دعواتكم لزميلنا المفكر د.الباقر العفيف بالشفاء العاجل
|
|
 ابوقوتة..الشاعر الرعوى... يرثى صفوة البورد
|
اسامة ياخواض
ياشاعر الضاد..
لو فضلت البعاد
انا بقلبنى الرقاد
انت يارمز الانشاد...
ياخريج المعهد
شرق كلية الاحفاد...
عاوز تترك البورد
وتلحق الناس القلاد...
ديل ياخوى برالمة
وهو ذاتهم جداد....
كتابة الكى بورد
متعبة ..مش زى القلم
ابو مداد...
ولو فك كيبول منهم
تركيبه عاوز ارشاد....
عشان كدا هربو من رسالتهم
وفضلو الخلاء البعاد...
شغلة النت ياخوى
جديدة ومو عاوز ليه رواد...
العلم بقى فى الشوارع
مرمى زى قصب الحصاد..
مرة من منتديات عربية
وكمان اجنبية زى نجم السهاد..
بحث من محرك قوقول
امامك ادب كل البلاد...
انا عاوز علاء الدين
وكمان ود الشيخ الرزين
وسجيمان وبشاشا وجلال مراد...
ما تمشى ياخوى الخواد
وتبارى لى الناس القلاد...
هو مين القال عنهم قلاد
مفروضو يجلوسو معانا
فى السجاد....
يعلمونا فى الشوارع
فى الصحارى والنجاد...
لكن ترقى لبرجا عالى
وتقول نحن جيل الرواد...
كيفن تكونو انتو الرواد
اعقد معانا ياخواض
وما تبارى الناس القلاد...
العجب بتربع على
العرش وببقى ملك النقاد...
ابوقوتة يرثى صفوة البورد
|
|
 
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: محمد حسن العمدة)
|
ابقوتة
قنبلة الودالموقوتة
يا أبو قوته يا شاعر المنبر واللعوته..
ده رثاء سبقك عليهو سجيمان... في نفس المكان...
ده إنطباع يا أبو قوته يا شاعر المناسبة الموقوته...
كان أفضل تقول ساري الليل ده ماشي وين... بالله ده ماشي وين... بالليل..
فجيعة ... قطيعة تقطعني... أرباً حتت حته ... حته... يا حتاني..
أبو قوته إنت إتاريك ماك هين... ولاك لين...
أبو قوته... ما حاجة سهلة توهم سلوةً... بل حزازةً يهجانها... أخوانك في البورد وأشقى بها وحدي...
شن جاب القراب للبعاد... هناآآآآآآآآآآآآآآآآآآآآآآآآآآآآآآآآآك
غريب والغربة أقصى نضال... قريب وبعيد.... حضور وزوال....
كغسق الليل... وطلوع الفجر...
ولو لا ظلام الليل ما طلع الفجر....
لصق لصق... والشعر ديوان الغاووون... في كل وادي يهيمون...
يقولون ما لا يفعلون...... نميمون... مشاؤون...
قصيدة رائعة... ومزيد من الإبداع...
ابقوتة
يا قنبلة الودالموقوتة
الناقد... أنا ذاتي... ناقد..
هو التعيظ بتعلموه قال ليك بقروش... تعظ يا زول...
ولا حق الحياة للصفوة النخبوية وما دونهم رأيهم غير مأخوذ به...
ده منو الفيلسوف القال الكلام ده...
بالله عليك المرة الجاية جيب معاك المرجع... ورقم الصفحة عشان ما تخالف اللوائح الجديدة...
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: A.Razek Althalib)
|
ود الطالب
ياحلال المطالب
وغالب ذوات المخالب
البورد بقى فيه
موجب وسالب...
