|
|
 *** بى زيارتك مسقط نورت يا جوليا وردى***
|
بيتنا نور والله نور وكل ديارنا كلها زينة
فى زيارة سريعه جدا تشرفنا هذة الايام الاخت الصديقة جوليا وردى
اعادت لنا تلكم الايام المشرقة برفقتها واسرتهاالكريمه..
كانت لنا ايام يا جوليا .. حليل الصحبة وحليل الرفقة السمحة
عزانا فى اللقياء الجميلة من وقت لاخر فى ارض الوطن او خارجه
اسعدتينا يعلم الله بطلتك يوم امس..كانت احلا مفاجأة منك..
فرحتينى ورجعتينى لاحلى ايام.. وتتواصل اللحظات الجميلة
اهلا حبابك يا حبيبة ونتمنى ليك اقامة طيبة
**
متاوقة
ناجى سلامات ياخ ومشتاقين..
ادينا فرصة بالله باقى الاسبوع ده بس نحن فى عرضك..
هلا يا مظفر والشوق مطر..
اكيد مشغول بى الامورة علوية.. ما شاء الله عليها عسل ربنا يخليها ليكم يا رب..
اذن .. خلوا لينا جوليا شوية بالله..
امااستاذنا الكبير اكيد ما حتكسر خاطرنا.. ربنا يديك الصحة والعافية
شكرا مارقة من الجوف لكم جميعا...
واهلا يا جوليا من تانى
**
رسالة للعزيز بكرى
الاخت جوليا عضو قديم فى المنتدى. وبعد هجوم الهكر الاخير فقدت الباسوورد
بترجوك شاكرة ان تجدد لها العضوية من تانى .. ومشكور
|
|
 
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: لؤى)
|
أم آسر حبابك
والود القديم الليلة جابك
هيجتنى فينا ومضات من الزمن الذى مضى
وأعدتى خطوات الإلفة التى مشيناها بصحبة الفرده أبو آسر
يشهد النادى
ويشهد شارع السلطان قابوس
ويشهد معسكر المرتفعة
بأن حبل الود يستحيل فك عقدته
اين هو ذاك الزمن الجميل؟؟؟
منى ليهو كوم من الامنيات الطيبة
وللاستاذ متعه الله بالصحة والعافية
وللاخ مظفر اسعده الله فى حياته
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: مريم عبد الله)
|
Quote: بختك يا سومة بصديقتك جوليا
وأكيد ح تقضي أيام حلوة معاكم |
الحبيبة انعام بت عبد الحفيظ
يحفظك الله من كل شر يا حبيبة البى
والله بختى بيها يا نعومة
جوليا كانت معانا هنا اكتر من 9 سنوات ما احلاها
وبعد رجعتها الظروف بعد وفاة والدتها عليها رحمة الله
برضو ما انقطعت مننا ولا انقطعنا منها
يا حليلا اليومين ديل مغزرانه بالحيل
والخوفة من سفرها القرررب
اصلو اختك جنها وجن الوداع
شكرا يا نعومتنا
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
Quote: سوما
صباح الخير
قولي ليها لؤي قال ليك ترجعي سريع بالله عاوزين كوارع |
هلا ومساء النور يا الضى
كيفنك واريت حالك زين
طبعا قريت كلامك ده الصباح ولحظتها كنت فى الشغل
وكانت معاى جوليا بالتلفون .. وصلتها ليها وصيتك فى الحال ..
جلجلت ضحكتها فى سماعة التلفون .. وبتقول ليك حاااااضر..
فقدناك والله يا الضى..
الليلة زايغه من الشغل واتجمعنا معاها ورفقتنا السمحة كلها
هى اصلها لما تكون معانا بتعرف تخلق لينا جو الفرح فى كل الاوقات..
وكانت لنا ونسات وضحكات وذكريات بطعم الشهد..يااااه يا لؤى
حاولنا نوثق كل شىء .. اكيد حاتشوف الصور بس اصبر علينا شوية
هدى دخلة من بره .. يوم كان بمثابة ذكريات ال4 سنة الفارقت فيها مسقط
عصرناه عصر وشربنا الخلاصة فى سويعات .. تكفينا مؤنة سنة لى قدام
الى حين ان نلتقيها ونتواصل معها من تانى
**
خارج الونسه ...
