دعواتكم لزميلنا المفكر د.الباقر العفيف بالشفاء العاجل
|
|
 محمد وردي : سنغني لنفرة القائد البشير بقاعة الصداقة
|
أكد الفنان الموسيقار محمد عثمان وردي بأنه سوف يشارك في ملحمة النصرة لرئيس الجمهورية ضد قرار المحكمة الجنائية وان هذه النفرة تدل على وقفة اهل السودان مع قائدهم السيد المشير عمر حسن احمد البشير وانه قد دخل الاستديوهات لتحضير هذا العمل القومي حيث سيتم تقديم العمل خلال الايام القادمة بمسرح قاعة الصداقة بالخرطوم والذي سوف يشهد المناسبة القومية. من ناحية أخرى سوف يشارك في هذه النفرة القومية لنصرة السيد رئيس الجمهورية عدد من الفنانين على رأسهم صلاح بن البادية وكمال ترباس وندى القلعة واسرار بابكر وعدد من الفنانين البالغ عدهم ثمانية عشر فناناً وفنانة.
|
|
 
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: الفاتح سليمان)
|
وينك يا نادر خضر لمن قلت ماذا قدم وردي للفنان في هذا الزمن الردي
الاخ الفاتح :
حقيقة وردى من ما شاعرو مات زمنو فات وما استطاع ان يقدم الجديد المقنع
واغانيه الجميلة البنسمعه ليه عمرها اكثر من ربع قرن..
وفي ظل انحطاط الغنية السودانية عجز وردى ان يقدم البديل الافضل وظل عائش
علي الماضي...
بل يفاجئنا بتقديم ما هو اهبط من اغانى حماده بت والجوغة المنتشرين اليومين دى ..ويغنى للبشير
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: Mustafa Mahmoud)
|
من طواقي الجبهة من دقن الترابي
من اباريق تدلق الدم في المواعين والكبابي
من حقوقنا ايتامنا من سبحة مرابي
من صدى اهات سنابل دابها في حوضا بتشابي
من قنابل نازفة في حلق الطوابي
بالقرار الأربعيني رخيص ونابي
جيتنا في اول بيان للعزة والحرية مابي
يا البشير بالشر معمد انقلابي
صوتك المسلوب مطرّق بالاراجيف والخيانة
صوتك المغضوب معلق فوق مصابيح الحزانى
وحبلك المفتول مصنّع من دقون تحت الديانة
جيتنا في تهريج برامج هشة مهدود حيل كيانا
من كتاب عرابي يتاجر بالديانة
والعصابة كلابا تنبح والقوافل ما بتهابا
ماشه وماشه وفي طريها دبمه للوعى ارتهانا
مهما حبلك زاد متانة
مهما مشنقتك تدلت ما حترفعك مكانه
انت ماذاكرت ماضي زمن رفاقتك في الخيانة
يوم هبوب الريح على زمن المهانة
دكت الحصن المحصّن بالزنازين والعيون
بالمكايد والظنون
بالطموحات المهابي
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: وليد محمد المبارك)
|
من طواقي الجبهة من دقن الترابي
من اباريق تدلق الدم في المواعين والكبابي
من حقوقنا ايتامنا من سبحة مرابي
من صدى اهات سنابل دابها في حوضا بتشابي
من قنابل نازفة في حلق الطوابي
بالقرار الأربعيني رخيص ونابي
جيتنا في اول بيان للعزة والحرية مابي
يا البشير بالشر معمد انقلابي
صوتك المسلوب مطرّق بالاراجيف والخيانة
صوتك المغضوب معلق فوق مصابيح الحزانى
وحبلك المفتول مصنّع من دقون تحت الديانة
جيتنا في تهريج برامج هشة مهدود حيل كيانا
من كتاب عرابي يتاجر بالديانة
والعصابة كلابا تنبح والقوافل ما بتهابا
ماشه وماشه وفي طريها دبمه للوعى ارتهانا
مهما حبلك زاد متانة
مهما مشنقتك تدلت ما حترفعك مكانه
انت ماذاكرت ماضي زمن رفاقتك في الخيانة
يوم هبوب الريح على زمن المهانة
دكت الحصن المحصّن بالزنازين والعيون
بالمكايد والظنون
بالطموحات المهابي
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: وليد محمد المبارك)
|
من طواقي الجبهة من دقن الترابي
من اباريق تدلق الدم في المواعين والكبابي
من حقوقنا ايتامنا من سبحة مرابي
من صدى اهات سنابل دابها في حوضا بتشابي
من قنابل نازفة في حلق الطوابي
بالقرار الأربعيني رخيص ونابي
جيتنا في اول بيان للعزة والحرية مابي
يا البشير بالشر معمد انقلابي
صوتك المسلوب مطرّق بالاراجيف والخيانة
صوتك المغضوب معلق فوق مصابيح الحزانى
وحبلك المفتول مصنّع من دقون تحت الديانة
جيتنا في تهريج برامج هشة مهدود حيل كيانا
من كتاب عرابي يتاجر بالديانة
والعصابة كلابا تنبح والقوافل ما بتهابا
ماشه وماشه وفي طريها دبمه للوعى ارتهانا
مهما حبلك زاد متانة
مهما مشنقتك تدلت ما حترفعك مكانه
انت ماذاكرت ماضي زمن رفاقتك في الخيانة
يوم هبوب الريح على زمن المهانة
دكت الحصن المحصّن بالزنازين والعيون
بالمكايد والظنون
بالطموحات المهابي
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: معاوية عوض الكريم)
|
يا معتمصم
عمك جنا .. الله يشفيك يا وردي انت غير محتاج لهذا الامر لاثبات وطنيتك
المهم يا معتصم ..ياسر اخبارو شنو انا طبع ضيعت جوالي مرة اخرى (ما كبرت ياخ)...