وناس فى القمة تحارب
وناس للعضوية تتطالب
ولو الزول ما عنده شارب
بركنوه فى الدواليب
انا نظرتى لناس البورد ديل قاصرة عشان كدا نظرتى تختلف..وانا حر فى نظرتى..مش
جميع ناس البورد..قدامى و جداد كبار و صغار....لو ما كانو مبدعين
وفى دواخلهم ابداع...ما كان استمروا فى البورد دا....اسى شوف ود الشيخ
دا بعد سنتين...من الابداعى الموضوعى اعرف انه شاعر ود شاعر
مش من اول يوم قال انا شاعر...انا عشان كدا معجب بالشخصية دات الشنب الدائرى
ومعجب بسجيمان وصورته الحجولة....ود الطالب شكرا للاطراء كلامك دا يخلينى اكبر
شوية شوبة واشوف نفسى فوق ...وشعرى زى عشكوب ابن وائل وعشكوب دا جدى الرابع
شكرا ياود الطالب
ونتقابل فى بطحاء الرياض الواسعة
ولك خالص ودى
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: saif massad ali)
|
ود عوج الدرب
انت عارف فى ناس فى البورد دا مبدعين خالص بس ابداع غربى لا يتماشى مع ثقافتنا العربية
وعقولنا الرخوة...طيب هم ما ممكن يغيرو عقولنا بالتالى ما ممكن يلقو زول يفهمهم
هم لو قعدو فى الواطه ...قالو نقراء فكرة الغرب ونحاول نبسطها بلهجتنا ولغتنا البسيطة ..كان الليلة بقو اعلام على راسهم نيران واحد ايام كان طالب بكتب ..قمة فى الشعر والادب يمشى يحشى راسه بافكار غربية بدل يطوعها وياخذ فكرتها يقوم يكتبها لنا قصائد طيب..انت مش عارف انو الادب دا كله اصلو عربى...بقى اندلسى واسبانى
وفرنسى ..بعد كدا مشو مبدعينا دول الغرب ولقو الابداع دا قايلنو اوربى
وانبهروا به....بالصورة دى لا بلقو زول يفهم ولا يصفق لهم...مساكين
ولقدام
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: abuguta)
|
ابوقوتة يا راعي ..
يازول ماك واعي ..
ترثي صفوة بورد؟؟ ياخ ماف داعي..
أسعالو امشي معاهو الديمة ليك ساعي..
والعندو فيك الراي ركبلو وش كرتون افراد واجماع..
المشا والجندر ..اسفيري والسايبر..نضالنا ضد عسكر ..كم مصطلح فارغ سموهو ابداعي..
القشة ما تعتر..كل الدرب اخدر ..بالله يا صفوة فارقونا بسراع..
خلولنا ابوقوتة وكم من قليب طيب ..مش مهم وضعو ..انشاء الله لو راعي..
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: abuguta)
|
علاء الدين قول معاي :
يا نسيم الشوق فهمني وقول
كيف بالفراق قلبه اقتنع
كم ترجينا وقصدنا الحلول
صمَّ أذنيه ورفض السمع
استاذ وليد :
كم مشينا وقربنا الوصول
وكم مشاء الحظ عنه انقطع
الصبر ابوقوته وانت منصور
واسأل الله الأحبة تجتمع
عمر الفاروق:
اسأل الله نسعد كل الفصول
والأسى والحزن عننا ينخشع
هي حال الدنيا أمامكم مثول
لابد من النزول مهما ارتفع
عبد الرزاق:
والختام بالصلاة على الرسول
وملائكة رب العباد تستمع
وصح لسانكم ما قصرتو والله
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: ود الشيخ)
|
Quote: عمر الفاروق:
اسأل الله نسعد كل الفصول
والأسى والحزن عننا ينخشع
هي حال الدنيا أمامكم مثول
لابد من النزول مهما ارتفع |
كبيرنا ود الشيخ :
كيف السعادة ونحن يشتمنا كم جهلول ..
غير الكلام ما عندو غير الالم والوجع ..
وكلامو شرحو يطول..
لملم حثالتوا اجتمع ...
زكرنا ابن سلول..
