|
دعواتكم لزميلنا المفكر د.الباقر العفيف بالشفاء العاجل
|
|
 Re: ابـــقوتة يحتفل بمشاركته ال (4000) (Re: Mohamed E. Seliaman)
|
Quote: تاريخ التسجيل: 15-08-2005
مجموع المشاركات: 6864 |
محمدe سليمان
تذكر زمانكنا بنحتفل الاعوام فى البورد ..وندخل نبارك مع المحتفى به زى يوم العيد
اها اليوم نظرت الى البروفى فايل حقى فلقيت باقى لى مشاركة واحدة من العدد اعلاه
فقلت احتفل ياولد فايام الفرح قليلة..اصلى لى زمن ما زعلت لى زول فى المنبر
الا عضو محترم واحد واعتزرت له
اها شنو ليك ..لكن انت قربت من الاحتفال ممكن الليلة لو شديت حيلك تحتفل معاى
الباقى ليك 36 مشاركة من ال 7000 رايك شنو تعتذر لى كم زول كدا فى بوست اساسى
الى ان تتم العدد وتجى تحتفل معاى
شكرا ليك كتير..
حقوق ال e قى اسمك محفوظة لاساسى ومعاها رمية الطعمية
| |
 
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
Quote: تاريخ التسجيل: 20-07-2002
مجموع المشاركات: 8244 |
اساسى انت الا تحرس البورد الى الليل حتى تقفل المجموع( 9000)
وتحتفل معانا فى اليوم القومى لتقيم البوستات...
وتشكر على المباركة وانشاء الله نجيك فى عرس البنية
ودى لك
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
حصيت الحصى الحاصى بالحصاحيصا
من حلى حفصة الحلى حشاها وديسا
من احد الابيات التى نتعلمت بها الشعر فحفصة جارت صديقنا بابكر كانت زميلتنا
فى المدارس الثانوية فهو معجب بها ويريد ان يتزوجها..فختفها مغترب زمان قبل ان تكمل تعليمها
فتحدانى اذا كنت شاعر ان اكتب له ابيات غزلية فيها...فاشتهرت تلك الابيات بين الطلاب
فهاتفنى صديقى امس فذكرنى تلك الحادثة التى مرت عليها السنون..
جاين
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: فيصل نوبي)
|
اب قوته
مبرووووووووووووووووك ال 4 ملبون دولار !!!
قال 4000 قال !!!
البوست الجميل دا كان تخليهو بعد العصار دا ينتهي
والله بعد شوية تلقاه في الصفحة 40
أمس نزلت بوست مع الصور لأني اول مرة اتعلم طريقة انزال الصور
ياكافي البلاء لا لميت في الرجال ولا في النسوان
وعندي كلب وكديسة في البوست محل غتسو ماعرفت
يكون مشوا يتكاثروا ؟؟ كل شيء أصبح ممكن
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: فيصل نوبي)
|
Quote: تاريخ التسجيل: 16-09-2005
مجموع المشاركات: 7059 |
رفيق الدرب فيصل نوبى
انت لو عاوز تحتفل معنا الا تسحب 59 مشاركة
ولا اقول ليك خلاص نعتمدها
زمان امتحنامن الاساس الى المتوسطة..حلوة مش
اها اخوك طلع الخامس من 50 مدرسة كان المركز يقع خلف بيتنا عندنا واحدة من حينا ولدها جاء التاسع..وهو زميلى فى المدرسة..قلبت الدنيا زغاريد وزعت الحلاوة والنسوان يشاركنها الفرحة فى ميدان المدرسة, فوالدى الله يطراه بالخير , وصل من الحواشة وشاف اللمة سال منهاامى قالت دى فاطنة
عوض ولدها جاء فى العشرة الاوائل, فقال ليها انتى ولدك جاء الكم,,فتركت عواسة الصاج,,وجرت تفتش لى وسط اللمة فسالتنى..فقلت لها انا احسن ولد فاطنة..فطرقت تصيح فى القوم انا ولدى احسن من ولد فاطنة...مافى زول جاب ليها خبر....لان الفرح عدى , والاحتفال اعلام
شكرا ليك
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
Quote: البوست الجميل دا كان تخليهو بعد العصار دا ينتهي
والله بعد شوية تلقاه في الصفحة 40 |
الجميل اب حراز
بقدومك بوستى جاب حقو...تعرف انا ما عاوز كتير 50 مداخلة تكفينى...