الشاهدفي الامر ان هذه ليست اول مرة يسقط فيها وردي وفي ظني ان هذه الظاهرة تحتاج لدراسة متانية اي ما هي الاسباب امام سقوط قاماتنا وفي حالة وردي - اهراماتنا ..
التحية لابو عركي البخيت هذا الشخص الذي آثر ان يسكت ولا يسوى الفارغة
خالص ودي
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: عزام حسن فرح)
|
حنبنيهو
للشاعر/ محجوب شريف
حنبنيهو..
البنحلم بيهو يوماتى
وطن شامخ
وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده
سياده
حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسره أغنيّه
مكان الطلقه
عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إرادة وحده شعبيّه
وردى الذي تغنى بهذه الكلمات يغنى لنفرة البشير
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: jini)
|
سنة 1995م والبلد قايمة مظاهرات صرح الراجل وردي في لقاء له لاذاعة التجمع المعارض باسمرا قائلا:
الفنانين التافهين ديل كلمناهم ما يغنو للانقاذ...
وحينها صدح سلم مفاتيح البلد وما بتسلم وغنى بالطنبور رائعة حميد .. النخلة في الليل المهول ..
صحي الدنيا غريبة...
كتار دخل كراكير الانقاذ من السياسيين والغنايين هو وردي براهو ..
مصيبة دي كبيرة ...
ما تنسو غنى في السد الرد .. السد الرد ...
اللي مفيهو ترعة واحدة طالعة تسقي يباب السودان وحتى الكهرباء بين بين ..
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: jini)
|
حقو البشير يقول لى :: لا ما داير .. ما تغنى لى ..
ناس ما بتعرف تتصرف !!
ـــــــــــــــــــــــــــــ
كل يغنى لليلاه .. مشكلتكم شنو ؟؟ ما بتعرفوا تغنوا ؟؟؟
ولا ما عندكم ليللللللات ؟؟؟ وال ما عندو ليلالاااايه شوف لى ليلالالايه ..
هو قال ما ح يغنى لى سير سير يالبشير ..
ح يغنى لى ورا ورا وراااااااااااا .. اها برضو زعلانين
وليد صاحبى !!
بطل الشماااااااااته .. انشالله يغنى للمريخ زاتو .. اها !
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: عزام حسن فرح)
|
Quote: ده إسمو < مرض السُلطة > على وزن < مرض الموت > الفحواهو إنو الزول لو مات في مرضو المرضان بيهو ما بِتُعتمد ليهو أي إجراء قانوني أو شرعي ... يعني لو طلق مرتو في مرضو المات بيهو ، طلاقو ما ليهو أهمِية والمره ياها مرتو وبِتَورِث غصبًا عنو ... ولو حرم ولدو مِن الإرث وقام باع البيت لأخو الكبير البيعة مرجوعة ... لأن الزول وهو في مرض الموت -ولو طَول معاهو سنين ، المُهِم يِموت بيهو- الزول مِتِل ده بِكون عاطِفي وقرارتو بِتبقى عاطِفِية ... ما مُعتمدة
أظِن محمد وردي لو صدق وغنى للبشير ، بِكون زول عاطِفي.
