|
Re: زغزووووووووووووووووغ يا صفْوة (Re: علاء الدين يوسف علي محمد)
|
كعادة شباب شارعنا الكورة في صالونّا زغزوغ رُغم صِغر سِنّه لكن يحب التِحِشِّر آخر مرّة كان لابس أزرق بعد الإسماعيلي ظاهر قلب الليلة جا الصالون دباب بس رابِط دُبارة صفرة ملخبتة بي أحْمر
عِرفت ليك زولنا قلب تب و سينْقلِب معه الجّماعة شرّ مُنْقلب بيني و بينكم إتكيّفْتا شديييييييييييييييد و قلت ليهو أيواااااااااااااااااا يا زغزوغ كِدة تمام قرِّض على كِدة
بعد القون التاني شِلتو فوووووووووووووق و قلت للجماعة الله يخلي ليكم زغزوغ دة
بعد الكورة إنتهت بي دقايق صاحبنا إختفى بعد شوية الباب دقّ و كِمِّيّة من الشُفّع زافِّين زغزوغ بمظهره الجديد أي والله خمسة دقايق جرا البيت غيّر و لِبس أزرق بي أبيض جابوهو لي الشُّفّع قِدّام الباب ما لقيت قِدّامي غير حل وااااااااااااحد بس مسكتو و رفعت ليهو يديهو و يهو بيقالع و أنا بقلِّع هو يقالِع و أنا أقلِّع لحدي ما مرقت مِنُّو الفنيلة الفوق الباقي قُلت ليهو تِمُّو في بيتكم و دخلت بي فنلتو البيت و قفلت الباب بعد شوية حيجيني أبوهو (صحبي) حأديهو الفنلة بشروط إنو لو شُفت زغزوغ لابِسا حأقلِّعو تاااااااااااااني و في الشّارِع و ما الفنِّلة بس كِدة بس كِدة بس
| |
|
|
|
|
|
|
Re: زغزووووووووووووووووغ يا صفْوة (Re: علاء الدين يوسف علي محمد)
|
أولا بعد التبريكات يا علاء ياخي الناس ديل فاكينها في نفسهم صفوه صفوه صفوة شنو ياخي بعد السووهو في ناس الترجي داك تاني في داعي يجيبو سيرة (الكفوه) دي؟!!!
تخريمه عليك الله لو في طريقه تجيب لينا هدف أمبيلي الملغي فيديو هنا والله أنا أعتقد الهدف ده مافيهو أوفسايد بس لو جبتو لينا يكون عملت كويس
| |
|
|
|
|
|
|
|