دعواتكم لزميلنا المفكر د.الباقر العفيف بالشفاء العاجل
|
|
 العـــــــــدس
|
روي الإمام البيهقي عن رسول الله( صلي الله عليه وسلم) انه قال في العدس: أكله يرقق القلب, ويدمع العين, ويذهب الكبر والعدس نبات عشبي, حولي, من نباتات المحاصيل البذرية وهي نباتات عشبية من ذوات الأوراق المركبة الريشية, أو الراحية, أو الثلاثية, وثمارها قرنية, وبذورها عديمة الإندوسيرم, وتشمل العديد من نباتات المحاصيل
<من مثل الفول, البلاذلاء, الحمص, الفاصوليا, اللوبيا, الترمس, والفول السوداني, وفول الصويا, والحلبة. وزهرة العدس بيضاء اللون مشربة بالبنفسجية, وثمرته من البقول قصيرة, مفلطحة, تحتوي علي بذرة واحدة أو علي بذرتين, وللبذرة قشرة بنية داكنة تحوي فلقتين بلون برتقالي ضارب للصفرة. وتحتوي حبوب العدس علي نسبة عالية من البروتين(24%), والكربوهيدرات(26%), والدهون(1,4%), بالإضافة إلي نسب متباينة من مركبات كل من الفوسفور, والمغنيسيوم, والكالسيوم, والناتريوم, والبوتاسيوم, والحديد, والمنجنيز, والزنك, والنحاس, ونسب متباينة كذلك من الفيتامينات أ, ب1, ب6, ج, د, وأعداد من الهرمونات والإنزيمات.
والعدس المستنبت تتعاظم فوائده مرات عديدة حيث تتضاعف فيه نسب كل من الفيتامينات والهرمونات والإنزيمات مع التميؤ المصاحب لعملية التبرعم, وتتحول إلي مركبات أكثر سهولة لاستيعاب جسم الإنسان; وإن كانت عملية استنبات العدس تحتاج إلي مراقبة جيدة لأنها لو تجاوزت الوقت المحدد ظهرت الأوراق, وبظهورها تفقد البذور جزءا من قيمتها الغذائية, وحبوب العدس المطبوخة لها قيمة غذائية كبيرة, ونابتها يمثل علاجا لكثير من الأمراض من مثل فقر الدم, وقشرها يعالج الإمساك, ويعمل علي إدرار البول, وهو مضاد لكثير من الفطريات ولذا فإنه يساعد علي حفظ الأسنان من التسوس, ولصقات وكمادات معجون العدس المسلوق تفيد في علاج الالتهابات, والجروح, ودماميل مختلف القروح.
والعدس من النباتات المعروفة منذ القدم, فقد عرف في معظم الحضارات البائدة, وعرفه قدماء المصريين, وجاء ذكره مرة واحدة في القرآن الكريم حيث يقول ربنا( تبارك وتعالي) مخاطبا قتلة الأنبياء من حثالات الأمم ونفايات الشعوب لليهودية وإذ قلتم ياموسي لن نصبر علي طعام واحد فادع لنا ربك يخرج لنا مما تنبت الأرض من بقلها وقثائها وفومها وعدسها وبصلها قال أتستبدلون الذي هو أدني بالذي هو خير اهبطوا مصرا فإن لكم ما سألتم وضربت عليهم الذلة والمسكنة وباءوا بغضب من الله ذلك بأنهم كانوا يكفرون بآيات الله ويقتلون النبيين بغير الحق ذلك بما عصوا وكانوا يعتدون( البقرة:61).
والعدس من الأكلات الشعبية, علي الرغم من قيمته الغذائية والطبية العالية ولذا قال فيه رسول الله( صلي الله عليه وسلم) إن أكله يرقق القلب, ويدمع العين, ويذهب الكبر.
والعدس لم يكن شائعا في جزيرة العرب علي عهد رسول الله( صلي الله عليه وسلم), ولذلك يعتبر وصفه له من معجزات هذا النبي الخاتم والرسول الخاتم الذي وصفه ربنا( تبارك وتعالي) بقوله العزيز:
وما ينطق عن الهوي إن هو إلا وحي يوحي علمه شديد القوي النجم:3 ــ5
منقول
|
|
 
|
|
|
|
|
|
|
|
Re: العـــــــــدس (Re: ابوحراز)
|
أبو قوتة العزيز
لك تحياتي و مودتي
تشكر على هذه المقالة الشيقة و المفيدة أفادك الله بكل مفيد.
