت..وداعا ايها الهلال (Re: abuguta)
|
بيان هام
لا تترقبوه لا حاجة
هسي دي بتشو ليكم!!
تمت تجربة اساليب الاستتابة على المدعو ابقوتة وجأت النتيجة كما يلي:_
بعد النقع بالجاز والشخت بالكبريت والشر في الشمس اتضح انه لا رجاء لتايبهم فهؤلاء القوم
مصيرهم ثابت
وفريقهم هابط
ومشجعهم جنو يتعابط
وقونهم متمارض
واستادهم مدفون فيهو اكبر عارض
عليه ننصح باتباع الاتي:
أن ينقع في بنزين
ويغسل سبع مرات بالطين
ويكحل بدموع مالك الحزين!!
وياخد ليه شحطة شحطتين!!
لو وقف يبقى متعود
ولو شرد ربنا يعوض
لقيتوني كيف!!
رئيس مجلس إستتابة الهلالاب الزعلانين من سنة تلاتين!!
إلا تاج السر لاتوبة له
| |
|
|
|
|
|
|
|
|
 Re: انا راجع اشجع فريقى الاصلى ..زعلتى فكت..وداعا ايها الهلال (Re: mohanad haimoura)
|
Quote:
أن ينقع في بنزين
ويغسل سبع مرات بالطين
ويكحل بدموع مالك الحزين!!
وياخد ليه شحطة شحطتين!!
لو وقف يبقى متعود
ولو شرد ربنا يعوض
لقيتوني كيف!!
رئيس مجلس إستتابة الهلالاب الزعلانين من سنة تلات |
لقيناك ياصاحب السموكده .
وللقوانين انت مقدده ..
وديارنا معاك متسيده
ومتسدده ..
بس نسالك الفدا ..
فابقوته هذا عزيز قوم لانرضى له الذل..
وقد استاجر بكرم ديارنا الوافر
و بمجدها الظافر..
وعزها الظاهر ..
للغاشي و العابر ..
فهلااستثنيته.ياصاحب السمو ..
| |
|
|
|
|
|
|
| |
abuguta
عمر الفاروق
نادر محمد الراضي
abdulgafar mohd saeed
أبو عبيدة البصاص
hajhamad
طلحة عبدالله
haroon diyab
mohanad haimoura
شهاب الفاتح عثمان
فيس بوك
تويتر
انستقرام
يوتيوب
بنتيريست