|
عزام أخوي
وردي فنان ، مغني وموسيقار
بنحبه وبنحب غناه من قمنا ولقيناه
بث
وردي غنا أكتوبر الأخضر
ثم بعدها ببرهه قصيرة غنا فارسنا وحارسنا
أهه وبعدين؟؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: Al-Shaygi)
|
Brother/Al-Jabalaaaaaaaabi/ Salaaaaam
And
Brother/Azaaaam/Salaaaaaaaaam
I can not disagree with U more,
Aagain Job well done
أم كلثوم عِندها نشيد إسمو < مِصر والسودان > ما إنتشر ... مُش كِده وبس ... كُتار ما سِمعو بيهو في رقبتو ... ما إنتشر مِتِل أُغنِية < رق الحبيب > و< أغدًا ألقاك > ... لأنو الشعب المِصري والشعب السوداني ما حساها ... لأن كلِماتا كانت كِضِب في كِضِب ... لأنو نشيج عِندو أجِندة ما فوقا معايير الإحساس ... الشفافِية ... لأن الشعب المِصري كان < مِية حِته > حينذاك وحتى الأن < مِية حِته > بِالنِسبة لأغلب السودانيين ... مُش دي الدَولة الوحيدة الفي العالم المُحتلة لينا أرِض ... محمد وردي (المحسي) ما بلغ شُهرة ومكانة أُم كلثوم ... ظنكُم نشيدو حيعيش كم؟
ده إسمو < مرض السُلطة > على وزن < مرض الموت > الفحواهو إنو الزول لو مات في مرضو المرضان بيهو ما بِتُعتمد ليهو أي إجراء قانوني أو شرعي ... يعني لو طلق مرتو في مرضو المات بيهو ، طلاقو ما ليهو أهمِية والمره ياها مرتو وبِتَورِث غصبًا عنو ... ولو حرم ولدو مِن الإرث وقام باع البيت لأخو الكبير البيعة مرجوعة ... لأن الزول وهو في مرض الموت -ولو طَول معاهو سنين ، المُهِم يِموت بيهو- الزول مِتِل ده بِكون عاطِفي وقرارتو بِتبقى عاطِفِية ... ما مُعتمدة
أظِن محمد وردي لو صدق وغنى للبشير ، بِكون زول عاطِفي.
الإنقاذ حتغرِق عدد [ 40 ] قرية في المحس لإقامة خزان كجبار ... وقتلو لينا عدد [ 4 ] مِن شباب زي الورد كانو بِتظاهرو ضِد قِيام خزان كجبار ... كانو بِتظاهرو بِكم كوريك وكم عصايا كِده مات منهُم تلاتة مِن الخلف (المُظاهرات + صُور الشُهداء مُتَوفِرة على اليوتيوب - مظاهرات كجبار) يعني قامو جاريين وناس البوليس لِحقوهُم بِرصاصُم (الفيديو مُتَوفِر على اليوتيوب - مظاهرات كجبار)
/
الحكومة قتلت مجدي الحلفاوي في دولارات حقتو وبعد شهر واحِد أعلن صلاح كرار إجازة عمل الصِرافات في الدولار ... الحكومة في بالا خِزان إسمو < دال 1 < و< دال 2 > وديل حيِتِموا غرق بقِية قُرى المحس والسكود
الحكومة حسب خِطابا الرسمي وبِخشم عُمر البشير في الـBBC قال إنو قتلى دارفور < 10 ألف إنسان مدني > بس مُش < 300 ألف إنسان مدني > كان بِرُد على المُذيعة الذكرت ليهو الرقم الأوكامبو لِقتلى دارفور.
