|
دعواتكم لزميلنا المفكر د.الباقر العفيف بالشفاء العاجل
|
|
 Re: سلامـــات ياسودان جديد وعوافي ياوردي (Re: tmbis)
|
This article is written 8/7 in Alrayaam newspaper by Anwar Awad
Regards,
Gamal
***************
الخــــرطــــــوم تستقبل قـــرنــق
فلنغنى معاً.. سلامات.. عوافي وطنى المنصور.. والريد ممهور
الخرطوم: انور عوض
سلامات.. سلامات
سودان جديد ** وطني المنصور
عوافى ** عوافي
صباح الخير والنور
مساء الخير والنور
سلامات ** سلامات
شال وعباية ** كسكتة وتوب دمور
يا بت نجفاية ** رايعة شعور
يا لوح وقراية ** وتر طنبور
يا عين بكّاية ** وريد ممهور
بهذه الكلمات التي نظمها الشاعر محمد عبدالله، يصدح الفنان محمد وردى باغنيته الجديدة عن السلام.. والحب بين مجموع التنوع السوداني بكل ابعاده..
«سلامات» وردى تشبعت بما اقرته اتفاقية السلام من اطروحات جديدة.. لذلك، يترنم وردى في احدى مقاطع الأغنية بـ :
سلامات..
يا صوفي.. وسني.. وعلماني
يا شوق يا ذوق.. يا انساني
يا غربة وقربى.. واهلية
يا غالى غلاوة.. خرافية
ومهجن عربى وزنجية
ويمنح وردى للاغنية ابعاداً عميقة وسامية في آن واحد.. وهو يشدو وفي مخيلته ضرورة ان نتجاوز جميعاً مرارات الحرب:
يا آهه..
يا صوت فنان صحاني
طراني الماضى ونسّاني
اشعار في السبحة الألفية
وينادي وردى بصوت كل اهل السودان في آخر بيت من الأغنية. ينادى الوطن الذي أدمته جراح الحرب وانّاتها:
يا أول وآخر.. سامحنا..
سامحنا..
وليس بعيداً عن روح السماح تلك التي يستقبل بها الشعب السوداني ظهر اليوم الدكتور جون قرنق ايذاناً بـ «الخطو الحميم» نحو حلم الغد المأمول، عكفت اللجنة الفنية باللجنة العليا لاستقبال قائد الحركة الشعبية منذ اسابيع لتصميم عدد من الفعاليات الثقافية والابداعية والكرنفالية للاحتفاء بمقدم قائد الحركة الشعبية بإعتباره رمزاً قومياً. وسبق وصوله حملة اعلامية جمالية ضخمة، اذ غطت «البوسترات» بابعادها التشكيلية شوارع الخرطوم، تدعو الجميع لأن نبدأ صفحة «خضراء»، فاللون الأبيض كما أراه يشكل دلالة الفراغ بينما عمد الفنانون المصممون للوحات الى شحذ الهمم نحو النماء والمستقبل الأخضر.
ولأن اللجنة المصممة للبرامج الاحتفالية بقرنق ارتكزت على مفاهيم قومية وذهبت بإرادة المثقفين والمبدعين والجميع، نحو تعزيز الحريات والعدالة الاجتماعية والمساواة وكل القيم الانسانية النبيلة التي من شأنها اعلاء شأن الوطن ومواطنيه، لم يكن غريباً ان تحمل لوحات الاستقبال صوراً ذات دلالات إتصالية.. نبعت قوتها في الفلسفة الاجتماعية التي تضمنتها اللوحات.. «المرأة» «الطفل»، «حميمية الأسرة».
