|
نحن شعب تحت الجزمة... وعواليق وكمان شحادين!
|
هكذا على التوالى وعلى الملأ خاطبنا رئيسنا و ايضا مسئول امننا ووزير خارجيتنا....فاين المسيرات الهادرة الغاضبة داخل وخارج الوطن مثل هذه التي نشهرها في وجه لبنان لرد الاعتبار لكرامتنا التي اهينت في داخل الوطن وللاسف من قبل اهلنا وليس من قبل لبنانيين ورغما عن ذلك فلا زال الرئيس رئيسا حيا (يفرفر) بكامل شرعيته المزورة يتنطع فينا بالوطنية والعزة والكرامة الجوفاء وايضا جلمود الامن (غوش) عاد اكثر شرعية وهو نائب محترم في البرلمان الوطني سمين ونضيف و(ملظلظ) والطفل المعجزة مصطفى عثمان لا زال متصدرا وسائل الاعلام رجلا عاما بماكينة وزير خارجية غير منصب!!؟
|
|
|
|
|
|
|
|
Re: نحن شعب تحت الجزمة... وعواليق وكمان شحادين! (Re: هشام هباني)
|
Quote: نحن شعب تحت الجزمة... وعواليق وكمان شحادين! |
وانت كذلك ... دى صفات اتبالا بيها براك ... يقولوا اليقولوها .. و يقعدوا محل قاعدين .. و نحن يانا نحن .. شعب محترم ، يعرف قيمة نفسو ، و عزتنا فوق راس اى عولاق زيك .. نحن يا هبانى لا نضع انفسنا هذا الموضع و لو حكمتنا اسرائيل ، لكن انت زول يائس و مفلس ..
| |
|
|
|
|
|
|
Re: نحن شعب تحت الجزمة... وعواليق وكمان شحادين! (Re: انور التكينة)
|
اخونا التكينة
تحياتي
Quote: يقولوا اليقولوها .. و يقعدوا محل قاعدين |
وان كان هذا قولك فلماذا الضجيج والجلبة والهياج الان لاجل الكرامة والعزة في مواجهة لبنان ونحن (تحت الجزمة وعواليق وشحادين) على قول حكامنا وايضا اراضينا محتلة واسرائيل تقصفنا وتنتهك حرمة ترابنا وارادتنا تزور علانية والقوات الدولية تنتهك سيادتنا ولم نسمع بمجرد همس اوهمهمة ترفض وتستنكر كل هذه الاستباحات؟!
| |
|
|
|
|
|
|
Re: نحن شعب تحت الجزمة... وعواليق وكمان شحادين! (Re: هشام هباني)
|
سلامات بعودة العمدة المناضل الجسور والاسد الهصور هشام هباني ..
Quote: نحن شعب تحت الجزمة... وعواليق وكمان شحادين! |
كان الأولي تكون الجملة كدة :
( أنا زول تحت الجزمة ... وعواليق وكمان شحاد! )
عشان أقول ليك صدقت ورب الكعبة ..
الملاحظو إنك حاولت تركب الموجة بتاعت عنصرية الشعب اللبناني وتناضل بيها في بوستات سابقة
ووقت ما لقيت ليك فرقة قلت اخيــر ادخل من باب خالف تذكر عسي ولعل وياناس الناضل من الداخل وانت مرطب برة مع البيرجر والجعة الباردة .. هسع برضو بعد يا اخونا فيكم الخير ما لقيت فرقة بقيت تشوت يمين وشمال وتكوجن وتسوط .. ولي هسع ما جبت حق مريسة تام زين
| |
|
|
|
|
|
|
Re: نحن شعب تحت الجزمة... وعواليق وكمان شحادين! (Re: HAIDER ALZAIN)
|
Quote: وانت كذلك ... دى صفات اتبالا بيها براك ... يقولوا اليقولوها .. و يقعدوا محل قاعدين .. و نحن يانا نحن .. شعب محترم ، يعرف قيمة نفسو ، و عزتنا فوق راس اى عولاق زيك .. نحن يا هبانى لا نضع انفسنا هذا الموضع و لو حكمتنا اسرائيل ، لكن انت زول يائس و مفلس .. |
عفارم عليك يا مأصل ، ويا أصيل، ويا أصل . عزيزي انور التكينة
| |
|
|
|
|
|
|
|