في منطقة بالسودان ، حوصرنا في عقر دارنا أسبوعين بفعل السيول و الأمطار ، فأكلنا العدس في الأسبوعين في الثلاث وجبات ( يعني إثنين و أربعين وجبة عدس ) دون كلل أو ملل. لو كانت أي أكلة تانية كنا حنملها.
تسلم أخي.
| |
|
|
|
|
|
|
|
|
|
Re: العـــــــــدس (Re: ابو جهينة)
|
حبيبى ابوجهينة
تحياتى
نحن ماكلين شحنات من العدس ,طبعا العدس سريع الطبخ وبطرق عدة ,وانا فى الهند بس ماكل كميات من اطنان العدس
وهو بحلك من الحيرة واحيانا نخلطه مع الرز ونضعه فى حلة الضغط و3 صفافير وننزله ونفتح فيه المروحة وعلى طول على الكلية
وتشكر ياشفيف
على الطلة
| |
|
|
|
|
|
|
|
|
|
Re: العـــــــــدس (Re: abuguta)
|
واتاري أنا اقول رقة القلب دي جاتني من وين.
بالله عدس الجن دا مبارينا من زمن الداخلية في الثانوي والجامعة وأيام الطيران والجري وراء الشغل ولمن اغتربنا ونحن مدورين فيهو. لمن قلبنا بقى أرق من الفطير ذاتو.
يمكن عمل العديد من الوجبات العدسية
أولاً إذا خلطتو مع الساردين والله يبقى شية عديل
وإذا نجضتو مع حبتين بطاطس وحبتين جزر وخلطتو يطلع مكرونة بالباشملي عديل
وإذا فتيتو وقطعت عليهو سلاطة دقاقة وأديتو جبنة بيضا وشوية زيت سمسم يطلع صينية سمك بالفرن عديل.
| |
|
|
|
|
|
|
|
|
|
Re: العـــــــــدس (Re: shammashi)
|
الباشمهندس أبوقوتة
عليك سسلام الله
العدس مفيد
وسهل عمله وطعمه جميل ولا يمل
ويحبه أطفالي
لكن كيف نسوي مع القولون والنفاخ ؟
انت مهندس
أنا داير رأي الدكاترة
| |
|
|
|
|
|
|
|
|
|
Re: العـــــــــدس (Re: abuguta)
|
ابوقوتة.......العدس ما خليت لو صفحة يرقد عليها............انا شخصيا ممكن اكون ماكل ما مقدارة تلاتة حواشات ونص عدس.........وطبعا كلامك في العدس دا خلاني ابكي .... لانو في زول اداهو حقو وحفظليهو جميلو.......جزاك الله عنا وعن العدس كل خير
| |
|
|
|
|
|
|
|
|
|
Re: العـــــــــدس (Re: سجيمان)
|
دكتور عادل
تحياتى
السودانين ديل كلهم مكونين من العدس....عشان كدا مرهفين بس السياسين
منهم ما بياكلو عدس
كدا شوف لينا قضية ودقاسم مع العدس دا شنو
وتسلم ياحبيب
سفوان
انت سودانى ولا زلمى....بس دى فاتت على ناس الانقاذ لو اتحلو من الورطة
دى وقعدوا كم سنة تانى...لا قدر الله .. ممكن يستفيدو من بوستى دا عشان يرقبو الشباب
فى الدفاع...
وتسلم ياوطنى
| |
|
|
|
|
|
|
|
|
 Re: العـــــــــدس (Re: abuguta)
|
عارف يا أبو قوتة
الشاعر المرهف اسحاق الحلنقي قال بياكل عدس ثلاث مرات في اليوم بعد الوجبات.
بالمناسبة ما تجوا نمسك أحمد البراي الطيب دا ونكتفوا ونرميهو في حوش مليان شوالات عدس لمدة ستة شهور أكان دمو دا يخف شوية وقلبو يرق.
