دعواتكم لزميلنا المفكر د.الباقر العفيف بالشفاء العاجل
|
|
 لماذا يكره السودانيون الـ(كمساري) ؟؟؟!!!!!
|
بالامس وبالقرب من عفراء إنهالت فتاة بالضرب المبرح على كمساري لأنه نسي أن ينزلها قبل نفق عفراء كما أخبرته وأنزلها بعد الخروج من النفق . الشاب لم يدافع عن نفسة إطلاقاً كما قال من شاهدوا الحدث ولم يمد يده إطلاقاً حتى لتصدي الضربات التي سددتها له الفتاه التي لم تتوقف حتى إمتدت يد السائق لتوقفها وقام الركاب بتهدئة هذه الفتاة الغريبه .
وكثير من المشاهد المشابهه
فمن النادر جداً أن تمتطي إحدى الحافلات العامه ولاتحدث مشاحنه بين راكب وكمساري وعادةً يتحامل الركاب ويقفون في صف الراكب خصماً على الكمساري الذي لايطالب بشيء سوى أجرة المقعد وهي التعرفة المتعارف عليها والمصدقه من الحكومه وكثيراً ماينتهي الأمر ببنية أو بنيتين على وجه الكمساري .
المهنه شاقه ومجهدة لأقصى درجه وتجبرك على التعامل مع جميع أنواع البشر من مثقفين وطلاب وسفهاء وكل الأنواع وتتطلب مرونه وصبر بالغين للخروج بأقل خسائر ممكنه بنهاية اليوم لكن أحياناً يبدو لي وكأن بعض السودانيون يرضعون كراهية الكماسرة عند ولادتهم .
|
|
 
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: محمد فرح)
|
ركاب الحافلات العامه جميعه من الطبقة المتوسطه أو الفقيره وأغلبهم يركبون مثقلين بالهموم والمشاكل المادية والأسريه فيصبح الكمساري المطحون أكتر منهم متنفساً لهذه الهموم والمشاكل ويقوما يتفشوا فيهو مشاكلهم كلها .
واحد بتونس معاهو قاللي (مابكره حاجه في الدنيا إلا الكماسره)
قلتليهو ياخي مالهم ماناس مكافحين وفي منهم الطالب والخريج والمثقف وناس شغالين بي عرق جبينهم
قاللي ياخي مره من بحري ماشي الثوره فركبت من بحري للشهداء وجيبي مافيهو غير الفين أديتها للكمساري ونسيت عندو الباقي ونزلت فت - لمن وصلت مواصلات الشنقيطي إتذكرت إني نسيت الباقي عند الكمساري قفلت راجعاً أبحث عن الحافله ولم أجدها فاضطريت أمشي الثوره كداري وأنا أسب وألعن هذا الـ(وغد) ومنذ ذلك الحين وأنا أكرههم وقبل ماأركب بفك القروش أو أقعد أجاجي في الكمساري لحدي ماأشيل باقيني .
بالطبع هناك قله (مستنكحه) من الكماسره وتلقاهم يغفلوك وينومو بالباقي لحسابهم الخاص ومرات أنا بدي الكمساري القروش ولمن أنزل ألقاهو يعين لي بي طرف كده داير يشوفني نمشي وبنسى الباقي وللا بقول لي اديني باقيني وأحياناً بعض السخفاء جداً يقول ليك (يازول ماأديناك باقيك قبييييل) .
لكن هذا بكل تأكيد لايفسر الكراهيه المطلقه التي أجدها عند البعض للكماسره فكل مهنة بها الصالح والطالح بكل تأكيد
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: محمد فرح)
|
محمد ..سلامات ..
| Quote: بالامس وبالقرب من عفراء إنهالت فتاة بالضرب المبرح على كمساري لأنه نسي أن ينزلها قبل نفق عفراء كما أخبرته وأنزلها بعد الخروج من النفق . الشاب لم يدافع عن نفسة إطلاقاً كما قال من شاهدوا الحدث ولم يمد يده إطلاقاً حتى لتصدي الضربات التي سددتها له الفتاه التي لم تتوقف حتى إمتدت يد السائق لتوقفها وقام الركاب بتهدئة هذه الفتاة الغريبه |
لو كان المعتدى على الكمسارى شاب لدافع عن نفسه ولكن ولانها فتاة سكت ..ده شخص محترم يامحمد ويعرف الاصول وانو ضرب البت عيب ولو ضربها الدنيا كلها كانت غلطتو ..والبت واحدة مايتعرف الاصول والعيب ..