بنفاقوا جانا ورجع ..
كم رودا فينا تبول ...
بصنانا سووت بدع ...
الا الامل موصول ..
في كبيرنا زاد الطمع...
ود شيخنا يا موصول...
في سمانا ضووا ولمع ...
بتقول كلام مقبول...
ادعيلنا يوم الجمع ...
نتلم بيك ونقول...
بتقول كلام معقول..
وعشان زمنا يطوول...
بتتحرق زي شمع ..
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: abuguta)
|
ياابوقوته ياخوى
نحن كان ما ناس اسامه الخواض ديل كنا شتتنا من بدرى...
يابوى مساواه شنو؟
فى ناس ناقشه وفى ناس ما ناقشه..
فى ناس مفيده وفى ناس ما مفيده..
قى ناس مبدعه وفى ناس ما مبدعه...
فى ناس كشمشه وفى ناس ما كشمشه....
المنبر ده من غير ناس اسامه الخواض فرقه شنو من الجرائد الحائطيه
و منابر المراهقين و ناس الونسه وتقضيه الوقت..
عليك الله وفى ذمتك فى بوست مفيد فى تاريخ البورد ذى بوست الترحيب
بعبدالله بولا...اكثر من عشره صفحات من الادب و الفن والتاريخ و التراث
والدوبيت وغيرها ....
هل تزكر تلك الايام و الخواض و الفيا خاتينو قرض؟
هل تنكر انك لم تستفد من ذلك السجال!!!
انت بالذات يابوقوته كنت متكيف شديد.. و شويه شويه
اصبحت جزء من الملحمه..
هل تزكر مداخلات عبدالله بولا؟
وهل تنكر انك شخصيا اتفقت مع بشاشا لاول مره....
وبرضو عاوز ترثى الصفوه...
ياابوقوته ياخوى
فى المنبر بنقيس الناس بالشى القدموه للقراء...
وكل فى مجاله.....
شعر ادب قصه سياسه غنا مديح تاريخ فلسفه علوم صحافه
علم اجتماع علم نفس علم حيوان علم مناخ علم اطفال..
ظواهر انسانيه ظواهر طبيعيه ظواهر حيوانيه
مناظرات مكاتبات معاينات(وظائف)
مرثيات ومرخيات(جيش).......الخ
وبالعدم وفى حالة فقدان العضو لاى من المواهب اعلاه
يمكنه نشر المحبه و الوئام و صنع ابتسامه على الثغور...
ياابوقوته ياخوى
نحن كلنا ما واحد....
وما تبخسو لينا مبدعينا
الله يهديكم....
النصرى فى طريقه للنوم
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: saif massad ali)
|
| Quote: وامشي ليي قدام لمن تصل كتره الضقاله |
ذكرتنى ياخى ذكرتنى....تعرف انا تعلمت الشعر فى كترة...عندى ناس عمى هناك وكنت بزورها
وانا صغير...ولو قدرت على الكنار عن طريق المشاية تتراى لك ..القرى الشرقية مرصوصة
زى فناجين الجبنة....والشمس ضاربة من الخلف....والله منظر جميل
ولقدام....
يازول انت من القفيلة ولا شنو....
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: abuguta)
|
ابقوتة يا اخويا سيب الشعر انساهو...
كلامك في النثر بقيت دوام بقراهو...
بتقول حكم ودرر درب الصدق تبراهو ..
كلامك للنصري بالجد صحيح معناهو ...
حايبقا لي زكري وعلي الدوام بطراهو ...
والنصري زول فاهم حا يقدرو ويوعاهو ...
بعدين تعال يا اخوي طلعت ما ساهل ..زول ماسترو معاهو ؟؟؟
في البرمجة الشبكات بتهكر الايميل هوت ميلنا والياهو...
ابقوتة صدقني الله في ارض وسماهو...
ماشق حنكا ضاع لي رزقو اداهو ...