انت مسعول من الخير يا ابحراز اخوى..بكرى دا نقص الصفحة الاولى..
امس عندى بوست فيه مشاركة , مشيت البيت كانت فى الصفحة الولى مشيت البيت
طلعتو من الخامسة
تسلم ياشفيف
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
اب قوته
بمناسبة الامتحانات من الابتدائي
كنت بليد جداً انا في سنة رابعة وتالتة
لكن الحكاية الحمد لله اتصلحت قدام والفهم جاء متأخر
المهم في خامسة دي قررت اقعد وسط بين اول الفصل وتاني الفصل
الجماعة زعلانين كيف ناس الاربعينات يكونوا معاهم
حتى المدرسين كانوا مارضيانين
عايزن نكون في الكنبة الأخيرة
لكن قلنا ليهم نحن مابنشوف كويس
المهم في الامتحانات بديت أنقل منهم الأثنين !!!
وقاموا قسموا النتائج
طبعاً قد لاتصدق 00 أنا الأول !!!!
واصحابي ديل واحد جاء العاشر
والتاني 14
يعني شوية المعلومات العندي وكنت منجضها هي التي رفعت اسهمي
شوف الغباء والعوارة وين ؟؟ مشوا اشتكوني للمدير
كيف انا أكون الأول ؟؟
ومن يومها قررت أكون في القمة
لكن الآن بدينا نتدحرج وماعارفنها حاتوصلنا وين ؟؟
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
Quote: ومن يومها قررت أكون في القمة
لكن الآن بدينا نتدحرج وماعارفنها حاتوصلنا وين ؟؟ |
يازول تدحرج وين...الوطاه
مليانه ...
قاوم ثم قاوم
بالنهار داوم
بالليل ناوم
اوعاك تساوم
للزول البلاوم
الوجه البشاوم
الدنيا حلوة
لو الحب فيها قائم..
الناس تساعد بالبسيط
مو مطلوب كرم حاتم...
العدل فى الوطن يسود
لو المسئول بقى راحم..
يكمل المدة ويمشى
والبعدو يكون حاكم...
منا الاحقاد تسافر
وتغيب عنا المظالم..
النيل يفيض كمان
والخضار فى الجرف عائم...
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: A.Razek Althalib)
|
شُغل..
بينى وبينك يامنى (الدل)( جنجال)
كل يوم توعدينى (بكل) وبعد (كل)
( تم كدر) تاه اسال ولا تسال
صدك وهجرك فعل لى ( بهوت مشكل)
(هم بيار كرتا) و(تم) شرا ( لال)
يامدعج ( الاغ ) يامورد( القال)
لك ( كمر) ريان وقوام يبهدل
المتن غطى بطول ...(البال)
حالك متل ( الرات) والمشى يقدل
(هم كل جيا قار)
..........وللسودان راحل
so please عودى لى وطل
ما بين الاقواس كلمات بسيطة لو تم شرحها
مع التى بوى يستقيم المعنى
والطالب شرفتنا
ودمت ياحبيب
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
ابقوتة
مـبـ 4000 ـروك
لكن بيني وبينك كان غربلناهم وطلعنا منهم مشاركات المجاملات في العزاء ومناسبات النجاح والأعراس والترحيب بالأعضاء الجدد ببقي لينا كم من نوع (ابوقوتة اثناء وبعد الدوام) ؟
شد حيلك والحق ناس محمد الحسن سليمان واساسي ديل فايتنك بي آلاف مكررة.
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: Ahmed Yousif Abu Harira)
|
| Quote: شد حيلك والحق ناس محمد الحسن سليمان واساسي ديل فايتنك بي آلاف مكررة |
.