والله حرام عليك يا وردي ... دايِر بِالجاه شنو بعد العُمر ده كُلو؟ خايِف مِن شنو؟ الناس ما بِتعرِف إنو هتلر كان رسام بِتعرِف شينو بس ... المُتنبي لليله الناس ماخدا ليهو تِمِسِحو في السُلطة
(عدل بواسطة عزام حسن فرح on 15-10-2009, 06:40 م)
I respect ur INKS,
El hadi
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: حمور زيادة)
|
اثناء عودة الرسول إلى المدينة من غزوة غزاها , تخلفت السيدة عائشة رضى الله عنها لمدة قليلة تبحث عن عقدها , و لما عادت القافلة رحلت السيدة عائشة رضى الله عنها دون أن يشعر الركب بتخلفها , و ظلت وحيدة حتى وجدها صفوان بن المعطل و أوصلها إلى منزلها , إلا أن حاسدات عائشة رضى الله عنها و أعداء النبى اختلقوا الإشاعات غير البريئة عن السيدة عائشة رضى الله عنها و أتهموها رضى الله عنها بالزنى , فتأذى النبى و هجرها و كان دائماً يسأل الأقرباء له و للسيدة عائشة عن ما حدث فيقولوا أنهم ما سمعوا عن عائشة رضى الله عنها إلا خيراً وإنها من المستحيل ان تفعل ذلك ابداً , و لكن الشك بدأ يزيد عند النبى و أخذ دائماً يسأل الله تعالى أن يبرأ السيدة عائشة , فذهب إلى السيدة عائشة فى بيت أبيها أبى بكر الصديق و قال لها : يا عائشة : إن كنتى قد اصبتى ما يقولون فتوبى إلى الله و استغفريه , فنظرت السيدة عائشة لأبيها ابى بكر و امها و قالت لهم : آلا تجيبان ؟ فقال لها ابى بكر : والله ما ندرى ما نقول , فقالت لهم السيدة عائشة : والله لا أتوب إلى الله مما ذكرت ابداً , والله يعلم أنى بريئة , ووالله ما اقول اكثر مما قال أبو يوسف { فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ } , و هنا نزل الوحى على النبى و أخبره ببراءة السيدة عائشة من هذة الحادثة الشنيعة و أنزل الله فى هذا الموقف قرآناً , قال تعالى {إِنَّ الَّذِينَ جَاؤُوا بِالْإِفْكِ عُصْبَةٌ مِّنكُمْ لَا تَحْسَبُوهُ شَرًّا لَّكُم بَلْ هُوَخَيْرٌ لَّكُمْ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ} (11) سورة النــور , و هنا تبشر الرسول و أبتسم و أخبر عائشة رضى الله عنها فقالت لها أمها : آلا تشكرى رسول الله ؟ فقالت لها السيدة عائشة رضى الله عنها : بل أشكر الله الذى برءنى و أنزل فى قرآنا يبرءنى من هذا الذنب العظيم.
(منقول)
هذا حُب نبي مُرسل ...
أن حُبنا لِوردي كان لِثَورِيتِهِ ... في كُل شئ ... فإذا نقض مُعلِمُنا غزلهِ من بعد قوة انكاثا ننقُض غزل حُبِنا الذي بِالقلب ... وما سُمي القلب قلب إلا لِتقلُب أحوالِهِ وِفقًا لآفعال المحبوب ... وحُبِنا لِوردي لَيس عُذري ، فإن ذلِك يستقيم مع حريمُنا ... حُبِنا لِوردي حُب مَوقِف ... وتغَيير هذا الحُب مُسبب
(عدل بواسطة عزام حسن فرح on 10-16-2009, 06:27 AM)
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: عزام حسن فرح)
|
يا عزام أخوي ما ممكن احبو لانو موقفو عاجبني و اول ما الموقف يتغير يبقى انتهازي و مخرف .. الخ .. الخ
ناهيك طبعا عن ان حب وردي مفروض يكون في الأصل لأنه فنان و ليس للمواقف. المواقف دي اظنها بتجي في الدرجة التانية من هو شنو. وردي اولا فنان. و إلا فانا استغفر الله من حب عثمان حسين لأني لا اعرف له مواقف .. اعرف فقط انه رجل فنان .
و الثالثة ان مواقف وردي - كما بسطها المتداخلون - امتازت بالتذبذب في شأن الحكام. يعني ما جديد عليو الكلام البيعملو ده.
الرابعة و هي المهمة : حين يخطئ من تحب و تحترم ( رجل او امرأة .. رمز او شخصي ) فانك تحزن له . اما ان تشتمه و تقول انك كنت تحبه لكن موقفه تغير فما اظنه كان حبا. او هو الغلو.
تفتكر هسه موقف وردي ده عاجبني ؟
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: حمور زيادة)
|
حمور زيادة ...
صباح/مساء الخير ... كيفك يا حبيب ... علك طَيِب
| Quote: تفتكر هسه موقف وردي ده عاجبني ؟ |
عارف والله ما عاجبك ... بس يا حبيب أنا مِن النوع يا إما أحب الحاجة كُلها على بعض كِده أو أكرهها كُلها على بعضها ... ما بقدر أجزِئ قلبي ... أحِب فنو وأكره مَوقِفو ... أكره فنو وأحِب مَوقِفو ... وردي بِالنِسبة لي نوبي ثَوري فنان ... ده الترتيب بِالنسبة لي ... نوبي ثَوري فنان ... إستخدم فنو آداة لثَورِيتِهِ ... وبِلاد النوبيين اليَوم مُهددة بِالزوال ... بِمسحِها مِن الخارِطة (كجبار/دال1/دال2) وجرت أعمال قتل بِالفِعل لِشباب نوبي ... ما بقدر مِن تاني أحِب زول نوبي فنان عاوِز يِمجِد حكومة بِتهدِد بِزوال قُرانا وقتلت بِالفِعل شباب لِرفضِهِم إغراق قُراهُم ... لو صدقت الأنباء حنعيد حتى التفكير في ثَورِية وردي القديمة ... الحِكاية شنو التكاليف بِتسقُط مع الكبُر ولا شنو ... لامِن كان غض الإيهاب ثار على كُل شئ ... على الفن ... على السِياسة ... وجرانا معاهو جر شوك ...