لكن والله أنا خايفو يضرب الشوالات كلها ويطلع أكثر ثقالة .
| |
|
|
|
|
|
|
|
|
|
Re: العـــــــــدس (Re: shammashi)
|
الاخ شماشى
تحياتى
والله ياخوى زى ما قلت هو براى شديد ودا تانى شخصيه على الغناة السودانية انا عندى معاها قضية.
دا ياخوى لو اكل عدس
وركب فرس
شكله شكل حرس
الحلقنى دا مبدع عديل كدا
قال ابوصالح قال ليه
فى اغنيته
نجمة نجمة الليل بعده
وعيونك لما تنظر وين بوده
ابو صالح قال ليه قول عيونك لما تسرح ,لان السروح مفتوح والنظر محدود
ابوصالح دا اكيد كان بياكل عدس فى قهوة الزئبق
وتشكر ياحبيب
| |
|
|
|
|
|
|
|
|
|
Re: العـــــــــدس (Re: abuguta)
|
ابوقوتة
سلام
تحياتي لك
وانت تاتي لنا بهذة المعلومة القيمة
انت عارف من كثرت ما اكلنا عدس في الهند
الواحد خاف انو يكون فية مرض ولكن الحمدللة طمنتنا
اللة يطمنك
ايق دال ماسالا
ان ايق تندا باني
| |
|
|
|
|
|
|
|
|
|
Re: العـــــــــدس (Re: سلفر)
|
الاخ سلفر
شكرا
طبعا العدس اسمه الدال بالهندى زى ما عارف ,اشهره الدال الميسورى
واحلى شى فى الدال لما يكون بايت وتاكله الصباح وانت رايح الكلية
على طول تذوب رقة وتكتب خواطر
وهاك الدالية دى
الا هبى بدالك فاصبحينا
ولا تزرى خمور البنقرينا
وكاساقد شربت بكلكتا
واخرى فى دلى وفى بونا
وانا سوف تصلنا التذاكر
وانا مثلك ياخليجى مسافرونا
وقد اغتدى والناس فى اسرتهم
ببنفسجن خير المواتر لونا
وكم احضرت اللحمة من سدر
فسلقت البصل فصارت مسبكونا
ولقد حببتك يابلومة فافهمى
فان الحب اخره جنونا
ولقد ذكرتك والاسكريم فى يدى
وراس كونج ومنقاه الحنونا
ودت تقبيل الاسكريم لان داعب
شفتاك فى اليوم مليونا
اوتذكرين يوم حضورك حفلة
قبل النهاية قلتى الى جلونا
كل القلوب صارت تدق بدقة حذاك
وصارت كل الكراسى محركونا
وكم غيرت موترى عسى
انال رضاك ياذات العيونا
وكم رهنت جوازى عسى
اوفر وجبة فاكون ضمن الفايزونا
وكم كم ثم كم كم
وكم عزمتك فى المطاعم مثل ارجونا
ولو تركتك عفونا بنيتى
فان قومى فيك مكسرونا
ولقد خرجت وبارتناتى مرة
الى جقت فصار السودنة فينا محملقونا
ففاروا فورة فى من يليهم
وفرنا فورة فى من يلينا
فآبو بالسمبوسة منوعات
وجينا بالهنود مقرنينا
الا لا يعنكبنا احد علينا
فنعنكب فوق عنكبة المتعنكبينا
اذا بلغت البرلومة لنا اسبوعا
صار الكبار فيها مكسرونا
واذا بلغ البرلوم لنا يوما
ركب الياماها واللونا
ناغبور
| |
|
|
|
|
|
|
|
|
|
Re: العـــــــــدس (Re: abuguta)
|
يا أبو قوتة يا خوي الدال دا أصلك ما تشكره لينا ..دا زى الراكوبةفي الخريف هرا بطونا وقدر م تتحرفن فيهو الحرقان متحمدك ..في ناس كانوا بعملو ليهو لحيمات لكن ياهو زاتو الما بغباني مليون سلام يا رائع .
| |
|
|
|
|
|
|
| |
abuguta
ABUHUSSEIN
elsharief
ابوحراز
ابو جهينة
ودقاسم
سجيمان
BAKTASH
فيس بوك
تويتر
انستقرام
يوتيوب
بنتيريست