وبين هذه وتلك، ابتسامات منعشة ترتسم على شفاه قائد الحركة وهو يحمل على كتفيه طفلاً.. وفوق هذا وذاك، التركيز على عبارات مجتمعية اطلقها جون قرنق حول التنمية والريف. بإختصار: خلت اللوحات من الاشارات السياسية المباشرة وتعمقت في تفاصيل الحياة العامة للناس والاحلام والمستقبل الذي ينتظر الصغار. ولعل كل القيم والمفاهيم التي بنيت عليها البرامج تجسدت في الاحتفالية التي نظمتها اللجنة الفنية مساء امس الاول بدار الرياضة بام درمان، فعلى ارضية الملعب ــ الأخضر ايضاَ ــ تجسد كل السودان بثقافاته.. وجغرافيته. ووضح التنوع.. والعلم الواحد.. وحبس آلاف المحتشدين لحضور الأمسية، انفاسهم مع اغنيات السلام.. فالفنانون صلاح براون، عمر احساس، شرحبيل احمد، محمود عبدالعزيز، جون ميثانق، ابراهيم دينق والمجموعات الغنائية التراثية. وبالرغم من نجومية هؤلاء الفنانين الا ان الجمهور «الهجين» نال النجومية وهو يجد في كل لوحة غنائية نفسه كسوداني، مع البجا، الفور، الدينكا.. الخ.. تسامى الجمهور عن ثقافة القبيلة الضيقة، الى سموات الوطن واحلامه.. بعضهم كان يغني للسلام.. وآخرين ارتدوا شعارات السلام على اقمصتهم.. وحسناء جنوبية ترقص على انغام طمبور الشايقية.. وشرحبيل احمد يرقص مع الكمبلا.. و.. و... لوحة احتفالية راقية تدعم امل الغد ما توسعت في رقعتها الجغرافية من دار الرياضة بام درمان الى المليون ميل مربع.. ولو عجز احدنا عن المشاركة المهمة في استقبال د. جون قرنق فليحتفل على طريقته وليلوح بيديه.. مودعاً لدموع الحرب مستقبلاً الوعد والنماء.. والحرية.. وشدو العصافير.
| |
 
|
|
|
|
|
|
|
 Re: سلامـــات ياسودان جديد وعوافي ياوردي (Re: peace builder)
|
شكرا ياجمــال
...
| Quote: تسامى الجمهور عن ثقافة القبيلة الضيقة، الى سموات الوطن واحلامه.. بعضهم كان يغني للسلام.. وآخرين ارتدوا شعارات السلام على اقمصتهم.. وحسناء جنوبية ترقص على انغام طمبور الشايقية.. وشرحبيل احمد يرقص مع الكمبلا.. و.. و... لوحة احتفالية راقية تدعم امل الغد |
كنت ابحث عن اسم الشاعر محمد عبد الله الذي صاغ امنيات مليون ميل ، وترجمهافي شكل ملحمة جديدة استاذنا محمد وردي ..
وشكرا لما سجله أنور عوض ، وليكن مرجعية يتأملها اصحاب النظرة الاحادية ضيقة الزاوية وهم يتوزعون الوطن فريسة سهلة المنال ..
وسلامات .. ومليون سلامات
ياغالي غلاوة خرافية
ومهجن ( عربي وزنجية )
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: Rakoba)
|
راكـــوبة
جميل ياعمدة . وصيد موفق لابد كان من توثيقو
..
ولابد من الاشادة بعوض احمودي عازف العود الخطير ، وعازف الايقاع ، والكورس الموزون بقيادة استاذة آمال النور
وياريت لو تمدنا بي الاسماء التانية للكورس ..
الف شكر ياعمدة
ومليون سلام ..
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: Rakoba)
|
عمـــــدة..
شغل نضيف ..
وبالمناسبة دي راجع الماسينجر الداخلي ..
..
الاصوات المميزة
استاذة آمال النور
وفــاء متولي وهي عضو فرقة بوهين النوبية
وسارة النور ، الصوت القادم بقوة شديدة
ودائما الاستاذ وردي بيختار الكورس بعمق ودراسة
هنئيا لنا بهم وبي وردي
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: الجندرية)
|
اماني
كل سنة وأنت طيبة يا طيبة ..