محمد بس ماتكون انت الكمسارى ؟!!
| |
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: فايزودالقاضي)
|
| Quote: لو كان المعتدى على الكمسارى شاب لدافع عن نفسه ولكن ولانها فتاة سكت ..ده شخص محترم يامحمد ويعرف الاصول وانو ضرب البت عيب ولو ضربها الدنيا كلها كانت غلطتو ..والبت واحدة مايتعرف الاصول والعيب .. |
فعلاً ياود القاضي
الكمساري ده زول شكلو زول حر وراجل ضكران لمن بهناك
كونو مامد يدو على البت الغريبه دي بل ولم تنطق شفتاه بكلمه فده بدل حسن خلقه وحسن معاملته
| Quote: محمد بس ماتكون انت الكمسارى ؟!! |
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: طارق جبريل)
|
| Quote: واله احسن ناس وعندهم لغة كدة قاعدة تكيفني في حناني |
مافي كلام ياطارق
أنا زاتي الـ(رندوك) ده بريحني
| Quote: يمين بالله احسن من حكومتك القادينا بيها دي |
دي لكن بالغت فيها
لأنو أكيد الإنجازات العملتها حكومتنا الرشيده ماممكن الكماسره يعملوها
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: محمد فرح)
|
Quote: لأنو أكيد الإنجازات العملتها حكومتنا الرشيده ماممكن الكماسره يعملوها
|
بالغت يا ود فرح
الكمساري دة يوريك انت ماشي وين
ويسكسك ليك للسواق وينزلك في حتتك
ومن بعيد يأشر ليك للحتة العايز تمشيها
ياخي حكومتك دي شغال اتجاه واحد
تفريغ السودان من أهله وتطفيشهم وكتل من بقي منهم كمدا
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: محمد فرح)
|
| Quote: محمد بس ماتكون انت الكمسارى ؟!! |
سبقتني يا ود القاضي
طبعاً انا اول ما قريت عنوان البوست قلت محمد فرح قاصد سودانيز اونلاين , شبه المنبر بالحافلة و الركاب انحنا .. سواق الحافلة بالضرورة بكري .. الكمساري ياهو الضحية و ده طبعاً محمد فرح .
الركاب غلطانين و الله لو تعدوا علي الكمساري .. الكمساري دائماً على حق .
محمد فرح حبابك .. ياخي رجع للناس باقيهم .
| |
|
|
|
|
|
|
|
|
 Re: لماذا يكره السودانيون الـ(كمساري) ؟؟؟!!!!! (Re: عمر التاج)
|
| Quote: محمد بس ماتكون انت الكمسارى ؟!! |
Quote: سبقتني يا ود القاضي
طبعاً انا اول ما قريت عنوان البوست قلت محمد فرح قاصد سودانيز اونلاين , شبه المنبر بالحافلة و الركاب انحنا .. سواق الحافلة بالضرورة بكري .. الكمساري ياهو الضحية و ده طبعاً محمد فرح .
الركاب غلطانين و الله لو تعدوا علي الكمساري .. الكمساري دائماً على حق .
محمد فرح حبابك .. ياخي رجع للناس باقيهم . |
يقع فيكم العدو الما صليح 
التحية يا ود فرح .. وموضوع ممتع الحقيقة
بالله ما دايرين تسييس يا جماعة رجاءً
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: GamarBoBa)
|
بمناسبة الكمساري
النكتة القديمة ديك
قالو كان بكووورك شعبي شعبي
فجاة في بتاع امن حدر ليهو
الكمساري قال وطني وطني
بعض الكماسرة بنومو بالباقي بحجة عدم وجود فكة
ومرات كتير ما برجع باقي القروش رغم ان الفكة معاهو
عشان لما تنزل تنسي
سوال يا محمد
هل الكمساري مهنة سودانية فقط
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: GamarBoBa)
|
| Quote: قالت ليها لو كنت مطلوقة زيك كدي كنت عرفت والله |
بوبا يا حبيبنا
ياخي قريبتي دي بالغت
عارف عندي قريبي كان شغال كمساري بي شرق ايام البصات ديك
لمن الكمساري يقوم يكورك عن المحطة الجاية
يا زول نسى ليك محطة النجيلة ديك
بقى يكورك:
السِعْدي السِعْدي السِعْدي السِعْدي
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: طارق جبريل)
|
| Quote: السِعْدي السِعْدي السِعْدي السِعْدي |
_
مرة برضو ايم الجامعة شلة راكبين في حافلة
في انصار سنة قاعد مع بت قاطعة عديل ..قريبته او خطيبته وهو قاعد في كرسي نص
الكمساري يقول ليه ارجع ورا يرفض
عامل مشكلة مرور عديل
الكمساري قال ليه ياخي ما ترجع ورا ..انصار السنة قال ليه صراحة كدة انا ما بقدر ارجع ورا والبت دي قاعدة هنا
الكمساري قال ليه شيخنا ارجع ورا مافي زول حيشيلها ويجري ..الحافلة دورت ضحك
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: GamarBoBa)
|
| Quote: لماذا يكره السودانيون الـ(كمساري) ؟؟؟!!!!! |
موضوع رائع
الكمساري هو الشخص الوحيد الذي لا يتواصل مع الركاب عبر الكلام
بل يستنفرهم مستفزا عبر الفرقعة ..