لؤى ما تشوف لينا صاحبك بكرى ابو بكر ده
كان يجدد لى جوليا العضويه ويرسل ليها الباسوورد من تانى
قالت يدها اكلتها للمشاركة فى المداخلات
يلا همتك بالله
شكرا يا ضى شبابيكنا
| |
|
|
|
|
|
|
|
|
 Re: *** بى زيارتك مسقط نورت يا جوليا وردى*** (Re: soma)
|
Quote:
لؤى ما تشوف لينا صاحبك بكرى ابو بكر ده
كان يجدد لى جوليا العضويه ويرسل ليها الباسوورد من تانى
قالت يدها اكلتها للمشاركة فى المداخلات
يلا همتك بالله |
سوما العزيزة
مساء الخير
أنا بصراحة سيّدات الأعمال ديل ما قاعد أساعدهن مجّاناً 
فشوفيها لو بتدفع
وليك عمولة ونسبة كويسة كمان 
في إنتظار الشّيك
بسم الله الرّد 
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: عادل نجيلة)
|
Quote: أم آسر حبابك
والود القديم الليلة جابك
هيجتنى فينا ومضات من الزمن الذى مضى
وأعدتى خطوات الإلفة التى مشيناها بصحبة الفرده أبو آسر
يشهد النادى
ويشهد شارع السلطان قابوس
ويشهد معسكر المرتفعة
بأن حبل الود يستحيل فك عقدته
اين هو ذاك الزمن الجميل؟؟؟
منى ليهو كوم من الامنيات الطيبة
وللاستاذ متعه الله بالصحة والعافية
وللاخ مظفر اسعده الله فى حياته |
تسلم يا ابو رامى
والله يا ابو رامى ابو وام آسر يستاهلوا كل الخير
وفعلا اتذكرت وبديت اجمع اللمه الزمان والبرامج الظريفة
كانت لنا ايام والله ما احلاها.. نتمنى عودتها تانى ان شاء الله
غايتو كان على الوعد الادتنا ليه جوليا
شهر 12 قريب بجونا تانى ان شاء الله
والمره الجاية مع صاحبكم ناجى والاولاد عشان ما يكون فى اعذار
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
Quote: تحياتى سومة
وللعزيز الفاتح الجنيد مثلها
هى مش برضو الاستاذة جوليا مقيمه فى مسقط؟؟؟؟ |
وليد الحنين سلامات يابا
اريتك طيب وكل الاهل بخير
اسعدتنى طلتك يا ود القبائل
فعلا الاخت جوليا كانت مقيمة معنا فى مسقط
وفى شتاء 2005 كانتاالاقدار .. رحلت والدتها رحمها الله
وكانت صدمة لم يتحملها كل من يعرف الخالة علوية عليها الرحمة والمغفرة
قررت جوليا الرجوع للسودان لتبقى بجانب والدها المكلوم .. ربنا يصبرهم
ومنذ ذالك الوقت لم تاتى جوليا لمسقط .. كنا نلتقيها فى الاجازات فقط
تسلم اخى وليد وشكرا للمرور والاهتمام
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
| Quote: كيرولى نوقو لى تارا ويدوسو لى |
آى عارفة الترجمه .. نقشتها منك قبيل
جية سريعه مش ؟ ما لحقت تقعد معانا دايره تقوم جارية
اها شنو ليك ..ما لقيتينى من عنديكم؟| Quote: اهلا بسيدة الاعمال الصديقة جوليا وردى ...طبعا سيدات الاعمال دائما زياراتهم خفافى كده لزوم دراسة السوق و تفقد الحبايب |
مالكم انتى ولؤى الليلة شابكننا سيدة اعمال سيدة اعمال لوووول
والله يا جوليا كلام.. اها ما دايرة ليك مديرة اعمال ؟ انفع انا مش؟Quote: مرحب بيك سلام و شرفتينا الشويتين دووووول .....