وربنا يحقق .. كل امانيك
بي دعوتك السمحة دي
..
شاعر الكلمات الجميلة دي يااماني ( محمد عبد الله ). ووردي كالعهد بيهو وصل الفكرة كاملة في الاخراج والاداء المعروف ..
كل سنة وأنت بطيبة الدنيا كلها..
| |
|
|
|
|
|
|
|
|
 Re: سلامـــات ياسودان جديد وعوافي ياوردي (Re: مريم بنت الحسين)
|
بت الحسين
ازيك وكل سنة وأنت بالف خير وعافية .. وعام سعيد ليك ولي نادر ..
| Quote: غايته الأغنية ما شغاله كويس |
بعدين يكون في علمك دا أول بلاغ كاذب في السنة الجديدة دي
طبعاالملف حجمو كبير جدا اضطريت اضغطو wma وهي فورمات خفيفة زي ما عارفه وعملتو Loop وإنت عندك عقده مع الـ Loop من زمان 
إذا كان في أي بلاغ تاني من اي جهة.. كان الواحد فتش لي راسو بي وين ، لكن كدي شوفي الحاصل شنو من عندك شوفي الديفولت بتاع التشغيل عندك شنو ؟؟ Real والا Media player الظاهر لي ده برضو بيفرق
وحاولي تحفظي الملف في الجهاز .. واديها رجعة كان ما المشكلة ما اتحلت ليك علي بودي ليك الـ Loop في خبر كان لانو بيني وبينك عندي مزاج اني انزل باقي الحلقة ..
Save @ PC
| |
|
|
|
|
|
|
|
|
 Re: سلامـــات ياسودان جديد وعوافي ياوردي (Re: tmbis)
|
تمبس الخطير
ولدنا المفخرة
دايما سبٌاق
نشكر لك أن وفرت لنا إستماع ثاني لهذا العمل
وحقيقة كنت أترقب منك هذا السبق.
لقد أطربني عازف العود كثيرا
وردي يا هو وردي، ممتع بألحانه البسيطة.
وصوته في أحسن حال.
مرة أخرى سلامااااااات، سلاماااات
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: mustafa mudathir)
|
اووووووووو دكتور مصطفى مدثر ..
يعني أنت واستاذ عاطف عبد الله
طيب اصلو الصيد بيكون كيف ؟
| Quote: أن أم درمان هي جغرافيا الروح! و ليتني ما تمليت عندهما فكرة الروح في الجغرافيا و لا نزلت من علايل أبروف أوذكرت مقرن النيلين فلقد ترنحت و أنا أطوّف بصري على الوجوه التي أكسبتها غربتها عني أمنة من فردية سميكة عصية على من يهتبل المقاربات مثلي فحرت كيف و أنّى لي أن أجلو لنفسي صورة لمدينتي الجديدة و أم درمان قد أخذت مكانها هنا و في متن البهاء؟ |
بعدين يادكتور وأنت مافي كنت بوزع منشورات طوالي انا وماسك في كوب الشعير قوي هههههههه
انا عارف وردي ده يوم بكتل ليهو زول
..
تعرف يادكتور
عازف العود ( عوض احمودي ) في اغنية تاجوج عمل عمايل غريبة جدا وطبعا هو عارف المسالة دي ولما السمالة تكون صعبة ..بيقوم بيساعدة بي ( نطه ) لي فوق .. عندو تكنيك غريب جدا في توزيع ( الانارموني ) وتكنيك غريب جدا لي ( الريشة ) انارموني وريشة بي المقلوب .. والله حاجة غريبه خلاص ..
عايز اتشيطن اكتر واحاول انزل ملف فيديو للقصة دي ..
..
(( سلاف الغنا )) أغنية وردى الجديدة
صبايا أتاوا
Quote: صبايا أتاوا
لا يخفن البرد !