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: عزام حسن فرح)
|
حمور الغالي ازيك..
كتبت..
"و إلا فانا استغفر الله من حب عثمان حسين لأني لا اعرف له مواقف .. اعرف فقط انه رجل فنان ".
مواقف عثمان حسين كريمة وملتزمه..لم يغن في أي فترة من الفترات لمن يعذب شعبه..كذلك للوطن..
الفنان وجوده من البيئة التي يعيش فيها يتأثر بها ويؤثر بها..
لذلك اضعف الايمان ان لا يغني للطاغية الذي يعذبه..ولا يستهتر بعذابات شعبه!
الآن كيف اقيم أنا وردي بعد الشرح أعلاه؟؟
لن أستطيع نزع أغانيه الجميلة من قلبي..
ولن أستطيع منع نفسي من أ تردد اناشيده الوطنية..
سأحاول أن أجد له العذر فهو مريض..ولا أعني بذلك أن موقف المرضي يجب أن يكون كذلك..
أو حتي أن يتشابه..
فقط أقول ان من هو مريض ليس كمن هو غير مريض..
ولن اشبه وردي بمصطفي سيدأحمد..
فالناس تختلف في استجابتها حتي وهي مريضة بنفس المرض..
لكن عذري سيكون غضبا أكتمه في صدري رغما عني..واسأل الله ان يعينني..
وفي نفس الوقت لن أستطيع ان امنع الغير من اظهار غضبهم..
لذلك قلت انني سأغلق روحي علي آخر صورة أحببته فيها..
ساسمع اغانيه وأطرد كل الجانب القبيح الآخر..
رحم الله عثمان حسين الفنان المحب لرسالته وفنه..
وكل الصادق من الفنانين..
وهذا الله من ضاع الدرب من طريقه منهم!
تحياتي..
| |
|
|
|
|
|
|
|
|
|
Re: محمد وردي : سنغني لنفرة القائد البشير بقاعة الصداقة (Re: Saifeldin Gibreel)
|
وسوف يظل وردي رقم كل الهنات.. أنه الفنان الذى جمل ارواحنا بأجمل الدرر من الاغانى.. ولو بهمسة فقط.. تقفر لوردى ما تأخر من زنب وما تقدم من زنب..
الاخ سيف الدين
ماهو عشان كده نحن وجعنا وردى الذي وطنا البإسمك كتبا ورطنا
وانشد بإسمك الاخطر يا إكتوبر الارض تغنى يغنى لنفرة البشير
وعن ماذا :ضد قرار المحكمة الجنائية التى تسعى لإنصاف انسان
دارفور الذي قتل آلافهم البشير وشرد ملايينهم..
البشير الذي اغرق وقتل اهل وردى في كجبار يجد منه المؤازرة والدعم
عشان داوردي شان كده نحن مغيوظين وحارقانه.. ماهو مع فناننين تانين
لكن ديل لم يتعدوا سال من شهرها الذهب واللبن ابو لي بيه والشريف متكيف والا مبسوط منى..
وردى غنى الطير المهاجر وبناديها وياشعباتسامي
و واأسفاي
| |
|
|
|
|
|
|
| |
معتصم مصطفي الجبلابي
الفاتح سليمان
محمد هشام
Mustafa Mahmoud
وليد محمد المبارك
معاوية عوض الكريم
Zomrawi Alweli
مجاهد عيسى ادم
سرى بخارى
عاطف عبدون
سعد مدني
عزام حسن فرح
Muna Khugali
jini
دينا خالد
محمد كابيلا
Al-Shaygi
El hadi A.bashir
سارة علي
Bashasha
حافظ عبد النبى
عمر سعد
حمور زيادة
اسعد صلاح البدري
Saifeldin Gibreel
فيس بوك
تويتر
انستقرام
يوتيوب
بنتيريست