يتحصل فرقعة
يعيد الباقي لمسا
يتوقف وشوشة
لكن عنده نقنقة خاصة تعبر عن الإمتعاض
(( ما كنا واقفين هسع ))
((هسع الفكة نجيبها ليكم من وين ))
(( .........))
....
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: نادر النور آدم)
|
بمناسبة النوم بالباقي
قالوا في بورتسودان في زول بمشي حتة بلطط وبرجع بالليل
يدي الكمساري الف أو خمسة ألف أو عشرة الف برجع ليه خمسمية وبقول ليه انت اديتني الف بس وبستغل انو لاطي
قالوا عمك زهج من الكمساري ده قالوا من العصر طلع ليه عشرة الف كتب رقمها في ورقة برة وتكل
اخد لطته وجا راجع لما ليك في الكمساري اداه عشرة الف
الكمساري اداه خمسمية..الشكلة دورت قال ليهم ودوني القسم..مشوا القسم الكمساري قال ليهم الزول اداني الف جنيه وسكران وعامل مشكلة
الزول قال ليهم اربعين جلدة بـاخدها مافي مشكلة لكن خلوا الكمساري يطلع كل الفي جيبه
قام طلع الورقة قال ليهم فتشوا عشرة الف رقمها 6746844 وعدا ليك الارقام
قاموا قبضوا الكمساري..قال ليهم الزول ده طواااااااالي بعمل العملية البايخة دي معاي..احبسوه وادونا سيطاننا النمش
يا ودجبرين علي اليمين عمك ده بالغ رسمي..ما اتي لحوار كلو كلو
يا محمد فرح تعال استلم بوستيك ده ياخ
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: محمد عبدالرحمن)
|
في الغالب الكساري يعمل بهذه المهنة اكراهاً، فهو سليل اسرة حكم عليها بالعوذ والفقر وقلة الحيلة
(ضعف الواسطة) فخياراته مغلقة ، والتعليم اصبح سلعة تشترى ، انا اعرف الكثيرين طلاب جامعات يعلمون
كماسرة حتي يستطيع القيام باعباء التعليم علي نفقته. فهو لا يستطيع شراء المذكرات ودفع الرسوم، والايجار والووووووو. بهذه الطريقة فهو يقع بين سندان الركاب ومطرقة السائق، والذي كثيراً مايملي
عليه تحمل الركاب . وكذلك هو واحد من المقهورين الذين يتقبلون استفزازات الراكب ربما لانه بحكم
بساطته يعتقد انها احدى الواصلات الائي يجلبن عليه من المصائب اكثر ان تجرأ علي الاخذ بتاره ، لذلك
فهو يضمر ويكتم الغبن لحين.
ولكن قل لي هل انت تحب الكماري يامحمد فرح؟
الكمساري انسان خلوق وهو رمز العزة السوداني والوحيد الذي ياخذ الرحلة وقوفاً ويخدمك ان توقفت العربة
بسبب عطل او غيره وهو الوحيد الذي يقف علي انزالك في المحطة التي تود.
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: ibrahim alnimma)
|
برافــو ود النعمـــة ...
الحمد لله الما قلــت الكمسارى رأس الرمــح فى حركة التغيير القادمــة من رحــم الشارع السودانى
Quote: الكمساري انسان خلوق وهو رمز العزة السوداني والوحيد الذي ياخذ الرحلة وقوفاً ويخدمك ان توقفت العربة
بسبب عطل او غيره وهو الوحيد الذي يقف علي انزالك في المحطة التي تود. |
| |
|
|
|
|
|
|
|
|
|
Re: لماذا يكره السودانيون الـ(كمساري) ؟؟؟!!!!! (Re: بدر الدين اسحاق احمد)
|
قال ليك عربى اول مره يجى الخرطوم ..والجماعه
هناك خوفوه وشبعوه وصايا ..اعمل حسابك من ناس الخرطوم
ديل ناس ماعندهم اخلاق وماعندهم ذمه ..ومابخافوا الله ..
وابقى عشرة على روحك دى ..اى شيء جائز ( ....) ...
قاليك العربى نزل السوق الشعبى لقى ليك الكماسرة
شغالين كواريك ..(اركب العربى ...اركب العربى ) ...
والعربى قام فاتح ...
***
النكتة بعد اجراء التعديل اللازم الذى يجعلها مطابقة
للمعايير ...
| |
|
|
|
|
|
|
| |
محمد فرح
فايزودالقاضي
طارق جبريل
الصادق ضرار
عمر التاج
نادر النور آدم
GamarBoBa
khaleel
صلاح شكوكو
Hafiz Bashir
محمد عبدالرحمن
ibrahim alnimma
بدر الدين اسحاق احمد
خضر حسين خليل
فيس بوك
تويتر
انستقرام
يوتيوب
بنتيريست