أرى اجسادهن (تتب)
في فوضى عبور
حين يشير مصباح المرور
الاخضر
نحو ثلج ! |
شفت التفتيش كيف ( يادرش )
طبعا المنشورات دي منها ( كوبي ) لي
استاذ عاطف عبد الله ، والجندرية..
..
قليبي المنو اصلو شقاي وريدي يزيد الهم علي ....
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: tmbis)
|
السلام عليكم
أخي تمبس
تحية لك وأنت تحارب القبح والدجل وإدعاء البطولات الدونكيشوتية والكذب المستشري في هذا المنبر
بالجمال والشفافية والصدق
والفن
شكراً
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
 Re: سلامـــات ياسودان جديد وعوافي ياوردي (Re: الزوول)
|
الأخ العزيز الزووول ..
سلامات .. ولك كل التحايــا..
..
الفن رسالة سامية ، ومصدر الهام ، وسلاح فتاك في مشهور في وجه القبح
لذلك يجب أن نجاهر به ونعمل على نشره بما نستطع ..
..
شكرا لوردي لما قدم وما سيقدم من أجل رسالة الفن ، ومن أجل السودان
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: مريم بنت الحسين)
|
| Quote: بعدين قلت اكاويك شوية في بداية السنة الجديدة... |
يعني كــدا يامريم؟؟
..
حظك كويس ..
الشبط الأخدر بفتش فيهو يومين ، فرمطت الجهاز ، وفرمطت الشبط معاك
وخدر ما لامي فيهو.. ..
ما محتفظه بيهو في الجهاز تديني ليها ( شده ) رد ردين ونرجعوا ليك
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: tmbis)
|
آي انت اقعد وزع لي في منشورات ناس دكتور مصطفى ديل
وخلينا نحن نقعد نعني بس في
قليبي الاصلو منو شاقي وريدي
غايتو كانت قفلة عجيبة للسهرة
غايتو الحمد لله نحن اتعودنا على الجرعات العالية
وكان دايرة منها اقصد الجرعات العالية امش شوف بوست الاولاد السودانيين
بهناك
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: الجندرية)
|
غايتو ياامــاني الايامات دي الجرعات العالية .. عالية جدا
قبل كم يوم كانت 220 فولت
الليلة تحديدا .. جنريتر عديل كدا ..
بعدين تعرفي ..
منشورات د. مصطفى دي .. مصبننها في مكان بعيد .. بتطلع في الاعياد والناسبات الرسمية بس
..
| Quote: قليبي الاصلو منو شاقي وريدي |
ويوم بالطريقة دي بكتلنا عديل
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: الجندرية)
|
حمزاوي ...
والله يا ابو النسب عارف وردي ده بيجيب اجلك
بس نان شن نسوي
ــــــــــــــــــــــ
الجنترية ..
الجنترة دي خليها لينا ناس نحن ديل ..
انت امسكي بس في مكان القلب..
مش قال ليك المنو ضقاي وريدي ..
اها خلى شنو تاني
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: ABDELAZIZ MAHADY)
|
عوافى يا تمبس .. وكل سنه وانت طيب
شكرا على كل الجمال البتهديه من دواخلك
شكرا على شاعر الكلمات عميق الوطنيه
شكرا لرائعنا وردى العودنا على الجمال والحب
دوما شامخا شموخ اهلنا فى الشمال ..ربنا يحفظه ويديه العافيه
شكرا تمبس وكل سنه انت وكل المتداخلين بالف الف خير
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: soma)
|
عبد العزيز
عوافي .. وسلامات .. ياصاحب
..
استاذتنا سومه الجنيد
وحبابك مليون مرة ، ولا يتذوق الجمال إلا من كان مشبعا به ..
وعندما يكون العشق للوطن ، والغناء للوطن هنا تظهر كل اشكال الجمال النابعه من قلوب تؤمن بحبه وتعشق مفردة الوطن ..