حبيبنا ابو قوتة كلامك سمح وشكراٍ ليك كتير ياباشا ..بعدين ما تتغشا فينا نحن ناس مساكين ساي وحيي الله بكلاريوس كمبيوتر لكن دايرين الماستر ...
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: ود الشيخ)
|
ياشيخنا الكبير في حضرتك طاب الجلوس..
وفرحنا بيك زي ليلة فيها تزف عروس ...
خليك معانا وجمبنا ما يتحشر بيناتنا سوس..
وحدتنا حلوة مطمنة نضربها امريكا روس...
ماهو المهم نتنبز احنا بس المهم الحق يسوس ..
راجنك يا شيخنا الكبير انت بتدوس بي وراك ندوس...
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: عمر الفاروق شيخ الدين)
|
والله بوست زي العسل
ما شفتو إلأ هسي
مشكور يا أبو قوتة على هذا الكلام المنظوم و كمان جوك فحول يقرضونه أصنافاً مقفاة رقيقة أمثال ود الشيخ "الكبير" و ود الفاروق و شوية كدة رزقة ذاتو حينم لينا و الشغلانة تبقى نم في نم و ياريت الناس تنم و تخلي النميمة و الفارغة و مقدودة.
بالله جهزوا لي قصيدة رثاء طويلة تكون بنظام المرابيع "مجادعة" ما بين أبو قوتة وود الشيخ و عمر الفاروق و بقية العقد الشاعري ، أصلو القوانيين جات و نحن ناس كشات سااااااي.
و أنا بديكم الكوبلي الأول و إنتو كملو عليهو:
أبو قوتة المشاء فارس النمة و الإنشاء
الكبير ود شيخنا نصير الفقرا و الضعفاء
و الفاروق وليد أم در حليل الوجبة قالو غداء
خويكم راح خويكم شاتتو الشمطاء
حليلو الكان دة إسمو علاء
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: علاء الدين يوسف علي محمد)
|
اها الننم ليك يا علاء ..
اهي هي هي هي هي هيييييييييييييييييييييييييييييه
حليلو علاء الدر المصون وحليلو علاء السوولوا قانون ..اهييييييييييييه ..
حليلو البي العلم مشحون حليلو الما بتاع طرب ومجون ..اهييييييييييييه ..
بكري الطلعك مجنون نجر ليك مادة تودي سجون ...اهييييييييييييييه هلا هلا ..
نحيا نعيش نشوفا فنون نشوف ناس رودا بينتاجون ...اهييييييييييييه ..
بكرة يقولوا شفنا علاء اكل معجون وبكرة يطلعوك مجنون ...اهيييييييه زمن ..
ويومو اليفصلوك يا حنون نفرشو بكا نشيل الفاتحة في الصالون ...اهييييييييه ..
الفاتــــــــــــــــــــــــــــــــــــــــــحة ...
نم يا ود الشيخ نم ..ولا انت يا ابقوتة نم...