شكرا سومه دائما ست الذوق
و عافيلوقو |
شكرا ليك انتى يا منار الحبيبة
والليلة كان لقاء السحاب وجلسة ما منظور مثيلة
ذكرتونى ايام الدراسة واللمه السمحة
(و عافيلوقو) دى معناها شنو يا بت ؟
المهم عافين ليك لله والرسول
لؤى الحقنى بالترجمه ياخ
ما تضحك فينى قريباتك ديل
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
Quote: يا سلام يعني الايام دي انتي مبسوطة شديد ..
والبسطة دي ممكن تطلع لينا قصيدة قصدتين ..
مشتاقين وتحياتنا ليها .. |
نعومة بت حيمورة حبيبة القسا
والله جنس فرحة يا نعومة.. يااااااه رجعنا اجمل الذكريات
فاقدنكم بس والله.. قصائد وقصائد حا تطلع ان شاء الله يا نعومتنا
مش قصيدة واحدة .. المشكلة انها مستعجلة وراجعه مننا طوالى لظروف البيت هناك
تسلمى يا احلا نعومة وسلامك وصل وبتبلغك كل التحايا والاشواق
ولو بكرى حل ليها مشكلة الباسوورد دى ان شاء الله تدخل وترد عليكم براها
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: Muna Khugali)
|
Quote: ربنا ما يحرمكم من التلاقي مع بعضكم
دوم تامين ولامين |
الحبيبة مريم عبد الله
تسلمى كتير يا حنينة
طلتك سمحة زى كلامك الحنين
اللهم آمين يا رب جمعا
وان شاء الله اللمه الجاية انتى معانا
وفى ربوع سودانا
تسلمى وسلامك وصل وجوليا بتبلغك اضعافة
شكرا مارقة من الجوف
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
Quote: سوما العزيزة
مساء الخير
أنا بصراحة سيّدات الأعمال ديل ما قاعد أساعدهن مجّاناً
فشوفيها لو بتدفع
وليك عمولة ونسبة كويسة كمان
في إنتظار الشّيك
بسم الله الرّد |
حباب الضى
ياخوى الوصية امانة
جوليا بتقول ليك.. سدد العليك يا مان لووول
الحساب طويل والدين تقل .. ما تطول اللسان ساى
طبعا مغيوووووظة دايره ترد ليك بى مزاااااج
لكن نسوى شنو لى بكرى
انت زاتك الوداك تقابض شنويا بوى ؟ ما كنا كويسين لووول
تسلم يا حنين وطلتك يا ريت تكون بالدرب
لك كل التحايا منى وجوليا
وشكرا نيلين
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
سوما
صباح الخير
Quote:
مالكم انتى ولؤى الليلة شابكننا سيدة اعمال سيدة اعمال لوووول
والله يا جوليا كلام.. اها ما دايرة ليك مديرة اعمال ؟ انفع انا مش؟ |
راحت فيها فطّومة
Quote:
لؤى الحقنى بالترجمه ياخ
ما تضحك فينى قريباتك ديل |
يا سوما
وحياتك لا أنا لا جوليا فاهمين حاجة
تحاياي ومحبّتي
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: لؤى)
|
الله يرحمها جوليا و مظفر و عبدالوهاب و استاذنا الجليل وردي عظم الله اجركمإن شاء الله ياسومابختك و الله تحياتي للاخت العزيزة جوليا و اسرتها الكريمة ياسلام كانت لناايام جميلة مع الاستاذ وردي و اسرته في قاهرة المعز.