التحية عبرك لاستاذ الاجيال محمد وردي ولشاعر الاغنية محمد عبد الله ،
وكل سنة وأنت بكل خر الدنيا ، وللوطن الجميل كل الغناء ..
وعشت يا استاذة ومرورك عطر المساحة
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: tmbis)
|
العزيز علاء
يبدو أننى وصلت متأخرا جدا جدا جدا
أعترف بكسلى الشديد فى هذا الشهر وأعلق بعض الأسباب على شماعة المرض والإرهاق والمشغولية التى هاجمتنى مع بداية السنة.
أما عن وردى ووطنياته فأحب أن أشاركك الإحساس:
* ما زال إستقلال السودان عندى يوازى نشيد الإستقلال قى ذاكرتى السمعية مقرونة بكل الحنين
لتلك الفترة الجميلة من تاريخ السودان ونحن نردد هذا النشيد فى الجمعية الأدبية بمدرسة قيسان
الإبتدائية فى أوائل السبعينات, هذاالحنين أو النوستالجيا كما يسميها الغربيون سمة أساسية فى
كل الأغانى السودانية الأصيلة, غير أن ملامحها أوضح قى أغنيات وردى كأنما سكب عليها وردى ماء
الورد ولون الورد وروح إسمه(الطير المهاجر,المستحيل,الحزن القديم..........) إلا الود التى
مزجت بين الوقوف على الأطلال (شعرا) والإطلال من برج إستشراف (موسيقى)
* وردى عندى بكل صدق يعنى = أو يوازى السودان السمح ,تلك الصورة التجريدية والأحاسيس
والذكريات التى استدعيها كلما أغمض عينى لأستمع لشريط الود والطير المهاجر.
* شكرا علاء,عرفانا لوردى وإنحناءة للسودان القديم.
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: عاصم الطيب قرشى)
|
العزيز جدا عاصم ..
تبراك العافية ، وسلمت من كل شر ..
Quote: هذاالحنين أو النوستالجيا كما يسميها الغربيون سمة أساسية فى كل الأغانى السودانية الأصيلة, غير أن ملامحها أوضح قى أغنيات وردى كأنما سكب عليها وردى ماء الورد ولون الورد وروح إسمه(الطيرالمهاجر,المستحيل,الحزن القديم..........) إلا الود التى
مزجت بين الوقوف على الأطلال (شعرا) والإطلال من برج إستشراف (موسيقى) |
هي نفس النوستالجيا..
ما يعبر عنا وردي به ، ماينقلنا لعوالم حنين الوطن عندما يصوغ عباراته اللحنية وتركيباته الموسيقيه التي لا يعرف ان يصنعها غير محمد وردي ..
اختلفت المسافات الزمنية وظل وردي يعبر ايضا عن وطن معشوق إرث متداول ، وعن حبيبه وعن شجن عن اسماعيل حسن ، والدوش وكجراي ، ومحمد عبد الله ، وقريباً اسماعيل الاعيسر .. الطير المهاجر ، وطنا ، الود ، الحزن القديم ، مافي داعي ، ســـودان جديد .. ويظل وردي متربع في الدواخل ومنحوت بحروف مضئية ، يحملنا حنينا للوطن يقرب مسافاتنا ويمنحنا بعض من يقين بسودان معافي..
اكتب عني .. وعن عشقي لوطن يترجمه وردي نوته واحساس عالي ..
عوافي ياوردي وسلامات يا عاصم
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: khaleel)
|
خليل العزيز
صاحب القلم الرشيق..
سلامات واتنين مليون مرحب ..
..
يلالا خلينا نثبت حاجه طالعه من كلامك ده | Quote: الما دايرك في الضلمة احمر ليك |
تثبيته أولى ..
أنو البوست ده اخترعو تمبس البين يوم وليله قلبوهو لي كوز مع سبق الاصرار والترصدهنا
تخيل إذا كان جا من مكان تاني كان ح يكون كيف ..؟؟
التثبيته التانية..