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: عمر الفاروق شيخ الدين)
|
ابوقوتة ها زول سلام
وبهديك من كلامى
وده حالى ولسان حالى
سالت على خد الولد دمعه وفى الحلق عبره
وفى الفواد حسره على زمن الصفاء والوفره
حليل اللمه والصفقة واللعبه والسره
حليل الحمره والحميض حليل المقد والدفره
حليل الباجه والغابه حليل الهجليجه والسدرة
حليل ام بق بق والسبروق
صوت السقده والرزه الجايه بقوق
حليل ابو خريس والبهم والواسوق
حليل الحجره والكونيه يا الرفاعى البى ما يروق
حليل سرمه حليل الشمه حليل حاج ملود وابو النجا والسوق
حليل ود التاى سديد الراى حليل الضامر ود رزيق والقمارى البسوى القوق
حليل الكده والضقل والجنوى ديل فوق ديل
حليل ام ماوديعه ادينى وديعه شيلى وديعه حليل شليل
حليل طاب معناك بلى ما جاك يكف شينتك مليح بلحيل
فخرنا اسامى قفرنا الدقناوى والترير هنومه ودابى الليل
حليل الدرت والفليله والقرقار
والقفر والتقه والحقنه ملانه عدار
حليل الطيوب والطنوب حليل الدوبايه والمسدار
حليل الشوره والمطمورة حليل فضاوة البال
حليل خاله
ست الزمام خاله
خالك منو خاله
خالى الامام خاله
وره وقدام خاله
ست الدفيس خاله
مشيه ورقيص خاله
سوى الترير خاله
حليل الارباب ود حماد وجيب الدار
نبكيك يا زمن حزنانين عليك ضايقين المر
على زمن المحنه الفات وحالنا البقى ما بيسر
يبكوك الشيوخ والسبحه والابريق
يبكوك الجنيات والصفقه والكوريق
يبكنك الخالات والعمات وحسنات الفريق
سلام كتير يا اهلنا لنيل بلدنا وقمرنا
سلام لطين الجروف سلام لبترولنا واملنا
سلام للسمحه شمس الفريق سلام للسلام وفى بلدنا
وانشاء الله السلام فى بلدنا انشاء الله السلام فى بلدنا
ختاما حليلى انا وحليل ناس علاء من ناس ديل
ومن ناس ديل وااسفاى وا ........
وليد ال قسم السيد
رعوى يبحث عن ارض خضراء
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: abuguta)
|
Quote: يوم لاقيتك .. شلت كلامك
وكيف صريتك..
اتراجعت .. دفنت حنانى
وجيت لفيتك ..
قصة طويله .. لونها بدايتك
واتمليتك ..
فرشت كلامى ..جمب مخلايتك
واترجيتك ..
تنشر منو.. وتملا عبايتك ..
واتحديتك ..
انو كلامك نصو حكايتك
شارب منك ..ولاقى عنايتك |
وليد
لك تحياتى
وانت تنشر اشعار الغالية بت الجنيد
شكرا لك على ذلك الدفق
ولقدام
خالد قرشو ياعمدة البورد
نحن تلامذة فى مدرستكم ايها القامات السوامق
حينا اليكم لا نفقه شىء تعلمنا منكم احترام الراى الاخر
ايها الثالوث البوردى المحترم قرشو_ هشام_ موصلى
لكم التحية اينما حللتنم
احمد
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: abuguta)
|
الحبيب ابوقوته
لك التحية والاحترام ايها الرعوى
حقا سيدى اثرت مكامن آخرين فتدفقوا ابداعا ولنعد لعهد المساجلات ونكتشف مبدعين اخرين والفضل يعود لك ..
العهد بك دوما حريص على هذا البورد وارجو ان يصلح ابوقوته ما افسده الكذب والتعالى ..
لك الاحترام والود
| |
|
|
|
|
|
|
|
|
|
Re: ابوقوتة..الشاعر الرعوى... يرثى صفوة البورد (Re: قرشـــو)
|
Quote: كيف يشطبوك ياولدنا علاء
البورد بعدك ببقى خالى خواء
بقيت مشهور زى رواد الفضاء
اسمك كمان جارى وسابق المشاء |
سلام أبو قوتة فارس النمّة و الإنشاء
سليل عشكوب أمير القافية و الإلقاء
حصيف و زريب قمر ساطع بلا ضوضاء
وحاتك أفول إسمنا دنا و مقسم بكري بس إلغاء
كتبنا كلام شرحنا أمور قالوا العنصري الغوغاء
أصلو الدنيا يا تسكت تنوم تشخر يا بس تبقى زول مشّاء
أنا المستاء أنا المستاء أنا المستاء
| |
|
|
|
|
|
|
| |
abuguta
A.Razek Althalib
saif massad ali
علاء الدين يوسف علي محمد
waleed500
قرشـــو
فيس بوك
تويتر
انستقرام
يوتيوب
بنتيريست