ادكن سماك كالطاجن الممسوح
واتكل سحابك زى سطور اللوح
اتحليتى برحية عطور وتفوح
وفيك ريحة دعاشاتن ترد الروح
احمد ود ابحريرة امانة مااتلومت يازول
قاعد لى وسط ينابيع من الابداع ومجدع باسمك الشامخ المقرز فى دار البطاحين من حلة كوكو مرورا بالمايقوما وتاقى ليك وتد فى وددفيعة ومشرق على الشقلة,وعد بابكر ومتبرك من ام ضوا بان,الى قبة سديى الحسن فى ابو دليق ومتفن بمهل فى شجرة البطانة الظليلة وقاعد تجدع لى مرتاح من نهور البطانة الجارية,,مرة من قوافى ود الشلهمة ومرات من تاريح ود طلحة التليد, وداير كمان تغربل لى بوستاتى يعنى حتخلى لى شنو,,
انا زول جائى هنا عنقالى ساى,,لا تاريخ لا ارث لكن قاعد اكابس واتسلبط واتعنكل فى الشجر الكبار والنخيل اب ثمار,,,
دحيين مدد ياهلى البطاحين
(عدل بواسطة abuguta on 06-06-2007, 12:41 PM)
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
حنينٌ الى هند
حنينٌ الى بونا اليوم طلانى
وحرك فىًَ ذكرى واشجانى
سنينٌ وريفة فى الهند قضيتها
شممتُ فيها رئحة فرحى واحزانى
شبابٌ معتقٌ الخلق شيمته
امه (عــــزة) عشيق اوطانى
وجدوا فى( بونا) كأنهم اهلها
الهندىُ اجنبى والاجنبى الثانى
قطنوا فيها ,الحارات تعرفهم
حتى المقاهى اسمها سودانى
صباحهم علمٌ ,ليلهم سلمٌ
(دار) تجمعهم فى (الكامب) اخوانى
حين يلتقون الروح تلتحمُ
الشوق يقتحم نيلٌ فيضانى
يفتسمون بينهم كئوس الود
علقمٌ, شهدٌ شُربه دانى
اناظر بعضهم تدوروا حلقاً
حول صحن فولٍ لمحمد الايرانى
سجالهم فكرٌ خلافهم ادبٌ
تنظيم يجمعهم عظيم الشأنِ
لهم مبادىء يموتون دونها
اعتصام (دلهى) ومعارك الكيزانِ
اليوم اشتاقُ الى نلك الليالى
(فرقة بونا ) حين تعزف الالحانى
احتفالٌ وطنىٌ قى قاعة (نهرو)
ذاك الابداع وروح التفانى
تنافس رياضى ٌ فى دورى الروابط
كأنه ( الليقا) والجمهورُ سودانى
الكلُ يصفق والجميع يشجع
فالمهزوم فائزُ فى عامنا الثانى
فهاجر بعضهم الى دولٍ اخرى
ففاح اريجهم وعمَ المكانِ
تلكم هندٌ وذاك خريجها
شباب راقى بلسم الوجدانِ
ابقوتة
اول شعبان
2006
| |
|
|
|
|
|
|
|
|
|
Re: ابـــقوتة يحتفل بمشاركته ال (4000) (Re: abuguta)
|
ابقوته هسى يعنى نقول ليك مبروك ولا كل سنه وانت طيب ولا عقبال تكسب اللوترى ما حق الهجرة
اللوترى ابو ملايين ( مئات الملايين من الدولارات)
لكن كتابتك فيها مشكلة تعرف شنو ؟
ما بتراجع الاخطاء عشان كده مرات الزول ما بقدر يركز معاك
وبتدخل كلمات هندية
لكن فكرتك الحلمنتشية طريفة
يازول اقول ليك واصل
وكل بوست وانت طيب
| |
|
|
|
|
|
|
| |
abuguta
Mohamed E. Seliaman
اساسي
فيصل نوبي
ابوحراز
omer almahi
A.Razek Althalib
Ahmed Yousif Abu Harira
سلمى الشيخ سلامة
KOSTA
Muna Khugali
فيس بوك
تويتر
انستقرام
يوتيوب
بنتيريست