الطيب صالح اتبستف هنــا لمن عرف حاجه ، وبالتالي وردي عادي ممكن يحصل ليهو الحصل ده مجرد ما طلعت صورة قاعد مع البشير ، والبشير مغبي من صوت وردي .. طيب ياخي وردي ده ما غني من قبل القشير ده تطير عيشتو ، البلابل ديل ما غنو لي ابعاج ، وسيد خليفة غن ايدناك بايعناك .. هل اتمسحت هويتهم التاريخيه بي جرة قلم او فرقعت كيبور ..؟
في تثبيتات كتيرة ياخليل وواضحة جدا وعداد الزوار للبوست ده بياكد حقيقة وردي
وفي النهاية ياخليل
اهلا بكل من يعشق وردي هنا وهناك وفي اي مكان .. وهم كتار جدا
يطير البشير ، وكل حكومات الدنيا
ويفضل وردي هو وردي
وكفاية جدا حتى لو سمعناهو .. أنا وأنت بس .. ( راس )
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: بهاء بكري)
|
الأخ الشقيق العزيز
بهــاء بكري ..
منور يا صديقي بطلتك .. اطمئن أنا وأنت تحمل لي كل الود وتشملني برعايتك الاخوية
ربنا يديم المحبة بيننا يا بهاء ..
..
بطرفك ماسينجر داخلي فيه رقم تلفون أرجو محاولة الاتصال .. لإعادة ذكري أيام جميلة ..
..
التحية ليك .. ولي وردي ، ولعمق العلاقات الاخوية الصادقة.
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: walid taha)
|
كان لي شرف حضور بروفات هذه الأغنيّة في منزل الأستاذ في العام الماضي. وحقيقةً أعجبت أيّما إعجاب بطريقة تلحينه وملاحظاته التّي كان يبديها للعازفين. وأثبت الأستاذ وردي براعته وسرعته المعهودة في التلحين واختيار الكلمات. إذ لم تنقضي الجلسة إلاّ وكانت الأغنيّة جاهزة. وأذكر أنّه قال معلّقاً إنّ مثل هذه الكلمات هي الّتي يتلّقفها الجمهور بتلقائيّة وحميميّة.
متّعك الله بالصحة والعافية يا وردي السّودان.
| |
|
|
|
|
|
|
|
|
|
Re: سلامـــات ياسودان جديد وعوافي ياوردي (Re: ABUZEEGH)
|
العزيز ابو الزيق ..
دا شــرف الواحد بيحــلم بيهو.. ميلاد اللحــن الوردي ولحظة دمــج الاحساس المصاحب جــوه المزيكــا.. مع الـ touches واللمسات الساكنة في عمق زول واحد ـ محمد وردي
غني وردي .. في حفل نيويورك .. رائعة الاستاذ محجوب شريف ـ القرن الـ ( 21 ) غناها في حفل عام ولــم تكتمل بعد واعتذر على ذلك فكانت سيمفونية خرافية
محتار ـ كيف ح تكون لمــا تكتمل ..؟
وردي
يــا
غـــالي
غلاوة خرافية
| |
|
|
|
|
|
|
| |
tmbis
peace builder
القلب النابض
bob
ابو جهينة
فيصل نوبي
ويارب دائما اختياري يعجبك ونقدر تقفل الفتحة بتاعت السلك دي ..
Rakoba
ضحيه ابراهيم
عاطف عبدالله
الجندرية
sari_alail
Mohamed Abdelgaleel
مريم بنت الحسين
mustafa mudathir
الزوول
ودقاسم
saadeldin abdelrahman
Haydar Badawi Sadig
حسام يوسف
Ahmed Abdallah
بهاء بكري
khaleel
فيس بوك
تويتر
انستقرام
يوتيوب
بنتيريست