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: Sayed Bekab)
|
Quote: العزيزة سوما
تحياتي لجوليا و أسرتها الكريمة
ولم أعرف هل الوالد الأستاذ محمد وردي معهم ! أم لا
ولك التحايا موصولة للعزيز محمد الفاتح و باقي أفراد الأسرة الكريمة |
العزيز عادل تجيلة سلامات واشواق عميقة
وين طولت الغيبه .. عساك طيب واسرتك الكريمه
يا ريت والله لو الاستاذ كان مع جوليا
لكن ولظروف خاصة به لم يتمكن من الحضور .. لكنه وعدنا قريبا ان شاء الله
جوليا جابها الشوق للاهل والاصحاب زيارة خاطفة .. لكن بلت شوقنا ولو لحين
تحياتك عزيزى وصلت لمحمد الفاتح والاسرة ومحمد وببلغك خالص الود..
وايضا وصلت لجوليا وبتسلم عليك وبتتشكر كتير للسؤال و للاهتمام
شكرا اخى عادل شكرا محنة
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
Quote: ومافي أجمل من لمة أحباب..
وقت جميل باذن الله وتحياتنا لها ولك.. |
منى يا حبيبة البى
يا حليلك والله يا السمحة وعديلة
شفتى اللمه طعهما كيف يا منوية
لمة الاحباب بعد غياب مافى احلا منها
تسلمى يا غالية على جيتك السمحه
وان شاء الله نلتقى جميعا فى ربوع الوطن
سلامك وصل لجوليا وبتسلم عليك كتير وبتشكرك يا حبيبة
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
Quote: وناجى ,,,
دا اوعا يكون "ناجى أبوزيد"
أمنياتى لك يا سوما بقضاء وقت جميل
مع الناس اللُطاف ديل,,,
وسلامى الحار ليهم الإتنين,,,
وليكم |
اهلين يا ملك ..انت الملك..
تصدق ياهو ناجى ابو شيبه!!!
ابو زيد دى ما معروفة ياخ
لكن وبما انه الشيبه اتوسعت فى مساحتها الزراعية
والاقتصادية فبقينا نطلق عليه اسم ناجى ابو شيبه
شكرا يا ملك على الطلة السمحة وفعلا قضينا وقت اجمل من الجميل والله
سلامك وصل وببلغوك كتير السلام
شكرا محنة
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
Quote: الله يرحمها.. جوليا و مظفر و عبدالوهاب و استاذنا الجليل وردي عظم الله اجركم إن شاء الله
ياسومابختك و الله تحياتي للاخت العزيزة جوليا و اسرتها الكريمة
ياسلام كانت لناايام جميلة مع الاستاذ وردي و اسرته في قاهرة المعز. |
العزيز سيد بيكاب سلام واحترام
شكرا ليك كتير على المرور الاسعدنا جدا والله
سلامك للاخت جوليا وصل وتعزيتك وصلت لاسرة الاستاذ وردى
لك منهم التحايا والتقدير اخى العزيز
صدقت والله يا سيد ..فعلا بختى بزيارة الاخت جوليا..
كانت احلا لحظات قضيناها برفقتها ..
اعادت لنا ذكرياتنا العطرة مع بعض قبل 4 سنوات
وبعدها غادرت مسقط للسودان ..
تسلم كتير تحياتى لك واسرتك ..
وتحية خاصة للبيبى الجميل ما شاء الله البين ايديك
شكرا مارقة من الجوف
| |
|
|
|
|
|
|
|
|
|
Re: *** بى زيارتك مسقط نورت يا جوليا وردى*** (Re: soma)
|
لووووووووووول
عارف يا لؤى حكيت لى فاطمة
ضحكت وقالت لى ايوة لؤى عارف .. وبتسلم عليكQuote: يا سوما
وحياتك لا أنا لا جوليا فاهمين حاجة |
لا جوليا بتفهم بس ما بتعرف رد ..
وانا زاتى بفهم تصدق !!!.لكن ما بقدر ارد برضو
حالتى ما من عنديكم.. شنو ليك ؟؟
تحياتى وتقديرى يا ضى شبابيكنا
| |
|
|
|
|
|
|
| |
انعام عبد الحفيظ
لؤى
الفاتح الجنيد
وليد الطيب قسم السيد
انعام حيمورة
مريم عبد الله
Muna Khugali
الملك
Sayed Bekab
فيس بوك
تويتر
انستقرام
يوتيوب
بنتيريست